རྫོང་ཁའི་ཞབས་ཁྲ། ༼ཆ་སྡེ་ལས་ཚ་སྡེ་ཚུན།༽
༉ ཆང་ཚང་སྒོར་མོ་མི་བཙུགས།། ཆང་ཚང་སྒོར་མོ་བཙུགས་ཡོད།། ཆང་ཚང་སྒོར་མོ་བཙུགས་ན།། ཉི་མ་ལ་སོ་ཤར་གྱི་ཕྱོགས་ལ་བཙུགས་ཡོད།། ཤར་ན་རྡོ་རྗེ་སེམས་དཔའ།། བདག་གི་བླ་མ་བཞུགས་ཡོད།། བདག་གི་བླ་མའི་དབུ་ལ།། ཨྱོན་པད་ཞྭ་བཞེས་ཡོད།། ཨྱོན་པད་ཞྭའི་སྟེང་ལ།། གསེར་གྱི་ཉི་ཟླ་བཀལ་ཡོད།། གསེར་གྱི་ཉི་ཟླའི་སྟེང་ལ།། གསེར་གྱི་སྦྲང་ཆར་བབས་ཡོད།། ཆང་ཚང་སྒོར་མོ་མི་བཙུགས།། ཆང་ཚང་སྒོར་མོ་བཙུགས་ཡོད།། ཆང་ཚང་སྒོར་མོ་བཙུགས་ན།། ཉི་མ་ལ་སོ་ལྷོ་ཡི་ཕྱོགས་ལ་བཙུགས་ཡོད།། ལྷོ་ན་རིན་ཆེན་འབྱུང་ལྡན།། བདག་གི་བླ་མ་བཞུགས་ཡོད།། བདག་གི་བླ་མའི་དབུ་ལ།། ཨྱོན་པད་ཞྭ་བཞེས་ཡོད།། ཨྱོན་པད་ཞྭའི་སྟེང་ལ།། དངུལ་གྱི་ཉི་ཟླ་བཀལ་ཡོད།། དངུལ་གྱི་ཉི་ཟླའི་སྟེང་ལ།། དངུལ་གྱི་སྦྲང་ཆར་བབས་ཡོད།། ཆང་ཚང་སྒོར་མོ་མི་བཙུགས།། ཆང་ཚང་སྒོར་མོ་བཙུགས་ཡོད།། ཆང་ཚང་སྒོར་མོ་བཙུགས་ན།། ཉི་མ་ལ་སོ་ནུབ་གྱི་ཕྱོགས་ལ་བཙུགས་ཡོད།། ནུབ་ན་སྣང་བ་མཐའ་ཡས།། བདག་གི་བླ་མ་བཞུགས་ཡོད།། བདག་གི་བླ་མའི་དབུ་ལ།། ཨྱོན་པད་ཞྭ་བཞེས་ཡོད།། ཨྱོན་པད་ཞྭའི་སྟེང་ལ།། གཡུ་ཡི་ཉི་ཟླ་བཀལ་ཡོད།། གཡུ་ཡི་ཉི་ཟླའི་སྟེང་ལ།། གཡུ་ཡི་སྦྲང་ཆར་བབས་ཡོད།། ཆང་ཚང་སྒོར་མོ་མི་བཙུགས།། ཆང་ཚང་སྒོར་མོ་བཙུགས་ཡོད།། ཆང་ཚང་སྒོར་མོ་བཙུགས་ན།། ཉི་མ་ལ་སོ་བྱང་གྱི་ཕྱོགས་ལ་བཙུགས་ཡོད།། བྱང་ན་དོན་ཡོད་གྲུབ་པ།། བདག་གི་བླ་མ་བཞུགས་ཡོད།། བདག་གི་བླ་མའི་དབུ་ལ།། ཨྱོན་པད་ཞྭ་བཞེས་ཡོད།། ཨྱོན་པད་ཞྭའི་སྟེང་ལ།། དུང་གི་་ཉི་ཟླ་བཀལ་ཡོད།། དུང་གི་ཉི་ཟླའི་སྟེང་ལ།། དུང་གི་སྦྲང་ཆར་བབས་ཡོད།། །།
.jpg)
ཆང་ཚང་སྒོར་མོ་མི་བཙུགས།
ཞུན་དགཆུ་མོ་ལ་ལྡིང་ཤོག་ལྡིང་ལ་ཤོག།
ཞུན་དག༉ ཆུ་མོ་ལ་ལྡིང་ཤོག་ལྡིང་ལ་ཤོག། སྭཽ་ཡ། ཉིན་མཚན་མེད་པར་ལྡིང་ཤོག་ལ་ཞེས་པས་སྭཽ་ཡ།། སྐལ་བཟང་ཆོས་སྒྲོན་མ་ཡ་ལ་སྭཽ།། སྭཽ་མ་ལ་རུ།། སྭཽ་ཡ་རིགས་བཟང་བུ་མོའི་ཞབས་བྲོ་ལ་ཞེས་པས་སྭཽ་ཡ།། ཉ་མོ་ང་ཡི་བློ་ལ་གཏད།། སྭཽ་ཡ་རྡོ་རྗེ་བྲག་ལ་གཏད་སོང་ལ་ཞེས་པས་སྭཽ་ཡ།། སྐལ་བཟང་ཆོས་སྒྲོན་མ་ཡ་ལ་སྭཽ།། སྭཽ་མ་ལ་རུ།། སྭཽ་ཡ་རིགས་བཟང་བུ་མོའི་ཞབས་བྲོ་ལ་ཞེས་པས་སྭཽ་ཡ།། སྨན་ཆུང་རང་གི་བློ་ལ་གཏད།། སྭཽ་ཡ་མཉམ་རོགས་གཞོན་པར་གཏད་སོང་ལ་ཞེས་པས་སྭཽ་ཡ།། སྐལ་བཟང་ཆོས་སྒྲོན་མ་ཡ་ལ་སྭཽ།། སྭཽ་མ་ལ་རུ།། སྭཽ་ཡ་རིགས་བཟང་བུ་མོའི་ཞབས་བྲོ་ལ་ཞེས་པས་སྭཽ་ཡ།། །།
ཆུ་མོ་ཤར་ཤར་མར་འགྲོ།
ཞུན་དག༉ ཆུ་མོ་ཤར་ཤར་མར་འགྲོ།། གཡས་རི་གཙང་ཆུ་འདྲ་དོ།། ཤིང་ཆེན་བཟང་པོ་ཏ་ལའི་སྡོང་པོ།། ཁུ་བྱུག་སྔོན་མོ་གསུང་སྙན་གྱི་རྒྱང་བསྒྲགས།། གཡས་སུ་གཡས་ལ་བཞུགས་མི།། ལྷ་ལྕམ་མནྡ་ར་བ།། ཤིང་ཆེན་བཟང་པོ་ཏ་ལའི་སྡོང་པོ།། ཁུ་བྱུག་སྔོན་མོ་གསུང་སྙན་པའི་རྒྱང་བསྒྲགས།། གཡོན་དུ་ལ་གཡོན་ལ་བཞུགས་མི།། མཁའ་འགྲོ་ཡེ་ཤེས་མཚོ་རྒྱལ།། ཤིང་ཆེན་བཟང་པོ་ཏ་ལའི་སྡོང་པོ།། ཁུ་བྱུག་སྔོན་མོ་གསུང་སྙན་པའི་རྒྱང་བསྒྲགས།། སྦུགས་སུ་ལ་སྦུགས་ལ་བཞུགས་མི།། བླ་མ་ཨོ་རྒྱན་པདྨ།། ཤིང་ཆེན་བཟང་པོ་ཏ་ལའི་སྡོང་པོ།། ཁུ་བྱུག་སྔོན་མོ་གསུང་སྙན་པའི་རྒྱང་བསྒྲགས།། །།
ཆུ་མོའི་འགྲམ་ལ་བཞུགས་པ།
ཞུན་དག༉ ཆུ་མོ་འགྲམ་ལ་བཞུགས་པའིམཉན་པའི་དྲུང་།། ལན་གཅིག་བུ་མོ་བདག་ལ་ཀོ་བ་བཏང་།། ཀོ་བ་མགྱོགས་པོ་མགྱོགས་པོ་མ་གཏང་ན།། བདེ་སྐྱིད་གླིང་གི་ཇོ་ལགས་ཕེབས་ཉེན་འདུག།། བདེ་སྐྱིད་གླིང་གི་ཇོ་ལགས་ཕེབས་ཀྱང་ཕེབས།། བུ་མོ་མི་སྡོད་བློ་སེམས་ཆོས་ལ་འགྲོ།། མི་ཚེ་འདི་ལས་ཕྱི་མ་ཤུལ་ཐག་རིང་།། འཁོར་བའི་སྡུག་བསྔལ་བཟོད་གླགས་མི་འདུག་པས།། ཆོས་དབྱིངས་ཐར་པའི་ལམ་བཟང་སྟོན་པར་ཞུ།། བརྩེ་བའི་ཐུགས་ཀྱིས་བདག་ལ་དགོངས་སུ་གསོལ།། །།
ཆུ་རིས་མོ་ཡ་ལ་སོ།
ཞུན་དག༉ ཆུ་རིས་མོ་ཡ་ལ་སོ།། དགུང་སངས་ཀྱི་མཐོན་པོ།། དགུང་དང་ཁྲི་གདུགས་ཉི་མ།། ཞབས་བྲོ་བཞེས་ལ་ཕེབས་ཤོག། དགུང་དང་ཁྲི་གདུགས་ཉི་མ།། ལྟད་མོ་གཟིགས་ལ་ཕེབས་ཤོག། ཆུ་རིས་མོ་ཡ་ལ་སོ།། གངས་སྟོད་ཀྱི་མཐོན་པོ།། གངས་དང་སེང་ཆེན་དཀར་མོ།། ཞབས་བྲོ་བཞེས་ལ་ཕེབས་ཤོག། གངས་དང་སེང་ཆེན་གཉིས་ཀུ།། ལྟད་མོ་གཟིགས་ལ་ཕེབས་ཤོག། ཆུ་རིས་མོ་ཡ་ལ་སོ།། སྤང་གཤོང་གི་བདེ་མོ།། སྤང་དང་ཤཝ་རྒྱས་རྭ་བཅུ།། ཞབས་བྲོ་བཞེས་ལ་ཕེབས་ཤོག། སྤང་དང་ཤཝ་རྒྱས་གཉིས་པོ།། ལྟད་མོ་གཟིགས་ལ་ཕེབས་ཤོག། ཆུ་རིས་མོ་ཡ་ལ་སོ།། མཚོ་སྟོད་ཀྱི་མཐོན་པོ།། མཚོ་དང་གསེར་མིག་ཉ་མོ།། ཞབས་བྲོ་བཞེས་ལ་ཕེབས་ཤོག། མཚོ་དང་གསེར་མིག་གཉིས་པོ།། ལྟད་མོ་གཟིགས་ལ་ཕེབས་ཤོག། །།
ཆོས་ཀྱི་རྩ་བ་མི་བཙུགས།
ཞུན་དག༉ ཆོས་ཀྱི་རྩ་བ་མི་བཙུགས།། ཆོས་ཀྱི་རྩ་བ་བཙུགས་ཡོད།། ཆོས་ཀྱི་རྩ་བ་བཙུགས་ན།། ཆོས་འཁོར་ལྷ་ས་བཙུགས་ཡོད།། ཇོ་བོ་ཤཱཀྱ་མུ་ཎེ།། ཆོས་ལ་རབ་གནས་གནང་བ།། ཕྱག་ལ་གཡས་པ་བསྣམས་ཤོག། ཚེ་དབང་བུམ་པ་བསྣམས་པ་ཙམ་ཅིག་ཡ།། ཕྱག་གཅིག་གཡོན་པ་བསྣམས་ཤོག། དངུལ་དཀར་མེ་ལོང་བསྣམས་པ་ཙམ་ཅིག་ཡ།། གཡས་གཡོན་མེད་པ་བསྣམས་ཤོག། རྡོ་རྗེ་དྲིལ་བུ་བསྣམས་པ་ཙམ་ཅིག་ཡ།། ཞབས་བྲོ་ནང་ལ་རུ་རུ།། ནང་གི་ནོར་བུ་བྱུང་བ་ཙམ་ཅིག་ཡ།། ཞབས་བྲོ་ཕྱི་ལ་ཤེད་ཤེད།། ཕྱིའི་དགྲ་རྣམས་བཏུལ་བ་ཙམ་ཅིག་ཡ།། ཞབས་བྲོ་ཕྱི་ཤེད་ནང་ཤེད།། གདོང་ཁྲབ་ལེགས་མོ་བསྒྲིགས་པ་ཙམ་ཅིག་ཡ།། །།
ཆོས་ལྡན་སྨན་ལྗོངས་འབྲུག་གི་རྒྱལ་ཁབ་ནང་།
ཞུན་དག༉ ཆོས་ལྡན་སྨན་ལྗོངས་འབྲུག་གི་རྒྱལ་ཁབ་ནང་།། གདུང་བཟང་གཏེར་སྟོན་པདྨ་གླིང་པའི་བརྒྱུད།། ཆོས་རྒྱལ་མངའ་བདག་མི་དབང་རིམ་བྱོན་འཁྲུངས།། ལ་དགའ་བ་ཡོད་ལ་སྐྱིད་པའི་སྤྲོ་ཉམས་ཡོད།། ཁ་བཞི་སྨན་ལྗོངས་འབྲུག་པ་བསོད་ནམས་ཆེ།། ཕྱི་ནང་དགྲ་ཡི་ཕྱོགས་ལས་རྣམ་པར་རྒྱལ།། མི་དབང་བརྒྱུད་འཛིན་རྒྱལ་པོའི་བཀྲིན་ཡིན།། ལ་དགའ་བ་ཡོད་ལ་སྐྱིད་པའི་སྤྲོ་ཉམས་ཡོད།། ལུང་བསྟན་མི་དབང་མངའ་བདག་རྒྱལ་པོ་མཆོག། ཐུགས་བཟང་བྱང་ཆུབ་སེམས་དཔའ་སྙིང་རྗེ་ཆེ།། རིས་མེད་འབངས་རྣམས་བུ་གཅིག་མ་བཞིན་སྐྱོང་།། ལ་དགའ་བ་ཡོད་ལ་སྐྱིད་པའི་སྤྲོ་ཉམས་ཡོད།། ཕྱི་རྒྱལ་ཁབ་གཞན་དང་མཐུན་ལམ་ཆེ།། ནང་མི་སེར་བྱམས་དང་སྙིང་རྗེས་སྐྱོང་།། མཛད་རྣམ་བཟང་བ་འབངས་རྣམས་ཕན་བདེ་ཆེ།། འབྲུག་པའི་རྒྱལ་བློན་འབངས་གསུམ་མཐུན་ལམ་ཆེ།། ཡར་རྒྱས་རྩ་བ་མི་ཉམས་གོང་དུ་འཕེལ།། འབངས་རྣམས་བདེ་སྐྱིད་ཉི་མ་ཤར་ཏེ་གིས།། མི་དབང་རྒྱལ་པོ་སྐུ་ཚེ་རིང་བར་ཤོག། ལ་དགའ་བ་ཡོད་ལ་སྐྱིད་པའི་སྤྲོ་ཉམས་ཡོད།། ཆོས་སྲིད་ལུགས་གཉིས་རྟག་ཏུ་འཕེལ་བར་ཤོག། སངྱས་བསྟན་པ་དར་ཞིང་རྒྱས་པར་ཤོག། དགའ་སྐྱིད་སྤྲོ་ཉམས་འགྱུར་མེད་བརྟན་པར་ཤོག། ལ་དགའ་བ་ཡོད་ལ་སྐྱིད་པའི་སྤྲོ་ཉམས་ཡོད།། །།
ཉམས་དགའ་བའི་པདྨའི་ཐང་ཆེན།
ཞུན་དག༉ ཉམས་དགའ་བའི་པདྨའི་ཐང་ཆེན་ནང་།། ལུས་དཔའ་རྩལ་ལྡན་པའི་ཕོ་གཞོན་དང་།། གཟུགས་རྣམ་འགྱུར་མཛེས་པའི་མོ་གཞོན་ཚུ་།། ཐབས་རྟེན་འབྲེལ་བཟང་སྟེ་གཅིག་ཁར་འཛོམས།། ཐང་བདེ་བའི་པདྨའི་ཐང་འདི་ནང་།། ཁྲོམ་མི་མང་འཛོམས་ཏེ་སྡོད་ནུག་པ།། རང་གཞོན་པའི་དཔའ་རྩལ་སྟོན་ས་འདི་།། ཁྲོམ་མི་མང་འཛོམས་ས་ཨིན་པས་ལོ།། ཉམས་དགའ་བའི་པདྨའི་ཐང་ཆེན་ནང་།། ཁྲོམ་མི་མང་འཛོམས་ཏེ་སྡོད་ནུག་པ།། མོ་ལེགས་པའི་རྣམ་འགྱུར་སྟོན་ས་འདི་།། ཁྲོམ་མི་མང་འཛོམས་ས་ཨིན་པས་ལོ།། མོ་ལེགས་པའི་སེང་ལྕམ་འདྲ་བ་ཁྱོད་།། གཟུགས་མཛེས་པའི་རྣམ་འགྱུར་སྟོན་ཏེ་གིས།། དུས་ད་རེས་གཅིག་ཁར་མཇལ་བ་ལེགས།། དར་དཀར་པོའི་མཇལ་དར་སྐེ་ལུ་བཞེས།། ཕོ་ལེགས་པའི་གེ་སར་འདྲ་བ་ཁྱོད།། ལུས་གཞོན་པའི་དཔའ་རྩལ་སྟོན་ཏེ་གིས།། དུས་ད་རེས་གཅིག་ཁར་མཇལ་བ་ལེགས།། དར་དཀར་པོའི་མཇལ་དར་སྐེ་ལུ་བཞེས།། ཕོ་ལེགས་པའི་ཞབས་ཁྲ་གཡས་ལསབསྐོར།། མོ་ལེགས་པའི་ཞབས་ཁྲ་གཡོན་ལས་བསྐོར།། ད་གཡས་གཡོན་བསྐོར་བའི་ཞབས་ཁྲ་འདི།། ཁྲོམ་མི་མང་འཛོམས་སར་ཨིན་པས་ལོ།། །།
ཉི་མ་དྲོན་མ་མི་ཤར།
ཞུན་དག༉ ཉི་མ་དྲོན་མ་མི་ཤར།། ཉི་མ་དྲོན་མ་ཤར།། བསམ་ནས་ཕོ་བྲང་གི་རྩེ།། ཕྱི་ལ་ལྕགས་རི་བསྐོར་བ།། ནང་ལ་ནོར་བུ་བཞུགས།། བསམ་ནས་ནོར་བུ་རང་བཞུགས།། དགུང་སྟོད་མཐོན་པོའི་ཕྱོགས།། བསམ་ནས་ཁྲི་གདུགས་གཡས་ལས་བཞུགས།། བསམ་ནས་ཞོ་ཤེལ་གཡོན་ལས་བཞུགས།། ཁྲི་གདུགས་བཞུགས་ཤིག་བཞུགས།། བསམ་ནས་བཀྲ་ཤིས་པར་ཤོག། བསམ་ནས་གཡང་ཆགས་པར་ཤོག། དགོན་བཟང་མཐོན་པོའི་ཕྱོགས།། བསམ་ནས་མཚན་ལྡན་གཡས་ལས་བཞུགས།། ཆབ་བླུགས་གཡོན་ལས་བཞུགས།། མཚན་ལྡན་བཞུགས་ཤིག་བཞུགས།། བསམ་ནས་བཀྲ་ཤིས་པར་ཤོག། བསམ་ནས་གཡང་ཆགས་པར་ཤོག། རྫོང་ཆེན་ཁྲ་མོའི་ཕྱོགས།། བསམ་ནས་དབང་ཆེན་གཡས་ལས་བཞུགས།། ཚོགས་དམངས་ལས་བཞུགས།། དབང་ཆེན་བཞུགས་ཤིག་བཞུགས།། བསམ་ནས་བཀྲ་ཤིས་པར་ཤོག། བསམ་ནས་གཡང་ཆགས་པར་ཤོག། གཡུས་བཟང་ཁྲ་མོའི་ཕྱོགས།། བསམ་ནས་ཡབ་ཆེན་གཡས་ལས་བཞུགས།། བསམ་ནས་ཡུམ་ཆེན་གཡོན་ལས་བཞུགས།། ཡབ་ཡུམ་བཞུགས་ཤིག་བཞུགས།། བསམ་ནས་བཀྲ་ཤིས་པར་ཤོག། བསམ་ནས་གཡང་ཆགས་པར་ཤོག། །།
རྟ་པོ་འདི་རྟ་རེས་ལ།
ཞུན་དག༉ རྟ་པོ་འདི་རྟ་རེས་ལ་གང་ལ་སོ་འོ།། ནོར་བཟང་ལ་མངའ་བདག་སྐྱིད་སྤྲོ་ལ་ཡིན་ལ་སོ་འོ།། ཆོས་བཟང་ལ།། རྒྱ་གར་འདི་བསམ་ཆུང་ལ་འབྲུག་ལ་ནི་།། ས་འདི་ལ་བཞུགས་ས་ལ་མེད་ལ་སོ་འོ།།། ཆོས་བཟང་ལ།། མངའ་བདག་སྐྱིད་སྤྲོ་ཡིན་ལ་སོ་འོ།། སྐུ་གཟུགས་འདི་ཙཱ་རི་ལ་སྨྱུག་མ་འདྲ།། ནོར་བཟང་ཐུགས་སྤྲོ་གང་འདྲ་ལ་གནང་ལ་སོ་འོ།། ཆོས་བཟང་ལ་།། འགྲོ་སྡོད་འདི་མི་ཡུལ་ལུང་ལ་པ།། ནོར་བཟང་ལ་ཉི་མ་འདི་ལོ་ལས་ལ་རིང་ལ་སོ་འོ།། ཆོས་བཟང་།། ཉི་མ་འདི་ལོ་ལས་མ་ལ་རིང་།། ནོར་བཟང་ལ་ཕ་ཡུལ་ས་ཐག་ལ་རྒྱང་ནས་རིང་།། ཆོས་བཟང་ལ།། ཉི་འདི་ལ་ལུ་ལྷོད་ལ་སོ་འོ།། ནོར་བཟང་གྲིབ་བསིལ་འདི་ཐང་ལུ་འབབ་ལ་སོ་འོ།། ཆོས་བཟང་ལ།།
རྟ་ཕོ་ཨ་མ་སེམས་མ་སྐྱོ་ཞིག
ཞུན་དག༉ རྟ་ཕོ་ཨ་མ་སེམས་མ་སྐྱོ་ཤིག་ལ།། རྟ་ཕྲུག་རང་ཡང་ཀར་མའི་གླིང་དུ་འགྲོ།། གཏན་ཀྱང་ཀར་མའི་གླིང་དུ་སྡོད་རྒྱུ་མེད་ལ།། སེར་སྒ་དངུལ་སྒ་རྒྱབ་ནས་ལོག་ནས་ཡོང་།། ཤ་ཝ་ཨ་མ་སེམས་པ་མ་སྐྱོ་ཞིག་ལ།། ཤ་ཕྲུག་རང་ཡང་སྤང་སྟོད་བསྐོར་དུ་འགྲོ་ལ།། གཏན་ཀྱང་སྤང་སྟོད་བསྐོར་ནས་སྡོད་རྒྱུ་མེད།། ཤ་ཕྲུག་སྤང་རྩྭ་ཟ་ནས་ལོག་ནས་ཡོང་།། སེར་མིག་ཨ་མ་སེམས་པ་མ་སྐྱོ་ཞིག་ལ།། ཉ་ཕྲུག་རང་ཡང་མཚོ་སྟོད་བསྐོར་ནས་འགྲོ།། གཏན་ཀྱང་མཚོ་སྟོད་བསྐོར་ནས་སྡོད་རྒྱུ་མེད།། ཉ་མོ་མཚོ་སྟོད་བསྐོར་ནས་ལོག་ཡོང་།། །།
རྟེན་འབྲེལ་ལེགས་སོ།
ཞུན་དག༉ རྟེན་འབྲེལ་ལེགས་སོ།། རྟེན་འབྲེལ་བཟང་སོང་།། ད་རེས་བཀྲིས་ཉི་མར།། མི་དབང་མངའ་བདག་རྒྱལ་པོ།། འབྲུག་གཡུས་འདི་ནང་འཁྲུངས་ཏེ།། མི་ལོ་ལྔ་བཅུ་འཁོར་བའི།། དུས་སྟོན་རྟེན་འབྲེལ་ལེགས་སོ།། རྟེན་འབྲེལ་ལེགས་སོ།། རྟེན་འབྲེལ་བཟང་སོང་།། སྨན་ལྗོངས་འབྲུག་གི་ཡུལ་དུ།། མི་དབང་ཆོས་ཀྱི་རྒྱལ་པོ།། རྒྱལ་སྲིད་ཆོས་བཞིན་སྐྱོང་བས།། མངའ་འབངས་དགའ་སྤྲོ་རྒྱས་ཏེ།། དུས་སྟོན་རྟེན་འབྲེལ་ལེགས་སོ།། རྟེན་འབྲེལ་ལེགས་སོ།། རྟེན་འབྲེལ་བཟང་སོང་།། འབྲུག་གཡུས་སྐྱིད་པའི་ལྗོངས་སུ།། མི་དབང་མངའ་བདག་ཡབ་སྲས།། བྱང་ཆུབ་སེམས་དཔའ་དངོས་འདྲ།། འབངས་ལ་བྱམས་བརྩེ་རྒྱས་ཏེ།། དུས་སྟོན་རྟེན་འབྲེལ་ལེགས་སོ།། རྟེན་འབྲེལ་ལེགས་སོ།། རྟེན་འབྲེལ་བཟང་སོང་།། དབུས་ཕྱོགས་སྨན་ལྗོངས་ཞིང་ན།། མི་རྗེ་ཚངས་པའི་སྲས་མཆོག། འབངས་ལ་བདེ་སྐྱིད་དངོས་གྲུབ།། ཉིན་མཚན་མེད་པར་གནང་སྟེ།། དུས་སྟོན་རྟེན་འབྲེལ་ལེགས་སོ།། རྟེན་འབྲེལ་ལེགས་སོ།། རྟེན་འབྲེལ་བཟང་སོང་།། ཁ་བཞི་འབྲུག་གི་ཡུལ་དུ།། མི་དབང་ཆོས་ཀྱི་རྒྱལ་པོ།། ཐུགས་རྗེ་ཉི་མའི་འོད་ཀྱིས།། སྐལ་བཟང་མངའ་འབངས་ཡོངས་ལ།། དགའ་སྐྱིད་པདྨ་རྒྱས་སོང་།། །།
སྟེང་ཕྱོགས་ལྷ་ཡི་ཡུལ་ལ།
ཞུན་དག༉ སྟེང་ཕྱོགས་ལྷ་ཡི་ཡུལ་ལ།། གསེར་གྱི་མཚོ་མོ་འཁྱིལ་ཡོད།། གསེར་གྱི་མཚོ་མོའི་ནང་ལས།། གསེར་གྱི་བུམ་པ་འཁྲུང་ས་ཡོད།། གསེར་གྱི་བུམ་པའི་ནང་ལས།། གསེར་གྱི་མེ་ཏོག་ཤར་ཡོད།མེ་ཏོག་བུམ་པ་ཆ་སྟེ།། བླམ་དང་ལྷ་ལུ་ཕུལ་གེ།། མེ་ཏོག་བུམ་པ་ཆ་སྟེ།། ཡི་དམ་ལྷ་ལུ་ཕུལ་ཡོད།། ཤོ་མོ་དགའ་ཡང་དགའ་ལ།། དགའ་བའི་དགོན་བཟང་མཇལ་ཤོག། ཤོ་མོ་སྐྱིད་ཀྱང་སྐྱིད་ལ།། སྐྱིད་པའི་མཚན་ལྡན་མཇལ་ཤོག། དག་ལ་ཨོམ་ས་མ་ཎི་པདྨེ་ཧཱུཾ།། དབྱངས་སུ་དམ་པའི་ཆོས་ལ་སྐྱབས་སུ་མཆི།། །།
བསྟན་དགྲ་ཚར་གཅོད་དྲག་པོའི་དམག་གི་དཔུང་།
ཞུན་དག༉ བསྟན་དགྲ་ཚར་གཅོད་དྲག་པོའི་དམག་གི་དཔུང་།། སྤྱི་བོའི་གཙུག་རྒྱན་བྱ་རོག་གདོང་ཅན་མཆོག། ཡེ་ཤེས་ལྷ་ཡི་དམག་དཔོན་བརྗིད་རེ་ཆགས།། སངས་རྒྱས་བསྟན་པ་སྲུང་བའི་རྟེན་འབྲེལ་བཟང་།། ནང་གི་ནོར་བུ་མངའ་བདག་རྒྱལ་པོ་བཞུགས།། མངའ་འབངས་བྱམས་དང་རྩེ་བའི་ཐུགས་ཀྱིས་སྐྱོང་།། རྒྱལ་ཁབ་ཡར་རྒྱས་གོང་དུ་སྤེལ་ནས་ཀྱང་།། སྐུ་ཚེ་ཞབས་པད་བརྟན་པ་བཀྲ་རེ་ཤིས།། རང་རེ་དམག་མི་རྣམས་ཀྱིས་ཅི་ལྕོགས་དང་།། དམ་ཚིག་དཔང་བཙུགས་སྙིང་སྟོབས་མ་ཞུམ་པར།། རྒྱལ་བསྟན་སྲུང་རྒྱུར་ཁས་བླངས་ཕུལ་བ་བཞིན།། ཕྱག་ཕྱིད་ཞུ་དོན་སྙིང་ནས་སྨོན་ལམ་ཞུ།། །།
ཐང་ཆེན་པདྨའི་ཐང་གི།
ཞུན་དག༉ ཐང་ཆེན་པདྨའི་ཐང་གི་དཔལ་ཐང་ན།། ཨེ་མ་ལོག་ཤོག་ལོག་ལ་ཤོག། ཤིང་ལ་འཁྲུངས་པ་ཙན་དན་སྡོང་པོ་འཁྲུངས།། ཨེ་མ་ལོག་ཤོག་ལོག་ལ་ཤོག། འདི་ལ་འཁོར་བ་ལྷ་བྱ་སྤུན་གསུམ་འཁོར།། ཨེ་མ་ལོག་ཤོག་ལོག་ལ་ཤོག། ལྷ་བྱ་ཆེ་བའི་ཞལ་ནས་འདི་སྐད་གསུངས།། ཨེ་མ་ལོག་ཤོག་ལོག་ལ་ཤོག། གཞོན་པ་ང་ཚོ་གནམ་ལ་ལྡིང་ཤོག་གསུངས།། ཨེ་མ་ལོག་ཤོག་ལོག་ལ་ཤོག། རྒྱལ་ཁབ་ཡོངས་ལ་ལྟད་མོ་བལྟ་ཤོག་གསུངས།། ཨེ་མ་ལོག་ཤོག་ལོག་ལ་ཤོག། ལྷ་བྱ་བར་མའི་ཞལ་ནས་འདི་སྐད་གསུངས།། ཨེ་མ་ལོག་ཤོག་ལོག་ལ་ཤོག། གཞོན་པ་ང་ཚོ་བྲག་ལ་འཛེགས་ཤོག་གསུངས།། ཨེ་མ་ལོག་ཤོག་ལོག་ལ་ཤོག། བྲག་ལ་འཛེགས་ནས་དར་ཅོག་འཕྱར་ཤོག་གསུངས།། ཨེ་མ་ལོག་ཤོག་ལོག་ལ་ཤོག། ལྷ་བྱ་ཆུང་བའི་ཞལ་ནས་འདི་སྐད་གསུངས།། ཨེ་མ་ལོག་ཤོག་ལོག་ལ་ཤོག། མི་ཡུལ་ལུང་པ་བག་ཆགས་བཞག་ཤོག་གསུངས།། ཨེ་མ་ལོག་ཤོག་ལོག་ལ་ཤོག། འོ་ན་ལྷས་ཀྱང་བག་ཆགས་བཞག་ཤོག་གསུངས།། ཨེ་མ་ལོག་ཤོག་ལོག་ལ་ཤོག། །།
ད་རེས་འདི་ནང་འབྱོན་པ་རྟེན་འབྲེལ་བཟང་སོང་།
ཞུན་དག༉ ད་རེས་འདི་ནང་འབྱོན་པ་རྟེན་འབྲེལ་བཟང་སོང་།། ལྷན་རྒྱས་ཡོངས་ལ་བཀའ་དྲིན་ལེགས་སོ་ཞུ་ཡོད།། ཆོས་སྲིད་མི་ཉམས་བརྟན་པར་གནས་པའི་རྒྱལ་ཁབ་ན།། མངའ་བདག་རྒྱལ་པོ་སྐུ་ཚེ་ཞབས་པད་བརྟན་པར་ཤོག། རྒྱལ་སྲིད་སྐྱོང་བའི་རང་དབང་ཅན་གྱི་རྒྱལ་ཁབ།། དགའ་སྐྱིད་ཕུན་སུམ་ཚོགས་པའི་རྟེན་འབྲེལ་བཟང་སོང་།། རང་ལུགས་མི་ཉམས་མངའ་ཐང་དགུང་ལས་མཐོ་བ་ལ།། དཔལ་ལྡན་འབྲུག་གཞུང་བཀྲིན་ཅན་གྱི་རྒྱལ་ཁབ་ནང་།། དགའ་སྐྱིད་ཕུན་སུམ་ཚོགས་པའི་རྒྱལ་ཁབ་འདི་ནང་ལུ།། མངའ་བདག་རྒྱལ་པོ་སྐུ་ཚེ་ཞབས་པད་བརྟན་ཤོག། རང་ལུགས་མི་འགྱུར་བརྟན་དུ་གནས་པར་ཤོག་དང་།། དཔལ་ལྡན་འབྲུག་གཞུང་བརྟན་དུ་གནས་པར་ཤོག། སྐྱིད་པའི་གླུ་དང་སྤྲོ་བའི་དགའ་སྤྲོ་གཟིགས་པ་ལ།། མི་མང་ཡོངས་ལ་བྱོན་པ་ལེགས་སོ་ཞུ་ཡོད།། རྒྱལ་སྲིད་མི་ཉམས་མངའ་ཐང་དགུང་ལས་མཐོ་སོང་།། སངས་རྒྱས་བརྟན་པ་མི་འགྱུར་གནས་པར་ཤོག། །།
ད་རེས་དཔལ་གྱི་ཉི་མའི་དུས།
ཞུན་དག༉ ད་རིས་དཔལ་གྱི་ཉི་མའི་དུས།། དགའ་སྟོན་རྟེན་འབྲེལ་བརྩི་ས་ལུ།། བྱོན་པའི་སྐུ་མགྲོན་ལྷན་རྒྱས་ལ།། བྱོན་པ་ལེགས་སོའི་དགའ་ཚོར་ཞུ།། དགའ་ལྡན་ལྷ་ཡུལ་གཉིས་པའི་ཞིང་།། དཔལ་ལྡན་འབྲུག་པའི་རྒྱལ་ཁབ་ནང་།། སྤྱི་ནོར་མི་དབང་རིན་པོ་ཆེར།། དུས་ཆེན་བཀྲིས་བདེ་ལེགས་ཞུ།། ཙན་དན་བཀོད་པའི་ཞིང་ཁམས་ནང་།། མཚུངས་མེད་མི་དབང་རིམ་པར་བྱོན།། ཆོས་སྲིད་ལུགས་གཉིས་གོང་དུ་སྤེལ།། རྒྱལ་ཁབ་རང་བཙན་བརྟན་ལེགས།། འདིར་ཚོགས་སྐལ་ལྡན་ཕོ་མོ་རྣམས།། དགའ་སྤྲོའི་ཟློས་གར་བསྒྱུར་ས་ལུ།། དགྱེས་པའི་ལྟད་མོ་གཟིགས་ནས་ནི།། ཐུགས་སྤྲོའི་ཉམས་སྣང་རྒྱས་པ་ལེགས།། ན་གཞོན་བུ་དང་བུ་མོ་རྣམས།། དགའ་བའི་གླུ་ཞིག་ལེན་ནས་ཡོད།། སྐྱིད་པའི་བྲོ་ཞིག་འཁྲབ་ནས་ཡོད།། དགྱེས་པའི་སྤྱན་གྱིས་གཟིགས་གནང་ཞུ།། །།
ད་རེས་ཚེས་བཟང་གི་ཉི་མ།
ཞུན་དག༉ ད་རེས་ཚེས་བཟང་གི་ཉིན་མར།། བྱོན་པའི་སྐུ་མགྲོན་ཡོངས་ལུ་ལེགས་སོ་ཞུ།། དགའ་བའི་དགའ་སྤྲོ་འདི་ནང་།། ང་བཅས་ཟློས་གར་ཟློས་གར་ཕོ་མོ་ཡོངས་ཀྱིས།། གླུ་ཡི་མཆོད་པ་ཕུལ་བའི་སྐལ་བ་བཟང་སོང་།། ད་རེས་དུས་བཟང་གི་ཉིན་མར།། རྟེན་འབྲེལ་ལེགས་པའི་བརྩི་སྲུང་ཞུ་ས་ལུ།། དགའ་བའི་དགའ་སྤྲོ་འཁྱམས་སར།། སྐལ་བཟང་ན་གཞོན་ན་གཞོན་ཕོ་མོ་ཡོངས་ཀྱིས།། སྐྱིད་པའི་ཟློས་གར་བསྒྱུར་བའི་སྐལ་བ་བཟང་སོང་།།
དར་དཀར་ལ་མོའི་ལ་གཞོལ།
ཞུན་དག༉ དར་དཀར་ལ་མོའི་ལ་གཞོལ།། གྲོང་ལ་གསེར་གྱི་ནང་ལས།། མ་མཐོང་ལ་གིས་བཅད་དེ།། ཨའུ་ས་ལེ་ཨའུ།། དར་དཀར་ཀ་ལི་རྫིང་ཁ།། གྲོང་ལ་གསེར་གྱི་ནང་ལས།། དཔལ་འཛོམས་བུ་མོའི་ཕ་ཡུལ།། ཨའུ་ས་ལེ་ཨའུ།། དར་དཀར་གསེར་མཚོ་གཡུ་མཚོ།། གྲོང་ལ་གསེར་གྱི་ནང་ལས།། དཔལ་འཛོམས་བུ་མོའི་གསོལ་ཆུ།། ཨའུ་ས་ལེ་ཨའུ།། ནགས་ཀྱི་དོམ་ཅུང་ཧིང་དཀར།། གྲོང་ལ་གསེར་གྱི་ནང་ལས།། དཔལ་འཛོམས་བུ་མོའི་སྒོ་ཁྱི།། ཨའུ་ས་ལེ་ཨའུ།། ལ་ཁའི་བྱ་མདངས་དཔུང་དཀར།། གྲོང་ལ་གསེར་གྱི་ནང་ལས།། དཔལ་འཛོམས་བུ་མོའི་གདང་བྱ།། ཨའུ་ས་ལེ་ཨའུ།། ལ་ཁའི་ལྷ་ཤིང་ཤུག་པོ།། གྲོང་ལ་གསེར་གྱི་ནང་ལས།། དཔལ་འཛོམས་བུ་མོའི་གསོལ་ཤིང་།། ཨའུ་ས་ལེ་ཨའུ།། །།
དག་པ་དབུས་གཙང་ཕྱོགས་ལ།
ཞུན་དག༉ དག་པ་དབུས་གཙང་ཕྱོགས་ལ་བལྟས་ཙ་ན།། མ་དག་མཐའ་མེད་ཕྱོགས་ལ་ཞེན་པ་ལོག། ཤོག་ལེགས་མོ་ཤོག། ཤོག་ལེགས་ཡ།། ཡར་ཡར་བྱང་ཐང་པདྨའི་གྲོང་ཡུལ་ན།། གུར་ལ་གངས་རི་དཀར་པོ་སྤུབས་པ་འདྲ།། ཤོག་ལེགས་མོ་ཤོག། ཤོག་ལེགས་ཡ།། ཕྱག་ལ་གཡས་པ་ཤེས་རབ་རལ་གྲི་བསྣམས།། དམ་ཉམས་རྒྱ་འདྲེའི་མགོ་ལ་ཆེམས་སེ་ཆེམས།། ཤོག་ལེགས་མོ་ཤོག། ཤོག་ལེགས་ཡ།། ཕྱག་ལ་གཡོན་པ་སྦྲུལ་གྱི་ཞགས་པ་འཛིན།། དམ་ཉམས་རྒྱ་འདྲེའི་སྐེ་ལ་བཅིངས་སེ་བཅིངས།། ཤོག་ལེགས་མོ་ཤོག། ཤོག་ལེགས་ཡ།། ཁམས་པ་ཨུ་ཚུགས་ཅན་གྱི་ཕོ་རྒོད་རྣམས།། ལུས་ལ་དཔའ་བོའི་གོ་ཁྲབ་སི་ལི་ལི།། ཤོག་ལེགས་མོ་ཤོག། ཤོག་ལེགས་ཡ།། འོག་ལ་ཅང་ཤེས་རྟ་ཕོ་འཁྱུགས་སེ་འཁྱུགས།། གེ་སར་དགྲ་བོའི་བར་ན་ཁེངས་སེ་ཁེངས།། ཤོག་ལེགས་མོ་ཤོག། ཤོག་ལེགས་ཡ།། ལྷ་དང་སྲུང་མའི་སྐྱབས་རྟེན་བཟང་སེ་བཟང་།། སངས་རྒྱས་བསྟན་པ་དགུང་ལས་ལོས་ཀྱང་མཐོ།། ཤོག་ལེགས་མོ་ཤོག། ཤོག་ལེགས་ཡ།། མངའ་བདག་རྒྱལ་པོའི་སྐུ་ཚེ་ཞབས་པད་བརྟན།། བསྟན་པ་ཡུན་རིང་གནས་པའི་ཕུན་སུམ་ཚོགས།། ཤོག་ལེགས་མོ་ཤོག། ཤོག་ལེགས་ཡ།། །།
བདེ་སྐྱིད་ཀྱི་ཉི་མ་ཤར་ལས་ཤར།
ཞུན་དག༉ བདེ་སྐྱིད་ཀྱི་ཉི་མ་ཤར་ལས་ཤར་བས།། ལྷོ་མོན་གི་ཁ་བཞི་སྐྱོང་ལ།། དགའ་བའི་ཡུལ་དུ་མཇལ།། མི་མཐུན་མུན་ཚོགས་སེལ་ནས།། ལུགས་གཉིས་ཀྱི་འོད་ཟེར་ཕྱོགས་བཅུར་འཕྲོས་པའི།། སྙན་གྲགས་མེ་ཏོག་འཛུམ་སོང་ལོངས་སྤྱོད་ཟེའུ་འབྲུ་འཕེལ།། སྐྱེ་འགྲོ་བུང་བའི་ཚོགས་རྣམས་དགའ་སྤྲོའི་གླུ་དབྱངས་སྙན།། ངོ་མཚར་ཕུན་སུམ་ཚོགས་པ་རང་བཞིན་ངང་གིས་འདུ་སོང་།། རྒྱལ་ཆོས་ཀྱི་རྒྱལ་པོའི་དུས་སུ་མི་རྣམས།། ཕུན་ཚོགས་དགེ་ལེགས་ལོ་འདབ་ཕྱོགས་བཅུར་ཁྱབ།། ཕན་བདེ་རྗེས་སུ་སྤྲོ་བ།། རང་རེ་མི་དམང་གི་འདབ་ཆགས་བློ་སེམས་གཅིག་ཏུ་མཐུན་ནས།། དགའ་བའི་གཤོག་རྩལ་བརྐྱངས།། འཛམ་གླིང་རྒྱལ་ཁབ་ཀུན་གྱི།། མེ་ཏོག་འོད་ཀྱིས་གང་།། ཆོས་སྲིད་འདབ་གཤོག་བརྐྱངས་ནས།། གཟི་བརྗིད་ཆེན་པོས་འཕུར་ཤོག། །།
བདེ་ཆེན་ལྷུན་གྲུབ་ཞིང་ནས།
ཞུན་དག༉ བདེ་ཆེན་ལྷུན་གྲུབ་ཞིང་ནས།། རྒྱལ་བ་རྣམ་པར་སྣང་མཛད།། བུདྡྷའི་ལྷ་ཚོགས་ཡོངས་ཀྱིས།། དབང་བསྐུར་བྱིན་གྱིས་རློབས་ཤིག། མཁྱེན་ནོ་སངས་རྒྱས་པད་འབྱུང་།། གཟིགས་ཤིག་མཐུ་ཆེན་འབྲུག་པ།། རྒྱལ་བརྒྱུད་གསེར་ཁྲི་ལྔ་པ།། མངའ་ཐང་གོང་དུ་འཕེལ་ཤོག། རྒྱལ་ལོ་དབང་ཕྱུག་བརྒྱུད་འཛིན།། ཕྱོགས་ལས་རྣམ་པར་རྒྱལ་ལོ།། རྒྱལ་ལོ་དཔལ་ལྡན་འབྲུག་པ།། ཁམས་གསུམ་གཡུལ་ལས་རྒྱལ་ལོ།། མངོན་པར་དགའ་བའི་ཞིང་ནས།། རྒྱལ་བ་རྡོ་རྗེ་སེམས་དཔའ།། རྡོ་རྗེ་ལྷ་ཚོགས་ཡོངས་ཀྱིས།། དབང་བསྐུར་བྱིན་གྱིས་རློབས་ཤིག། མཁྱེན་ནོ་སངས་རྒྱས་པད་འབྱུང་།། གཟིགས་ཤིག་མཐུ་ཆེན་འབྲུག་པ།། རྒྱལ་བརྒྱུད་གསེར་ཁྲི་ལྔ་པ།། མངའ་ཐང་གོང་དུ་འཕེལ་ཤོག། རྒྱལ་ལོ་དབང་ཕྱུག་བརྒྱུད་འཛིན།། ཕྱོགས་ལས་རྣམ་པར་རྒྱལ་ལོ།། རྒྱལ་ལོ་དཔལ་ལྡན་འབྲུག་པ།། ཁམས་གསུམ་གཡུལ་ལས་རྒྱལ་ལོ།། དཔལ་ལྡན་མཛེས་པའི་ཞིང་ནས།། རྒྱལ་བ་རིན་ཆེན་འབྱུང་གནས།། རིན་ཆེན་ལྷ་ཚོགས་ཡོངས་ཀྱིས།། དབང་བསྐུར་བྱིན་གྱིས་རློབས་ཤིག། མཁྱེན་ནོ་སངས་རྒྱས་པད་འབྱུང་།། གཟིགས་ཤིག་མཐུ་ཆེན་འབྲུག་པ།། རྒྱལ་བརྒྱུད་གསེར་ཁྲི་ལྔ་པ།། མངའ་ཐང་གོང་དུ་འཕེལ་ཤོག། རྒྱལ་ལོ་དབང་ཕྱུག་བརྒྱུད་འཛིན།། ཕྱོགས་ལས་རྣམ་པར་རྒྱལ་ལོ།། རྒྱལ་ལོ་དཔལ་ལྡན་འབྲུག་པ།། ཁམས་གསུམ་གཡུལ་ལས་རྒྱལ་ལོ།། བདེ་བ་ཅན་གྱི་ཞིང་ནས།། རྒྱལ་བ་སྣང་བ་མཐའ་ཡས།། པདྨ་ལྷ་ཚོགས་ཡོངས་ཀྱིས།། དབང་བསྐུར་བྱིན་གྱིས་རློབས་ཤིག། མཁྱེན་ནོ་སངས་རྒྱས་པད་འབྱུང་།། གཟིགས་ཤིག་མཐུ་ཆེན་འབྲུག་པ།། རྒྱལ་བརྒྱུད་གསེར་ཁྲི་ལྔ་པ།། མངའ་ཐང་གོང་དུ་འཕེལ་ཤོག། རྒྱལ་ལོ་དབང་ཕྱུག་བརྒྱུད་འཛིན།། ཕྱོགས་ལས་རྣམ་པར་རྒྱལ་ལོ།། རྒྱལ་ལོ་དཔལ་ལྡན་འབྲུག་པ།། ཁམས་གསུམ་གཡུལ་ལས་རྒྱལ་ལོ།། ལས་རབ་རྫོགས་པའི་ཞིང་ནས།། རྒྱལ་བ་དོན་ཡོད་གྲུབ་པ།། ཀརྨ་ལྷ་ཚོགས་ཡོངས་ཀྱིས།། དབང་བསྐུར་བྱིན་གྱིས་རློབས་ཤིག། མཁྱེན་ནོ་སངས་རྒྱས་པད་འབྱུང་།། གཟིགས་ཤིག་མཐུ་ཆེན་འབྲུག་པ།། རྒྱལ་བརྒྱུད་གསེར་ཁྲི་ལྔ་པ།། མངའ་ཐང་གོང་དུ་འཕེལ་ཤོག། རྒྱལ་ལོ་དབང་ཕྱུག་བརྒྱུད་འཛིན།། ཕྱོགས་ལས་རྣམ་པར་རྒྱལ་ལོ།། རྒྱལ་ལོ་དཔལ་ལྡན་འབྲུག་པ།། ཁམས་གསུམ་གཡུལ་ལས་རྒྱལ་ལོ།། །།
མདའ་མོ་ནི།
ཞུན་དག༉ མདའ་མོ་ནི།། དགུང་གི་དགུང་སངས་མཐོན་པོ།། མདའ་མོ་ནི།། དགུང་དང་ཁྲི་གདུགས་ཉི་མ།། དགའ་སྐྱིད་ཚོགས།། མདའ་མོ་ནི།། གངས་ཀྱི་གངས་སྟོད་མཐོན་མོ།། མདའ་མོ་ནི།། གངས་དང་སེང་ཆེན་དཀར་མོ།། དགའ་སྐྱིད་ཚོགས།། མདའ་མོ་ནི།། སྤང་གི་སྤང་གཤོང་བདེ་མོ།། མདའ་མོ་ནི།། སྤང་དང་ཤཝ་རྒོད་ར་བཅུ།། དགའ་སྐྱིད་ཚོགས།། མདའ་མོ་ནི།། ནགས་ཀྱི་ནགས་སྟོད་མཐོན་པོ།། མདའ་མོ་ནི།། ནགས་དང་སྟག་མོ་རིས་མཛེས།། དགའ་སྐྱིད་ཚོགས།། མདའ་མོ་ནི།། མཚོ་གི་མཚོ་སྟོད་མཐོན་པོ།། མདའ་མོ་ནི།། མཚོ་དང་གསེར་མིག་ཉ་མོ།། དགའ་སྐྱིད་ཚོགས།། །།
འདི་ནས་རྟ་ཅིག་མི་བཏང་རྟ་ཅིག་བཏང་།
ཞུན་དག༉ འདི་ནས་རྟ་ཅིག་མི་བཏང་རྟ་ཅིག་བཏང་།། འདི་ནས་རྟ་ཅིག་ཀརྨའི་གླིང་ལུ་བཏང་།། གཏན་ཀྱང་ཀརྨའི་གླིང་ལུ་སྡོད་རྒྱུ་མེད།། སྒ་མོ་གསེར་སྒ་སྒྲོན་ནས་ལོག་ནས་ཡོང་།། འདི་ནས་དྲེལ་ཅིག་མི་བཏང་དྲེལ་ཅིག་བཏང་།། འདི་ནས་དྲེལ་ཅིག་གཞི་ཀ་རྩེ་ལུ་བཏང་།། གཏན་ཀྱང་གཞི་ཀ་རྩེ་ལ་སྡོད་རྒྱུ་མེད།། རྒྱ་ཆེན་སྣེ་ལྔ་འབག་ནས་ལོག་ནས་འོང་།། འདི་ནས་བྱ་ཅིག་མི་བཏང་བྱ་ཅིག་བཏང་།། འདི་ནས་བྱ་ཅིག་རྒྱ་གར་ཤར་ལུ་བཏང་།། གཏན་ཀྱང་རྒྱ་གར་ཤར་ལུ་སྡོད་རྒྱུ་མེད།། རྨ་བྱ་མདོངས་སྒྲོ་འབག་ནས་ལོག་ནས་ཡོང་།། འདི་ནས་མི་ཅིག་མི་བཏང་མི་ཅིག་བཏང་།། འདི་ནས་མི་ཅིག་གཡུས་བཟང་བསྐོར་བར་བཏང་།། གཏན་ཀྱང་གཡུས་བཟང་བསྐོར་ཏེ་སྡོད་རྒྱུ་མེད།། གླུ་གར་ཚིག་གསུམ་བསྒྱུར་ནས་ལོག་ནས་ཡོང་།། །།
འདི་ནས་ཕར་སོང་།
ཞུན་དག༉ འདི་ནས་ཕར་སོང་ཕར་ལ་ཕྱིན་པས།། ཨ་རོགས་ཚོ།། ལུང་པ་གསེར་གྱི་ལུང་པ་ཕྱིན་སོང་།། གསེར་གྱི་བུ་མོ་ཁམས་འདྲིས་མཚར་སོང་། །ཨ་རོགས་ཚོ།། དོ་དགོང་སྡོད་པའི་གནས་ས་གཡར་དང་།། འདི་རིང་སྡོད་པའི་གཟིམ་ཆ་དྲོ་སོང་།། ཨ་རོགས་ཚོ།། གནས་པོ་ནི་དགའ་ལ་མགྲོན་པོ་ནི་སྐྱིད་སོང་།། སང་ཞོག་འགྲོ་བའི་ལམ་བུ་ཞིག་སྟོན་གནང་།། འདི་ནས་ཕར་སོང་ཕར་ལ་ཕྱིན་པའི།། ཨ་རོགས་ཚོ།། ལུང་པ་དངུལ་གྱི་རི་ལ་སླེབས་སོང་།། དངུལ་གྱི་བུ་མོ་ཁམ་འབྲས་མཚར་སོང་།། ཨ་རོགས་ཚོ།། དོ་དགོང་སྡོད་པའི་གནས་ས་གཡར་དང་།། འདི་རིང་སྡོད་པའི་གཟིམ་ཆ་དྲོ་སོང་།། ཨ་རོགས་ཚོ།། གནས་པོ་ནི་དགའ་ལ་མགྲོན་པོ་ནི་སྐྱིད་སོང་།། སང་ཞོག་འགྲོ་བའི་ལམ་བུ་ཞིག་སྟོན་གནང་།། འདི་ནས་ཕར་སོང་ཕར་ལ་ཕྱིན་པའི།། ཨ་རོགས་ཚོ།། ལུང་པ་གཡུ་ཡི་རི་ལ་སླེབས་སོང་།། གཡུ་ཡི་བུ་མོ་ཁམ་འབྲས་མཚར་སོང་།། ཨ་རོགས་ཚོ།། དོ་དགོང་སྡོད་པའི་གནས་ས་གཡར་དང་།། འདི་རིང་སྡོད་པའི་གཟིམ་ཆ་དྲོ་སོང་།། ཨ་རོགས་ཚོ།། གནས་པོ་ནི་དགའ་ལ་མགྲོན་པོ་ནི་སྐྱིད་སོང་།། སང་ཞོག་འགྲོ་བའི་ལམ་བུ་ཞིག་སྟོན་གནང་།། །།
འདི་ནས་ཕར་སོང་ཕར་ལ་ཕྱིན་པས།
ཞུན་དག༉ འདི་ནས་ཕར་སོང་ཕར་ལ་ཕྱིན་པས།། ཨའི་རོགས།། གསེར་པོ་གསེར་གྱི་ལུང་པ་ལྷོད་སོང་།། ཨའི།། སེར་པོ་གསེར་གྱི་ལུང་པ་ལྷོད་ཚེ།། ཨའི་རོགས།། སེར་པོ་གསེར་གྱི་ཁང་བཟང་མཐོང་སོང་།། ཨའི།། སེར་པོ་གསེར་གྱི་ཁང་བཟང་ནང་དུ།། ཨའི་རོགས།། ཁང་བཟང་དགའ་སོང་གཟིམ་ཆུང་སྐྱིད་སོང་།། ཨའི།། དེ་རིང་སྡོད་པའི་གནས་ཚང་གཡར་དང་།། ཨའི་རོགས།། སང་ཞོགས་འགྲོ་བའི་ལམ་སྣ་བསྟན་དང་།། ཨའི།། གསེར་གྱི་བུ་མོ་ཁམས་འདྲིས་མཚར་སོང་།། ཨའི་རོགས།། ལ་མོ་འདི་ལུ་སྐྱོ་མོ་ལངས་སོང་།། ཨའི།། །།
རྡོ་རྗེ་བྲག་ལ་གང་ཡང་མིན་འདུག
ཞུན་དག༉ རྡོ་རྗེ་བྲག་ལ་གང་ཡང་མིན་འདུག་མ་གསུངས་།། རྡོ་རྗེ་བྲག་ལ་གསེར་གྱི་མཆོད་རྟེན་བཞེངས་ཡོད།། རྩེ་མོ་ཡས་ལ་དར་ཅོག་འཕྱར་ས་ཡོད་རེད།། གཞོན་པ་ང་ཚོ་རླུང་དར་འཕྱར་ས་ཡོད་རེད།། སྐེད་པ་འདི་ལ་ཡོན་ཆབ་ཕུལ་ས་ཡོད་རེད།། ཨ་རོགས་ཁམས་པ་ཡོན་ཆབ་ཕུལ་ས་ཡོད་རེད།། རྩ་བ་མས་ལ་བསྐོར་བ་རྒྱབ་ས་ཡོད་རེད།། ཕ་མ་རྒན་རྒས་བསྐོར་བ་རྒྱབ་ས་ཡོད་རེད།། རྡོ་རྗེ་བྲག་ལ་གང་ཡང་མིན་འདུག་མ་གསུངས་།། རྡོ་རྗེ་བྲག་ལ་དངུལ་གྱི་མཆོད་རྟེན་བཞེངས་ཡོད།། རྩེ་མོ་ཡས་ལ་དར་ཅོག་འཕྱར་ས་ཡོད་རེད།། གཞོན་པ་ང་ཚོ་རླུང་དར་འཕྱར་ས་ཡོད་རེད།། སྐེད་པ་འདི་ལ་ཡོན་ཆབ་ཕུལ་ས་ཡོད་རེད།། ཨ་རོགས་ཁམས་པ་ཡོན་ཆབ་ཕུལ་ས་ཡོད་རེད།། རྩ་བ་མས་ལ་བསྐོར་བ་རྒྱབ་ས་ཡོད་རེད།། ཕ་མ་རྒན་རྒས་བསྐོར་བ་རྒྱབ་ས་ཡོད་རེད།། རྡོ་རྗེ་བྲག་ལ་གང་ཡང་མིན་འདུག་མ་གསུངས་།། རྡོ་རྗེ་བྲག་ལ་དུང་གི་མཆོད་རྟེན་བཞེངས་ཡོད།། རྩེ་མོ་ཡས་ལ་དར་ལཅོག་འཕྱར་ས་ཡོད་རེད།། གཞོན་པ་ང་ཚོ་རླུང་དར་འཕྱར་ས་ཡོད་རེད།། སྐེད་པ་འདི་ལ་ཡོན་ཆབ་ཕུལ་ས་ཡོད་རེད།། ཨ་རོགས་ཁམས་པ་ཡོན་ཆབ་ཕུལ་ས་ཡོད་རེད།། རྩ་བ་མས་ལ་བསྐོར་བ་རྒྱབ་ས་ཡོད་རེད།། ཕ་མ་རྒན་རྒས་བསྐོར་བ་རྒྱབ་ས་ཡོད་རེད།། །།
ནམ་མཁའ་སྤྲིན་མེད་དྭངས་པ་སེམས་རེ་དགའ།
ཞུན་དག༉ ནམ་མཁའ་སྤྲིན་མེད་དྭངས་པ་སེམས་རེ་དགའ།། ཁྲི་གདུགས་ཉི་མ་བཞུགས་པ་མདངས་རེ་སྤྲོ།། སྐར་ཚོགས་ཡོངས་ཀྱིས་བསྐོར་བ་རྟེན་འབྲེལ་བཟང་།། ཞལ་ཧ་ཡང་མཇལ་ཀྱང་དོ་རུང་མཇལ།། ཞལ་ཡང་ཡང་མཇལ་བའི་སྨོན་ལམ་ཞུ།། ཆོས་འཁོར་ལྷ་ས་བཞེངས་པ་སེམས་རེ་དགའ།། ཤཱཀྱ་མུ་ཎེ་བཞུགས་པ་མདངས་རེ་སྤྲོ།། བྱང་སེམས་ཡོངས་ཀྱིས་བསྐོར་བ་རྟེན་འབྲེལ་བཟང་།། ཞལ་ཧ་ཡང་མཇལ་ཀྱང་དོ་རུང་མཇལ།། ཞལ་ཡང་ཡང་མཇལ་བའི་སྨོན་ལམ་ཞུ།། སྤུངས་ཐང་བདེ་ཆེན་བཞེངས་པ་སེམས་རེ་དགའ།། ངག་དབང་རྣམ་རྒྱལ་བཞུགས་པ་མདངས་རེ་སྤྲོ།། དགེ་འདུན་ཡོངས་ཀྱིས་བསྐོར་བ་རྟེན་འབྲེལ་བཟང་།། ཞལ་ཧ་ཡང་མཇལ་ཀྱང་དོ་རུང་མཇལ།། ཞལ་ཡང་ཡང་མཇལ་བའི་སྨོན་ལམ་ཞུ།། བཀྲིས་ཆོས་རྫོང་བཞེངས་པ་སེམས་རེ་དགའ།། མི་དབང་རྒྱལ་པོ་བཞུགས་པ་མདངས་རེ་སྤྲོ།། བློན་འབངས་ཡོངས་ཀྱིས་བསྐོར་བ་རྟེན་འབྲེལ་བཟང་།། ཞལ་ཧ་ཡང་མཇལ་ཀྱང་དོ་རུང་མཇལ།། ཞལ་ཡང་ཡང་མཇལ་བའི་སྨོན་ལམ་ཞུ།། །།
ནམ་མཁའ་ཡངས་པའི་དཀྱིལ་ན།
ཞུན་དག༉ ནམ་མཁའ་ཡངས་པའི་དཀྱིལ་ན།། ཉི་ཟླ་སྐར་གསུམ་འཛོམས་པ།། འཛམ་གླིང་མི་རྣམས་ཡོངས་ཀྱིས།། བཀྲིས་རྟེན་འབྲེལ་རྒྱས་སོང་།། འབྲུག་གཡུས་སྐྱིད་པའི་ཞིང་ན།། རྒྱལ་བློན་འབངས་གསུམ་འཛོམས་པ།། དགའ་སྐྱིད་ཕུན་སུམ་ཚོགས་པའི།། བཀྲིས་རྟེན་འབྲེལ་རྒྱས་སོང་།། རྫོང་ཆེན་ཁྲ་མོའི་ནང་དུ།། ལྷ་མི་སྲིད་སྡེ་འཛོམས་པ།། རྒྱལ་ཁབ་རང་བཙན་བརྟན་པའི།། བཀྲིས་རྟེན་འབྲེལ་རྒྱས་སོང་།། དགོན་བཟང་སྐྱིད་པའི་ཞིང་ན།། བཤད་དང་སྒྲུབ་པ་འཛོམས་པ།། མདོ་སྔགས་བསྟན་པ་རྒྱས་པའི།། བཀྲིས་བརྟེན་འབྲེལ་རྒྱས་སོང་།། ཁང་བཟང་ཁྲ་མོའི་ནང་དུ།། ཕ་མ་བུ་ཚ་འཛོམས་པ།། མི་བརྒྱུད་རིམ་པར་འཕེལ་བའི།། བཀྲིས་རྟེན་འབྲེལ་རྒྱས་སོང་།། དགའ་བའི་ཟློས་གར་ནང་དུ།། ཕྱི་ནང་ཡོན་ཏན་འཛོམས་པ།། རྒྱལ་ཁབ་གོང་དུ་འཕེལ་བའི།། བཀྲིས་རྟེན་འབྲེལ་རྒྱས་སོང་།། ང་ཚོ་བུ་དང་བུ་མོས།། གླུ་དང་གར་གྱི་མཆོད་པ།། རྩ་གསུམ་ལྷ་ལུ་ཕུལ་ནས།། ཕུན་ཚོགས་དངོས་གྲུབ་ཞུ་གེ།། །།
ནམ་མཁའ་གཡུ་ཡི་ཕོ་བྲང་།
ཞུན་དག༉ ནམ་མཁའ་གཡུ་ཡི་ཕོ་བྲང་།། དཀར་པོ་སྤྲིན་གྱིས་མ་སྒྲིབ།། མགྲོན་པོ་གསེར་གྱི་ཉི་མས།། གླིང་བཞི་བསྐོར་ནས་ཤར་ཡོང་།། ལྷ་ཤིང་ཙན་དན་སྡོང་པོ།། བསེར་པོ་རླུང་གིས་མ་བསྐྱོད།། སྐད་སྙན་ལྷ་བྱ་ཁུ་བྱུག། ནགས་ཚལ་འགྲིམ་ནས་བབས་འོང་།། མཛེས་སྡུག་པདྨའི་བཞིན་རས།། སད་དང་སེར་བས་མ་བཅོམ།། ཡིད་འོང་གསེར་སྦྲང་བུང་བ།། སྐྱེད་ཚལ་འགྲིམ་ནས་འབབ་འོང་།། བླ་མ་དུས་གསུམ་སངས་རྒྱས།། སྤྱི་བོའི་གཙུག་ཏུ་བསྒོམ་ནས།། བྱིན་རླབས་ཐུགས་རྗེའི་ཉི་མ།། ང་ཚོའི་སྙིང་ལ་ཤར་སོང་།། ཡར་ལ་གསོལ་བ་བཏབ་པས།། མར་ལ་དངོས་གྲུབ་གནང་བྱུང་།། །།
ནོར་བུ་རི་གི་རྩེ་མོ་རུ།
ཞུན་དག༉ ནོར་བུ་རི་གི་ལ་རྩེ་མོ་རུ།། ང་ཚོ་གསེར་གྱི་མཆོད་རྟེན་ཆ་གཅིག་བཞེངས།། རྩེ་མོ་གསེར་གྱི་ཉི་ཟླ་བཀལ་ནས་བཞེངས།། ནང་དུ་གསེར་སྐུ་ཕྱག་ན་རྡོ་རྗེ་བཙུགས་ནས་བཞེངས།། མཆོད་རྟེན་འདི་ནང་མར་མེ་ཕུལ་ནས་བཞེངས།། འདི་ཡང་ཚོང་དཔོན་ནོར་བུ་བཟང་པོ་རེད།། ནོར་བུ་བཟང་པོ་མངའ་ཐང་གོང་ལས་ཡར།། ནོར་བུ་བཟང་པོ་འཛམ་གླིང་ལ་ས་ཐག་བསྐོར།། ནོར་བུ་རི་གི་ལ་སྐེད་པ་རུ་ལ།། ང་ཚོ་དངུལ་གྱི་མཆོད་རྟེན་ཆ་གཅིག་བཞེངས།། རྩེ་མོ་དངུལ་གྱི་ཉི་ཟླ་རྒྱས་ནསབཞེངས།། ནང་དུ་གཡུ་ཡི་སྒྲོལ་མ་བཙུགས་ནས་བཞེངས།། མཆོད་རྟེན་འདི་ནས་ཡོན་ཆབ་ཕུལ་ནས་བཞེངས།། འདི་ཡང་ཚོང་དཔོན་ནོར་བུ་ལ་བཟང་པོ་རེད།། ནོར་བུ་བཟང་པོ་མངའ་ཐང་གོང་ལས་ཡར།། ནོར་བུ་བཟང་པོ་འཛམ་གླིང་ལ་ས་ཐག་བསྐོར།། ནོར་བུ་རི་གི་རྩ་བ་རུ་ལ།། ང་ཚོ་དུང་གྱི་མཆོད་རྟེན་ཆ་གཅིག་བཞེངས།། རྩེ་མོ་དུང་གྱི་ཉི་ཟླ་བཀལ་ནས་བཞེངས།། ནང་དུ་དུང་དཀར་གཡས་འཁྱིལ་བཙུགས་ནས་བཞེངས།། མཆོད་རྟེན་འདི་ནས་བདུག་སྤོས་ཕུལ་ནས་བཞེངས།། ནོར་བུ་བཟང་པོ་མངའ་ཐང་གོང་ལས་ཡར།། ནོར་བུ་བཟང་པོ་འཛམ་གླིང་ལ་ས་ཐག་བསྐོར།། །།
ནོར་བཟང་རྒྱ་ལུ་བྱོནམ་ད།
ཞུན་དག༉ ནོར་བཟང་རྒྱ་ལུ་བྱོནམ་ད།། ཡིད་འཕྲོག་མ་བཞག་འཁྱིད་གནང་།། བྱང་ཕྱོགས་འགྲོ་བའི་ལམ་དུ།། ཡིད་འཕྲོག་ཕྱག་ཕྱིད་ཞུ་གེ། འགྲོ་བ་བཟང་མོ་འབྱོནམ་ད།། ལྕམ་སྲིང་མ་བཞག་འཁྱིད་གནང་།། བདུད་ཀྱི་འཇིགས་པ་འབྱུང་ན།། ལྕམ་སྲིང་ཕྱག་ཕྱིད་ཞུ་གེ། སྣང་ས་ཆོས་ལུ་འབྱོནམ་ད།། ལྷ་ཕྲུག་མ་བཞག་འཁྱིད་གནང་།། ཆོས་ལ་བར་ཆད་འབྱུང་ན།། ལྷ་ཕྲུག་ཕྱག་ཕྱིད་ཞུ་གེ། བུ་ཆུང་རྒྱང་ལུ་འབྱོནམ་ད།། བུ་མོ་མ་བཞག་འཁྱིད་གནང་།། མཐོ་བའི་ལ་མོ་བརྒལ་ཚེ།། བུ་མོས་ཕྱག་ཕྱིད་ཞུ་གེ།། །།
གནམ་དགུང་ཧི་ཡས་ལུ་བཞུགས་མི།
ཞུན་དག༉ གནམ་དགུང་ཧི་ཡས་ལུ་བཞུགས་མི།། ཨ་ཞེ་དང་ཚེ་རིང་བཟང་མོ།། ན་བཟའ་དར་ལས་འཇམ་སོང་།། འཇམ་འཇམ་ལུས་ལ་བཞེས་སོང་།། ན་བཟའ་ཁ་དོག་ལེགས་པས།། ལེགས་ཀྱང་ལུས་ལ་བཞེས་སོང་།། གནས་དང་པ་རྒྱ་ཡུལ་བསྐོར་སོང་།། རྒྱ་རྡོ་རྗེ་གདན་ཡང་མཇལ་སོང་།། གནས་གཉིས་པ་ཙཱ་རི་བསྐོར་སོང་།། ཙཱ་རི་རྩེ་བསྐོར་མཇལ་སོང་།། གནས་གསུམ་པ་ལྷ་ས་བསྐོར་སོང་།། ཇོ་བོ་ཤཱཀྱ་མུ་ནི་མཇལ་སོང་།། བསྐོར་ར་གཡས་བསྐོར་རྒྱབ་ན།། ཡབ་ཆེན་ཨ་པའི་ལས་སྒྲིབ་དག། བསྐོར་ར་གཡོན་བསྐོར་རྒྱབ་ན།། ཡུམ་ཆེན་ཨ་མའི་ལས་སྒྲིབ་དག། བསྐོར་ར་གཡས་བསྐོར་གཡོན་བསྐོར།། ཨ་ཞེ་ཚེ་རིང་བཟང་མོའི་ལས་སྒྲིབ་དག། །།
གནམ་ལས་ཤར་བའི་སྐར་མ་ཁྱོད་འདྲ་ཚོ།
ཞུན་དག༉ གནམ་ལས་ཤར་བའི་སྐར་མ་ཁྱོད་འདྲ་ཚོ།། འཛམ་གླིང་ནང་དུ་སུ་དང་སུ་མི་བཞུགས།། མིག་ལ་མཛེས་པ་སྐར་མ་སྨིན་དྲུག་མཛེས།། དྲོད་ཉམས་སྐྱོང་བ་ཁྲི་གདུགས་ཉི་མས་བསྐྱངས།། ས་ལས་སྐྱེས་པའི་མེ་ཏོག་ཁྱོད་འདྲ་ཚོ།། འཛམ་གླིང་ནང་དུ་སུ་དང་སུ་མི་བཞུགས།། མིག་ལ་མཛེས་པ་ཧ་ལོའི་མེ་ཏོག་མཛེས།། ལྷ་ལ་ཕུལ་ན་གསེར་ཤོག་མེ་ཏོག་ཕུལ།། ཨ་མའི་ཁོང་ལས་སྐྱེས་བའི་ཁྱོད་འདྲ་ཚོ།། འཛམ་གླིང་ནང་དུ་སུ་དང་སུ་མི་བཞུགས།། མིག་ལ་མཛེས་པ་སེང་ལྕམ་འབྲུག་མོ་མཛེས།། ཐར་པའི་ལམ་དུ་ཨ་ཞེ་སྣང་ས་འགྲོ།། །།
གནས་ཆེན་གདོང་དཀར་ལ་ལས།
ཞུན་དག༉ གནས་ཆེན་གདོང་དཀར་ལ་ལས།། སྤ་མཐོང་ཝང་མཐོང་མཐོང་མས།། ཤོག་བུ་མོ་ཤོག། ཨ་མའི་བུ་མོ་ཚེ་རིང་བཟང་མོ་ཅིག་ཤོག་ཤོག། ཚེ་རིང་བཟང་མོ་ཤོག་ཤོག། སྤ་མཐོང་ཝང་མཐོང་མཐོང་རུང་།། སེམས་ཀྱི་སྐྱོ་རོགས་ཨིན་མས།། ཤོག་བུ་མོ་ཤོག། ཨ་མའི་བུ་མོ་ཚེ་རིང་བཟང་མོ་ཤོག་ཤོག། ཚེ་རིང་བཟང་མོ་ཤོག་ཤོག། གནས་ཆེན་གདོང་དཀར་ལ་ལས།། སྤ་ཆུ་ཝང་ཆུ་མཐོང་མས།། ཤོག་བུ་མོ་ཤོག། ཨ་མའི་བུ་མོ་ཚེ་རིང་བཟང་མོ་ཤོག་ཤོག། ཚེ་རིང་བཟང་མོ་ཤོག་ཤོག། སྤ་ཆུ་ཝང་ཆུ་མཐོང་རུང་།། སེམས་ཀྱི་སྐྱོ་རོགས་ཨིན་མས།། ཤོག་བུ་མོ་ཤོག། ཨ་མའི་བུ་མོ་ཚེ་རིང་བཟང་མོ་ཤོག་ཤོག། ཚེ་རིང་བཟང་མོ་ཤོག་ཤོག། གནས་ཆེན་གདོང་དཀར་ལ་ལས།། མཉམ་རོགས་རྒྱུན་འབྲེལ་མཐོང་མས།། ཤོག་བུ་མོ་ཤོག། ཨ་མའི་བུ་མོ་ཚེ་རིང་བཟང་མོ་ཤོག་ཤོག། ཚེ་རིང་བཟང་མོ་ཤོག་ཤོག། མཉམ་རོགས་རྒྱུན་འབྲེལ་མཐོང་རུང་།། སེམས་ཀྱི་འཁྲུལ་རོགས་ཡིན་པས།། ཤོག་བུ་མོ་ཤོག། ཨ་མའི་བུ་མོ་ཚེ་རིང་བཟང་མོ་ཤོག། ཚེ་རིང་བཟང་མོ་ཤོག་ཤོག། །།
གནས་ཆེན་ཙཱ་རི་བྲག་ལ།
ཞུན་དག༉ གནས་ཆེན་ཙཱ་རི་བྲག་ལ།། སྒྲུབ་པ་རྒྱབ་རྒྱུ་འབྱུང་ན།། སོ་ཡ་ལ།། སྒྲུབ་པ་ལོ་གསུམ་རྒྱབ་པས་།། སྒྲུབ་སྐྲ་རྐེད་ལ་སླེབ་སོང་།། སོ་ཡ་ལ།། ཡང་བསྐྱར་ལོ་གསུམ་རྒྱབ་པས།། སྒྲུབ་སྐྲ་ས་ལ་འདྲུད་སོང་།།སོ་ཡ་ལ།། གནས་ཆེན་ཙཱ་རི་བྲག་ལ།། སྒྲུབ་པ་རྒྱབ་རྒྱུ་འབྱུང་ན།། སོ་ཡ་ལ།། སྒྲུབ་གཡོག་སུ་ཡང་མི་དགོས།། མ་དང་མཁའ་འགྲོས་ཆོག་གི།། སོ་ཡ་ལ།། གནས་ཆེན་ཙཱ་རི་བྲག་ལ།། སྒྲུབ་པ་རྒྱབ་རྒྱུ་འབྱུང་ན།། སོ་ཡ་ལ།། རྒྱ་ཞྭ་དཀར་ཅུང་མི་དགོས།། ཨྱོན་པད་ཞྭས་ཆོག་གི།། སོ་ཡ་ལ།། གནས་ཆེན་ཙཱ་རི་བྲག་ལ།། སྒྲུབ་པ་རྒྱབ་རྒྱུ་འབྱུང་ན།། སོ་ཡ་ལ།། དགའ་འཇམ་སྤུ་ཀྲུ་མི་དགོས།། རས་གོས་རྐྱང་ཤས་ཆོག་གིས།། སོ་ཡ་ལ།། གནས་ཆེན་ཙཱ་རི་བྲག་ལ།། སྒྲུབ་པ་རྒྱབ་རྒྱུ་འབྱུང་ན།། སོ་ཡ་ལ།། ཞབས་ལྷམ་རྒྱ་ཕྱིང་མི་དགོས།། ཆོས་ལྷམ་དཀར་ཅུང་ཆོག་གི།། སོ་ཡ་ལ།། །།
གནས་ཆེན་རྩྭ་རིར་སྐྱེས་པའི།
ཞུན་དག༉ གནས་ཆེན་རྩྭ་རིར་སྐྱེས་པའི་རྩྭ་རི་གི་སྨྱུག་མ།། སྭཽ། བྲག་སྟོད་མཐོན་པོར་སྐྱེས་པའི་བྱ་དམར་གྱི་གཤོག་རྩལ།། མགར་བ་བཟང་པོས་བརྡུངས་པའི་ལྕགས་མདེའུ་གི་སྔོན་མོ།། སྭཽ། འདི་གསུམ་སྐྱེ་ས་མ་གཅིག་སོ་སོ་རང་ཡིན་ལ།། སྟག་མདོངས་ཁྲ་མོའི་ནང་དུ་འཛོམས་ས་ཡང་གཅིག་ལ།། སྭཽ། འཛོམས་ནས་འབྲལ་བ་མ་གནང་མཆོག་དཀར་གྱི་གཞུ་མོ།། ཡང་ཡང་སྨོན་ལམ་བཏབ་གེ་ཤ་བ་ཡི་ཐད་ཀར།། སྭཽ། ཡང་ཡང་སྨོན་ལམ་བཏབ་གེ་ཤ་བ་ཡི་ཐད་ཀར།། དབྱར་གསུམ་བྲག་ལ་སྐྱེས་པའི་ཆུ་དཀར་གྱི་མེ་ཏོག། སྭཽ། སྤང་གཤོང་བདེ་མོར་སྐྱེས་པའི་སྤང་རྒྱན་གྱི་མེ་ཏོག། སྭཽ། སྣ་ཚོགས་ལྡུམ་རར་སྐྱེས་པའི་ཧ་ལོ་གི་མེ་ཏོག། འདི་གསུམ་སྐྱེ་ས་མ་གཅིག་སོ་སོ་རང་ཡིན་ལ།། སྭཽ། ལྷ་ཁང་ཁྲ་མོའི་ནང་དུ་འཛོམས་ས་ཡང་གཅིག་ལ།། འཛོམས་ནས་འབྲལ་བ་མ་གནང་ལྷ་ཁང་གི་སྐུ་གཉེར།། སྭཽ། ཡང་ཡང་སྨོན་ལམ་བཏབ་གེ་ཚེ་དབང་གི་བུམ་པ།། ཐག་རིང་རྒྱང་ནས་ཕེབས་པའི་བླ་མ་དང་དཔོན་པོ།། སྭཽ། དཀར་པོའི་གནས་ལས་བྱུང་བའི་མི་དམངས་ཀྱི་སེར་མོ།། ཡབ་ཡུམ་གཅིག་ནས་མཆེད་པའི་ཕ་མ་དང་སྤུན་ཆ།། སྭཽ། འདི་གསུམ་སྐྱེ་ས་མ་གཅིག་སོ་སོ་རང་ཡིན་ལ།། ཁང་བཟང་ཁྲ་མོའི་ནང་དུ་འཛོམས་ས་ཡང་གཅིག་ལ།། སྭཽ། འཛོམས་ནས་འབྲལ་བ་མ་གནང་འཆི་བདག་གི་བདུད་པོ།། ཡང་ཡང་སྨོན་ལམ་བཏབ་གེ་མཚན་ལྡན་གྱི་བླ་མ།། སྭཽ། ཡང་ཡང་སྨོན་ལམ་བཏབ་གེ་མཚན་ལྡན་གྱི་བླ་མ།། །།
གནས་འདི་ནས་ཕར་ལ་མཇལ་ཙ་ན།
ཞུན་དག༉ གནས་འདི་ནས་ཕར་ལ་མཇལ་ཙ་ན།། ཕ་ཨོ་རྒྱན་གུ་རུ་ཞལ་བཞུགས་འདྲ།། བྲག་ཤེལ་དཀར་བྲག་ལ་སྐུ་རྗེས་བཞག། མཚན་ཡོངས་གྲགས་སྐུ་རྗེས་ལྷ་ཁང་བཞེངས།། ཡིད་མོས་གུས་གདུང་བས་གུས་ཕྱག་འཚལ།། ཕ་མཆོག་གི་དངོས་གྲུབ་བསྩལ་དུ་གསོལ།། གནས་འདི་ནས་ཕར་ལ་མཇལ་ཙ་ན།། ཕ་རྒྱལ་བ་བྱམས་པ་ཞལ་བཞུགསའདྲ།། ཐང་བུམ་པའི་ཐང་ལ་གདན་ས་ཆགས།། མཚན་ཡོངས་གྲགས་བྱམས་པ་ལྷ་ཁང་བཞེངས།། ཡིད་མོས་གུས་གདུང་བས་གུས་ཕྱག་འཚལ།། ཕ་མཆོག་གི་དངོས་གྲུབ་བསྩལ་དུ་གསོལ།། གནས་འདི་ནས་ཉི་མ་ནུབ་ཀྱི་ཕྱོགས།། ནུབ་སྤྲིན་དཀར་དྭངས་མ་དེ་ཡི་འོག། སྤྱིར་མཚན་ལྡན་བླ་མ་བཀའ་ཆོས་གནང་།། དབུས་མན་དྲལ་ཚོམ་བུ་སྐུ་མཚམས་བཞུགས།། །།
གནས་ཡང་རྡོ་རྗེ་གདན་གྱི།
ཞུན་དག༉ གནས་ཡང་རྡོ་རྗེ་གདན་གྱི་གནས་ཕྱོགས༌ན།། བླ་མ་ཤཱཀྱ་མུ༌ཎི༌ཆོས༌གནང༌དོ།། དགེ༌སློང༌ཉན༌ཐོས་དགྲ༌བཅོམ༌ཆོས༌ཞུ༌དོ།། རང༌ཡང༌ཆོས༌ཞུ༌བསམས༌ནས༌མར༌སོང༌ཚེ།། ཆོ་ལམ་ས་ཐག་རིང༌ནས༌ལྷོད༌མ༌ཚུགས།། ཕྱི༌མ༌ལུས༌དང༌སེམས༌གཉིས༌འབྲལ༌བའི༌ཚེ།། གནས༌ཡང༌རྡོ༌རྗེ༌གདན༌ལུ༌སྐྱེ༌བར༌ཤོག། བླ་མ་ཤཱཀྱ་མུ་ས་ཎི་མཇལ་བར་ཤོག། དམ༌ཆོས༌རྫོགས༌པ༌ཆེན༌པོ༌འཐོབ༌པར༌ཤོག། གནས་ཡང་ཟངས་མདོག་དཔལ་རིའི་གནས་མཆོག་ན།། བླ༌མ༌ཨོ༌རྒྱན༌གུ༌རུ༌ཆོས༌གནང༌དོ།། མཁའ༌འགྲོ༌ཡེ༌ཤེས༌མཚོ༌རྒྱལ༌ཆོས༌ཞུ༌དོ།། རང༌ཡང༌ཆོས༌ཞུ་བསམ༌ནས༌ཕར༌སོང༌ཚེ།། ཆོས༌ལམ༌ས༌ཐག༌རིང༌ནས༌ལྷོད༌མ༌ཚུགས།། ཕྱི་མ་ལུས་དང་སེམས་གཉིས་འབྲལ་བའི་ཚེ།། གནས༌ཡང༌ཟངས༌མདོག༌དཔལ༌རིའི༌སྐྱེ༌བར༌ཤོག། བླ༌མ༌ཨོ༌རྒྱན༌གུ༌རུ༌མཇལ༌བར༌ཤོག། དམ་ཆོས་རྫོགས་པ་ཆེན༌པོ༌ཐོབ༌པར༌ཤོག། །།
གནས་ལ་དང་པ་མི་ཆགས་དང་པ་ཆགས།
ཞུན་དག༉ གནས་ལ་དང་པ་མི་ཆགས་དང་པ་ཆགས།། གནས་ལ་དང་པ་སྤ་གྲོ་སྟག་ཚང་ཆགས།། ལྷ་གཅིག་ཨོ་རྒྱན་པད་མའི་བཀའ་དྲིན་གྱིས།། སྨན་ལྗོངས་དག་པའི་ཞིང་དུ་བྱིན་གྱིས་བརླབས།། སངས་རྒྱས་བསྟན་པ་དར་བའི་རྟེན་འབྲེལ་བཟང་།། འགྱུར་བ་མེད་པའི་བཀྲིས་སྨོན་ལམ་ཞུ།། གནས་ལ་གཉིས་པ་མི་ཆགས་གཉིས་པ་གས།། གཉིས་པ་སྤུངས་ཐང་བདེ་ཆེན་ཕོ་བྲང་ཆགས།། སྐྱབས་མགོན་ངག་དབང་རྣམ་རྒྱལ་བཀྲིན་གྱིས།། ཆོས་སྲིད་ལུགས་གཉིས་བསྟན་པའི་ལམ་སྲོལ་བཙུགས།། རྒྱལ་ཁབ་རང་དབང་ཐོབ་པའི་རྟེན་འབྲེལ་བཟང་།། འགྱུར་བ་མེད་པའི་བཀྲིས་སྨོན་ལམ་ཞུ།། གནས་ལ་གསུམ་པ་མི་ཆགས་གསུམ་པ་ཆགས།། གསུམ་པ་ཆོས་འཁོར་རྩེ་ཡི་རྫོང་ཆེན་ཆགས།། མི་རྗེ་ཨོ་རྒྱན་དབང་ཕྱུག་བཀྲིན་གྱིས།། བརྒྱུད་འཛིན་རྒྱལ་རབས་གསེར་གྱི་འཕྲེང་བ་བྱོན།། མི་སེར་བདེ་ཞིང་སྐྱིད་པའི་རྟེན་འབྲེལ་བཟང་།། འགྱུར་བ་མེད་པའི་བཀྲིས་སྨོན་ལམ་ཞུ།། གནས་ལ་བཞི་པ་མི་ཆགས་བཞི་པ་ཆགས།། བཞི་པ་བདེ་ཆེན་ཆོས་གླིང་ཕོ་བྲང་ཆགས།། མི་དབང་འཇིགས་མེད་སེངྒེའི་བཀྲིན་གྱིས།། དབང་ཆ་ཕྱིར་སྤེལ་རྩ་ཁྲིམས་ཆེན་མོ་བརྩམས།། རང་བཙན་ཡུན་དུ་གནས་པའི་རྟེན་འབྲེལ་བཟང་།། འགྱུར་བ་མེད་པའི་བཀྲིས་སྨོན་ལམ་ཞུ།། །།
རྣམ་དཀར་དགེ་བའི་བསོད་ནམས་ལས་འཁྲུངས་ཤིང་།
ཞུན་དག༉ རྣམ་དཀར་དགེ་བའི་བསོད་ནམས་ལས་འཁྲུངས་ཤིང་།། བྱམས་དང་བརྩེ་བའི་འོད་ཟེར་འབར་བཞིན་དུ།། མངའ་འབངས་པདྨའི་ལང་ཚོ་སྐྱོང་བའི་ཕྱིར།། བརྒྱུད་འཛིན་ལྔ་པའི་གསེར་ཁྲིར་བྱོན་པ་ལེགས།། མི་འཇིགས་གདོང་ལྔས་བཏེགས་པའི་གསེར་ཁྲིའི་སྟེང།། རང་དབང་བཙན་པའི་རྒྱལ་སྲིད་ཕྱག་འགན་བཞེས།། རྒྱལ་བརྒྱུད་རིམ་པར་སྐྱོང་བས་སྐལ་བ་བཟང།། ལྷག་བསམ་དྲི་མེད་བཀྲིས་ཁ་དར་འཕུལ།། སུམ་རྩེན་གླིང་ན་དཔག་བསམ་ལྗོན་བཟང་གིས།། ལྷ་རྣམས་གང་འདོད་རེ་བ་སྐོང་བའི་གཞི།། ལྗོངས་འདིའི་གཙུག་མགོན་གེ་སར་རྣམ་སྤྲུལ་གྱིས།། འབྲུག་ཡུལ་དགའ་བདེའི་དཔལ་ལ་སྤྱོད་པར་ཤོག། མི་དབང་རྒྱལ་པོའི་ཆབ་སྲིད་སྐྱོང་བའི་འོག། དམངས་གཙོའི་རིང་ལུགས་ཉི་མའི་འོད་ཟེར་གྱིས།། རྒྱལ་ཁབ་ཞི་བདེའི་སྐྱེད་ཚལ་ཡོངས་སུ་རྒྱས།། འབངས་འཁོར་བུང་བའི་ཚོགས་རྣམས་ཟློས་གར་བསྒྱུར།། རབ་དཀར་ཐུགས་བསྐྱེད་ཟླ་བའི་དཀྱིལ་འཁོར་ལས།། ཕན་པའི་ཞལ་བཀོད་བསིལ་བའི་རང་བཞིན་གྱིས།། འབྲུག་མི་ཀུན་གྱི་ཡིད་ཀྱི་ཀུ་མུད་དེ།། དགའ་བདེའི་འཛུམ་བརྒྱ་བཞད་པ་བཀྲིན་ཆེ།། ཕུན་ཚོགས་སྡེ་བཞིའི་དཔལ་ལ་དབང་བསྒྱུར་ཞིང་།། རྣམ་བཞིའི་མཛད་པ་བཟང་པོའི་འཕྲིན་ལས་ཀྱིས།། ཆོས་སྲིད་ལུགས་གཉིས་བསྟན་པ་བསྐལ་བརྒྱའི་བར།། སྐྱོང་ནས་སྐུ་ཚེ་ཡུན་དུ་བརྟན་པར་ཤོག། །།
པོ་ཏ་རིའི་རྩེ་ལ།
ཞུན་དག༉ པོ་ཏ་ལ་ཡི་རྩེ་ལ།། ཨེ་མོ་རེད་ལ།། ཡ་ལ་སྐལ་བཟང་ཆོས་སྒྲོན།། ཙཱ་རི་སྨྱུག་མ་འཁྲུངས་སོང་།། ཙཱ་རི་སྨྱུག་མ་མ་རེད།། ཨེ་མོ་རེད་ལ།། ཡ་ལ་སྐལ་བཟང་ཆོས་སྒྲོན།། ང་ཚོ་བླ་མའི་སྐུ་གཟུགས།། པོ་ཏོ་ལ་ཡི་རྩེ་ལ།། ཨེ་མོ་རེད་ལ།། ཡ་ལ་སྐལ་བཟང་ཆོས་སྒྲོན།། དཀར་གསལ་ཟླ་བ་ཤར་བྱུང་།། དཀར་གསལ་ཟླ་བ་མ་རེད།། ཨེ་མོ་རེད་ལ།། ཡ་ལ་སྐལ་བཟང་ཆོས་སྒྲོན།། ང་ཚོ་བླ་མའི་ཞལ་རས།། པོ་ཏོ་ལ་ཡི་རྩེ་ལ།། ཨེ་མོ་རེད་ལ།། ཡ་ལ་སྐལ་བཟང་ཆོས་སྒྲོན།། གསེར་གྱི་རྒྱ་གླིང་འཕུ་ཡོད།། གསེར་གྱི་རྒྱ་གླིང་མ་རེད།། ཨེ་མོ་རེད་ལ།། ཡ་ལ་སྐལ་བཟང་ཆོས་སྒྲོན།། ང་ཚོ་བླ་མའི་གསུང་སྐད།། །།
དཔལ་ཆོས་རྗེ་འབྲུག་པའི་རྒྱལ་ཁབ་འདི།
ཞུན་དག༉ དཔལ་ཆོས་རྗེ་འབྲུག་པའི་རྒྱལ་ཁབ་འདི།། ཆོས་སྲིད་ཀྱི་ལྟེ་བ་ཆགས་པའི་གནས།། དབུས་མི་འགྱུར་བཀྲིས་ཆོས་ཀྱི་རྫོང་།། ས་འཛམ་གླིང་འདི་ནང་ཡོངས་སུ་གྲགས།། གདུང་རུས་ཀྱི་ཆེ་བ་ལྷ་ལས་མཆེད།། སྟོབས་མངའ་ཐང་མ་ཉམས་རྒྱལ་པོ་བཞུགས།། སྟེང་ལྷ་ཡུལ་བཀོད་པའི་མི་ཡུལ་ཆེ།། མཚན་ཡོངས་གྲགས་འཇིགས་པ་མེད་པའི་སྡེ།། སྟེང་གོང་མ་ལྷ་ཡི་ལུང་བསྟན་དང་།། འབངས་མི་སེར་ཡོངས་ཀྱི་ལས་སྨོན་དང་།། དཔལ་སྐྱེས་མཆོག་ཐུགས་བསྐྱེད་མཐའ་བཙན་པས།། ལྗོངས་བདེ་སྐྱིད་བསོད་ནམས་སྐལ་བ་བཟང་།། ཡུལ་མི་འགྱུར་ཙན་དན་རྒྱལ་ཁབ་ལྗོངས།། ཁྲི་མི་འགྱུར་ཡུན་གནས་རྒྱལ་པོའི་ཁྲི།། ཕྱི་སྐྱེ་འགྲོ་ཡོངས་ཀྱི་མཛེས་རྒྱན་དང་།། རྒྱལ་ཆོས་རྗེ་འབྲུག་པའི་དཔལ་དུ་བྱོན།། ཁྲི་བརྟན་པ་མི་འགྱུར་རྒྱལ་པོའི་ཁྲི།། མཚན་ཉི་ཟླ་བགྲོད་པའི་འཛམ་བུ་གླིང་།། སྤྱིར་ལོངས་སྤྱོད་འབྱོར་པས་མཛེས་ནས་ཀྱང་།། རྒྱལ་ཆོས་དང་མཐུན་པའི་རྒྱལ་སྲིད་སྐྱོང་།། སྟོབས་མངའ་ཐང་དབང་ཐང་དར་ཞིང་རྒྱས།། ཆོས་སངས་རྒྱས་བསྟན་པའི་སྦྱིན་བདག་མཛད།། འབངས་མི་སེར་བདེ་བར་བཀོད་ནས་ཀྱང་།། ལོ་བརྒྱ་ཕྲག་ཞབས་པད་བརྟན་པར་ཤོག། །།
དཔལ་ལྡན་འབྲུག་གི་མདའ་རྩེད།
ཞུན་དག༉ དཔལ་ལྡན་འབྲུག་གི་མདའ་རྩེད།། ཁྱད་ཆོས་ཅན་གྱི་མདའ་རྩེད་།། དགའ་དང་སྐྱིད་པའི་མདའ་རྩེད།། དཔའ་བོ་ངར་བའི་མདའ་རྩེད།། སྟག་ཤར་གཞོན་པའི་མདའ་མོ།། མཐོ་བ་གནམ་ལ་མ་ཐལ།། དམའ་བ་ས་ལ་མ་ལུས།། ཐད་ཁར་འབེན་ལ་ཕོག་ཤོག། སྟག་ཤར་གཞོན་པའི་མདའ་རྩེད།། སྨན་ཅུང་བུ་མོའི་གླུ་གར།། རྟེན་འབྲེལ་ཕུན་སུམ་ཚོགས་པའི།། འབྲུག་གི་ཁྱད་ཆོས་བཟང་སོང་།། སྟག་ཤར་གཞོན་པའི་མདའ་མོ།། མཐོ་བ་གནམ་ལ་མ་ཐལ།། དམའ་བ་ས་ལ་མ་ལུས།། ཐད་ཁར་འབེན་ལ་ཕོག་ཤོག། སྔོན་བྱོན་ཕ་མས་བཙུགས་པའི།། ལམ་སྲོལ་ཁྱད་རིག་ལྡན་པ།། ད་ལྟོ་ན་གཞོན་རང་ངོར།། དཔའ་ཉམས་ཅན་གྱི་ལམ་སྲོལ།། སྟག་ཤར་གཞོན་པའི་མདའ་མོ།། མཐོ་བ་གནམ་ལ་མ་ཐལ།། དམའ་བ་ས་ལ་མ་ལུས།། ཐད་ཁར་འབེན་ལ་ཕོག་ཤོག། འབེན་བཟང་ཁྲ་མོའི་གཡས་དང་།། གཡོན་དང་འགོ་མཇུག་མིན་པར།། ཐད་ཁར་སྒོར་ཐིག་ཁྲ་མོར།། དགའ་སྤྲོའི་ངང་ལ་ཕོག་ཤོག། སྟག་ཤར་གཞོན་པའི་མདའ་མོ།། མཐོ་བ་གནམ་ལ་མ་ཐལ།། དམའ་བ་ས་ལ་མ་ལུས།། ཐད་ཁར་འབེན་ལ་ཕོག་ཤོག། འབྲུག་གི་ན་གཞོན་ཕོ་མོ།། དགའ་དང་སྐྱིད་པའི་ངང་ནས།། རང་ལུགས་བཟང་པོའི་རྣམ་རིག། ལོངས་སུ་སྤྱོད་པར་ཤོག་ཅིག། སྟག་ཤར་གཞོན་པའི་མདའ་མོ།། མཐོ་བ་གནམ་ལ་མ་ཐལ།། དམའ་བ་ས་ལ་མ་ལུས།། ཐད་ཁར་འབེན་ལ་ཕོག་ཤོག། །།
དཔལ་ལྡན་གཡས་སུ་འཁྱིལ་བའི་གང་འདྲ།
ཞུན་དག༉ དཔལ་ལྡན་གཡས་སུ་འཁྱིལ་བའི་གང་འདྲ།། གངས་ཅན་འབྲུག་གི་རྒྱལ་ཁབ།། གཞོན་ནུ་གླུ་གར་མཆོད་པ་གང་འདྲ།། ཡུན་དུ་བརྟན་པར་ཤོག་ཅིག། འཛམ་གླིང་ཡོངས་ཀྱི་བདེ་སྐྱིད་གང་འདྲ།། མ་ལུས་སྐྱོང་བའི་གཞི་མ།། གཞོན་ནུ་གླུ་གར་མཆོད་པ་གང་འདྲ།། ཡུན་དུ་བརྟན་པར་ཤོག་ཅིག། ཕྱོགས་ལས་རྣམ་པར་རྒྱལ་བའི་གང་འདྲ།། སྨན་ལྗོངས་འབྲུག་གི་རྒྱལ་ཁབ།། གཞོན་ནུ་གླུ་གར་མཆོད་པ་གང་འདྲ།། ཡུན་དུ་བརྟན་པར་ཤོག་ཅིག། ཙན་དན་རྭ་བས་བསྐོར་ཞིང་གང་འདྲ།། མངའ་ཐང་དར་ཞིང་རྒྱས་པའི།། གཞོན་ནུ་གླུ་གར་མཆོད་པ་གང་འདྲ།། ཡུན་དུ་བརྟན་པར་ཤོག་ཅིག། ཕན་བདེ་འབྱུང་བའི་གནས་མཆོག་གང་འདྲ།། དཔལ་ལྡན་ལྷ་ཡུལ་ཞིང་ཁམས།། གཞོན་ནུ་གླུ་གར་མཆོད་པ་གང་འདྲ།། ཡུན་དུ་བརྟན་པར་ཤོག་ཅིག། དགའ་སྐྱིད་ཉི་ཟླ་རྣམ་གཉིས་གང་འདྲ།། མི་ནུབ་ཡུན་དུ་བརྟན་པ།། གཞོན་ནུ་གླུ་གར་མཆོད་པ་གང་འདྲ།། ཡུན་དུ་བརྟན་པར་ཤོག་ཅིག། །།
དཔལ་མི་དབང་འཇིགས་མེད་གེ་སར་མཆོག
ཞུན་དག༉ དཔལ་མི་དབང་འཇིགས་མེད་གེ་སར་མཆོག། འབྲུག་བདེ་སྐྱིད་འབྱུང་བའི་ནོར་བུ་ཨིན།། སྐུ་མི་འགྱུར་ཞབས་པད་བརྟན་པ་དགའ།། ཐུགས་བདེ་བའི་ངང་ལུ་བཞུགས་པ་སྐྱིད།། སྐྱབས་མཁན་ཆེན་འཇིགས་མེད་ཆོས་གྲགས་མཆོག །ཆོས་བཀའ་རྒྱུད་བསྟན་པའི་སྲོག་ཤིང་ཨིན།། སྐུ་གཡོ་མེད་ཆོས་འཁོར་བསྐོར་བ་དགའ། །ཐུགས་ཞི་བདེའི་ངང་ལུ་བཞུགས་པ་སྐྱིད།། བློ་རྣམ་པར་བཀྲ་བའི་བློན་ཚོགས་རྣམས།། འབངས་མི་སེར་ཡོངས་ཀྱི་བློ་གཏད་ཨིན།། བཀའ་ཅི་གསུངས་སྒྲུབ་པ་སེམས་རེ་དགའ།། འབངས་བདེ་སྐྱིད་ལྡན་པ་བསམ་པ་རྫོགས།། སྔོན་ཚོགསབསགས་ཆེ་བའི་འབངས་འཁོར་རྣམས།། ལས་སྨོན་ལམ་དབང་གིས་འབྲུག་ཡུལ་སྐྱེས།། ཚེ་འདི་ཕྱི་སྐྱོབ་པའི་མགོན་དང་མཇལ།། འབངས་རང་གི་བསམ་པ་འདི་གིས་རྫོགས།། །།
དཔལ་ལ་ཡག་མོ་སོ།
ཞུན་དག༉ དཔལ་ལ་ཡག་མོ་སོ།། དཔལ་ལ་ཡག་མོ་གསེར་སྒོ་ལ་ཡོད་དོ།། གདན་ས་ཆོས་འཁོར་ལྷ་ས།། དཔལ་ལ་ཡག་མོ་གསེར་སྒོ་ལ་ཡོད་དོ།། གནས་ལ་ཡག་མོ་སོ། གནས་ལ་ཡག་མོ་མཇལ་དགོས་ལ་ཡོད་དོ།། གནས་ཡང་རིགས་གསུམ་དགོན་པ།། གནས་ལ་ཡག་མོ་མཇལ་དགོས་ལ་ཡོད་དོ།། རྟེན་ལ་ཡག་མོ་སོ།། རྟེན་ལ་ཡག་མོ་བཞུགས་བཞུགས་ལ་ཡོད་དོ་།། ཇོ་བོ་ཤཱཀྱ་མུ་ནི། རྟེན་ལ་ཡག་མོ་བཞུགས་ཟེར་ལ་ཡོད་དོ།། དབྱར་ཁའི་དུས་ལ་སོ། མཆོད་པ་ཡག་མོ་ཕུལ་དགོས་ལ་ཡོད་དོ།། མེ་ཏོག་པདྨ་བརྒྱ་ཡི།། མཆོད་པ་ཡག་མོ་ཕུལ་དགོས་ལ་ཡོད་དོ།། དགུན་ཀའི་དུས་སུ། མཆོད་པ་ཡག་མོ་ཕུལ་དགོས་ལ་ཡོད་དོ།། ཆུ་མོ་བརྒྱ་ཡི་ཡོན་ཆབ་། །མཆོད་པ་ཡག་མོ་ཕུལ་དགོས་ལ་ཡོད་དོ།། ནམ་རྒྱུན་དུས་སུ།། མཆོད་པ་ཡག་མོ་ཕུལ་དགོས་ལ་ཡོད་དོ།། ཞལ་ཟས་མར་མེ་བརྒྱ་ཡི།། མཆོད་པ་ཡག་མོ་ཕུལ་དགོས་ལ་ཡོད་དོ།། ད་རེས་དུས་ལ་སོ།། མཆོད་པ་ཡག་མོ་ཕུལ་དགོས་ལ་ཡོད་དོ།། གླུ་དབྱངས་ཚིག་གསུམ་སྒྲ་ཡི།། མཆོད་པ་ཡག་མོ་ཕུལ་དགོས་ལ་ཡོད་དོ།། །།
སྤ་རོ་སྐྱིད་ཆུ་ལྷ་ཁང་བཞེས་པའི།
ཞུན་དག༉ སྤ་རོ་སྐྱིད་ཆུ་ལྷ་ཁང་།། ཞིང་ཁམས་བརྒྱ་ཡི་གདན་ས།། སྐྱིད་ཆུ་ལྷ་ཁང་རྡོ་གཅལ།། རྡོ་གཅལ་གཡུ་ཁྲ་སྐར་ཤར།། སྐྱིད་ཆུ་ལྷ་ཁང་རྒྱལ་སྒོ།། རྒྱལ་སྒོ་སྐུ་སྲུང་དམག་མི།། རྒྱལ་སྒོ་ཕྱེ་ཡང་མི་དགོ།། ས་ལམ་ཕུལ་བས་ཆོག་གིས།། སྐྱིད་ཆུ་ལྷ་ཁང་གཟིམ་ཆུང་།། གཟིམ་ཅུང་གུ་རུ་ལྷ་ཁང་།། གུ་རུ་ལྷ་ཁང་ནང་དུ།། དཀར་ཀྲུས་གླུ་དབྱངས་ཕུལ་ཡོད།། མངའ་བདག་རྒྱལ་པོའི་ཐུགས་ནི།། རྒྱལ་ཁབ་ཡོངས་ལ་གཟིགས་ཡོད།། །།
སྤང་ལ་དཀར་པོའི་ལྷ་ཁང་།
ཞུན་དག༉ སྤང་ལ་དཀར་པོའི་ལྷ་ཁང་།། མེ་ཏོག་པདྨ་དཀར་པོ་ཞེས་པའི།། འོ་ན་རེད།། མེ་ཏོག་པདྨ་དཀར་པོ་།། སྟེང་ཕྱོགས་ལྷ་ལ་ཕུལ་སོང་ཞེས་པའི།། འོ་ན་རེད།། ལྷ་ཡི་བརྒྱ་བྱིན་དབང་པོ།། བྲོ་ལ་དགའ་བ་ཡོད་དོ་ཞེས་པའི།། འོ་ན་རེད།། བྲོ་ལ་གཟིགས་པར་ཕེབས་ཤོག་ཞེས་པའི་།། སྤང་ལ་སྔོན་པོའི་ལྷ་ཁང་།། མེ་ཏོག་པདྨ་སྔོན་པོ་ཞེས་པའི།། འོ་ན་རེད།། མེ་ཏོག་པདྨ་སྔོན་པོ།། བར་ཕྱོགས་བཙན་ལ་ཕུལ་ཡོད་ཞེས་པའི།། འོ་ན་རེད།། བཙན་རྒྱལ་ཡ་བ་སྤུན་བདུན།། བྲོ་ལ་དགའ་བ་ཡོད་དོ་ཞེས་པའི།། འོ་ན་རེད།། བྲོ་ལ་དགའ་བ་ཡོད་དོ།། བྲོ་ལ་གཟིགས་པར་ཕེབས་ཤོག་ཞེས་པའི།། འོ་ན་རེད།། སྤང་ལ་སེར་པོའི་ལྷ་ཁང་།། མེ་ཏོག་པདྨ་སེར་པོ་ཞེས་པའི།། འོ་ན་རེད།། མེ་ཏོག་པདྨ་སེར་པོ།། འོག་ཕྱོགས་ཀླུ་ལ་ཕུལ་ཡོད་ཞེས་པའི།། འོ་ན་རེད།། ཀླུ་ཡི་གཙུག་ན་རིན་ཆེན།། བྲོ་ལ་དགའ་བ་ཡོད་དོ་ཞེས་པའི།། འོ་ན་རེད།། བྲོ་ལ་དགའ་བ་ཡོད་དོ།། བྲོ་ལ་གཟིགས་པར་ཕེབས་ཤོག་ཞེས་པའི་།། འོ་ན་རེད།། །།
སྤང་གཤོང་བདེ་མོའི་ནང་ལ།
ཞུན་དག༉ སྤང་གཤོང་བདེ་མོའི་ནང་ལ།། གཡག་དང་མཛོ་མོས་གང་སོང་།། སྨན་ཆུང་བུ་མོའི་ཚོགས་ལ།། འོ་མའི་དངོས་གྲུབ་ཞུ་གེ། བ་དང་བོ་ཅུང་གཉིས་ཀ། འོ་མ་འཐུང་དུས་འཛོམས་སོང་།། ནམ་ཡང་འབྲལ་བ་མེད་པའི་།། སྨོན་ལམ་ལན་གསུམ་བཏབ་གེ། སྨན་ཆུང་སྟག་ཤར་གཞོན་པ།། གསེར་ཤོག་སྤང་ལ་འཛོམས་ཡོད།། དགའ་དང་སྐྱིད་པའི་ངང་ལས།། གླུ་གར་མཆོད་པ་ཕུལ་གེ། སྨན་ལྗོངས་འབྲུག་གི་རྒྱལ་ཁབ།། སྔར་ལས་གོང་དུ་འཕེལ་ཤོག། དགའ་སྐྱིད་དཔལ་འཛོམས་དམིགས་དོན།། ཡང་ཡང་འགྲུབ་པར་ཤོག་ཅིག། ལྷ་སྲས་གསེར་གྱི་ཉི་མ།། ནམ་མཁའི་དབྱིངས་ལ་ཤར་ཡོད།། ཐུགས་རྗེའི་འོད་ཟེར་འབངས་ལ།། འཕེལ་འགྲིབ་མེད་པར་ཤར་ཤོག།། པདྨའི་གསེར་ཁྲི་སྟེང་ལ།། མི་དབང་མངའ་བདག་ཡབ་སྲས།། །འབངས་རྣམས་བདེ་བར་བཀོད་པའི།། བཀྲིས་སྨོན་ལམ་ཞུ་གེ། །།
སྤུངས་ཐང་བདེ་ཆེན་ཆགས་པའི་ནང་ཤེད་ན།
ཞུན་དག༉ སྤུངས་ཐང་བདེ་ཆེན་ཆགས་པའི་ནང་ཤེད་ན།། ངག་དབང་རྣམ་རྒྱལ་གསུང་སྐད་ལྷང་སེ་ལྷང་།། སྤུངས་ཐང་བདེ་ཆེན་བསམ་ནས་ཡོང་བ་མིན།། ངག་དབང་རྣམ་རྒྱལ་བསམ་ནས་ཡོང་བ་ཡིན།། ཆོས་འཁོར་ལྷ་ས་ཆགས་པའི་ནང་ཤེད་ན།། ཤཱཀྱ་མུ་ཎི་གསུང་སྐད་ལྷང་སེ་ལྷང་།། ཆོས་འཁོར་ལྷ་ས་བསམ་ནས་ཡོང་བ་མིན།། ཤཱཀྱ་མུ་ཎི་བསམ་ནས་ཡོང་བ་ཡིན།། ལྷོ་བྲག་མཁར་ཆུ་ཆགས་པའི་ནང་ཤེད་ན།། ནམ་མཁའི་སྙིང་པོའི་གསུང་སྐད་ལྷང་སེ་ལྷང་།། ལྷོ་བྲག་མཁར་ཆུ་བསམ་ནས་ཡོང་བ་མིན།། ནམ་མཁའི་སྙིང་པོ་བསམ་ནས་ཡོང་བ་ཡིན།། ཡུལ་བཟང་ཁྲ་མོ་ཆགས་པའི་ནང་ཤེད་ན།། ཡབ་ཡུམ་གཉིས་ཀྱི་གསུང་སྐད་ལྷང་སེ་ལྷང་།། ཡུལ་བཟང་ཁྲ་མོ་བསམ་ནས་ཡོང་བ་མིན།། ཡབ་ཡུམ་གཉིས་པོ་བསམ་ནས་ཡོང་བ་ཡིན།། །།
ཕུ༌ལ༌དགོན༌པ༌མི༌ཆགས༌དགོན༌པ༌ཆགས།
ཞུན་དག༉ ཕུ༌ལ༌དགོན༌པ༌མི༌ཆགས༌དགོན༌པ༌ཆགས།། ཕུ༌ལ༌དགོན༌པ༌སེ༌ར༌འབྲས༌སྤུངས༌ཆགས།། སེ་ར་མཎྜལ་གཞུང་ནས་སངས་རྒྱས་འཁྲུངས།། དམ་ཆོས་བོད་ལ་དར་འདི་ལ་ཡིན།། རྗེ་བཙུན་སྒྲོལ་མའི་འཁྲུངས་ས་ལྷོ་ལས་ཡིན།། ལྷོ༌པ༌མོས༌གུས༌ཆེ༌བ༌འདི༌ལས༌ཡིན།། ཡར༌གྱི༌གངས༌སྟོད༌མཐོན༌པོ༌མཐོ༌མི༌མཐོ།། ཡར་གྱི་གངས་སྟོད་མཐོན་པོ་ལོས༌ཀྱང༌མཐོ།། གཏན༌ཀྱང༌ཁ༌བ༌བུ༌ཡུག༌བབས༌ས༌ཡིན།། མས༌ཀྱི༌གཙང༌ཆབ༌ཆུ་མོ་རིང་མི་རིང་།། མས་ཀྱི་གཙང་ཆབ་ཆུ་མོ་ལོས་ཀྱང་རིང་།། གཏན་ཀྱང་གསེར་མིག་ཉ་མོ་འཁྱམས་ས་ཡིན།། ཕར་གྱི་སྤང་གཤོང་བདེ་མོ་བདེ་མི་བདེ།། ཕར་གྱི་གཤོང་བདེ་མོ་ལོས་ཀྱང་བདེ།། གཏན་ཀྱང་ཤ་བ་ཕོ་མོ་འཁྱམས་ས་ཡིན།། ཕར་གྱི་གཡུས་བཟངབདེ་མོ་དགའ་མི་དགའ།། ཕར་གྱི་གཡུས་བཟང་བདེ་མོ་ལོས་ཀྱང་དགའ།། གཏན་ཀྱང་ཕ་མ་གཉིས་ཀུ་འཁྱམ་ས་ཨིན།། །།
ཕུ་ལ་མི་ཆགས་ཕུ་ལ་ཆགས།
ཞུན་དག༉ ཕུ་ལ་མི་ཆགས་ཕུ་ལ་ཆགས།། ཕུ་ལ་ཡས་ཀྱི་གངས་རི་དཀར་པོ་ཆགས།། གངས་རི་དཀར་པོ་ལོས་ཀྱང་ཆགས།། སེང་ཆེན་དཀར་མོ་བརྒྱ་ཡི་གདན་ས་རེད།། མ་བརྡུང་ཟེར་ན་སྒོར་མོ་རེད།། བརྡུང་ལ་ཟེར་ན་བུ་མོའི་མཛུབ་དཀྱི་རེད།། མ་རྒྱབ་ཤ་བའི་སྤུངས་མཆོངས་རེད།། རྒྱབ་ལ་ཟེར་ན་བུ་མོའི་ཞབས་བྲོ་རེད།། བར་ལ་མི་ཆགས་བར་ལ་ཆགས།། བར་ལ་ཕས་ཀྱི་ལྷ་ཁང་གྲུ་བཞི་ཆགས།། ལྷ་ཁང་གྲུ་བཞི་ལོས་ཀྱང་ཆགས།། མཚན་ལྡན་བླ་མ་བརྒྱ་ཡི་གདན་ས་རེད།། མ་བརྡུང་ཟེར་ན་སྒོར་མོ་རེད།། བརྡུང་ལ་ཟེར་ན་བུ་མོའི་མཛུབ་དཀྱི་རེད།། མ་རྒྱབ་ཤ་བའི་སྤུངས་མཆོངས་རེད།། རྒྱབ་ལ་ཟེར་ན་བུ་མོའི་ཞབས་བྲོ་རེད།། མདའ་ལ་མི་ཆགས་མདའ་ལ་ཆགས།། མདའ་ལ་མས་ཀྱི་རྫོང་ཆེན་ཁྲ་མོ་ཆགས།། རྫོང་ཆེན་ཁྲ་མོ་ལོས་ཀྱང་ཆགས།། དབང་ཆེན་དཔོན་པོ་བརྒྱ་ཡི་གདན་ས་རེད།། མ་བརྡུང་ཟེར་ན་སྒོར་མོ་རེད།། བརྡུང་ལ་ཟེར་ན་བུ་མོའི་མཛུབ་དཀྱི་རེད།། མ་རྒྱབ་ཤ་བའི་སྤུངས་མཆོངས་རེད།། རྒྱབ་ལ་ཟེར་ན་བུ་མོའི་ཞབས་བྲོ་རེད།། །།
ཕུ་ལ་ཡས་ཀྱི་གངས་རི་དཀར་པོའི་ལོགས།
ཞུན་དག༉ ཕུ་ལ་ཡས་ཀྱི་གངས་རི་དཀར་པོའི་ལོགས།། སི་ལི་བྱི་མོའི་གསུང་སྐད་ལྷང་སེ་ལྷང་།། བྱིམ་ལ་ཨོ་བཞོ་ཡོད་པའི་ངོ་མཐོཝ་མས།། བ་དང་བེའུ་ཅུང་འཕྲད་པའི་དགའ་སྤྲོ་ཡོད།། ཨོམ་ལ་ལག་བཞོ་རྒྱབ་པའི་སྐྱིད་སྤྲོ་ཡོད།། མདའ་ལ་མས་ཀྱི་དཀར་སངས་རྟ་རྭ་ནང་།། རྟ་ཕོ་དྲུང་དྲུང་ཅིག་གི་ཙེར་སྐད་ཡོད།། ཨ་དྲུང་སྒ་་སྲབ་སྦྲོན་པའི་ངོ་མཐོཝ་མས།། རྒོད་མོ་རྟེའུ་དང་འཕྲད་པའི་དགའ་སྤྲོ་ཡོད།། བྱི་ཆག་ཕངམ་གིས་འཇལ་བའི་སྐྱིད་སྤྲོ་ཡོད།། སྤང་ལ་མས་ཀྱི་གསེར་ཤོག་འབའ་སྐྱོར་ནང་།། སྟག་ཤར་གཞོན་པའི་གསུང་སྐད་ལྷང་སེ་ལྷང་།། མདའ་རྩེད་རྡོས་སྒོར་བརྡུང་པའི་ངོ་མཐོཝ་མས།། འབེམ་ལ་དར་གྱིས་བརྒྱན་པའི་དགའ་སྤྲོ་ཡོད།། རྒྱལ་ཁབ་རང་དབང་ཐོབ་པའི་སྐྱིད་སྤྲོ་ཡོད།། །།
ཕོ་བྲང་དང་པ་མི་ཆགས་དང་པ་ཆགས།
ཞུན་དག༉ ཕོ་བྲང་དང་པ་མི་ཆགས་དང་པ་ཆགས།། ཕོ་བྲང་དང་པ་རི་ཡི་རྩེ་ལུ་ཆགས།། སྒོ་མོ་ཤར་སྒོ་ཕྱེ་བའི་ནང་ཞིག་ནང་།། ངོ་ཤེས་གནས་པོ་ཁྱོད་རངབཙུགས་ནས་བཞག། སྟེང་དུ་མི་བརྒྱ་ཤོང་བའི་གནས་ཅིག་བརྙའ།། འོག་ལ་རྟ་བརྒྱ་ཤོང་བའི་རྟ་རས་བརྙའ།། སྟེང་དུ་མི་བརྒྱ་འགྲངས་པའི་ཇ་ཅིག་ཞུ།། འོག་ལ་རྟ་བརྒྱ་འགྲངས་པའི་རྩྭ་ཅིག་ཞུ།། སྟེང་དུ་མི་བརྒྱ་ཤོང་བ་བཀྲིན་ཆེ།། འོག་ལ་རྟ་བརྒྱ་ཤོང་བ་བཀྲིན་ཆེ།། དགོན་བཟང་ཡས་ལུ་ཅིག་གཟིགས་དང་།། མཚན་ལྡན་བླ་མ་ཆོས་སྒྲ་གིས་ཞེས་ཞེས།། རྫོང་ཆེན་ཡས་ལུ་གཟིགས་དང་།། དབང་ཆེན་དཔོན་པོ་བཀའ་ཆེན་གྱི་རུ་རུ།། ས་གཞི་མས་ལུ་ཅིག་གཟིགས་ད།། གླུ་དབྱངས་བྱམས་པ་འབུམ་ཕྲག་གིས་ཞེས་ཞེས།། མཚོ་སྟོད་མས་ལུ་ཅིག་གཟིགས་དང་།། གསེར་མིག་ཉ་མོ་ཉམས་དགའ་ཅིག་ཤར་ཡོད།། ངང་པ་གཡས་སྐོར་རྐྱབ་ནས་ཅིག་གཟིགས་དང་།། ང་ཚོ་མཚོ་མའི་གཞུང་ལ་སྐྱིད་པའི་ཉི་མ་ཤར་ཡོད།། །།
བལ་མོ།
ཞུན་དག༉ བལ་མོ་ང་། བལ་མོ་བལ་འཁལ་གཡུས་ལས་འཐོན་དགོ་ལོ། བལ་མོ་ཁྱོད། བལ་མོ་བལ་འཁལ་གཡུས་ལས་འཐོན་མི་སྟེར།། བལ་མོ་ང་། བལམོ་གཡང་མའི་ལུག་ལས་བཏོན་དགོ་ལོ། བལ་མོ་ཁྱོད། བལམོ་གཡང་མའི་ལུག་ལས་བཏོན་མི་སྟེར།། བལ་མོ་ང་། བལ་མོ་ཏོང་ཏོ་ཆུ་ལུ་འཁྱུ་དགོ་ལོ། བལ་མོ་ཁྱོད། བལམོ་ཏོང་ཏོ་ཆུ་ལུ་འཁྱུ་མི་སྟེར།། བལ་མོ་ང་། བལ་མོ་ཉི་མའི་རྩེ་ལུ་བརྡལ་དགོ་ལོ། བལ་མོ་ཁྱོད། བལམོ་ཉི་མའི་རྩེ་ལུ་བརྡལ་མི་སྟེར།། བལ་མོ་ང་། བལམོ་སྐྱ་འཕང་ལོག་ལུ་འཁལ་དགོ་ལོ། བལ་མོ་ཁྱོད། བལམོ་སྐྱ་འཕང་ལོག་ལུ་འཁལ་མི་སྟེར། བལ་མོ་ང་། བལམོ་ཐགས་ཤིང་ལོག་ལུ་སྦྱན་དགོ་ལོ། བལ་མོ་ཁྱོད། བལམོ་ཐགས་ཤིང་ལོག་ལུ་སྦྱན་མི་སྟེར། བལ་མོ་ང་། བལམོ་ཐགས་ཤིང་ལོག་ལུ་འཐག་དགོ་ལོ། བལ་མོ་ཁྱོད། བལམོ་ཐགས་ཤིང་ལོག་ལུ་སྦྱན་མི་སྟེར། བལ་མོ་ང། བལམོ་དམར་པོའི་ཁ་དོག་བསྒྱུར་དགོ་ལོ། བལ་མོ་ཁྱོད། བལམོ་དམར་པོའི་ཁ་དོག་བསྒྱུར་མི་སྟེར། བལ་མོ་ང་། བལམོ་བཙུན་ཆུང་ཡོངས་ཀྱི་ན་བཟའ་ཕུལ་དགོ་ལོ། བལ་མོ་ཁྱོད། བལམོ་བཙུན་ཆུང་ཡོངས་ཀྱི་ན་བཟའ་ཕུལ་མི་སྟེར། བལ་མོ་ང། བལམོ་སེར་པོའི་ཁ་དོག་བསྒྱུར་དགོ་ལོ། བལ་མོ་ཁྱོད། བལམོ་སེར་པོའི་ཁ་དོག་བསྒྱུར་མི་སྟེར། བལ་མོ་ང་། བལམོ་མཚན་ལྡན་བླ་མའི་ན་བཟའ་ཕུལ་དགོ་ལོ། བལ་མོ་ཁྱོད། བལམོ་མཚན་ལྡན་བླ་མའི་ན་བཟའ་ཕུལ་མི་སྟེར།། །།
བུམོ་མྱང་སྟོད་འོག་གི་སྣང་ས།
ཞུན་དག༉ སྭཽ་ཡ་ལ། བུམོ་མྱང་སྟོད་འོག་གི་སྣང་ས་མ།། སྣང་ས་སྐྱེས་ཡུལ་གཅིག་དང་འགྲོ་ཡུལ་གཉིས།། སྭཽ་ཡ་ལ། སྣང་ས་སྐྱེས་ཡུལ་ཉང་སྟོད་འོག་ཁར་ཡིན།། སྣང་ས་འགྲོ་ཡུལ་རི་ནང་སྤང་ལུ་ཡིན།། སྭཽ་ཡ་ལ།དགོན་ལ་ཡར་ལུང་བྲག་གི་དགོན་པ་ལུ།། བླ་མ་ཡོན་ཏན་རྒྱ་མཚོ་བཞུགས་ནས་འདུག། སྭཽ་ཡ་ལ། སྒོ་མོ་ཤར་སྒོ་ཕྱེ་བའི་ནང་ཤེད་ན།། བླ་མ་ཡོན་ཏན་རྒྱ་མཚོ་ཆོས་གནང་དེས།། སྭཽ་ཡ་ལ། པུས་མོ་ཤྭ་བའི་རྭ་བཅུ་ས་ལ་བཙུགས།། ལག་བཅུ་ཕྱག་རྒྱ་ཆེན་པོ་ཐལ་མོ་སྦྱར།། སྭཽ་ཡ་ལ། བུ་མོའི་ལུས་ངག་ཡིད་གསུམ་བླ་མར་ཕུལ།། བུ་མོར་དམ་པའི་ཆོས་ཤིག་བླམ་ལས་ཞུ།། །།
བོད་ཁམས་ཡུལ་ལས་ཐོན་པའི།
ཞུན་དག༉ བོད་ཁམས་ཡུལ་ལས་ཐོན་པའི།། བུམ་པ་གསེར་ཤོག་དངུལ་ཤོག། ས་ལ་ལ་ཏ་སི་ལི་ལི།། གནས་ལ་བཟང་སོང་བསྐོར་བ་ལན་གསུམ་རྒྱབ།། རྒྱ་ཡི་དར་དང་གོས་ཆེན།། བུམ་པའི་ན་བཟའ་ཕུལ་ཤོག། ས་ལ་ལ་ཏ་སི་ལི་ལི།། གནས་ལ་བཟང་སོང་བསྐོར་བ་ལན་གསུམ་རྒྱབ།། རྒྱ་ཡི་རྨ་བྱ་མདོངས་སྒྲོ།། བུམ་པའི་ཁ་རྒྱན་བཀལ་ཤོག། ས་ལ་ལ་ཏ་སི་ལི་ལི།། གནས་ལ་བཟང་སོང་བསྐོར་བ་ལན་གསུམ་རྒྱབ།། བོད་ཀྱི་དྲི་བཟང་བུར།། བུམ་པའི་ནང་ལ་བླུགས་ཤོག།། ས་ལ་ལ་ཏ་སི་ལི་ལི།། གནས་ལ་བཟང་སོང་བསྐོར་བ་ལན་གསུམ་རྒྱབ།། རང་དང་འཆམ་རེ་འཆམ་ཚེ།། ཁྲུས་ཆུ་བཞེས་པ་བྱོན་ཤོག། ས་ལ་ལ་ཏ་སི་ལི་ལི།། གནས་ལ་བཟང་སོང་བསྐོར་བ་ལན་གསུམ་རྒྱབ།། ཚེ་དབང་བུམ་པའི་ན་བཟའ།། ལེགས་པའི་བཀྲིས་ཁ་དར།། ས་ལ་ལ་ཏ་སི་ལི་ལི།། གནས་ལ་བཟང་སོང་བསྐོར་བ་ལན་གསུམ་རྒྱབ།། ཚེ་དབང་བུམ་པའི་བུམ་རྫས།། ཁ་ཆེ་བོད་ཀྱི་དྲི་བཟང་།། ས་ལ་ལ་ཏ་སི་ལི་ལི།། གནས་ལ་བཟང་སོང་བསྐོར་བ་ལན་གསུམ་རྒྱབ།། ཚེ་དབང་བུམ་པའི་བུམ་ཆུང་།། ཆུ་ཆེན་གཡས་རི་གཙང་ཆུ།། ས་ལ་ལ་ཏ་སི་ལི་ལི།། གནས་ལ་བཟང་སོང་བསྐོར་བ་ལན་གསུམ་རྒྱབ།། རང་དང་འཆམས་རིགས་འཆམས་ཚད།། ཁྲུས་ཆུ་བཞེས་པར་བྱོན་ཤོག། །།
བྱ་འདི་ཁྲུང་ཁྲུང་དཀར་མོ།
ཞུན་དག༉ བྱ་འདི་ཁྲུང་ཁྲུང་དཀར་མོ།། མི་དམངས་ཀྱི་ཨ་རོགས།། གཤོག་རྩལ་ང་ལ་གཡར་དང་།། བྱང་ཆུབ་ཤིང་གི་པ་ཏྲ།། ཐག་རིང་རྒྱང་ལ་མི་འགྲོ།། མི་དམངས་ཀྱི་ཨ་རོགས།། ལི་ཐང་བསྐོར་ནས་ལོག་ཡོང་།། བྱང་ཆུབ་ཤིང་གི་པ་ཏྲ།། སྤང་གི་ལྷ་བྱ་གོང་མོ།། མི་དམངས་ཀྱི་ཨ་རོགས།། ཕ་ཡུལ་མིན་འདུག་མ་གསུངས།། བྱང་ཆུབ་ཤིང་གི་པ་ཏྲ།། རི་མགོ་མཐོ་རེ་མཐོ་ཚད།། མི་དམང་གི་ཨ་རོགས།། ལྷ་བྱ་གོང་མའི་ཕ་ཡུལ།། བྱང་ཆུབ་ཤིང་གི་པ་ཏྲ།། །།
བྱ་མོ་གསེར་ལས་བུ་ཁྲི།
ཞུན་དག༉ བྱ་མོ་གསེར་ལས་བུ་ཁྲི་གནམ་ལ་ལྡིང་།། ལྷ་ཡི་དབང་པོ་བརྒྱ་བྱིན་མ་མཇལ་བར།། བྱ་མོ་རང་ཡུལ་ཕྱོགས་སུ་ལོག་མི་འགྲོ།། ཤོག་སྒྲོ་གཡས་པ་ལྡིང་ཤོག་གསེར་གྱི་བྱ།། གཤོག་སྒྲོ་གཡོན་པ་ལྡིང་ཤོག་དངུལ་གྱི་བྱ།། གཡས་གཡོན་མེད་པ་ལྡིང་ཤོག་དུང་གི་བྱ།། བྱ་མོ་དངུལ་ལས་བུ་ཁྲིད་བར་ལ་ལྡིང་།། བཙན་རྒྱལ་ཡ་བ་སྤུན་བདུན་མ་མཇལ་བར།། བྱ་མོ་རང་ཡུལ་ཕྱོགས་སུ་ལོག་མི་འགྲོ།། གཤོག་སྒྲོ་གཡས་པ་ལྡིང་ཤོག་གསེར་གྱི་བྱ།། གཤོག་སྒྲོ་གཡོན་པ་ལྡིང་ཤོག་དངུལ་གྱི་བྱ།། གཡས་གཡོན་མེད་པ་ལྡིང་ཤོག་དུང་གི་བྱ།། བྱ་མོ་དུང་ལས་བུ་ཁྲི་ས་ལ་ཆགས།། ཀླུ་ཡི་གཙུག་ན་རིན་ཆེན་མ་མཇལ་བར།། བྱ་མོ་རང་ཡུལ་ཕྱོགས་སུ་ལོག་མི་འགྲོ།། གཤོག་སྒྲོ་གཡས་པ་ལྡིང་ཤོག་གསེར་གྱི་བྱ།། གཤོག་སྒྲོ་གཡོན་པ་ལྡིང་ཤོག་དངུལ་གྱི་བྱ།། གཡས་གཡོན་མེད་པ་ལྡིང་ཤོག་དུང་གི་བྱ།། །།
བྱོན་པ་ལེགས་སོ་ལེགས་སོ།
ཞུན་དག༉ བྱོན་པ་ལེགས་སོ་ལེགས་སོ།། ཤར་ཕྱོགས་རི་བོའི་རྩེ་ནས།། དཀར་གསལ་ཉི་ཟླ་གཉིས་ཀྱིས།། གླིང་བཞི་སྐྱོང་བ་ལེགས་སོ།། བྱོན་པ་ལེགས་སོ་ལེགས་སོ།། སུམ་རྩེན་ལྷ་ཡི་གླིང་ནས།། བརྒྱ་བྱིན་ལྷ་ཡི་སྲས་པོས།། རྣམ་ཀུན་གཟིགས་པ་ལེགས་སོ།། བྱོན་པ་ལེགས་སོ་ལེགས་སོ།། བྱང་ཕྱོགས་ལྕང་ལོ་ཅན་ནས།། རྣམ་སྲས་ནོར་ལྷའི་རྒྱལ་པོས།། དངོས་གྲུབ་གནང་བ་ལེགས་སོ།། བྱོན་པ་ལེགས་སོ་ལེགས་སོ།། ཡིད་བཞིན་ནོར་བུའི་གླིང་ནས།། དེད་དཔོན་ནོར་བུ་བཟང་པོས།། འདོད་དགུ་རྙེད་པ་ལེགས་སོ།། བྱོན་པ་ལེགས་སོ་ལེགས་སོ།། འོག་མིན་ཆོས་སྐུའི་ཞིང་ནས།། ཕ་གཅིག་དྲིན་ཅན་བླ་མས།། དུས་རྒྱུན་བརྩེ་བ་ལེགས་སོ།། བྱོན་པ་ལེགས་སོ་ལེགས་སོ།། འབྲུག་ཡུལ་སྐྱིད་པའི་ལྗོངས་སུ།། མི་དབང་མངའ་བདག་རྒྱལ་པོས།། ཆོས་སྲིད་སྐྱོང་བ་ལེགས་སོ།། བྱོན་པ་ལེགས་སོ་ལེགས་སོ།། སྐུ་མགྲོན་ལྷན་རྒྱས་ཚོགས་རྣམས།། ཐུགས་དགོངས་སྤྲོ་བའི་ངང་ནས།། ལྟད་མོ་གཟིགས་པ་ལེགས་སོ།། །།
བྱོན་པ་ལེགས་སོ་ལེགས་སོ་ལེགས་སོ།
ཞུན་དག༉ བྱོན་པ་ལེགས་སོ་ལེགས་སོ་ལེགས་སོ།། སྨན་ལྗོངས་ཆོས་ཀྱི་ཞིང་འདིར།། དགའ་སྐྱིད་ཕུན་སུམ་ཚོགས་པའི།། རྟེན་འབྲེལ་སྔར་ལས་རྒྱས་སོང་།། སྐུ་མགྲོན་ལྷན་རྒྱས་བྱོན་པ་ལེགས་སོ།། སྐུ་མགྲོན་ལྷན་རྒྱས་བྱོན་པ་ལེགས་སོ།། བྱོན་པ་ལེགས་སོ་ལེགས་སོ་ལེགས་སོ།། སྨན་ལྗོངས་འབྲུག་པའི་རྒྱལ་ཁབ།། ལུས་སེམས་སྐྱིད་པའི་ངང་ནས།། དགའ་བདེའི་དཔལ་ལ་སྤྱོད་ཤོག། སྐུ་མགྲོན་ལྷན་རྒྱས་བྱོན་པ་ལེགས་སོ།། སྐུ་མགྲོན་ལྷན་རྒྱས་བྱོན་པ་ལེགས་སོ།། བྱོན་པ་ལེགས་སོ་ལེགས་སོ་ལེགས་སོ།། འབྲུག་ཡུལ་པདྨའི་ལྡུམ་རར།། སྐལ་བཟང་མངའ་འབངས་ཡོངས་ཀྱི།། དགའ་སྐྱིད་པདྨ་རྒྱས་སོང་།། སྐུ་མགྲོན་ལྷན་རྒྱས་བྱོན་པ་ལེགས་སོ།། སྐུ་མགྲོན་ལྷན་རྒྱས་བྱོན་པ་ལེགས་སོ།། བྱོན་པ་ལེགས་སོ་ལེགས་སོ་ལེགས་སོ།། དགའ་བའི་གླུ་དབྱངས་ལེན་ས།། སྐྱིད་པའི་བྲོ་གར་འཁྲབ་ས།། དགའ་སྐྱིད་གླུ་དབྱངས་ལེན་སོང་།། སྐུ་མགྲོན་ལྷན་རྒྱས་བྱོན་པ་ལེགས་སོ།། སྐུ་མགྲོན་ལྷན་རྒྱས་བྱོན་པ་ལེགས་སོ།། བྱོན་པ་ལེགས་སོ་ལེགས་སོ་ལེགས་སོ།། ཁ་བཞི་འབྲུག་གི་ཡུལ་དུ།། མངའ་བདག་ཆོས་རྒྱལ་རིམ་བྱོན།། ཐུགས་བརྩེས་གཟིགས་པ་ལེགས་སོ།། སྐུ་མགྲོན་ལྷན་རྒྱས་བྱོན་པ་ལེགས་སོ།། སྐུ་མགྲོན་ལྷན་རྒྱས་བྱོན་པ་ལེགས་སོ།། །།
བྲག་འདི་རྡོ་རྗེ་བྲག་ལ།
ཞུན་དག༉ བྲག་འདི་རྡོ་རྗེ་བྲག་ལ།། ལྷ་ཤིང་ཤུག་པོ་འཁྲུངས་ཡོད།། ཚེ་རིང་མཚོ་མོ་གསུང་ལ་ཡང་ཅིག་རུ་རུ།། བྱང་ཆུབ་ཤིང་གི་ལོ་མ།། སོ་ཡ་ལ།། རྩེ་མོ་ལྷ་ཤིང་ཤུག་པོ་འཁྲུངས་ཡོད།། ལྷ་ཤིང་ཤུག་པོའི་རྩེ་ལ།། ཁུ་བྱུག་སྔོན་མོ་ཆགས་ཡོད།། ཚེ་རིང་མཚོ་མོ་གསུང་ལ་ཡང་ཅིག་རུ་རུ།། བྱང་ཆུབ་ཤིང་གི་ལོ་མ།། སོ་ཡ་ལ།། རྩེ་མོ་ལྷ་ཤིང་ཤུག་པ་འཁྲུངས་ཡོད། གསེར་གྱི་བུམ་པའི་ཁ་རྒྱན།། གསེར་གྱི་མེ་ཏོག་འཁྲུངས་ཡོད།། ཚེ་རིང་མཚོ་མོ་གསུང་ལ་ཡང་ཅིག་རུ་རུ།། བྱང་ཆུབ་ཤིང་གི་ལོ་མ།། སོ་ཡ་ལ།། རྩེ་མོ་ལྷ་ཤིང་ཤུག་པོ་འཁྲུངས་ཡོད།།
བྲག་རི་མཐོན་པོར་གནས་པའི།
ཞུན་དག༉ བྲག་རི་མཐོན་པོར་གནས་པའི།། བྱ་རྒྱལ་ཐང་དཀར་རྒོད་པོ།། ནམ་འཕང་བསྐྱོད་དང་མི་བསྐྱོད།། གཤོག་པ་ཁོ་ལ་དྲིས་ཤོག། མཐོ་རིས་བདེ་བའི་ཡུལ་དང་།། ངན་སོང་སྡུག་བསྔལ་གནས་གཉིས།། གང་དུ་གཏོང་བར་འདོད་པ།། ལས་འབྲས་ཁོ་ལ་དྲིས་ཤོག། ཕྱི་མ་ཟས་གོས་ལ་སོགས།། ལོངས་སྤྱོད་ངང་གིས་འདུ་ཞིང་།། བདེ་སྐྱིད་འདོད་དང་མི་འདོད།། སྦྱིན་པ་ཁོ་ལ་དྲིས་ཤོག། བཀྲེས་སྐོམ་མེ་ལྟར་འབར་བའི།། དབུལ་ཞིང་འཕོངས་པའི་སྡུག་བསྔལ།། འབྱུང་བར་འདོད་དང་མི་འདོད།། སེར་སྣ་ཁོ་ལ་དྲིས་ཤོག། མ་དག་སྒྲིབ་གཉིས་སྦྱང་ནས།། དག་པ་སྐུ་གཉིས་ཟུང་འཇུག། ཐོབ་པར་འདོད་དང་མི་འདོད།། ཚོགས་གཉིས་ཁོ་ལ་དྲིས་ཤོག། །།
བླ་མ་ཨྱོན་གུ་རུའི་ལུང་བསྟན་བཞིན།
ཞུན་དག༉ བླ་མ་ཨྱོན་གུ་རུའི་ལུང་བསྟན་བཞིན།། རི་བོ་གླང་ཆེན་འགྱིང་འདྲའི་སྣ་སྟེང་ན།། སྐྱེས་བུ་རྣམ་རྒྱལ་ཞེས་བྱའི་མཚན་ཅན་གྱིས།། ལྷ་ཡི་ཞིང་བཀོད་སྤུངས་ཐང་རྫོང་དེ་བཞེངས།། རྒྱལ་ཁབ་རང་དབང་ཐོབ་པའི་རྟགས་མཚན་ལུ།། ཕོ་ཆུ་ལྷ་དར་གཡས་བསྐོར་རྐྱབ་ས་དང་།། མོ་ཆུ་གཡུ་མཚོ་གཡོན་བསྐོར་རྐྱབ་ས་ལུ།། སྐྱིད་ཉམས་ཆེ་བའི་སྤུངས་ཐང་རྫོང་དེ་བཞེངས།། ལུགས་གཉིས་བསྟན་པའི་བདག་པོ་ཞབས་དྲུང་གིས།། སྙན་གྲགས་ཕྱོགས་བཞིར་ཁྱབ་པའི་རྟེན་འབྲེལ་དང་།། མངའ་འབངས་ཡོངས་ལ་དད་མོས་བསྐྱེད་ཐབས་ལུ།། ཐུགས་བརྩེ་ཆེན་པོས་ངང་ལས་རྫོང་དེ་བཞེངས།། ཆབ་སྲིད་འཁོར་ལོ་སྒྱུར་བའི་ཞབས་དྲུང་གིས།། ལྷ་དབང་ལྷ་མིན་གཡུལ་ལས་རྒྱལ་བ་བཞིན།། ཕྱི་ནང་གསང་གསུམ་དགྲ་བོ་མ་ལུས་པ།། མིང་མེད་བཅོམ་ནས་བསྟན་པའི་རྒྱལ་མཚན་བཙུགས།། །།
དབྱར་གསུམ་སྤང་གི་ལོགས་ལ།
ཞུན་དག༉ དབྱར་གསུམ་སྤང་གི་ལོགས་ལ།། མེ་ཏོག་མཛེས་པའི་ལང་ཚོ།། དགུན་གསུམ་བ་མོས་འཕྲོག་དུས།། སྙིང་པོ་གང་ཡང་མིན་འདུག། དེ་ལ་ཆགས་པའི་སྦྲང་བུ།། སྦྲང་རྩི་རང་གིས་བསགས་པ།། ལོངས་སུ་གཞན་གྱིས་སྤྱོད་ཚེ།། འགྱོད་ཀྱང་ཕན་པ་མི་འདུག། ན་ཆུང་ཡིད་འོང་མཛེས་མའི།། ལང་ཚོ་རིམ་གྱིས་ཡོལ་ནས།། མི་སྡུག་རྒན་མོར་གྱུར་ཚེ།། སྙིང་པོགང་ཡང་མི་འདུག། དེ་ལ་ཆགས་པའི་ཕོ་གཞོན།། རང་གི་ལུས་ཀྱང་འབོར་ནས།། འཇིག་རྟེན་ཕ་རོལ་འགྲོ་དུས།། འགྱོད་ཀྱང་ཕན་པ་མི་འདུག། མེ་ཏོག་བཀྲག་མདངས་ཆེ་ཡང་།། བ་མོའི་གྲང་རེག་མི་ཐུབ།། ན་ཆུང་གཟུགས་བྱད་ལེགས་ཀྱང་།། འཆི་བདག་བདུད་པོར་མི་ཐུབ།། འཇིག་རྟེན་འཁོར་བའི་བདེ་སྐྱིད།། མདང་གི་རྨི་ལམ་འདྲ་སོང།། རྨི་ལམ་བདེན་པར་བཟུང་ནས།། ཕན་པའི་ཆ་ཞིག་ཡོད་དམ།། རང་སྣང་འཁྲུལ་པར་མ་ཤེས།། བྱས་ཚད་སྡུག་བསྔལ་ཕུང་པོ།། འཁོར་བའི་རང་བཞིན་ཤེས་ན།། བདེ་བ་ཆེན་པོ་ལགས་སོ།། །།
འབྲུག་རྒྱལ་ཁབ་དགའ་བའི་ཞིང་ཁམས་ནང་།
ཞུན་དག༉ འབྲུག་རྒྱལ་ཁབ་དགའ་བའི་ཞིང་ཁམས་ནང་།། མགོན་བླ་མེད་ཨོ་རྒྱན་པདྨ་བྱོན།། ཆོས་གསང་སྔགས་བསྟན་པ་ཕྱོགས་མཐར་སྤེལ།། དཔལ་ཟངས་མདོག་དཔལ་རིར་བྱིན་གྱིས་རློབས།། འབྲུག་རྒྱལ་ཁབ་སྦས་ཡུལ་སྐྱིད་པའི་ཞིང་།། ཕ་དྲིན་ཅན་ངག་དབང་རྣམ་རྒྱལ་བྱོན།། དཔལ་ཆོས་སྲིད་ལུགས་གཉིས་རྒྱལ་མཚན་བཙུགས།། རང་དབང་གི་རྒྱལ་དར་ཕྱོགས་བརྒྱར་བསྒྲེངས།། འབྲུག་མངའ་བདག་རྒྱལ་པོ་རིན་པོ་ཆེ།། སྐུ་འགྱུར་མེད་ཞབས་པད་བསྐལ་བརྒྱར་བརྟན།། མཐུན་ལམ་གྱི་དར་དཀར་བརྐྱང་བཞིན་དུ།། ཆབ་སྲིད་དང་སངས་རྒྱས་བསྟན་པ་སྤེལ།། འབྲུག་མི་སེར་ཡོངས་ཀྱི་ཁ་རྗེ་བཟང་།། བདེ་སྐྱིད་ཀྱི་དཔལ་འབྱོར་གོང་ལས་འཕེལ།། ལྷག་བསམ་གྱི་མེ་ཏོག་འདབ་བརྒྱ་བཞད།། དཔལ་འབྲུག་པ་དར་ཞིང་རྒྱས་པར་ཤོག། །།
འབྲུག་པའི་གདུང་བརྒྱུད་རྒྱལ་སྲས་ངག་དབང་རྣམ་རྒྱལ་ལ།
ཞུན་དག༉ འབྲུག་པའི་གདུང་བརྒྱུད་རྒྱལ་སྲས་ངག་དབང་རྣམ་རྒྱལ།། ཙཱ་རི་གཡས་ལས་བསྐོར་ཞིང།། ཨ་ཞེ་ཉི་ཟླ་དང་མཇལ།། ཙཱ་རི་གཡོན་ལས་བསྐོར་ཞིང་།། ཨ་ཞེ་སྣང་ས་དང་མཇལ།། དེ་བཞིན་སྤུངས་ཐང་བདེ་ཆེན།། ཕོ་ཆུ་གཡས་ལས་བསྐོར།། དེ་བཞིན་སྤུངས་ཐང་བདེ་ཆེན།། མོ་ཆུ་གཡོན་ལས་བསྐོར།། ཕོ་ཆུ་མོ་ཆུ་བར་ན་ངག་དབང་རྣམ་རྒྱལ་རང་བཞུགས།། བཀྲིས་སྒོ་མང་རྒྱལ་བའི་ཞིང་ཁམས་འདྲ།། འབྲུག་པའི་ཞིང་ཁམས་བསྐོར་བ་རྟེན་འབྲེལ་བཟང་པོ་རང་ཞུ།། །།
འབྲུག་པའི་སྤུངས་ཐང་བདེ་ཆེན།
ཞུན་དག༉ འབྲུག་པའི་སྤུངས་ཐང་བདེ་ཆེན།། བཀྲིས་སྒོ་མང་འདྲ་དོ།། སྭཽ་ཡ། རྨ་བྱ་སྤུ་རིས་ལེགས་པའི་ཆགས་པ་ལ་ཅིག་འདྲ་སོང་།། མཐོ་བ་གསེར་ཏོག་བཀལ་ས།། དམའ་བ་འགྱམ་གཞི་བཙུགས་ས།། སྭཽ་ཡ། རྨ་བྱ་སྤུ་རིས་ལེགས་པའི་ཆགས་པ་ལ་ཅིག་འདྲ་སོང་།། འབྲུག་པའི་ཐང་བཟོ་སྒོ་ཅུང་།། དངུལ་དཀར་མེ་ལོང་འདྲ་དོ།། སྭཽ་ཡ། རྨ་བྱ་སྤུ་རིས་ལེགས་པའི་ཆགས་པ་ལ་ཅིག་འདྲ་སོང་།། འབྲུག་པའི་སྤུངས་ཐང་ཟམ་ལྕགས།། གསེར་ཟམ་དངུལ་ཟམ་འདྲ་དོ།། འབྲུག་པའི་དར་འཕྱར་ལམ་འདི།། དར་ལམ་དཀར་ཅུང་འདྲ་དོ།། སྭཽ་ཡ། རྨ་བྱ་སྤུ་རིས་ལེགས་པའི་ཆགས་པ་ལ་ཅིག་འདྲ་སོང་།། །།
འབྲུག་གཞུང་འདི་ནང་དགའ་མི་དགའ།
ཞུན་དག༉ འབྲུག་གཞུང་འདི་ནང་དགའ་མི་དགའ།། འབྲུག་གཞུང་འདི་ནང་སྐྱིད་མི་སྐྱིད།། ཕུན་སུམ་ཚོགས་ཏེ་དགའ་བའི་ཉིམ་ཤར་ཡོད།། འབྲུག་ལུ་སྐྱེས་པའི་མི་སེར་ཚུ།། དགའ་བ་ཡོད་ལ་སྐྱིད་པ་ཡོད།། དཀོན་མཆོག་གསུམ་གྱི་ཐུགས་རྗེ་སྨོན་ལམ་ལས།། ཆུང་ཚེ་ཕ་མས་གསོ་སྟེ་གིས།། སྦོམ་ཚེ་ཡོན་ཏན་ཐོབ་སྟེ་ཡོད།། ཡོན་ཏན་ཐོབ་པ་སློབ་དཔོན་བཀྲིན་ཆེ།། ང་བཅས་བུཚ་དང་བུ་མོ་ཚུ།། སེམས་ལུ་སྡུག་བསྔལ་མེད་པར་ཡོད།། མི་དབང་མངའ་བདག་རྒྱལ་པོའི་སྐུ་དྲིན་ལས།། །།
འབྲུག་ཡུལ་སྐྱིད་པའི་ལུང་པ།
ཞུན་དག༉ འབྲུག་གཡུས་སྐྱིད་པའི་ལུང་པ་ལུ།། ཕྱི་དགྲ་འཐབ་རྩོད་མེད་པ་དགའ།། གཞུང་དང་མི་སེར་མཐུན་འབྲེལ་འདི།། མི་ལུས་དར་གྱི་མདུད་ཕོད་ཨིན།། གཡུས་འདི་ནང་འཁྱམས་པའི།། འབྲུག་གཞུང་གི་མི་སེར། །རྒྱལ་ཁབ་འདི་ནང་ སེམས་སྐྱིད་མི་སྐྱིད།། མཐའ་འཁོར་གངས་རི་དཀར་པོས་བསྐོར།། ནང་ན་ལྷ་ཆོས་དར་ཏེ་ཡོད།། འབངས་རྣམས་བདེ་བར་འཚོ་མི་འདི།། ལྷ་ཆོས་གྲུབ་པའི་བྱིན་རླབས་ཨིན།། ལུས་མི་ལུས་རིན་ཆེན།། ཐུགས་བྱང་ཆུབ་སེམས་དཔའ།། འབྲུགས་གཡུས་འདི་ནང་འཁྱམས་དགའ་མི་དགའ།། གདུང་བརྒྱུད་ལྷ་ལས་མཆེད་འོང་མི།། ཆོས་རྒྱལ་མངའ་བདག་རིན་པོ་ཆེ།། མི་སེར་བྱམས་པས་སྐྱོངས་ཐབས་ལུ།། འགྲན་ཟླ་མེད་པའི་ཐུགས་རིག་ཡོད།། དཔལ་འབྲུག་གི་རྒྱལ་པོ།། སྐུ་འགྱུར་མེད་བཞུགས་ཡོད།། ང་བཅས་མི་སེར་སྐལཝ་ལྡན་མི་ལྡན།། གོང་མ་བླམ་དང་དཔོན་ཁག་ཡོད།། འོག་མ་མི་སེར་ཉམ་ཆུང་ཚུ།། རང་མགོ་རང་འདྲོངས་སྡོད་ནི་ལུ།། བརྩོན་ཤུགས་གང་དྲག་སྐྱེད་དོ་ས།། མི་ཆེ་ཆུང་མེད་པ།།དུས་གོ་སྐབས་བཟང་པོ།། དབང་ཆ་འདྲ་མཉམ་ཐོབ་སྤྲོ་མི་སྤྲོ།། ནུས་སྟོབས་ཅན་གི་རྩ་སུམ་ལྷ།། དགྲ་སྡེ་སྲུང་བའི་བདག་པོར་བཞུགས།། བར་ལས་ཁས་བླངས་མཛད་ཞིནམ་ལས།། འབྲུག་མི་ཡོངས་ཀྱི་སྐྱབས་མགོན་ཨིན།། གནམ་ཉིན་མཚན་མེད་པ།། གསོལཝ་ཡང་ཡང་བཏབ་དོ།། འགྱུར་བ་མེད་པའི་སྐྱབས་བཟང་མི་བཟང་།། །།
མི་མང་དགའ་བའི་འབྱུང་གནས།
ཞུན་དག༉ མི་མང་དགའ་བའི་འབྱུང་གནས།། འབྲུག་གཡུས་གཞོན་ནུ་ཚོགས་རྣམས།། སྐལ་བཟང་ཉི་མ་འདི་རིང་།། གསར་དུ་འཁྲུངས་པ་ལེགས་སོ།། བཀྲིས་རྒྱས་པའི་གསལ་བཤད།། རྒྱལ་ཁབ་མཐའ་གྲུ་ཀུན་ལ།། ལྷ་ཡི་ཆོས་རྔ་སྒྲོག་བཞིན།། ཡོངས་སུ་ཁྱབ་པ་དགའ་སོང་།། འབྲུག་གཡུས་གཞོན་ནུ་ཚོགས་པ།། རྒྱལ་ཁབ་འདི་ཡི་རྒྱན་ཆ།། བསྐལ་པ་བརྒྱ་ཡི་བར་ཡང་།། མི་ཉམས་བརྟན་པར་ཤོག་ཅིག། ན་གཞོན་ཕོ་མོ་ཚོགས་ཀྱིས།། བློ་གྲོས་ནོར་གྱི་བང་མཛོད།། གཞོན་ནུ་ཚོགས་པའི་དཔལ་དུ།། ཡོངས་སུ་སྤྱོད་པར་ཤོག་ཅིག། །།
སྨན་ལྗོངས་མངའ་འབངས་ཡོངས་ཀྱི།
ཞུན་དག༉ སྨན་ལྗོངས་མངའ་འབངས་ཡོངས་ཀྱི་ལྷ་སྐལ་ལུ།། རིགས་བཟང་ལྷ་ཡི་གདུང་སྲས་མི་དབང་མཆོག། འབྲུག་མི་ཡོངས་ཀྱི་ཁ་རྗེ་བསོད་ནམས་ལས།། ནང་གི་ནོར་བུ་མི་དབང་འཁྲུངས་ཏེ་ཡོད།། དཔལ་ལྡན་འབྲུག་པའི་ཆབ་སྲིད་དགུང་ལས་མཐོ།། མི་དབང་སྐུ་ཚེ་ཞབས་པད་བརྟན་པར་ཤོག། མི་དབང་མཁྱེན་བརྒྱའི་ཐུགས་ཀྱི་ནམ་མཁའ་ལས་།། བརྩེ་བའི་ཕྲིན་ལས་རྣམ་བཞིའི་ཉི་འོད་ཀྱིས།། ཕུན་ཚོགས་སྡེ་བཞིའི་མེ་ཏོག་རབ་རྒྱས་ནས།། རྒྱལ་ཁབ་རང་བཙན་འགྱུར་མེད་ཡུན་དུ་བརྟན།། དཔལ་ལྡན་འབྲུག་པའི་ཆབ་སྲིད་དགུང་ལས་མཐོ།། མི་དབང་སྐུ་ཚེ་ཞབས་པད་བརྟན་པར་ཤོག། མི་དབང་ཆོས་རྒྱལ་ཐུགས་ཀྱི་དགོངས་གཏེར་ལས།། རྒྱལ་ཡོངས་དགའ་སྐྱིད་དཔལ་དང་ལྡན་ཐབས་ལུ།། རྒྱལ་ཁབ་གཅིག་དང་མི་སེར་གཅིག་ལུ་བཟོ།། རྒྱལ་བརྒྱུད་ཅན་གྱི་དམང་གཙོའི་སྲིད་གཞུངབཙུགས།། དཔལ་ལྡན་འབྲུག་པའི་ཆབ་སྲིད་དགུང་ལས་མཐོ།། མི་དབང་སྐུ་ཚེ་ཞབས་པད་བརྟན་པར་ཤོག། རྒྱལ་བརྒྱུད་ཡིད་བཞིན་ནོར་བུའི་ཆབ་འོག་ལས།། དམངས་གཙོའི་རིང་ལུགས་བཟང་པོའི་དཔལ་ཡོན་གྱིས།། རྒྱལ་ཡོངས་དགའ་སྐྱིད་དཔལ་འཛོམས་ལེགས་གྲུབ་ནས།། མངའ་ཞབས་བདེ་སྐྱིད་ཡར་ངོའི་ཟླ་བཞིན་འཕེལ།། དཔལ་ལྡན་འབྲུག་པའི་ཆབ་སྲིད་དགུང་ལས་མཐོ།། མི་དབང་སྐུ་ཚེ་ཞབས་པད་བརྟན་པར་ཤོག། །།
སྨན་ལྗོངས་ཆོས་ཀྱི་ཞིང་འདིར། ༡ པ།
ཞུན་དག༉ སྨན་ལྗོངས་ཆོས་ཀྱི་ཞིང་འདིར།། ཨོ་རྒྱན་པདྨ་བྱོན་ནས།། སྦས་ཡུལ་བྱིན་གྱིས་བརླབས་པས།། དགའ་སྐྱིད་རྒྱས་པ་ལེགས་སོ།། འབྲུག་ཡུལ་སྐྱིད་པའི་ལྗོངས་སུ།། ངག་དབང་རྣམ་རྒྱལ་བྱོན་ནས།། ལུགས་གཉིས་འཁོར་ལོ་བསྒྱུར་བས།། བདེ་སྐྱིད་རྒྱས་པ་ལེགས་སོ།། ཙན་དན་བཀོད་པའི་ཞིང་ན།། མི་དབང་རིམ་པར་བྱོན་ནས།། ཆོས་སྲིད་གོང་དུ་སྤེལ་བས།། རང་བཙན་བརྟན་པ་ལེགས་སོ།། ཁ་བཞི་འབྲུག་གི་ཡུལ་དུ།། སློབ་དཔོན་མཁས་མཆོག་བྱོན་ནས།། ཕྱི་ནང་ཡོན་ཏན་རྒྱས་པས།། ཤེས་རིག་འཕེལ་བ་ལེགས་སོ།། དཔལ་དང་ལྡན་པའི་ཡུལ་དུ།། དྲིན་ཅན་ཕ་མ་བྱོན་ནས།། བྱམས་བརྩེ་ལྷག་པར་རྒྱས་ནས།། བུ་ཆུང་སྐྱིད་པ་ལེགས་སོ།། ན་གཞོན་བུ་དང་བུ་མོས།། དགའ་བའི་གླུ་ཞིག་ལེན་ཡོད།། སྐྱིད་པའི་བྲོ་ཞིག་འཁྲབ་ཡོད།། དགྱེས་པའི་སྤྱན་གྱིས་གཟིགས་ཞུ།། །།
སྨན་ལྗོངས་ཆོས་ཀྱི་ཞིང་འདིར། ༢ པ།
ཞུན་དག༉ སྨན་ལྗོངས་ཆོས་ཀྱི་ཞིང་འདིར།། ཕ་གཅིག་ཨྱོན་པདྨ།། གཙུག་གི་ནོར་བུར་བྱོན་པའི།། སྐྱབས་གནས་ཤིན་ཏུ་ལེགས་སོ།། བསོད་ནམས་དཔལ་ལས་བྱོན་པའི།། གནམ་བསྐོས་ལྷའི་དབང་ཕྱུག། མངའ་བདག་ཆོས་རྒྱལ་ཆེན་པོ།། ཞབས་པད་བརྟན་པ་ལེགས་སོ།། མངོན་མཐོ་ལྷ་ལ་འགྲན་པའི།། རང་དབང་ཐོབ་པའི་རྒྱབ་ཁབ།། མི་མཐུན་ཕྱོགས་ལས་རྒྱལ་ནས།། བདེ་ཞིང་སྐྱིད་པ་ལེགས་སོ།། སྔོ་ལྗང་ཤིང་ལོའི་ཚལ་གྱི།། ཡིད་འོང་ཁྱུ་བྱུག་སྔོན་མོ།། མགྲིན་གླུ་ལོས་ཀྱང་སྙན་པ།། སྙན་གྲགས་ཁྱབ་པ་ལེགས་སོ།། གནམ་བསྐོས་བློ་དང་ལྡན་པའི།། བློ་གསལ་གཞོན་ནུ་ཕོ་མོ།། སྐྱིད་པའི་རང་གནས་བྱོན་སྟེ།། བཀྲིས་ཕུན་སུམ་ཚོགས་ཤོག། །།
སྨན་ལྗོངས་འབྲུག་གི་རྒྱལ་ཁབ་འདི།
ཞུན་དག༉ སྨན་ལྗོངས་འབྲུག་གི་རྒྱལ་ཁབ་འདི།། མཐའ་འཁོར་གངས་རིས་བསྐོར་ཞིང་།། གཙང་ཆབ་ཆུ་མོ་འབབ་སྟེ།། ཤིང་དང་མེ་ཏོག་མཛེས་པའི་རྒྱན་ཆ་ཨིན།། མཐའ་འཁོར་བསྲུང་བའི་ཕན་ཡོན་གྱིས།། བསིལ་བའི་རླུང་དང་གྱིབ་མ།། སྨན་དང་རྒྱུ་ནོར་ལོངས་སྤྱོད།། རང་གཞན་མེད་པར་བདེ་སྐྱིད་འབྱུང་ནི་ཡོད།། རྒྱལ་ཡོངས་དགའ་སྐྱིད་དམིགས་དོན་ཏེ།། འབྲུག་གི་མི་སེར་ཕོ་མོ།། གཙང་མའི་རང་བཞིན་གནས་འདི།། སྲོག་ལས་ལྷག་སྟེ་བདག་འཛིན་འཐབ་དགོཔ་ཨིན།། རང་བཞིན་གནས་སྟངས་ཉེན་སྲུང་ལུ།། ཕྱག་སྙིགས་ག་ལྷོད་མ་བཀོ། ཤིང་དང་མེ་ཏོག་མ་བཅག། དུས་རྒྱུན་གཙང་སྦྲའི་ཐོག་ལས་བཞག་དགོཔ་ཨིན།། ཤིང་རིགས་སྣ་ཚོགས་བཙུགས་ཏེ་གིས།། ས་རུད་ཆུ་རུད་རྐྱེན་ངན།། བཙོག་རླུང་མ་འདྲཝ་བཀག་སྟེ།། སྐྱེ་འགྲོ་དགའ་བའི་དཔལ་ལུ་སྤྱོད་ནི་ཡོད།། མ་བཅོས་གྲུབ་པའི་རང་བཞིན།། དཔག་བསམ་ལྗོན་ཤིང་བཟུམ་སྦེ།། ཟད་མེད་འདོད་དགུའི་ལོངས་སྤྱོད།། རང་ལུ་ཕངས་སེམས་མེད་པར་འཐོབ་ནི་ཡོད།། །།
སྨན་ལྗོངས་ཡངས་པའི་གླིང་ལ།
ཞུན་དག༉ སྨན་ལྗོངས་ཡངས་པའི་གླིང་ལ།། འབྲུག་བཞིན་གྲགས་པ་ཐོབ་པ།། རྒྱལ་ཁབ་བསོད་ནམས་ཆེ་བའི།། ལྷ་རིགས་གོང་མ་ཕེབས་བྱུང་།། ཆོས་རྒྱལ་ཨོ་རྒྱན་དབང་ཕྱུག། ཆོས་སྲིད་རྒྱལ་ཁྲིར་ཕེབས་ཡོད།། ནང་གི་བསྟན་པ་རྒྱས་པ།། འབངས་ཀྱི་བསྐལ་བ་བཟང་སོང་།། ཕ་རྗེས་བུ་ཡིས་འཛིན་པ།། ལྷ་ཡི་གདུང་བརྒྱུད་བཞི་པ།། མངའ་བདག་མི་རྗེ་བཞི་པ།། ཆོས་སྲིད་རྒྱལ་ཁྲིར་ཕེབས་པ།། མཁྱེན་པའི་འོད་སྟོང་འབར་བ།། བསྟན་པའི་ཞབས་ཏོག་བཟང་ཞིང་།། འབངས་རྣམས་བདེ་བར་བཀོད་པ།། རྣམ་བཞིའི་འཕྲིན་ལས་རྒྱས་ཤོག། མངའ་འབངས་འཛོམས་པའི་དྲུང་དུ།། གཞོན་པ་ང་ཚོ་སྤྲོ་བའི།། གླུ་གར་མཆོད་པ་ཕུལ་ན།། དགྱེས་པའི་སྤྱན་གྱིས་གཟིགས་ཤོག། སྨན་ལྗོངས་ཡངས་པའི་གླིང་ལ།། སངས་རྒྱས་བསྟན་པ་དར་ཤོག། མངའ་བདག་ཞབས་པད་བརྟན་ནས།། ཆབ་སྲིད་གོང་དུ་འཕེལ་ཤོག། །།
སྨྱུག་མ་སྐྱེས་རིགས་སྐྱེས་ཚད།
ཞུན་དག༉ སྨྱུག་མ་སྐྱེས་རིགས་སྐྱེས་ཚད།། མ་བཤད་བཤད་པའི་བཤད་ཡོང་ལ།། བཤད་ཡོང་ལ།། གཞོན་པ་རང་ལ།། རྩྭ་རི་བྲག་ལ་མེན་པ།། གཡས་པ་ལོག་ཤོག་གཅིག་གཉིས་གསུམ།། ཡང་བསྐྱར་འདི་ལ་བཤད་པས།། གཞན་ལ་སྐྱེ་ས་མིན་འདུག། གཡོན་པ་ལོག་ཤོག་བཞི་ལྔ་དྲུག། སྨྱུག་མ་བཅད་རིགས་བཅད་ཚད།། མ་བཤད་བཤད་པའི་བཤད་ཡོང་ལ།། བཤད་ཡོང་ལ།། གཞོན་པ་རང་ལ།། གེ་སར་རྒྱལ་པོས་མ་གཏོགས།། གཡས་པ་ལོག་ཤོག་གཅིག་གཉིས་གསུམ།། ཡང་བསྐྱར་འདི་ལ་བཤད་པས།། གཞན་གྱིས་བཅད་ས་མིནའདུག། གཡོན་པ་ལོག་ཤོག་བཞི་ལྔ་དྲུག། སྨྱུག་མ་བསྡམ་རིགས་བསྡམས་ཚད།། མ་བཤད་བཤད་པའི་བཤད་ཡོང་ལ།། བཤད་ཡོང་ལ།། གཞོན་པ་རང་ལ།། དར་སྐུད་སྟོང་སྐུད་མ་གཏོགས།། གཡས་པ་ལོག་ཤོག་གཅིག་གཉིས་གསུམ།། ཡང་བསྐྱར་འདི་ལ་བཤད་པས།། གཞན་གྱིས་བསྡམ་ས་མིན་འདུག། གཡོན་པ་ལོག་ཤོག་བཞི་ལྔ་དྲུག། སྨྱུག་མ་དྲངས་རིགས་དྲངས་ཚད།། མ་བཤད་བཤད་པའི་བཤད་ཡོང་ལ།། བཤད་ཡོང་ལ།། གཞོན་པ་རང་ལ།། བྱང་ཆུབ་ལམ་ལས་མ་གཏོགས།། གཡས་པ་ལོག་ཤོག་གཅིག་གཉིས་གསུམ།། ཡང་བསྐྱར་འདི་ལ་བཤད་པས།། གཞན་གྱིས་དྲངས་ས་མིན་འདུག། གཡོན་པ་ལོག་ཤོག་བཞི་ལྔ་དྲུག། སྨྱུག་མ་བཙོང་རིགས་བཙོང་ཚད།། མ་བཤད་བཤད་པའི་བཤད་ཡོང་ལ།། བཤད་ཡོང་ལ།། གཞོན་པ་རང་ལ།། ལྷ་ས་ཁྲོམ་ལ་མ་གཏོགས།། གཡས་པ་ལོག་ཤོག་གཅིག་གཉིས་གསུམ།། ཡང་བསྐྱར་འདི་ལ་བཤད་པས།། གཞན་ལ་བཙོང་ས་མིན་འདུག། གཡོན་པ་ལོག་ཤོག་བཞི་ལྔ་དྲུག། སྨྱུག་མ་ཉོ་རིགས་ཉོ་ཚད།། མ་བཤད་བཤད་པའི་བཤད་ཡོང་ལ།། བཤད་ཡོང་ལ།། གཞོན་པ་རང་ལ།། སེང་ལྕམ་འབྲུག་མོས་མ་གཏོགས།། གཡས་པ་ལོག་ཤོག་གཅིག་གཉིས་གསུམ།། ཡང་བསྐྱར་འདི་ལ་བཤད་པས།། གཞན་གྱིས་ཉོ་ས་མིན་འདུག། གཡོན་པ་ལོག་ཤོག་བཞི་ལྔ་དྲུག། །།
རྩྭ་རི་ཡུལ་སྟོད་ཡུལ་སྨད།
ཞུན་དག༉ རྩྭ་རི་ཡུལ་སྟོད་ཡུལ་སྨད།། ཤ་བ་ཡིན་ན་དགའ་སོང་།། ཡུལ་སྟོད་རྩྭ་སྣ་འཛོམས་ས།། ཡུལ་སྨད་ཆུ་སྣ་འཛོམས་ས།། གནས་ཅིག་བསྐོར་ཞིག་བསྐོར་ཞིག། གནས་ལ་སྟག་ཚང་དོམ་ཚང་།། གནས་ལ་བསྐོར་བའི་ཆོས་གྲོགས།། ཆོས་གྲོགས་མ་དང་མཁའ་འགྲོ།། དག་པ་ཤེལ་རི་དཀར་ཅུང་།། གླུ་བདུད་རྡོ་རྗེ་ཟིལ་པ།། རྩྭ་རི་མཚོ་ཁ་ནང་ལ།། འཇའ་ཚོན་སྣ་ལྔའི་སྦུག་ལ།། ཨོ་རྒྱན་གུ་རུ་བཞུགས་ཡོད།། །།
ཚེ་སྔོན་ལས་ཀྱིས་བསྐོས་ཏེ།
ཞུན་དག༉ ཚེ་སྔོན་ལས་ཀྱིས་བསྐོས་ཏེ་གིས།། ཚེ་ད་རེས་གཅིག་ཁར་འཛོམས་པ་དགའ།། དུས་ད་རེས་འཛོམས་པའི་སྐུ་མགྲོན་ཚུ།། ཞལ་ཡང་ཡང་མཇལ་བ་བཀྲིན་ཆེ།། ས་འཇིག་རྟེན་འཛམ་གླིང་འདི་ནང་ལུ།། རྟེན་དལ་འབྱོར་མི་ལུས་རིན་ཆེན་ཐོབ།། ཆོས་སངས་རྒྱས་བསྟན་པའི་ཞིང་ཁམས་དང་།། སྐྱེ་བ་མི་ལུས་ཐོབ་པ་སེམས་རེ་དགའ།། ཕྱི་འཛམ་གླིང་ཡོངས་ཀྱིས་གྲགས་པའི་ལྗོངས།། ནང་རྒྱལ་ཁབ་རང་དབང་རང་བཙན་བརྟན།། རང་མི་ལུས་འདི་ན་ཐོབ་ཡོད་མི།། དཔལ་འབྲུག་པའི་རྒྱལ་ཁབ་དགའ་མི་དགའ།། ཕྱི་རྒྱལ་ཁབ་ཀུན་དང་མཐུན་ལམ་མཛད།། ནང་རྒྱལ་ཁབ་དཔལ་འབྱོར་གོང་འཕེལ་གནང་།། འབྲུག་རྒྱལ་པོ་མངའ་བདག་རིན་པོ་ཆེ།། སྐུ་འགྱུར་མེད་བརྟན་ཅིང་བཞུགས་སུ་གསོལ།། །།
ཚེ་འདིར་བཀྲིན་ཆེ་བ།
ཞུན་དག༉ ཚེ་འདིར་བཀྲིན་ཆེ་བའི་བརྩེ་བའི་གྲོགས།། སེམས་ལུས་གཅིག་ཏུ་འདྲེས་ཏེ་ལོ་མང་སོང་།། ད་ལོ་ཡུན་རིང་གཤིབ་པའི་དགའ་སྤྲོ་འདི།། གཤིབ་ཀྱང་བྲལ་བ་མ་གནང་རྩ་གསུམ་ལྷ།། ཚེ་སྟོད་དགའ་སྐྱིད་འཛོམས་པའི་ངང་ལས་ཡང་།། ཚེ་སྨད་འགྱུར་བ་མ་གནང་དཀོན་མཆོག་གསུམ།། བརྩེ་བའི་གྲོགས་དང་དགའ་བའི་སྙིང་གི་བུ།། སྐུ་ལུས་སྙུང་གཞི་མེད་པར་བཞུགས་ཟེར་ན།། རང་ཡང་ས་ཐག་རིང་ལ་མི་འགྲོ་བར།། ཕ་གཡུས་བུམ་ཐང་བསྐོར་ནས་ལོག་ནས་ཡོང་།། གཏན་དུ་བདེ་སྐྱིད་འཛོམས་པའི་དགའ་སྤྲོ་འདི།། ཞལ་ལ་ཡང་ཡང་མཇལ་བའི་སྨོན་ལམ་ཞུ།། །།
ཚེ་རིང་ལྕང་མོའི་རྩེ་ལ།
ཞུན་དག༉ ཚེ་རིང་ལྕང་མོའི་རྩེ་ལ།། བྱིའུ་ཅུང་ཡིན་ན་དགའ་སོང་།། བསམ་བློ་གང་ནས་བཏང་ཡང་།། དམ་པའི་ལྷ་ཆོས་དྲན་སོང་།། ཆུ་ལ་སྐྱོ་རོགས་ཉ་མོ།། བྲག་ལ་སྐྱོ་རོགས་འུག་པ།། ལས་ངན་སྤྲང་པོ་རང་ལ།། སྐྱོ་རོགས་བྱེད་མཁན་མིན་འདུག། ང་རང་གཅིག་ལས་མེད་ན།། ལྷ་ཆོས་གླིང་དུ་འགྲོ་དགོས།། འཁོར་བའི་བུ་ཆུང་བཞག་ནས།། ཆོས་ལ་འགྲོ་ས་མིན་འདུག། ང་རང་གཅིག་ལས་མེད་ན།། པདྨ་བཀོད་དུ་འགྲོ་དགོས།། ཕ་མ་རྒན་རྒས་བཞག་ནས།། ཆོས་ལ་འགྲོ་ས་མིན་འདུག། ས་འདི་མི་ཡུལ་ལུང་པ།། ཉི་མ་ལོ་ལས་རིང་སོང་།། ཉི་མ་རིང་བ་མ་རེད།། ཕ་ཡུལ་ས་ཐག་རིང་སོང་།། སྐྱེ་བ་མི་དང་མཉམ་རུང་།། བསོད་ནམས་མི་དང་མ་མཉམ།། སྐྱེས་པའི་ཕ་ཡུལ་བཞག་ནས།། འཁྱམས་ས་མི་ཡི་ལུང་པ།། ཚེ་སྔོན་ཚོགས་བསགས་མེད་པའི།། ལས་ངན་ཅན་གྱི་སྤྲང་ཆུང་།། ས་འདི་མི་ཡི་ལུང་པར།། འཁོར་བ་འཁྱམས་ནས་ལུས་སོང་།། །།
ཚེ་རིང་མོ་ནོར་བུ་ཁྲི་ལ་ཕུལ།
ཞུན་དག༉ ཚེ་རིང་མོ་ནོར་བུ་ཁྲི་ལ་ཕུལ།། དགུང་གི་དགུང་སངས་མཐོན་པོ།། ཚེ་རིང་མོ་ནོར་བུ་ཁྲི་ལ་ཕུལ།། ཚེ་རིང་མོ་ནོར་བུ་ཁྲི་ལ་ཕུལ་སོང་།། ཚེ་རིང་མོ་ནོར་བུ་ཁྲི་ལ་ཕུལ།། དགུང་དང་ཁྲི་གདུགས་ཉི་མ།། ཚེ་རིང་མོ་ནོར་བུ་ཁྲི་ལ་ཕུལ།། སོ་ཡ་ལ།། ནོར་བུ་ཁྲི་ལ་ཕུལ་སོང་།། ཚེ་རིང་མོ་ནོར་བུ་ཁྲི་ལ་ཕུལ་སོང་།། གངས་ཀྱི་གངས་སྟོད་མཐོན་པོ།། ཚེ་རིང་མོ་ནོར་བུ་ཁྲི་ལ་ཕུལ།། ཚེ་རིང་མོ་ནོར་བུ་ཁྲི་ལ་ཕུལ།། གངས་དང་དར་སེང་དཀར་མོ།། ཚེ་རིང་མོ་ནོར་བུ་ཁྲི་ལ་ཕུལ།། སོ་ཡ་ལ།། ནོར་བུ་ཁྲི་ལ་ཕུལ་སོང་།། ཚེ་རིང་མོ་ནོར་བུ་ཁྲི་ལ་ཕུལ།། སྤང་གི་སྤང་སྟོད་མཐོན་པོ།། ཚེ་རིང་མོ་ནོར་བུ་ཁྲི་ལ་ཕུལ།། ཚེ་རིང་མོ་ནོར་བུ་ཁྲི་ལ་ཕུལ་སོང་།། སྤང་དང་ཤཝ་རྒོད་རྭ་བཅུ།། ཚེ་རིང་མོ་ནོར་བུ་ཁྲི་ལ་ཕུལ།། སོ་ཡ་ལ།། ནོར་བུ་ཁྲི་ལ་ཕུལ་སོང་།། ཚེ་རིང་མོ་ནོར་བུ་ཁྲི་ལ་ཕུལ་སོང་།། མཚོ་གི་མཆོ་སྟོད་མཐོན་པོ།། ཚེ་རིང་མོ་ནོར་བུ་ཁྲི་ལ་ཕུལ།། ཚེ་རིང་མོ་ནོར་བུ་ཁྲི་ལ་ཕུལ་སོང་།། མཚོ་དང་གསེར་མིག་ཉ་མོ།། ཚེ་རིང་མོ་ནོར་བུ་ཁྲི་ལ་ཕུལ།། སོ་ཡ་ལ།། ནོར་བུ་ཁྲི་ལ་ཕུལ་སོང་།། ཚེ་རིང་མོ་ནོར་བུ་ཁྲི་ལ་ཕུལ།། རྫོང་གི་རྫོང་སྟོད་མཐོན་པོ།། ཚེ་རིང་མོ་ནོར་བུ་ཁྲི་ལ་ཕུལ།། ཚེ་རིང་མོ་ནོར་བུ་ཁྲི་ལ་ཕུལ་སོང་།། རྫོང་དང་དབང་ཆེན་དཔོན་པོ།། ཚེ་རིང་མོ་ནོར་བུ་ཁྲི་ལ་ཕུལ།། སོ་ཡ་ལ།། ནོར་བུ་ཁྲི་ལ་ཕུལ་སོང་།། ཚེ་རིང་མོ་ནོར་བུ་ཁྲི་ལ་ཕུལ།། ནགས་ཀྱི་ནགས་སྟོད་མཐོན་པོ།། ཚེ་རིང་མོ་ནོར་བུ་ཁྲི་ལ་ཕུལ།། ཚེ་རིང་མོ་ནོར་བུ་ཁྲི་ལ་ཕུལ་སོང་།། ནགས་དང་སྟག་མོ་རིས་མཛེས།། ཚེ་རིང་མོ་ནོར་བུ་ཁྲི་ལ་ཕུལ།། སོ་ཡ་ལ།། ནོར་བུ་ཁྲི་ལ་ཕུལ་སོང་།། །།
ཚེས་ཆེན་བཅོ་ལྔའི་ཟླ་བ།
ཞུན་དག༉ ཚེས་ཆེན་བཅོ་ལྔའི་ཟླ་བ།། ཤར་རིའི་རྩེ་ནས་ཤར་སོང་།། ཤར་རིའི་རྩེ་ནས་ཤར་ནས།། འགྲོ་བའི་མུན་པ་སེལ་སོང་།། འགྲོ་བའི་མུན་པ་སེལ་ནས།། དགའ་བ་སྐྱིད་པ་འདུག་གོ། དགའ་སྐྱིད་ཕུན་སུམ་ཚོགས་པའི།། རྟེན་འབྲེལ་འདི་ལ་བཟང་སོང་།། གསེར་གླིང་གྲུ་བཞིའི་ནང་ལས།། གསེར་གྱི་མེ་ཏོག་ཤར་སོང་།། གསེར་གྱི་མེ་ཏོག་ཤར་ནས།། ཕུལ་ས་བླ་མའི་ཕྱག་ལ།། བླ་མའི་ཕྱག་ལ་ཕུལ་ནས།། ཆོས་ཀྱི་བསྟན་པ་དར་སོང་།། དངུལ་གླིང་གྲུ་བཞི་ནང་ལས།། དངུལ་གྱི་མེ་ཏོག་ཤར་སོང་།། དངུལ་གྱི་མེ་ཏོག་ཤར་ནས།། ཕུལ་ས་རྒྱལ་པོའི་ཕྱག་ལ།། རྒྱལ་པོའི་ཕྱག་ལ་ཕུལ་ནས།། རྒྱལ་སྲིད་བསྟན་པ་དར་སོང་།། དུང་གླིང་གྲུ་བཞིའི་ནང་ལས།། དུང་གི་མེ་ཏོག་ཤར་སོང་།། དུང་གི་མེ་ཏོག་ཤར་ནས།། ཕུལ་ས་ཡབ་ཡུམ་ཕྱག་ལ།། ཡབ་ཡུམ་ཕྱག་ལ་ཕུལ་ནས།། བྱམས་བརྩེ་སྔར་ལས་རྒྱས་སོང་།། ཕ་རིའི་སྤང་གི་ལོག་ལ།། ཧ་ལོའི་མེ་ཏོག་ཤར་སོང་།། ཧ་ལོའི་མེ་ཏོག་ཤར་ནས།། ཕུལ་ས་དགའ་བའི་ཕྱག་ལ།། དགའ་བའི་ཕྱག་ལ་ཕུལ་ནས།། དམ་ཚིག་སྔར་ལས་བརྟན་སོང་།། །།
མཚན་ལྡན་ཚོགས་པའི་ཚོགས་ལུགས་བཤད་མི་དགོ།
ཞུན་དག༉ མཚན་ལྡན་ཚོགས་པའི་ཚོགས་ལུགས་བཤད་མི་དགོ།། མཚན་ལྡན་ཚོགས་པའི་ཚོགས་ལུགས་བཤད་དགོ་ན།། དབུ་ཞྭ་གནམ་ལ་མ་རེག་ཆོས་གོས་སྡོམ་པ་གཅིག། གཤམ་ཐབས་ས་ལ་མ་གཞོལ་རས་གོས་སྡོམ་པ་གཉིས།། ན་བཟའ་བར་ལས་རླུང་དར་འཕྱར་བ་གསུམ་ཟེར་ནས་ཡ།། ཨོ་ལོ་དད་པའི་མཚན་ལྡན།། སངས་རྒྱས་སྟོང་གི་རྣམ་སྤྲུལ་ཐོབ་པ་ལགས་སོ།། །།
Reference
ཀུན་བཟང་རྡོ་རྗེ། གླུ་དེབ། རྒྱལ་གཞུང་ཟློས་གར་སློབ་སྦྱོང་ལྟེ་བ། ཐིམ་ཕུག།
ཀུན་བཟང་སྟོབས་རྒྱས་དང་མ་ནི་རྡོ་རྗེ། ༢༠༡༧ འབྲུག་གི་གླུ་དེབ། དཔལ་འབྲུག་ཞིབ་འཇུག་ལྟེ་བ། ཐིམ་ཕུག།