འཇིགས་མེད་སེངྒེ་དབང་ཕྱུག་རྒྱལ་ཡོངས་གླིང་ག།

ཧེ་མ་རི་ནག་པོ་རྒྱལ་ཡོངས་གླིང་ག་ཟེར་མི་ འཇིགས་མེད་སེངྒེ་དབང་ཕྱུག་རྒྱལ་ཡོངས་གླིང་ག་འདི་ ས་ཆ་རྒྱ་ཚད་ གྲུ་བཞི་ཀི་ལོ་མི་ཊར་ ༡༧༣༠ གི་ནང་ལུ་ཡོདཔ་ཨིན། འདི་གིས་ཇོ་བོ་གདུང་ཤིང་དང་ཧི་མ་ལ་ཡ་གི་རི་རྒྱུད་ཚུ་སྲུང་སྐྱོབ་འབདཝ་ཨིན། གླིང་ག་འདི་ནང་ལུ་ གྲོང་གསར་རྫོང་ཁག་གི་ས་གནས་མང་ཤོས་ཅིག་དང་ གསར་སྤང་དང་རྩི་རང་ དབང་འདུས་ཕོ་བྲང་ གཞལམ་སྒང་གི་ས་གནས་ལ་ཅིག་ཚུདཔ་ཨིན། གླིང་ག་འདི་གི་ཤར་ཕྱོགསས་ལུ་ མང་སྡེ་ཆུ་ཡོདཔ་དང་ ནུབ་ཁ་ཐུག་ལུ་སོན་ཀོཤ་དང་སྤུ་ན་གཙང་ཆུ་ཚུ་ཡོདཔ་ཨིན། དེ་ལས་ ཤར་ལྷོ་ཁ་ཐུག་ལུ་ རྒྱལ་ཡོངས་མ་ནཱསི་གླིང་ག་འདི་ཡོདཔ་ཨིན།
གླིང་ག་འདི་གི་ནུབ་དང་ཤར་ལྷོ་ཁ་ཐུག་ལུ་ ཤར་ནུབ་ཀྱི་གཞུང་ལམ་དང་བྱང་ལྷོ་གི་གཞུང་ལམ་ཚུ་ཡོདཔ་ཨིན་པས། གླིང་ག་འདི་ རྒྱལ་ཁབ་ཀྱི་ཤར་ལྷོ་དང་དབུས་ཕྱོགས་ཀྱི་གླིང་ག་ཚུ་དང་ཡང་ས་མཚམས་མཐུད་དེ་ཡོདཔ་ཨིན། གླིང་ག་འདི་གི་ས་གནས་ཚུ་ནང་ལུ་ གཙོ་བོ་ཤིང་འདབ་མ་སྦོམ་གྱི་རིགས་ཚུ་ཡོདཔ་ཨིན།

བདག་སྐྱོང་།

ཡིག་ཚང་ལྟེ་བ།

གླིང་ཁ་འདི་གི་ཡིག་ཚང་ལཏེ་བ་འདི་ ཀྲོང་གསར་རྫོང་ཁག་ཚང་ཁ་ལུ་ཡོདཔ་ཨིན། གླིང་ག་འདི་ལུ་ ཡན་ལག་བདག་སྐྱོང་ཡིག་ཚང་བཞི་ཡོདཔ་ཨིན།

སྟག་ཤར་ཡན་ལག་ཡིག་ཚང་།

དབང་འདུས་རྫོང་ཁག་གི་ཨ་ཐང་རྒེད་འོག་དང་ རྩི་རང་རྫོངཁག་གི་སེར་གྱི་ཐང་རྒེད་འོག་ཚུ་ཚུདཔ་ཨིན།

གླང་མཐིལ་ཡན་ལག་ཡིག་ཚང་།

ཏིང་ཏི་སྦིས་དང་གླང་མཐིལ་རྒེད་འོག་ཚུ་ཚུདཔ་ཨིན།

ཏིང་ཏི་སྦིས་ཡན་ལག་ཡིག་ཚང་།

གཞལམ་སྒང་རྫོང་ཁག་གི་ཀྲོང་རྒེད་འོག་ཚུདཔ་ཨིན།

མནའ་སྦིས་ཡན་ལག་ཡིག་ཚང་།

འདི་ནང་ ཀྲོང་གསར་རྫོང་ཁག་གི་སྐོར་ཕུག་རྒོད་འོག་དང་ གསར་སྤང་རྫོང་ཁག་གི་འཇིགས་མེད་ཆོས་གླིང་རྒེད་འོག་ཚུ་ཚུདཔ་ཨིན། ཡན་ལག་ཡིག་ཚང་འདི་ནང་ ས་གནས་མཐའ་ཟུར་ཚུ་ཚུད་དེ་ཡོདཔ་ཨིན། ས་ཁོངས་འདི་ནང་ རྒྱལ་རབས་ཅན་གྱི་མནའ་སྦིས་ལྷ་ཁང་ཡང་ཚུད་དེ་ཡོདཔ་ཨིན།

ལས་བྱེདཔ།

ད་རེས་ འཇིགས་མེད་སེངྒེ་དབང་ཕྱུག་རྒྱལ་ཡོངས་གླིང་ག་ནང་ ཕྱག་ཞུ་མི་ལས་བྱེདཔ་ ༣༨ ཡོདཔ་ཨིན། དེ་ཚུ་ལས་ ༣༤ འདི་ ཁྱད་རིག་ལས་གཡོགཔ་ཨིནམ་དང་ ༤ འདི་ཁྱད་རིག་མིན་པའི་ལས་བྱེདཔ་ཨིན།

དམིགས་སྐྱེད་དང་དམིགས་དོན།

གླིང་ག་འདི་གི་དམིགས་སྐྱེད་འདི་ རང་བཞིན་སྐྱེ་ལྡན་རིགས་སྣ་ཚུ་ཉམས་སྲུང་འབད་ནི་དང་ མི་མང་གི་བརྩི་མཐོང་དང་རེ་འདོད་དང་བསྟུན་ཏེ་ འཛིན་སྐྱོང་འབད་ནི་འདི་ཨིན། དམིགས་སྐྱེད་འདི་དང་གཅིག་ཁར་ འོག་ལུ་བཀོད་མི་དམིགས་དོན་ཚུ་ཡོདཔ་ཨིན།

དམིགས་བསལ་གྱི་སྐྱེ་ལྡན་གནས་སྟངས་རིམ་ལུགས་ཚུ་ ཉམས་སྲུང་དང་སྲུང་སྐྱོབ་ དེ་ལས་ འཛིན་སྐྱོང་འབད་ནི།
ལམ་སྲོལ་དང་རྒྱལ་རབས་ དེ་ལས་ ཆོས་དང་འབྲེལ་བའི་ས་ཁོངས་ཚུ་སྲུང་སྐྱོབ་འབད་ནི།
གླིང་ག་གི་མཐུན་རྐྱེན་ཚུ་ ཡུན་བརྟན་སྦེ་ལག་ལེནན་འཐབ་སྟེ་ གླིང་ག་གི་ཉེ་འདབས་ལུ་ཡོད་པའི་མི་སྡེ་ཚུ་གི་མི་སྡེ་དཔལ་འབྱོར་གོང་འཕེལ་ལུ་གྲོགས་རམ་འབད་ནི།

མ་འོངས་པའི་འཆར་གཞི།

གླིང་ག་འདི་གིས་ ཞིབ་འཚོལ་དང་ལྟ་རྟོག་ རི་དྭགས་འཛིན་སྐྱོང་ ཉམས་སྲུང་གི་ཤེས་ཡོན་སྤྲོད་ནི་དང་ཡུན་བརྟན་འཚོ་སྐྱོང་ དེ་ལས་ གླིང་གའི་མཐའ་འཁོར་གྱི་མི་སྡེ་གི་བདེ་སྐྱིད་ཡར་དྲག་གཏང་ནི་ལུ་གཙོ་བོར་བཟུངམ་ཨིན་པས། གླིང་ག་འདི་གིས་ འཚོ་བའི་གནས་སྟངས་ཡད་དྲག་གཏང་ནི་དང་ རང་བཞིན་གནས་སྟངས་དང་སྐྱེ་ལྡན་རིགས་སྣ་ཡུན་བརྟན་སྦེ་བཞག་ནི་གི་དོན་ལུ་ ས་གནས་ནང་སྡོད་མི་ཚུ་ལུ་ མི་སྡེ་ནང་གི་སྐྱེ་ལྡན་ལྟ་བཤལ་གྱི་ལས་འགུལ་དང་ཞབས་ཏོག་ལུ་གཙོ་བོར་བཏོན་དགོཔ་སྦེ་སེམས་ཤུགས་བྱིན་ནི་ཨིན།

ཁུངས་གཏུག།

Wikipedia contributors. (2021). Jigme Singye Wangchuck National Park. In Wikipedia, The Free Encyclopedia. Retrieved from https://en.wikipedia.org/w/index.php?title=Jigme_Singye_Wangchuck_National_Park&oldid=1022639016