རྫོང་ཁའི་ཞབས་ཁྲ། ༼ཀ་སྡེ་ལས་ཅ་སྡེ་ཚུན།༽
༉ ཀོང་ཐག་སྙན་པའི་གསུང་ལ།། ཕ་གཅིག་ཡོད་ག་མེད་ལ།། ཕ་གཅིག་ཡོད་ན།། ཕ་གཅིག་འཚོལ་དགོས་འདུག་གོ། ཙཱ་རི་བྲག་གི་སྨྱུག་མ།། ཀོང་ཐག་སྙན་པའི་གསུང་གི།། ཕ་གཅིག་ཡིན་པ།། ཕ་གཅིག་འཚོལ་དགོས་མིན་འདུག། ཀོང་ཐག་སྙན་པའི་གསུང་ལ།། མ་གཅིག་ཡོད་ག་མེད་ལ།། མ་གཅིག་ཡོད་ན།། མ་གཅིག་འཚོལ་དགོས་འདུག་གོ།། བུ་མོའི་དབུགས་ཀྱིས་ལེན་ལུགས།། ཀོང་ཐག་སྙན་པའི་གསུང་གི།། མ་གཅིག་ཡིན་པ།། མ་གཅིག་འཚོལ་དགོས་མིན་འདུག། ཀོང་ཐག་སྙན་པའི་གསུང་ལ།། སྤུན་གཅིག་ཡོད་ག་མེད་ལ།། སྤུན་གཅིག་ཡོད་ན།། སྤུན་གཅིག་འཚོལ་དགོས་འདུག་གོ།། དར་སྐུད་ལྟོང་སྐུད་གཉིས་པོ།། ཀོང་ཐག་སྙན་པའི་གསུང་གི།། སྤུན་ཆ་ཡིན་པ།། སྤུན་གཅིག་འཚོལ་དགོས་མིན་འདུག། ཀོང་ཐག་གསུང་སྙན་བསྒྱུར་ས།། ས་གཅིག་ཡོད་ག་མེད་ལ།། ས་གཅིག་ཡོད་ན་།། ས་གཅིག་འཚོལ་དགོས་འདུག་གོ།། སྟག་ཤར་ཚོགས་པའི་དབུས་ན།། ཀོང་ཐག་སྙན་པའི་གསུང་སྙན།། བསྒྱུར་ས་ཡིན་པ།། ས་གཅིག་འཚོལ་དགོས་མིན་འདུག། །།
.jpg)
ཀོང་ཐག་སྙན་པའི་གསུང་ལ།
ཞུན་དགབཀྲ་ཤིས་པར་ཤོག་ཅིག་སྨན་ལྗོངས་འདིར།
ཞུན་དག༉ བཀྲ་ཤིས་པར་ཤོག་ཅིག་སྨན་ལྗོངས་འདིར།། སྐྱབས་ཡུལ་གྱི་རྒྱལ་པོ་དཀོན་མཆོག་གསུམ།། མཚན་སྙན་པའི་གྲགས་པ་སྒྲོགས་བཞིན་དུ།། བཀྲིས་པའི་སྣང་བས་ཁྱབ་པར་ཤོག།། བཀྲ་ཤིས་པར་ཤོག་ཅིག་སྨན་ལྗོངས་འདིར།། སྐྱེ་དགུ་ཡི་གཙོ་བོ་མངའ་བདག་མཆོག། སྟོབས་མངའ་ཐང་དགུང་བས་མཐོ་བཞིན་དུ།། བཀྲིས་པའི་མཁྱེན་བརྩེ་བརྟན་པར་ཤོག། བཀྲ་ཤིས་པར་ཤོག་ཅིག་སྨན་ལྗོངས་འདིར།། འདུན་གྲོས་ཀྱི་གཙོ་བོ་ཆོས་བློན་རྣམས།། ཕུལ་བྱུང་གི་རྣམ་དཔྱོད་དྲང་པོ་ཡིས།། བཀྲིས་པའི་ཆོས་སྲིད་བསྐྱང་བར་ཤོག། བཀྲ་ཤིས་པར་ཤོག་ཅིག་སྨན་ལྗོངས་འདིར།། འབངས་སྐྱེ་འགྲོའི་གཙོ་བོ་ཆོས་ལྡན་ལུགས།། སེམས་གུས་པའི་ཞབས་ཏོག་མི་ལྷོད་བཞིན།། བཀྲིས་པའི་བདེ་སྐྱིད་འབྱུང་བར་ཤོག། བཀྲ་ཤིས་པར་ཤོག་ཅིག་སྨན་ལྗོངས་འདིར།། ལས་ཆོས་སྤྱོད་ཐོས་བསམ་སྒོམ་གསུམ་གྱིས།། དོན་མཁས་དང་སྒྲུབ་པའི་མྱུ་གུའི་ཚོགས།། བཀྲིས་པའི་འབྲས་བཟང་གྲུབ་པར་ཤོག། །།
བཀྲ་ཤིས་ལ་སོ་ལུང་པའི་ཕུ་ལ།
ཞུན་དག༉ བཀྲ་ཤིས་ལ་སོ་ལུང་པའི་ཕུ་ལ།། གསེར་གྱི་ལྷ་ཁང་བཞེངསཡོད།། གསེར་གྱི་ལ་སོ་ལྷ་ཁང་ནང་ལ།། གསེར་གྱི་རིས་མོ་བྲིས་ཡོད།། ཆར་པ་ལོ་གསུམ་བབས་རུང་།། རིས་མོ་ཡལ་རྒྱུ་མིན་འདུག། ཁྲི་གདུགས་སྤུན་བདུན་ཤར་རུང་།། རིས་མོ་སྒྲིབ་རྒྱུ་མིན་འདུག། མིན་འདུག་ལགས་སོ་མིན་འདུག། ན་བ་ཚ་བ་མིན་འདུག། འདུག་གོ་ལགས་སོ་འདུག་གོ།། དགའ་བ་སྐྱིད་པོ་འདུག་གོ།། བཀྲ་ཤིས་ལ་སོ་ལུང་པའི་ཕུ་ལ།། དངུལ་གྱི་ལྷ་ཁང་བཞེངསཡོད།། དངུལ་གྱི་ལྷ་ཁང་ནང་དུ།། དངུལ་གྱི་རིས་མོ་བྲིས་ཡོད།། ཆར་པ་ལོ་གསུམ་བབས་རུང་།། རིས་མོ་ཡལ་ས་མིན་འདུག། ཁྲི་གདུགས་སྤུན་བདུན་ཤར་རུང་།། རིས་མོ་སྒྲིབ་རྒྱུ་མིན་འདུག། མིན་འདུག་ལགས་སོ་མིན་འདུག། ན་བ་ཚ་བ་མིན་འདུག། འདུག་གོ་ལགས་སོ་འདུག་གོ།། དགའ་བ་སྐྱིད་པོ་འདུག་གོ།། བཀྲ་ཤིས་ལ་སོ་ལུང་པའི་ཕུ་ལ།། དུང་གྱི་ལྷ་ཁང་བཞེངསཡོད།། དུང་གི་ལྷ་ཁང་ནང་དུ།། དུང་གི་རིས་མོ་བྲིས་ཡོད།། ཆར་པ་ལོ་གསུམ་བབས་རུང་།། རིས་མོ་ཡལ་ས་མིན་འདུག། ཁྲི་གདུགས་སྤུན་བདུན་ཤར་རུང་།། རིས་མོ་སྒྲིབ་རྒྱུ་མིན་འདུག། མིན་འདུག་ལགས་སོ་མིན་འདུག། ན་བ་ཚ་བ་མིན་འདུག། འདུག་གོ་ལགས་སོ་འདུག་གོ།། དགའ་བ་སྐྱིད་པོ་འདུག་གོ། །།
བཀྲ་ཤིས་གསེར་གྱི་རི་ལ།
ཞུན་དག༉ བཀྲ་ཤིས་གསེར་གྱི་རི་ལ། ཕོ། བཀྲ་ཤིས་གསེར་གྱི་རི་ལ།། གཡུ་ཡི་གུར་ཁང་ཕུབ་ཡོད།། གཡུ་ཡི་གུར་ཁང་ནང་དུ།། དཀར་གསལ་ཟླ་བ་རྒྱས་འདྲའི།། ལྷ་མོ་ཁྱེད་ཅག་སུ་ཨིན།། མ་གསང་དྲང་པོར་གསུངས་དང་།། མོ། ངེད་ཅག་སུ་ཡིན་མ་ཤེས་ན།། མ་མཐོང་རྒྱང་གི་ས་ཆ་ལ།། གངས་དཀར་མཐོན་མཐིང་རྒྱལ་མོ་ནས་། ལྷ་མོ་ཚེ་རིང་མཆེད་ལྔ་ཡིན། ཕོ། ཨེ་མ་ལྷ་མོ་ཁྱེད་ཅག། དགའ་སྐྱིད་རྩེད་བྲོའི་དོ་ར།། འདི་ན་བྱོན་པའི་རྒྱུ་མཚན།། ཅི་ཡོད་ང་ལ་གསུངས་དང་།། མོ། ངེད་རྣམས་ཡོང་དོན་མ་ཤེས་ན།། ལེགས་པའི་དཔལ་གཡང་བསྐྱེད་དུ་ཡོང་།། དགའ་བའི་གླུ་དབྱངས་ལེན་དུ་ཡོང་།། བཀྲ་ཤིས་སྨོན་ལམ་ཞུ་རྒྱུར་ཡོང་།། ཕོ། འོ་ན་ལྷ་མོ་ཁྱེད་ལ།། གཞན་ལ་དཔལ་གཡང་བསྐྱེད་པའི།། དངོས་གྲུབ་གང་དང་གང་ཡོད།། རེ་རེ་བཞིན་དུ་གསུངས་དང་།། མོ། ང་ནི་བཀྲ་ཤིས་ཚེ་རིང་མ་།། རིགས་བརྒྱུད་འཕེལ་བའི་དངོས་གྲུབ་ཡོད།། ད་རེས་མཇལ་བའི་དགའ་སྟོན་ལ།། འབུལ་ལོ་དཔལ་དང་གཡང་ཆགས་ཤོག། ང་ནི་མཐིང་གི་ཞལ་བཟང་མ།། སྣང་གསལ་པྲ་ཡི་དངོས་གྲུབ་ཡོད།། ད་རེས་མཇལ་བའི་དགའ་སྟོན་ལ།། འབུལ་ལོ་དཔལ་དང་གཡང་ཆགས་ཤོག། ང་ནི་མི་གཡོ་གླང་བཟང་མ།། རྨ་གཡང་ཟས་ཀྱི་དངོས་གྲུབ་ཡོད།། ད་རེས་མཇལ་བའི་དགའ་སྟོན་ལ།། འབུལ་ལོ་དཔལ་དང་གཡང་ཆགས་ཤོག། ང་ནི་ཅོད་པན་མགྲིན་བཟང་མ།། བང་མཛོད་ནོར་གྱི་དངོས་གྲུབ་ཡོད།། ད་རེས་མཇལ་བའི་དགའ་སྟོན་ལ།། འབུལ་ལོ་དཔལ་དང་གཡང་ཆགས་ཤོག། ང་ནི་གཏད་དཀར་འགྲོ་བཟང་མ།། རྐང་བཞི་དུད་འགྲོའི་དངོས་གྲུབ་ཡོད།། ད་རེས་མཇལ་བའི་དགའ་སྟོན་ལ།། འབུལ་ལོ་དཔལ་དང་གཡང་ཆགས་ཤོག། ཕོ། ལེགས་སོ་ལྷ་མོ་ལེགས་སོ།། ངོ་མཚར་བཀྲིན་ཆེའོ།། ད་རེས་དགའ་སྟོན་འདི་ནང་།། བཞུགས་པའིསྐུ་མགྲོན་ཡོངས་ལ།། བཀྲ་ཤིས་སྨོན་ལམ་བཟང་པོའི། །གླུ་ཞིག་ཡོད་ན་འབུལ་རན།། མོ། སྐལ་བཟང་དགའ་བའི་གཞོན་ནུ།། ལྷ་མོ་ང་ལ་གསོན་དང་།། ཁྱོད་ནི་ཐབས་མཆོག་དཔའ་བོ།། ང་ནི་ཤེས་རབ་དགའ་མོ།། ཐབས་ཤེས་རྟེན་འབྲེལ་འཛོམས་ན།། བཀྲ་ཤིས་སྨོན་ལམ་ཞུ་ཆོག། །།
བཀྲིས་བཀྲིས་བཀྲ་ལ་ཤིས། ༡ པ།
ཞུན་དག༉ བཀྲིས་བཀྲིས་བཀྲ་ལ་ཤིས།། བཀྲིས་རི་བོའི་རྩེ་མོ་ལུ།། བཀྲིས་རི་བོའི་རྩེ་མོ།། ལ་མོ་ལའི་བསངས་སེ་བསངས།། དགའ་ཡང་རང་ཡུལ་དགའ་སོང་།། མི་ཡུལ་ལས་ཀྱིས་བསྐོས་སོང་།། ལ་མོ་ལའི་བསངས་སེ་བསངས།། ཆུང་ཚེ་ཕ་མས་གསོ་བ།། ཕ་མ་བཀའ་དྲིན་ཆེ་སོང་།། ལ་མོ་ལའི་བསངས་སེ་བསངས།། སྦོམ་ཚེ་ཡོན་ཏན་ཐོབ་པ།། སློབ་དཔོན་བཀའ་དྲིན་ཆེ་སོང་།། ལ་མོ་ལའི་བསངས་སེ་བསངས།། །།
བཀྲིས་བཀྲིས་བཀྲ་ལ་ཤིས། ༢ པ།
ཞུན་དག༉ བཀྲིས་བཀྲིས་བཀྲ་ལ་ཤིས།། བཀྲིས་རི་བོའི་རྩེ་མོ་རུ།། བྱ་ལ་དང་པ་གསེར་བྱ་ཆགས།། གསེར་བྱ་གསེར་ལེགས་སྒྲོལ་མ་ཆགས།། ཡར་ལ་ཡར་ལ་གནམ་ལ་ལྡིང་།། མར་ལ་མར་ལ་ས་ལ་ཆགས།། སེམས་རྟེན་མི་ཞུ་སེམས་རྟེན་ཞུ།། སེམས་རྟེན་གསེར་ལས་སྒྲོམ་མ་ཞུ།། ལུས་ལ་ན་ཚ་མེད་པ་དགའ།། སེམས་ལ་སྡུག་བསྔལ་མེད་པ་སྐྱིད།། ད་ལོར་མཇལ་བ་དགའ་སྤྲོ་ཆེ།། སང་ཕོད་མཇལ་བའི་སྨོན་ལམ་ཞུ།། བཀྲིས་བཀྲིས་བཀྲ་ལ་ཤིས།། བཀྲིས་རི་བོའི་སྐེད་པ་རུ།། བྱ་ལ་གཉིས་པ་དངུལ་བྱ་ཆགས།། དངུལ་བྱ་དངུལ་ལེགས་སྒྲོལ་མ་ཆགས།། ཡར་ལ་ཡར་ལ་གནམ་ལ་ལྡིང་།། མར་ལ་མར་ལ་ས་ལ་ཆགས།། སེམས་རྟེན་མི་ཞུ་སེམས་རྟེན་ཞུ།། སེམས་རྟེན་དངུལ་ལས་སྒྲོལ་མ་ཞུ།། ལུས་ལ་ན་ཚ་མེད་པ་དགའ།། སེམས་ལ་སྡུག་བསྔལ་མེད་པ་སྐྱིད།། ད་ལོར་མཇལ་བའི་དགའ་སྤྲོ་ཆེ།། སང་ཕོད་མཇལ་བའི་སྨོན་ལམ་ཞུ།། །།
བཀྲིས་དམ་པ་བཀྲ་ལ་ཤིས་པར་ཤོག
ཞུན་དག༉ བཀྲིས་དམ་པ་བཀྲ་ལ་ཤིས་པར་ཤོག། བཀྲིས་དམ་པ་གཡང་ལ་ཆགས་པར་ཤོག། སེམས་ཉིད་ཡེ་ནས་འགྱུར་མེད་འཆི་བ་མེད།། འཆི་མེད་ཚེ་ལ་དབང་བའི་བཀྲིས་ཤོག། སེམས་ཉིད་འཕགས་པའི་ནོར་གྱི་མཛོད་ཆེན་ཏེ།། ནོར་ལ་ཟད་པ་མེད་པའི་བཀྲིས་ཤོག། སེམས་ཉིད་རིག་པའི་ཁྱེའུ་རྒྱུན་ཆད་མེད།། སྲིད་སྲུང་རིགས་བརྒྱུད་འཕེལ་བའི་བཀྲིས་ཤོག། སེམས་ཉིད་མ་རིག་འཁྲུལ་པའི་དགྲ་ལས་རྒྱལ།། དགྲ་དཔུང་རྩད་ནས་གཅོད་པའི་བཀྲིས་ཤོག། སེམས་ཉིད་བདག་འཛིན་འགོང་པོ་གཡང་དུ་ཁུག། ལྟས་ངན་གཡང་དུ་ལོན་པའི་བཀྲིས་ཤོག། སེམས་ཉིད་རང་བྱུང་ཡེ་ཤེས་འདུ་འབྲལ་མེད།། གྲོགས་ལ་འདུ་འབྲལ་མེད་པའི་བཀྲིས་ཤོག། སེམས་ཉིད་ཉོན་མོངས་ནད་ཆེན་འཇོམས་པའི་སྨན།། ན་ཚ་སྡུག་བསྔལ་མེད་པའི་བཀྲིས་ཤོག། སེམས་ཉིད་རྟེན་འབྲེལ་ཅི་ཡང་འཆར་བ་སྟེ།། རྟེན་འབྲེལ་ཕུན་སུམ་ཚོགས་པའི་བཀྲིས་ཤོག། སེམས་ཉིད་འཁོར་འདས་ཕུན་ཚོགས་འབྱུང་བའི་གཞི།། སྲིད་ཞིའི་ལེགས་ཚོགས་འཕེལ་བའི་བཀྲིས་ཤོག། སེམས་ཉིད་འཁོར་བའི་རྣམ་དག་ཆེན་པོ་སྟེ།། འཁོར་བ་དོང་ནས་སྤྲུགས་པའི་བཀྲིས་ཤོག། བཀྲིས་མི་འགྱུར་རབ་ཏུ་བརྟན་པར་ཤོག། འཛམ་གླིང་ཀུན་ཏུ་བདེ་བའི་བཀྲིས་ཤོག། །།
བཀྲིས་པའི་གླུ་ཅིག་ཕུལ།
ཞུན་དག༉ བཀྲིས་པའི་གླུ་ཅིག་ཕུལ།། འཛམ་གླིང་ས་ཡི་ལྟེ་བ།། བུམ་ཐང་ལྷ་ཡི་ཞིང་ཁམས།། དེ་ལ་འཁྲུངས་པའི་འཁྲུངས་ཤིང་།། ཙན་དན་སྨན་གྱི་སྡོང་པོ།། བཀྲིས་པའི་གླུ་ཅིག་ཕུལ།། རྩ་བ་ཀླུ་ཡི་གཟུངས་ཤིང་།། རིག་འཛིན་དཔལ་ལ་བཀོད་སོང་།། རྩེ་མོ་ལྷ་ཡི་ཉི་ཟླ།། འཆི་མེད་བདུད་རྩི་བབས་སོང་།། བཀྲིས་པའི་གླུ་ཅིག་ཕུལ།། བར་ལ་ཁྱབ་པའི་ལོ་འདབ།། རྒྱལ་བ་རིགས་ལྔ་སྒོམ་སོང་།། འབྲས་བུ་རིག་འཛིན་ཚོགས་ནས།། འཛམ་གླིང་ཀུན་ལ་སྟེར་སོང་།། བཀྲིས་པའི་གླུ་ཅིག་ཕུལ།། འདི་ལ་ཆགས་པའི་སྐུ་རྗེས།། བདེ་དང་སྟོང་པར་བཞུགས་ཡོད།། སྐུ་རྗེས་བྲག་གི་རྩ་བ།། གཙང་ཆུ་གཡས་བསྐོར་རྐྱབ་ས།། བཀྲིས་པའི་གླུ་ཅིག་ཕུལ།། ཆུ་ལ་རེག་པའི་སེམས་ཅན།། བདེ་ཆེན་ཐར་པའི་ལམ་དུ།། བྲག་ཕུག་ནང་གི་རིག་འཛིན།། ཨྱོན་པདྨ་བཞུགས་ཡོད།། བཀྲིས་པའི་གླུ་ཅིག་ཕུལ།། གཡས་སུ་རྒྱ་ཡི་གྲུབ་ཆུ།། གཡོན་དུ་བོད་ཀྱི་རིག་འཛིན།། སྦུག་ལ་ཨྱོན་པདྨས།། ཆོས་ཀྱི་འཁོར་ལོ་བསྐོར་སོང་།། །།
བཀྲིས་དཔལ་དང་ལྡན་པའི་འབྲུག་གཡུས་ནང་།།
ཞུན་དག༉ བཀྲིས་དཔལ་དང་ལྡན་པའི་འབྲུག་གཡུས་ནང་།། འབྲུག་གཡུས་འདི་ནང་དགའ་མི་དགའ།། ལྷ་གཡུས་བཟུམ་སྦེ་ལུས་སེམས་སྐྱིད་མི་སྐྱིད།། གཞུང་དང་མི་སེར་དགའ་སྤྲོ་སྒྱུར་དོ་ས།། མེ་ཏོག་པདྨ་ཤར་བའི་ལྡུམ་ར་ནང་།། ས་ཕྱོགས་འདི་ཡང་དགའ་མི་དགའ།། བུང་བ་བཟུམ་སྦེ་འབྲུག་གི་མི་སེར་ཚུ།། འཁོར་ས་འཁྱམས་ས་འབྲུག་གཡུས་འདི་ནང་ལུ།། འདོད་དགུའི་ལོངས་སྤྱོད་འཛོམས་པའི་འབྲུག་གཡུས་ནང་།། འབྲུག་གཡུས་འདི་ནང་སྤྲོ་མི་སྤྲོ།། ཀླུ་གཡུས་བཟུམ་སྦེ་ལོངས་སྤྱོད་ཆེ་མི་ཆེ།། དཔལ་འབྱོར་གོང་འཕེལ་འགྱོ་བའི་ཉམས་ཤར་དོ།། །།
སྐལ་བ་བཟང་པོ་གཅིག་དང་བཟང་པོ་གཉིས།
ཞུན་དག༉ སྐལ་བ་བཟང་པོ་གཅིག་དང་བཟང་པོ་གཉིས།། སྐལ་བ་བཟང་པོ་འཕྲལ་ཡུན་བདེ་བའི་ལམ།། ཕྱི་ནང་ཡོན་ཏན་འཛོམས་པ་སེམས་རེ་དགའ།། སེམས་ལ་དགའ་བའི་གླུ་གར་ལྷ་ལུ་ཕུལ།། སེམས་ལ་དགའ་བ་གཅིག་དང་སྐྱིད་པོ་གཉིས།། སེམས་ལ་དགའ་བ་དྲིན་ཅན་སློབ་དཔོན་ཚོགས།། ཕ་མ་གཉིས་ལས་ལྷག་པའི་སེམས་རེ་དགའ།། སེམས་ལ་དགའ་བའི་གླུ་གར་ལྷ་ལུ་ཕུལ།། ཉམས་ལ་དགའ་བ་གཅིག་དང་སྐྱིད་པོ་གཉིས།། ཉམས་ལ་དགའ་བ་རྩ་གསུམ་ལྷ་ཡི་མཐུས།། འགལ་རྐྱེན་བར་ཆད་མེད་པར་ཉམས་རེ་དགའ།། ཉམས་ལ་དགའ་བའི་གླུ་གར་ལྷ་ལུ་ཕུལ།། གཙུག་གི་རྒྱན་དུ་མི་བསྟེན་རྒྱན་དུ་བསྟེན།། གཙུག་གི་རྒྱན་མཆོག་མངའ་བདག་རིན་པོ་ཆེ།། སྐུ་ཚེ་ཞབས་པད་བརྟན་པ་སེམས་རེ་དགའ།། སེམས་ལ་དགའ་བའི་གླུ་གར་ལྷ་ལུ་ཕུལ།། །།
སྐལ་བཟང་གསེར་ཁྲིའི་སྟེང་ལ།
ཞུན་དག༉ སྐལ་བཟང་གསེར་ཁྲིའི་སྟེང་ལ།། དྲིན་ཅན་རྩ་བའི་བླ་མ།། སྐལ་བ་བཟང་སོ་ལ།། ངེད་ནོར་བུ་རེ་རེ་ཅིག་འཁྲུངས་སོང།། ནོར་བུ་བཟང་སོ་ལ།། ངེད་ནོར་བུ་ཨོ་ལོའི་གླུ་ལ་གསོན།། ཡར་ཡར་རི་གསུམ་འཛོམས་ས།། ཤིང་ཆེན་འཛོམས་པ་རུག་རུག། སྐལ་བ་བཟང་སོ་ལ།། ངེད་ནོར་བུ་རེ་རེ་ཅིག་འཁྲུངས་སོང།། ནོར་བུ་བཟང་སོ་ལ།། ངེད་ནོར་བུ་ཨོ་ལོའི་གླུ་ལ་གསོན།། ཤིང་ཆེན་ཆེ་བའི་མཚན་ལ།། ཙན་དན་སྡོང་པོ་ཟེརཝ་མས།། སྐལ་བ་བཟང་སོ་ལ།། ངེད་ནོར་བུ་རེ་རེ་ཅིག་འཁྲུངས་སོང།། ནོར་བུ་བཟང་སོ་ལ།། ངེད་ནོར་བུ་ཨོ་ལོའི་གླུ་ལ་གསོན་དང་།། ཤིང་ཆེན་བར་མའི་མཚན་ལ།། ལྷ་ཤིང་ཤུགས་པོ་ཟེརཝ་མས།། སྐལ་བ་བཟང་སོ་ལ།། ངེད་ནོར་བུ་རེ་རེ་ཅིག་འཁྲུངས་སོང།། ནོར་བུ་བཟང་སོ་ལ།། ངེད་ནོར་བུ་ཨོ་ལོའི་གླུ་ལ་གསོན་དང་།། ཤིང་ཆེན་ཆུང་བའི་མཚན་ལ།། བ་ལུ་སུ་ལུ་ཟེརཝ་མས།། སྐལ་བ་བཟང་སོ་ལ།། ངེད་ནོར་བུ་རེ་རེ་ཅིག་འཁྲུངས་སོང།། ནོར་བུ་བཟང་སོ་ལ། ངེད་ནོར་བུ་ཨོ་ལོའི་གླུ་ལ་གསོན་དང་།། ཤིང་གསུམ་འཛོམས་པའི་ཕུ་ལ།། བསངས་ཤིང་བཅག་ཤོག་གསུང་དོ།། སྐལ་བ་བཟང་སོ་ལ།། ངེད་ནོར་བུ་རེ་རེ་ཅིག་འཁྲུངས་སོང།། ནོར་བུ་བཟང་སོ་ལ།། ངེད་ནོར་བུ་ཨོ་ལོའི་གླུ་ལ་གསོན་དང་།། ལྷ་ལ་བསངས་མཆོད་ཕུལ་ནས།། སྐྱབས་རྟེན་ལྷ་ལ་ཞུ་ཆོག། སྐལ་བ་བཟང་སོ་ལ།། ངེད་ནོར་བུ་རེ་རེ་ཅིག་འཁྲུངས་སོང།། ནོར་བུ་བཟང་སོ་ལ།། ངེད་ནོར་བུ་ཨོ་ལོའི་གླུ་ལ་གསོན་དང་།། །།
སྐྱབས་གནས་ཀྱི་རྩ་བའི་བླ་མ།
ཞུན་དག༉ སྐྱབས་གནས་ཀྱི་རྩ་བའི་བླ་མ། རྒྱལ་ཀུན་ཐུགས་རྗེའི་ཆུ་གཏེར་ལས་བལྟམས་པའི།། གསང་གསུམ་མཛད་འཕྲིན་སྟོན་ཟླའི་འོད་སྟོང་གིས།། ཐུབ་བསྟན་ཀུ་མུད་འཛུལ་བརྒྱ་འགྲོལ་མཛད་པ།། ངག་དབང་འཇིགས་མེད་ཆོས་གྲགས་ཞབས་བརྟན་གསོལ།། སྐྱབས་གནས་ཀྱི་རྩ་བའི་བླ་མ།། སྐྱབས་རྗེ་མཁན་ཆེན་ཆོས་གྲགས།། ཉིན་མཚན་ཆོས་ཀྱི་ཆར་འབབ།།སྐྱེ་འགྲོ་ཡོངས་ཀྱི་དགའ་སྟོན།། སྐྱབས་ཡུལ་གྱི་རྩ་བའི་བླ་མ།། ཡང་ཡང་གསོལ་བ་བཏབ་གེ།། སྐྱབས་མེད་འཁོར་བའི་སེམས་ཅན།། བརྩེ་བའི་ཕ་མཆོག་མཛོད་གནང་།། བཟོད་མེད་ཀྱི་འཁོར་བའི་མཚོ་ལས།། བདེ་བའི་ས་ལུ་འདྲེན་གནང་།། འཁོར་བར་འཁྲམས་པའི་སེམས་ཅན།། བརྩེ་བའི་ལམ་སྟོན་མཛད་གནང་།། སྐྱབས་རྟེན་གྱི་གཙོ་བོ་མཁན་ཆེན།། རེ་ས་ཁྱོད་ལས་མེད་ན།། མི་ལུས་དོན་ལྡན་ཐོབ་པར།། བརྩེ་བའི་ཐུགས་ཀྱིས་དགོངས་གནང་།། སྐུ་འགྱུར་མེད་རྡོ་རྗེའི་ངོ་བོར།། དུས་ལ་བསྐལ་བརྒྱའི་བར་དུ།། རྒྱལ་གཞུང་ཟློས་གར་ཕོ་མོས།། ཞབས་བརྟན་བཀྲིས་སྨོན་ལམ།། །།
སྐྱིད་པའི་བདེ་ཆེན་ཆོས་གླིང་།
ཞུན་དག༉ སྐྱིད་པའི་བདེ་ཆེན་ཆོས་གླིང་།། པདྨའི་དཔལ་ཐང་ལ།། གསེར་གྱི་གཞོང་པ་འདྲ་དོ།། རིགས་བཟང་བུ་མོ་རུ་རུ།། གསེར་གྱི་གཞོང་པའི་ནང་དུ།། པདྨའི་དཔལ་ཐང་ལ།། རྒྱལ་པོའི་ཕོ་བྲང་བཞེངས་ཡོད།། རིགས་བཟང་བུ་མོ་རུ་རུ།། རྩེ་མོག་སེར་ཏོག་སྤུབས་པ།། པདྨའི་དཔལ་ཐང་ལ།། ནམ་མཁའི་དབྱིངས་ལས་མཐོ་བྱུང་།། རིགས་བཟང་བུ་མོ་རུ་རུ།། ཉིམ་དང་ཟླ་བས་མ་གཏོགས།། པདྨའི་དཔལ་ཐང་ལ།། གཞན་གྱིས་མཇལ་ས་མིན་འདུག། རིགས་བཟང་བུ་མོ་རུ་རུ།། སྐེད་པ་རིན་ཆེན་སྣ་ལྔ་།། པདྨའི་དཔལ་ཐང་ལ།། མངའ་བདག་གོང་མ་བཞུགས་ཡོད།། རིགས་བཟང་བུ་མོ་རུ་རུ།། རྩ་བ་ལྕགས་རིས་བསྐོར་བ།། པདྨའི་དཔལ་ཐང་ལ།། གཡུ་ཡི་རྡོ་གཅལ་བསྒྲིགས་ཡོད།། རིགས་བཟང་བུ་མོ་རུ་རུ།། གཡུ་ཡི་རྡོ་གཅལ་སྟེང་ལ།། པདྨའི་དཔལ་ཐང་ལ།། རྨ་བྱའི་སྒྲོ་རིས་ཤིག་ཤིག། རིགས་བཟང་བུ་མོ་རུ་རུ།། །།
སྐྱིད་པའི་འབྲུག་གཡུས་ཙན་དན་བཀོད་པའི་གནས།
ཞུན་དག༉ སྐྱིད་པའི་འབྲུག་གཡུས་ཙན་དན་བཀོད་པའི་གནས།། ཤར་ནས་ཙཱ་རི་གནས་ཀྱིས་ཞིང་ཁམས་འགྲན།། ལྷོ་ནས་བྱང་ཐང་པདྨས་མཛེས་པར་བརྒྱན།། ནུབ་ནས་སྦས་ཡུལ་ཕུག་གིས་བདེ་བར་བཀོད།། བྱང་ནས་གངས་ཆེན་རི་རབ་རྭ་བས་བསྐོར།། དབུས་ན་སྐྱེད་ཚལ་བཟང་པོའི་གནས་མཆོག་ཏུ།། བདེ་སྐྱིད་ཕུན་ཚོགས་ཞིང་ཁམས་ལྟ་བུའི་གནས།། རང་དབང་རང་བཙན་གཙང་མའི་ལྡུམ་ར་འདྲ།། སྒྲ་སྙན་ཚིག་གིས་བརྒྱན་པའི་ཞབས་བྲོ་འདི།། བཀྲིས་དགའ་སྟོན་འགྱེད་པའི་དུས་སུ་ཕུལ།། འདིར་ཚོགས་ལྷ་མི་ཡོངས་ཀྱི་སྙན་སྒྲོན་དུ།། བདེ་ལེགས་བཟང་པོའི་དར་དང་བཅས་ཏེ་ཕུལ།། །།
ཁམས་གསུམ་འཁོར་བའི་དེད་དཔོན།
ཞུན་དག༉ ཁམས་གསུམ་འཁོར་བའི་དེད་དཔོན།། རྒྱལ་བ་ཤཱཀྱ་མུ་ནི།། ཚད་མེད་བཞི་ཡི་ལམ་ལས།། དགའ་སྐྱིད་དཔལ་འཛོམས་རྒྱས་ཤོག། མཐོ་བ་སྲིད་པའི་རྩེ་ནས།། དམའ་བ་དམྱལ་ཁམས་ཡན་ཆད།། སེམས་ཅན་ལས་ངན་མྱོང་རྣམས།། དགའ་སྐྱིད་དཔལ་འཛོམས་རྒྱས་ཤོག། རྔ་ཡབ་དཔལ་རིའི་ཞིང་གི། བླ་མ་པད་མ་འབྱུང་གནས།། གང་འདུལ་སྣ་ཚོགས་སྤྲུལ་པས།། དགའ་སྐྱིད་དཔལ་འཛོམས་རྒྱས་ཤོག། མ་དག་རིགས་དྲུག་སེམས་ཅན།། ཞིང་མཆོག་རྔ་ཡབ་དཔལ་རིར།། གཞན་གྱི་བདེ་བར་བཀོད་ནས།། དགའ་སྐྱིད་དཔལ་འཛོམས་རྒྱས་ཤོག། པཎ་ཆེན་ནཱ་རོ་གཉིས་པ།། མཐུ་ཆེན་ངག་དབང་རྣམ་རྒྱལ།། ཟུང་འཇུག་ཕྱག་རྫོགས་ལམ་ལས།། དགའ་སྐྱིད་དཔལ་འཛོམས་རྒྱས་ཤོག། གཞན་ཕན་འཕྲིན་ལས་བཞི་ཡིས།། མ་ལུས་དབང་དུ་འདུས་ནས།། ཆོས་ལྡན་སྨན་ལྗོངས་རྒྱལ་ཁབ།། དགའ་སྐྱིད་དཔལ་འཛོམས་རྒྱས་ཤོག། གུ་རུའི་ལུང་བསྟན་སྐྱེས་མཆོག། ཆོས་རྒྱལ་འཇིགས་མེད་སེང་གེ། རླབས་ཆེན་མཛད་པའི་སྒོ་ནས།། དགའ་སྐྱིད་དཔལ་འཛོམས་རྒྱས་ཤོག། ཕན་དང་བདེ་བའི་འབྱུང་གནས་།། ཟས་གཙང་རྒྱལ་བའི་བསྟན་པ།། འཛམ་གླིང་ཡོངས་ལ་ཁྱབ་ནས།། དགའ་སྐྱིད་དཔལ་འཛོམས་རྒྱས་ཤོག། །།
ཁྱེད་རྣམས་པ་དགུང་སངས་མཐོན་པོ།
ཞུན་དག༉ ཁྱེད་རྣམས་པ་དགུང་སངས་མཐོན་པོ།། ངེད་རྣམས་པ་ཁྲི་གདུགས་ཉི་མ།། དགུང་དང་ཁྲི་གདུགས་གཉིས་པོ།། མཇལ་བསམ་པ་ཡིད་ལ་མ་བྱུང་།། འཛོམས་བསམ་པ་ཡིད་ལ་མ་བྱུང་།། དེ་རིང་འདི་ལ་ལན་གཅིག་འཛོམས་པ།། ཚེ་སྔོན་གྱི་ལས་འཕྲོ་ཡིན་པས།། ཁྱེད་རྣམས་པ་གངས་སྟོད་མཐོན་པོ།། ངེད་རྣམས་པ་དར་སེར་དཀར་མོ།། གངས་དང་དར་སེང་གཉིས་པོ།། མཇལ་བསམ་པ་ཡིད་ལ་མ་བྱུང་།། འཛོམས་བསམ་པ་ཡིད་ལ་མ་བྱུང་།། དེ་རིང་འདི་ལ་ལན་གཅིག་འཛོམས་པ།། ཚེ་སྔོན་གྱི་ལས་འཕྲོ་ཡིན་པས།། ཁྱེད་རྣམས་པ་སྤང་གཤོང་བདེ་མོ།། ངེད་རྣམས་པ་ཤཝ་རྒོད་རྭ་བཅུ།། སྤང་དང་ཤཝ་རྒོད་གཉིས་པོ།། མཇལ་བསམ་པ་ཡིད་ལ་མ་བྱུང་།། འཛོམས་བསམ་པ་ཡིད་ལ་མ་བྱུང་།། དེ་རིང་འདི་ལ་ལན་གཅིག་འཛོམས་པ།། ཚེ་སྔོན་གྱི་ལས་འཕྲོ་ཡིན་པས།། ཁྱེད་རྣམས་པ་ནགས་སྟོད་མཐོན་པོ།། ངེད་རྣམས་པ་སྟག་མོ་རིས་མཛེས།། ནགས་དང་སྟག་མོ་གཉིས་པོ།། མཇལ་བསམ་པ་ཡིད་ལ་མ་བྱུང་།། འཛོམས་བསམ་པ་ཡིད་ལ་མ་བྱུང་།། དེ་རིང་འདི་ལ་ལན་གཅིག་འཛོམས་པ།། ཚེ་སྔོན་གྱི་ལས་འཕྲོ་ཡིན་པས།། ཁྱེད་རྣམས་པ་མཚོ་སྟོད་མཐོན་པོ།། ངེད་རྣམས་པ་གསེར་མིག་ཉ་མོ།། མཚོ་དང་གསེར་མིག་གཉིས་པོ།། མཇལ་བསམ་པ་ཡིད་ལ་མ་བྱུང་།། འཛོམས་བསམ་པ་ཡིད་ལ་མ་བྱུང་།། དེ་རིང་འདི་ལ་ལན་གཅིག་འཛོམས་པ།། ཚེ་སྔོན་གྱི་ལས་འཕྲོ་ཡིན་པས།། ཁྱེད་རྣམས་པ་དགོན་བཟང་ཁྲ་མོ།། ངེད་རྣམས་པ་མཚན་ལྡན་བླ་མ།། དགོན་དང་མཚན་མཚན་དང་གཉིས་པོ།། མཇལ་བསམ་པ་ཡིད་ལ་མ་བྱུང་།། འཛོམས་བསམ་པ་ཡིད་ལ་མ་བྱུང་།། དེ་རིང་འདི་ལ་ལན་གཅིག་འཛོམས་པ།། ཚེ་སྔོན་གྱི་ལས་འཕྲོ་ཡིན་པས།། ཁྱེད་རྣམས་པ་རྫོང་ཆེན་ཁྲ་མོ།། ངེད་རྣམས་པ་དབང་ཆེན་དཔོན་པོ།། རྫོང་དང་དབང་ཆེན་གཉིས་པོ།། མཇལ་བསམ་པ་ཡིད་ལ་མ་བྱུང་།། འཛོམས་བསམ་པ་ཡིད་ལ་མ་བྱུང་།། དེ་རིང་འདི་ལ་ལན་གཅིག་འཛོམས་པ།། ཚེ་སྔོན་གྱི་ལས་འཕྲོ་ཡིན་པས།། ཁྱེད་རྣམས་པ་ཡུལ་བཟང་ཁྲ་མོ།། ངེད་རྣམས་པ་ཡབ་ཡུམ་གཉིས་པོ།། ཡུལ་དང་ཡབ་ཡུམ་གཉིས་པོ།། མཇལ་བསམ་པ་ཡིད་ལ་མ་བྱུང་།། འཛོམས་བསམ་པ་ཡིད་ལ་མ་བྱུང་།། དེ་རིང་འདི་ལ་ལན་གཅིག་འཛོམས་པ།། ཚེ་སྔོན་གྱི་ལས་འཕྲོ་ཡིན་པས།། །།
ཁྱོད་སྣང་ས་དལ་འབྱོར་མི་ལུས་འདི།
ཞུན་དག༉ ཁྱོད་སྣང་ས་དལ་འབྱོར་མི་ལུས་འདི།། ཨ་རོགས་ཚོ།། ཤར་སྤང་རིའི་ལོགས་ཀྱི་འཇའ་ཚོན་འདྲ།། ཨ་རོགས།། འཇའ་ཁ་དོག་མཚར་ཀྱང་སྙིང་པོ་མེད།། ད་སྙིང་པོ་ལྷ་ཆོས་བྱེད་རེ་རན།། ཨ་རོགས།། ཁྱོད་སྣང་ས་དལ་འབྱོར་མི་ལུས་འདི།། ལྷོ་ནགས་མོའི་ལྗོངས་ཀྱི་ཁུ་བྱུག་འདྲ།། ཨ་རོགས་ཚོ།། གསུང་སྙན་འགྱུར་འཛོམས་ཀྱང་སྙིང་པོ་མེད།། ཨ་རོགས་ཚོ།། ད་སྙིང་པོའི་ལྷ་ཆོས་བྱེད་རེ་རན།། ཨ་རོགས།། ཁྱོད་སྣང་ས་དལ་འབྱོར་མི་ལུས་འདི།། ནུབ་རྒྱ་མཚོ་ནང་གི་ཀླུ་མོ་འདྲ།། ཨ་རོགས་ཚོ།། ནོར་ལོངས་སྤྱོད་འཛོམས་ཀྱང་སྙིང་པོ་མེད།། ཨ་རོགས་ཚོ།། ད་སྙིང་པོའི་ལྷ་ཆོས་བྱེད་རེ་རན།། ཁྱོད་སྣང་ས་དལ་འབྱོར་མི་ལུས་འདི།། བྱང་གཡུ་འབྲུག་སྔོན་མོའི་སྐད་དང་འདྲ།། ཨ་རོགས་ཚོ།། གཏམ་སྙན་གྲགས་ཆེ་ཡང་སྙིང་པོ་མེད།། ཨ་རོགས་ཚོ།། ད་སྙིང་པོ་ལྷ་ཆོས་བྱེད་རེ་རན།། ཁྱོད་སྣང་ས་དལ་འབྱོར་མི་ལུས་འདི།། དབུས་ལྷ་ཁང་ལོགས་ཀྱི་རིས་མོ་འདྲ།། ཨ་རོགས་ཚོ།། གཟུགས་མཚར་སྡུག་འཛོམས་ཀྱང་སྙིང་པོ་མེད།། ད་སྙིང་པོ་ལྷ་ཆོས་བྱེད་རེ་རན།། །།
ཁྲི་མཉམ་པ་མེད་པ་པདྨའི་ཁྲི།
ཞུན་དག༉ ཁྲི་མཉམ་པ་མེད་པ་པདྨའི་ཁྲི།། པདྨའི་ཁྲི་ཡི་སྟེང་ལ།། བླ་མ་ཨོ་རྒྱན་པདྨ་བཞུགས་སུ་གསོལ།། བདག་་ལ་ཨོམ་སངས་མ་ཎི་པདྨེ་ཧཱུ།། ཡངས་སུ་དམ་པའི་ཆོས་ལ་སྐྱབས་སུ་གསོལ།། ཁྲི་མཉམ་པ་མེད་པ་དངུལ་གྱི་ཁྲི།། དངུལ་གྱི་ཁྲི་ཡི་སྟེང་ལ།། བླ་མ་ཨོ་རྒྱན་གུ་རུ་བཞུགས་སུ་གསོལ།། བདག་ལ་ཨོམ་སངས་མ་ཎེ་པདྨེ་ཧཱུ།། དབྱངས་སུ་དམ་པའི་ཆོས་ལ་སྐྱབས་སུ་གསོལ།། ཁྲི་མཉམ་པ་མེད་པ་དུང་གི་ཁྲི།།དུང་གི་ཁྲི་ཡི་སྟེང་ལ།། བླ་མ་ཨོ་རྒྱན་གུ་རུ་བཞུགས་སུ་གསོལ།། བདག་ལ་ཨོམ་སངས་མ་ཎི་པདྨེ་ཧཱུ།། ཡངས་སུ་དམ་པའི་ཆོས་ལ་སྐྱབས་སུ་གསོལ།།
ཁྲི་གདུགས་ཉི་མ་ཁྱོད་ནི།
ཞུན་དག༉ ཁྲི་གདུགས་ཉི་མ་ཁྱོད་ནི་སྒྲ་གཅན་གྱིས་ཟིན་ལ།། དགུང་སྟོད་མཐོན་པོ་ང་ནི་ཆུ་འཛིན་གྱིས་སྒྲིབ་འགྲོ།། ད་ལྟ་སྒྲིབ་མེད་ས་ལེར་འགྲོགས་པ་ཡི་དུས་འདིར།། གླིང་བཞིའི་འགྲོ་ལ་འོད་ཀྱི་དགའ་སྟོན་ཞིག་འགྱེད་ཨང་།། ཚོང་འདུས་མགྲོན་པོ་ཁྱོད་ནི་རང་གནས་སུ་ཕེབས་ལ།། ཁྲོམ་ཆེན་ཁྲ་མོ་ང་ནི་སྟོང་པ་རུ་ལུས་འགྲོ།། ཚེ་སྔོན་ལས་ཀྱིས་འབྲེལ་བས་ཡུད་ཙམ་ཞིག་འཛོམས་དུས།། ཕན་ཚུན་གཡོ་སྒྱུ་སྤངས་པའི་དག་སྣང་ཞིག་གྱིས་ཨང་།། མཚན་ལྡན་བླ་མ་ཁྱོད་ནི་འོག་མིན་དུ་གཤེགས་ལ།། དགོན་ས་ཁྲ་མོ་ང་ནི་གྱང་ཧྲུལ་དུ་ཞིག་འགྲོ།། སྣོད་བཅུད་འབྲལ་མེད་ཕུན་སུམ་ཚོགས་པ་ཡི་དུས་འདིར།། འབྲེལ་ཚད་དོན་ལྡན་ཆོས་ཀྱི་འཁོར་ལོ་ཞིག་བསྐོར་ཨང་།། རྣམ་ཤེས་ཁྱོད་ནི་གཅིག་པུར་བར་དོ་རུ་འཁྱམས་ལ།། ཤ་ཁྲག་ཕུང་པོ་ང་ནི་ཐལ་བ་རུ་དེངས་འགྲོ།། ད་ལྟ་ལུ་སེམས་འབྲལ་མེད་རང་དབང་གི་དུས་འདིར།། ཕྱི་མར་ཕན་པ་དམ་པའི་ལྷ་ཆོས་ཤིག་གྱིས་ཨང་།། །།
ཁྲུང་ཁྲུང་དཀར་མོའི་གླུ་གཞས། ༡ པ།
ཞུན་དག༉ ཁྲུང་ཁྲུང་དཀར་མོའི་གླུ་གཞས།། སྨན་ལྗོངས་འབྲུག་གི་གླུ་གཞས།། ཁྲུང་ཁྲུང་ལེགས་མོ་དགའ་བ་ལ།། འབྲུག་པ་ང་ཚོ་སྐྱིད་པ་ལ།། གཅིག་ལ་གཉིས་ལ་གསུམ་ལ་ཟེར་ན།། ཁྲུང་ཁྲུང་སྨན་ལྗོངས་གཞུང་ལ་ལོག་འགྲོ།། དབུ་ཞྭ་ཡག་མོ་པད་ཞྭ་འདི།། སྨན་ལྗོངས་འབྲུག་གི་དབུ་ཞྭ།། ཁྲུང་ཁྲུང་ལེགས་མོ་དགའ་བ་ལ།། འབྲུག་པ་ང་ཚོ་སྐྱིད་པ་ལ།། གཅིག་ལ་གཉིས་ལ་གསུམ་ལ་ཟེར་ན།། ཁྲུང་ཁྲུང་སྨན་ལྗོངས་གཞུང་ལ་ལོག་འགྲོ།། རྣ་གཡུ་ཡག་མོ་སིན་ཅུང་འདི།། སྨན་ལྗོངས་འབྲུག་གི་རྣ་གཡུ།། ཁྲུང་ཁྲུང་ལེགས་མོ་དགའ་བ་ལ།། འབྲུག་པ་ང་ཚོ་སྐྱིད་པ་ལ།། གཅིག་ལ་གཉིས་ལ་གསུམ་ལ་ཟེར་ན།། ཁྲུང་ཁྲུང་སྨན་ལྗོངས་གཞུང་ལ་ལོག་འགྲོ།། རྒྱན་ཆ་ཡག་མོ་སྐེ་ཆ་འདི།། སྨན་ལྗོངས་འབྲུག་གི་རྒྱན་ཆ།། ཁྲུང་ཁྲུང་ལེགས་མོ་དགའ་བ་ལ།། འབྲུག་པ་ང་ཚོ་སྐྱིད་པ་ལ།། གཅིག་ལ་གཉིས་ལ་གསུམ་ལ་ཟེར་ན།། ཁྲུང་ཁྲུང་སྨན་ལྗོངས་གཞུང་ལ་ལོག་འགྲོ།། །།
ཁྲུང་ཁྲུང་དཀར་མོའི་གླུ་གཞས། ༢ པ།
ཞུན་དག༉ ཁྲུང་ཁྲུང་དཀར་མོའི་གླུ་གཞས།། བཞུགས་ཁྲི་གོང་ལ་ཕུལ་ཡོད། བཞུགས་ཁྲི་གོང་གི་མཚན་ལྡན།། ཁྲུང་ཁྲུང་གླུ་ལ་གསོན།། ཁྲུང་ཁྲུང་ཡོང་ཡོང་གང་ནས་ཡོང་།། གངས་ཆེན་དང་བོད་ནས་ཡོང་།། ཁྲུང་ཁྲུང་འགྲོ་འགྲོ་གང་ན་འགྲོ།། རྒྱ་ནག་དང་ཡུལ་ལུ་འགྲོ།། རྒྱ་ནག་དང་པདྨའི་མཚོ་ཁ་ལུ།། ཁྲུང་ཁྲུང་་དགའ་ཉམས་ཡོད།། ཁྲུང་ཁྲུང་སྐྱིད་ཉམས་ཡོད།། རྒྱ་ཚད་པའི་ངམ་འཕང་ལང་ཚེ།། ཁྲུང་ཁྲུང་དགའ་ཉམས་མེད།། ཁྲུང་ཁྲུང་་སྐྱིད་ཉམས་མེད།། གཤོག་སྒྲོ་གཡས་པ་ལྡིང་ཤོག། ཆོས་འཁོར་ལྷ་ས་བསྐོར།། གཤོག་སྒྲོ་གཡོན་པ་ལྡིང་ཤོག། བུམ་ཐང་དང་སྡེ་བཞི་བསྐོར།། གཡས་གཡོན་མེད་པ་ལྡིང་ཤོག། འཛམ་གླིང་ས་ཐག་བསྐོར།། །།
ཁྲུང་ཁྲུང་ང་ནི་ལུས་སེམས་དགའ་མི་དགའ།
ཞུན་དག༉ ཁྲུང་ཁྲུང་ང་ནི་ལུས་སེམས་དགའ་མི་དགའ།། ཁྲུང་ཁྲུང་ང་ནི་ལུས་སེམས་སྐྱིད་མི་སྐྱིད།། ང་འཁྱམས་ས་གནས་བཟང་འབུམ་སྡེ་གླིང་།། གཡང་རྩེ་མཆོད་རྟེན་བསྐོར་ར་མཇལ་བ་ཨིན།། ཡ་མཚན་ཅན་གྱི།། གནས་ཆེན་རིགས་གསུམ་དགོན་པ་མཇལ་བ་ཨིན།། ཁྲུང་ཁྲུང་ང་ནི་ལུས་སེམས་དགའ་མི་དགའ།། ཁྲུང་ཁྲུང་ང་ནི་ལུས་སེམས་སྐྱིད་མི་སྐྱིད།། ང་འཁྱམས་ས་གནས་བཟང་ཕོག་སྦྱིས་ཁ།། སྒང་སྟེང་གསང་སྔགས་ཆོས་གླིང་མཇལ་བ་ཨིན།། ཡ་མཚན་ཅན་གྱི།། པད་གླིང་ཡབ་སྲས་གདན་ས་མཇལ་བ་ཨིན།། ཁྲུང་ཁྲུང་ང་ནི་ལུས་སེམས་དགའ་མི་དགའ།། ཁྲུང་ཁྲུང་ང་ནི་ལུས་སེམས་སྐྱིད་མི་སྐྱིད།། ང་འཁྱམས་ས་གནས་བཟང་མཁོ་ཐང་ཁ།། ཀུན་མཁྱེན་ཀློང་ཆེན་གདན་ས་མཇལ་བ་ཨིན།། བྱིན་རླབས་ཅན་གྱི།། གསང་སྔགས་ཟབ་མོའི་སྒྲུབ་གནས་མཇལ་བ་ཨིན།། ཁྲུང་ཁྲུང་ང་ནི་ལུས་སེམས་དགའ་མི་དགའ།། ཁྲུང་ཁྲུང་ང་ནི་ལུས་སེམས་སྐྱིད་མི་སྐྱིད།། ང་འཁྱམས་ས་བུམ་ཐང་སྡེ་བཞི་ལུ།། ཨྱོན་པདྨའི་སྒྲུབ་གནས་མཇལ་བ་ཨིན།། བྱིན་རླབས་ཅན་གྱི།། གནས་ཆེན་ཟངས་མདོག་དཔལ་རི་མཇལ་བ་ཨིན།། ཁྲུང་ཁྲུང་ང་ནི་ལུས་སེམས་དགའ་མི་དགའ།། ཁྲུང་ཁྲུང་ང་ནི་ལུས་སེམས་སྐྱིད་མི་སྐྱིད།། ང་འཁྱམས་ས་གནས་བཟང་འབྲུག་ཡུལ་ནང་།། འབྲུག་ཡུལ་ཆོས་ལྡན་རྒྱལ་ཁབ་མཇལ་བ་ཨིན།། བཀའ་དྲིན་ཅན་གྱི།། མི་དབང་བརྒྱུད་འཛིན་ཡབ་སྲས་མཇལ་བ་ཨིན།། །།
མཁར་ཆུ་གསེར་གྱི་ལྷ་ཁང་།
ཞུན་དག༉ མཁར་ཆུ་གསེར་གྱི་ལྷ་ཁང་།། སྨྱོན་ག་གཡུ་ཡི་མན་དྲལ།། ན་གཞོན་སྤྲོ་སྟོན་འབད་ས།། སྐྱིད་པའི་མཁོ་མཐིང་ལྷ་ཁང་།། ལྕང་མ་ལྕང་ཤིང་ལེགས་པས།། བྱིའུ་ཅུང་གནས་ས་བདེ་བས།། ལྕང་མ་ཡོམ་ཡོམ་མ་གནང་།། བྱིའུ་ཅུང་ཀླད་ཁྲག་འདྲེས་དོ།། ལྕང་མའི་ཐུགས་ལ་མེད་ན།། བྱིའུ་ཅུང་སྡོད་ས་སྤོ་ཆོག། བྱིའུ་ཅུང་སྐལ་བཟང་སྒྲོལ་མ།། ཐུགས་སེམས་སྐྱོ་རོགས་མ་གནང་།། ལྕང་མོ་རྩེ་ཡི་བྱིའུ་ཅུང་།། མཇལ་བའི་དུས་ཅིག་ཤར་ཡོང་།། །།
འཁྲུངས་ལ་ཡ་ཡ།
ཞུན་དག༉ འཁྲུངས་ལ་ཡཡ།། དགོནམ་རྟ་ལོག་དཔལ་གྱི་དགོན་པ།། ཕྱི་སྒོ་ར་སྒོ་ནི་དངུལ་གྱི་སྒོ།། འཁྲུངས་ལ་ཡཡ།། ནང་གཟིམ་ཅུང་སྒོ་ནི་གསེར་གྱི་སྒོ།། འཁྲུངས་ལ་ཡཡ།། སྒོ་གསེར་སྒོ་ཕྱེ་བའི་ནང་ཤེད་ན།། འཁྲུངས་ལ་ཡཡ། རྒྱབ་ལ་གསེར་ཁྲི་དངུལ་ཁྲི་སྟེང་།། འཁྲུངས་ལ་ཡཡ།། བཞུགས་གདན་སྟག་ལྤགས་གཟིགས་ལྤགས་རྒྱབ།། འཁྲུངས་ལ་ཡཡ།། བླམ་ཞབས་དྲུང་ངག་དབང་རྣམ་རྒྱལ་བཞུགས།། འཁྲུངས་ལ་ཡཡ།། ཞལ་མེ་ཏོག་པདྨར་སྒོར་ཏེ་བཞུགས།། འཁྲུངས་ལ་ཡཡ།། བོད་དམག་ཕྱག་གིས་མནན་ཏེ་བཞུགས།། འཁྲུངས་ལ་ཡཡ།། རྒྱ་དམག་ཞབས་ཀྱིས་མནན་ཏེ་བཞུགས།། འཁྲུངས་ལ་ཡཡ།། ལྷོ་མོན་བདེ་བར་བཀོད་དེ་བཞུགས།། །།
གངས་ལས་འབབ་པའི་ཆུ་མོ།
ཞུན་དག༉ གངས་ལས་འབབ་པའི་ཆུ་མོ།། ཐང་ཆེན་བདེ་མོར་འཁྱིལ་ན།། གསེར་མིག་ཉ་མོ་འཁོར་ལ།། ཐེ་ཚོམ་དགོས་པ་མིན་འདུག། ནགས་ཀྱི་ཙན་དན་ལྗོན་པ།། ཡལ་ག་ལོ་འདབ་རྒྱས་ན།། གསུང་སྙན་ཁུ་བྱུག་སྔོན་མོ།། མ་བོས་མགྲོན་དུ་ལོས་ཡོང་།། འདམ་སྐྱེས་མེ་ཏོག་པདྨ།། ཞིམ་མངར་རྩི་བཅུད་ལྡན་ན།། རྐང་དྲུག་བུང་བ་གཞོན་ནུ།། མ་བོས་ངང་གིས་འདུ་ཡོང།། ཁྱིམ་བདག་ནོར་འདོད་ཅན་མ།། སྔོན་བསགས་སྦྱིན་འབྲས་ཡོད་ན།། ཚེ་འདིར་ལོངས་སྤྱོད་སྒྲུབ་ལ།། དཀའ་བ་སྤྱད་དགོས་མིན་འདུག། ཆོས་སྒོར་ཞུགས་པའི་གང་ཟག། བྱས་ཚད་ཆོས་དང་མཐུན་ན།། རྣམ་མཁྱེན་གླིང་དུ་བགྲོད་ལ།། སུས་ཀྱང་ཁེགས་ས་མིན་འདུག། །།
གངས་སེང་དཀར་མོ་གཡུ་རལ་རྒྱས་པ་དེ།
ཞུན་དག༉ གངས་སེང་དཀར་མོ་གཡུ་རལ་རྒྱས་པ་དེ།། གངས་རི་དཀར་པོ་ང་ལ་མ་ཆགས་ཤིག། ང་ལས་ལྷག་པའི་གངས་དཀར་ཏི་སི་ཡོད།། གངས་རི་ང་ནི་ཉི་མས་བཞུ་ཉེན་འདུག། ཐང་དཀར་རྒོད་པོ་གཤོག་རྩལ་རྒྱས་པ་ཁྱོད།། བྲག་སྟོད་མཐོན་པོ་ང་ལ་མ་ཆགས་ཤིག། ང་ལས་ལྷག་པའི་རི་རྒྱལ་ལྷུན་པོ་ཡོད།། བྲག་རི་ང་ནི་ཐོག་གིས་གཏོར་ཉེན་འདུག། བཅོ་བརྒྱད་ཤ་བ་དུང་ར་རྒྱས་པ་ཁྱོད།། སྤང་སྟོད་བདེ་མོ་ང་ལ་མ་ཆགས་ཤིག། ང་ལས་ལྷག་པའི་རྩྭ་ཆུ་གངས་འཛོམས་ཡོད།། སྤང་རི་ང་ནི་སད་ཀྱིས་ཁྱེར་ཉེན་འདུག། ཉ་ཆུང་གསེར་མིག་འཁྱུག་འགྲོས་མཁས་པ་ཁྱོད།། མཚོ་སྟོད་མཐོན་པོ་ང་ལ་མ་ཆགས་ཤིག། ང་ལས་ལྷག་པའི་རྒྱ་མཚོ་ཆེན་པོ་ཡོད།། མཚོ་མོ་ང་ནི་ཉི་མས་སྐམ་ཉེན་འདུག། གསུང་སྙན་བསྒྱུར་བའི་ལྕང་གླིང་འཇོལ་མོ་ཁྱོད།། ལྕང་གླིང་གྲུ་བཞི་ང་ལ་མ་ཆགས་ཤིག། ང་ལས་ལྷག་པའི་སྐྱེད་ཚལ་ཀླུ་སྡིངས་ཡོད།། ལྕང་མོ་ང་ནི་ནམ་མཇུག་བསྡུ་ཉེན་འདུག། དངུལ་ཤོག་ཅན་གྱི་གསེར་སྦྲང་བུང་བ་ཁྱོད།། ཧ་ལོའི་མེ་ཏོག་ང་ལ་མ་ཆགས་ཤིག། ང་ལས་ལྷག་པའི་པད་སྡོང་ལྡུམ་ར་ཡོད།། མེ་ཏོག་ང་ནི་སེར་བས་བཅོམ་ཉེན་འདུག། །།
གུར་གཅིག་དཀར་པོ་མི་སྤུབས།
ཞུན་དག༉ གུར་གཅིག་དཀར་པོ་མི་སྤུབས།། དཀར་པོའི་གུར་གཅིག་སྤུབས་ན།། ཤོག་གུ་ཡས་ལ་རྒྱ་ཤོག་ཡ་ལ་སོ།། སོ་ཡ་རི་མོ་མས་ལ་བྲིས་ཤོག། དཀར་པོའི་གུར་གཅིག་སྤུབས་ན།། གངས་གསུམ་གངས་ལ་སྤུབས་ཡོད།། ཤོག་གུ་ཡས་ལ་རྒྱ་ཤོག་ཡ་ལ་སོ་།། སོ་ཡ་རི་མོ་མས་ལ་བྲིས་ཤོག། གངས་གསུམ་གངས་ལ་སྤུབས་ན།། དགུན་གསུམ་ཁ་བའི་ཁས་ལེན།། ཤོག་གུ་ཡས་ལ་རྒྱ་ཤོག་ཡ་ལ་སོ།། སོ་ཡ་རི་མོ་མས་ལ་བྲིས་ཤོག། གུར་གཅིག་དཀར་པོ་མི་སྤུབས།། དཀར་པོའི་གུར་གཅིག་སྤུབས་ན།། ཤོག་གུ་ཡས་ལ་རྒྱ་ཤོག་ཡ་ལ་སོ།། སོ་ཡ་རི་མོ་མས་ལ་བྲིས་ཤོག། དཀར་པོའི་གུར་གཅིག་སྤུབས་ན།། གཤོངགསུམ་གཤོང་ལ་སྤུབས་ཡོད།། ཤོག་གུ་ཡས་ལ་རྒྱ་ཤོག་ཡ་ལ་སོ།། སོ་ཡ་རི་མོ་མས་ལ་བྲིས་ཤོག། གཤོངགསུམ་གཤོང་ལ་སྤུབས་ན།། བྱཱར་གསུམ་ཆར་པའི་ཁས་ལེན།། ཤོག་གུ་ཡས་ལ་རྒྱ་ཤོག་ཡ་ལ་སོ།། སོ་ཡ་རི་མོ་མས་ལ་བྲིས་ཤོག། གུར་ཤིང་ལེགས་པ་འདུག་གོ། རྒྱ་ཡི་ཙན་དན་སྡོང་པོ།། ཤོག་གུ་ཡས་ལ་རྒྱ་ཤོག་ཡ་ལ་སོ།། སོ་ཡ་རི་མོ་མས་ལ་བྲིས་ཤོག། གུར་འདི་གུར་རང་ལེགས་པས།། རྒྱ་ཡི་ཁ་ཤ་དཀར་ཅུང་།། ཤོག་གུ་ཡ་ལ་རྒྱ་ཤོག་དཀར་ཅུང་།། སོ་ཡ་རི་མོ་མས་ལ་བྲིས་ཤོག། གུར་ཐག་ལེགས་པ་འདུག་གོ།། རྒྱ་ཡི་དར་སྐུད་སྟོང་སྐུད།། ཤོག་གུ་ཡ་ལ་རྒྱ་ཤོག་ཡ་ལ་སོ།། རི་མོ་མས་ལ་བྲིས་ཤོག། གུར་གྱི་ནང་ལ་བཞུགས་མི།། ཚོང་དཔོན་ནོར་བུ་བཟང་པོ།། ཤོག་གུ་གཡས་ལ་རྒྱ་ཤོག་ཡ་ལ་སོ།། སོ་ཡ་རི་མོ་མས་ལ་བྲིས་ཤོག། གུར་གྱི་ཕྱི་ལ་བཞུགས་མི།། ཚོང་ཕྲུག་ཁལ་ལྔ་བརྒྱ་པོ།། ཤོག་གུ་གཡས་ལ་རྒྱ་ཤོག་ཡ་ལ་སོ།། སོ་ཡ་རི་མོ་མས་ལ་བྲིས་ཤོག། །།
གླིང་བུ་འདི་གླིང་བུ་མ་རེད།
ཞུན་དག༉ གླིང་བུ་འདི་གླིང་བུ་མ་རེད།། །གླིང་བུ་ང་རང་།། གླིང་བུ་རྒྱ་གར་གཞུང་ལ།། ཀ་ལ་པིང་ཀའི་དབྱངས་སྙན།། གླིང་བུ་འདི་གླིང་བུ་མ་རེད།། གླིང་བུ་ང་རང་།། གླིང་བུ་བོད་ཁམས་ཕྱོགས་ལ།། ལྕང་གླིང་འཇོལ་མོའི་གསུང་དབྱངས།། གླིང་བུ་འདི་གླིང་བུ་མ་རེད།། གླིང་བུ་ང་རང་།། གླིང་བུ་ལྷ་ཡུལ་ཕྱོགས་ལ།། དྲི་མེད་ཚངས་པའི་དབྱངས་སྙན།། གླིང་བུ་འདི་གླིང་བུ་མ་རེད།། གླིང་བུ་ང་རང་།། གླིང་བུ་དྲི་ཟའི་ཡུལ་དུ།། ཚངས་དབྱངས་ལྷ་མོའི་གསུང་སྙན།། གླིང་བུ་འདི་གླིང་བུ་མ་རེད།། གླིང་བུ་ང་རང་།། གླིང་བུ་མགྲིན་པའི་ལམ་དུ།། སྟག་ཤར་དགའ་བའི་གླུ་དབྱངས།། གླིང་བུ་འདི་གླིང་བུ་མ་རེད།། གླིང་བུ་ང་རང་།། གླིང་བུ་ང་ཡི་ཕ་ཡུལ།། ཙན་དན་ནགས་མོའི་གསེབ་ཡིན།། །།
གླིང་གཤོང་རེད།
ཞུན་དག༉ གླིང་གཤོང་རེད།། སྤང་གི་ལྷ་བྱ་གོང་མོ།། ཕ་ཡུལ་མིན་འདུག་མ་གསུངས།། རི་མགོ་མཐོ་རེ་མཐོ་ཚད།། ལྷ་བྱ་གོང་མོའི་ཕ་ཡུལ།། བྱ་འདི་ཁྲུང་ཁྲུང་དཀར་མོ།། གཤོག་རྩལ་ང་ལ་གཡར་དང་།། ཐག་རིང་རྒྱང་ལ་མི་འགྲོ།། ལི་ཐང་བསྐོར་ནས་ལོག་ཡོང་།། མཐོ་བ་རི་མགོ་རྩེ་ནས།། ལྷ་བསངས་བཏང་དགོས་བསམ་པ།། དུད་པ་རླུང་གིས་ཁྱེར་ནས།། ཕན་པ་གང་ཡང་མིན་འདུག། །།
གླུ་གར་ཁྲ་མོ་མི་ཕུལ།
ཞུན་དག༉ གླུ་གར་ཁྲ་མོ་མི་ཕུལ།། གླུ་གར་ཁྲ་མོ་ཕུལ།། གླུ་གར་ཁྲ་མོ་ཕུལ་ན།། སྟེང་ཕྱོགས་ལྷ་ལུ་ཕུལ།། ལྷ་དབང་པོ་བརྒྱ་བྱིན་མ་མཇལ་ན།། གླུ་གར་ཕུལ་རྒྱུ་མེད།། ལྷ་དབང་པོ་རྒྱ་བྱིན་མཇལ་ན།། གླུ་གར་ཕུལ་རྒྱུ་ཡོད།། རི་ཅིག་གཡས་པའི་ལོགས་ལས།། བ་ལུ་ཅིག་ཞརམ།། རི་ཅིག་གཡོན་པའི་ལོགས་ལས།། སུ་ལུ་ཅིག་ཞརམ།། བ་ལུ་སུ་ལུ་ཞརམ་ནས།། ལྷ་བསངས་ཅིག་གཏང་།། ལྷ་རྣམས་ཞལ་དགྱེས་བཞེས་ནས།། ལྷ་ཡི་བསྟན་པ་དར་སོང་།། །།
གླུ་གར་དགོན་པའི་རྩེ་ནས།
ཞུན་དག༉ གླུ་གར་དགོན་པའི་རྩེ་ནས།། ཡ་ལ།། བླ་མ་བསམ་ནས་ཡོང་བ་ཡིན།། བླ་མའི་མཇལ་ཁ་མ་བྱུང་ན།། ལོ་གསུམ་སོང་ཡང་མི་ལོག། བླ་མའི་མཇལ་ཁ་བྱུང་ན།། ཞག་གསུམ་སྡོད་ནས་ལོག་འགྲོ།། གླུ་གར་དགོན་པའི་རྩེ་ནས།། དཔོན་པོ་བསམ་ནས་ཡོང་བ་ཡིན།། དཔོན་པའི་མཇལ་ཁ་མ་འབྱུང་ན།། ལོ་གསུམ་སོང་ཡང་མི་ལོག། དཔོན་པོའི་མཇལ་ཁ་བྱུང་ན།། ཞག་གསུམ་སྡོད་ནས་ལོག་འགྲོ།། གླུ་གར་དགོན་པའི་རྩེ་ནས་།། ཡབ་ཡུམ་བསམ་ནས་ཡོང་བ་ཡིན།། ཡབ་ཡུམ་མཇལ་ཁ་མ་བྱུང་ན།། ལོ་གསུམ་སོང་ཡང་མི་ལོག། ཡབ་ཡུམ་མཇལ་ཁ་འབྱུང་ན།། ཞག་གསུམ་སྡོད་ནས་ལོག་འགྲོ།། །།
གླུ་གར་མཆོད་པ་མི་ཕུལ་མཆོད་པ་ཕུལ།
ཞུན་དག༉ གླུ་གར་མཆོད་པ་མི་ཕུལ་མཆོད་པ་ཕུལ།། མཆོད་པ་དང་པ་རྩ་གསུམ་ལྷ་ལུ་ཕུལ།། གླུ་གར་དར་ཞིང་དགྱིས་པའི་དངོས་གྲུབ་ཞུ།། ཚོགས་གཉིས་ཡོངས་སུ་རྫོགས་པར་བྱིན་གྱིས་རློབས།། གླུ་གར་མཆོད་པ་མི་ཕུལ་མཆོད་པ་ཕུལ།། མཆོད་པ་གཉིས་པ་བླ་མ་རྣམས་ལུ་ཕུལ།། གླུ་གར་དར་ཞིང་དགྱེས་པའི་དངོས་གྲུབ་ཞུ།། སེམས་ཀྱི་གནས་ལུགས་རྟོགས་པར་བྱིན་གྱིས་རློབས།། གླུ་གར་མཆོད་པ་མི་ཕུལ་མཆོད་པ་ཕུལ།། མཆོད་པ་གསུམ་པ་ཡི་དམ་ལྷ་ལུ་ཕུལ།། གླུ་གར་དར་ཞིང་དགྱེས་པའི་དངོས་གྲུབ་ཞུ།། མཆོག་མཐུན་དངོས་གྲུབ་ཐོབ་པར་བྱིན་གྱིས་རློབས།། གླུ་གར་མཆོད་པ་མི་ཕུལ་མཆོད་པ་ཕུལ།། མཆོད་པ་བཞི་པ་མ་དང་མཁའ་འགྲོར་ཕུལ།། གླུ་གར་དར་ཞིང་དགྱེས་པའི་དངོས་གྲུབ་ཞུ།། ས་ལམ་བར་ཆད་ཞི་བར་བྱིན་གྱིས་རློབས།། གླུ་གར་མཆོད་པ་མི་ཕུལ་མཆོད་པ་ཕུལ།། མཆོད་པ་ལྔ་པ་ཆོས་སྐྱོང་ཚོགས་ལ་ཕུལ།། གླུ་གར་དར་ཞིང་དགྱེས་པའི་དངོས་གྲུབ་ཞུ།། སངས་རྒྱས་བསྟན་པ་རྒྱས་པར་བྱིན་གྱིས་རློབས།། གླུ་གར་མཆོད་པ་མི་ཕུལ་མཆོད་་པ་ཕུལ།། །།
གླུ་ཅིག་ཕུལ་དགོ་བསམ་ཡོད།
ཞུན་དག༉ གླུ་ཅིག་ཕུལ་དགོ་བསམ་ཡོད།། ཡར་སྟེང་ཕྱོགས་ལྷ་ལུ་ཕུལ་ནི་ཨིན།། སྟེང་ལ་དགའ་བའི་སུམ་རྩེན་ལྷ་ཡུལ་ན།། ལྷ་ཡི་དབང་པོ་བརྒྱ་བྱིན་བཞུགས་ཡོད།། གླུ་ཅིག་ཕུལ་དགོ་བསམ་ཡོད།། ཕར་བར་ཕྱོགས་བཙན་ལུ་ཕུལ་ནི་ཨིན།། བར་དགའ་སྐྱིད་འཛོམས་པའི་ས་འདི་ནང་།། བཙན་གྱི་དབང་པོ་ཡ་བ་བཞུགས་ཡོད།། གླུ་ཅིག་ཕུལ་དགོ་བསམ་ཡོད།། མར་འོག་ཕྱོགས་ཀླུ་ལུ་ཕུལ་ནི་ཨིན།། མར་ལ་ལོངས་སྤྱོད་ལྡན་པའི་ས་འདི་ནང་།། ཀླུ་ཡི་དབང་པོ་དགའ་བོ་བཞུགས་ཡོད།། གླུ་ཅིག་ཕུལ་དགོ་བསམ་ཡོད།། ནང་འབྲུག་གཡུས་འདི་ནང་ཕུལ་ནི་ཨིན།། འབྲུག་ལ་དགའ་སྐྱིད་ལྡན་པའི་ས་འདི་ནང་།། ཐུགས་བརྩེ་ཆེ་བའི་མངའ་བདག་བཞུགས་ཡོད།། གླུ་ཅིག་ཕུལ་དགོ་བསམ་ཡོད།། སྐུ་མགྲོན་ལྷན་རྒྱས་ཡོངས་ལུ་ཕུལ་ནི་ཨིན།། བྱམས་པའི་ཐུགས་ཀྱིས་དགོངས་ནས་ལྟད་མོ་འདི།། བརྩེ་བའི་སྤྱན་གྱིས་གཟིགས་ཏེ་བཞུགས་ཡོད།། །།
གླུ་མཆོད་ཅིག་ལྷ་དང་སྲུང་མ་མཆོད།
ཞུན་དག༉ གླུ་མཆོད་ཅིག་ལྷ་དང་སྲུང་མ་མཆོད།། དགྲ་སྡེ་ཟིལ་གྱིས་གནོན་པར་ཤོག། གླུ་མཆོད་ཅིག་མཚན་ལྡན་བླ་མ་མཆོད།། ཐར་པའི་ལམ་སྣ་འདྲེན་པར་ཤོག། གླུ་མཆོད་ཅིག་དབང་ཆེན་དཔོན་པོ་མཆོད།།ཁམས་གསུམ་དབང་དུ་འདུ་བར་ཤོག། གླུ་མཆོད་ཅིག་ལྷ་མི་ཁྲོམ་ཚོགས་མཆོད།། དགའ་སྐྱིད་ཕུན་སུམ་ཚོགས་པར་ཤོག། རྒྱལ་བློན་འབངས་འཁོར་མ་ལུས་པ།། ཚེ་འདིར་ཚེ་རིང་ནད་མེད་ཅིང་།། ཕུན་ཚོགས་བདེ་སྐྱིད་ལོངས་སྤྱོད་ལྡན།། ཞལ་ལ་ཡང་ཡང་མཇལ་བའི་བཀྲིས་ཤོག། །།
གླུ་འདི་གང་དང་གང་གི་གླུ།
ཞུན་དག༉ གླུ་འདི་གང་དང་གང་གི་གླུ།། ཕྱོགས་ལས་རྣམ་པར་རྒྱལ་བའི་གླུ།། བཀྲིས་སྨོན་ལམ་བཟང་པོའི།། གླུ་ལ་ཅུང་ཞིག་གསོན་པར་ཞུ།། སྔོན་ཚེ་རྨ་ཁམས་གླིང་ཡུལ་ནས་།། གེ་སར་ནོར་བུ་དགྲ་འདུལ་ཁོང།། མ་དང་མཁའ་འགྲོའི་ལུང་བསྟན་།། བདུད་ཡུལ་བྱང་ལ་ཕེབས་པ་བཞིན།། མི་དབང་འཇིགས་མེད་སེངྒེ་མཆོག། དཔལ་ལྡན་འབྲུག་པའི་གདན་ས་ཆེ།། རི་བོ་གྲུ་འཛིན་ཕོ་བྲང་།། འབྱུང་བ་ལྔ་ལྡན་ཆུ་མོ་ལུག། སྨིན་དྲུག་ཟླ་བ་ཡར་ཚེས་ལ།། ཆིབས་ཁ་ལྷོ་རུ་བསྒྱུར་ནས་ཕེབས།། དེ་ཚེ་ཤུལ་དུ་ལུས་པ།། ཡུམ་སྲས་བཙུན་མོ་བློན་འབངས་བཅས།། མ་དང་བྲལ་བའི་ཕྲུག་གུ་བཞིན།། སེམས་སྡུག་མུན་པའི་ཐང་ལ་འཁྱམས།། བྱམས་ཤིང་བརྩེ་བའི་གདུང་སེམས།། འབྲལ་མི་ཕོད་པ་ལོས་ཀྱང་བདེན།། མ་དག་འཁྲུལ་པའི་སྣང་བ་ལགས།། བསམ་བཞིན་ངུ་ཡང་འགྲོ་མོད་ཀྱི།། ཡང་དག་དོན་ལ་དཔྱད་ན།། རང་གི་སེམས་ལ་འདི་འདྲ་ཤར།། །།
དགའ་སྐྱིད་ཕུན་སུམ་ཚོགས་པའི།
ཞུན་དག༉ དགའ་སྐྱིད་ཕུན་སུམ་ཚོགས་པའི་འབྲུག་གི་རྒྱལ་ཁབ།། མི་ནོར་ཟས་ཀྱི་ལོངས་སྤྱོད་བསམ་གྱིས་མི་ཁྱབ་ཡོད།། མ་བཅོས་རང་བཞིན་ལྷུན་གྱིས་གྲུབ་པའི་རྒྱལ་ཁབ།། བདེ་ཞིང་སྐྱིད་པའི་འབྱུང་གནས་སུམ་རྩེན་ལྷ་ཡུལ་འདྲ་སོང་།། ཆོས་སྲིད་ལུགས་གཉིས་སྐྱོང་བའི་མི་དབང་ཆོས་རྒྱལ།། སྐུ་ཚེ་འགྱུར་མེད་བརྟན་པའི་མཛད་བཟང་སྙན་གྲགས་རྒྱས་སོང་།། ལུགས་གཉིས་ཉི་ཟླའི་སྣང་བ་སྔར་ལས་རྒྱས་པ།། བརྩེ་ཡུལ་མངའ་འབངས་ཡོངསས་ཀྱི་དགའ་སྐྱིད་གོང་དུ་འཕེལ་སོང་།། ཕུན་ཚོགས་པད་མའི་ཐང་ལ་དགའ་བའི་གླུ་ལེན།། སྐྱིད་པའི་བྲོ་གར་འཁྲབ་ཡོད་ཐུགས་བརྩེའི་སྤྱན་གྱིས་གཟིགས་སོང་།། ཆོས་སྲིད་གཉིས་ལྡན་རྒྱལ་ཁབ་རང་དབང་རང་བཙན།། འགྱུར་མེད་རང་དབང་ཡུན་དུ་གནས་པའི་རྟེན་འབྲེལ་བཟང་སོང་།། །།
དགའ་ང་བཅས་ཐིམ་ཕུག་ལུང་པར།
ཞུན་དག༉ དགའ་ང་བཅས་ཐིམ་ཕུག་ལུང་པར་དགའ་།། སྐྱིད་ང་བཅས་ཐིམ་ཕུག་ལུང་པར་སྐྱིད།། མི་དབང་མངའ་བདག་རྒྱལ་པོ་གསེར་ཁྲི་གུ་ལུ་བཞུགས།། ང་བཅས་མི་སེར་ག་ར་དགའ་བའི་ཉི་མ་ཤར།། དགའ་ང་བཅས་ཐིམ་ཕུག་ལུང་པར་དགའ།། སྐྱིད་ང་བཅས་ཐིམ་ཕུག་ལུང་པར་སྐྱིད།། མི་དབང་སྐྱབས་རྗེ་མཁན་པོ་གསེར་ཁྲི་གུ་ལུ་བཞུགས།། ང་བཅས་མི་སེར་ག་ར་བདེ་སྐྱིད་ཉི་མ་ཤར།། དགའ་ང་བཅས་ཐིམ་ཕུག་ལུང་པར་དགའ།། སྐྱིད་ང་བཅས་ཐིམ་ཕུག་ལུང་པར་སྐྱིད།། ཕ་མ་དྲན་ན་ཕམ་ལས་ལྷག་པའི་སློབ་དཔོན་ཡོད།། སློབ་དཔོན་ཚུ་གིས་ཕྱི་ནང་ཡོན་ཏན་གནང་སྟེ་ཡོད།། །།
དགའ་སྟེ་སྡོད་པའི་ཆ་རོགས།
ཞུན་དག༉ དགའ་སྟེ་སྡོད་པའི་ཆ་རོགས།། མནོ་བའི་སེམས་ལས་བརྗེད་མ་ཚུགས།། དགའ་བའི་མིག་ཏོ་ཟུར་གྱིས་བལྟ།། མཐུན་པའི་གཏམ་ཅིག་སླབ་མ་ཚུགས།། མནོ་བའི་སེམས་ལུ་སྡུག་བསྔལ་སྐྱེལ།། བལྟ་བའི་མིག་ལས་མིག་ཆུ་ཐོན།། སེམས་ཁར་མནོ་སྟེ་ཡོད་མི་འདི།། གཏམ་ཅིག་སླབ་པར་ལཱ་ཁག་འདུག། སེམས་ཁར་མནོ་སྟེ་ཡོད་པ་ཅིན།། ང་ལུ་གཏམ་ཅིག་ཕྲང་སྟེ་སླབ། སྤང་དང་མེ་ཏོག་ཁ་འབྱལ་དོ། ཤ་དང་སེན་མོ་ཁ་འབྱལ་དོ།། བལྟ་བའི་སྒོ་སྒྲིག་ཤར་ལུ་སྒོར།། འགྱོ་བའི་ལམ་འདི་ནུབ་ལུ་བཅུག། སེམས་དང་སེམས་གཉིས་མཐུན་ན་ཡང་།། བལྟ་བའི་སྒོ་སྒྲིག་མཉམ་གཅིག་བལྟ།། འགྱོ་བའི་ལམ་ཡང་མཉམ་ཅིག་འགྱོ།། །།
དགའ་ལྡན་ས་ལ་འཕོས་པ།
ཞུན་དག༉ དགའ་ལྡན་ས་ལ་འཕོས་པ།། སྨན་ལྗོངས་ཡངས་པའི་གླིང་ལ།། ཆོས་རྒྱལ་གསེར་གྱི་ཉི་མ།། དགུང་ལས་མ་ཡོལ་བཞིན་དུ།། རྒྱས་སྲས་དུང་གི་ཟླ་བ།། ཤར་རིའི་རྩེ་ནས་ངོམས་བྱུང་།། ཉི་ཟླ་ཟུང་དུ་འཛོམས་པ།། བཀྲ་ཤིས་དགུང་དང་མཉམ་སོང་།། ཐུགས་རྗེ་འོད་ཀྱི་རང་མདངས།། རྒྱལ་ཁམས་ཡོངས་ལ་ཁྱབ་པ།། བློན་འབངས་སྐར་ཚོགས་ཁྲ་མོ།། སྐྱིད་པའི་རྟེན་འབྲེལ་བཟང་བྱུང་།། ཡོན་ཏན་ཆ་ཤས་རྫོགས་པའི།། རྒྱལ་སྲས་བཅོ་ལྔའི་ཟླ་བ།། མི་འགྱུར་རྡོ་རྗེའི་ཁྲི་ལ།། བསྐལ་བརྒྱར་ཞབས་པད་བརྟན་ཤོག། ལུགས་གཉིས་གསེར་གྱི་འཁོར་ལོས།། ཁམས་གསུམ་དབང་དུ་བསྒྱུར་ནས།། དགའ་སྐྱིད་དཔལ་གྱི་གྲུ་ཆར།། རྒྱུན་མི་ཆད་པར་ཕོབ་ཅིག། བདེ་སྟོང་རྩེ་དགའི་འཁྲི་ཤིང་།། འཕྲིན་ལས་གྲུབ་པའི་གྲོགས་བཟང་།། བཙུན་མོ་རིན་ཆེན་དམ་པ།། རྗེ་བཙུན་སྒྲོལ་མས་སྐྱོངས་ཤིག། ངེད་ཅག་སྐལ་བཟང་ཕོ་མོ།། སྟོང་གསུམ་ནོར་གྱིས་གཞལ་ཡང་།། ཆོས་རྒྱལ་ཡབ་སྲས་དམ་པའི།། སྐུ་དྲིན་འཁོར་ཐབས་མི་འདུག། དེ་བས་ཁ་ཞེ་གཉིས་མེད།། རང་འདོད་གཡོ་སྒྱུ་སྤངས་ནས།། ཞི་བདེ་རང་དབང་རྒྱལ་ཁབ།། ཡུན་གནས་ཐབས་ལ་འཇུག་སྤྲོ།། གནམ་ལ་ཉི་ཟླ་སྐར་གསུམ།། ས་ལ་རྒྱལ་བློན་འབངས་གསུམ།། དཔལ་ལྡན་སྤྲིན་གྱི་སྒྲ་དབྱངས།། འཛམ་གླིང་ཡོངས་ལ་ཁྱབ་འགྲོ།། ཀུན་ཕན་ཉི་མའི་སྣང་བ།། མིག་གིས་བལྟ་བར་མི་བཟོད།།སྐལ་མེད་འུག་པའི་ཧུང་སྒྲ།། མཧཱ་ཀཱ་ལས་སྲུངས་ཤིག། སྐུ་ཚེ་བྲག་ལས་སྲ་ཞིང་།། རྒྱལ་བརྒྱུད་ཆུ་ལས་རིང་བ།། མངའ་ཐང་དར་ཞིང་རྒྱས་པའི།། བཀྲ་ཤིས་སྨོན་ལམ་ཞུའོ།། །།
དགའ་བ་འདུག་གོ་དགུང་སྟོད་ཚུ།
ཞུན་དག༉ དགའ་བ་འདུག་གོ་དགུང་སྟོད་ཚུ།། སྐྱིད་པ་འདུག་གོ་ཁྲི་གདུགས་ཚུ།། དགུང་དང་ཁྲི་གདུགས་གཉིས་ལས་མེད།། འབྲལ་བ་ལ་འབྲལ་ས་མེད་ལ་རང་དགའ།། འབྲལ་བ་འབྲལ་ས་མེད་ལ་རང་སྐྱིད།། དགའ་བ་ལ་འདུག་གོ་གངས་སྟོད་ཚུ།། སྐྱིད་པ་ལ་འདུག་གོ་སེང་ཆེན་ཚུ།། གངས་དང་ལ་སེང་ཆེན་གཉིས་ལས་མེད།། འབྲལ་བ་ལ་འབྲལ་ས་མེད་ལ་རང་དགའ།། འབྲལ་བ་འབྲལ་ས་མེད་ལ་རང་སྐྱིད།། དགའ་བ་ལ་འདུག་གོ་སྤང་སྟོད་ཚུ།། སྐྱིད་པ་ལ་འདུག་གོ་ཤཝ་རྒོད་ཚུ།། སྤང་དང་ལ་ཤཝ་རྒོད་གཉིས་ལས་མེད།། འབྲལ་བ་ལ་འབྲལ་ས་མེད་ལ་རང་དགའ།། འབྲལ་བ་འབྲལ་ས་མེད་ལ་རང་སྐྱིད།། དགའ་བ་འདུག་གོ་གཡུས་བཟང་ཚུ།། སྐྱིད་པ་འདུག་གོ་ཡབ་ཡུམ་ཚུ།། གཡུས་དང་ལ་ཡབ་ཡུམ་གཉིས་ལས་མེད།། འབྲལ་བ་ལ་འབྲལ་ས་མེད་ལ་རང་དགའ།། འབྲལ་བ་འབྲལ་ས་མེད་ལ་རང་སྐྱིད།། །།
དགའ་བའི་ཉི་མ་ཤར་སོང་།
ཞུན་དག༉ དགའ་བའི་ཉི་མ་ཤར་སོང་།། སྐྱིད་པའི་ཟླ་བ་ཚེས་སོང་།། དགའ་སྐྱིད་འཛོམས་པའི་ཞབས་བྲོ།། པདྨའི་ཐང་ལ་འཆམ་ཤོག། ཕོ་ཡི་ཞབས་བྲོ་གཡས་བསྐོར།། མོ་ཡི་ཞབས་བྲོ་གཡོནབསྐོར།། གཡས་གཡོནབ་སྐོར་བའི་ཞབས་བྲོ།། ནོར་བུ་དགའ་བ་འཁྱིལ་སོང་།། ཕུན་ཚོགས་ནོར་བུའི་རི་ལ།། དཔག་བསམ་ལྗོན་ཤིང་འཁྲུངས་སོང་།། ལྷ་ཤིང་ལྗོན་པའི་རྩེ་ནས།། ཞིམ་མངར་འབྲས་བུ་ཆགས་ཡོད།། མཛེས་སྡུག་པདྨའི་ཐང་ལ།། གཡུ་ཡི་སྦྲང་མོ་འཁོར་སོང་།། ཞིམ་པའི་རྩི་བཅུད་འཐུང་ནས།། དགའ་བའི་མགྲིན་གླུ་བླངས་སོང་།། བཀྲིས་མཚོ་མོའི་དབུས་ན།། གསེར་གྱི་ཉ་མོ་འཁྱུག་འཁྱུག། ཉ་མོ་གཤོག་རྩལ་རྒྱས་ནས།། བདེ་སྐྱིད་ཕུན་སུམ་ཚོགས་ཡོད།། ལྷ་སྲས་གསེར་གྱི་ཉི་མ།། སྐྱིད་པའི་མཁའ་ལ་ཤར་སོང་།། མཁའ་ལ་ཤར་བ་མ་རེད།། གསེར་གྱི་ཁྲི་ལ་བཞུགས་ཡོད།། གསེར་གྱི་ཁྲི་ལ་བཞུགས་ན།། ང་ཚོ་མངའ་འབངས་ཡོངས་ལ།། བྱམས་པའི་ཐུགས་ཀྱི་གོང་ལས།། བརྩེ་བའི་ཅན་གྱི་གཟིགས་དང་།།
དགུང་གི་ཁྲི་གདུགས་ཉི་མ།
ཞུན་དག༉ དགུང་གི་ཁྲི་གདུགས་ཉི་མ།། ལ་མོའི་རྒྱབ་ལ་ཐལ་སོང་།། དཀར་གསལ་འོད་ཀྱི་ཆེ་བ།། འགོར་བའི་ཐབས་ཤེས་མིན་འདུག། སོ་ཡ།། འགོར་བའི་ཐབས་ཤེས་མིན་འདུག། འགོར་བའི་ཐབས་ཤེས་ཡོད་ན།། དགུང་གི་ཁྲི་གདུགས་ཉི་མ།། གླིང་བཞི་བསྐོར་བ་མི་གཏང་།། དགུང་གི་དཀྱིལ་ལ་བཞུགས་དང་།། དགུང་གི་ཁྲི་གདུགས་ཉི་མ།། མཇལ་བསམ་ཐུགས་ལ་མིན་འདུག། སྐར་མ་བརྒྱ་ཤར་སྟོང་ཤར།། དགུང་གི་དཀྱིལ་ནས་ཤར་སོང་།། ཁྲི་གདུགས་སྐྱོ་རོགས་བྱེད་ཤོག། ལོ་དང་ཟླ་བ་མི་འགོར།། ཞག་དང་ཉི་མའི་བར་ལ།། དགའ་བའི་དགུང་སངས་ཕྱོགས་ལ།། མཇལ་བའི་སྨོན་ལམ་ཞུ་གེ།། །།
དགུང་གི་དགུང་སངས་མཐོན་པོ།
ཞུན་དག༉ དགུང་གི་དགུང་སངས་མཐོན་པོ།། དགུང་ལས་ཁྲི་གདུགས་ཉི་མ།། ཁྲི་གདུགས་དགྱེས་པའི་མཆོད་པ།། ཉི་ཟེར་ཡོངས་ཀྱིས་ཕུལ་གེ།། གངས་ཀྱི་གངས་སྟོད་མཐོན་པོ།། གངས་ལས་དར་སེང་དཀར་མོ།། དར་སེང་དགྱེས་པའི་མཆོད་པ།། སེང་ཕྲུག་ཡོངས་ཀྱིས་ཕུལ་གེ།། སྤང་གི་སྤང་གཤོང་བདེ་མོ།། སྤང་ལས་ཤཝ་རྒོད་རྭ་བཅུ།། ཤཝ་རྒོད་དགྱེས་པའི་མཆོད་པ།། ཤ་ཕྲུག་ཡོངས་ཀྱིས་ཕུལ་གེ།། ནགས་ཀྱི་ནགས་སྟོད་མཐོན་པོ།། ནགས་ལས་སྟག་མོ་རིས་མཛེས།། སྟག་མོ་དགྱེས་པའི་མཆོད་པ།། སྟག་ཕྲུག་ཡོངས་ཀྱིས་ཕུལ་གེ།། མཚོ་ཡི་མཚོ་སྟོད་མཐོན་པོ།། མཚོ་ལས་གསེར་མིག་ཉ་མོ།། གསེར་མིག་དགྱེས་པའི་མཆོད་པ།། ཉ་ཕྲུག་ཡོངས་ཀྱིས་ཕུལ་གེ།། དགོན་གྱི་དགོན་བཟང་མཐོན་པོ།། དགོན་ལས་མཚན་ལྡན་བླ་མ།། མཚན་ལྡན་དགྱེས་པའི་མཆོད་པ།། འདུས་ཚོགས་ཡོངས་ཀྱིས་ཕུལ་གེ།། རྫོང་གི་རྫོང་སྟོད་མཐོན་པོ།། རྫོང་ལས་དབང་ཆེན་དཔོན་པོ།། དབང་ཆེན་དགྱེས་པའི་མཆོད་པ།། སྟག་ཤར་ཡོངས་ཀྱིས་ཕུལ་གེ།། ཡུལ་གྱི་ཡུལ་བཟང་མཐོན་པོ།། ཡུལ་ལས་ཡབ་ཡུམ་གཉིས་ཀུ།། ཡབ་ཡུམ་དགྱེས་པའི་མཆོད་པ།། སྨན་ཆུང་ཡོངས་ཀྱིས་ཕུལ་གེ།། །།
དགུང་སྔོན་བཀྲིས་གཡང་ཆགས་ལགས།
ཞུན་དག༉ དགུང་སྔོན་བཀྲིས་གཡང་ཆགས་ལགས།། ཨ་མ་ལེགས་ཨོ།། ཁྲི་གདུགས་ཡིད་བཞིན་ནོར་བུ།། དཔལ་ལྡན་འབྲུག་པའི་ཞབས་བྲོ།། དགུང་དང་སྤྲིན་གྱི་བར་ལ།། ཨ་མ་ལེགས་ཨོ།། སྐྱིའུ་བསེར་རླུང་གིས་འཐོར་སོང་།། དཔལ་ལྡན་འབྲུག་པའི་ཞབས་བྲོ།། དྲོད་ཉམས་འོད་ཀྱིས་སྐྱོང་བ།། ཨ་མ་ལེགས་ཨོ།། ཁྲི་གདུགས་བཀྲིན་ཆེ་སོང་།། དཔལ་ལྡན་འབྲུག་པའི་ཞབས་བྲོ།། ལྷོ་ལྗོངས་བཀྲིས་གཡང་ཆགས་ལ།། ཨ་མ་ལེགས་ཨོ།། མངའ་བདག་ཡིད་བཞིན་ནོར་བུ།། དཔལ་ལྡན་འབྲུག་པའི་ཞབས་བྲོ།། ལོངས་སྤྱོད་སེམས་ལ་འཆང་བ་ལ།། ཨ་མ་ལེགས་ཨོ།། རྩ་གསུམ་ལ་ལྷ་ཡི་ཐུགས་རྗེ།། དཔལ་ལྡན་འབྲུག་པའི་ཞབས་བྲོ།། མི་སེར་བདེ་ཞིང་སྐྱིད་པ།། ཨ་མ་ལེགས་ཨོ།། མངའ་བདག་བཀྲིན་ཆེ་སོང་།། དཔལ་ལྡན་འབྲུག་པའི་ཞབས་བྲོ།། རྒྱལ་སྲིད་ཆོས་བཞིན་སྐྱོང་བ།། ཨ་མ་ལེགས་ཨོ།། བཤད་སྒྲུབ་བསྟན་པ་དར་སོང་།། དཔལ་ལྡན་འབྲུག་པའི་ཞབས་བྲོ།། །།
དགུང་སྔོན་ཉི་ཟླ་སྐར་གསུམ།
ཞུན་དག༉ དགུང་སྔོན་ཉི་ཟླ་སྐར་གསུམ།། ལྗོངས་འདིར་རྒྱལ་བློན་འབངས་གསུམ།། ཉི་ཟླ་འཛམ་གླིང་མུན་སེལ།། མངའ་བདག་ལྗོངས་འདིར་དྲིན་ཅན།། དཔའ་བོ་དཔལ་ལྡན་འབྲུག་པ།། ཕྱོགས་ལས་རྣམ་པར་རྒྱལ་སོང་།། གཟེངས་བསྟོད་བཀྲིས་ཁ་དར།། དཔའ་བོ་ཡོངས་ལ་ཕུལ་གེ།། དགུང་སྔོན་ཟླ་བའི་དཀྱིལ་འཁོར།། སྐར་ཚོགས་ཡོངས་ཀྱི་མཛེས་རྒྱན།། ལྗོངས་འདིར་མངའ་བདག་ཆོས་རྒྱལ།། འབུམ་ཚོགས་འབངས་ཀྱི་སྤྱི་ནོར།། དཔའ་བོ་དཔལ་ལྡན་འབྲུག་པ།། ཕྱོགས་ལས་རྣམ་པར་རྒྱལ་སོང་།། གཟེངས་བསྟོད་བཀྲིས་ཁ་དར།། དཔའ་བོ་ཡོངས་ལ་ཕུལ་གེ།། ཨྱོན་ཐུགས་སྤྲུལ་དངོས་བྱོན།། དགྲ་ལྷ་གེ་སར་སྐུ་དངོས།། རྫུ་འཕྲུལ་དམག་གི་དབུ་ཁྲིད།། བྱང་སེམས་སྤྲུལ་པའི་ཆོས་རྒྱལ།། དཔའ་བོ་དཔལ་ལྡན་འབྲུག་པ།། ཕྱོགས་ལས་རྣམ་པར་རྒྱལ་སོང་།། གཟེངས་བསྟོད་བཀྲིས་ཁ་དར།། དཔའ་བོ་ཡོངས་ལ་ཕུལ་གེ།། རྒྱལ་ཁབ་རང་བཙན་དར་ཆེན།། མི་ཡུལ་ཡུན་དུ་བརྟན་ཐབས།། སྐུ་སྲོག་ཕངས་པ་མེད་པར།། དྲག་པོའི་དམག་དཔུང་བཞེས་སོང་།། དཔའ་བོ་དཔལ་ལྡན་འབྲུག་པ།། ཕྱོགས་ལས་རྣམ་པར་རྒྱལ་སོང་།། གཟེངས་བསྟོད་བཀྲིས་ཁ་དར།། དཔའ་བོ་ཡོངས་ལ་ཕུལ་གེ།། དཔའ་བོ་དྲག་ཁག་གསུམ་གྱིས།། སྙིང་སྟོབས་ཞུམ་པ་མེད་པར།། བཀའ་དོན་གསེར་གྱི་ཐིག་པ།། ཡོལ་མེད་དྭངས་དུ་བླངས་སོང་།། དཔའ་བོ་དཔལ་ལྡན་འབྲུག་པ།། ཕྱོགས་ལས་རྣམ་པར་རྒྱལ་སོང་།། གཟེངས་བསྟོད་བཀྲིས་ཁ་དར།། དཔའ་བོ་ཡོངས་ལ་ཕུལ་གེ།། མངའ་བདག་སྐུ་ཚེ་ཞབས་བརྟན།། ཆབ་སྲིད་གོང་ལས་གོང་འཕེལ།། འབངས་རྣམས་དགའ་སྐྱིད་དཔལ་འཛོམས།། རྟག་ཏུ་བཀྲིས་བདེ་ལེགས།། དཔའ་བོ་དཔལ་ལྡན་འབྲུག་པ།། ཕྱོགས་ལས་རྣམ་པར་རྒྱལ་སོང་།། གཟེངས་བསྟོད་བཀྲིས་ཁ་དར།། དཔའ་བོ་ཡོངས་ལ་ཕུལ་གེ།། །།
དགུང་སྔོན་མཐོན་པོའི་དབྱིངས་ལ།
ཞུན་དག༉ དགུང་སྔོན་མཐོན་པོའི་དབྱིངས་ལ།། སྐར་མ་གཅིག་ཤར་གཉིས་ཤར།། ནམ་མཁའ་སྐར་མས་གང་སོང་།། སྐར་མ་ཤར་བ་མ་རེད།། ཁྲི་གདུགས་ལ་མོ་བརྒལ་སོང་།། ཚེས་པའི་ཟླ་བ་ཡོད་ན།། མུན་པ་སེལ་ལ་ཕེབས་ཤོག། སྤང་གཤོང་བདེ་མོའི་ནང་དུ།། མེ་ཏོག་གཅིག་ཤར་གཉིས་ཤར།། ཐང་ཆེན་མེ་ཏོག་གང་སོང་།། མེ་ཏོག་ཤར་བ་མ་རེད།། དགུན་གསུམ་ལ་མོ་བརྒལ་སོང་།། ལྷ་ཁང་ཁྲ་མོ་ཡོད་ན།། བུམ་པའི་རྒྱན་དུ་ཕུལ་ཤོག། ཡ་ཐོད་དཔྲལ་བའི་དཀྱིལ་ན།། གཉེར་མ་གཅིག་ཤར་གཉིས་ཤར།། བཞིན་རས་གཉེར་མས་གང་སོང་།། གཉེར་མ་ཤར་བ་མ་རེད།། གཞོན་པ་ལ་མོ་བརྒལ་སོང་།། འཆི་བ་དྲན་མི་ཡོད་ན།། མ་ཎི་པདྨེ་སྒྲོངས་ཤོག། །།
དགུང་སྟོད་དགུང་སྨད་བསྐོར་ནས།
ཞུན་དག༉ དགུང་སྟོད་དགུང་སྨད་བསྐོར་ནས།། ལོ་དང་ཟླ་བ་སོང་རུང་།། ཁྲི་གདུགས་ཉི་མའི་ཞལ་རས།། ད་རེས་མ་གཏོགས་མ་མཇལ།། ད་རེས་མཇལ་བའི་ཁྲི་གདུགས།། གླིང་བཞི་བསྐོར་དུ་མི་གཏོང་།། སང་ཕོད་མཇལ་བའི་སྨོན་ལམ་ལན་གསུམ་བཏབ་གེ། གངས་སྟོད་དགུང་སྨད་བསྐོར་ནས།། ལོ་དང་ཟླ་བ་སོང་རུང་།། དར་སེང་དཀར་མོའི་ཞལ་རས།། ད་རེས་མ་གཏོགས་མ་མཇལ།། ད་རེས་མཇལ་བའི་དར་སེང་།། གངས་སྟོད་བསྐོར་དུ་མི་གཏོང་།། སང་ཕོད་མཇལ་བའི་སྨོན་ལམ་ལན་གསུམ་བཏབ་གེ། སྤང་སྟོད་སྤང་སྨད་བསྐོར་ནས།། ལོ་དང་ཟླ་བ་སོང་རུང་།། ཤཝ་རྒོད་རྭ་བཅུའི་ཞལ་རས།། ད་རེས་མ་གཏོགས་མ་མཇལ།། ད་རེས་མཇལ་བའི་ཤཝ་རྒོད།། སྤང་སྟོད་བསྐོར་དུ་མི་གཏོང་།། སང་ཕོད་མཇལ་བའི་སྨོན་ལམ་ལན་གསུམ་བཏབ་གེ། མཚོ་སྟོད་མཚོ་སྨད་བསྐོར་ནས།། ལོ་དང་ཟླ་བ་སོང་རུང་།། སེར་མིག་ཉ་མོའི་ཞལ་རས།། ད་རེས་མ་གཏོགས་མ་མཇལ།། ད་རེས་མཇལ་བའི་ཉ་མོ།། མཚོ་སྟོད་བསྐོར་དུ་མི་གཏོང་།། སང་ཕོད་མཇལ་བའི་སྨོན་ལམ་ལན་གསུམ་བཏབ་གེ། རྫོང་སྟོད་རྫོང་སྨད་བསྐོར་ནས།། ལོ་དང་ཟླ་བ་སོང་རུང་།། དབང་ཆེན་དཔོན་པོའི་ཞལ་རས།། ད་རེས་མ་གཏོགས་མ་མཇལ།། ད་རེས་མཇལ་བའི་དབང་ཆེན།། རྫོང་སྟོད་བསྐོར་དུ་མི་གཏོང་།། སང་ཕོད་མཇལ་བའི་སྨོན་ལམ་ལན་གསུམ་བཏབ་གེ། ནགས་སྟོད་ནགས་སྨད་བསྐོར་ནས།། ལོ་དང་ཟླ་བ་སོང་རུང་།། སྟག་མོ་རིས་མཛེས་ཞལ་རས།། ད་རེས་མ་གཏོགས་མ་མཇལ།། ད་རེས་མཇལ་བའི་སྟག་མོ།། ནགས་སྟོད་བསྐོར་དུ་མི་གཏོང་།། སང་ཕོད་མཇལ་བའི་སྨོན་ལམ་ལན་གསུམ་བཏབ་གེ། །།
དགུང་སྟོད་བརྒྱ་ཡང་འཛོམས་ས་སྟོང་ཡང་འཛོམས།
ཞུན་དག༉ དགུང་སྟོད་བརྒྱ་ཡང་འཛོམས་ས་སྟོང་ཡང་འཛོམས།། ཁྲི་གདུགས་ཉི་མ་འཛོམས་པ་གསེར་ལས་དཀོན།། གསེར་ལས་དཀོན་ཀྱང་ད་རེས་འདི་རུ་འཛོམས།། འབྲལ་བ་འབྲལ་ས་མེད་པའི་སྨོན་ལམ་ཞུ།། གངས་སྟོད་བརྒྱ་ཡང་འཛོམས་ས་སྟོང་ཡང་འཛོམས།། དར་སེང་དཀར་མོ་འཛོམས་པ་གསེར་ལས་དཀོན།། གསེར་ལས་དཀོན་ཀྱང་ད་རེས་འདི་རུ་འཛོམས།། འབྲལ་བ་འབྲལ་ས་མེད་པའི་སྨོན་ལམ་ཞུ།། ནགས་སྟོད་བརྒྱ་ཡང་འཛོམས་ས་སྟོང་ཡང་འཛོམས།། སྟག་མོརིས་མཛེས་འཛོམས་པ་གསེར་ལས་དཀོན།། གསེར་ལས་དཀོན་ཀྱང་ད་རེས་འདི་རུ་འཛོམས།། འབྲལ་བ་འབྲལ་ས་མེད་པའི་སྨོན་ལམ་ཞུ།། སྤང་སྟོད་བརྒྱ་ཡང་འཛོམས་ས་སྟོང་ཡང་འཛོམས།། ཤཝ་རྒོད་རྭ་བཅུ་འཛོམས་པ་གསེར་ལས་དཀོན།། གསེར་ལས་དཀོན་ཀྱང་ད་རེས་འདི་རུ་འཛོམས།། འབྲལ་བ་འབྲལ་ས་མེད་པའི་སྨོན་ལམ་ཞུ།། མཚོ་སྟོད་བརྒྱ་ཡང་འཛོམས་ས་སྟོང་ཡང་འཛོམས།། གསེར་མིག་ཉ་མོ་འཛོམས་པ་གསེར་ལས་དཀོན།། གསེར་ལས་དཀོན་ཀྱང་ད་རེས་འདི་རུ་འཛོམས།། འབྲལ་བ་འབྲལ་ས་མེད་པའི་སྨོན་ལམ་ཞུ།། དགོན་བཟང་བརྒྱ་ཡང་འཛོམས་ས་སྟོང་ཡང་འཛོམས།། མཚན་ལྡན་བླ་མ་འཛོམས་པ་གསེར་ལས་དཀོན།། གསེར་ལས་དཀོན་ཀྱང་ད་རེས་འདི་རུ་འཛོམས།། འབྲལ་བ་འབྲལ་ས་མེད་པའི་སྨོན་ལམ་ཞུ།། རྫོང་ཆེན་བརྒྱ་ཡང་འཛོམས་ས་སྟོང་ཡང་འཛོམས།། དབང་ཆེན་དཔོན་པོ་འཛོམས་པ་གསེར་ལས་དཀོན།། གསེར་ལས་དཀོན་ཀྱང་ད་རེས་འདི་རུ་འཛོམས།། འབྲལ་བ་འབྲལ་ས་མེད་པའི་སྨོན་ལམ་ཞུ།། ཡུལ་བཟང་བརྒྱ་ཡང་འཛོམས་ས་སྟོང་ཡང་འཛོམས།། ཡབ་ཡུམ་གཉིས་ཀུ་འཛོམས་པ་གསེར་ལས་དཀོན།། གསེར་ལས་དཀོན་ཀྱང་ད་རེས་འདི་རུ་འཛོམས།། འབྲལ་བ་འབྲལ་ས་མེད་པའི་སྨོན་ལམ་ཞུ།། །།
དགུང་སྟོད་མཐོན་པོ་མཐོ་མི་མཐོ།
ཞུན་དག༉ དགུང་སྟོད་མཐོན་པོ་མཐོ་མི་མཐོ།། ཁྲི་གདུགས་ཉི་མ་འོ་མའི་མཚོ།། འོ་མའི་མཚོ་ལས་མེ་ཏོག་ཤར།། མེ་ཏོག་པདྨ་འདབ་བརྒྱད་ཤར།། པདྨ་འདབ་བརྒྱད་ཡག་མོ་རེད།། སྟེང་ཕྱོགས་ལྷ་ལ་མཆོད་པ་ཕུལ།། གངས་སྟོད་མཐོན་པོ་མཐོ་མི་མཐོ།། སེང་ཆེན་དཀར་མོ་འོ་མའི་མཚོ།། འོ་མའི་མཚོ་ལས་མེ་ཏོག་ཤར།། མེ་ཏོག་པདྨ་འདབ་རྒྱད་ཤར།། པདྨ་འདབ་རྒྱད་ཡག་མོ་རེད།། བར་ཕྱོགས་བཙན་ལ་མཆོད་པ་ཕུལ།། སྤང་སྟོད་མཐོན་པོ་མཐོ་མི་མཐོ།། ཤཝ་རྒོད་རྭ་བཅུ་འོ་མའི་མཚོ།། འོ་མའི་མཚོ་ལས་མེ་ཏོག་ཤར།། མེ་ཏོག་པདྨ་འདབ་བརྒྱད་ཤར།། པདྨ་འདབ་བརྒྱད་ཡག་མོ་རེད།། འོག་ཕྱོགས་ཀླུ་ལ་མཆོད་པ་ཕུལ།། ནགས་སྟོད་མཐོན་པོ་མཐོ་མི་མཐོ།། སྟག་མོ་རིས་མཛེས་འོ་མའི་མཚོ།། འོ་མའི་མཚོ་ལས་མེ་ཏོག་ཤར།། མེ་ཏོག་པདྨ་འདབ་བརྒྱད་ཤར།། པདྨ་འདབ་བརྒྱད་ཡག་མོ་རེད།། མཆོད་བཤམས་ཁྲ་མོར་མཆོད་པ་ཕུལ།། །།
དགུང་སྟོད་མཐོན་པོ་ཨོ་ལོ།
ཞུན་དག༉ དགུང་སྟོད་མཐོན་པོ་ཨོ་ལོ་སྐྱེས་པའི་དགོས་གཞི་མ་རེད།། ཁྲི་གདུགས་ཉི་མ་ཨོ་ལོ་འགྲོ་བའི་རྟ་ལ་ཆིབས་ཏེ།། ཕར་ལ་འགྲོ་འགྲོ་འགྲོ་འགྲོ་རྟ་པོའི་སྐྱེལ་མ་སླེབ་བྱུང་།། ཚུར་ལ་ཡོང་དུས་ཇ་དང་ཆང་གིས་བསུ་བ་ཡོང་སོང་།། གངས་སྟོད་མཐོན་པོ་ཨོ་ལོ་སྐྱེས་པའི་དགོས་གཞི་མ་རེད།། དར་སེང་དཀར་མོ་ཨོ་ལོ་འགྲོ་བའི་རྟ་ལ་ཆིབས་ཏེ།། ཕར་ལ་འགྲོ་འགྲོ་འགྲོ་འགྲོ་རྟ་པོའི་སྐྱེལ་མ་སླེབ་བྱུང་།། ཚུར་ལ་ཡོང་དུས་ཇ་དང་ཆང་གིས་བསུ་བ་ཡོང་སོང་།། ནགས་སྟོད་མཐོན་པོ་ཨོ་ལོ་སྐྱེས་པའི་དགོས་གཞི་མ་རེད།། སྟག་མོ་རིས་མཛེས་ཨོ་ལོ་འགྲོ་བའི་རྟ་ལ་ཆིབས་ཏེ།། ཕར་ལ་འགྲོ་འགྲོ་འགྲོ་འགྲོ་རྟ་པོའི་སྐྱེལ་མ་སླེབ་བྱུང་།། ཚུར་ལ་ཡོང་དུས་ཇ་དང་ཆང་གིས་བསུ་བ་ཡོང་སོང་།། སྤང་སྟོད་མཐོན་པོ་ཨོ་ལོ་སྐྱེས་པའི་དགོས་གཞི་མ་རེད།། ཤཝ་རྒོད་རྭ་ཅུང་ཨོ་ལོ་འགྲོ་བའི་རྟ་ལ་ཆིབས་ཏེ།། ཕར་ལ་འགྲོ་འགྲོ་འགྲོ་འགྲོ་རྟ་པོའི་སྐྱེལ་མ་སླེབ་བྱུང་།། ཚུར་ལ་ཡོང་དུས་ཇ་དང་ཆང་གིས་བསུ་བ་ཡོང་སོང་།། མཚོ་སྟོད་མཐོན་པོ་ཨོ་ལོ་སྐྱེས་པའི་དགོས་གཞི་མ་རེད།། གསེར་མིག་ཉ་མོ་ཨོ་ལོ་འགྲོ་བའི་རྟ་ལ་ཆིབས་ཏེ།། ཕར་ལ་འགྲོ་འགྲོ་འགྲོ་འགྲོ་རྟ་པོའི་སྐྱེལ་མ་སླེབ་བྱུང་།། ཚུར་ལ་ཡོང་དུས་ཇ་དང་ཆང་གིས་བསུ་བ་ཡོང་སོང་།། །།
དགུང་སྟོད་གསེར་གྱི་མེ་ཏོག
ཞུན་དག༉ དགུང་སྟོད་གསེར་གྱི་མེ་ཏོ་ཐུགས་སྤྲོ་ལ་གནང་དང་།། ཁྲི་གདུགས་གསེར་སྦྲང་བུང་བ་གླུ་གར་ལ་སྒྱུར་ཡོད།། བཀྲིས་གཡང་ཆགས་ལ་ཟེར་ན་བཀྲ་ལ་ཤིས་པར་ཤོག་ཅིག། བཀྲིས་གཡང་ཆགས་ལ་ཟེར་ན་གཡང་ལ་ཆགས་པར་ཤོག་ཅིག། གངས་སྟོད་གསེར་གྱི་མེ་ཏོ་ཐུགས་སྤྲོ་ལ་གནང་དང་།། དར་སེང་གསེར་སྦྲང་བུང་བ་གླུ་གར་ལ་སྒྱུར་ཡོད།། བཀྲིས་གཡང་ཆགས་ལ་ཟེར་ན་བཀྲ་ལ་ཤིས་པར་ཤོག་ཅིག། བཀྲིས་གཡང་ཆགས་ལ་ཟེར་ན་གཡང་ལ་ཆགས་པར་ཤོག་ཅིག། སྤང་སྟོད་གསེར་གྱི་མེ་ཏོག་ཐུགས་སྤྲོ་ལ་གནང་དང་།། ཤ་ཕྲུག་གསེར་སྦྲང་བུང་བ་གླུ་གར་ལ་སྒྱུར་ཡོད།། བཀྲིས་གཡང་ཆགས་ལ་ཟེར་ན་བཀྲ་ལ་ཤིས་པར་ཤོག་ཅིག། མཚོ་སྟོད་གསེར་གྱི་མེ་ཏོག་ཐུགས་སྤྲོ་ལ་གནང་དང་།། ཉ་མོ་གསེར་སྦྲང་བུང་བ་གླུ་གར་ལ་སྒྱུར་ཡོད།། བཀྲིས་གཡང་ཆགས་ལ་ཟེར་ན་བཀྲ་ལ་ཤིས་པར་ཤོག་ཅིག། བཀྲིས་གཡང་ཆགས་ལ་ཟེར་ན་གཡང་ལ་ཆགས་པར་ཤོག་ཅིག། སྐུ་མགྲོན་གསེར་གྱི་མེ་ཏོག་ཐུགས་སྤྲོ་ལ་གནང་དང་།། ན་གཞོན་གསེར་སྦྲང་བུང་བ་གླུ་གར་ལ་སྒྱུར་ཡོད།། བཀྲིས་གཡང་ཆགས་ལ་ཟེར་ན་བཀྲ་ལ་ཤིས་པར་ཤོག་ཅིག། བཀྲིས་གཡང་ཆགས་ལ་ཟེར་ན་གཡང་ལ་ཆགས་པར་ཤོག་ཅིག། །།
དགུང་མཐོ་བ་གནམ་མཁའི་དཀྱིལ་འཁོར་ནང་།
ཞུན་དག༉ དགུང་མཐོ་བ་གནམ་མཁའི་དཀྱིལ་འཁོར་ནང་།། འོད་གསལ་བ་ཁྲི་གདུགས་ཉི་མ་བཞུགས།། ཡར་དཀར་གསལ་ཟླ་བ་བཀྲིས་པས།། མར་སྐར་སངས་དམངས་ཡང་གཡང་ཆགས་པས།། བཀྲིས་གཡང་ཆགས་གཉིས་པོ་།། ནཱ་ཁང་བཟང་ཁྲ་མོར་བཞུགས་དགོ་པས།། ཡུལ་དམའ་བ་ནོར་བུའི་ས་གཞི་ལུ།། རི་མཐོ་བ་རི་ཡི་མཆོག་རབ་བཞུགས།། ཕྱི་གླིང་བཞི་གླིང་ཕྲན་བཀྲིས་པས།། ལྷོ་འཛམ་བུ་གླིང་ལ་གཡང་ཆགས་པས།། བཀྲིས་གཡང་ཆགས་གཉིས་པོ།། ནང་ཁང་བཟང་ཁྲ་མོར་བཞུགས་དགོ་པས།། གཡུས་བཀྲིས་འབྲུག་ཡུལ་ལྷོ་མོན་གཞུང་།། རྟེན་བཟང་པོ་ངག་དབང་རྣམ་རྒྱལ་བཞུགས།། ཕྱི་སྐྱབས་རྗེ་མཁན་པོ་བཀྲིས་པས།། ནང་མངའ་བདག་རྒྱལ་པོ་གཡང་ཆགས་པས།། ཞལ་ཧ་ཡང་མཇལ་ཀྱང་དོ་རུང་མཇལ།། ཞལ་ཡང་ཡང་མཇལ་བའི་སྨོན་ལམ་ཞུ།། །།
དགུང་དང་སྤྲིན་གྱི་མཚམས་ལས།
ཞུན་དག༉ དགུང་དང་སྤྲིན་གྱི་མཚམས་ལས།། ཁྲི་གདུགས་ཡིད་བཞིན་ནོར་བུ།། དགྲ་ལ་གཟའ་འཛིན་མེད་པ།། དགའ་བ་སྐྱིད་པ་འདུག་གོ།། གངས་དང་གཡའ་མིའི་མཚམས་ལས།། གངས་དང་སེང་ཆེན་དཀར་མོ་།། ཁ་བ་བུ་ཡུག་མེད་པ།། དགའ་བ་སྐྱིད་པ་འདུག། སྤང་དང་ནགས་ཀྱི་མཚམས་ལས།། སྤང་དང་ཤཝ་རྒོད་རྭ་བཅུ།། དགྲ་ལ་ཤ་ཁྱི་མེད་པ་།། དགའ་བ་སྐྱིད་པ་འདུག་གོ།། ཆུ་དང་རབ་ཀྱི་མཚམས་ལས།། ཡིད་འོང་གསེར་མིག་ཉ་མོ།། དགྲ་ལ་སྲམ་ཆུ་མེད་པ།། དགའ་བ་སྐྱིད་པ་འདུག་གོ། གཡུས་བཟང་ཁྲ་མོའི་ནང་ལས།། གཡུས་དང་ཡབ་ཡུམ་གཉིས་ཀུ།། ལུས་ལ་ན་ཚ་མེད་པ།། དགའ་བ་སྐྱིད་པ་འདུག་གོ། །།
དགུང་ལ་མི་ཆགས་དགུང་ལ་ཆགས།
ཞུན་དག༉ དགུང་ལ་མི་ཆགས་དགུང་ལ་ཆགས།། དགུང་ལ་ཉི་ཟླ་ཟུང་གཅིག་ཆགས།། ཕྱོགས་རིས་མེད་པའི་འོད་ཟེར་གྱིས།། མུན་པ་སེལ་བའི་རྟེན་འབྲེལ་ཡིན།། རྟེན་འབྲེལ་བཟང་པོ་འགྱུར་བ་མེད།། འཛམ་གླིང་བདེ་བའི་བཀྲིས་ཤོག། བར་ལ་མི་ཆགས་བར་ལ་ཆགས།། བར་ལ་ལྷོ་སྤྲིན་སྨུག་པོ་ཆགས།། དུས་སུ་འབབ་པའི་སྦྲང་ཆར་གྱིས།། ལོ་ཐོག་སྨིན་པའི་རྟེན་འབྲེལ་ཡིན།། རྟེན་འབྲེལ་བཟང་པོ་འགྱུར་བ་མེད།། འཛམ་གླིང་བདེ་བའི་བཀྲིས་ཤོག། ས་ལ་མི་ཆགས་ས་ལ་ཆགས།། རྡོ་རྗེ་གདན་གྱི་མཆོད་རྟེན་ཆགས།། སྐལ་བཟང་སངྱས་སྟོང་བྱོན་ནས།། ཆོསའཁོར་བསྐོར་བའི་རྟེན་འབྲེལ་ཡིན།། རྟེན་འབྲེལ་བཟང་པོ་འགྱུར་བ་མེད།། འཛམ་གླིང་བདེ་བའི་བཀྲིས་ཤོག། ལྗོངས་འདིར་མི་ཆགས་ལྗོངས་འདིར་ཆགས།། ཨོ་རྒྱན་པདྨའི་སྦས་གནས་ཆགས།། སྐལ་ལྡན་དམ་ཆོས་བྱེད་པ་རྣམས།། གྲུབ་པ་ཐོབ་པའི་རྟེན་འབྲེལ་ཡིན།། རྟེན་འབྲེལ་བཟང་པོ་འགྱུར་བ་མེད།། འཛམ་གླིང་བདེ་བའི་བཀྲིས་ཤོག། དབུས་སུ་མི་ཆགས་དབུས་སུ་ཆགས།། དཔལ་ལྡན་འབྲུག་པའི་གདན་ས་ཆགས།། ལུགས་གཉིས་ཁྲིམས་ཀྱིས་འགྲོ་བ་རྣམས།། བདེ་ལ་འགོད་པའི་རྟེན་འབྲེལ་ཡིན།། རྟེན་འབྲེལ་བཟང་པོ་འགྱུར་བ་མེད།། འཛམ་གླིང་བདེ་བའི་བཀྲིས་ཤོག། སྤུངས་ཐང་མི་ཆགས་སྤུངས་ཐང་ཆགས།། སྤུངས་ཐང་མགོན་པོའི་སྒྲུབ་མཆོད་ཆགས།། གློག་ལྟར་མྱུར་བའི་འཕྲིན་ལས་ཀྱིས།། དགྲ་དཔུང་འཇོམས་པའི་རྟེན་འབྲེལ་ཡིན། །རྟེན་འབྲེལ་བཟང་པོ་འགྱུར་བ་མེད།། འཛམ་གླིང་བདེ་བའི་བཀྲིས་ཤོག། ཐིམ་ཕུག་མི་ཆགས་ཐིམ་ཕུག་ཆགས།། ཐིམ་ཕུག་ལྷ་མོའི་སྒྲུབ་མཆོད་ཆགས།། མ་ལྟར་བྱམས་པའི་ཐུགས་རྗེ་ཡིས།། བདེ་བར་སྐྱོང་བའི་རྟེན་འབྲེལ་ཡིན།། རྟེན་འབྲེལ་བཟང་པོ་འགྱུར་བ་མེད།། འཛམ་གླིང་བདེ་བའི་བཀྲིས་ཤོག། །།
དགུང་སངས་མཐོན་པོ་ཁྲི་གདུགས་ཉི་མ་ཤར།
ཞུན་དག༉ དགུང་སངས་མཐོན་པོ་ཁྲི་གདུགས་ཉི་མ་ཤར།། དྲོད་ཉམས་ལྡན་པའི་འོད་ཟེར་འབུམ་ཕྲག་འབར།། གླིང་བཞིའི་འགྲོ་རྣམས་དགའ་བའི་ཉམས་ཤིག་ཤར།། དགའ་བའི་ཉི་མ་ནུབ་པ་མེད་པར་ཤོག། ཤར་རིའི་རྩེ་ནས་དཀར་གསལ་ཟླ་བ་ཤར།། བསིལ་ཉམས་ལྡན་པའི་འོད་ཟེར་འབུམ་ཕྲག་འབར།། གླིང་བཞིའི་འགྲོ་རྣམས་སྐྱིད་པའི་ཉམས་ཤིག་ཤར།། སྐྱིད་པའི་ཟླ་བ་ནུབ་པ་མེད་པར་ཤོག། སུམ་རྩེན་གླིང་ན་དཔག་བསམ་ལྗོན་ཤིང་འཁྲུངས།། ཞིམ་མངར་ལྡན་པའི་འབྲས་བུ་འབུམ་ཕྲག་ལྡན།། ལྷ་རྣམས་གང་འདོད་ལོངས་སྤྱོད་ཕུན་སུམ་ཚོགས།། ཕུན་ཚོགས་ལྗོན་ཤིང་ཡལ་འདབ་རྒྱས་པར་ཤོག། གསེར་ཁྲིའི་སྟེང་དུ་འཇིགས་མེད་སེངྒེ་བཞུགས།། ཕུན་ཚོགས་བསོད་ནམས་སྟོབས་ཤུགས་འབུམ་ཕྲག་འབར།། རྒྱལ་སྲིད་ཆོས་བཞིན་སྐྱོང་བའི་ཉམས་ཤིག་ཤར།། ཆོས་ཀྱི་རྒྱལ་པོ་སྐུ་ཚེ་བརྟན་པར་ཤོག། སྤྱི་གཙུག་རྒྱན་དུ་དྲིན་ཅན་བླ་མ་བཞུགས།། ཐུགས་བརྩེ་བཀྲིན་འོད་ཟེར་འབུམ་ཕྲག་འབར།། མཁས་པའི་མྱུ་གུ་འཁྲུངས་པའི་ཉམས་ཤིག་ཤར།། དྲིན་ཅན་དེ་དང་འབྲལ་བ་མེད་པར་ཤོག། གསང་ཟབ་རྫོང་དུ་ཆོས་ཀྱི་འཁོར་ལོ་བསྐོར།། མཐུན་རྐྱེན་འཛོམས་པའི་ལོངས་སྤྱོད་ཕུན་སུམ་ཚོགས།། གཞོན་པ་ང་ཚོ་སྐལ་བཟང་དུས་ཤིག་ཤར།། སྐལ་བཟང་འདི་ཡང་ཡུན་དུ་གནས་པར་ཤོག། །།
དགུང་སངས་མཐོན་པོ་ཕྱི་ལ་བཞུགས།
ཞུན་དག༉ དགུང་སངས་མཐོན་པོ་ཕྱི་ལ་བཞུགས་པའི།། ཕྱི་ལ་བཞུགས་པའི་ལྕགས་རི་ལ་སེ་འདྲ།། ཁྲི་གདུགས་ཉི་མ་ནང་ལ་བཞུགས་པའི།། ནང་ལ་བཞུགས་པའི་ནོར་བུ་ལ་སེ་འདྲ།། གངས་སྟོད་མཐོན་པོ་ཕྱི་ལ་བཞུགས་པའི།། ཕྱི་ལ་བཞུགས་པའི་ལྕགས་རི་ལ་སེ་འདྲ།། སེང་ཆེན་དཀར་མོ་ནང་ལ་བཞུགས་པའི།། ནང་ལུ་བཞུགས་པའི་ནོར་བུ་ལ་སེ་འདྲ།། སྤང་སྟོད་མཐོན་པོ་ཕྱི་ལ་བཞུགས་པའི།། ཕྱི་ལ་བཞུགས་པའི་ལྕགས་རི་ལ་སེ་འདྲ།། ཤཝ་རྒོད་རྭ་བཅུ་ནང་ལ་བཞུགས་པའི།། ནང་ལུ་བཞུགས་པའི་ནོར་བུ་ལ་སེ་འདྲ།། ནགས་སྟོད་མཐོན་པོ་ཕྱི་ལ་བཞུགས་པའི།། ཕྱི་ལ་བཞུགས་པའི་ལྕགས་རི་ལ་སེ་འདྲ།། སྟག་མོའི་རིས་མཛེས་ནང་ལ་བཞུགས་པའི།། ནང་ལ་བཞུགས་པའི་ནོར་བུ་ལ་སེ་འདྲ།། མཚོ་སྟོད་མཐོན་པོ་ཕྱི་ལ་བཞུགས་པའི།། ཕྱི་ལ་བཞུགས་པའི་ལྕགས་རི་ལ་སེ་འདྲ།། གསེར་མིག་ཉ་མོ་ནང་ལ་བཞུགས་པའི།། ནང་ལ་བཞུགས་པའི་ནོར་བུ་ལ་སེ་འདྲ།། །།
དགུང་སངས་མཐོན་པོ་ལ་མོ་ཕར་རྒྱབ་སྭཽ་ཡ་ལ།
ཞུན་དག༉ དགུང་སངས་མཐོན་པོ་ལ་མོ་ཕར་རྒྱབ་སྭཽ་ཡ་ལ།། ཁྲི་གདུགས་ཉི་མ་ལ་མོའི་ཚུར་རྒྱབ་སྭཽ་ཡ་ལ།། ན་ཧིང་མ་མཇལ་ས་ཐག་རྒྱང་ལས་རིང་སོང་ལ།། དུས་ཅི་མཇལ་བའི་ཞལ་རས་དཀར་སོང་སྭཽ་ཡ་ལ།། གངས་སྟོད་མཐོན་པོ་ལ་མོའི་ཕར་རྒྱབ་སྭཽ་ཡ་ལ།། སེང་ཆེན་དཀར་མོ་ལ་མོའི་ཚུར་རྒྱབ་སྭཽ་ཡ་ལ།། ན་ཧིང་མ་མཇལ་ས་ཐག་རྒྱང་ལས་རིང་སོང་ལ།། དུས་ཅི་མཇལ་བའི་ཞལ་རས་དཀར་སོང་སྭཽ་ཡ་ལ།། སྤང་གཤོང་བདེ་མོ་ལ་མོའི་ཕར་རྒྱབ་སྭཽ་ཡ་ལ།། ཤཝ་རྒོད་རྭ་བཅུ་ལ་མོའི་ཚུར་རྒྱབ་སྭཽ་ཡ་ལ།། ན་ཧིང་མ་མཇལ་ས་ཐག་རྒྱང་ལས་རིང་སོངལ་།། དུས་ཅི་མཇལ་བའི་ཞལ་རས་དཀར་སོང་སྭཽ་ཡ་ལ།། །།
དགུང་སངས་མཐོན་པོ་གསེར་གྱི་ཀ་བ་འདྲ།
ཞུན་དག༉ དགུང་སངས་མཐོན་པོ་གསེར་གྱི་ཀ་བ་ལ་དང་འདྲ་སོང་།། ཁྲི་གདུགས་ཉི་མ་གཡུ་ཡི་གདུང་མ་ལ་དང་འདྲ་སོང།། གསེར་གྱི་ཀ་བ་འགྱུར་ལྡོག་མེད་པར་ལ་དང་བཞུགས་ཤིག། གཡུ་ཡི་གདུང་མ་འགྱུར་ལྡོག་མེད་པར་ལ་ཅིག་བཞུགས་ཤིག། རང་སེམས་དགའ་ལ་མི་སེམས་སྐྱིད་པ་ལ་ཅིག་བྱུང་སོང་།། མཆེད་གྲོགས་རྣམས་ཀྱང་དམ་ཚིག་གཙང་མ་ལ་ཅིག་བཞུགས་ཤིག། གངས་སྟོད་མཐོན་པོ་གསེར་གྱི་ཀ་བ་ལ་དང་འདྲ་སོང་།། སེང་ཆེན་དཀར་མོ་གཡུ་ཡི་གདུང་མ་ལ་དང་འདྲ་སོང་།། གསེར་གྱི་ཀ་བ་འགྱུར་ལྡོག་མེད་པ་ལ་ཅིག་བཞུགས་ཤིག། གཡུ་ཡི་གདུང་མ་འགྱུར་ལྡོག་མེད་པར་ལ་ཅིག་བཞུགསཤིག། རང་སེམས་དགའ་ལ་མི་སེམས་སྐྱིད་པ་ལ་ཅིག་བྱུང་སོང་།། མཆེད་གྲོགས་རྣམས་ཀྱང་དམ་ཚིག་གཙང་མ་ལ་ཅིག་བཞུགས་ཤིག། སྤང་གཤོང་བདེ་མོ་གསེར་གྱི་ཀ་བ་ལ་དང་འདྲ་སོང་།། ཤཝ་རྒོད་རྭ་བཅུ་གཡུ་ཡི་གདུང་མ་ལ་དང་འདྲ་སོང་།། གསེར་གྱི་ཀ་བ་འགྱུར་ལྡོག་མེད་པ་ལ་ཅིག་བཞུགས་ཤིག། གཡུ་ཡི་གདུང་མ་འགྱུར་ལྡོག་མེད་པ་ལ་ཅིག་བཞུགས་ཤིག། རང་སེམས་དགའ་ལ་མི་སེམས་སྐྱིད་པ་ལ་ཅིག་བྱུང་སོང་།། མཆེད་གྲོགས་རྣམས་ཀྱང་དམ་ཚིག་གཙང་མ་ལ་ཅིག་བཞུགས་ཤིག། །།
དགུང་སངས་མི་ཆགས་དགུང་སངས་ཆགས།
ཞུན་དག༉ དགུང་སངས་མི་ཆགས་དགུང་སངས་ཆགས།། ཆགས་ལ་ཟེར་ཆགས།། དགུང་དང་ལ་ཁྲི་གདུགས་ཉི་མ་ཆགས།། ཆགས་ལ་ཟེར་ཆགས།། གངས་སྟོད་མི་ཆགས་ཆགས་པ་ལ་གིས་གཅིག་གཉིས་གསུམ།། གངས་དང་སེང་ཆེན་དཀར་མོ་ལ་ཆགས་པ་ལ་གིས་བཞི་ལྔ་དྲུག། སྤང་སྟོད་མི་ཆགས་སྤང་སྟོད་ཆགས།། ཆགས་ལ་ཟེར་ཆགས།། སྤང་དང་ལ་ཤྭཝ་རྒོད་རྭ་བཅུ་ཆགས།། ཆགས་ལ་ཟེར་ཆགས།། མཚོ་སྟོད་མི་ཆགས་ཆགས་པ་ལ་གིས་གཅིག་གཉིས་གསུམ།། མཚོ་དང་གསེར་མིག་ཉ་མོ།། ཆགས་པ་ལ་གིས་བཞི་ལྔ་དྲུག། རྫོང་ཆེན་མི་ཆགས་རྫོང་ཆེན་ཆགས།། ཆགས་ལ་ཟེར་ཆགས།། རྫོང་དང་དབང་ཆེན་དཔོན་པོ་ཆགས།། ཆགས་ལ་ཟེར་ཆགས།། གཡུས་བཟང་མི་ཆགས།། ཆགས་པ་ལ་གིས་གཅིག་གཉིས་གསུམ།། གཡུས་དང་ཡབ་ཡུམ་གཉིས་ཀུ་ལ།། ཆགས་པ་ལ་གིས་བཞི་ལྔ་དྲུག། །།
དགོན་པ་གསེར་ལས་གྲུབ་པ།
ཞུན་དག༉ དགོན་པ་གསེར་ལས་གྲུབ་པའི་དཔོན་གཡོག་ཚོ།། ཉི་མ་ཤར་གྱི་ཕྱོགས་སུ་མི་འབྱོན་ག། ཁྲི་གདུགས་ཉི་མ་འདྲ་བའི་རྟ་ཕོ་བཙུགས།། ཞོ་ཤེལ་ཟླ་བ་འདྲ་བའི་སྒ་ཆས་སྒྲོན། སྐར་མ་སྨིན་དྲུག་མང་པོ་སོ་སོརའགྱེས།། མ་རིག་མུན་པ་སེལ་བར་མི་བྱོན་ག། དགོན་པ་གསེར་ལས་གྲུབ་པའི་དཔོན་གཡོག་ཚོ།། ཉི་མ་ལྷོ་ཡི་ཕྱོགས་སུ་མི་འབྱོན་ག། རྨ་བྱ་སྔོན་མོ་འདྲ་བའི་རྟ་ཕོ་བཙུགས།། ཁུ་བྱུག་སྔོན་མོ་འདྲ་བའི་སྒ་ཆས་སྒྲོན། བྱ་ལ་བྱ་ཆས་མང་པོ་སོ་སོར་འགྱེས།། ཆོས་འཁོར་ལྷ་ས་མཇལ་བར་མི་འབྱོན་ག། དགོན་པ་གསེར་ལས་གྲུབ་པའི་དཔོན་གཡོག་ཚོ།། ཉི་མ་ནུབ་ཀྱི་ཕྱོགས་སུ་མི་འབྱོན་ག། གཡས་རི་གཙང་ཆུ་འདྲ་བའི་རྟ་ཕོ་བཙུགས།། སྐྱིད་ཆུ་སྔོན་མོ་འདྲ་བའི་སྒ་ཆས་སྒྲོན།། ཆུ་ལ་ཆུ་ཆེན་མང་པོ་སོ་སོར་འགྱེས།། དངུལ་གྱི་བུམ་ཆུ་འདེགས་པར་མི་འབྱོན་ག། དགོན་པ་གསེར་ལས་གྲུབ་པའི་དཔོན་གཡོག་ཚོ།། ཉི་མ་བྱང་གྱི་ཕྱོགས་སུ་མི་འབྱོན་ག། ཕོ་ཤིང་སྟག་པ་འདྲ་བའི་རྟ་ཕོ་བཙུགས།། མོ་ཤིང་གླང་མ་འདྲ་བའི་སྒ་ཆས་སྒྲོན།། ཤིང་ལ་ཤིང་ཆེནམང་པོ་སོ་སོར་འགྱེས།། ཀ་གཞི་གདུང་བརྒྱད་བཙུགས་པར་མི་འབྱོན་ག། །།
དགོན་བཟང་གི་ཕྱོགས་ལ་བཞུགས་པའི།
ཞུན་དག༉ དགོན་བཟང་གི་ཕྱོགས་ལ་བཞུགས་པའི།། མཚནལྡན་བླ་མ་གཅིག་གིས་ཡར་ལས་ཡར་ཤོག་གསུངས་དོ།། ཤོག་གསུངས་པ་བཀྲིན་ཆེ་སོང་།། མཚན་ལྡན་ཁྱོད་དང་འདྲ་བའི།། ་བྱིན་རླབས་ང་ལ་མིན་འདུག། རྫོང་ཆེན་གི་ཕྱོགས་ལ་བཞུགས་པའི།། དབང་ཆེན་དཔོན་པོ་གཅིག་གིས།། ཡར་ལས་ཡར་ཤོག་གསུངས་དོ།། ཤོག་གསུངས་པ་བཀྲིན་ཆེ་སོང་།། དབང་ཆེན་ཁྱོད་དང་འདྲ་བའི།། དབང་ཚད་ང་ལ་མིན་འདུག།། གཡུས་བཟང་གི་ཕྱོགས་ལ་བཞུགས་པའི།། ཡབ་ཆེན་ཨ་པ་གཅིག་གིས།། ཡར་ལས་ཡར་ཤོག་གསུང་དོ།། ཤོག་གསུངས་པ་བཀྲིན་ཆེ་སོང་།། ཡབ་ཆེན་་ཁྱོད་དང་འདྲ་བའི།། ཟས་ནོར་ང་ལ་མིན་འདུག།། །།
དགོན་བཟང་མི་ཆགས།
ཞུན་དག༉ དགོན་བཟང་མི་ཆགས་དགོན་བཟང་ཆགས་པ་ལ་གི་ཡོ་ཡོ།། དགོན་བཟང་རྟ་ལོ་དགོན་པ་ཆགས་ལ་གི་ཡོ་ཡོ།། བླ་མ་མི་བཞུགས་བླ་མ་བཞུགས་པ་ལ་གི་ཡོ་ཡོ།། བླ་མ་ངག་དབང་རྣམ་རྒྱལ་ཞུགས་པ་ལ་གི་ཡོ་ཡོ།། གདན་ས་མི་ཆགས་གདན་ས་ཆགས་པ་ལ་གི་ཡོ་ཡོ།། གདན་ས་སྤུང་ཐང་བདེ་ཆན་ཆགས་པ་ལ་གི་ཡོ་ཡོ།། བླ་མ་མི་བཞུགས་བླ་མ་ཞུགས་པ་ལ་གི་ཡོ་ཡོ།། བླ་མ་སྐྱབས་རྗེ་མཁན་པོ་བཞུགས་པ་ལ་གི་ཡོ་ཡོ།། རྫོང་ཆེན་མི་ཆགས་རྫོང་ཆེན་ཆགས་པ་ལ་གི་ཡོ་ཡོ།། རྫོང་ཆེན་བཀྲིས་ཆོས་རྫོང་ཆགས་པ་ལ་གི་ཡོ་ཡོ།། དབང་ཆེན་མི་བཞུགས་དབང་ཆེན་བཞུགས་པ་ལ་གི་ཡོ་ཡོ།། དབང་ཆེན་མི་དབང་རྒྱལ་པོ་བཞུགས་པ་ལ་གི་ཡོ་ཡོ།། །།
དགོན་ལ་ཨྱོན་པདྨའི་ལུང་བསྟན་དང་།
ཞུན་དག༉ དགོན་ལ་ཨྱོན་པདྨའི་ལུང་བསྟན་དང་།། འབངས་ལ་སྤྱི་ཡོངས་བསོད་ནམས་དུས་གཅིག་སྨིན།། དུས་ལ་འདི་རིང་བཀྲིས་གཡང་ཆགས་གཉིས།། མགོན་ལ་ཆོས་རྒྱལ་སྤྱི་བོའི་གཙུག་ཏུ་བཀུར།། དུས༌ལ་འདི་རིང་དགའ་སྐྱིད་ལྡན་པའི་ཉིནམ།། མགོན་ལ་ཆོས་རྒྱལ༌གསེར༌ཁྲི་མངའ་གསོལ་བཟང་།། གདུང་ལ་བརྒྱུད་ཀྱིས་མཐོ་བའི་ལྷ་སྲས་མཆོག། དཔལ་ལ་ཨྱོན་དབང་ཕྱུག་ལྗོངས་འདིའི་མགོན། དུས་ལ་འདི་རིང་བཀྲིས་གཡང་ཆགས་གཉིས།། མགོན་ལ་ཆོས་རྒྱལ་སྤྱི་བོའི་བཙུག་ཏུ་བཀུར།། ས༌ལ༌འདི༌རིང༌དགའ༌སྐྱིད༌ལྡན༌པའི་ཉིནམ།། མགོན་ལ་ཆོས་རྒྱལ་གསེར་ཁྲི་མངའ༌གསོལ༌བཟང་།། ཕ་ལ་ཨྱོན་པདྨ་བྱིན་རླབས་ཆེ།། ལྷ་ལ་ཆོས་སྐྱོང་སྲུང་མ་འཕྲིན་ལས་མྱུར།། དུས་ལ་འདི་རིང་བཀྲིས་གཡང་ཆགས་གཉིས།། མགོན་ལ་ཆོས་རྒྱལ་སྤྱི་བོའི་བཙུག་ཏུ་བཀུར།། དུས་ལ་འདི་རིང་དགའ་སྐྱིད་ལྡན་པའི་ཉིནམ།། མགོན་ལ་ཆོས་རྒྱལ༌གསེར་ཁྲི༌མངའ་གསོལ༌བཟང་།། ལྗོངས་ལ་འདི་ལ་བདེ་སྐྱིད་འབྱུང་བའི་གནས།། མགོན་ལ་ཆོས་རྒྱལ་ཡབ་སྲས་སྐུ་ཚེ་བརྟན།། དུས་ལ་འདི་རིང་བཀྲིས་གཡང་ཆགས་གཉིས།། མགོན་ལ་ཆོས་རྒྱལ་སྤྱི་བོའི་བཙུག་ཏུ་བཀུར།། །།
འགྲོ་ཟེར་ན་རྟ་ཕོ་ང་ལ་མེད།
ཞུན་དག༉ འགྲོ་ཟེར་ན་རྟ་ཕོ་ང་ལ་མེད།། རྐང་ལྷམ་ཅུང་བྱུང་ན་རྟ་ཕོ་རེད།། ཨ་རོགས་ཚོ།། སྡོད་ཟེར་ན་གནས་པོ་ང་ལ་མེད།། ཆུ་མེ་ཤིང་བྱུང་ན་གནས་པོ་རེད།། ཨ་རོགས་ཚོ།། བར་ལི་ཐང་གཞུང་ནས་རྟ་གཅིག་ཉོ།། རྟ་གསེར་སྒ་མ་རྒྱབ་ལོ་གསུམ་སོང་།། ཨ་རོགས་ཚོ།། དུས་ད་ལོ་གསེར་སྒ་མ་རྒྱབ་ན།། རྟ་རྒོད་མ་སྤུ་ཁ་འགྱུར་ས་རེད།། ཨ་རོགས་ཚོ།། འགྲོ་བསམ་པའི་རི་ལ་ཁ་བ་འབབ།། ང་མི་འགྲོའི་རི་ལ་ཉི་མ་ཤར།།ཨ་རོགས་ཚོ།། ཆུ་ཆེན་པོ་གཅིག་དང་ཆུང་བ་གཉིས།། རྐང་ལྷམ་ཆུང་ཕུད་ས་ག་ན་རེད།། ཨ་རོགས་ཚོ།། ལ་ཆེན་པོ་གཅིག་དང་ཆུང་བ་གཉིས།། མགོ་ཞྭ་མོ་ཕུད་ས་ག་ན་རེད།། ཨ་རོགས་ཚོ།། གཡུས་བརྒྱ་གྲོང་གཅིག་ལ་སྨན་ཆུང་གཉིས།། གཏམ་སྙིང་གཏམ་བཤད་ས་ག་ན་རེད།། ཨ་རོགས་ཚོ།། །།
རྒྱ་གར་ལ་གི་ཆུ་དང་ཞེས་པའི།
ཞུན་དག༉ རྒྱ་གར་ལ་གི་ཆུ་དང་ཞེས་པའི།། ཡར་ཡར་བོད་ཀྱི་ཆུ་གཉིས།། དང་པོ་གངས་དཀར་ཏི་སེ་ཕྱོགས་ནས།། འབབ་ས་གཅིག་པུ་ཡིན་པས།། ལུང་པ་ཁག་ཁག་མང་རབས་བཞིན་དུ།། སོ་སོར་འགྲོ་དགོས་བྱུང་ཡོད།། གསུམ་པ་བླ་མའི་ཁྲུས་བུམ་ནང་ལས།། ཞལ་འཛོམས་ཡོད་པ་ཞུ་ཤིག། འབྲུ་ཆུང་ལ་གིས་གཅིག་བྱས་ཞེས་པའི།། ཀྲེ་མོ་ལ་གིས་གཉིས་བྱས།། དང་པ་ཞིང་ཁང་གྲུ་བཞི་ནང་ལ།། འཚོ་ས་གཅིག་པུ་ཨིན་པས།། འབྲུ་དང་ཀྲེ་མོ་མ་འདྲ་བཞིན་དུ།། སོ་སོར་འགྲོ་དགོས་བྱུང་ཡོད།། གསུམ་པ་ཆུ་རག་རྣམ་དག་འོག་ལ།། ཞལ་འཛོམས་ཡོད་པ་ཞུ་ཤིག། བུ་ཆུང་ལ་གིས་གཅིག་བྱས་ཞེས་པའི།། བུ་མོ་ལ་གིས་གཉིས་བྱས།། དང་པ་ཡབ་ཡུམ་གཉིས་ཀྱི་ཁོངས་ལས།། འཁྲུངས་ས་གཅིག་པུ་ཨིན་པས།། བུ་དང་བུ་མོ་མ་འདྲ་བཞིན་དུ།། སོ་སོར་འགྲོ་དགོས་འབྱུང་ཡོད།། གསུམ་པ་བཞུགས་གྲལ་མི་མང་གོང་ལ།། ཞལ་འཛོམས་ཡོད་པ་ཞུ་ཡོད།། །།
རྒྱ་ནག་ནོར་བུ་རི་གི་ཕར་རྒྱབ་ན།
ཞུན་དག༉ རྒྱ་ནག་ནོར་བུ་རི་གི་ཕར་རྒྱབ་ན།། ཨོ་ལོ་ནོར་བུ་རི་གི་ཚུར་རྒྱབ་ན།། བཞེངས་པ་རྣམས་སུ་དགོན་བཟང་ཁྲ་མོ་བཞེངས།། བཞུགས་པ་རྣམས་སུ་མཚན་ལྡན་བླ་མ་བཞུགས།། མཚན་ལྡན་བླ་མའི་ཐུགས་ལ་སྒོམ་པ་གནང་།། བྱིན་རླབས་སྲུང་སྐུད་བསྟན་པ་དར་སེ་དར།། རྒྱ་ནག་ནོར་བུ་རི་གི་ཕར་རྒྱབ་ན།། ཨོ་ལོ་ནོར་བུ་རི་གི་ཚུར་རྒྱབ་ན།། བཞེངས་པ་རྣམས་སུ་རྫོང་ཆེན་ཁྲ་མོ་བཞེངས།། བཞུགས་པ་རྣམས་སུ་དབང་ཆེན་དཔོན་པོ་བཞུགས།། དབང་ཆེན་དཔོན་པོའི་ཐུགས་ལ་སྒོམ་པ་གནང་།། ཁ་དབང་ཚིག་གསུམ་བསྟན་པ་དར་སེ་དར།། རྒྱ་ནག་ནོར་བུ་རི་གི་ཕར་རྒྱབ་ན།། ཨོ་ལོ་ནོར་བུ་རི་གི་ཚུར་རྒྱབ་ན།། བཞེངས་པ་རྣམས་སུ་ཡུལ་བཟང་ཁྲ་མོ་བཞེངས།། ཞུགས་པ་རྣམས་སུ་ཡབ་ཡུམ་གཉིས་པོ་བཞུགས།། ཡབ་ཡུམ་གཉིས་པོའི་ཐུགས་ལ་སྒོམ་པ་གནང་།། བུ་དང་བུ་མོའི་བསྟན་པ་དར་སེ་དར།། །།
རྒྱ་བཟའ་བོད་ལ་མི་འགྲོ་འཚེ་བ་ཡོད།
ཞུན་དག༉ རྒྱ་བཟའ་བོད་ལ་མི་འགྲོ་འཚེ་བ་ཡོད།། དབང་ཕྱུག་་བོད་ལ་མི་འགྲོ་དགོངས་པ་གནང།། ཡབ་ཆེན་མི་དབང་རྒྱལ་པོ་བདག་ལ་གསོན།། ཡབ་ཆེན་གསེར་ཁྲི་སྟེང་ལས་དགོངས་པ་གནང་།། ཡུམ་ཆེན་མི་དབང་རྒྱལ་མོ་བདག་ལ་གསོན།། ཡུམ་ཆེན་དངུལ་ཁྲི་སྟེང་ལས་དགོངས་པ་གནང་།། བུ་མོ་རྒྱ་བཟའ་བཞུགས་སའི་གཡས་ཕྱོགས་སུ།། གསེར་པོ་གསེར་གྱི་རང་འཐག་ཆ་གཅིག་ཡོད།། གནམ་ལ་ཧ་རུང་གསེར་ཕྱེ་བརྒྱ་རེ་འཐག། གནམ་ལ་ཕྱི་རུ་གསེར་ཕྱེ་སྟོང་རེ་འཐག། གནམ་ལ་གསེར་ཕྱེ་བརྒྱ་འཐག་སྟོང་འཐག་སྟེ།། འདི་ཡང་བོད་ཀྱི་བློན་པོའི་ལམ་མཇུག་ཕུལ།། །།
རྒྱ་ཡུལ་སྐར་མའི་གཞུང་ལ།
ཞུན་དག༉ རྒྱ་ཡུལ་སྐར་མའི་གཞུང་ལ།། གསེར་གྱི་ཀ་བ་ལ།། ཀ་བཞི་གདུང་བརྒྱད་བཞེངས་པའི་སོ་ཡ་ལ།། ཕུ་ལ་དགོན་པ་མི་ཆགས།། དགོན་པ་སེ་ར་འབྲས་སྤུངས།། ལྷ་ས་སྐྱིད་ཆུ་སྔོན་མོ།། ངང་པ་བརྒྱ་ཡི་གདན་ས།། ངང་པ་གཡས་ལ་ཆགས་ན།། གཡས་ལ་དགའ་བ་འདུག་གོ། ངང་པ་གཡོན་ལ་ཆགས་ན།།། གཡོན་ལ་སྐྱིད་པ་འདུག་གོ། གཡས་པའི་ལོགས་ལས་ཆང་ཕུད་བཞེས།། ཆང་ཕུད་ལེགས་མོ་གེ་སེརརྒྱལ་པོ་བཞེས་བཞེས།། གཡོན་པའི་ལོགས་ལས་ཕྱེ་མར་བཞེས།། ཕྱེ་མར་ལེགས་མོ་སེང་ལྕམ་འབྲུག་མོ་བཞེས་བཞེས།། རྒྱ་ཡུལ་སྐར་མའི་གཞུང་ལ།། དངུལ་གྱི་ཀ་བ་ལ།། ཀ་བཞི་གདུང་བརྒྱད་བཞེངས་པའི་སོ་ཡ་ལ།། ཕུ་ལ་དགོན་པ་མི་ཆགས།། དགོན་པ་སེ་ར་འབྲས་སྤུངས།། ལྷ་ས་སྐྱིད་ཆུ་སྔོན་མོ།། ངང་པ་བརྒྱ་ཡི་གདན་ས།། ངང་པ་གཡས་ལ་ཆགས་ན།། གཡས་ལ་དགའ་བ་འདུག་གོ། ངང་པ་གཡོན་ལ་ཆགས་ན།། གཡོན་ལ་སྐྱིད་པ་འདུག་གོ། གཡས་པའི་ལོགས་ལས་ཆང་ཕུད་བཞེས།། ཆང་ཕུད་ལེགས་མོ་གེ་སེརརྒྱལ་པོ་བཞེས་བཞེས།། གཡོན་པའི་ལོགས་ལས་ཕྱེ་མར་བཞེས།། ཕྱེ་མར་ལེགས་མོ་སེང་ལྕམ་འབྲུག་མོ་བཞེས་བཞེས།། རྒྱ་ཡུལ་སྐར་མའི་གཞུང་ལ།། གཡུ་ཡི་ཀ་བ་ལ།། ཀ་བཞི་གདུང་བརྒྱད་བཞེངས་པའི་སོ་ཡ་ལ།། ཕུ་ལ་དགོན་པ་མི་ཆགས།། དགོན་པ་སེ་ར་འབྲས་སྤུངས།། ལྷ་ས་སྐྱིད་ཆུ་སྔོན་མོ།། ངང་པ་བརྒྱ་ཡི་གདན་ས།།ངང་པ་གཡས་ལ་ཆགས་ན།། གཡས་ལ་དགའ་བ་འདུག་གོ། ངང་པ་གཡོན་ལ་ཆགས་ན།། གཡོན་ལ་སྐྱིད་པ་འདུག་གོ། གཡས་པའི་ལོགས་ལས་ཆང་ཕུད་བཞེས།། ཆང་ཕུད་ལེགས་མོ་གེ་སེརརྒྱལ་པོ་བཞེས་བཞེས།། གཡོན་པའི་ལོགས་ལས་ཕྱེ་མར་བཞེས།། ཕྱེ་མར་ལེགས་མོ་སེང་ལྕམ་འབྲུག་མོ་བཞེས་བཞེས།། །།
རྒྱལ་ཁབ་ཡོངས་ལས་སྐྱིད་པ།
ཞུན་དག༉ རྒྱལ་ཁབ་ཡོངས་ལས་སྐྱིད་པ།། སྨན་ལྗོངས་འབྲུག་གི་རྒྱལ་ཁབ།། བདེ་ཞིང་ཕུན་སུམ་ཚོགས་པ།། མངའ་བདག་བདེ་ཞིང་སྐྱིད་པ།། དགའ་བ་ལ་སྐྱིད་པ་འདུག།། སྭོ་ཡ་ལ།། གོང་མ་རྒྱལ་བའི་སྐལ་བ།། བརྒྱུད་འཛིན་དབང་ཕྱུག་རིམ་བྱོན།། ལུགས་གཉིས་འཁོལ་ལོས་བསྒྱུར་ལ།། མངའ་འབངས་བདེ་ཞིང་སྐྱིད་སོང་།། དམ་པ་ཆོས་ཀྱིས་སྐྱིད་ལ་པ།། ཉམས་མེད་སངས་རྒྱས་བསྟན་པ།། དགའ་བ་ལ་སྐྱིད་པ་འདུག། སྭོ་ཡ་ལ།། ཆོས་སྐྱོང་ཡོན་ཏན་ལྡན་པ།། མངའ་འབངས་བདེ་ཞིང་སྐྱིད་པ།། སྡོང་གྲོགས་ལྷ་ཡི་སྐལ་བ།། ཡེ་ཤེས་མགོན་པོ་ལྕམ་དྲལ།། འཕྲིན་ལས་ཐོགས་པ་མེད་པ།། མངའ་འབངས་བདེ་ཞིང་སྐྱིད་པ།། དགའ་བ་ལ་སྐྱིད་པ་འདུག། སྭོ་ཡ་ལ།། ཞི་དྲག་བློན་པོའི་སྐལ་བ།། ཆོས་སྲིད་བློན་གྲོགས་ཡོངས་ལ།། རྒྱལ་གཅེས་ཤ་ཞེན་ཆེ་བ།། མངའ་འབངས་བདེ་ཞིང་སྐྱིད་པ།། སྦྱིན་བདག་འབངས་ཀྱི་སྐལ་བ།། མ་ཉམས་འབྲུག་གི་མི་སེར།། དགའ་བ་ལ་སྐྱིད་པ་འདུག། སྭོ་ཡ་ལ།། ཐ་དང་དམ་ཚིག་གཙང་བ།།མངའ་འབངས་བདེ་ཞིང་སྐྱིད་པ།། །།
རྒྱལ་ལོ་རྒྱལ་ལོ་ལྷ་རྒྱལ་ལོ། ༡ པ།
ཞུན་དག༉ རྒྱལ་ལོ་རྒྱལ་ལོ་ལྷ་རྒྱལ་ལོ།། དཔལ་ལྡན་འབྲུག་པ་ལྷ་རྒྱལ་ལོ།། དཔལ་འཁོར་ལོ་སྡོམ་པའི་གནས་མཆོག་ན།། ལུགས་གཉིས་ཀྱི་བསྟན་པ་དར་བའི་ཡུལ།། འབྲུག་རྒྱལ་ཁབ་བདེ་སྐྱིད་ལྡན་པའི་གླིང་།། ལྷ་ཨོ་རྒྱན་གུ་རུའི་སྦས་གནས་ཡིན།། རྒྱལ་ལོ་་་་་་་་་་།། དཔལ་ལྡན་་་་་་་་་་།། དཔོན་མངའ་བདག་ཞོ་ཤེལ་ཟླ་བ་ལ།། འབངས་བློན་འཁོར་ནམ་ཁའི་སྐར་ཚོགས་འདྲ།། མཐའ་དམ་ཚིག་གསལ་བའི་འོད་ཟེར་གྱིས།། ཡུལ་རྒྱལ་ཁབ་སྐྱིད་སྡུག་མུན་པ་སེལ།། རྒྱལ་ལོ་་་་་་་་་་།། དཔལ་ལྡན་་་་་་་་་་་་།། ཚེ་ད་རེས་འདོད་ཡོན་ལོངས་སྤྱོད་འཛོམས།། བདེ་སྐྱིད་ཀྱི་དགའ་སྟོན་ཕུན་སུམ་ཚོགས།། དེ་མངའ་བདག་རྒྱལ་པོའི་སྐུ་དྲིན་ཡིན།། སྐུ་ཞབས་པད་བརྟན་པའི་རྟེན་འབྲེལ་ཞུ།། རྒྱལ་ལོ་་་་་་་་་་།། དཔལ་ལྡན་་་་་་་་་་་་།། ཆོས་སངས་རྒྱས་བསྟན་པ་དར་ཞིང་རྒྱས།། དུས་གཏན་དུ་བདེ་བའི་གོ་འཕང་ཡོད།། འདི་བསྟན་འཛིན་སྐྱེས་བུའི་བཀྲིན་ཡིན།། ཆོས་འཛམ་གླིང་ཁྱབ་པའི་སྨོན་ལམ་ཞུ།། རྒྱལ་ལོ་་་་་་་་་་།། དཔལ་ལྡན་་་་་་་་་་་་།། ཡུལ་རང་དབང་རང་བཙན་བསྐལ་བརྒྱར་བརྟན།། འབངས་འཁོར་གཡོག་མངའ་ཐང་གོང་ལས་འཕེལ།། འདི་རྗེ་འབངས་དམ་ཚིག་གཙང་མའི་དྲིན།། དུས་ནམ་ཡང་འགྱུར་མེད་བཀྲིས་ཤོག། རྒྱལ་ལོ་རྒྱལ་ལོ་ལྷ་རྒྱལ་ལོ།། དཔལ་ལྡན་འབྲུག་པ་ལྷ་རྒྱལ་ལོ།། །།
རྒྱལ་ལོ་རྒྱལ་ལོ་ལྷ་རྒྱལ་ལོ། ༢ པ།
ཞུན་དག༉ རྒྱལ་ལོ་རྒྱལ་ལོ་ལྷ་རྒྱལ་ལོ།། དཔལ་ལྡན་འབྲུག་པ་ལྷ་རྒྱལ་ལོ།། མི་འགྱུར་གསེར་གྱི་ཁྲི་སྟེང་ན།། མི་དབང་མངའ་བདག་རིན་པོ་ཆེ།། སྐུ་ལ་འགྱུར་བ་མེད་པར་ཤོག། གསུང་ལ་འགག་པ་མེད་པར་ཤོག། རྒྱལ་ལོ་རྒྱལ་ལོ་ལྷ་རྒྱལ་ལོ།། དཔལ་ལྡན་འབྲུག་པ་ལྷ་རྒྱལ་ལོ།། ཐུགས་ལ་འཁྲུལ་བ་མེད་པར་ཤོག། དབུ་འཕང་དགུང་ལས་མཐོ་བར་ཤོག། ཕྱོགས་ལས་རྣམ་པར་རྒྱལ་བར་ཤོག། སྐུ་ཚེ་ཉི་ཟླ་མཉམ་པར་ཤོག། རྒྱལ་ལོ་རྒྱལ་ལོ་ལྷ་རྒྱལ་ལོ།། དཔལ་ལྡན་འབྲུག་པ་ལྷ་རྒྱལ་ལོ།། རྒྱལ་བརྒྱུད་ཆུ་ལས་རིང་བར་ཤོག། མངའ་ཐང་དར་ཞིང་རྒྱས་པར་ཤོག། མི་སེར་བདེ་ཞི་སྐྱིད་པར་ཤོག། ལུས་ལ་ན་ཚ་མེད་པར་ཤོག། རྒྱལ་ལོ་རྒྱལ་ལོ་ལྷ་རྒྱལ་ལོ།། དཔལ་ལྡན་འབྲུག་པ་ལྷ་རྒྱལ་ལོ།། སེམས་ལ་སྡུག་བསྔལ་མེད་པར་ཤོག། ཚེ་ལ་བར་ཆད་མེད་པར་ཤོག། ནད་མུག་འཁྲུག་རྩོད་ཞི་བར་ཤོག། དགའ་སྐྱིད་དཔལ་གཡང་འཛོམས་པར་ཤོག། རྒྱལ་ལོ་རྒྱལ་ལོ་ལྷ་རྒྱལ་ལོ།། དཔལ་ལྡན་འབྲུག་པ་ལྷ་རྒྱལ་ལོ།། སངས་རྒྱས་བསྟན་པ་དར་བར་ཤོག། ཞལ་ཡང་ཡང་མཇལ་བའི་སྨོན་ལམ་ཞུ།། ལྷ་དཀོན་མཆོག་གསུམ་གྱི་བྱིན་རླབས་ཀྱིས།། དུས་གཏནདུ་བདེ་བའི་བཀྲ་ཤིས་ཤོག། །།
སྒྲོམ་མཆོད་དར་གྱིས་མ་བརྒྱན།
ཞུན་དག༉ སྒྲོམ་མཆོད་དར་གྱིས་མ་བརྒྱན།། སྒྲོམ་མཆོད་དར་གྱིས་བརྒྱན་ཟེར་ན།། སྟེང་ཕྱོགས་ལྷ་ལུ་འབུལ་ལོ།། ལྷ་ཡི་དབང་པོ་བརྒྱ་བྱིན།། སྒྲ་སྙན་ཕང་མར་ཞུ་གེ། སྒྲོམ་མཆོད་དར་གྱིས་མ་བརྒྱན།། སྒྲོམ་མཆོད་དར་གྱིས་བརྒྱན་ཟེར་ན།། བར་ཕྱོགས་བཙན་ལུ་འབུལ་ལོ།། བཙན་གྱི་ཡ་མ་སྤུན་བདུན།། སྒྲ་སྙན་ཕང་མར་ཞུ་གེ། སྒྲོམ་མཆོད་དར་གྱིས་མ་བརྒྱན།། སྒྲོམ་མཆོད་དར་གྱིས་བརྒྱན་ཟེར་ན།། འོག་ཕྱོགས་ཀླུ་ལུ་འབུལ་ལོ།། ཀླུ་རྒྱལ་གཙུག་ན་རིན་ཆེན།། སྒྲ་སྙན་ཕང་མར་ཞུ་གེ།། །།
ངེའི་ཕ་ཡུལ་གངས་རི་དཀར་པོ་འདྲ།
ཞུན་དག༉ ངེའི་ཕ་ཡུལ་གངས་རི་དཀར་པོ་འདྲ།། གངས་རི་དཀར་པོ་མཐོང་ཚེ་ཕ་ཡུལ་དྲན།། སྤང་ལ་གི་འོ།ངེའི་ཡབ་ཆེན་ཁྲི་གདུགས་ཉི་མ་་འདྲ།། ཁྲི་གདུགས་ཉི་མ་མཐོང་ཚེ་ཡབ་ཆེན་དྲན།། སྤང་ལ་གི་འོ། ངེའི་ཡུམ་ཆེན་ཞོ་ཤེལ་ཟླ་བ་འདྲ།། ཞོ་ཤེལ་ཟླ་བ་་མཐོང་ཚེ་ཡུམ་ཆེན་དྲན།། སྤང་ལ་གི་འོ། ངེའི་སྤུན་ཆ་ནམ་མཁའི་སྐར་མ་འདྲ།། ནམ་མཁའི་སྐར་མ་མཐོང་ཚེ་སྤུན་ཆ་དྲན།། སྤང་ལ་གི་འོ། ངེའི་སྲས་སྲོས་ཉི་མ་ཟླ་བ་འདྲ།། ཉི་མ་ཟླ་བ་མཐོང་ཚེ་སྲས་སྲོས་དྲན།། སྤང་ལ་གི་འོ། ངེའི་མཉམ་རོགས་སྤང་གི་མེ་ཏོག་འདྲ།། སྤང་གི་མེ་ཏོག་མཐོང་ཚེ་མཉམ་རོགས་དྲན།། སྤང་ལ་གི་འོ། །།
རྔ་ཡབ་གླིང་ན་བཞུགས་པའི།
ཞུན་དག༉ རྔ་ཡབ་གླིང་ན་བཞུགས་པའི།། བླ་མ་ཨྱོན་པདྨར།། ངེད་རང་གཞོན་ནུ་ཕོ་མོས།། གླུ་གར་མཆོད་པ་འབུལ་ལོ།། འདི་ཕྱི་བར་དོ་གསུམ་དུ།། འཇིགས་སྐྱོབ་སྐྱེལ་མ་མཛོད་ཅིག། གཡས་སུ་དཔའ་བོའི་བྲོ་བརྡུང་འཁྲབས་སེ་འཁྲབ།། གཡོན་དུ་དཔའ་མོའི་གར་སྟབས་ཤིགས་སེ་ཤིག། ཟུང་འཇུག་བདེ་སྟོང་ཁ་སྦྱོར་འཁྲིགས་སེ་འཁྲིག། ཟག་མེད་བདེ་ཆེན་སྐྱེད་པའི་།། མ་གཅིག་མཁའ་འགྲོ་སྡེ་ལྔར།། ངེད་རང་གཞོན་ནུ་ཕོ་མོས།། གླུ་གར་མཆོད་པ་འབུལ་ལོ།། ཕ་གཅིག་གུ་རུའི་དྲུང་དུ།། སྐྱེ་བར་བྱིན་གྱིས་རློབས་ཤིག། གཡས་སུ་དཔའ་བོའི་བྲོ་བརྡུང་འཁྲབས་སེ་འཁྲབ།། གཡོན་དུ་དཔའ་མོའི་གར་སྟབས་ཤིགས་སེ་ཤིག། ཟུང་འཇུག་བདེ་སྟོང་ཁ་སྦྱོར་འཁྲིགས་སེ་འཁྲིག། མི་མངོན་དབྱིངས་ན་བཞུགས་པའི་།། བཀའ་སྲུང་དམ་ཅན་རྒྱ་མཚོར།། ངེད་རང་གཞོན་ནུ་ཕོ་མོས།། གླུ་གར་མཆོད་པ་འབུལ་ལོ།། བདུད་དང་བར་ཆད་ཀུན་ལས།། གྲོལ་བར་བྱིན་གྱིས་རློབས་ཤིག། གཡས་སུ་དཔའ་བོའི་བྲོ་བརྡུང་འཁྲབས་སེ་འཁྲབ།། གཡོན་དུ་དཔའ་མོའི་གར་སྟབས་ཤིགས་སེ་ཤིག། ཟུང་འཇུག་བདེ་སྟོང་ཁ་སྦྱོར་འཁྲིགས་སེ་འཁྲིག། དུང་དུང་གུས་པའི་ཡིད་ཀྱིས།། ལྷང་ལྷང་སྙན་པའི་གླུ་གར།། ཡང་ཡང་མཆོད་པ་ཕུལ་བའི།། དགའ་སྟོན་སྐལ་བ་བཟང་བྱུང་།། གཡས་སུ་དཔའ་བོའི་བྲོ་བརྡུང་འཁྲབས་སེ་འཁྲབ།། གཡོན་དུ་དཔའ་མོའི་གར་སྟབས་ཤིགས་སེ་ཤིག། ཟུང་འཇུག་བདེ་སྟོང་ཁ་སྦྱོར་འཁྲིགས་སེ་འཁྲིག། །།
སྔོ་ལྗང་ཤིང་ལོའི་ཚལ་གྱི།
ཞུན་དག༉ སྔོ་ལྗང་ཤིང་ལོའི་ཚལ་གྱི།། གསུང་གི་ཁུ་བྱུག་སྔོན་མོ།། སྙན་པའི་གླུ་ལ་ཕེབས་དང་།། དགའ་སྐྱིད་རྟེན་འབྲེལ་ཡོད་དོ།། གཡུ་རལ་རྩལ་དྲུག་ལྡན་པའི།། གངས་ཀྱི་དར་སེང་དཀར་མོ།། འགྱིང་ཉམས་དང་བཅས་ཕེབས་དང་།། དགའ་སྐྱིད་རྟེན་འབྲེལ་ཡོད་དོ།། མདའ་ཡི་གཙང་ཆབ་སྔོན་མོ།། ཡིད་འོང་གསེར་མིག་ཉ་མོ།། རྩེ་འཇོའི་ཉམས་ཀྱིས་ཕེབས་དང་།། དགའ་སྐྱིད་རྟེན་འབྲེལ་ཡོད་དོ།། སྟག་ཤར་གཞོན་པའི་ཚོགས་རྣམས།། དགའ་བའི་བྲོ་ཞིག་འཆམ་ཡོད།། སྨན་ཆུང་བུ་མོ་ཚོགས་རྣམས།། སྐྱིད་པའི་གླུ་ཞིག་ལེན་ཡོད།། དགའ་སྐྱིད་འཛོམས་པའི་ཞབས་བྲོ།། ད་རེས་འདི་ལུ་ཕུལ་གེ།། །།
སྔོན་ཐོག་བསྐལ་པ་བཟང་པོའི།
ཞུན་དག༉ སོའོ་ཡ་ལ་ཨེ།། སྔོན་ཐོག་བསྐལ་པ་བཟང་པོའི་ཡ་ཐོག་ན།། རྒྱ་གར་རྡོ་རྗེ་གདན་གྱི་ནུབ་བྱང་མཚམས།། བྲམ་ཟེ་ཡབ་ཡུམ་གཉིས་ཀྱིས་སྲས་གསུམ་ཁྲུངས།། སྲས་ལ་ཆེ་བའི་མཚན་ནི་ཆོས་སྐུ་ཞུ།། སྲས་ལ་བར་མའི་མཚན་ནི་ལོངས་སྐུ་ཞུ།། སྲས་ལ་ཆུང་བའི་མཚན་ནི་སྤྲུལ་སྐུ་ཞུ།། ཆོས་སྐུ་ལོངས་སྐུ་སྤྲུལ་སྐུ་རྣམ་པ་གསུམ།། སྲས་ལ་ཆེ་བའི་ཞལ་ནས་དེ་ཙམ་ཅིག་གསུངས་།། ཡར་གྱི་གངས་རི་དཀར་པོ་མཐོ་མི་མཐོ།། ཕར་གྱི་སྤང་གཤོང་བདེ་མོ་བདེ་མི་བདེ།། ཕར་གྱིམ་ཁོ་ཐིང་ལྷ་ཁང་མཚར་མི་མཚར།། ཕར་གྱི་བྱི་རུ་སྤོས་ཤེལ་དམར་མི་དམར།། མས་ཀྱི་ཅང་ཅང་ཆུ་མོ་རིང་མི་རིང་།། སྲས་ལ་བར་མའི་ཞལ་ནས་དེ་ཙམ་ཅིག་གསུངས།། ཡར་གྱི་གངས་རི་དཀར་པོ་ལོས་ཀྱང་མཐོ།། གཏན་ཀྱང་ཁ་བ་བུ་ཡུག་འབབ་ས་ཨིན།། ཕར་གྱི་སྤང་གཤོང་བདེ་མོ་ལོས་ཀྱང་བདེ།། གཏན་ཀྱང་ཤ་བ་ཕོ་མོ་འཁྱམས་ས་ཨིན།། ཕར་གྱི་མཁོ་མཐིང་ལྷ་ཁང་ལོས་ཀྱང་མཚར།། གཏན་ཀྱང་མཚན་ལྡན་བླ་མ་བཞུགས་ས་མས།། ཕར་གྱི་བྱི་རུ་སྤོས་ཤེལ་ལོས་ཀྱང་དམར།། གཏན་ཀྱང་སྨན་ཆུང་བུ་མོའི་རྒྱན་ཆ་མས།། མས་ཀྱི་ཅང་ཅང་ཆུ་མོ་ལོས་ཀྱང་རིང་།། གཏན་ཀྱང་གསེར་མིག་ཉ་མོ་འཁྱམས་ས་ཨིན།། སྲས་ལ་ཆུང་བའི་ཞལ་ནས་དེ་ཙམ་ཅིག་གསུངས།། ཡར་གྱི་གངས་རི་དཀར་པོ་མཐོ་རྒྱུ་མེད།། འདི་བ་རང་གི་བླ་མའི་སྐུ་གཟུགས་མཐོ།། ཕར་གི་སྤང་གཤོང་བདེ་མོ་བདེ་རྒྱུ་མེད།། འདི་བ་རང་གི་བླ་མའི་སྐུ་གཟུགས་བདེ།། ཕར་གྱི་མཁོ་མཐིང་ལྷ་ཁང་མཚར་རྒྱུ་མེད།། འདི་བ་རང་གི་བླ་མའི་ཞལ་རས་མཚར།། ཕར་གྱི་བྱི་རུ་སྤོས་ཤེལ་དམར་རྒྱུ་མེད།། འདི་བ་རང་གི་བླ་མའི་ཐུགས་དམ་དམར།། མས་ཀྱི་ཅང་ཅང་ཆུ་མོ་རིང་རྒྱུ་མེད།། འདི་བ་རང་གི་བླ་མའི་སྐུ་ཚེ་རིང་།། །།
སྔོན་བྱོན་གོང་མ་འབྲུག་པ་ཀུན་ལེགས་དང་།
ཞུན་དག༉ སྔོན་བྱོན་གོང་མ་འབྲུག་པ་ཀུན་ལེགས་དང་།། གཏེར་ཆེན་འབྲུག་སྒྲ་རྡོ་རྗེ་རྣམ་གཉིས་ཀྱི།། བསྟན་ལ་གནོད་པའི་དམ་སྲི་འབྱུང་པོའི་རིགས།། ལ་སོ།། མིང་མེད་དབྱིངས་སུ་བསྒྲལ་བའི་མཛད་པ་ངོམས།། ལུང་ཕྱོགས་དབང་བ་བཙན་ཆེན་དབྱར་སཔ་དང་།། བཀྲིས་སྤ་བ་ཡུལ་ཕྱོགས་ལྷ་ཀླུའི་ཚོགས།། ཕྱོགས་འདིར་མི་མཐུན་སེལ་བའི་ཕོ་ཉ་བ།། ལ་སོ།། འཕྲིན་ལས་ཐོགས་མེད་འགྲུབ་ལ་རྣམ་པར་རྒྱལ།། མ་དག་ས་རྡོ་དག་པ་ས་སྤྱོད་ཞིང་།། བྱིན་གྱིས་བརླབས་ནས་རྡོ་གཞོང་གསེར་གྱི་ཐང་།། རི་བཀོད་མཎ་ཌལ་ཚོམ་བུ་བཀོད་འདྲ་མཛེས།། ལ་སོ།། གནས་འདི་ཞིང་མཆོག་པདྨ་འོད་དང་མཉམ།། གནས་མཆོག་འདི་ནས་ཤར་ལ་བལྟས་ཙ་ན།། དཔལ་ལྡན་འབྲུག་པ་མཐུ་ཆེན་ཆོས་ཀྱི་རྒྱལ།། སྐུ་འཕྲེང་རིམ་བྱོན་གདན་སར་བཟུང་བའི་དགོན།། ལ་སོ།། རྟ་ལོག་དཔལ་གྱི་དགོན་པ་བྱིན་རེ་ཆགས།། གནས་མཆོག་འདི་ནས་ལྷོ་ལ་བལྟས་ཙ་ན།། གུ་རུའི་ཐུགས་སྲས་གཏེར་ཆེན་འབྲུག་སྒྲ་ཡིས།། མ་འོངས་མངོན་མཁྱེན་ལུང་བསྟན་སྤེལ་བའི་ཞིང་།། ལ་སོ།། གནས་ཆེན་རླུང་བསིལ་ལྷ་ཁང་བྱིན་རེ་ཆགས།། གནས་མཆོག་འདི་ནས་ནུབ་ལུ་བལྟས་ཙ་ན།། སྔོན་བྱོན་གོང་མ་ཉི་ཟླ་ཡེ་ཤེས་ཞབས།། ཕྱག་ཆེན་ཆོས་དྲུག་འཁོར་ལོ་བསྐོར་བའི་གནས།། ལ་སོ།། དགོན་པ་ཕན་བདེ་ཆོས་གླིང་བྱིན་རེ་ཆགས།།
སྔོན་བྱོན་རྒྱལ་བ་གོང་མས།
ཞུན་དག༉ སྔོན་བྱོན་རྒྱལ་བ་གོང་མས།། ལུང་བསྟན་བྱིན་གྱིས་བརླབས་པའི།། སྨན་ལྗོངས་ལྷ་ཡི་ཞིང་ཁམས།། དགའ་སྐྱིད་ལྡན་པའི་རྒྱལ་ཁབ།། མི་ཉམས་ཡུན་དུ་གནས་ཤོག། རྒྱལ་ཁབ་ཞི་བདེའི་ལམ་བཟང་།། རང་དབང་གཙང་མའི་ངོ་རྟགས།། འབྲུག་གི་ཐུན་མིན་ཁྱད་ཆོས།། སྔར་སྲོལ་ལམ་ལུགས་བཟང་པོ།། མི་ཉམས་གོང་དུ་སྤེལ་ཤོག། བསམ་ཚུལ་བརྡ་དོན་སྤྲོད་པའི།། འབྲུག་གི་རྒྱལ་ཡོངས་སྐད་དང་།། མི་རྣམས་ཀུན་ལུ་མཁོ་བའི།། བཟོ་རིག་ཁྱད་ཆོས་བཟང་པོ།། མི་ཉམས་གོང་དུ་སྤེལ་ཤོག། ལས་འབྲས་མངོན་སུམ་སྟོན་པའི།། རང་ལུགས་འཆམ་དང་གླུ་གཞས།། མཐོ་དམན་བསམ་སྤྱོད་བཟང་པོའི།། ལམ་ལུ་གནས་པའི་སྒྲིག་ལམ།། མི་ཉམས་གོང་དུ་སྤེལ་ཤོག། སྲོལ་འཛིན་དབུ་ཁྲིད་ཐོག་ལུ།། སྤྱི་མཐུན་ན་གཞོན་ཚོགས་པས།། རང་ལུགས་སྣ་ཚོགས་ལས་རིམ།། དགའ་སྤྲོའི་གཟིགས་མོར་ཕུལ་གེ། དགྱེས་པའི་སྤྱན་གྱིས་གཟིགས་ཤོག། དགའ་བའི་གཟིགས་མོར་བྱོན་པའི།། སྐུ་མགྲོན་ལྷན་རྒྱས་ཡོངས་ཀྱིས།། སྔར་སྲོལ་ལམ་ལུགས་བཟང་པོ།། མི་ཉམས་གོང་དུ་སྤེལ་བའི།། བཀྲིས་སྨོན་ལམ་ཞུ་གེ།། །།
ལྕགས་ཟམ་འོག་གི་ཆུ་འདི།
ཞུན་དག༉ ལྕགས་ཟམ་འོག་གི་ཆུ་འདི།། ཧུབ་གང་མཆོད་དེ་ཕེབས་དང་།། ཆུ་མོ་གར་འགྲོ་ས་ལ།། ལོ་ཡངས་རྩ་བ་བཙུགས་ཡོད།། ནམ་ཟླ་དབྱར་ག་ཤར་ན།། ལྕང་གླིང་སྨུག་ཁྲ་ཤིག་ཤིག། ང་དང་བྱིའུ་ཅུང་འཇོལ་མོ།། གསུང་སྙན་བསྒྱུར་བའི་ཁྱད་འདུག། ནམ་ཟླ་དགུན་ག་ཤར་ན།། མཚོ་ལ་དར་དཀར་སྒྲིག་ཡོད།། ང་དང་གསེར་བྱ་ངང་པ།། སེམས་ཐག་ཆོད་པའི་ཁྱད་འདུག། །།
Reference
ཀུན་བཟང་རྡོ་རྗེ། གླུ་དེབ། རྒྱལ་གཞུང་ཟློས་གར་སློབ་སྦྱོང་ལྟེ་བ། ཐིམ་ཕུག།
ཀུན་བཟང་སྟོབས་རྒྱས་དང་མ་ནི་རྡོ་རྗེ། ༢༠༡༧ འབྲུག་གི་གླུ་དེབ། དཔལ་འབྲུག་ཞིབ་འཇུག་ལྟེ་བ། ཐིམ་ཕུག།