འབྲུག་གི་སྤྱི་ཚོགས། Ι The Parliament of Bhutan
སྤྱི་ཚོགས། ཞུན་དག།
འབྲུག་གི་སྤྱི་ཚོགས་འདི་ རྒྱལ་ཁབ་ནང་ དབུ་འཕང་མཐོ་བའི་ཁྲིམས་བཟོའི་གཙུག་སྡེ་ཨིན། གཙུག་སྡེ་འདི་ནང་ འབྲུག་རྒྱལ་པོ་མཆོག་དང་ ཚོགས་ཁང་གོང་འོག་གཉིས་ལྡན་གསུམ་ཚུདཔ་ཨིན། ཚོགས་ཁང་གཉིས་ཡང་ རྒྱལ་ཡོངས་ཚོགས་སྡེ་དང་ རྒྱལ་ཡོངས་ཚོགས་འདུ་གཉིས་ལུ་སླབ་ཨིན། སྤྱིར་གཏང་རྒྱལ་ཡོངས་ཚོགས་སྡེ་ལུ་ ཚོགས་ཁང་གོངམ་དང་ རྒྱལ་ཡོངས་ཚོགས་འདུ་ལུ་ ཚོགས་ཁང་འོགམ་ཟེར་ཞུཝ་ཨིན། རྒྱལ་ཡོངས་ཚོགས་སྡེ་འདི་ ཁྲིམས་བཟོ་དང་བསྐྱར་ཞིབ་གཉིས་ཆ་རའི་འགན་དབང་ཡོདཔ་ལས་ བསྐྱར་ཞིབ་ཀྱི་ཚོགས་ཁང་ཟེར་ཡང་སླབ་ཨིན།
གནས་ཡུན། ཞུན་དག།
སྤྱི་ཚོགས་ཀྱི་གནས་ཡུན་འདི་ལོ་ལྔ་རེ་ཨིན། འབྲུག་གི་སྤྱི་ཚོགས་འདི་ འབྲུག་གི་རྩ་ཁྲིམས་ཆེན་མོའི་རྩ་ཚན་ ༡༡ པ་དང་འཁྲིལ་ སྤྱི་ལོ་ ༢༠༠༨ ལུ་གཞི་བཙུགས་འབད་འབདཝ་ཨིན། དེ་བཟུམ་སྦེ་ སྤྱི་ཚོགས་ལྷན་བཞུགས་འགོ་ཐོག་དང་པ་འདི་ སྤྱི་ཚེས་ ༨/༣/༢༠༠༨ ལས་ ༣༠/༣/༢༠༠༨ ཚུན་ཚོགས་ཡོདཔ་ཨིན་མས། ལོ་ལྔ་རེ་རེའི་བར་ན་ རྒྱལ་ཡོངས་གནས་ཚད་ནང་ འདེམས་ཁོངས་བསྡོམས་༤༧ ནང་བཙགས་འཐུ་ཚར་རེ་འགོ་འདྲེན་འཐབ་ད་ སྲིད་ཚོགས་གཉིས་གདམ་འཐུ་བསྒྲུབས་སྟེ་ འདེམས་ཁོངས་དཔྱ་ཕྱེད་༼འདེམས་ཁོངས་༢༤༽ ལས་རྒྱལ་ཁ་འཐོབ་མི་འདི་གིས་ གཞུང་སྐྱོང་དང་སོ་སོར་དེ་གིས་ལྡོག་ཕྱོགས་འབད་དོ་ཡོདཔ་ཨིན། ད་ཚུན་རིང་གཞུང་ཐེངས་༤ སོར་ཡོདཔ་དང་ དེ་ནང་གཞུང་སྐྱོང་དང་ལྡོག་ཕྱོགས་འདི་འོག་གི་སྒྲོམ་ནང་བཀོད་ཡོད།
གཞུང་སྐྱོང་དང་ལྡོག་ཕྱོགས་རྒྱལ་ཕམ་སྐོར། ཞུན་དག།
| ལོ། | གཞུང་སྐྱོང་སྲིད་ཚོགས་ | ལྡོག་ཕྱོགས་སྲིད་ཚོགས་ | གཞུང་སྐྱོང་/ལྡོག་ཕྱོགས་འདེམས་ཁོངས་རྒྱལ་བ། |
| ༢༠༠༨-༢༠༡༢ | འབྲུག་ཕུན་སུམ་ཚོགས་པ། | མི་སེར་དམངས་གཙོ་ཚོགས་པ། | ༤༥/༠༢ |
| ༢༠༡༣-༢༠༡༧ | མི་སེར་དམངས་གཙོ་ཚོགས་པ། | འབྲུག་ཕུན་སུམ་ཚོགས་པ། | ༣༢/༡༥ |
| ༢༠༡༨-༢༠༢༢ | འབྲུག་མཉམ་རུབ་ཚོགས་པ། | འབྲུག་ཕུན་སུམ་ཚོགས་པ། | ༣༠/༡༧ |
| ༢༠༢༣-༢༠༢༧ | མི་སེར་དམངས་གཙོ་ཚོགས་པ། | བྷུ་ཊཱན་རྟེན་འབྲེལ་ཚོགས་པ། | ༣༠/༡༧ |
༼རྩོམ་ཡིག་འདི་སྲོལ་འཛིན་དང་རྫོང་ཁ་གོང་འཕེལ་ལས་ཁུངས་ཀྱི་སྐད་ཡིག་ཞིབ་འཚོལ་དང་ལས་རིམ་སྡེ་ཚན་གྱི་ཞལ་འདེབས།༽
Source : Department of Culture and Dzongkha Development.
རྒྱབ་རྟེན་དཔེ་ཐོ། ཞུན་དག།
༡༽ འབྲུག་གི་རྒྱལ་ཡོངས་ཚོགས་སྡེ། https://web.archive.org/web/20231113104609/https://www.nationalcouncil.bt/en
༢༽ འབྲུག་གི་རྒྱལ་ཡོངས་ཚོགས་སྡུ། https://web.archive.org/web/20231202121402/https://www.nab.gov.bt/en/
༣༽ འབྲུག་གི་བཙག་འཐུ་ལྷན་ཚོགས། https://www.ecb.bt/elections/
༤༽ འབྲུག་གི་སྤྱི་ཚོགས། ༼གནམ་ལོ་མེད་༢༠༠༨༽ འབྲུག་བཙག་འཐུའི་བཅའ་ཁྲིམས་༢༠༠༨ ཅན་མ། https://+www.ecb.bt/wpcontent/uploads/2013/04/ElectionActEnglish.pdf