གསེར་ལུང་པད་དཀར་ཆོས་གླིང་དགོན་འཛིན་གྲྭ་ཚང་།
གྲྭ་ཚང་གི་ངོ་སྤྲོད།
ཞུན་དགགསེར་ལུང་པད་དཀར་ཆོས་གླིང་དགོན་འཛིན་གྲྭ་ཚང་འདི་ སྤ་རོ་རྫོང་ཁག་ རྡོ་དཀར་རྒེད་འོག་ ས་ལི་སྤྱི་འོག་ནང་ཆགས་འདི་མི་ལོ་ ༦༠༠ དེ་ཅིག་སོང་ཡོདཔ་ཨིན། གསེར་ལུང་དགོན་པའི་གྲྭ་ཚང་འདི་སྤྱི་ལོ་༢༠༡༨ ལུ་དགོན་འཛིན་གྲྭ་ཚང་སྦེ་གཞི་བཙུགས་འབད་ཡོདཔ་ཨིན་མས།[༡] སྤྱི་ལོ་ ༢༠༢༣ ལུ་༧སྐྱབས་རྗེ་རིན་པོ་ཆེ་ཞབས་ནས་གྲྭ་ཚང་གི་མཚན་ལོག་ དགོན་འཛིན་འདུས་སྡེ་ལུང་རྟོགས་ཆོས་གླིང་ཟེར་བསྒྱུར་བཅོས་མཛད་གནང་ཡོདཔ་ཨིན། [༢]
དགོན་པ་དེ་ཡང་སྤྱི་ལོ་ ༢༠༡༨ ལས་མགོ་བཟུང་ དཔག་བསམ་ཁ་ཨྱོན་རྡོ་རྗེ་ཆོས་འཁོར་གླིང་སློབ་གྲྭ་འདི་ རྗེ་མཁན་ཁྲི་རབས་བདུན་བཅུ་པའི་ཐུགས་དགོངས་ལས་འཁྲུངས་པའི་དགོན་འཛིན་གྲྭ་ཚང་སྦེ་མགོ་བཙུགས་ཞིནམ་ལས། གསེར་ལུང་པད་དཀར་ཆོས་གླིང་འདི་ཡང་ སློབ་གྲྭ་དེའི་གནམ་བྱཱར་གྱི་བཞུགས་གནས་སྦེ་ཆ་འཇོག་མཛད་ཡོད། གྲྭ་ཚང་དེ་སྔོན་མ་ལྷ་ཁང་ཆུང་ཀུ་ཅིག་ལས་མེདཔ་ཨིན་རུང་ གྲྭ་ཚང་དེའི་བཞུགས་གནས་སྦེ་སྒྲུབ་ཞིནམ་ལས་ཚུར་ གྲྭ་ཚང་དེའི་སྦྱིན་བདག་ གཙོ་བོ་མཁན་པོ་ཀརྨ་བློ་གྲོས་དང་ཚོགས་ཀྱི་སློབ་དཔོན་མཁན་སངས་རྒྱས་མཁའ་འགྲོ་རྣམ་གཉིས་ཀྱིས་ སྦྱིན་བདག་མཛད། ནང་གི་་ཕྱག་ལཱ་དང་འཛིན་སྐྱོང་གཙོ་བོ་ དབུ་འཛིན་བགྲེསཔ་ཀུན་བཟང་སྟོབས་རྒྱས་རྣམ་རྒྱལ་གྱིས་མཛད་འདི་ ས་གནས་སྐྱིད་ཐང་ཀ་ལུ་ཚོགས་ཁང་ཆེན་པོ་དེ་ཡང་དེ་སྦེ་གྲུབ་ཡོདཔ་ཨིན།[༣]
གཡུས་ཚན་དེ་ ཕྱི་མཐའ་འཁོར་ཚུ་ག་ར་གངས་རི་གིས་བསྐོར། ནང་ལྷ་ཤིང་ཤུགས་པ་གིས་གང་། བར་ན་ བྱ་དང་བྱི་ཅུང་གི་སྐད་དང་། བདུད༌རྩིའི༌ཆུ༌རྒྱུན་མ་ཆད་པར་ རིམ་གྱིས༌འབབས་ཏེ་ རི༌དྭགས༌སེམས་ཅན་ཚུ་ཡང་ གཅིག་གིས་གཅིག་ལུ་བྱམས་པ་དང་བརྩེ་བའི་སྒོ་ལས་ བག་འཕེབས་ཏོག་ཏོ་སྦེ་འཁྱམས། འདི་ཁར་ གཞི་ཆགས་ཏེ་སྡོད་མི་ འགྲོ་བ་མི་ཚུ་ཡང་ སེམས་དམ་པའི་ཆོས་ཀྱིས་བཏུལ་ཏེ་ ལུས་དགེ་བ་བཅུ་དང་མཐུན་པའི་ལཱ་ལུ་བརྩོན་ ཕྱིའི་བྱ་སྤྱོད་དང་ ནང་སེམས་ཁམས་གཉིས་ཆ་ར་ ལྷ་དང་ལྷ་མོ་དངོས་སུ་ཨིན་པའི་ འཚོར་བ་བྱིན་ཚུགས་པའི་ མི་ངོམ་ཙང་ཙ་འཛོམས་ཏེ་འདུག།[༤]
གཡུས་ཚན་དེ་ འཕགས་མཆོག་ཕྱག་ན་པདྨོའི་གདུལ་ཞིང་། ཨོ་རྒྱན་གུ་རུ་རིན་པོ་ཆེའི་སྦས་གནས། དཀར་བརྒྱུད་ཀྱི་བླམ་ཚུ་གིས་ བསྟན་པ་དང་སེམས་ཅན་གྱི་འགྲོ་དོན་རྒྱ་སྦོམ་སྦེ་མཛད་ས་དང་། དེ་ལས་ དབེན་པའི་ཡོན་ཏན་ཚུ་ག་ར་ཚངམ་སྦེ་ཡོད་པའི་ས་གནས་ཅིག་ཨིན་པ་གི་མ་ཚད། སྔོན་མཁས་གྲུབ་ཀྱི་བླ་མ་ལེ་ཤ་ཅིག་བྱོན་ཏེ་ དྲན་པ་ཙམ་གྱིས་ངན་སོང་གསུམ་ལས་འགྲོལ་ཚུགས་པའི་ ལུང་དང་རྟོགས་པའི་ཆོས་དང་། རེག་པ་ཙམ་གྱིས་བྱང་ཆུབ་ཀྱི་གོ་འཕང་འཐོབ་ཚུགས་པའི་ བྱིན་ཅན་གྱི་ལྷ་ཁང་དགོན་སྡེ་ལེ་ཤ་ཅིག་ ཕྱག་བཏབ་གནང་སྟེ་འདུག
སློབ་ཚན།
ཞུན་དག| ཀུན་ཤེས་རིག་གནས་འཛིན་གྲྭ་འོག་མ་ལོ་ངོ་དང་པ། | |||
|---|---|---|---|
| ནང་དོན་རིག་པ། | བསྒོམ་རིམ། | སྒྲ་རིག་པ། | ཚད་མ་རིག་པ། |
| མཁས་འཇུག | དལ་འབྱོར་རྙེད་དཀའ། | སུམ་ཅུ་པ་སླར་བསྡུ་ཡན། | རིགས་ལམ་ཆུང་བ་བསྡུས་གྲྭ། |
| འཆི་བ་མི་རྟག་པ། | རིགས་ལམ་འབྲིང་བློ་རིག | ||
| རིགས་ལམ་ཆེ་བ་རྟགས་རིགས | |||
| ཀུན་ཤེས་རིག་གནས་འཛིན་གྲྭ་འོག་མ་ལོ་ངོ་གཉིས་པ། | |||
|---|---|---|---|
| ཚད་མ་རིག་པ། | བསྒོམ་རིམ། | སྒྲ་རིག་པ། | ལོ་རྒྱུས་རིག་པ། |
| རིག་གཏེར། | འཁོར་བའི་ཉེས་དམིགས། | སུམ་ཅུ་ལ་དོན་ནས་ཕྲད་རང་དབང་ཅན་ཚུན། | ལྷོའི་ཆོས་འབྱུང་ལེའུ་དྲུག་པ་ཚུན། |
| ལས་རྒྱུ་འབྲས། | |||
| ཀུན་ཤེས་རིག་གནས་འཛིན་གྲྭ་འོག་མ་ལོ་ངོ་གསུམ་པ། | |||
|---|---|---|---|
| ནང་དོན་རིག་པ། | བསྒོམ་རིམ། | སྒྲ་རིག་པ། | ལོ་རྒྱུས་རིག་པ། |
| མངོན་པར་མཛོད། | སྐྱབས་སེམས། | སུམ་ཅུ་པ་ཕྲད་རང་དབང་ཅན་ནས་ཡོངས་རྫོགས། | ལྷོའི་ཆོས་འབྱུང་ལེའུ་དྲུག་པ་ནས་བཅུ་པ་ཡན། |
| ཀུན་ཤེས་རིག་གནས་འཛིན་གྲྭ་འོག་མ་ལོ་ངོ་བཞི་པ། | |||
|---|---|---|---|
| ཚད་མ། | བསྒོམ་རིམ། | སྒྲ་རིག་པ། | ལོ་རྒྱུས་རིག་པ། |
| ཚད་མ་རྣམ་འགྲེལ། | རྡོར་སེམས། | རྟགས་ཀྱི་འཇུག་པ་སྔོན་འཇུག་གི་འཇུག་པ་ཡན། | ལྷོའི་ཆོས་འབྱུང་ལེའུ་བཅུ་གཅིག་པ་དང་བཅུ་གཉིས་པ། |
| ཀུན་ཤེས་རིག་གནས་འཛིན་གྲྭ་འོག་མ་ལོ་ངོ་ལྔ་པ། | |||
|---|---|---|---|
| ནང་དོན་རིག་པ། | བསྒོམ་རིམ། | སྒྲ་རིག་པ། | ལོ་རྒྱུས་རིག་པ། |
| ཤེར་ཕྱིན་མངོན་རྟོགས་རྒྱན། | མནྡལ། | རྟགས་འཇུག་རྗེས་འཇུག་གི་འཇུག་པ་ནས་ཡོངས་རྫོགས། | ལྷོའི་ཆོས་འབྱུང་ལེའུ་བཅུ་གསུམ་པ་ནས་ཡོངས་རྫོགས། |
| ལམ་རིམ་གྱི་འཁྲིད་དང་སྔོན་འགྲོ་བཞི་སྦྱོར་གྱི་བསྒོམ་བཟླས་ལོ་ངོ་གཅིག | |||
|---|---|---|---|
| ཐུན་མིན་ལམ་རིམ། | ཐུན་མོང་ལམ་རིམ། | བསྒོམ་རིམ་དང་པོ། | བསྒོམ་རིམ་གཉིས་པ། |
| དྭགས་པོ་ཐར་རྒྱན། | ལམ་མཆོག་རིན་ཆེན་ཕྲེང་བ། | ཕྱག་ཆེན་སྔོན་འགྲོ། | འཇམ་དཀར། |
| ཀུན་ཤེས་རིག་གནས་འཛིན་གྲྭ་གོང་མ་ལོ་ངོ་དང་པོ། | |||
|---|---|---|---|
| ནང་དོན་རིག་པ། | བསྒོམ་རིམ། | སྒྲ་རིག་པ། | ལོ་རྒྱུས་རིག་པ། |
| སྤྱོད་འཇུག་དང་བཞི་བརྒྱ་པ། | བླ་མའི་རྣལ་འབྱོར། | སྙན་ངག་ལེའུ་བར་པ་སྲིད་པ་
ཅན་གྱི་རྒྱན་ཡན། |
རྒྱལ་རབས་གསལ་བའི་སྒྲོན་མེ་ལས་
རྩ་བའི་ས་བཅད་དང་པོ་གཉིས། |
| ཀུན་ཤེས་རིག་གནས་འཛིན་གྲྭ་གོང་མ་ལོ་ངོ་གཉིས་པ། | |||
|---|---|---|---|
| ནང་དོན་རིག་པ། | བསྒོམ་རིམ། | སྒྲ་རིག་པ། | ལོ་རྒྱུས་རིག་པ། |
| དབུ་མ་འཇུག་པ། | ཚད་མེད་བཞི། | སྙན་ངག་ལེའུ་བར་པ་བསྡུས་བརྗོད་
རྒྱན་ནས་ཡོངས་རྫོགས། |
རྩ་བའི་ས་བཅད་གསུམ་པ་ནས་
སྡེ་སྲིད་ཁྲི་པ་ལྔ་པ་ཚུན། |
| དབུ་མ་གཞུང་གསུམ་
གསལ་བྱེད། |
|||
| ཀུན་ཤེས་རིག་གནས་འཛིན་གྲྭ་གོང་མ་ལོ་ངོ་གསུམ་པ། | |||
|---|---|---|---|
| ནང་དོན་རིག་པ། | བསྒཽམ་རིམ། | སྒྲ་རིག་པ། | ལོ་རྒྱུས་རིག་པ། |
| མདོ་སྡེ་རྒྱན། | མི་སྡུག་པ་དང་དབུགས་འབྱུང་རྔུབ། | སྙན་ངག་ལེའུ་གསུམ་པ། | སྡེ་སྲིད་ཁྲི་རབས་ལྔ་པ་ནས་ཁྲི་རབས་ཉེར་གསུམ་པ་ཚུན། |
| སྡོམ་གསུམ་རྒྱན་ལེའུ་དང་པོ། | |||
| འབྱེད་རྣམ་གཉིས། | |||
| ཀུན་ཤེས་རིག་གནས་འཛིན་གྲྭ་གོང་མ་ལོ་ངོ་བཞི་པ། | |||
|---|---|---|---|
| ནང་དོན་རིག་པ། | བསྒོམ་རིམ། | སྒྲ་རིག་པ། | ལོ་རྒྱུས་རིག་པ། |
| དབུ་མ་རྩ་བ་ཤེས་རབ། | དྲན་པ་ཉེར་བཞག་བཞི། | དཔྱད་རྩོམ་ཤོག་གྲངས་༢༥
ལས་མི་ཉུང་བ་བྲི་རྒྱུ། |
སྡེ་སྲིད་ཁྲི་རབས་ཉེར་གསུམ་པ་ནས་ཡོངས་རྫོགས། |
| དབུ་མ་རྒྱན། | |||
| ཤེས་རབ་སྙིང་པོ། | |||
| སྡོམ་གསུམ་རྒྱན་ལེའུ་གཉིས་པ། | |||
| ཀུན་ཤེས་རིག་གནས་འཛིན་གྲྭ་གོང་མ་ལོ་ངོ་ལྔ་པ། | |||
|---|---|---|---|
| ནང་དོན་རིག་པ། | བསྒོམ་རིམ། | སྒྲ་རིག་པ། | ལོ་རྒྱུས་རིག་པ། |
| སྡོམ་གསུམ་རྒྱན་ལེའུ་གསུམ་པ། | བདག་མེད་ཀྱི་བསྒོམ་ཁྲིད། | དཔྱད་རྩོམ་ཤོག་གྲངས་༣༠ ལས་མི་ཉུང་བ་བྲི་རྒྱུ། | རྩ་བའི་ས་བཅད་ལྔ་པ་ཕྱིས་དར་རྒྱལ་རབས་ཀྱི་ལོ་རྒྱུས། |
| རྒྱུད་སྡེའི་སྤྱི་རྣམ་མཁས་པའི་ཡིད་འཕྲོག | |||
| རྒྱུད་བླ་མ། | |||
| བློ་གསར་རིག་གནས་འཛིན་གྲྭ་དང་པོ། | ||||
| ཡིག་གེ་མིང་ཚིག་བརྡ་སྤྲོད། | བློར་འཛིན། | སྐད་རིགས། | རོལ་དབྱངས། | ལུས་སྦྱོངས། |
| ཀ་ཁ་སྦྱོར་ཀློག་གི་སྐོར་། | ཁ་ཐུན་ཞལ་འདོན་གྱི་སྐོར། | ཕྱི་ནང་གི་ཡིག་གཟུགས། | རྒྱ་གླིང་། | གཟུགས་ཁམས་འཕྲོད་བསྟོན། |
| བློ་གསར་རིགས་གནས་འཛིན་གྲྭ་གཉིས་པ། | ||||||
| བློར་འཛིན། | ནང་དོན་རིག་པ། | སྒྲ་རིག་པ། | སྐད་རིགས། | རོལ་དབྱངས། | ཡིག་གཟུགས། | ལུས་སྦྱོངས། |
| ཁ་ཐུན་ཞལ་འདོན་གྱི་སྐོར། | ཤེས་བྱ་གསལ་བྱེད་དེབ་དང་པོ། | བྱིས་པ་དག་ཡིག | དབྱིན་སྐད། | རྒྱ་གྱིང་དང་དུང་།ལྷབ་གསང་གྱི་གདངས་དབྱངས། | ཕྱི་ནང་གི་ཡིག་གཟུགས། | གཟུགས་ཁམས་འཕྲོད་བསྟོན། |
| བློ་གསར་རིག་གནས་འཛིན་གྲྭ་གསུམ་པ། | ||||||
| བློར་འཛིན། | ནང་དོན་རིག་པ། | སྒྲ་རིག་པ། | སྐད་རིགས། | རོལ་དབྱངས། | ཡིག་གཟུགས། | ལུས་སྦྱོངས། |
| བླ་སྒྲུབ་གསོལ་འདེབས་དང་ཚོགས་བསགས་ཕུལ་མཆོད་ཀྱི་སྐོར། | ཤེས་བྱ་གསལ་བྱེད༌དེབ༌གཉིས༌པ། | ལེགས༌བཤད༌ལྗོན༌དབང༌། | དབྱིན༌སྐད། | རྒྱ་གྱིང་དང་དུང་།ལྷབ་གསང་གྱི་གདངས་དབྱངས། | ཕྱི་ནང་གི་ཡིག་གཟུགས། | གཟུགས་ཁམས་འཕྲོད་བསྟོན། |
| བློ་གསར་རིག་གནས་འཛིན་གྲྭ་བཞི་པ། | |||||||
| བློར་འཛིན། | ནང་དོན་རིག་པ། | སྒྲ་རིག་པ། | སྐད་རིགས། | རོལ་དབྱངས། | ཡིག་གཟུགས། | ལུས་སྦྱོངས། | |
| བསྔོ༌བ༌སྨོན༌ལམ༌
དང༌ བསངས༌གསུར༌གྱི༌སྐོར། |
ཤེས་བྱ་གསལ་བྱེད༌དེབ༌གསུམ༌པ། | ལེགས༌བཤད༌ལྗོན༌དབང༌། | དབྱིན༌སྐད། | རྒྱ་གྱིང་དང་དུང་།ལྷ་མོའི་གདངས་རྒྱས་བསྡུས་གཉིས | ཕྱི་ནང་གི་ཡིག་གཟུགས། | གཟུགས་ ཁམས་
འཕྲོད་བསྟོན། | |
| བློ་གསར་རིག་གནས་འཛིན་གྲྭ་ལྔ་པ། | |||||||
| བློར་འཛིན། | ནང་དོན་རིག་པ། | སྒྲ་རིག་པ། | སྐད་རིགས། | རོལ་དབྱངས། | ཡིག་གཟུགས། | ལུས་སྦྱོངས། | |
| ཡིད་དམ་སྒྲུབ་ཐབས་ཀྱི་སྐོར་ཚོགས་དང་པོ། | ཤེས་བྱ་གས་བྱེད་དེབ་ བཞི་པ། | དཀའ་གནད་གསལ་ཀྱི་མེ་ལོང་། | དབྱིན་སྐད། | རྒྱ་གླིང་དང་དུང་།མགོན་པོའི་གདངས་དབྱངས་རྒྱས་བསྡུས་གཉིས། | ཕྱི་ནང་གི་ཡིག་གཟུགས། | གཟུགས་ཁམས་འཕྲོད་བསྟེན། | |
|
བློ་གསར་རིག་གནས་འཛིན་གྲྭ་དྲུག་པ། | |||||||
| བློར་འཛིན། | ནང་དོན་རིག་པ། | སྒྲ་རིག་པ། | སྐད་རིགས། | རོལ་དབྱངས། | ཡིག་གཟུགས། | ལུས་སྦྱོངས། | |
| ཡིད་དམ་སྒྲུབ་ཐབས་ཀྱི་སྐོར་ཚོགས་དང་པོ། | ཤེས་བྱ་གས་བྱེད་དེབ་ ལྔ་པ།
ཤེས་བྱ་གསལ་བྱེད་དེབ་དྲུག་པ། |
དཀའ་གནད་གསལ་ཀྱི་མེ་ལོང་། | དབྱིན་སྐད། | རྒྱ་གླིང་དང་དུང་།
དགོང་འདུས་དང་བདེ་མཆོག་གི་གདངས་དབྱངས། |
ཕྱི་ནང་གི་ཡིག་གཟུགས། | གཟུགས་ཁམས་འཕྲོད་བསྟེན། | |
| བློ་གསར་རིག་གནས་འཛིན་གྲྭ་བདུན་པ། | ||||||
| བློར་འཛིན། | ནང་དོན་རིག་པ། | སྒྲ་རིག་པ། | སྐད་རིགས། | རོལ་དབྱངས། | ཡིག་གཟུགས། | ལུས་སྦྱོངས། |
| བཀའ་སྲུང་མ་མགོན་གྱི་སྐོར། | ཤེས་བྱ་གས་བྱེད་དེབ་ བདུན་པ། | དཀའ་གནད་གསལ་ཀྱི་མེ་ལོང་། | དབྱིན་སྐད། | སྒེར་གསོལ་གྱི་གདངས་དབྱངས།གཏོར་མ་དང་གཏོར་རྒྱན། | ཕྱི་ནང་གི་ཡིག་གཟུགས། | གཟུགས་ཁམས་འཕྲོད་བསྟེན། |
| བློ་གསར་རིག་གནས་འཛིན་གྲྭ་བརྒྱད་པ། | ||||||
| བློར་འཛིན། | ནང་དོན་རིག་པ། | སྒྲ་རིག་པ། | སྐད་རིགས། | རོལ་དབྱངས། | ཡིག་གཟུགས། | ལུས་སྦྱོངས། |
| དམ་ཅན་ཆོས་སྐྱོང་ཀི་སྐོར། | རྒྱལ་སྲས་ལག་ | དག་ཡིག་ངག་སྒྲོན། | དབྱིན་སྐད། | རྩིས། | ཕྱི་ནང་ཡིག་གཟུགས། | གཟུགས་ཁམས་འཕྲོད་བསྟེན། |
ཆགས་རབས།
ཞུན་དག
སངས་རྒྱས་གཉིས་པ་ཨྱོན་གུ་རུ་རིན་པོ་ཆེའི་སྤྲུལ་པ་ གྲུབ་ཐོབ་ཐང་སྟོང་རྒྱལ་པོའི་གདན་ས་ཅིག་ཨིན། ཕྱིས་སུ་རྗེ་ངག་དབང་འབྲུག་པའི་བཞུགས་གནས་ཅིག་ཡང་ཨིན། [༥]
གྲུབ་ཆེན་ཐང་སྟོང་རྒྱལ་པོའི་རྣམ་ཐར་བཞུགས་སོ། །
བདུད་དཔུང་འཇོམ་པའི་སྨུག་ནག་ཁྲོ་བའི་སྐུ། །ལྟ་བའི་བདུད་འདུལ་བརྟུལ་ཞུགས་སྤྱོད་པ་ཅན། །སྦས་པའི་རྣལ་འབྱོར་འགྲོ་བ་ཡོངས་ཀྱི་མགོན། །ཨོ་རྒྱན་ལུང་བསྟན་སྐྱེས་མཆོག་སྤྲུལ་པའི་སྐུ། །ཐང་སྟོང་རྒྱལ་པོའི་ཞབས་ལ་ཕྱག་འཚལ་ལོ།།
དེ་ཡང་སྤྱིར་འཛམ་བུ་གླིང་དང་བྱེ་བྲག་རྒྱ་བོད་འབྲུག་གསུམ་གྱི་བསོད་ནམས་ཀྱི་བགོ་སྐལ་ མཚན་ཉིན་ཟླ་བཟུམ་སྦེ་འཇིག་རྟེན་གྱི་ཕྱོགས་ཀུན་ལུ་གྲགས་ཡོད་པའི་གྲུབ་པའི་དབང་ཕྱུག་ཆེན་པོ་ཐང་སྟོང་རྒྱཪ་པོ་ གྲུབ་ཐོབ་ལྕགས་ཟམ་པ་ཟེར་ཡོངས་སུ་གྲགས་ཡོད་མི་འདི་ ནང་ལྟར་དུ་སྙིང་རྗེའི་རང་གཟུགས་འཕགས་པ་སྤྱན་རས་གཟིགས་དང་དཔལ་རྟ་ མགྲིན་ཟུང་དུ་འཇུག་པའི་རྣམ་འཕྲུལ་ ཕྱི་ལྟར་དུ་འཇིག་རྟེན་ཕལ་པའི་མཐོང་སྣང་ལུ་ནོར་རྫིཔ་དང་ལྷ་བྲིསཔ་ མགརཝ་དང་མཚན་རིགས་ལ་སོགས་པའི་ཚུལ་སྟོན་ ངོ་མཚར་བའི་ཡོན་ཏན་སྣ་ཚོགས་ཀྱི་ཐོག་ལས་སེམས་ཅན་གྱི་དོན་མཛད་བཞུགས་མི་ཅིག་ཨིན་པས།
གྲུ་ཐོབ་ཁོ་རང་མཁས་ཞིང་གྲུབ་པའི་སྐྱེས་བུ་དམ་པ་ཅིག་ཨིན་པའི་རྟགས་མཚན་ལུ་ ཁོ་རའི་ཡུམ་གྱི་ལྷུམས་སུ་བཞུགས་པའི་དུས་འདི་ལས་འགོ་བཟུང༌ ལུང་བསྟན་ལས། ནང་རྟགས་རྨི་ལམ་མཚན་ལྟས་བྱུང༌། །ཟེར་གསུངས་དོ་བཟུམ་སྦེ་ ཡུམ་གྱི་རྨི་ལམ་ནང་ལུ་ལྗོན་ཤིང་ལོ་འདབ་རྒྱས་ འབྲས་བུ་དང་མེ་ཏོག་སྣ་ཚོགས་ཀྱིས་རྒྱན་འདི་ ག་ནི་ཝ་ ལེགས་པའི་ནགས་ཚལ་གྱི་སྦུག་ན་ལས་ རིན་པོ་ཆའི་འཁྲི་ཡངས་ཤིང་རྒྱ་ཆེ་བ་གཅིག་གུ་ སངས་རྒྱས་སྣང་བ་མཐའ་ཡས་མཚན་བཟང་པོ་སུམ་ཅུ་རྩ་གཉིས་དང་དཔེ་བྱེད་བཟང་པོ་བརྒྱད་ཅུ་གིས་བརྒྱན་པ་ཅིག་བཞུགས་ སངས་རྒྱས་དེའི་ཐུགས་ཀ་ལས་འོད་ཟེར་འཕྲོས་ འདི་ཡུམ་ལུ་ཕོག་ བཀྲ་ཤིས་པ་དང་ཕུན་སུམ་ཚོགས་པའི་ཚིགས་འདི་ཚུ་བརྗོད་འདི་ཡུམ་ལུ་མེ་ཏོག་གཏོར་བའི་རྨི་ལམ་མཐོང་ནི་དང༌ དེ་བཟུམ་སྦེ་ར་ཡུམ་མོ་ར་ལྷ་སའི་གཙུག་ལག་ཁང་ནང་ལུ་བྱོན་པའི་རྨི་ལམ་མཐོང༌ ལྷ་སའི་གཙུག་ལག་ཁང་ནང་ལུ་ལྷོདཔ་ད་མོ་རའི་སྐུ་གཟུགས་ལས་ཉིན་ཟླ་ཤར་ དུང་དཀར་གྱི་སྒྲ་ལན་གསུམ་བྱུང་ སྤྱི་བོར་ལུ་རྒྱལ་མཚན་གྱིས་བརྒྱན་ ཡུམ་གྱི་གཡས་ཁ་ཐུག་ལུ་དར་འཕྱར་ གཡོན་ཁ་ཐུག་ལས་འཇའ་མཚོན་སྤུབ་ གདོང་ཁ་ལས་རྔ་དང་དུང་ལ་སོགས་པའི་སྒྲ་བྱུང་ རྒྱབ་ལས་ཆོས་བཤད་པའི་སྒྲ་འདི་ཚུ་བྱུང་བའི་རྨི་ལམ་དེ་སྦེ་མཐོང་ནུག། དེ་ལས་གྲུབ་ཐོབ་ཆེན་པོ་ཡུམ་གྱི་ལྷུམས་སུ་ཟླ་ངོ་བཅུ་གཉིས་བཞུགས་ཚར་འདི་ཤུལ་ལུ་ རབ་བྱུང་དྲུག་པའི་ལྕགས་མོ་གླང་ལོ་ སྤྱི་ལོ་ ༡༣༦༡ ཆོས་འཕྲུལ་ཟླ་བའི་ཚེས་བཅུ་ལུ་ བོད་ཀྱི་རྒྱལ་ཁབ་གཙང་འོལ་བ་ལྷ་རྩེ་ཟེར་ས་ལུ་ མཁའ་འགྲོ་མའི་མཚན་རྟགས་དང་ལྡན་པའི་ཡུམ་རྒྱ་གར་ལྷ་མོ་དང་ཡབ་རྡོ་རྗེ་རྒྱལ་མཚན་གྱི་སྲས་འབད་ གུང་ལས་ཉི་མ་ཤར་ནི་དང་འཁྲིལ་འདི་ ཞལ་ལས་ༀ་མ་ཎ་པདྨེ་ཧཱུྃ་ ཟེར་བའི་སྒྲ་སྒྲོག ལུས་རྣམ་སྣང་གི་ཆོས་བདུན་ལུ་བསྐྱལ་འདི་སྐུ་འཁྲུངས་ནུག།[༦]
དེ་ལས་ཁོ་རའི་ཡབ་ཀྱིས་དེ་བཟུམ་གྱི་མཛད་རྒྱ་ལུ་བལྟ་ཡ་མཚན་ཆེ་ ངོ་མཚར་འདི་ཡུམ་ལུ་ག་དེ་སྦེ་གསུངས་ནུག་ཟེར་བ་ཅིན་ རྒྱ་གར་ལྷ་མོ་ ཁོ་ལྷུམས་སུ་བཞུགས་པའི་དུས་འདི་ལས་འགོ་བཟུང་ཁྱོད་ལུ་རྨི་ལམ་བཟང་ངན་ལེགས་ཤ་ཅིག་ར་མཐོང་ ཨ་ལོ་གཞན་དང་མ་འདྲཝ་འབད་མངལ་ལུ་ཡང་ཟླ་ངོ་ ༡༢ སྡོད་ ད་སྐྱེཝ་ད་ཡང་གཞན་དང་མ་འདྲ་བའི་སྤྱོད་པ་ལེགས་ཤ་ཅིག་ར་སྟོན་ནི་འདུག་ འདི་ག་ཅི་གི་རྟགས་མཚན་ཨིན་ན་སྨོ་ཟེར་ དེ་འབད་གསུངམ་ད། དེའི་ལན་ལུ་གྲུབ་ཐོབ་ཀྱིས་ག་ཅི་གསུངས་ནུག་ཟེར་བ་ཅན། ཁ་སང་ཟླ་བ་སྔ་མ་ཡི། །རྨི་ལམ་མཚན་རྟགས་དེ་རྣམས་ལ། །ཡབ་ཡུམ་མི་དགའ་བྱ་མི་དགོས། །བརྡ་འགྲོལ་འམ་བུས་བཤད་ཀྱིས་ཉོན། །ང་ལྷུམས་སུ་བཞུགས་པའི་སྐབས་ཀྱི་རྟགས་དང་མཚན་མ་འདི་ཚུ་ལུ་ཡབ་དང་ཡུམ་གཉིས་དགའཝ་དང་མ་དགའཝ་ག་ནི་ཡང་བསྐྱེད་མི་དགོས་ འདི་ཚུ་ག་ཅི་གི་རྟགས་མཚན་ཨིན་ན་ང་གིས་བཤད་གེ་ཟེར་གསུངས་བཞིནམ་ལས་ ཡབ་ཡུམ་ལུ་ལན་ག་དེ་སྦེ་གསུངས་ནུག་ཟེར་བ་ཅིན་ གཙུག་ལག་སྟེང་དུ་ཕྱིན་པ་དེ། །ས་ལམ་རིམ་པར་བགྲོད་པའི་རྟགས། །ལུས་ལ་ཉིན་ཟླ་ཤར་བ་དེ། །མ་རིག་མུན་པ་སེལ་བའི་རྟགས། །དུང་དཀར་ལན་གསུམ་འབུད་པ་དེ། །འགྲོ་དོན་སྙན་གྲགས་བྱུང་བའི་རྟགས། །སྤྱི་གཙུག་རྒྱལ་མཚན་བཙུགས་པ་དེ། །བསྟན་པའི་རྒྱལ་མཚན་འཛིན་པའི་རྟགས། །ཡུམ་གྱིས་ལྷ་ས་གི་གཙུག་ལག་ཁང་ནང་འགྱོ་བའི་རྨི་ལམ་མཐོང་མི་འདི་ ངེད་ཀྱི་རྒྱུད་ལུ་ས་ལམ་གྱི་རྣམ་བཞག་འདི་ཚུ་ཡར་ངོའི་ཟླཝ་བཟུམ་སྦེ་གོང་འཕེལ་འགྱོ་ནིའི་རྟགས་མཚན་ཨིན། ཡུམ་གྱི་སྐུ་གཟུགས་ལུ་ཉིན་ཟླ་ཤར་བའི་རྨི་ལམ་མཐོང་མི་འདི་ ང་གིས་སེམས་ཅན་གྱི་རྒྱུད་ཀྱི་མ་རིག་པའི་མུན་པ་སེལ་ནིའི་རྟགས་མཚན་ཨིན། དུང་དཀར་གྱི་སྒྲ་ཚར་གསུམ་བྱུང་མི་འདི་ངེད་ཀྱི་འགྲོ་དོན་དང་འཕྲིན་ལས་འདི་འཇིག་རྟེན་གྱི་ཁམས་ནང་སྙན་གྲགས་འགྱོ་ནིའི་རྟགས་ཨིན། སྤྱི་གཙུག་ལུ་རྒྱལ་མཚན་གྱིས་བརྒྱན་མི་དེ་ ང་གིས་སངས་རྒྱས་བསྟན་པའི་རྒྱལ་མཚན་འཛིན་ནིའི་རྟགས་མཚན་ཨིན་པས་ཟེར་ ཡུམ་གྱི་རྨི་ལམ་དང་འཁྲིལ་དེ་རྟགས་མཚན་འདི་ཚུ་རིམ་པ་བཞིན་བཤད་དེ་ ལན་འདི་ཚུ་ཡ་མཚན་ཆེ་ཏོག་ཏོ་འབད་གསུངས་གནང་ནུག། ཡབ་རྡོ་རྗེ་རྒྱལ་མཚན་དང་ཡུམ་རྒྱ་གར་ལྷ་མོ་གཉིས་ལུ་རིགས་ཀྱི་མྱུ་གུ་ སེ་རོ་དཔལ་ལྡན་ སློབ་དཔོན་དཔལ་ཚུལ་ འཕན་པོ་ སྔ་དར་ ཁྲོ་བོ་དཔལ་ལྡན་ ལྕམ་མོ་དཔལ་འཛིན་རྡོ་རྗེ་མ་ཟེར་སྤུན་ཆ་དྲུག་ཡོད་ས་ལས་ ཁྲོ་བོ་དཔལ་འཛིན་ཟེར་མི་འདི་དུས་ཤུལ་མ་གྲུབ་ཆེན་ཐང་སྟོང་རྒྱལ་པོ་ཟེར་བའི་མཚན་ཡོངས་སུ་གྲགས་ཡོད་མི་དེ་ཨིན་པས།
འདི་བཟུམ་གྱི་སྐྱེས་ཆེན་དམ་པ་དེ་ ང་བཅས་ར་གིས་མཇལཝ་ད་ག་དེ་འབད་མཇལ་ནི་ཡོདཔ་མོ་ཟེར་བ་ཅིན་ འཕྲལ་འཕྲལ་ཁྲོ་བོ་སྦེ་མཇལ་དོ་བཟུམ་དང་ འཕྲལ་འཕྲལ་ཞི་བ་སྦེ་མཇལ་དོ་བཟུམ་ དེ་བཟུམ་སྦེ་ར་ཁྲེལ་ཁྲེལ་ཞི་བ་དང་ཁྲོ་བོ་གཉིས་ཆ་ར་ཨིན་དོ་བཟུམ་སྦེ་མཇལ་ནི་ཡོདཔ་ཨིན། དེ་འབད་མཇལ་ནི་ཡོད་མི་འདི་ཡང་ཨྱོན་གུ་རུ་རིན་པོ་ཆེའི་ཟབ་ཆོས་ཐུགས་ཀྱི་གཏེར་ལས་ ཞི་བ་ཐུགས་རྗེ་ཆེན་པོ་དང༌། །དྲག་པོ་ཁྲོ་བོ་དབང་ཆེན་གཉིས། །དབྱེར་མེད་གཅིག་ཏུ་སྦྲུལ་པ་ལས། །སྐུའི་ཆ་ལུགས་ཞི་མ་ཁྲོ། །[༧] ཟེར་གསུངས་དོ་བཟུམ་སྦེ་ གྲུབ་ཐོབ་རིན་པོ་ཆེ་མཆོག་ཞི་བ་ཐུགས་རྗེ་ཆེན་པོ་འཕགས་པ་སྤྱན་རས་གཟིགས་དང་ ཁྲོ་བོ་དབང་ཆེན་རོལ་པ་དཔལ་རྟ་མགྲིན་གཉིས་ཟུང་དུ་འཇུག་པའི་རྣམ་སྤྲུལ་འབད་ནི་འདི་གི་འཕྲལ་འཕྲལ་ཁྲོ་བོ་དང་ འཕྲལ་འཕྲལ་ཞི་བ་འབད་མཇལ་ནི་ཡོད་མི་འདི་ འདི་ལས་བརྟེན་འདི་ཨིན།ཁོ་རང་སྐུ་ཟླ་ཆུང་ཀུ་བསྒང་ལས་ཐབས་ལུ་མཁས་པ་དང་ རིག་པ་གཞན་དང་མ་འདྲཝ་སྦེ་ཡོད་ནི་འདི་གིས་ ཁོ་རའི་ཡབ་ཡུམ་གཉིས་ཀྱིས་དགོན་པ་བྱང་སྡིངས་ཟེར་ས་ལུ་སློབ་དཔོན་ཆོས་སྐྱོང་དཔལ་ལས་སྒྲ་རིག་པའི་གཞུང་རིག་གནས་འདི་ཚུ་སློབ་སྦྱོང་འབད་ཝ་ བསྐྱལཝ་ད། ཁོ་ཐབས་ཤེས་འགྲན་ཟླ་དང་བྲལ་བ་ཅིག་འབད་ནི་འདི་གིས་ དུས་ཡུན་ཐུང་ཀུ་ཅིག་ནང་བོད་ཡིག་ལཉྩ་དང་ཝརྟུ་ སྒྲ་རིག་པའི་གཞུང་འདི་ཚུ་ལུ་མཁས་པ་མཐོན་ནུག།དེ་ལས་གྲུབ་ཐོབ་ཁོ་རའི་ཡུམ་གྱི་རེ་བ་དང་འཁྲིལ་དེ་ དགོན་པ་བྱང་སྡིངས་ཟེར་ཟ་ལུ་བླམ་ཉི་མ་སེངྒེའི་སྐུ་མདུན་ལུ་རབ་ཏུ་བྱུང་ སྤང་བླང་གི་ཡོན་ཏན་འདི་ཚུ་སྦྱངས་ དེ་བཟུམ་སྦེ་ར་བླམ་དཔལ་འབྱོར་ཤེས་རབ་ལས་མངོན་རྫོགས་ཀྱི་སྡོམ་པ་ཞུ་སྦེ་མཚན་ཡང་བརྩོན་འགྲུས་བཟང་པོ་ཟེར་བཏགས་གནང་ནུག། དེ་ལས་གྲུབ་ཐོབ་ཀྱིས་ལྷ་གདོང་པ་བསོད་ནམས་མཆོག་དང་ཀུན་སྤངས་རིན་ཆེན་རྒྱལ་མཚན་ རེད་མདའ་བ་གཞོན་ནུ་བློ་གྲོས་ལ་སོགས་པའི་དགེ་བའི་གཤེས་གཉེན་ལྔ་བརྒྱ་དེ་ཅིག་སྟོན་ དབང་ལུང་ཁྲིད་གསུམ་དང་གདམས་ངག་བཟང་པོ་འདི་ཚུ་གསན་བཞིནམ་ལས་ ཕྱི་ནང་གསང་གསུམ་གྱི་ཡོན་ཏན་ག་ཅི་གི་ཐད་ལས་འབད་རུང་མཁས་པ་མཐོན་ནུག།
གྲུབ་ཐོབ་རིན་པོ་ཆེ་མཆོག་གིས་ཆོ་འཕྲུལ་ཟླ་བའི་ཚེས་བརྒྱད་ཀྱི་དྲོ་པ་ ནམ་མ་ལངསམ་ཅིག་གི་དུས་ཚོད་ནང་ མདུན་གྱི་ནམ་མཁའ་ལུ་འཕགས་པ་སྤྱན་རས་གཟིགས་ཞལ་གཅིག་ཕྱག་བཞི་པ་དང་ བཅུ་གཅིག་ཞལ་ཕྱག་སྟོང་སྤྱན་སྟོང་ལ་སོགས་པའི་ཡི་དམ་དཀྱིལ་འཁོར་གྱི་ལྷ་ཚོགས་འདི་ཚུ་གིས་གཙོས་པའི་སངས་རྒྱས་དང་བྱང་ཆུབ་སེམས་པ་བསམ་གྱིས་མི་ཁྱབ་ཅིག་བསྐོར་འདི་བཞུགས་ས་གཟིགས་འདི་ སྙིགས་མ་ལྔའི་སེམས་ཅན་འདི་ཚུ་ལུ་ཐུགས་བརྩེ་བ་ཆེན་པོའི་སྒོ་ལས་གཟིགས་སུ་གསོལ་ཟེར་བའི་སྨོན་ལམ་དང་བཅསཔ་སྦེ་ དངོས་སུ་འབྱོར་བ་དང་ཡིད་ཀྱིས་སྤྲུལ་པའི་མཆོད་པ་འདི་ཚུ་འཕུལཝ་ད་ འཕགས་པ་སྤྱན་རས་གཟིགས་ཀྱིས་ག་ཅི་གསུངས་ནུག་ཟེར་བ་ཅིན་ ཁ་བ་ཅན་གྱི་ཆུ་ཀླུང་ཆེ་རྣམས་ལ། །གྲུ་དང་རིན་ཆེན་ལྕགས་ཟམ་བརྟན་པོར་ཚུགས། །རྒྱལ་བའི་སྐུ་གསུང་ཐུགས་ཀྱི་རྟེན་བཞེངས་ནས། །སྙིགས་མའི་སེམས་ཅན་བསོད་ནམས་འཕེལ་བར་མཛོད། །ཟེར་གསུངས་པའི་ལུང་བརྟན་དང་འཁྲིལ་འདི་ སྤྱིར་གྱི་འཛམ་བུ་གླིང་དང་བྱེ་བྲག་རྒྱ་བོད་འབྲུག་གསུམ་གྱི་རྒྱལ་ཁབ་ཀྱི་ཞི་བདེ་ལུ་དམིགས་བཞིནམ་ལས་ ལྕགས་ཟམ་ལྔ་བཅུ་ང་བརྒྱད་ ཤིང་ཟམ་དྲུག་ཅུ་ཐམ་པ་ གྲུ་བརྒྱ་དང་བཅོ་བརྒྱད་ སྐུའི་རྟེན་ཆེ་བ་སུམ་ཅུ་སོ་བརྒྱད་ ཆུང་བ་རིན་པོ་ཆེ་སེར་དང་དངུལ་ལ་སོགས་པ་ལས་གྲུབ་པ་བརྒྱ་ལྷགཔ་ཅིག་ དེ་བཟུམ་སྦེ་ར་རྒྱུ་འཇིམ་ལས་གྲུབ་པའི་སྐུ་སྟོང་ཕྲག་ལྔ་དང་ གཙུག་ལག་ཁང་བརྒྱ་དང་ཉི་ཤུ་དེ་ཅིག་བཞེངས་གནང་ནུག། འདི་གི་ཡང་མ་བརྩི་བ་གསུང་གི་རྟེན་བཀའ་འགྱུར་བཅོ་བརྒྱད་ བསྟན་འགྱུར་བཅོ་ལྔ་ རིན་པོ་ཆེའི་མཆོན་རྟེན་བརྒྱ་དང་བཅུ་གཅིག་དེ་ཅིག་གི་བརྩི་བཞེངས་གནང་ནུག།
དེ་སྦེ་སྐུ་གསུང་ཐུགས་ཀྱི་རྟེན་དང་གཙུག་ལག་ཁང་མ་རབ་ཅིག་བཞེངས་ཡོད་ས་ལས་ ང་བཅས་རའི་འབྲུག་རྒྱལ་ཁབ་ནང་ལུ་ཕྱག་བཏབ་གནང་ཡོད་མི་འདི་ག་ཅི་ར་སྨོ་ཟེར་བ་ཅིན་ གསེར་ལུང་དགོན་པའི་ལྷ་ཁང་ སྤ་རོ་རྟ་མཆོག་ལྷ་ཁང་ སྤ་རོ་ཟླུམ་བརྩིགས་ལྷ་ཁང་ དབང་འདུས་ཕོ་བྲང་ལུ་ཡོད་པའི་ཤར་ཕྱི་ཐོག་ཁའི་ལྷ་ཁང་འདི་ཚུ་ཨིན། འདི་གི་ཡང་མ་བརྩི་པ་ཆུ་མཛོམ་ལས་སྤ་རོའི་ཕྱོགས་ཁ་ཐུག་ལུ་མཆོད་རྟེན་གཅིག་ སྤ་རོ་སྟག་ཚང་ལུ་མཆོད་རྟེན་གཅིག་དང་སྤ་རོ་རྟ་མཆོག་ལྷ་ཁང་གི་གདོང་ཕྱོགས་ལུ་ཡོད་པའི་ལྕགས་ཟམ་འདི་ཚུགས་གྲུབ་ཐོབ་རིན་པོ་ཆེ་མཆོག་གིས་གསར་བཞེངས་མཛད་གནང་ནུག། སྐུ་གསུང་ཐུགས་ཀྱི་རྟེན་དང་ལྕགས་ཟམ་འདི་ཚུ་བཞེངས་གནངམ་ད་ མི་མང་རབ་ཅིག་ལུ་དཀའ་ངལ་འདི་ཚུ་བྱུང་ མགརཝ་ལ་ལུ་གཅིག་ཆུ་གིས་འབག་འདི་ཤི་རྐྱེན་བྱུང་ འདི་བཟུམ་གྱི་རྐྱེན་ལེགས་ཤ་ར་བྱུངམ་ད་གྲུབ་ཐོབ་ཁོ་རའི་སློབ་མ་འདི་ཚུ་གིས་ཟམ་རྐྱབ་ནིའི་ལཱ་འདི་ལུ་སུན་ ཉམས་འཚེར་འདི་ཁོང་གི་ལཱ་འདི་མི་འབད་ནིའི་མནོ་བསམ་བཏང་སྡོདཔ་ད་ གྲུབ་ཐོབ་རིན་པོ་ཆེ་གིས་དེ་སྦེ་གསུངས་གནང་ནུག རང་གཞན་ཕན་བདེ་སྒྲུབ་དུས་སུ། །སྐྱོ་སུན་གྱིད་ལུགས་བར་ཆད་ཡིན། །སྨྲ་བ་མཁས་ཀྱང་གླུ་ལེན་ཡིན། །རི་ལ་བསྡད་ཀྱང་རི་དྭགས་ཡིན། །གཞན་དོན་གྱི་བྱ་བ་རླབས་ཆེན་པོ་འདི་བཟུམ་ཅིག་སྒྲུབ་ད་སུན་ནི་དང་ཉམས་འཚེར་ནི་འདི་ཚུ་བྱུངམ་འདྲཝ་ཅིག་འབད་བ་ཅིན་ འདི་གཞན་དོན་བསྒྲུབ་པའི་བར་ཆད་ཨིན་ གལ་སྲིད་གཞན་དོན་སྒྲུབ་པའི་སྐབས་ཉམས་འཚེར་སྡོདཔ་འདྲཝ་ཅི་འབད་ཝ་ཅིན་ ཁ་ལས་བསླབ་ནི་ནང་ལུ་ག་དེམ་ཅི་རང་མཁས་རུང་ཞབས་ཁྲ་འཐེན་པའི་སྣང་བ་ཅིག་དང་ སྡོད་ས་རི་ཁྲོད་གངས་ཁྲོད་ལུ་ཨིན་འདི་འབད་རུང་རི་དྭགས་ཀྱི་སྣང་བ་ལས་གཞན་ག་ནི་ཡང་མེད་ འདི་འབད་ནི་འདི་གི་རང་ལུ་ལྟོ་དང་གོས་ག་ཡོད་པའི་འཚོ་བ་ལུ་བརྟེན་བཞིནམ་ལས་རང་གཞན་ག་ར་གྱི་ལུས་དང་སེམས་ལུ་བདེ་བ་སྤྲོད་ཚུགས་པའི་ལཱ་ལུ་བརྩོད་ད་ཟེར་གསུངམ་ད། ཁོ་རའི་སློབ་མ་འདི་ཚུགས་ཡང་མི་ཕྱེད་པའི་དད་པ་དང་ ཡིད་ཆས་ཀྱི་བསམ་པ་ཀུན་ནས་བླངས་བཞིནམ་ལས་ སྟོན་པ་དང་སེམས་ཅན་གྱི་འགྲོ་དོན་ལུ་སྔར་བ་ལྷགཔ་སྦེ་བརྩོན་གནང་ནུག། དེ་སྦེ་བསྟན་པ་དང་སེམས་ཅན་གྱི་འགྲོ་དོན་མ་རབས་ཅི་བྱུང་ཚར་བའི་ཤུལ་མ་ དུས་ནམ་ཅིག་གི་ཚེ་གྲུབ་ཐོབ་ཆེན་པོ་ བོད་ཀྱི་རྒྱལ་ཁབ་གཙང་རྒྱས་སྡེའི་ཐང་ཟེར་མི་ནང་གཟིགས་སྐོར་ན་བྱོནམ་ད་ མདུན་གྱི་ནམ་མཁའ་ལས་གཙོ་མོ་ཡཻས་ཀྱི་མཁའ་འགྲོ་མ་ དབུས་ཕྱོགས་བུདྡ་རིགས་ཀྱི་མཁའ་འགྲོ་མ་ ཤར་རྡོ་རྗེ་རིགས་ཀྱི་མཁའ་འགྲོ་ ལྷོ་རིན་ཆེན་རིགས་ཀྱི་མཁའ་འགྲོ་ ནུབ་པདྨ་རིགས་ཀྱི་མཁའ་འགྲོ་ བྱང་ཀརྨ་རིགས་ཀྱི་མཁའ་འགྲོ་ལ་སོགས་པའི་རིགས་ལྔའི་མཁའ་འགྲོ་མ་ སྐུ་གཟུགས་ལུ་རིན་པོ་ཆེའི་རྒྱན་ཆ་སྣ་ཚོགས་ཀྱིས་བརྒྱན་ དཀཪ་སེཪ་དམར་ལྗང་ལ་སོགས་པའི་འོད་སྣ་ཚོགས་འཕྲོས་བཞིནམ་ལས་ སྙན་པའི་དབྱངས་དང་ བཅས་འདི་གྲུབ་ཐོབ་རིན་པོ་ཆེ་ལུ་དེ་སྦེ་ཞུ་ནུག རྒྱས་སྡེ་ཐང་ན་བཞུགས་པ་ཡི། །ཡ་མཚན་ཆེ་བའི་མི་འདི་ལ། །འདིར་ཚོགས་བུ་མོ་རྣམ་ལྔ་ཡིས། །དོན་དང་མཐུན་པའི་མིང་རེ་འདོགས། །ཟེར་གསུངས་འདི་ རིགས་ལྔའི་མཁའ་འགྲོ་མ་ལྔ་གིས་གྲུབ་ཐོབ་ཆེན་པོའི་སྤྱོད་པ་དང་མཐུན་པའི་མིང་ལྔ་གསོལ་གནང་ནུག། དེ་སྦེ་བཏགས་གནང་ས་ལས་ཐང་སྟོང་རྒྱལ་པོ་ཟེར་བའི་མཚན་དེ་ཡང་དེའི་སྐབས་མཁའ་འགྲོ་མ་ལྔ་གིས་ ཁྱབ་བརྡལ་ཆེན་པོའི་ཐང་ཆེན་ན། །སྟོང་ཉིད་རྟོགས་པའི་རྣལ་འབྱོར་པ། །འཇིགས་མེད་རྒྱལ་པོ་ལྟ་བུར་བཞུགས། །དེ་ཕྱིར་ཐང་སྟོང་རྒྱལ་པོར་ཐོགས། །ཟེར་བའི་ལུང་བསྟན་དང་བཅསཔ་སྦེ་བཏགས་གནང་ནུག།
དེ་ལས་བདག་ཅག་གི་སྟོན་པ་སངས་རྒྱས་ཤཀྱ་ཐུབ་པ་མཆོག་ འཆི་བདག་གི་བདུད་བཅོམ་ཚར་བའི་སྐྱེས་བུ་ཅིག་འབད་ནི་འདི་གིས་ ཤི་མ་ཤི་གི་རྣམ་བཞག་མེད་འདི་འབད་རུང༌ འདུལ་བྱ་སེམས་ཅན་རྣམས་ལུ་ཚེ་རྟག་འཛིན་གྱི་ལོག་རྟོག་སེལ་ནིའི་ཆེད་དུ་ མཛད་པ་ཐ་མ་སྐུ་མྱ་ངན་ལས་འདས་པའི་ཚུལ་སྟོན་གནང་དོ་བཟུམ་སྦེ་ གྲུབ་ཐོབ་ཆེན་པོ་ཡང་སྐུ་ མི་འགྱུར་བ་རྡོ་རྗེ་ཚེའི་དངོས་གྲུབ་ཐོབ་ཚར་བའི་སྐྱེས་བུ་ཅིག་འབད་ནི་འདི་གི་ སྐུ་ཚེ་འབུམ་ཕྲག་ལས་འབུམ་ཕྲག་སྦེ་བཞུགས་དགོ་རུ་ཡང་བཞུགས་ཚུགས་པའི་སྐྱེས་བུ་ཅིག་ཨིན་པས། ཨིན་རུང་འདུལ་བྱའི་སེམས་ཅན་ཚུ་ལུ་འདུས་བྱས་ཀྱི་ཆོས་ཐམས་ཅད་མི་རྟག་པ་ཨིན་ཟེར་བའི་དོན་དང༌ སྐྱེས་ཚར་བའི་དུས་འདི་ལས་འགོ་བཟུང་དུས་ནམ་ཅིག་གི་ཚེ་འཆི་བ་མི་རྟག་པ་ཟེར་མི་འདི་ལུ་ཐུག་དགོཔ་ངེས་ཏིག་ཨིན་ཟེར་བའི་ དོན་སྟོན་གནང་ནིའི་དོན་ལུ་སྐུ་མྱ་ངན་ལས་འདས་པའི་ཚུལ་སྟོན་འདི་ ཤིང་མོ་སྦྲུལ་ལོ་ སྤྱི་ལོ་ ༡༤༨༥ ཆོ་འཕྲུལ་ཟླ་བའི་ཚེས་ ༤ ལུ་ཞིང་ལུ་གཤེགས་གནང་ནུག
སྐུ་ཡི་རྣམ་འགྱུར་མཚན་སྙན་ཙམ་གྱིས་ཀྱང༌། །སྲིད་ཞིའི་གུད་སེལ་ཡེ་ཤེས་མཆོག་སྟེར་ནུས། །མཚུངས་མེད་གྲུབ་ཐོབ་ཆེན་པོའི་རྣམ་ཐར་བཞིན། །རྟེན་འདིར་མཐོང་བའི་ཆོས་ལ་མངོན་གྱུར་ཤོག །སྤྱི་ཚེས་ ༢༧/༠༧/༢༠༢༤ ལུ་ཡོངས་འབྲེལ་གྱི་ཐོག་ལུ་བཀྲམ་སྤེལ་འབད་ཡོད།
བཙུན་གསར།
ཞུན་དགཕན་བདེ་འབྱུང་བའི་གནས་གཅིག་པུ། །བསྟན་པ་ཡུན་རིང་གནས་པ་དང་། ཟེར་གསུངས་དོ་བཟུམ། འགྲོ་བ་སེམས་ཅན་ཐམས་ཅད་ལུ་ཕན་པ་དང་བདེ་བ་འབྱིན་པའི་བསྟན་པ་རིན་པོ་ཆེ་འདི། ཡུན་རིངམ་འབད་གནས་དགོ་པ་ཅིན་ བསྟན་པ་འཛིན་པའི་སྐྱེས་བུ་རྣམས་ལུ་ཐུགཔ་ཨིནམ་ལས། གསེར་ལུང་དགོན་འཛིན་གྲྭ་ཚང་འདི་ནང་དགེ་སློང་བཙུན་གསར་བཙུགས་ནིའི་ཐུགས་འདོད་ཡོད་པ་ཅིན་ ན་བཟའ་དང་ཉེར་བར་མཁོ་བའི་མཐུན་རྐྱེན་གཞན་གྱི་རིགས་འདི་ཚུ་གེ་ར་གྲྭ་ཚང་གིས་རྒྱབ་སྐྱོར་མཛད་གནང་མ་གི་མ་ཚད། གྲྭ་ཚང་འདི་ནང་མཚན་འཁོད་བཀོད་པ་ལས་འགོ་བཟུང་རང་ལུ་ན་ཚ་དང་བྱ་སྟབས་མ་བདེ་བའི་དཀའ་ངལ་ག་ཅིག་འབྱུང་རུང་གྲོགས་རམ་བརྒྱ་ཆེ་བ་འབད་ཡོདཔ་མ་ཚད་ ཐ་ན་རང་གི་ནང་མི་གཙོ་ཅན་ཕ་དང་མ་ ཡང་ན་འདི་མེད་ན་དེའི་ངོ་ཚབ་གཉིས་ལུ་འཆི་རྐྱེན་གྱི་གྲོགས་རམ་གྱི་འཐོབ་ལམ་ཚུ་ཡང་ཡོདཔ་ཨིན།
རྩོམ་ཤོག་གི་རིགས། བདེན་པ་གཉིས་ཀྱི་སྐོར།
ཞུན་དགཔུན་ཌ་རི་ཀའི་ཞབས་ལ་མགོས་བཏུད་ནས། །
པུན་ཌ་རི་ཀའི་དྲི་བསུང་སྤེལ་ལ་སྤྲོའོ། །
ནང་དོན་གནད་བསྡུས། དབུ་མའི་གཞུང་ལུགས་ཐམས་ཅད་ཀྱི་རྒྱན་དུ་གྱུར་པ་བདེན་གཉིས་བརྗོད་གཞིར་བྱས་ནས། དེའི་མཚན་ཉིད་རང་ལུགས་ཀུན་མཁྱེན་ཆེན་པོས་གསུངས་པ་ལ་རང་གཞན་གྱི་བསམ་ཚུལ་དང་། ལོག་པའི་ཀུན་རྫོབ་དེ་ཀུན་རྫོབ་བདེན་པ་ཡིན་མིན་གྱི་སྐོར་ནི་འདིར་གླེང་བར་བྱ་བའི་གཞིའོ། །
བརྡ་ཆད་གཙོ་བོ། ཀུན་རྫོབ་བདེན་པ། དོན་དམ་བདེན་པ། ཐ་སྙད་བདེན་པ། ལོག་པའི་ཀུན་རྫོབ།
འབྲི་དགོས་པའི་དམིགས་ཡུལ། རྣམ་དཔྱོད་དམན་པས་ཡིན་མིན་འབྱེད་པའི་ཆེད་མ་ལགས། །
གཞན་དོན་ཟེར་ཡང་གད་མོའི་གཞི་ལས་གཞན་མ་མཆིས། །
དེས་ན་རང་ཉིད་གཞུང་ལུགས་ལྟ་བའི་མིག་འབྱེད་ནས། །
ཚིག་དོན་ཙམ་ལའང་རྨོངས་པའི་རྨོངས་པ་བཟློག་ཕྱིར་བྲིས།
བདེན་གཉིས་ཀྱི་སྐོར་མདོ་ཙམ་ཞུ་བ་ལ། བདེན་གཉིས་བསྟན་པའི་དགོས་པ། ཀུན་རྫོབ་བདེན་པའི་མཚན་ཉིད་ལ་དཔྱད་པ། ལོག་པའི་ཀུན་རྫོབ་ཀུན་རྫོབ་བདེན་པ་ཡིན་མིན་ལ་དཔྱད་པ། ཐབས་དང་ཐབས་བྱུང་དུ་འགྲོ་བའི་ཚུལ་དང་བཞི་ལས།
དང་པོ་བདེན་གཉིས་བསྟན་པའི་དགོས་པ་ལ་སྤྱི་དང་བྱེ་བྲག་གཉིས་ལས། དགོས་པ་སྤྱིར་བསྟན་པ་ནི། སློབ་དཔོན་གྱིས། གང་དག་བདེན་པ་དེ་གཉིས་ཀྱི། །རྣམ་པར་དབྱེ་བ་མི་ཤེས་པ། །དེ་དག་སངས་རྒྱས་བསྟན་པ་ཡི། །ཟབ་མོའི་དེ་ཉིད་མི་ཤེས་སོ། །ཞེས་དང་། འཇུག་པ་ལས། དེ་གཉིས་རྣམ་དབྱེ་གང་གིས་མི་ཤེས་པ། །དེ་ནི་རྣམ་རྟོག་ལོག་པའི་ལམ་ངན་ཞུགས། །ཞེས་གསུངས་པ་ལྟར། བདེན་པ་གཉིས་ཀྱི་རྣམ་དབྱེ་མ་ཤེས་ན་རྣམ་རྟོག་ལོག་པའི་ལམ་ངན་པར་ཞུགས་པ་ཡིན་ཏེ། ཇི་ལྟར་ཞུགས་པའི་ཚུལ་ཡང་། ལས་འབྲས་དང་དཀོན་མཆོག་སོགས་ཐམས་ཅད་མེད་པར་བལྟ་ན་དེ་ནི་ཀུན་རྫོབ་ཐ་སྙད་ཀྱི་རྣམ་བཞག་ལ་དང་འགལ་བར་ཞུགས་པ་ཡིན་ཏེ། དེ་ལ་དགོངས་ནས་རྩ་ཤེར་ལས། གལ་སྟེ་དེ་དག་ཀུན་སྟོང་ན། །འབྱུང་བ་མེད་ཅིང་འཇིག་པ་མེད། །འཕགས་པའི་བདེན་པ་བཞི་པོ་རྣམས། །ཁྱེད་ལ་མེད་པར་ཐལ་བར་འགྱུར། །ཞེས་དང་། འདི་ལྟར་མེད་པར་ལྟ་བ་ཡི། །མི་གཙང་དེར་ནི་བྱིང་བར་འགྱུར། །ཞེས་གསུངས། གལ་ཏེ་ཆོས་ཐམས་ཅད་བདེན་གྲུབ་ཏུ་བལྟ་ན་དེ་ནི་དོན་དམ་སྟོང་ཉིད་ཀྱི་རྣམ་བཞག་དང་འགལ་བར་ཞུགས་པས། མྱ་ངན་ལས་འདས་པར་བགྲོད་པའི་ཐབས་མེད་པ་ཡིན་ཏེ། དེ་ལ་དགོངས་ནས་འཇུག་པར། སློབ་དཔོན་ཀླུ་སྒྲུབ་ཞབས་ཀྱི་ལམ་ལས་ནི། །ཕྱི་རོལ་གྱུར་ལ་ཞི་བའི་ཐབས་མེད་དོ། །ཞེས་གསུངས། གནད་བསྡུ་ན་བདེན་གཉིས་ལ་ལྟ་ཚུལ་ངན་པའི་ལོག་པར་རྟོག་པ་བཟློག་པའི་ཕྱིར་བདེན་པ་གཉིས་ཀྱི་རྣམ་བཞག་བསྟན་པ་ཡིན་ནོ། །
གཉིས་པ་བྱེ་བྲག་ཏུ་བཤད་པ་ནི། ཐ་སྙད་ཀུན་རྫོབ་ཀྱི་བདེན་པ་ཆོས་ཅན། ཁྱོད་ཀྱི་རྣམ་བཞག་བསྟན་པ་ལ་དགོས་པ་ཡོད་དེ། གནས་ལུགས་དེ་བཞིན་ཉིད་དམ་དོན་དམ་སྟོང་ཉིད་རྟོགས་པའི་ཐབས་ཡིན་པའི་ཕྱིར། དེ་ཡང་སློབ་དཔོན་སངས་རྒྱས་ཀྱང་གིས། གང་གི་ཕྱིར་ཐ་སྙད་ལ་མ་བརྟེན་པར་དོན་དམ་པ་བསྟན་པར་མི་ནུས་པ་དང་། གང་གི་ཕྱིར་དོན་དམ་པ་མ་བསྟན་པར་མྱ་ངན་ལས་འདས་པ་ཐོབ་པར་མི་འགྱུར། ཞེས་དང་། འཇུག་པར། ཐ་སྙད་བདེན་པ་ཐབས་སུ་གྱུར་པ་དང་། །ཞེས་དང་། སྤྱི་དོན་རིགས་པའི་སྙིང་པོར། དང་པོ་བླང་དོར་མ་ནོར་བ་ལ་ཞུགས་པ་ཐབས་དང་། ཞེས་གསུངས། དོན་དམ་པའི་བདེན་པ་ཆོས་ཅན། ཁྱོད་ཀྱི་རྣམ་བཞག་བསྟན་པ་ལ་དགོས་པ་ཡོད་དེ། ཡེ་ནས་སྤྲོས་པ་དང་བྲལ་བའི་ཚུལ་གྱིས་གནས་པའི་ཐབས་བྱུང་བླ་ན་མ་མཆིས་པ་ཡིན་པའི་ཕྱིར། དེའང་འཇུག་པར། དོན་དམ་བདེན་པ་ཐབས་བྱུང་གྱུར་པ་སྟེ། །ཞེས་གསུངས།
ཀུན་རྫོབ་བདེན་པའི་མཚན་ཉིད་ལ་དཔྱད་པ་ལ། གཞན་གྱི་འདོད་པ་བརྗོད་པ་དང་། རང་གི་བསམ་ཚུལ་ཞུ་བ་གཉིས་ལས། དང་པོ་ནི། ཐ་སྙད་བདེན་པ་དང་ཀུན་རྫོབ་བདེན་པ་གཅིག་ཏུ་འདོད་ནས། ལོག་པའི་ཀུན་རྫོབ་ཀུན་རྫོབ་ཀུན་རྫོབ་བདེན་པར་མི་འདོད་པ་དག་གིས། རང་ལུགས་ཀུན་མཁྱེན་ཆེན་པོས་ཀུན་རྫོབ་བདེན་པའི་མཚན་ཉིད། སྣང་ངོར་མི་བསླུ་བའམ་འཁྲུལ་ངོར་མི་བསླུ་བའམ་འཇིག་རྟེན་ཐ་སྙད་དུ་མི་བསླུ་བ། ཞེས་མཚན་ཉིད་ཀྱི་ཟུར་གསུམ་གསུངས་པ་དེ་ལྡོག་ཆའི་ཆ་ནས་ཁྱད་པར་ཡོད་ཀྱང་། མཚན་ཉིད་དོན་གཅིག་ཏུ་འདོོད་ནས་ཀུན་རྫོབ་བདེན་པ་ཡིན་ན་སྣང་ངོར་མི་བསླུ་བ་དང་། འཁྲུལ་ངོར་མི་བསླུ་བ་དང་། འཇིག་རྟེན་ཐ་སྙད་དུ་མི་བསླུ་བ་ཡིན་པས་ཁྱབ་པར་འདོད་དོ། །
ཡང་ཀུན་རྫོབ་བདེན་པ་དང་ཐ་སྙད་བདེན་པ་གཅིག་འདོད་ནས། ལོག་པའི་ཀུན་རྫོབ་ཀུན་རྫོབ་བདེན་པར་མི་འདོད་པ་ཁ་ཅིག་གིས། ཀུན་རྫོབ་ལ་ཀུན་རྫོབ་ཙམ་དང་། ལོག་པའི་ཀུན་རྫོབ་དང་། ཀུན་རྫོབ་བདེན་པ་གསུམ་དུ་དབྱེ་ནས། རང་ལུགས་ཀུན་མཁྱེན་ཆེན་པོས་མཚན་ཉིད་ཀྱི་ཟུར་གསུམ་གསུངས་པ་དེ་བསྡོམས་ནས་ཀུན་རྫོབ་ཀྱི་མཚན་ཉིད་དང་། སོ་སོར་འབྱེད་ན་སྣང་ངོར་མི་བསླུ་བ་དེ་ཀུན་རྫོབ་ཙམ་གྱི་མཚན་ཉིད་དང་། འཁྲུལ་ངོར་མི་བསླུ་བ་དེ་ལོག་པའི་ཀུན་རྫོབ་ཀྱི་མཚན་ཉིད་དང་། འཇིག་རྟེན་ཐ་སྙད་ལ་མི་བསླུ་བ་དེ་ཀུན་རྫོབ་བདེན་པའི་མཚན་ཉིད་དུ་འདོད་དོ། །དེའི་ལུགས་ལ་འཇིག་རྟེན་ཐ་སྙད་དུ་མི་བསླུ་བ་ཞེས་པའི་དོན་ཐ་སྙད་ཚད་མས་རྟོགས་བྱར་གྱུར་པའི་ཡུལ་ལ་འདོད་དོ། །
གཉིས་པ་རང་ལུགས་བཞག་པ་ནི། གོང་གི་འདོད་པ་ལ་ཁོ་བོས་དམིགས་བསལ་གྱི་དགག་པ་ཞུ་བར་མ་སྤོབས་ཀྱང་། ཀུན་མཁྱེན་ཆེན་པོས། ཀུན་རྫོབ་བདེན་པའི་མཚན་ཉིད་སྣང་ངོར་མི་བསླུ་བའམ་འཁྲུལ་ངོར་མི་བསླུ་བའམ་འཇིག་རྟེན་ཐ་སྙད་དུ་མི་བསླུ་བ། ཞེས་པའི་གཞུང་ཚིག་ལ་རང་གི་བསམ་ཚུལ་མདོ་ཙམ་ཞུ་བ་ན། ཀུན་མཁྱེན་ཆེན་པོས་མཚན་ཉིད་རྣམ་པ་གསུམ་གསུངས་པ་དེ་གཅིག་ཏུ་བསྡོམ་ན་ཀུན་རྫོབ་བདེན་པའི་མཚན་ཉིད་གཅིག་དང། སོ་སོར་འབྱེད་ན་མཚོན་བྱ་ཐ་དད་ཡོད་དེ། སྣང་ངོར་མི་བསླུ་བ་དེ་འཕགས་པ་ལ་ལྟོས་པའི་ཀུན་རྫོབ་ཙམ་གྱི་མཚན་ཉིད་དང་། འཁྲུལ་ངོར་མི་བསླུ་བ་དེ་སོ་སྐྱེ་ལ་ལྟོས་པའི་ཀུན་རྫོབ་ཙམ་མམ་ལོག་པའི་ཀུན་རྫོབ་ཀྱི་མཚན་ཉིད། འཇིག་རྟེན་ཐ་སྙད་དུ་མི་བསླུ་བ་དེ་ཐ་སྙད་བདེན་པའམ་འཇིག་རྟེན་ཀུན་རྫོབ་ཀྱི་བདེན་པའི་མཚན་ཉིད་དོ། །འོན་ཀྱང་འཕགས་པ་མཉམ་བཞག་ཡཻས་ཀྱིས་རྟོགས་བྱར་གྱུར་པའི་གནས་ལུགས་རྣམ་གྲངས་པའི་དོན་དམ་བདེན་པ་དེ་ཀུན་རྫོབ་བདེན་པ་ཡིན་ཡང། དབུ་མ་འཇུག་པའི་གཞུང་གིས་བསྟན་བྱར་གྱུར་པའི་ཀུན་རྫོབ་བདེན་པའི་ཁོངས་སུ་མི་གཏོགས་པ་ནི་གནད་དམ་པའོ། །དེ་ལྟར་ཡིན་པ་ཡང་གང་ལས་ཤེས་སྙམ་ན། དབུ་མ་འཇུག་པས་བསྟན་བྱར་གྱུར་པའི་ཀུན་རྫོབ་བདེན་པ་དེ་ལས་དབྱེ་བ་བཞག་པའི་ཚེ། འཇིག་རྟེན་ཉིད་ལ་ལྟོས་པའི་བདེན་པ་དང་འཇིག་རྟེན་ཉིད་ལ་ལྟོས་པའི་བརྫུན་པ་རྣམ་པ་གཉིས་མ་གཏོགས་མ་དབྱེ་ཞིང་། བྱང་འཕགས་ཀྱིས་གཟིགས་བྱར་གྱུར་པའི་གནས་ལུགས་རྣམ་གྲངས་པའི་དོན་དམ་བདེན་པ་དེ་དེ་གཉིས་གང་ཡང་མ་ཡིན་པའི་ཕྱིར། དེས་ན་སློབ་དཔོན་ཟླ་བས། མཐོང་བ་བརྫུན་པའང་རྣམ་པ་གཉིས་འདོད་དེ། །ཞེས་དང་། གནོད་པ་མེད་པའི་དབང་པོ་དྲུག་རྣམས་ཀྱིས། །ཞེས་པའི་ཚིག་བཅད་གཉིས་གསུངས་པ་དེའི་དོན་ལ་ལེགས་པར་བསམ་ན་རྣམ་གྲངས་པའི་དོན་དམ་བདེན་པ་དེ་འཇུག་པར་བསྟན་བྱར་གྱུར་པའི་ཀུན་རྫོབ་བདེན་པ་ཡིན་མིན་ལ་དོགས་པའི་གཞི་མེད་དོ། །དེས་ན་གོང་གི་མཚན་ཉིད་དེས་བསྟན་བྱར་གྱུར་པའི་ཀུན་རྫོབ་བདེན་པ་ནི། གནས་ལུགས་རྟོགས་པའི་ཐབས་སུ་གྱུར་པའི་འཇིག་རྟེན་ཐ་སྙད་ཀྱི་བདེན་པ་དང་། དེའི་མི་མཐུན་ཕྱོགས་སུ་གྱུར་པ་འཇིག་རྟེན་ཐ་སྙད་དུའང་བརྫུན་པའི་ཡུལ་རྣམ་པ་གཉིས་ཡིན་ནོ། །
དེས་ན་རྣམ་གྲངས་པའི་དོན་དམ་བདེན་པ་ནི་འཇུག་པར་བསྟན་པའི་དོན་དམ་བདེན་པའི་ཁོངས་སུ་གཏོགས་པ་ཡིན་ནོ། །དེ་ལའང་སྒྲུབ་བྱེད་ཀྱི་རིགས་པ་མདོ་ཙམ་ཞུ་བར་བྱ་ན། བདེན་པ་གཉིས་ཀྱི་རྣམ་བཞག་ནི་ཐབས་དང་ཐབས་བྱུང་གི་ཚུལ་དུ་བསྟན་དགོས་པ་ནི། འཇུག་པར། ཐ་སྙད་བདེན་པ་ཐབས་སུ་གྱུར་པ་དང་། །དོན་དམ་བདེན་པ་ཐབས་བྱུང་གྱུར་པ་སྟེ། །ཞེས་གསུངས་པ་ལྟར་ཡིན་ལ། དེ་ལྟར་ཡིན་ན་དེ་གཉིས་ཐབས་དང་ཐབས་བྱུང་དུ་འགྲོ་བའི་ཚུལ་ནི་ཀུན་མཁྱེན་ཆེན་པོས་ལམ་ཉིན་མོར་བྱེད་པ་ལས། ཀུན་རྫོབ་ཀྱི་བདེན་པའི་ཐབས་ལས་དོན་དམ་པའི་བདེན་པ་འབྱུང་བས་ཏེ། ཀུན་རྗོབ་ཇི་ལྟར་སྣང་བ་འདི། །རིགས་པས་བརྟགས་ན་འགའ་མི་རྙེད། །མ་རྙེད་པ་ཉིད་དོན་དམ་ཡིན། །ཡེ་ནས་གནས་པའི་ཆོས་ཉིད་དོ། །ཞེས་གསུངས་ཤིང་། རྣམ་གྲངས་པའི་དོན་དམ་བདེན་པ་དེ་ལ་སྐབས་འདིའི་ཐབས་བྱུང་དོན་དམ་བདེན་པའི་དོན་ཚང་བའི་ཕྱིར་རོ། །
ལོག་པའི་ཀུན་རྫོབ་ཀུན་རྫོབ་བདེན་པ་ཡིན་མིན་དཔྱད་པ་ལ། གཞན་གྱི་ལུགས་དགག་པ་དང་། རང་གི་ལུགས་བཞག་པ། དེ་ལ་རྩོད་པ་སྤོང་བ་དང་གསུམ་ལས། དང་པོ་ལ་། ལོག་པའི་ཀུན་རྫོབ་ཀུན་རྫོབ་བདེན་པ་མ་ཡིན་པར་འདོད་པའི་ལུགས་བརྗོད་པ་དང་། ཆ་ཤས་ཕྱེ་ནས་འདོད་པའི་ལུགས་བརྫོད་པ་གཉིས་ལས། དང་པོ་ནི། ལོག་པའི་ཀུན་རྫོབ་ཀུན་རྫོབ་བདེན་པར་མི་འདོད་པ་དག་གིས་སྒྲུབ་བྱེད་ཀྱི་ལུང་རིགས་མང་དུ་བཤད་ཀྱང་། གཙོ་བོ་ནི་རིག་པ་གསུམ་གྱི་སྒོ་ནས་བསྒྲུབ་པར་སྣང་ཏེ། རིག་པ་དང་པོ་ནི། ལོག་པའི་ཀུན་རྫོབ་ཆོས་ཅན། ཀུན་རྫོབ་བདེན་པ་མ་ཡིན་ཏེ། ཀུན་རྫོབ་ཀྱི་བློ་དེས་དེ་ལ་བདེན་པར་ཞེན་པ་མེད་པའི་ཕྱིར། དེའི་སྒྲུབ་བྱེད་ཀྱི་ལུང་ཡང་། འཇུག་པ་ལས། གཏི་མུག་རང་བཞིན་སྒྲིབ་ཕྱིར་ཀུན་རྫོབ་སྟེ། །དེས་གང་བཅོས་མ་བདེན་པར་སྣང་དེ་ནི། །ཀུན་རྫོབ་བདེན་ཞེས་ཐུབ་པ་དེས་གསུངས་ཏེ། །ཞེས་དང་། རང་འགྲེལ་ལས། ཀུན་རྫོབ་དེས་གང་ཞིག་བདེན་པར་སྣང་ཞིང་རང་བཞིན་མེད་བཞིན་དུ་རང་བཞིན་དུ་སོ་སོར་སྣང་བ་དེ་ནི་འཇིག་རྟེན་ཕྱིན་ཅི་ལོག་ཏུ་བདེན་པས་འཇིག་རྟེན་ཀུན་རྫོབ་ཀྱི་བདེན་པ་སྟེ། ཞེས་དང་། སློབ་དཔོན་ཛ་ཡ་ཨ་ནན་ཏས་དབུ་མ་ལ་འཇུག་པའི་འགྲེལ་བཤད་ལས། གང་ཞིག་ཀུན་རྫོབ་ཏུ་ཡང་བརྫུན་པ་ཞེས་བྱ་བ་ནི་གཟུགས་བརྙན་དང་བྲག་ཅ་ལ་སོགས་པ་རྣམས་ནི་ཀུན་རྫོབ་ཀྱི་བདེན་པར་མི་འགྱུར་ཏེ། བདེན་པར་ཞེན་པ་མེད་པའི་ཕྱིར་རོ། །ཞེས་པའི་ལུང་གིས་སྒྲུབ་པར་བྱེད་དོ། །
དེ་ལ་འདི་ཞུ་བར་བྱ་སྟེ། ཀུན་རྫོབ་བདེན་པ་དང་འཇིག་རྟེན་ཀུན་རྫོབ་བདེན་པ་གཉིས་ལ་ཁྱད་པར་ཡོད་མེད་གང་། ཁྱད་པར་ཡོད་ན། ཀུན་རྫོབ་ཀྱི་བློས་བདེན་པར་ཞེན་པའི་ཆ་ནས་བཞག་པ་དེ་འཇིག་རྟེན་ཀུན་རྫོབ་ཀྱི་བདེན་པའི་དབང་དུ་བྱས་པ་ཡིན་པས་ལོག་པའི་ཀུན་རྫོབ་ལ་སྐྱོན་དེ་མི་གནས་སོ། །དེ་ལྟར་ཡིན་པ་ཡང་འཇུག་པ་རང་འགྲེལ་ལས། ཀུན་རྫོབ་དེས་གང་ཞིག་བདེན་པར་སྣང་ཞིང་རང་བཞིན་མེད་བཞིན་དུ་རང་བཞིན་དུ་སོ་སོར་སྣང་བ་དེ་ནི་འཇིག་རྟེན་ཕྱིན་ཅི་ལོག་ཏུ་བདེན་པས་འཇིག་རྟེན་ཀུན་རྫོབ་ཀྱི་བདེན་པ་སྟེ། ཞེས་དང་། སློབ་དཔོན་ཟླ་བས་གོང་བའི་རྩ་བ་དེའི་དབུར། དེ་ལ་འཇིག་རྟེན་གྱི་ཀུན་རྫོབ་ཀྱི་བདེན་པ་བསྟན་པར་བྱ་བའི་ཕྱིར། ཞེས་པའི་ཚིག་དངོས་སུ་གསལ་བས་སོ། །སློབ་དཔོན་ཛ་ཡ་ཨ་ནན་ཏས་གསུངས་པའང་དེ་ལ་དགོངས་སོ། །གལ་ཏེ་དེ་གཉིས་ལ་ཁྱད་པར་མེད་ན། ཀུན་རྫོབ་བདེན་པ་ལ་ཡུལ་ཡུལ་ཅན་ཡང་ལོག་གི་དབྱེ་བ་གཉིས་བཞེད་པ་དང་། འཇིག་རྟེན་ཀུན་རྗོབ་བདེན་པ་ནི་ཀུན་མཁྱེན་ཆེན་པོས། རྣམ་པ་གཅིག་ཏུ་ན། འཇིག་རྟེན་ཀུན་རྗོབ་ཀྱི་བདེན་པ་ཞེས་ཀྱང་བྱ་སྟེ། ཆོས་ཐམས་ཅད་རང་བཞིན་མེད་ཅིང་སྟོང་པ་ལས་འཇིག་རྟེན་གྱི་ཕྱིན་ཅི་ལོག་གི་དངོས་པོ་སྐྱེ་ཞིང་འབྱུང་བར་མཐོང་བ་ལ་སོགས་པ་འཇིག་རྟེན་གྱི་ཐ་སྙད་དང་གྲགས་པ་ཙམ་དུ་བདེན་པ་སྟེ། ཞེས་དང་། རྣམ་པ་གཅིག་ཏུ་ན། རབ་རིབ་དང་ལིང་ཐོག་གི་སྔོན་པོ་དང་། མིག་སེར་ལ་སོགས་པས་དབང་པོ་ཉམས་པས་མཐོང་བ་དང་གྲུབ་མཐའ་ངན་པས་གདགས་པའི་བདག་ལ་སོགས་པ་ཕྱིན་ཅི་ལོག་ཏུ་གནས་པ་དེ་དག་ནི་འཇིག་རྟེན་མ་ཡིན་ཏེ། དེ་དག་གི་ཀུན་རྫོབ་གང་ཡིན་པ་དེ་ནི་འཇིག་རྟེན་ཀུན་རྫོབ་བདེན་པ་མ་ཡིན་པས། ཞེས་འཇིག་རྟེན་གྱི་ཐ་སྙད་དུ་བདེན་པར་གསུངས་ཤིང་། ལོག་པའི་ཀུན་རྫོབ་དེ་འཇིག་རྟེན་ཀུན་རྫོབ་བདེན་པ་མ་ཡིན་པར་གསུངས་པ་གཉིས་མི་འགལ་ལམ། ལེགས་པར་སོམས་ཤིག ཁོ་བོ་ནི་ཀུན་རྫོབ་བདེན་ལ་ཡུལ་དང་ཡུལ་ཅན་གྱི་ཡང་ལོག་གཉིས་སུ་ཕྱེ་བའི་ལོག་པ་དེ་། འཇིག་རྟེན་ཐ་སྙད་དུའང་བརྫུན་པར་ཁས་ལེན་དགོས་པར་སྣང་བས། ཀུན་རྫོབ་བདེན་པ་དང་འཇིག་རྟེན་ཀུན་རྫོབ་ཀྱི་བདེན་པ་གཉིས་དོན་གཅིག་ཏུ་ཁས་ལེན་ནུས་པའི་སྤོབས་པ་མ་མཆིས་སོ། །
རིག་པ་གཉིས་པ་ནི། ལོག་པའི་ཀུན་རྫོབ་ཆོས་ཅན། ཀུན་རྫོབ་བདེན་པ་མ་ཡིན་ཏེ། དོན་དམ་བདེན་པའི་ཐབས་སུ་མ་གྱུར་པའི་ཕྱིར། དེ་ཡང་བདེན་པ་གཉིས་སུ་ཕྱེ་བ་ནི་ཐབས་དང་ཐབས་བྱུང་དུ་གྱུར་པའི་སྒོ་ནས་ཕྱེ་བ་ཡིན་པར་འདོད་དོ། །དེ་སྒྲུབ་བྱེད་ཀྱི་ལུང་ནི། །སློབ་དཔོན་གྱིས། ཐ་སྙད་ལ་ནི་མ་བརྟེན་པར། །དམ་པའི་དོན་ནི་རྟོགས་མི་ནུས། །དམ་པའི་དོན་ནི་མ་རྟོགས་པར། །མྱ་ངན་འདས་པ་ཐོབ་མི་འགྱུར། །ཞེས་དང་། སློབ་དཔོན་ཟླ་བས། ཐ་སྙད་བདེན་པ་ཐབས་སུ་གྱུར་པ་དང་། །དོན་དམ་བདེན་པ་ཐབས་བྱུང་གྱུར་པ་སྟེ། །ཞེས་པའི་ལུང་གིས་སྒྲུབ་པར་བྱེད་དོ། །
དེ་ལའང་ཀུན་རྫོབ་བདེན་པ་སྤྱི་ལྡོག་ནས་དོན་དམ་བདེན་པའི་ཐབས་སུ་ཁས་མི་ལེན་པ་འདྲ་སྟེ། སློབ་དཔོན་གྱིས། ཐ་སྙད་ལ་ནི་མ་བརྟེན་པར། །ཞེས་དང་། དཔལ་ལྡན་ཟླ་བས། ཐ་སྙད་བདེན་པ་ཐབས་སུ་གྱུར་པ་དང་། །ཞེས་གསུངས་ཀྱི། ཀུན་རྫོབ་བདེན་པ་ཐབས་སུ་གྱུར་པ་དང་། ཞེས་མ་གསུངས་པའི་ཕྱིར། དེས་ན་སངས་རྒྱས་ཀྱིས་ཀུན་རྫོབ་བདེན་པ་བསྟན་ཞེས་པའང་། ཀུན་རྫོབ་བདེན་པ་ཐ་དག་བསྟན་མི་དགོས་ཀྱི་དོན་དམ་བདེན་པའི་ཐབས་སུ་གྱུར་པའི་ཀུན་རྫོབ་བདེན་པ་དེ་བསྟན་དགོས་པ་ཡིན་ཏེ། དེ་ལ་དགོངས་ནས་སློབ་དཔོན་གྱིས། འཇིག་རྟེན་ཀུན་རྫོབ་བདེན་པ་དང་། །ཞེས་གསུངས་པའི་ཕྱིར།
རིག་པ་གསུམ་པ་ནི། ལོག་པའི་ཀུན་རྫོབ་ཆོས་ཅན། ཀུན་རྫོབ་བདེན་པ་མ་ཡིན་ཏེ། མ་རིག་པའི་ལིང་ཐོག་གིས་བློའི་མིག་ཁེབས་པའི་དབང་གིས་སྣང་བ་མ་ཡིན་པའི་ཕྱིར། །དེའི་སྒྲུབ་བྱེད་ཀྱི་ལུང་ནི། འཇུག་པ་རང་འགྲེལ་ལས། གཞན་ནི་སོ་སོ་སྐྱེ་བོའི་མ་རིག་པའི་རབ་རིབ་ཀྱི་ལིང་ཐོག་གིས་བློའི་མིག་མ་ལུས་པར་ཁེབས་པ་རྣམས་ཀྱི་མཐོང་བ་བརྫུན་པའི་སྟོབས་ལས་བདག་གི་ཡོད་པ་རྙེད་པ་ཡིན་ཏེ། ཞེས་པའི་ལུང་གིས་སྒྲུབ་པར་བྱེད་དོ། །
དེ་ལ་ཁོ་བོས་ཐག་ཆོད་པའི་ལན་ཞིག་ཞུ་བར་མ་སྤོབས་ཀྱང་། ལོག་པའི་ཀུན་རྫོབ་དེ་མཐའ་གཅིག་ཏུ་མ་རིག་པའི་ལིང་ཐོག་གིས་བློའི་མིག་ཁེབས་པའི་དབང་གིས་སྣང་བ་མ་ཡིན་པའང་ཁས་ལེན་ནུས་པ་དཀའ་སྟེ། སློབ་དཔོན་ཛ་ཡ་ཨཱནནྡས། གང་ཞིག་ཀུན་རྫོབ་ཏུ་ཡང་བརྫུན་པ་ཞེས་བྱ་བ་ནི་གཟུགས་བརྙན་དང་བྲག་ཅ་ལ་སོགས་པ་རྣམས་ནི་ཀུན་རྫོབ་ཀྱི་བདེན་པར་མི་འགྱུར་ཏེ། བདེན་པར་ཞེན་པ་མེད་པའི་ཕྱིར་རོ། །དོན་དམ་པའི་བདེན་པའང་མི་འགྱུར་ཏེ། གཏི་མུག་གི་དབང་གིས་སྣང་བའི་ཕྱིར་རོ། །ཞེས་ལོག་པའི་ཀུན་རྫོབ་ཀྱི་བསྡུས་པའི་ཆོས་ལའང་གཏི་མུག་གི་དབང་གིས་སྣང་བ་ཡོད་པར་གསུངས་པའི་ཕྱིར། ཡིན་ཡང་ཁོ་བོའི་བསམ་ཚུལ་ཅུང་ཟད་ཞུ་བར་བྱ་ན། ཀུན་རྫོབ་སྣང་བྱེད་ཀྱི་རྐྱེན་དེ་ལ་གཏི་མུག་དང་གནས་སྐབས་ཀྱི་འཁྲུལ་རྒྱུ་རྣམ་པ་གཉིས་ལས། ལོག་པའི་ཀུན་རྫོབ་ནི་ཕྱི་མ་གནས་སྐབས་ཀྱི་འཁྲུལ་རྒྱུས་སྣང་བ་ཡིན་པར་འདྲ། དེ་ལྟར་འཇོག་པ་ལ་གོང་གི་རིགས་པས་གནོད་པ་མེད་དེ། གོང་དུ་འཇུག་པ་རང་འགྲེལ་གྱི་ལུང་དོན་ནི་ཀུན་རྫོབ་བདེན་པ་དེ་ལ་ཡང་ལོག་གི་ཁྱད་པར་རྣམ་པ་གཉིས་གསུངས་པའི་སྔ་མ་ལ་དགོངས་པའི་ཕྱིར་རོ། །
གཉིས་པ་ལོག་པའི་ཀུན་རྫོབ་ལ་ཆ་ཤས་ཕྱེ་ནས་འདོད་པའི་ལུགས་བརྗོད་པ་ནི། ཁ་ཅིག ལོག་པའི་ཀུན་རྫོབ་ལ་ཡུལ་དང་ཡུལ་ཅན་གྱི་ཆ་གཉིས་སུ་ཕྱེ་བའི་དང་པོ་ནི་ཐ་སྙད་བདེན་པ་མ་ཡིན་ཏེ། ཁྱོད་རྟོགས་པའི་ཐ་སྙད་ཚད་མ་མེད་པའི་ཕྱིར། གཉིས་པ་ནི་ཐ་སྙད་བདེན་པ་ཡིན་ཏེ། ཁྱོད་རྟོགས་པའི་ཐ་སྙད་ཚད་མ་ཡོད་པའི་ཕྱིར་ཏེ། རང་རིག་མངོན་སུམ་དང་གཞན་སེམས་ཤེས་པའི་མངོན་ཤེས་ཀྱིས་རྟོགས་པའི་ཕྱིར། ཞེས་འདོད་དོ། །ལུགས་དེ་ལའང་གྲུབ་མཐའི་ཁྱད་པར་འབྱེད་མ་ཤེས་པའི་སྐྱོན་དང་། ཡུལ་དང་ཡུལ་ཅན་ལྟོས་འཇོག་མ་ཡིན་པར་ཐལ་བ་དང་། རང་རིག་ཁས་ལེན་པས་གཞན་དབང་བདེན་གྲུབ་འགོག་བྱེད་ཀྱི་རིག་པ་མི་འཐད་པར་ཐལ་བ་སོགས་སྐྱོན་གྱི་འཕྲེང་བ་མང་དུ་སྣང་ཡང་རེ་ཞིག་བཏང་སྙོམས་སུ་བྱའོ། །
གཉིས་པ་རང་ལུགས་བཞག་པ་ནི། ལོག་པའི་ཀུན་རྫོབ་ཀུན་རྫོབ་བདེན་པ་ཡིན་པ་ནི་གཞུང་རྩ་བའི་དགོངས་པ་ཡིན་པར་སྣང་སྟེ། རྩ་བར་བདེན་པ་གཉིས་ཀྱི་ངོ་བོ་བསྟན་པར་བཞེད་ནས། དངོས་ཀུན་ཡང་དག་བརྫུན་པ་མཐོང་བ་ཡིས། །ཞེས་པའི་ཚིགས་སུ་བཅད་པ་གཅིག་གསུངས་ཤིང་། དེའི་རང་འགྲེལ་དུ། མཐོང་བ་ཡང་དག་པའི་ཡུལ་གང་ཡིན་པ་དེ་ནི་དེ་ཉིད་དེ། དེ་ནི་དོན་དམ་པའི་བདེན་པའོ། །ཞེས་དང་། མཐོང་བ་བརྫུན་པའི་ཡུལ་གང་ཡིན་པ་དེ་ནི་ཀུན་རྫོ་བ་ཀྱི་བདེན་པའོ། །ཞེས་གསུངས། སྐབས་འདིའི་མཐོང་བ་བརྫུན་པ་དེ་ལའང་སྐྱོན་ལྡན་དབང་ཅན་རྣམས་ཀྱི་ཤེས་པ་དང་། སྐྱོན་མེད་དབང་ཅན་རྣམས་ཀྱི་ཤེས་པ་གཉིས་དང་། དེའི་ཡུལ་ཡང་འཇིག་རྟེན་ཉིད་ལས་བདེན་པ་དང་ལོག་པའི་ཡུལ་གཉིས་ཡོད་པར་བསྟན་པའི་ཕྱིར། མཐོང་བ་བརྫེན་པའང་རྣམ་པ་གཉིས་འདོད་དེ། །ཞེས་པའི་ཚིགས་སུ་བཅད་པ་གཅིག་དང་། གནོད་པ་མེད་པའི་དབང་པོ་དྲུག་རྣམས་ཀྱིས། །ཞེས་པའི་ཚིགས་སུ་བཅད་པ་གཅིག་གསུངས་པ་ཡིན་པས། གཞུང་རྩ་བར་ལེགས་པར་བསམ་ཞིབ་བྱ་ན་ལོག་པའི་ཀུན་རྫོབ་ཀུན་རྫོབ་བདེན་པ་ཡིན་མིན་ལ་དོགས་པའི་གཞི་མེད་དོ། །
དེར་མ་ཟད་མཐོང་བ་བརྫུན་པ་དེ་ལ་ཡང་ལོག་གཉིས་སུ་ཡོད་པ་དེ་གཞུང་རྩ་བའི་དགོངས་པ་ཡིན་པ་གང་ཞིག མཐོང་བ་བརྫུན་པའི་ཡུལ་ཡིན་ན་ཀུན་རྫོབ་བདེན་པ་ཡིན་པས་ཁྱབ་པའི་ཕྱིར། དེ་ནི་སློབ་དཔོན་ཟླ་བའི་དགོངས་པ་དྲི་མ་མེད་པ་ཡིན་ཏེ། འཇུག་པ་རང་འགྲེལ་ལས། མཐོང་བ་བརྫུན་པའི་ཡུལ་གང་ཡིན་པ་དེ་ནི་ཀུན་རྫོབ་ཀྱི་བདེན་པའོ། །ཞེས་གསུངས་པའི་ཕྱིར། ཀུན་མཁྱེན་ཆེས་པོས་ཀྱང་དེ་ལྟར་དུ་བཞེད་པ་ཡིན་ཏེ་ཀུན་རྫོབ་བདེན་པའི་མཚན་ཉིད་བཤད་ནས། ཡུལ་ཅན་ཡང་ལོག་གཉིས་དང་། ཡུལ་ཡང་ལོག་གཉིས་དེའི་དབྱེ་བར་བསྟན་པའི་ཕྱིར་། མཐོང་བ་བརྫུན་པའང་རྣམ་པ་གཉིས་འདོད་དེ། །ཞེས་པའི་ཚིགས་སུ་བཅད་པ་གཉིས་པོ་དེ་དྲངས་པ་ཡིན་པའི་ཕྱིར།
བཞི་པ་ཐབས་དང་ཐབས་བྱུང་འགྲོ་ཚུལ་ནི། ཁ་ཅིག འཇུག་པར་བསྟན་པའི་ཐབས་དང་ཐབས་བྱུང་དེ་རྣམ་འགྲེལ་གྱི་དགོངས་པ་གཞིར་བཟུང་ནས་ཐབས་བྱུང་སངས་རྒྱས་ཀྱི་ཡཻས་ཁོ་ནར་འདོད་དོ། །དེར་དཔྱད་ན་དཔལ་ལྡན་ཨ་ཏི་ཤས་བདེན་གཉིས་ལ་འཇུག་པར། ཀུན་རྫོབ་ཇི་ལྟར་སྣང་བ་དེ། །རིགས་པས་བརྟགས་ན་འགའ་མ་རྙེད། །མ་རྙེད་པ་ཉིད་དོན་དམ་སྟེ། །ཡེ་ནས་གནས་པའི་ཆོས་ཉིད་དོ། །ཞེས་གསུངས་ཤིང་། ལུང་དེས་རང་ལུགས་ཀུན་མཁྱེན་ཆེན་པོའི་ལུགས་ལ་བདེན་གཉིས་ཐབས་ཐབས་བྱུང་དུ་འགྲོ་ཚུལ་བསྟན་པར་བཞེད་པ་ནི་ལམ་ཉིན་མོར་བྱེད་པ་ལས་གསལ། དེ་ལྟར་ཡིན་ན་བྱང་འཕགས་ཀྱིས་གཟིགས་བྱར་གྱུར་པའི་གནས་ལུགས་དེ་རིགས་པས་དཔྱད་ན་མ་རྙེད་པའི་ཆོས་ཉིད་དེ་ཡིན་མིན་གང་། དང་པོ་ལྟར་ན་དེ་ཡང་ཐབས་བྱུང་གི་དོན་ཚང་བས་ཐབས་བྱུང་དུ་ཁས་ལེན་པ་ལ་གནོད་བྱེད་མ་མཐོང་ཞིང་། གཉིས་པ་ལྟར་ན་བྱང་སེམས་འཕགས་པས་མཐའ་བཞི་དང་བྲལ་བའི་གནས་ལུགས་མ་རྟོགས་པར་ཐལ་བས་སྙིང་པོ་མེད་དོ། །དེས་ན་རྣམ་འགྲེལ་ལས་བཤད་པའི་ཐབས་དང་ཐབས་བྱུང་ནི་ཡུལ་ཅན་གྱི་ཆར་འཆད་དགོས་ཤིང་། འཇུག་པར་བཤད་པའི་ཐབས་ཐབས་བྱུང་ནི་གཙོ་བོ་ཡུལ་གྱི་ཆར་འཆད་དགོས་པས་བཤད་ཚུལ་མི་འདྲ་ལ། ཁས་ལེན་ཚུལ་ཡང་མི་འདྲ་བས་དེ་གཉིས་གཅིག་ཏུ་ཁས་ལེན་དགོས་པའི་དགོས་པ་མ་མཐོང་ངོ། །དེ་ལྟར་མིན་ཐལ་འགྱུར་པའི་དགོངས་པར་ཀ་བ་དང་བུམ་པ་ལ་སོགས་ཐ་སྙད་ཀྱིས་བསྡུས་པའི་ཆོས་དེ་ཐབས་སུ་ཁས་ལེན་མི་ནུས་པར་འགྱུར་ཏེ། རྣམ་འགྲེལ་ལས་བཤད་པའི་ཐ་སྙད་ཚད་མ་དེ་མ་ཡིན་པའི་ཕྱིར་རོ། །དེས་ན་རང་ལུགས་ཀུན་མཁྱེན་ཆེན་པོའི་རྗེས་འབྲང་དུ་ཞལ་གྱིས་བཞེད་པ་དག་གིས་ཐལ་འགྱུར་པའི་གཞུང་ལུགས་ལས་བཤད་པའི་ཐབས་ཐབས་བྱུང་གི་དོན་གོང་གི་ལུང་དོན་ལ་གཟིགས་རྟོག་བྱུང་ན་མ་ཤེས་པའི་གནས་མེད་དོ། །[༨][༩]
པུན་ཌ་རི་ཀའི་དྲི་བསུང་སྤེལ་བའི་དགེས། །སྐལ་ལྡན་བུང་བའི་ཚོགས་རྣམས་ཚིམས་འགྱུར་ཅིག །
ཅེས་པའང་གསེར་ལུང་པད་དཀར་ཆོས་གླིང་དགོན་འཛིན་གྲྭ་ཚང་གི་སློབ་གཉེར་བ་ཀུན་བཟང་སྟོབས་རྒྱས་མིང་པས་བྲིས་པ་དགེའོ། །སྤྱི་ཚེས་ ༣༠/༠༧/༢༠༢༤ ལ་ཡོངས་འབྲེལ་ཐོག་ཏུ་སྤེལ་ཡོད།
གང་སྐུ་ཚུལ་ཁྲིམས་གཙང་བ་རྣམ་དག་གི་ཕུང་པོ། །
གང་གསུང་ཆོས་དབྱངས་སྒྲོག་པ་མཁའ་ཁྱབ་ཀྱི་བདུད་རྩི། ། [༡༡]
གང་ཐུགས་གཞན་ཕན་ལྷག་བསམ་རྒྱུན་སྐྱོང་གི་ངང་ལས། །
གང་འདོད་དངོས་གྲུབ་སྟེར་བའི་བླ་མ་ལ་འདུད་དོ། །
བདེན་གཉིས་གནས་ལུགས་མངོན་དུ་མ་འགྱུར་པར། །
འཁོར་བར་རང་དབང་བྱེད་པའི་ནུས་པས་དབེན། །
དེ་ཕྱིར་མཁྱེན་འདོད་ཆེ་བའི་སྐྱེ་བོ་ལ། །
གཞུང་དོན་ཅི་ནུས་བདག་གིས་འཆད་དོ་ཉོན། །
ཞེས་མཆོདཔར་བརྗོད་པ་དང་དམ་བཅའ་སྔོན་བཏང་གི་མོད་ལ། བདེན་པ་གཉིས་ཀྱི་རྣམ་གཞག་གཏན་ལ་འབེབས་པ་ཡིན་ལ། དགོས་པ་ཅི་ཡིན་ཞེ་ན། ཇོ་བོ་རྗེ་ལྷ་གཅིག་གིས། བདེན་གཉིས་རྣམ་དབྱེ་ཤེས་པ་དག །ཐུབ་པའི་བཀའ་ལ་མི་རྨོངས་ཏེ། །དེ་དག་མ་ལུས་ཚོགས་བསགས་ནས། །ཕུན་ཚོགས་ཕ་རོལ་འགྲོ་བ་ཉིད། །ཞེས་གསུངས་པ་ལྟར་ཡིན་ལགས། དེ་ལ་ཡང་། ༡ གཞུང་འགྲེལ་གྱིས་མདོར་བསྟན། ༢ མཐའ་དཔྱད་ཀྱིས་རྒྱས་པར་བཤད། ༣ ངག་དོན་གྱིས་མཇུག་བསྡུ་བ་དང་གསུམ་ལས།
དང་པོ་གཞུང་འགྲེལ་གྱིས་མདོར་བསྟན་པ་ནི། ཡབ་སྲས་མཇལ་བའི་མདོ་ལས། འཇིག་རྟེན་ཁྱེན་པས་གཞན་ལ་མ་གསན་པར། །བདེན་པ་འདི་གཉིས་ཉིད་ཀྱིས་བསྟན་པར་མཛད། །གང་ཞིག་ཀུན་རྫོབ་དེ་བཞིན་དོན་དམ་སྟེ། །བདེན་པ་གསུམ་པ་འགའ་ཡང་མ་མཆིས་སོ། །ཞེས་གསུངས་པ་དང་། སློབ་དཔོན་ཀླུ་སྒྲུབ་ཀྱིས། སངས་རྒྱས་རྣམས་ཀྱིས་ཆོས་བསྟན་པ། །བདེན་པ་གཉིས་ལ་ཡང་དག་ བརྟེན། །འཇིག་རྟེན་ཀུན་རྫོབ་བདེན་པ་དང་། །དམ་པའི་དོན་གྱི་བདེན་པའོ། །ཞེས་གསུངས་པ་དང་། དབུ་མ་འཇུག་པ་ལས། དངོས་ཀུན་ཡང་དག་བརྫུན་པ་མཐོང་བ་ཡིས། །དངོས་རྙེད་ངོ་བོ་གཉིས་ནི་འཛིན་པར་འགྱུར། །ཡང་དག་མཐོང་ཡུལ་གང་ཡིན་དེ་ཉིད་དེ། །མཐོང་བ་བརྫུན་པ་ཀུན་རྫོབ་བདེན་པ་ གསུངས། །ཞེས་གསུངས་སོ། །
གཉིས་པ་མཐའ་དཔྱད་ཀྱི་རྒྱས་པར་བཤད་པ་ལ། ༡ ཀུན་རྫོབ་བདེན་པ་གཙོ་བོར་བྱས་ནས་བསྟན་པ་དང་། ༢ དོན་དམ་བདེན་པ་མཚོན་པ་ཙམ་གྱི་སྒོ་ནས་བསྟན་པ་གཉིས་ལས། དང་པོ་ཀུན་རྫོབ་བདེན་པ་གཙོ་བོར་བྱས་ནས་བསྟན་པ་ལ། ༡ ཀུན་རྫོབ་བདེན་པ་དང་འཇིག་རྟེན་ ཀུན་རྫོབ་བདེན་པ་གཉིས་ལ་དཔྱད་པ། ༢ ཐ་སྙད་བདེན་པ་དང་ཀུན་རྫོབ་བདེན་པ་གཉིས་ལ་དཔྱད་པ། ༣ ཀུན་རྫོབ་བདེན་པ་རང་གི་ངོ་བོ་དང་དབྱེ་བ་བཤད་པ་དང་གསུམ་ལས།
དང་པོ་ཀུན་རྫོབ་བདེན་པ་དང་འཇིག་རྟེན་ཀུན་རྫོབ་བདེན་པ་གཉིས་ལ་དཔྱད་པ་ནི། ཀུན་རྫོབ་བདེན་པ་དང་འཇིག་རྟེན་ཀུན་རྫོབ་བདེན་པ་གཉིས་ལ་ཁྱབ་ཆེ་ཆུང་གི་ཁྱད་པར་ཡོད་དེ། འཇིག་རྟེན་ཀུན་རྫོབ་བདེན་པ་ཡིན་ན་ཀུན་རྫོབ་བདེན་པ་ཡིན་པས་ཁྱབ་ཀྱང་། ཀུན་རྫོབ་བདེན་པ་ཡིན་ན་འཇིག་ རྟེན་ཀུན་རྫོབ་བདེན་པ་ཡིན་པས་མ་ཁྱབ་སྟེ། ཀུན་རྫོབ་ཙམ་དང་ལོག་པའི་ཀུན་རྫོབ་གཉིས་ཆོས་ཅན། ཀུན་རྫོབ་ཙམ་ནི་འཇིག་རྟེན་ཀུན་རྫོབ་བདེན་པ་མིན་ཏེ། བློ་འཇིག་རྟེན་པའི་ངོར་བདེན་པར་སྣང་བ་མེད་པའི་ཕྱིར། ལོག་པའི་ཀུན་རྫོབ་ཀྱང་འཇིག་རྟེན་ཀུན་རྫོབ་བདེན་པ་མིན་ཏེ། འཇིག་རྟེན་པའི་བློ་ལ་བལྟོས་ནས་ཀྱང་ལོག་པ་ཡིན་པའི་ཕྱིར་རོ། ། དེ་ལྟ་བུའི་ཁྱད་པར་ཡང་རང་གི་རྣམ་པར་རྟོག་པ་ཙམ་མིན་པ་གཞུང་ཚད་ལྡན་རྣམས་ཀྱི་དགོངས་ པ་ཡང་ཡིན་ཏེ། འཇུག་འགྲེལ་ལས། དེ་ཡང་ཉན་ཐོས་དང་རང་སངས་རྒྱས་དང་། བྱང་ཆུབ་སེམས་དཔའ་ཉོན་མོངས་པ་ཅན་གྱི་མ་རིག་པ་སྤངས་པ། འདུ་བྱེད་གཟུགས་བརྙན་ལ་སོགས་པའི་ཡོད་པ་ཉིད་དང་འདྲ་བར་གཟིགས་པ་རྣམས་ལ་ནི་བཅོས་མའི་རང་བཞིན་ཡིན་གྱི་བདེན་པ་ནི་མ་ཡིན་ཏེ། བྱིས་པ་རྣམས་ལ་ནི་བསླུ་བར་བྱེད་པ་ཡིན་ལ། དེ་ལས་གཞན་པ་རྣམས་ལ་ནི་སྒྱུ་མ་ལ་སོགས་པ་ལྟར་རྟེན་ཅིང་འབྲེལ་བར་འབྱུང་བ་ཉིད་ཀྱིས་ཀུན་རྫོབ་ཙམ་དུ་འགྱུར་རོ། །དེ་ཡང་ཤེས་བྱའི་སྒྲིབ་པའི་མཚན་ཉིད་ཅན་མ་རིག་པ་ཙམ་ཀུན་ཏུ་སྤྱོད་པའི་ཕྱིར། ཞེས་གསུངས་པ་དང་། ལོག་པའི་ཀུན་རྫོབ་འཇིག་རྟེན་ཀུན་རྫོབ་བདེན་པ་མིན་པ་ཡང་། ཀུན་མཁྱེན་ཆེན་པོས། རབ་རིབ་དང་ལིང་ཐོག་གི་སྔོན་པོ་དང་། མིག་སེར་ལ་སོགས་པས་དབང་པོ་ཉམས་པས་མཐོང་བ་དང་གྲུབ་མཐའ་ངན་པས་གདགས་པའི་བདག་ལ་སོགས་པ་ཕྱིན་ཅི་ལོག་ཏུ་གནས་པ་དེ་དག་ནི་འཇིག་རྟེན་མ་ཡིན་ཏེ། དེ་དག་གི་ཀུན་རྫོབ་གང་ཡིན་པ་དེ་ནི་འཇིག་རྟེན་ཀུན་རྫོབ་བདེན་པ་མ་ཡིན་པས། ཞེས་གསུངས་སོ། ། དེ་ལྟར་ན་འཇིག་རྟེན་ཀུན་རྫོབ་བདེན་པ་ནི། ཀུན་མཁྱེན་ཆེན་པོས། མ་རིག་པའི་ལིང་ཐོག་གིས་བློའི་མིག་མ་ལུས་པར་ཁེབས་པ་རྣམས་ཀྱི་མཐོང་བ་བརྫུན་པས་རྙེད་པའི་ངོ་བོ་ཞིག་གོ། །ཞེས་གསུངས་པའི་མཚན་ཉིད་ཅན་ཅིག་དགོས་པ་ཡིན་ཏེ། སྤྱོད་འཇུག་གི་འབྲུ་འགྲེལ་དབུ་མའི་ལམ་གྱི་སྒྲོན་མ་ལས། དེའི་དང་པོ་གཏི་མུག་གི་སླད་པ་ཞུགས་ཀྱང་། ཐ་སྙད་ཙམ་དུ་མི་འཁྲུལ་བས་བདེན་པར་བཞག་སྟེ། ཞེས གསུངས་པའི་ཕྱིར།
གཉིས་པ་ཐ་སྙད་བདེན་པ་དང་ཀུན་རྫོབ་བདེན་པ་གཉིས་ལ་དཔྱད་པ་ནི། དེ་གཉིས་ཀྱི་ཁྱད་པར་ཡང་འདི་ལྟར་ཏེ། འཇུག་པར། ཐ་སྙད་བདེན་པ་ཐབས་སུ་གྱུར་པ་དང་། །དོན་དམ་བདེན་པ་ཐབས་འབྱུང་གྱུར་པ་དེ། །ཞེས་པ་ལྟར། ཐ་སྙད་བདེན་པ་ནི་རྣམ་གྲངས་པའི་དོན་དམ་བདེན་པ་དང་། རྣམ་གྲངས་མ་ཡིན་པའི་དོན་དམ་བདེན་པ་གཉིས་ཀྱི་ཐབས་ཅིག་ལ་བཞག་དགོས་པ་མ་གཏོགས། འཇིག་རྟེན་ཐ་སྙད་ཀྱི་ངོར་ཡོད་པ་ཙམ་ལ་ནི་མིན་ཏེ། དཔེར་ན་ནམ་མཁའ་འདི་འཇིག་རྟེན་གྲགས་པའི་ངོར་བདེན་ཀྱང་། དེ་ལས་རྣམ་གྲངས་པ་དང་རྣམ་གྲངས་མིན་པའི་བདེན་པ་གང་ཡང་རྟོགས་མི་ཐུབ་པའི་ཕྱིར་ཡིན་ནོ། །དེའི་ཕྱིར་ཐ་སྙད་བདེན་པ་ཡིན་ན་ཀུན་རྫོབ་བདེན་པ་ཡིན་པས་ཁྱབ་ཀྱང་། ཀུན་རྫོབ་བདེན་པ་ཡིན་ན་ཐ་སྙད་བདེན་པ་ཡིན་པས་མ་ཁྱབ་བོ། ། ཐ་སྙད་བདེན་པ་དོན་དམ་བདེན་པའི་ཐབས་སུ་འགྱུར་ཚུལ་ཡང་། ཀུན་མཁྱེན་ཆེན་པོས། དྭགས་ པོའི་ཆོས་བཞིའི་རྣམ་བཤད་སྐྱེས་བུ་གསུམ་གྱི་ལམ་ཉིན་མོར་བྱེད་པ་ལས། ཀུན་རྫོབ་ཀྱི་བདེན་པའི་ ཐབས་ལས་དོན་དམ་པའི་བདེན་པ་འབྱུང་བས་ཏེ། ཀུན་རྫོབ་ཇི་ལྟར་སྣང་བ་འདི། །རིགས་པས་བརྟགས་ན་འགའ་མི་རྙེད། །མ་རྙེད་པ་ཉིད་དོན་དམ་ཡིན། །ཡེ་ནས་གནས་པའི་ཆོས་ཉིད་དོ། །ཞེས་པའི་ཚུལ་གྱིས་སོ། །ཞེས་གསུངས་སོ། གསུམ་པ་ཀུན་རྫོབ་བདེན་པ་རང་གི་ངོ་བོ་དང་དབྱེ་བ་བཤད་པ་ནི། ཀུན་རྫོབ་བདེན་པའི་ངོ་བོ་ནི། གཞུང་གསུམ་གསལ་བྱེད་ལས། སྣང་ངོར་མི་བསླུ་བའམ། འཁྲུལ་ངོར་མི་བསླུ་བའམ། འཇིག་རྟེན་ཐ་སྙད་དུ་མི་བསླུ་བ། ཞེས་གསུངས་པ་དེ་ཡིན་ནོ། ། མཚན་ཉིད་དེ་ལ་རང་གི་བསམ་ཚུལ་ཅུང་སྨོས་ན། མཚན་ཉིད་དེ་ཡང་། མཚོན་བྱ་རང་ལ་གསུམ་ཀར་བདེན་དགོས་ཀྱང་། རང་གི་མཚན་གཞི་ལ་གང་རུང་ཅིག་ལྡན་ནའང་ཆོག་པར་བསམ་ནས། དེ་དག་གི་དོན་ཡང་། སྣང་ངོར་མི་ བསླུ་བ་ཞེས་པས་མངོན་སུམ་ཚད་མའི་ངོར་མི་བསླུ་བ་དང་། འཁྲུལ་ངོར་མི་བསླུ་བ་ཞེས་པས་བློ་འཁྲུལ་པའི་ངོར་མི་བསླུ་བ་དང་། འཇིག་རྟེན་ཐ་སྙད་དུ་མི་བསླུ་བ་ཞེས་པས་འཇིག་རྟེན་གྲགས་པའི་ངོར་མི་བསླུ་བ་ཅིག་ཡིན་དགོས་པར་སེམས་སོ། །ཀུན་རྫོབ་བདེན་པ་དེ་ལ་དབྱེ་ན། ༡ ཀུན་རྫོབ་ཙམ། ༢ ཡང་དག་ཀུན་རྫོབ། ༣ ལོག་པའི་ཀུན་རྫོབ་རྣམས་ཡིན་ནོ། ། གཉིས་པ་དོན་དམ་བདེན་པ་མཚོན་པ་ཙམ་གྱི་སྒོ་ནས་བསྟན་པ་ཡང་། འཇུག་འགྲེལ་ལས། དོན་དམ་པའི་བདེན་པ་བསྟན་པར་འདོད་པས་དེ་ནི་བརྗོད་དུ་མེད་པའི་ཕྱིར་དང་ཤེས་པའི་ཡུལ་མ་ཡིན་པ་ཉིད་ཀྱི་ཕྱིར་དངོས་སུ་བསྟན་པར་མི་ནུས་པས། ཉན་པར་འདོད་པ་རྣམས་ལ་རང་གི་མྱོང་བ་ཉིད་དུ་དེའི་རང་བཞིན་གསལ་བར་བྱ་བའི་ཕྱིར་དཔེ་བཤད་པ། ཞེས་གསུངས་པ་ལྟར་ཡིན་ཏེ། དེ་བཤད་པ་ལ་ཡང་། ༡ དོན་དམ་པ་དང་དོན་དམ་བདེན་པ་གཉིས་ཀྱི་ཁྱད་པར། ༢ དོན་དམ་བདེན་པ་རང་གི་ངོ་བོ་བཤད་པ་དང་གཉིས་ལས།
དང་པོ་དོན་དམ་པ་དང་དོན་དམ་བདེན་པ་གཉིས་ཀྱི་ཁྱད་པརནི། དོན་དམ་པ་ལ་དབྱེ་ན། སོ་སོ་སྐྱེ་བོ་རྣམས་ཀྱིས་བཞག་པའི་དོན་དམ་པ་དང་། སངས་རྒྱས་ལས་གཞན་པའི་འཕགས་པ་རྣམས་ཀྱི་དོན་དམ་པ་དང་། སངས་རྒྱས་ཀྱི་དོན་དམ་པ་དང་གསུམ་ལས། དང་པོ་ནི། འཕགས་པ་སྣང་བ་དང་བཅས་པའི་སྤྱོད་ཡུལ་ཅན་རྣམས་ཀྱི་ཀུན་རྫོབ་ཡིན་ལ། གཉིས་པ་ནི། ཀུན་རྫོབ་ཙམ། དེ་གཉིས་ཀ་རྣམ་གྲངས་པའི་དོན་དམ་བདེན་པ། གསུམ་པ་ནི། སངས་རྒྱས་ཀྱི་གཟིགས་ངོར་མི་བསླུ་བ་གང་ཡིན་པའོ། །དེ་གསུམ་ལས་དང་པོ་གཉིས་ཐ་སྙད་ཀྱི་ཕྱིར་ཕྱིན་ཅི་མ་ལོག་པས་ཀུན་རྫོབ་ཀྱི་བདེན་པ་ཡིན་ལ། ཕྱི་མ་ནི་དོན་དམ་བདེན་པ་མཚན་ཉིད་པ་ཡིན་ནོ། །
གཉིས་པ་དོན་དམ་བདེན་པ་རང་གི་ངོ་བོ་ནི། ཀུན་མཁྱེན་ཆེན་པོས། ཡང་དག་པའི་མཐོང་བ་ལ་མི་བསླུ་བའམ། གནས་ལུགས་ལ་མི་བསླུ་བས་སམ། སངས་རྒྱས་ཀྱི་གཟིགས་ངོར་མི་བསླུ་བ་དོན་དམ་བདེན་པའི་མཚན་ཉིད་དོ། །ཞེས་གསུངས་པ་དེ་ཡིན་ལགས། རྩ་ཤེར་ལས་ཀྱང་། གཞན་ལས་ཤེས་མིན་ཞི་བ་དང་། །སྤྲོས་པ་རྣམས་ཀྱིས་མ་སྤྲོས་པ། །རྣམ་རྟོག་མེད་དོན་ཐ་དད་མེད། །དེ་ནི་དེའི་མཚན་ཉིད་དོ། །ཞེས་གསུངས་སོ། །
མཚན་ཉིད་བཞག་ཚུལ་དེ་ལ་ཡང་རང་གི་བསམ་ཚུལ་ནི། དང་པོ་ནི་ཡུལ་གྱི་ཆ་ལས་དང་། གཉིས་པ་ཡུལ་ཅན་གྱི་ཆ་ནས་དང་། གསུམ་པ་རྟེན་གྱི་ཆ་ནས་བཞག་པ་མིན་ནམ་མཉམ་སྟེ། དེ་ཡང་ ཀུན་མཁྱེན་ཆེན་པོས། སངས་རྒྱས་ཀྱི་གཟིགས་པ་འབའ་ཞིག་དོན་དམ་པའི་བདེན་པ་ཡིན་ལ། ཞེས་དང་། སངས་རྒྱས་ཀྱི་ཡེ་ཤེས་འབའ་ཞིག་དོན་དམ་བདེན་པ་ཡིན་ཏེ། ཞེས་གསུངས་པ་ལས་རང་གི་རྣམ་པ་རྟོག་པ་དེ་ལྟ་བུ་ཅིག་སྐྱེས་པ་ཡིན་པས་ཀུན་གྱིས་དཔྱོད་པར་མཛོད་ཅིག གང་ལྟར་ཡང་དོན་དམ་བདེན་པ་མཚན་ཉིད་པ་ནི་སྒྲ་རྟོག་གི་ཡུལ་ཐམས་ཅད་ལས་འདས་པ་ཡིན་པས་མང་པོ་སྨྲས་ཀྱང་དོན་མེད་ཀྱི་གནས་སུ་མཐོང་བས་རེ་ཞིག་དེ་ཙམ་ལས་མ་སྤྲོས་སོ། ། གསུམ་པ་ངག་དོན་གྱིས་མཇུག་བསྡུ་བ་ནི། ཀུན་རྫོབ་བདེན་ལ་ཉོན་སྒྲིབ་ཤེས་སྒྲིབ་ལས། །འཇིག་རྟེན་ཀུན་རྫོབ་དང་ནི་ཀུན་རྫོབ་ཙམ། ། མ་རིག་སྒྲིབ་ངོར་རྙེད་དང་མི་རྙེད་ལས། །ཡང་ལོག་ཀུན་རྫོབ་གཉིས་ཀྱི་ཁྱད་པར་ཡོད། ། ཐ་སྙད་ཐབས་ལས་རྟོགས་པའི་དོན་དམ་ཡང༌། །རྣམ་གྲངས་དོན་དམ་ཙམ་ལས་གཞན་མ་མཆིས། དོན་དམ་བདེན་པ་དངོས་ཀྱི་རང་བཞིན་ལ། །བདག་གི་བརྟག་པའི་ནུས་པ་ག་ལ་ཡོད། ། རྫོགས་སངས་རྒྱས་ཀྱང་ལྐུག་པ་རྨི་ལམ་བཞིན། །ཁོ་བོས་དཔྱད་པའི་སྡོམ་ནི་དེ་ཙམ་ལགས། །
སླར་སྨོས་པ་ནི།
ཡང་དག་དོན་ལོག་གྱུར་ན་ཐོལ་ལོ་བཤགས། །
ཚད་མར་ཕྱིར་ན་ཀུན་གྱིས་མཆོད་པར་བཞེས། །
ཅུང་ཙམ་འབད་པའི་དགེ་བ་ཅི་ཐོབ་ཀྱང་། །
ཚེགས་གཉིས་དམ་པར་རྫོགས་པའི་རྒྱུ་རུ་བསྔོ། །
༼བདེན་པ་གཉིས་ཀྱི་རྣམ་གཞག་ཐུན་མིན་ལེགས་བཤད་ཐུབ་པའི་དགོངས་བཞེད་ཞེས་བྱ་བ་བཞུགས་སོ།།༽[༡༢][༡༣] [༡༤]
ཞུན་དགཁྱེད་ཐུགས་གསལ་བའི་མེ་ལོང་ལྟ་བུའི་ངོས། །ཐུབ་པའི་ཐུགས་ཀྱི་གཟུགས་བརྙན་ཇི་བཞིན་ཤར། །
རྣམ་པ་དུ་མའི་ནང་ནས་བདེན་གཉིས་ཚུལ། །ཐུན་མིན་ཇི་བཞིན་བསྟན་པས་གང་ལ་འདུད། །
བདེན་གཉིས་ཚུལ་ནི་མི་རྟོགས་མི་རུང་བས། །དེ་ཕྱིར་བླ་མས་བསྟན་པའི་ཐུབ་པའི་དགོངས། །
གཟུར་གནས་བློ་ཡིས་མ་ལུས་གཟིགས་པ་ལས། །གཞན་ཕྱིར་སྟོན་པའི་དྲིན་ཅན་བླ་མར་འདུད། །
ཁྱེད་ཀྱིས་བཤད་པའི་བདེན་གཉིས་རྣམ་གཞག་ནི། །ཇི་བཞིན་མ་རྟོགས་མྱང་འདས་མེད་ངེས་པས། །
ནམ་ཞིག་བདག་ཀྱང་ཇི་བཞིན་དམིགས་ཐབས་སུ། །བདེན་གཉིས་རྣམ་གཞག་ཅུང་ཟད་དཔྱད་པར་བྱ། །
ཞེས་ཐུབ་པའི་དགོངས་པ་ཇི་བཞིན་རྟོགས་པའི་ཀུན་མཁྱེན་བླ་མ་དང་། བླང་དོར་གྱི་ཐབས་མ་ནོར་བར་སྟོན་པའི་བཀའ་དྲིན་བླ་ན་མ་མཆིས་པའི་དྲིན་ཅན་གྱི་བླ་མ་རྣམས་ལ་ ཕྱག་འཚལ་ནས་མཆོད་པར་བརྗོད་པ་དང་། རྩོམ་པར་དམ་བཅའ་བས་མདུན་བསུས་ཏེ།
རྐང་གཉིས་ཀྱི་གཙོ་བོ་སྟོན་པ་བཅོམ་ལྡན་འདས་ཀྱིས། འཇིག་རྟེན་མཁྱེན་པས་གཞན་ལ་མ་གསན་པར། །བདེན་པ་དེ་གཉིས་ཉིད་ཀྱིས་བསྟན་པར་མཛད། ། ཅེས་དང་། སློབ་དཔོན་ཟླ་བ་གྲགས་པས། དངོས་ཀུན་ཡང་དག་བརྫུན་པ་མཐོང་བ་ཡིས། །དངོས་རྙེད་ངོ་བོ་གཉིས་ནི་འཛིན་པར་འགྱུར། ། ཞེས་གསུངས་པའི་བརྗོད་བྱ་བདེན་པ་གཉིས་ལ་ མཁས་པ་རྣམས་ཀྱིས་བཤད་ཚུལ་དང་བཞེད་ཚུལ་མི་འདྲ་བ་དུ་མ་ཡོད་པ་ལས། འདིར་ཀུན་མཁྱེན་ཆེན་པོའི་བཞེད་ཚུལ་ཁྱད་པར་ཅན་དང་མི་འགལ་བར་ ཅུང་ཟད་དཔྱད་པར་བྱ་བ་ཡིན་ལ།
དེ་ཡང་རྒྱལ་སྲས་ཞི་བ་ལྷས། སྔོན་ཆད་མ་བྱུང་བ་ཡང་འདིར་བརྗོད་མེད། །སྡེབ་སྦྱོར་མཁས་པའང་བདག་ལ་ཡོད་མིན་ཏེ། །དེ་ཕྱིར་གཞན་དོན་བསམ་པ་བདག་ལ་མེད། ། ཅེས་གསུངས་པ་ལྟར་ཡིན་ཡང་། ཡང་དེ་ཉིད་ཀྱིས། རང་གི་ཡིད་ལ་བསྒོམ་ཕྱིར་ངས་འདི་བརྩམས། ། ཞེས་གསུངས་པ་བཞིན། རང་གི་ཡིད་ལ་བསྒོམ་པ་ཅུང་ཐོབ་པ་ལ་དམིགས་ཏེ་ཅུང་ཟད་དཔྱད་པར་བྱ་བ་འདི་ཡང་།
གཞན་གྱི་རྣམ་རྟོག་ངན་པས་བཞག་པའི་ལུགས་འགག རང་གི་བློ་ལ་འཆར་ཚུལ་གྱི་ལུགས་དོན་མཐུན་བསྟན། སྐྱོན་མེད་ཀྱི་ལུགས་ལ་སྐྱོན་བརྗོད་པའི་རྩོད་པ་སྤོང་བ་སྟེ། སྔོན་བྱོན་མཁས་པ་རྣམས་ཀྱི་བཤད་ཚུལ་དང་མཐུན་པའི་ས་བཅད་ཆེན་པོ་གསུམ་གྱི་སྒོ་ནས་བཤད་པ་ལས།
དང་པོ་གཞན་གྱི་རྣམ་རྟོག་ངན་པས་བཞག་པའི་ལུགས་འགག་པ་ནི། ཁ་ཅིག རྣམ་གྲངས་པའི་དོན་དམ་བདེན་པ་དོན་དམ་བདེན་པ་ཡིན་ལ་ བྱང་སེམས་ཀྱིས་ཀྱང་དོན་དམ་བདེན་པ་རྟོགས་ཞེས་ཟེར་རོ། །དེ་ནི་དོན་མཐུན་མ་ཡིན་ཏེ། སློབ་དཔོན་ཟླ་བ་གྲགས་པས་ དབུ་མ་འཇུག་པའི་རང་འགྲེལ་དུ། དེ་ལ་སོ་སོའི་སྐྱེ་བོ་རྣམས་ཀྱི་དོན་དམ་པ་གང་ཡིན་པ་དེ་ཉིད་འཕགས་པ་སྣང་བ་བཅས་པའི་སྤྱོད་ཡུལ་ཅན་རྣམས་ཀྱི་ཀུན་རྫོབ་ཙམ་ཡིན་ལ། དེའི་རང་བཞིན་སྟོང་པ་ཉིད་གང་ཡིན་པ་དེ་ནི་དེ་རྣམས་ཀྱི་དོན་དམ་པའོ། །སངས་རྒྱས་རྣམས་ཀྱི་དོན་དམ་པ་ནི་རང་བཞིན་ཉིད་ཡིན་ཞིང་། དེ་ཡང་སླུ་བ་མེད་པ་ཉིད་ཀྱིས་དོན་དམ་པའི་བདེན་པ་ཡིན་ལ། ཞེས་གསུངས་པས་ འཕགས་པ་རྣམས་ཀྱི་དོན་དམ་པ་ནི་ དོན་དམ་པའི་བདེན་པ་མ་ཡིན་པར། སངས་རྒྱས་ཀྱི་དོན་དམ་པ་ཁོ་ན་ དོན་དམ་པའི་བདེན་པ་ཡིན་པར་བཞེད་པའི་ཕྱིར་རོ། །དེ་ལ་ལྟོས་ནས་དོན་དམ་དང་དོན་བདེན་པ་གཉིས་ལ་ཁྱད་པར་ཕྱེ་དགོས་པར་ཤེས་སོ། །
ཡང་དེ་ཉིད་ལས། དོན་དམ་པར་བདེན་པ་གཉིས་ཡོད་པ་མ་ཡིན་ཏེ། དགེ་སློང་དག་བདེན་པ་འདི་ནི་གཅིག་སྟེ། འདི་ལྟ་སྟེ། མི་བསླུ་བའི་ཆོས་ཅན་མྱ་ངན་ལས་འདས་པའོ། །འདུ་བྱེད་ཐམས་ཅད་ནི་རྫུན་པ་སླུ་བའི་ཆོས་ཅན་ཡིན་ནོ་ཞེས་འབྱུང་བའི་ཕྱིར་རོ། ། ཞེས་གསུངས་པས་ མྱ་ངན་ལས་འདས་པ་ཁོ་ན་དོན་དམ་བདེན་པར་བཞེད་པའི་ཕྱིར་དང་།
ཡང་དེ་ཉིད་དུ། དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱི་ཡུལ་ཉིད་ཀྱིས་བདག་གི་ངོ་བོ་རྙེད་པ་ཡིན་གྱི། ཞེས་གསུངས་ཤིང་། འདིའི་དགོངས་པ་ཇི་བཞིན་དུ་བཀྲལ་མཁན་ རྒྱ་གར་གྱི་མཁས་པ་སློབ་དཔོན་ཛ་ཡ་ཨ་ནན་ཏས་ དབུ་མ་ལ་འཇུག་པའི་འགྲེལ་བཤད་ལས། ཡེ་ཤེས་ཀྱི་ཁྱད་པར་གྱི་ཡུལ་ཉིད་ཀྱིས་ཞེས་བྱ་བ་ནི་ཉོན་མོངས་པ་དང་ཤེས་བྱའི་སྒྲིབ་པ་བག་ཆགས་དང་བཅས་པ་སྤངས་པ་ནི་ཡེ་ཤེས་ཀྱི་ཁྱད་པར་ཡིན་ལ། ཞེས་གསུངས་པས། ཉོན་མོངས་པ་དང་ཤེས་བྱའི་སྒྲིབ་པ་བག་ཆགས་དང་བཅས་པ་སྤངས་པ་ནི་སངས་རྒྱས་ཁོ་ན་ཡིན་པས་ དོན་དམ་བདེན་པ་སངས་རྒྱས་ཁོ་ནས་རྟོགས་པར་བསྟན་པའི་ཕྱིར་རོ། །
ཡང་ལ་ལས། ཀུན་མཁྱེན་ཆེན་པོའི་བཞེད་པ་ལའང་ བྱང་སེམས་ཀྱིས་དོན་དམ་བདེན་པ་རྟོགས་ཞེས་འདོད་པ་རྣམས་ནི་སྔར་ལས་ཀྱང་དམན་ལ་ཤིན་ཏུ་མི་འཐད་པར་ཡིན་ཏེ། ཀུན་མཁྱེན་འདི་ཉིད་ཀྱིས་ དབུ་མའི་གཞུང་གསུམ་གསལ་བྱེད་དུ། སངས་རྒྱས་ཀྱི་གཟིགས་པ་འབའ་ཞིག་དོན་དམ་པའི་བདེན་པ་ཡིན་ལ། གཞན་ནི་ཀུན་རྫོབ་ཀྱི་བདེན་པ་ཡིན་ནོ། ། ཞེས་དང་།
དེ་ཡང་སྒྲིབ་པ་ཕྲ་མོ་དང་བཅས་པའི་ཕྱིར་སངས་རྒྱས་ཀྱི་ཡེ་ཤེས་ལ་ལྟོས་ནས་རྫུན་པར་བཞག་སྟེ། སངས་རྒྱས་ཀྱི་ཡེ་ཤེས་འབའ་ཞིག་དོན་དམ་བདེན་པ་ཡིན། ཞེས་དང་།
རྣམ་གྲངས་པའི་དོན་དམ་བདེན་པ་དེ་ཡང་། ཐ་སྙད་ཀྱི་ཕྱིར་ཕྱིན་ཅི་མ་ལོག་པས་ཀུན་རྫོབ་ཀྱི་བདེན་པ་ཡིན་ནོ། ། ཞེས་གསུངས་པས། དངོས་བསྟན་གྱི་ལུང་རྒྱ་མཚོ་ཆེན་པོ་སྣག་ཚར་དང་ནམ་མཁའ་ཤོག་བུར་གྱུར་ནས་འབྲི་ཡང་མི་ལོངས་བའི་ལུང་གསལ་བ་དུ་མ་མཆིས་ཀྱང་། དེ་ལ་ཚིག་བསྣན་ནས་དགོངས་པ་ཕྱིན་ཅི་ལོག་ཏུ་འགྲེལ་བ་ནི་ གཞན་གྱི་ལྟ་བས་རྒྱུད་བསླད་པ་ཡིན་པས།
གཞན་ལུགས་སྒྱུ་མའི་ནོར་བུ་ལྟ་བུ་ལ། །
རྨོངས་ཞེན་འདོར་ནས་མཁས་པའི་མིག་ཕྱེ་ནས། །
རང་ལུགས་གཡོ་ཟོལ་མེད་པའི་ནོར་བུ་ནི། །
རིན་ཐང་མཐོང་ནས་ལེན་ན་མི་ལེགས་སམ། །
ཞེས་པའང་དྲན་གསོའི་ཚུལ་གྱི་དྲི་བ་ཙམ་མོ། །
ཡང་ཀུན་མཁྱེན་ཆེན་པོས། སྣང་ངོར་མི་བསླུ་བའམ། འཁྲུལ་ངོར་མི་བསླུ་བའམ། འཇིག་རྟེན་གྱི་ཐ་སྙད་དུ་མི་བསླུ་བ་ཀུན་རྫོབ་བདེན་པའི་མཚན་ཉིད་དང་། ཡང་དག་པའི་མཐོང་བ་ལ་མི་བསླུ་བའམ། གནས་ལུགས་ལ་མི་བསླུ་བས་སམ། སངས་རྒྱས་ཀྱི་གཟིགས་ངོར་མི་བསླུ་བ་དོན་དམ་བདེན་པའི་མཚན་ཉིད་དུ་གསུངས་པ་ལ།
ཁ་ཅིག དེ་མཚན་ཉིད་ཀྱི་ཟུར་ཡིན་པས་ སྣང་ངོར་མི་བསླུ་བས་ཀུན་རྫོབ་ཙམ་དང་། འཁྲུལ་ངོར་མི་བསླུ་བས་ལོག་པའི་ཀུན་རྫོབ་དང་། འཇིག་རྟེན་གྱི་ཐ་སྙད་དུ་མི་བསླུ་བས་ཀུན་རྫོབ་བདེན་པ་མཚོན་ཟེར་བ་དང་། ཡང་དག་པའི་མཐོང་བ་ལ་མི་བསླུ་བས་བྱང་སེམས་ཀྱི་རྟོགས་བྱར་གྱུར་པའི་དོན་དམ་བདེན་པ་དང་། གནས་ལུགས་ལ་མི་བསླུ་བས་རིགས་ཤེས་རྗེས་དཔག་གི་འཛིན་བྱར་གྱུར་པའི་དོན་དམ་བདེན་པ་དང་། སངས་རྒྱས་ཀྱི་གཟིགས་ངོར་མི་བསླུ་བས་སངས་རྒྱས་ཀྱི་གཟིགས་བྱར་གྱུར་པའི་དོན་དམ་བདེན་པ་མཚོན་པ་ཡིན་ཞེས་ཟེར་རོ། །
དེ་ནི་རིགས་པ་མ་ཡིན་ཏེ། ཀུན་རྫོབ་བདེན་པའི་མཚན་ཉིད་ཀྱི་འགྲེལ་བཤད་ལ་ལྟོས་ན་ དེ་ཀུན་རྫོབ་བདེན་པའི་མཚན་ཉིད་མ་ཡིན་པ་དང་། ཡང་ན་ཟླ་གཉིས་དང་སྐྲ་ཤད་རྣམས་ཀྱང་ཀུན་རྫོབ་བདེན་པ་ཡིན་པ་གང་རུང་ཁས་ལེན་དགོས་པས། སྔ་མ་ལྟར་ན། མཚན་ཉིད་དེའི་མཇུག་ཏུ་ཀུན་རྫོབ་ཀྱི་བདེན་པའི་མཚན་ཉིད་དུ་བཤད་ནས། ཞེས་གསུངས་པ་དང་འགལ་བ་དང་། ཕྱི་མ་ལྟར་ན་ ཧ་ཅང་ཐལ་ལོ། །དོན་དམ་བདེན་པའི་མཚན་ཉིད་ཀྱི་འགྲེལ་བཤད་ལ་ལྟོས་ན་ དོན་དམ་བདེན་པ་སངས་རྒྱས་ཁོ་ནའི་ཡུལ་མ་ཡིན་པར༌གྱུར་བས་ སྔར་གི་ལུང་གིས་གནོད་པར་འགྱུར་རོ། །
ཡང་ཁ་ཅིག་དེ་ལ་ དོན་དམ་བདེན་པ་དང་ཀུན་རྫོབ་བདེན་པ་རེ་རེ་ལའང་མཚན་ཉིད་གསུམ་གསུམ་རེ་གདམ་ཁ་ཡིན་ཟེར། དེ་ཡང་རིགས་པ་མིན་ཏེ་ མཚོན་བྱ་གཅིག་ལ་མཚན་ཉིད་གཉིས་གསུམ་བཞག་པ་ནི་མཁས་པའི་བཤད་ཚུལ་མ་ཡིན་པའི་ཕྱིར་རོ། །
གཉིས་པ་རང་གི་བློ་ལ་འཆར་ཚུལ་གྱི་ལུགས་དོན་མཐུན་བསྟན་པ་ལ། དོན་དམ་བདེན་པ་དང་ཀུན་རྫོབ་བདེན་པའི་ངོས་འཛིན། དེ་གཉིས་ཀྱི་མཚན་ཉིད་ལ་དོགས་གཅོད། དབུ་མ་པའི་ས་མཚམས་ས་དང་པོ་ནས་འཇོག་པའི་རྒྱུ་མཚན། ཀུན་རྫོབ་བདེན་པའི་ངོས་འཛིན་བདེར་སྣང་འདོད་པ་གཉིས་པ་བསྟན་པ་དང་བཞི་ལས། དང་པོ་ནི། དོན་དམ་བདེན་པ་ནི་སངས་རྒྱས་ཁོ་ནའི་གཟིགས་བྱར་གྱུར་པའི་ཡུལ་ཡིན་ལ་ སངས་རྒྱས་ལས་གཞན་པས་དོན་དམ་བདེན་པ་རྟོགས་མི་ནུས་པ་ཡིན་ཏེ། སློབ་དཔོན་ཀླུ་སྒྲུབ་ཀྱིས། མྱ་ངན་འདས་པ་བདེན་གཅིག་པུར། །རྒྱལ་བ་རྣམས་ཀྱིས་གང་གསུངས་པ། །དེ་ཚེ་ལྷག་མ་ལོག་པ་ཞེས། །མཁས་པ་སུ་ཞིག་རྟོགས་མི་བྱེད། ། ཅེས་གསུངས་པའི་ཕྱིར་རོ། །དེས་ན་རང་ལུགས་ལ་དོན་དམ་དང་དོན་དམ་བདེན་པ་གཉིས་ལ་ཁྱད་པར་ཆེ་བས་བྱང་སེམས་ཀྱིས་དོན་དམ་རྟོགས་པར་གསུངས་པའི་གཞུང་ཚིག་ཁུངས་ལྡན་གསལ་ཡང་། དེས་དོན་དམ་བདེན་པ་རྟོགས་པར་བསྟན་པའི་འཕགས་པའི་ཡུལ་གྱི་གཏན་ཚིགས་རིགས་པའི་ལུང་གར་ཡང་མི་སྣང་ངོ། །
རྒྱ་གར་མཁས་པའི་དགོངས་པ་ཟེའུ་འབྲུ་ནི། །
མཁས་པ་ཕལ་ཆེའི་ངོར་ནི་སྦུབས་སུ་བཞུགས། །
བླ་མའི་ཐུགས་རྗེའི་འོད་ཀྱིས་གསལ་མོད་ཀྱང་། །
ཡང་ཕྱིས་གཞན་ལུགས་གོམས་པས་མིག་ལོང་གྱུར། །
ཞེས་པའང་རྟོག་འཆར་གྱི་ངལ་གསོའི་ཚིག་གོ། །
ཀུན་རྫོབ་བདེན་པ་ནི་ཐ་སྙད་ཚད་མ་ལ་མི་བསླུ་བའི་ཆོས་ཁོ་ན་ཡིན་པས་ སྐྲ་ཤད་དང་ཟླ་གཉིས་སོགས་ཀུན་རྫོབ་བདེན་པར་མི་རུང་བ་ཡིན་ཏེ། སྐྲ་ཤད་དང་ཟླ་གཉིས་ གཟུགས་བརྙན་ལ་སོགས་པ་གང་ཞིག་དབང་པོ་རྣམས་ལ་གནོད་པ་ཡོད་པ་ ཡུལ་གྱི་ངོ་བོ་ཉིད་དུ་སྣང་བ་དེ་ནི་ འཇིག་རྟེན་ཉིད་ལ་ལྟོས་ནས་ལོག་པ་ཡིན་ལ། ཐ་སྙད་བདེན་པ་བསྟན་པའི་སྐབས་སུ་ ཐམས་ཅད་མཁྱེན་པས་ཀྱང་། གང་འཇིག་རྟེན་ན་ཡོད་པར་འདོད་པ་དེ་ནི་ང་ཡང་ཡོད་པར་བཞེད་དོ། །གང་འཇིག་རྟེན་ན་མེད་པར་འདོད་པ་དེ་ནི་ང་ཡང་མེད་པར་བཞེད་དོ། ། ཞེས་གསུངས་པས་སོ། །དེས་ན་ཀུན་རྫོབ་བདེན་པ་དང་ཀུན་རྫོབ་ལ་ཁྱད་པར་ཆེ་བས་སྐྲ་ཤད་སོགས་ཀུན་རྫོབ་ཡིན་ཡང་ཀུན་རྫོབ་བདེན་པ་མ་ཡིན་པས། ཡང་ལོག་གཉིས་སུ་དབྱེ་བའང་ཀུན་རྫོབ་ལ་དབྱེ་བ་ཡིན་གྱི་ཀུན་རྫོབ་བདེན་པའི་དབྱེ་བ་དངོས་མིན་པས། འདིའི་དངོས་བཏགས་མ་ཕྱེ་བའི་དབྱེ་བ་ཙམ་མོ། །
གཉིས་པ་དེ་གཉིས་ཀྱི་མཚན་ཉིད་ལ་དོགས་གཅོད་ནི། སྣང་ངོར་མི་བསླུ་བའམ། འཁྲུལ་ངོར་མི་བསླུ་བའམ། འཇིག་རྟེན་གྱི་ཐ་སྙད་དུ་མི་བསླུ་བ་ཀུན་རྫོབ་བདེན་པའི་མཚན་ཉིད་དང་། ཡང་དག་པའི་མཐོང་བ་ལ་མི་བསླུ་བའམ། གནས་ལུགས་ལ་མི་བསླུ་བས་སམ། སངས་རྒྱས་ཀྱི་གཟིགས་ངོར་མི་བསླུ་བ་དོན་དམ་བདེན་པའི་མཚན་ཉིད་དུ་གསུངས་པའི་མཚན་ཉིད་ནི། ཀུན་རྫོབ་བདེན་པའི་མཚན་ཉིད་གཅིག་དང་། དོན་དམ་བདེན་པའི་མཚན་ཉིད་གཅིག་ཡིན་པས་ མཚན་ཉིད་གཉིས་གསུམ་དུ་ཐལ་བའི་སྐྱོན་ཡང་མེད་ལ། ཀུན་རྫོབ་བདེན་པའི་མཚན་ཉིད་ཟུར་གསུམ་ཀས་ ཐ་སྙད་ཚད་མའི་ཡུལ་མཚོན་པ་དང་། དོན་དམ་བདེན་པའི་མཚན་ཉིད་ཟུར་གསུམ་ཀས་ སངས་རྒྱས་ཀྱི་གཟིགས་བྱར་གྱུར་པའི་ཡུལ་མཚོན་པས། སྐྲ་ཤད་སོགས་ཀུན་རྫོབ་བདེན་པར་ཐལ་བ་དང་། རྣམ་གྲངས་པའི་དོན་དམ་བདེན་པ་དོན་དམ་བདེན་པར་ཐལ་བའི་སྐྱོན་ཡང་མེད་དོ། །
དེ་གཉིས་མཚན་ཉིད་ཟུར་རེ་རེས་མཚོན་ནུས་པ་ལ་ཟུར་གསུམ་གསུམ་གསུངས་པའི་དགོས་པ་ཡང་མེད་པ་མིན་ཏེ། ཀུན་རྫོབ་བདེན་པའི་མཚན་ཉིད་ལ་ སྣང་ངོར་མི་བསླུ་བ་ནི་ཡུལ་གྱི་ཆ་ནས་དང་། འཁྲུལ་ངོར་མི་བསླུ་བ་ནི་ཡུལ་ཅན་གྱི་ཆ་ནས་དང་། འཇིག་རྟེན་གྱི་ཐ་སྙད་དུ་མི་བསླུ་བ་ནི་བརྟེན་གྱི་ཆ་ནས་བཞག་པ་དང་། དོན་དམ་བདེན་པའི་མཚན་ཉིད་ལ་ ཡང་དག་པའི་མཐོང་བ་ལ་མི་བསླུ་བ་ནི་ཡུལ་ཅན་གྱི་ཆ་ནས་དང་། གནས་ལུགས་ལ་མི་བསླུ་བ་ནི་ཡུལ་གྱི་ཆ་ནས་དང་། སངས་རྒྱས་ཀྱི་གཟིགས་ངོར་མི་བསླུ་བ་ནི་བརྟེན་གྱི་ཆ་ནས་འཇོག་པས་གོ་སླ་བའི་ཆེད་དོ། །
གསུམ་པ་དབུ་མ་པའི་ས་མཚམས་ས་དང་པོ་ནས་འཇོག་པའི་རྒྱུ་མཚན་ནི། ཀུན་མཁྱེན་ཆེན་པོས་ ཆོས་འཁོར་དོགས་གཅོད་ལས། ས་དང་པོ་ནས་ཆེན་པོར་སོང་བས་དབུ་མ་པའི་ས་མཚམས་དེ་ནས་འཛིན་པ་ཡིན། དེ་ཡན་དུ་དབུ་མའི་ལྟ་བ་གོ་བ་ཙམ་ལས་རྙེད་པར་མི་འགྱུར་ཏེ། གོ་བ་དེ་ཡང་བློས་གཞལ་བ་ཉིད་ཀྱི་བསམ་པའི་མཐར་ཟད་པས་རེ་ཞིག་པའི་དབུ་མར་རུང་ཡང་ཇི་ལྟ་བ་ནི་མ་ཡིན་པས། གདུལ་བྱའི་གཙོ་བོ་དེ་ནས་སོ། ། ཞེས་དབུ་མ་པའི་ས་མཚམས་ས་དང་པོ་ནས་གསུངས་འདུག་པས།
ཐེག་ཆེན་ཚོགས་ལམ་པ་དང་སྦྱོར་ལམ་པ་རྣམས་ ཐེག་ཆེན་ཡིན་ཡང་དབུ་མ་པ་མིན་པའི་རྒྱུ་མཚན་ཅི། ཉན་ཐོས་དང་རང་རྒྱལ་དགྲ་བཅོམ་པ་རྣམས་ བྱང་སེམས་འཕགས་པ་དང་བདག་མེད་མངོན་སུམ་དུ་རྟོགས་པར་མཚུངས་ཀྱང་དབུ་མ་པ་མིན་པའི་རྒྱུ་མཚན་ཅི་སྙམ་ན། དོགས་པ་གཉིས་པ་དེ་འགོག་སླ་བས་དང་པོར་དེ་འགོག་ན་ ཉན་ཐོས་དང་རང་རྒྱལ་རྣམས་ཐབས་སྙིང་རྗེ་ཆེན་པོ་དང་མི་ལྡན་པས་ཐེག་ཆེན་སེམས་བསྐྱེད་ཡོད་པར་འཇོག་མི་ནུས་པའི་ཕྱིར་དང་ ཐེག་ཆེན་དུ་ཡང་བཞག་མི་ནུས་ན་དབུ་མ་པར་འཇོག་མི་ནུས་པ་ནི་དེ་ཁར་གྲུབ་བོ། །
ཐེག་ཆེན་ཚོགས་ལམ་པ་དང་སྦྱོར་ལམ་པ་རྣམས་ སྟོང་ཉིད་དམ་སྤྲོས་བྲལ་མངོན་སུམ་དུ་རྟོགས་མི་ནུས་པས་ཐེག་ཆེན་ཡིན་ཡང་དབུ་མ་པར་མི་བཞག་གོ། །དེས་ན་དབུ་མ་པ་ཡིན་ན་ཐབས་སྙིང་རྗེ་ཆེན་པོ་དང་ལྡན་པའི་སྒོ་ནས་ སྤྲོས་བྲལ་མངོན་སུམ་དུ་རྟོགས་པ་ཞིག་དགོས་སོ། །སྤྲོས་བྲལ་མངོན་སུམ་དུ་རྟོགས་ཞེས་མངོན་སུམ་སྦྱར་བ་དེ་ཡང་ ཞེན་པ་ཤུགས་ཆེ་བའི་དབང་དུ་བྱས་པ་ཡིན་གྱི། དངོས་ན་ནི་རིགས་ཤེས་རྗེས་དཔག་གིས་སྤྲོས་བྲལ་རྟོགས་མི་ནུས་ལ་ སྤྲོས་བྲལ་རྟོགས་ན་མངོན་སུམ་ཡིན་དགོས་ཏེ། རྗེས་དཔག་གིས་སྤྲོས་བྲལ་ལོ་སྙམ་དུ་འཛིན་པ་དེ་ཁ་རང་ སྤྲོས་བྲལ་ཡིན་པ་དང་སྤྲོས་བྲལ་ཞིག་ཡོད་པར་འཛིན་སོང་བས་ སྤྲོས་པའི་མཐའ་གང་རུང་དུ་ཞུགས་པའི་ཕྱིར་ན་སྤྲོས་བྲལ་རྟོགས་པར་མི་རུང་བའི་ཕྱིར་རོ། །དེས་ན་གོང་དུ་བཤད་པའི་ཁྱད་ཆོས་གཉིས་ནི་དབུ་མའི་ལྟ་བ་ཡིན་ལ་ ལྟ་བ་དེ་ཡང་ས་དང་པོ་ནས་ལྡན་གྱི་དེ་ཡན་དུ་མི་ལྡན་པས་ དབུ་མ་པའི་ས་མཚམས་ས་དང་པོ་ནས་འཛིན་པ་ཡིན་ནོ། །
བཞི་པ་ཀུན་རྫོབ་བདེན་པའི་ངོས་འཛིན་བདེར་སྣང་འདོད་པ་གཉིས་པ་ནི། དཔྱད་རྩོམ་༼ཀུན་རྫོབ་བདེན་པའི་རྣམ་བཤད་དོན་ཆེན་སྨྲ་བའི་སེང་སྒྲ་༽ཞེས་བྱ་བའི་སྐབས་སུ་གསལ་བར་བསྟན་པས་དེར་གཟིགས་སོ། །
གསུམ་པ་སྐྱོན་མེད་ཀྱི་ལུགས་ལ་སྐྱོན་བརྗོད་པའི་རྩོད་པ་སྤོང་བ་ནི། གལ་ཏེ་ཁྱོད་རའི་ལུགས་ལའང་བྱང་སེམས་ཀྱིས་ཀྱང་དོན་དམ་བདེན་པ་རྟོགས་པར་ཐལ་ཏེ། དེས་སྟོང་ཉིད་རྟོགས་པའི་ཕྱིར་ཟེར་ན། མ་ཁྱབ་སྟེ། སྟོང་ཉིད་ཡིན་ན་དོན་དམ་བདེན་པ་ཡིན་པས་མ་ཁྱབ་ལ་ དོན་དམ་བདེན་པ་ནི་སྟོང་ཉིད་མཐར་ཐུག་པ་སྟེ། སངས་རྒྱས་ཀྱི་གཟིགས་བྱར་གྱུར་པའི་སྟོང་ཉིད་ཁོ་ན་ཡིན་ནོ། །དེས་ན་བྱང་སེམས་ཀྱི་རྟོགས་བྱར་གྱུར་པའི་སྟོང་ཉིད་དང་ སངས་རྒྱས་ཀྱི་རྟོགས་བྱར་གྱུར་པའི་སྟོང་ཉིད་ལ་ཁྱད་པར་ཡོད་པས། ས་དང་པོ་ནས་ས་བཅུ་པའི་བར་ཤེས་སྒྲིབ་དང་དེའི་བག་ཆགས་སྤོང་དགོས་པའི་གནད་འཐོན་ནོ། །ཡང་གསལ་བ་དང་རྫོགས་པ་མཐོང་མ་མཐོང་གི་ཡུལ་གཉིས་ལའང་ཐ་སྙད་དུ་ཡུལ་གཅིག་ལ་ཁྱད་པར་མེད་པར་རྨོངས་ཀྱང་ དོན་ལ་ཁྱད་པར་ཤིན་ཏུ་ཆེའོ། །
འོ་ན་སྟོང་ཉིད་དང་། ཆོས་ཀྱི་དབྱིངས། གནས་ལུགས་སོགས་དོན་གཅིག་ཡིན་པས། གནས་ལུགས་ལ་མི་བསླུ་བ་ཡིན་ན་དོན་དམ་བདེན་པ་ཡིན་པས་མ་ཁྱབ་སྟེ། བྱང་སེམས་ཀྱི་རྟོགས་བྱར་གྱུར་པའི་སྟོང་ཉིད་དེ་གནས་ལུགས་ལ་མི་བསླུ་བ་ཡིན་ཡང་དོན་དམ་བདེན་པ་མ་ཡིན་པའི་ཕྱིར། འདོད་ན། དོན་དམ་བདེན་པའི་མཚན་ཉིད་སྐྱོན་ཅན་དུ་གྱུར་རོ་ཞེ་ན། གོང་དུ་རྟགས་མ་གྲུབ་སྟེ། ཁྱོད་གནས་ལུགས་ཀྱང་ཡིན་ལ་མི་བསླུ་བའང་ཡིན་པ་ཙམ་གྱི་གནས་ལུགས་ལ་མི་བསླུ་བར་མི་ཆོག་སྟེ། དེ་ཡིན་ན་གནས་ལུགས་ཀྱི་ནང་ནས་གནས་ལུགས་མཆོག་ཏུ་གྱུར་པ་ འདི་ལས་གོང་ན་མེད་པ་ཞིག་དགོས་སོ། །གཞན་དུ་ན་མཚན་ཉིད་ཀྱི་སྐབས་སུ་གནས་ལུགས་ལ་མི་བསླུ་བ་ཞེས་མིན་པར་གནས་ལུགས་ཞེས་འཇོག་ཀྱང་ཆོག་པ་ལས་དེ་ཙམ་ཞིག་མ་འཇོག་པའི་གནད་ཡོད་དོ། །
དོན་དམ་བདེན་པ་སངས་རྒྱས་ཁོ་ནས་རྟོགས། །
སྟོང་ཉིད་ཡིན་ན་དོན་བདེན་ཡིན་མི་དགོས། །
རྗེས་དཔག་སྤྲོས་བྲལ་རྟོགས་པར་མི་ནུས་པ། །
ཁོ་བོའི་རྟོག་པས་བཞག་པའི་སྡོམ་ཚིག་གོ། །
ཞེས་ཁོ་བོའི་རྣམ་རྟོག་དམན་པས་རྙེད་པའི་སྡོམ་ཚིག་དང་བཅས་པའི་ དཔྱད་རྩོམ་བདེན་པ་གཉིས་ཀྱི་རྣམ་གཞག་ཐུན་མིན་ལེགས་བཤད་ཐུབ་པའི་དགོངས་བཞེད་ཞེས་བྱ་བ་རྫོགས་སོ། །
དོན་མཐུན་བྲིས་ནས་མཆོད་པར་མ་ནུས་ཀྱང་། །གཞུང་ལ་དཔྱད་པའི་འབད་རྩོལ་ཅུང་བྱས་པས། །
དགེ་བ་ཆུ་ཐིག་ཙམ་ཞིག་རྙེད་སྲིད་ན། །འདི་ཡིས་འགྲོ་ཀུན་དོན་གཉིས་མཐར་ཕྱིན་ཤོག །
གསེར་ལུང་དགོན་འཛིན་གྱི་སློབ་གཉེར་བ་ མཁོ་ཐང་བསོད་ནམས་རྒྱལ་མཚན༼ཤར་གྱི་གཅེས་ཕྲུག༽ མིང་པས་བྲིས་པའོ།།
ཀུན་མཁྱེན་འབྲུག་པའི་ཞལ་ནས། བཀའ་དྲིན་ལན་བློན་བདག་ལ་མཐུ་མེད་ཀྱང་། །ལུས་ངག་ཡིད་གསུམ་གང་གི་འབངས་སྦྱར་ནས། །ཚུལ་གནས་ཐོས་བསམ་སྒོམ་ལ་འབད་པ་ཡིས། །ཁྱེད་ཀྱི་བསྟན་པ་འཛིན་སྐྱོང་སྤེལ་བར་ཤོག །ཅེས་སུངས་པ་ལྟར། བདག་ཅག་བུ་བརྒྱུད་པ་རྣམས་ཀྱི་གཙུག་གི་རྒྱན༌དང༌སྙིང་གི་ནོར་བུ་ལྟ་བུར་གྱུར་པའི་བཀའ་བརྒྱུད་གོང་མ་རྣམས་ཀྱི་བཀའ་དྲིན་ལན་ཐབས་གཞན་གྱིས་སྒོ༌ནས༌ལན༌བློན༌དུ༌མེད༌ཀྱང་ལུས་ངག་ཡིད་གསུམ་གང་གི་འབངས་སུ་སྦྱར་བའི་སྒོ་ནས་ཕྱག་ཕྱིད་ཞབས་ཏོག་ཞུས་ཚུལ་དུ་བདེན་གཉིས་ཀྱི་རྣམ་གཞག་ཅུང་ཟད་འབྲི་ལ་སྤྲོའོ། །དེ་བཤད་པ་ལ་ལྔ་སྟེ། གཞི་བདེན་པ་གཉིས་ཇི་ལྟར་གནས་པའི་ཚུལ་བསྟན་པ། བདེན་པ་གཉིས་སུ་ཕྱེ་བའི་དགོས་པ། སངས་རྒྱས་ཀྱིས་ཀུན་རྫོབ་བདེན་པ་མི་གཟིགས་པར་བསྟན་པ། ཀུན་རྫོབ་བདེན་པ་དང་འཇིག་རྟེན་གྱི་ཀུན་རྫོབ་དེན་པ་ལ་དཔྱད་པ། འཇིག་རྟེན་ཀུན་རྫོབ་བདེན་པ་དང་ཐ་སྙད་བདེན་པ་གཉིས་དོན་གཅིག་ཏུ་བསྟན་པ། ཐ་སྙད་བདེན་པའི་ཐབས་ལས་དོན་དམ་བདེན་པ་ཐབས་འབྱུང་བས་བསྟན་པ། དོན་དམ་པ་དང་དོན་དམ་བདེན་པ་གཉིས་དོན་གཅིག་ཏུ་བསྟན་པ། གཉིས་ཀྱི་མཚན་ཉིད་ལ་དཔྱད་པ། ཞར་ལ་རྣམ་གྲངས་མ་ཡིན་པའི་དོན་དམ་བདེན་པ་རྟོགས་པའི་ཡུལ་ཅན་སངས་རྒྱས་ཁོ་ནར་བསྟན་པའོ། །
གཞི་བདེན་པ་གཉིས་ཇི་ལྟར་གནས་པའི་ཚུལ་བསྟན་པ་ནི། གཞི་དངོས་པོའི་སྟེང་དུ་ཡུལ་ཅན་གྱི་བློ་སོ་སོ་ལ་བརྟེན་ནས་ཀུན་རྫོབ་གྱི་བདེན་པ་དང་དོན་དམ་པའི་བདེན་པ་གཉིས་བཞག་པ་ཡིན་ཏེ། འཇུག་པ་ལས། དངོས་ཀུན་ཡང་དག་བརྫུན་པ་མཐོང་བ་ཡིས། །དངོས་རྙེད་ངོ་བོ་གཉིས་ནི་འཛིན་པར་འགྱུར། །ཡང་དག་མཐོང་ཡུལ་གང་དེ་དེ་ཉིད་དེ། །མཐོང་བ་རྫུན་པ་ཀུན་རྫོབ་བདེན་པར་གསུངས། །ཞེས་གསུངས་པ་ལྟར། དངོས་པོའི་ཆོས་ཐམས་ཅད་ཀྱི་ངོ་བོ་ལ་རྣམ་པ་གཉིས་གནས་པ་ཡོད་དེ། དེའི་ཕྱིར་སངས་རྒྱས་རྣམས་ཀྱི་གཟིགས་ངོའི་རང་བཞིན་ནི་དོན་དམ་པའི་བདེན་པ་དང་། མཐོང་བ་བརྫུན་པའི་ངོའི་དངོས་པོའི་རྣམ་པ་བཅོས་མའམ། བརྫུན་མ་ཞེས་བྱ་བ་འདི་ནི་ཀུན་རྫོབ་ཀྱི་བདེན་པ་ཡིན་པར་བསྟན་ཏེ། སངས་རྒྱས་རྣམས་ཀྱིས་ཇི་ལྟ་བ་གཟིགས་པའི་ཡེ་ཤེས་ཀྱི་རྙེད་པའི་ཡུལ་ཞིག་དང་། མ་རིག་ལིང་ཐོག་གིས་མཐོང་བ་བརྫུན་པའི་ཡུལ་རྣམ་པ་གཉིས་དངོས་པོའི་སྟེང་དུ་དེ་ལྟར་གནས་པ་བསྟན་ནུས་པའི་ཕྱིར་རོ།། དེ་ཉིད་ཀྱིས། ཤེས་བྱའི་དངོས་པོ་རེ་རེའི་སྟེང་དུ་སངས་རྒྱས་ཀྱིས་ཇི་ལྟ་བ་གཟིགས་པ་ཞིག་དང་། འཕགས་པ་སློབ་པ་རྣམས་ཀྱིས་དེ་དང་རྗེས་སུ་མཐུན་པར་མཐོང་བ་ཞིག་དང་། སོ་སོ་སྐྱེ་བོ་རྣམས་ཀྱིས་ཕྱིན་ཅི་ལོག་ཏུ་མཐོང་བའི་ཚུལ་གསུམ་སྟེ། རྒྱུད་བླ་ལས། སོ་སོའི་སྐྱེ་བའི་ཕྱིན་ཅི་ལོག །བདེན་པ་མཐོང་བ་བཟློག་པ་སྟེ། །བདེ་བཞིན་གཤེགས་པ་ཇི་ལྟ་བཞིན། །ཞེས་སོ། ། དང་པོ་ནི་རྣམ་གྲངས་མ་ཡིན་པའི་དོན་དམ་བདེན་པ་དང་། གཉིས་པ་ནི་རྣམས་གྲངས་པའི་དོན་དམ་བདེན་པ་སྟེ། ཐ་སྙད་ཀྱི་ཕྱིར་ཕྱིན་ཅི་མ་ལོག་པས་ཀུན་རྫོབ་གྱི་བདེན་པ་ཞེས་དང་། གསུམ་པ་ནི་འཇིག་རྟེན་ཡང་དག་པའི་ལྟ་བ་དང་ལོག་པའི་ཀུན་རྫོབ་རྣམས་ཡིན་ནོ། །
གཉིས་པ་བདེན་པ་གཉིས་སུ་ཕྱེ་བའི་དགོས་པ་ནི། སློབ་དཔོན་གྱིས། ཐ་སྙད་ལ་ནི་མ་བརྟེན་པར།།དམ་པའི་དོན་ནི་བསྟན་མི་ནུས།།དམ་པའི་དོན་ནི་མ་རྟོགས་པར།།མྱ་ངན་འདས་པ་ཐོབ་མི་འགྱུར། །ཞེས་གསུངས་པ་ལྟར། དོན་དམ་པའི་བདེན་པ་རྟོགས་པ་ལ་ཐ་སྙད་ཀྱི་བདེན་པ་ལ་བརྟེན་དགོས་པས། དེ་ལ་བརྟེན་དགོས་ན་དེའི་རྣམ་བཞག་ཤེས་དགོས་པ་རྟོགས་ནས་བདེན་པ་གཉིས་སུ་ཕྱེ་བ་དང་། དབུ་མའི་གཞུང་ཚིག་བཀྲལ་བར་རྣམས་ཀྱི་རྣམ་པར་རྟོག་པ་ཁོ་ནས་མེད་པ་ཉིད་ཀྱི་དོན་དམ་པ་ཡིན་ནོ་ཞེས་སྒྲོ་བཏགས་ནས་འདོད་པ་རྣམས་ཀྱི་ལོག་རྟོག་འགོག་པའི་དོན་དུ་བདེན་པ་གཉིས་སུ་ཕྱེ་བ་ཡིན་ནོ།།
གསུམ་པ་སངས་རྒྱས་ཀྱིས་ཀུན་རྫོབ་མི་གཟིགས་པར་བསྟན་པ་ལ། ལུང་དང་རིག་པ་གཉིས་ལས། དང་པོ་ནི། དེ་ཉིད་ཀྱིས། དབུ་མའི་གཞུང་གསུམ་གསལ་བྱེད་ཀྱི་འགྲེལ་པར། སངས་རྒྱས་ཀྱིས་ཀུན་རྫོབ་གཟིགས་པར་འདོད་པ་དང་། རྣམ་མཁྱེན་ཀུན་རྫོབ་ཀྱི་གཞལ་བྱ་མཇལ་བྱེད་ཀྱི་ཚད་མར་འདོད་པ་ལ་སོགས་པ་ནི་དབུ་མའི་ནང་དུ་བསྐྲད་པའི་འཁོར་ལོས་ཟིན་པ་ཡིན་ནོ།། ཞེས་དང་། ཡང་དེའི་འགྲེལ་པར། བག་ཆགས་ཐམས་ཅད་ཡོངས་སུ་དག་པ་ན་རྣམ་པ་ཐམསཅད་དུ་ཀུན་རྫོབ་ཀྱི་ཆོས་སྣང་མི་མྱོང་བ་རང་བཞིན་ཉིད་ལ་དུས་ཐམས་ཅད་དུ་མཉམ་པར་འཇོག་པ་ཡིན་ནོ། ། ཞེས་དང་། ཡང་བྱམས་ཞལ་ལས། དེས་ཀུན་རྫོམ་འདི་ལྟར་དུ་མི་གཟིགས་ཏེ། ཀུན་རྫོབ་ནི་གཏི་མུག་གི་གཉིད་ཀྱིས་ནོན་པའི་དབང་གིས་བྱུང་བའི་རྨི་ལམ་ཡིན་ལ། དེ་ནི་གཉིད་དེ་སངས་ཟིན་པའི་ཕྱིར་རོ། ། ཞེས་གསུངས་པ་འདི་ཐམས་ཅད་གནད་གཅིག་ཏུ་བབས་འདུག་པར་སེམས་སོ། ། གཉིས་པ་ནི། སངས་རྒྱས་ཆོས་ཅན། ཀུན་རྫོབ་མི་གཟིགས་ཏེ། ཀུན་རྫོབ་གཟིགས་པའི་རྒྱུ་མ་རིག་པ་མེད་པའི་ཕྱིར་དང་། ཡང་ན། སྒྲིབ་གཉིས་སྤངས་ཟིན་པའི་གཉེན་པོ་ཡིན་པའི་ཕྱིར་རོ། །
ཀུན་རྫོབ་བདེན་པ་དང་འཇིག་རྟེན་ཀུན་རྫོབ་བདེན་པ་གཉིས་ལ་དཔྱད་པ། ཀུན་རྫོབ་བདེན་པ་བཤད་པའི་གནས་སྐབས་སུ་ འཇུག་འགྲེལ་ལས། མཐོང་བ་བརྫུན་པའི་ཡུལ་གང་ཡིན་པ་དེ་ནི་ཀུན་རྫོབ་ཀྱི་བདེན་པའོ། ། ཞེས་གསུངས་པའི་མཐོང་བ་བརྫུན་པའི་ཡུལ་དེ་ལ་རྣམ་པ་གཉིས་བཞག་སྟེ། རྩ་བར། མཐོང་བ་བརྫུན་པའང་རྣམ་པ་གཉིས་འདོད་དེ། །དབང་པོ་གསལ་དང་དབང་པོ་སྐྱོན་ལྡན་ནོ། ། ཞེས་སྐབས་ནས་བསྟན་པའི་ མཐོང་བ་བརྫུན་པའི་ཡུལ་ཅན་དང་དེའི་ཡུལ་གཉིས་ཀ་ཀུན་རྫོབ་བདེན་པ་ཡིན་གྱི་འཇིག་རྟེན་གྱི་ཀུན་རྫོབ་བདེན་པ་ནི་མ་ཡིན་ཏེ། གཏི་མུག་རང་བཞིན་གྱིས་སྒྲིབ་པའི་འཇིག་རྟེན་ཀུན་རྫོབ་བདེན་པ་འདི་མ་ཡིན་པའི་ཕྱིར་དང་། ཡང་འཇུག་འགྲེལ་ལས། དེའི་ཕྱིར་དེ་དང་གང་ཞིག་གང་ཞིག་ཀུན་རྫོབ་ཏུ་ཡང་བརྫུན་པ་ཀུན་རྫོབ་ཀྱི་བདེན་པ་མ་ཡིན་ནོ། ། ཞེས་གསུངས་སོ། །
ཐ་སྙད་བདེན་པའི་ཐབས་ལས་དོན་དམ་བདེན་པ་ཐབས་འབྱུང་བས་བསྟན་པ། འཇུག་པ་ལས། ཐ་སྙད་བདེན་པ་ཐབས་སུ་གྱུར་པ་དང་། །དོན་དམ་བདེན་པ་ཐབས་འབྱུང་གྱུར་པ་སྟེ། །ཞེས་དང་། རྣམ་ཤེས་ལས། ཀུན་རྫོབ་ཇི་ལྟར་སྣང་དེ། །རིགས་པས་བརྟགས་ན་འགའ་མ་བརྙད། །མ་རྙེད་པ་ནི་དོན་དམ་ཉིད་དོན་དམ་ཡིན། །ཡེ་ནས་གནས་པའི་ཆོས་ཉིད་དོ། །ཅེས་དང་། སློབ་དཔོན་གྱིས། ཐ་སྙད་ལ་ནི་མ་བརྟེན་པར། །དོན་པའི་དོན་ནི་བསྟན་མི་ནུས། །དམ་པའི་དོན་མ་རྟོགས་པར་མྱ་ངན་འདས་པ་ཐོབ་མི་འགྱུར། །ཞེས་དང་། འགྲེལ་པར། འཇིག་རྟེན་པའི་དོན་དམ་པ་ཁས་མ་བླངས་པར་དོན་དམ་པ་བསྟན་མི་ནུས་ལ། མ་བསྟན་ན་ཡང་རྟོགས་པར་མི་ནུས་ཤིང་། དོན་དམ་པ་མི་རྟོགས་པར་ཡང་མྱ་ངན་འདས་པའི་གྲོང་ཁྱེར་དུ་ཕྱིན་པར་མི་ནུས་སོ། །ཞེས་བསྟན་པས་རྣམ་གྲངས་པའི་དོན་དམ་བདེན་པ་ལ་སོགས་པའི་ཐབས་ལས་ མཐར་ཐུག་རིགས་པའི་དཔྱད་པའི་ཚེ་ འགའ་ཡང་མ་རྙེད་པའི་ཡེ་ནས་དག་པའི་ཆོས་ཉིད་དེ་ཉིད་ཐབས་འབྱུང་དུ་གསལ་བར་བསྟན་ཏོ། ། རིགས་པས་དཔྱད་པའི་ཚེ་འགའ་མ་རྙེད་པ་ནི་ཐབས་འབྱུང་དུ་བཞག་མི་ནུས་སྟེ། དེ་ལྟར་ཡིན་ན་ འཇིག་རྟེན་ཀུན་རྫོབ་བདེན་པ་ཐམས་ཅད་ཐབས་འབྱུང་དུ་འགྱུར་རོ། ། བྱང་ཆུབ་སེམས་དཔས་རྟོགས་པའི་ཆོས་ཉིད་དེ་ཡང་ཡེ་ནས་གནས་པའི་ཆོས་ཉིད་ཉིད་དུ་བཞག་མི་ནུས་སྟེ། དེ་ལྟར་ཡང་ཀུན་མཁྱེན་ཆེན་པོས། ཡུམ་དེ་ཉིད་སྲས་རང་རང་གིས་རྟོགས་པ་ལྟར་དུ་གྲུབ་བམ་སྙམ་ན་མ་ཡིན་ཏེ། འདི་ནི་རྫོགས་པའི་སངས་རྒྱས་གཟིགས་པ་ལྟར་དུ་གནས་སོ་ཞེས་བསྟན་ཏོ། །
དོན་དམ་པ་དང་དོན་དམ་བདེན་པ་གཉིས་དོན་གཅིག་ཏུ་བསྟན་པ་ལ། སྒྲ་ཡངས་པའི་སྒོ་ནས་བཤད་ཚུལ་དང་། སྒྲ་ལྡོགས་པའི་སྒོ་ནས་བཤད་ཚུལ་གཉིས་ལས། དང་པོ་ནི། འགྲེལ་པ་ལས། དོན་དམ་པ་དེ་ནི་གཞན་ལ་བརྟེན་ནས་རྟོགས་པ་མ་ཡིན་པ་དང་ཞི་བ་དང་འཕགས་རྣམས་ཀྱིས་སོ་སོ་རང་གི་རིག་པའི་བདག་ཉིད་ཅན་དང་། སྤྲོས་པ་ཐམས་ཅད་ལས་འདས་པ་བསྟན་དུ་མེད་པ་ཤེས་པར་བྱས་པ་མ་ཡིན་ནོ། །ཞེས་གསུངས་པ་འདི་ཡང་སྒྲ་ཡངས་པའི་སྒོ་ནས་ སོ་སོ་སྐྱེ་བོ་རྣམས་ཀྱི་དོན་དམ་པ་དང་འཕགས་པ་སྣང་བ་དང་བཅས་པའི་སྤྱོད་ཡུལ་རྣམས་ཀྱི་རྣམ་གྲངས་པའི་དོན་དམ་བདེན་པ་རྣམས་ལ་ དོན་དམ་པའམ་དོན་དམ་བདེན་པའི་སྒྲ་སྦྱར་བའི་སྒོ་ནས་བཤད་པ་ཙམ་ཡིན་ནོ། ། སྒྲ་ལྡོགས་པའི་སྒོ་ནས་བཤད་ཚུལ་ནི། ཀུན་མཁྱེན་ཆེན་པོས། དོན་དམ་པར་ནི་དེ་དོན་ཀྱང་ཡིན་ལ། དམ་པ་ཡིན་པས་དོན་དམ་པའམ་རྣམ་པར་མི་རྟོག་པའི་ཡེ་ཤེས་དམ་པའི་དོན་ཡིན་པས་དོན་དམ་པ་སྟེ་དེ་ཁོ་ན་ལས་གཞན་ལས་བཤད་པ་མ་ཡིན་པ་ལ་སོགས་པའི་མཚན་ཉིད་དོ། ། ཅེས་གསུངས་པའི་དོན་ཡང་ རྣམ་པར་མི་རྟོག་པའི་ཡེ་ཤེས་ལས་གཞན་དུ་གྱུ་པའི་དོན་དམ་པ་མེད་པ་ཁོ་བོས་རྣམ་པར་རྟོག་པའོ། ། ཡང་ཤེར་ཕྱིན་ལས། ཡུམ་དེ་ཉིད་སྲས་རང་རང་གིས་རྟོགས་པ་ལྟར་དུ་གྲུབ་བམ་སྙམ་མ་ཡིན་ཏེ། དེ་ནི་རྫོགས་པའི་སངས་རྒྱས་ཀྱིས་གཟིགས་པ་ལྟར་དུ་གནས་སོ། ། ཞེས་སྲས་རང་རང་གིས་རྟོགས་པ་ལྟར་གྲུབ་པའི་ཡུམ་མམ་དོན་དམ་བདེན་པ་མེད་པས་ དོན་དམ་པ་ནི་སངས་རྒྱས་ཀྱིས་གཟིགས་ལྟར་དུ་གནས་པ་ལ་འཇོག་དགོས་པའི་ཕྱིར་རོ། ། ཡང་རྣམ་འགྲེལ་ལས། དོན་དམ་བློ་ཡི་སྤྱོད་ཡུལ་མེད། །བློ་ནི་ཀུན་རྫོབ་ཡིན་པར་འདོད། །ཅེས་གསུངས་སོ། །
བཞི་པ་བདེན་གཉིས་ཀྱི་མཚན་ཉིད་དཔྱད་པ་ལ། ཀུན་རྫོབ་བདེན་པའི་མཚན་ཉིད་ལ་དཔྱད་པ་དང་། དོན་དམ་བདེན་པའི་མཚན་ཉིད་ལ་དཔྱད་པ་གཉིས། ཀུན་རྫོབ་བདེན་པའི་མཚན་ཉིད་འདི་ཡང་སྣང་ངོར་མི་བསླུ་བ་གང་རུང་གི་མཚོན་ནུས་པའི་ཕྱིར་རོ།། འོ་ན་མཚན་ཉིད་དེ་གཟུར་གསུམ་དུ་བཞག་པ་ལ་དགོས་མེད་དུ་ཐལ་བ་དང་། ཟླ་བ་གཉིས་ཡང་འཁྲུལ་ངོར་མི་བསླུ་བ་ཡིན་པས་ཀུན་རྫོབ་བདེན་པར་འགྱུར་རོ་ཞེ་ན། དང་པོ་ནི་དགོས་མེད་དུ་ཐལ་བར་མི་འགྱུར་ཏེ། སྣང་ངོར་མི་བསླུ་བ་ནི་ཡུལ་གྱི་སྒོ་ནས་ཀུན་རྫོབ་བདེན་པའི་མཚན་ཉིད་དུ་བཞག་པ་དང་། འཁྲུལ་ངོར་མི་བསླུ་བ་ནི་ཡུལ་ཅན་གྱི་ཆ་ནས་ཀུན་རྫོབ་བདེན་པའི་མཚན་ཉིད་དུ་བཞག་པ་དང་། འཇིག་རྟེན་གྱི་ཐ་སྙད་དུ་མི་བསླུ་བ་ནི་བརྟེན་གྱི་ཆ་ནས་ཀུན་བདེན་པའི་མཚན་ཉིད་དུ་བཞག་པ་ཡིན་ནོ།། གཉིས་པ་ཟླ་བ་གཉིས་ནི་འཁྲུལ་ངོར་བསླུ་བ་ཡིན་ཏེ། ཀུན་ཏུ་ཐ་སྙད་པའི་ཚད་མའི་ངོར་བསླུ་བ་ཡིན་པས་ཀུན་རྫོབ་བདེན་པ་མ་ཡིན་ནོ།། དོན་དམ་བདེན་པའི་མཚན་ཉིད་ལ་དཔྱད་པ་ནི། ཡང་དག་པའི་མཐོང་བ་ལ་མི་བསླུ་བའམ། གནས་ལུགས་ལ་མི་བསླུ་བའམ། སངས་རྒྱས་ཀྱི་གཟིགས་ངོར་མི་བསླུ་བ་ནི་དོན་དམ་བདེན་པའི་མཚན་ཉིད་ཡིན། འདི་ཡང་ཀུན་རྫོབ་བདེན་པའི་མཚན་ཉིད་ལྟར་བཞག་པ་ཡིན་གྱི་དེ་ལྟར་མ་ཡིན་ན་རྣམ་གྲངས་པའི་དོན་དམ་བདེན་པ་ཡང་སངས་རྒྱས་གཟིགས་ངོར་མི་བསླུ་བ་ཡིན་པར་འགྱུར་རོ། །
ལྔ་ཞར་ལ་རྣམ་གྲངས་མ་ཡིན་པའི་དོན་དམ་བདེན་པ་རྟོགས་པའི་ཡུལ་ཅན་སངས་རྒྱས་ཁོ་ནར་བསྟན་པ་ལ། དེ་ཉིད་ཀྱི་ལུགས་ལ་རྣམ་གྲངས་མ་ཡིན་པའི་ དོན་དམ་བདེན་པ་རྟོགས་པའི་ཡུལ་ཅན་སངས་རྒྱས་ཁོ་ནར་ཡིན་དགོས་ཏེ། དེ་ཉིད་ཀྱིས། སངས་རྒྱས་ཀྱིས་གཟིགས་པ་འབའ་ཞིག་དོན་དམ་བདེན་པ་ཡིན་ལ། གཞན་ནི་ཀུན་རྫོབ་གྱི་བདེན་པ་ཡིན་ནོ།། ཞེས་གསུངས་པ་ཡང་གཞན་དོན་རྣམ་གཅོད་ཀྱི་སྒོ་ནས་གསུངས་པ་ཡིན་ཏེ། གཞན་ནི་ཀུན་རྫོབ་གྱི་བདེན་པ་ཡིན་ནོ་ཞེས་གསུངས་པའི་ཤུགས་ཀྱིས་ རྣམ་གྲངས་མ་ཡིན་པའི་དོན་དམ་རྟོགས་པའི་ཡུལ་ཅན་སངས་རྒྱས་ཁོ་ནར་ཡིན་པ་བསྟན་ནུས་པའི་ཕྱིར་རོ། །ཡང་འཇམ་པའི་ཞལ་ལུང་ལས། རྟོགས་བྱ་སྙིང་པོ་ནི་གཅིག་ཏུ་དེ་ཡིན་ལ། དེ་ཇི་ལྟར་རྟོགས་པའི་ཡུལ་ཅན་ཡང་སངས་རྒྱས་ཁོ་ནར་ངེས་པས་མཐར་ཐུག་གཅིག་པ་དེ་ཡང་དེ་བླག་ཏུ་ཤེས་པར་འགྱུར་རོ་ཞེས་དང་། དེ་ཉིད་ཀྱིས། སངས་རྒྱས་རྣམས་ཀྱི་དོན་དམ་པ་ནི་རང་བཞིན་ཉིད་ཡིན་ཞིང་། དེ་ཡང་བསླུ་བ་མེད་པ་ཉིད་ཀྱིས་དོན་དམ་པའི་བདེན་པ་ཡིན་ལ། དེ་ནི་དེ་རྣམས་ཀྱིས་སོ་སོ་རང་རིག་པར་བྱ་བ་ཡིན་ནོ། །ཞེས་གསུངས་པ་དེ་གཉིས་འགལ་མེད་དུ་སྣང་ངོ་། ། །སྡུས་པ་ལས། ཇི་སྲིད་ཚོགས་གཉིས་ཡོངས་སུ་རྫོགས་པར་མ་བྱས་པར། །དེ་སྲིད་སྟོང་ཉིད་དམ་པ་དེ་ནི་རྟོགས་མི་འགྱུར། །ཞེས་གསུངས་པ་ལྟར། བསོད་ནམས་ཀྱི་ཚོགས་དང་ཡེ་ཤེས་ཀྱི་ཚོགས་གཉིས་ཡོངས་སུ་མ་རྫོགས་པ་ལ་སྟོང་ཉིད་དམ་པའམ་རྣམ་གྲངས་མ་ཡིན་པའི་དོན་དམ་བདེན་པ་ རྟོགས་མི་ནུས་པས་དེ་གཉིས་རྫོགས་པ་ནི་སངས་རྒྱས་ཁོ་ན་ལས་གཞན་རྣམས་ཀྱིས་དེ་རྟོགས་མི་ནུས་པའི་ཕྱིར་རོ། །དེ་ཉིད་ཀྱིས། ཉན་རང་འཕགས་པ་བདེན་མཐོང་བཀག་པ་མེད། །བྱང་འཕགས་གཟིགས་པ་རྣམ་གྲངས་དོན་མེད་ན། བདེ་གཤེགས་སྙིང་པོ་ལྟ་ལ་མིག་མེད་བཞི། །སོ་སྐྱེ་ཉན་རང་ཐེག་པ་གསར་ཞུགས་སོ། །ས་ཆེན་ཞུགས་པའང་ཆ་ཙམ་ཐོགས་མེད་ཀྱིས་། ། གསུངས་པའི་ཀུན་ལའང་འགྱུར་བཅོས་མཛད་པ་ཞུ། ། ཞེས་གསུངས་སོ། ། དོན་དམ་བདེན་པ་རྟོགས་ཚུལ་ནི་ཚོགས་གཉིས་ཡོངས་སུ་རྫོགས་པའི་དུས་དེ་ཁར་ སྣང་བ་ཐམས་ཅད་འགག་ནས ཟུང་འཛིན་གཉིས་པོ་ངོ་བོ་དབྱེར་མེད་དུ་སོང་བ་དེ་ཁ་ དོན་དམ་བདེན་པ་རྟོགས་ཞེས་པའི་ཐ་སྙད་འཇོག་པ་ཡིན་གྱི་ དོན་དམ་ཚད་མ་ལས་ལོགས་སུ་གྱུར་པའི་ དོན་དམ་བདེན་པའི་ཡུལ་ཡོད་པ་ནི་མ་ཡིན་ནོ། ། གསེར་དགོན་འཛིན་གྱི་སློབ་གཉེར་བ་ ཀུན་དགའ་དྲོ་ཡ་མིང་པས་བྲིས་པའོ། །[༡༦]
རྩོམ་ཤོག་གི་རིགས། ཐེག་ཆེན་སེམས་བསྐྱེད་ཀྱི་སྐོར།
ཞུན་དགགང་ཞིག་བསྟེན་ན་ཉེར་ཞི་གཉིས་ཀྱི་གོང་དུ་འཁྲིད་ལ་སོམ་ཉིད་བྲལ། །གང་དང་ལྡན་ན་ཞི་བ་ལྷ་སོགས་འཕགས་པ་རྣམས་ཀྱིས་ཕྱག་བྱར་འོས། །
གང་ལ་བསྟེན་ན་སྒོ་གསུམ་ཉེས་པ་མ་ལུས་པ་ཡང་སྤོང་བྱད་པ། །བླ་མེད་བྱང་ཆུབ་སེམས་ལ་མི་ཕྱེད་དད་པ་བརྒྱ་ཡིས་བླངས་ནས་མཆོད། །
གང་གི་གཞུང་ལུགས་ཟབ་པའི་ཆུ་གཏེར་ལ། །ཁྲོན་པའི་སྦལ་པས་རོལ་བར་མ་ནུས་ཀྱང་། །
ཟབ་དགོངས་རྒྱ་མཚོར་འབབ་པའི་ཆུ་ཕྲན་ལ། །སྒྱུ་རྩལ་ཆུང་ངུའི་སྒོ་ནས་འཁྱམ་ལ་སྤྲོ། །
ཞེས་མཆོད་པར་བརྗོད་པ་དང་དམ་བཅའ་བས་མདུན་བསུས་ཏེ་གང་ཞིག་གླེང་བར་བྱ་བ་ནི། འོ་སྐོལ་གྱི་སྟོན་པ་ཐུབ་པའི་དབང་པོས་གདུལ་བྱའི་ཁམས་དང་། བསམ་པ་དང་། མོས་པ་དང་། དབང་པོ་དང་བསྟུན་པའི་ཆོས་ཀྱི་ཕུང་པོ་ཇི་སྙེད་ཅིག་གསུངས་པ་དེ་དག་ཀྱང་བསྡུ་ན། ཀུན་མཁྱེན་ཆེན་པོས།
རྟུལ་འབྲིང་རྣོན་པོ་འདུལ་བྱེད་ཀྱིས། །འཁོར་ལོ་རིམ་པ་གསུམ་དུ་བསྡུས། །ཞེས་དང་།
ཝཱ་རཱ་ཎ་སཱིར་བདེན་བཞི་གཞན་དུ་ཡང་། །ཕར་ཕྱིན་རྡོ་རྗེ་ཐེག་པ་མ་ལུས་པའི། །
ཞེས་གསུངས་པ་ལྟར་ཆོས་འཁོར་རིམ་པ་གསུམ་དུ་སྡུད་པ་ཡིན་ལ། དེའི་ནང་ནས་ཀྱང་ཆོས་འཁོར་སྤྱིའི་དབང་དུ་བཏང་ན་བར་པ་ཕ་རོལ་ཏུ་ཕྱིན་པའི་ཚུལ་དང་། མདོ་ལུགས་གཞིར་བཞག་གི་དབང་དུ་བཏང་ན། བཀའ་ཐ་མ་ལེགས་པར་རྣམ་པར་ཕྱེ་བའི་ཆོས་འཁོར་གྱི་དགོངས་འགྲེལ་དུ་འགྱུར་པའི་བསྟན་བཅོས་མངོན་པར་རྟོགས་པའི་རྒྱན། དེ་ལའང་དོན་གྱི་བརྗོད་བྱ་དོན་བདུན་ཅུ་ཡོད་པའི་ཐོག་མ་སེམས་བསྐྱེད་ཀྱི་སྐོར་མདོ་ཙམ་ཞུ་བ་ལ། དང་པོ་ཐེག་ཆེན་སེམས་བསྐྱེད་ཀྱི་རྟེན། གཉིས་པ་ཐེག་ཆེན་སེམས་བསྐྱེད་ཀྱི་མཚན་ཉིད་ལ་དཔྱད་པ། གསུམ་པ་དབྱེ་བ་དང་ས་མཚམས་བཅས་གསུམ་ལས། དང་པོ་ལ་ལུས་རྟེན་དང་སེམས་རྟེན་གཉིས་ལས། དང་པོ་ནི། འགལ་རྐྱེན་མི་ཁོམས་པའི་གནས་བརྒྱད་ལས་གྲོལ། མཐུན་རྐྱེན་འབྱོར་པ་བཅུ་ཚང་བའི་ལུས་རྟེན་ཞིག་དགོས་ཏེ། དེ་ལ་དགོངས་ནས་སྤྱོད་འཇུག་ལས།
དལ་འབྱོར་འདི་ནི་རྙེད་པ་ཤིན་ཏུ་དཀའ། །སྐྱེས་བུའི་དོན་བསྒྲུབ་ཐོབ་པར་གྱུར་པ་ལ། །
གལ་ཏེ་འདི་ལ་ཕན་པ་མ་སྒྲུབ་ན། །ཕྱིས་འདི་ཡང་དག་འབྱོར་པར་ག་ལ་འགྱུར། །
ཞེས་གསུངས། དེའང་ལུས་རྟེན་ཕུན་སུམ་ཚོགས་པའི་དབང་དུ་བྱས་པ་ཡིན་གྱི། སེམས་བསྐྱེད་སྐྱེ་བའི་ལུས་རྟེན་ཡིན་ན་དེ་ཡིན་པས་མ་ཁྱབ་སྟེ། ངན་འགྲོའི་རྟེན་ལའང་སེམས་བསྐྱེད་གསར་དུ་སྐྱེ་བ་ཡོད་པར་ཀུན་མཁྱེན་ཆེན་པོས་བཞེད་པའི་ཕྱིར། གཉིས་པ་སེམས་རྟེན་ཕུན་སུམ་ཚོགས་པའི་དབང་དུ་བཏང་ནས་སྡོམ་གསུམ་རྒྱ་ཆེར་འགྲེེལ་པ་ལེའུ་བར་པ་དང་། བྱང་ཆུབ་ལམ་སྒྲོན་ལས་སོ་ཐར་གྱི་སྡོམ་པ་དགོས་པར་གསུངས་ཀྱང་། ངེས་བཟུང་གི་ཡན་ལག་ཏུ་ནི་མ་ཡིན་ཏེ་གོང་གི་དཔེ་བཞིན་ནོ། །
གཉིས་པ་ཐེག་ཆེན་སེམས་བསྐྱེད་ཀྱི་མཚན་ཉིད་ལ་དཔྱད་པ་ལ། གཞན་ལུགས་དགག རང་ལུགས་བཞག རྩོད་པ་སྤོང་བ་དང་གསུམ་ལས། དང་པོ་གཞན་ལུགས་དགག་པ་ནི། ཁ་ཅིག ཀུན་མཁྱེན་ཆེན་པོས་བྱམས་པའི་ཞལ་ལུང་དུ། ཐེག་ཆེན་དུ་སེམས་བསྐྱེད་པ་ནི། སྟོང་པ་དང་སྙིང་རྗེའི་སྙིང་པོ་ཅན་དུ་སེམས་བསྐྱེད་པ། ཞེས་པའི་ཚིག་གཞིར་བཟུང་ནས། དེས་ཐེག་ཆེན་སེམས་བསྐྱེད་སྤྱིའི་མཚན་ཉིད་བསྟན་ཞེས་པའང་འཐད་པར་མ་མཐོང་སྟེ། མཚན་ཉིད་དེའི་དོན། སྙིང་རྗེས་ཆེད་དུ་བྱ་བ་གཞན་དོན་དུ་དམིགས་ལ། ཤེས་རབ་དེས་ཡང་དག་པར་རྫོགས་པའི་བྱང་ཆུབ་འདོད་པ་སྟེ་དོན་གཉིས་སམ་དམིགས་པ་གཉིས་དང་བཅས་པའི་སེམས་བསྐྱེད་ལ་བཞེད་པ་འདྲ། སྐབས་དེར་བསྟན་གྱི་མཚན་ཉིད་དེ་ཡང་ངོ་སྤྲོད་ཀེའུ་ཚང་མའི་འགྲེལ་པ་ལས། བྱང་ཆུབ་ཀྱི་སེམས་གང་ཞེ་ན། གཞན་གྱི་དོན་གྱི་ཕྱིར་ཡང་དག་པར་རྫོགས་པའི་བྱང་ཆུབ་ལ་དམིགས་པའི་མཁྱེན་པའོ། །ཞེས་པའི་སྐབས་ནས་བསྟན་པའི་མཚན་ཉིད་དེ་དང་དོན་གཉིས་སུ་མི་སེམས་ཞིང་། དེ་ལྟར་ཡིན་ན། དེ་ལྟ་བུའི་སེམས་བསྐྱེད་དེ་ལ་ངོ་བོའི་སྒོ་ནས་སྨོན་པ་དང་། འཇུག་པ་སེམས་བསྐྱེད་གཉིས་སུ་དབྱེ་འདུག་པས། མཚན་ཉིད་དེ་ལྡན་གྱི་སེམས་བསྐྱེད་དེ་ཀུན་རྫོབ་སེམས་བསྐྱེད་ཡིན་པར་སེམས་ཏེ། ངོ་བོའི་སྒོ་ནས་སྨོན་འཇུག་གི་སེམས་བསྐྱེད་གཉིས་སུ་དབྱེར་རུང་བའི་སེམས་བསྐྱེད་དེ་ཀུན་རྫོབ་སེམས་བསྐྱེད་ལས་གཞན་ལ་འོས་མེད་པའི་ཕྱིར་རོ། །དེ་ཡང་སྤྱོད་འཇུག་དབུ་མ་ལམ་སྒྲོན་ལས། མདོར་བསྡུ་ན། རྣམ་པ་གཉིས་སུ་ཤེས་པར་བྱ་སྟེ། བྱང་ཆུབ་ཏུ་སྨོན་པའི་སེམས་དང་ནི། བྱང་ཆུབ་ལ་འཇུག་པ་ཉིད་ཡིན་ནོ། །དེ་གཉིས་ཀུན་རྫོབ་ཁོ་ན། ཞེས་དངོས་སུ་གསལ་བས་དོགས་པའི་གཞི་མེད་དོ།།
འོ་ན་ཀུན་མཁྱེན་ཆེན་པོས་དོན་གཉིས་སམ་དམིགས་པ་གཉིས་དང་ལྡན་པའི་སེམས་བསྐྱེད་དེ་ལ་ངོ་བོའི་སྒོ་ནས་སྨོན་འཇུག་གི་སེམས་བསྐྱེད་གཉིས་སུ་དབྱེ་བ་དེ་ཇི་ལྟར་འཐད་ཅེ་ན། དེ་ཉིད་སློབ་དཔོན་གྱི་དགོངས་པའང་ཡིན་པར་སྣང་ཏེ། དེ་ཉིད་ཀྱིས་མཛད་པའི་འགྲེལ་ཆུང་དོན་གསལ་ལས། སེམས་བསྐྱེད་པ་ནི་གཞན་དོན་ཕྱིར། །ཡང་དག་རྫོགས་པའི་བྱང་ཆུབ་འདོད། །ཅེས་པའི་གཞུང་གི་འཐད་དུ། སངས་རྒྱས་སུ་གྲུབ་ནས་གཞན་གྱི་དོན་གྱི་ཕྱིར་སྐལ་བ་ཇི་ལྟ་བ་བཞིན་དུ་འབད་པར་བྱའོ་ཞེས་སེམས་བསྐྱེད་པ་གཞན་གྱི་དོན་དུ་ཡང་དག་པར་རྫོགས་པའི་བྱང་ཆུབ་འདོད་པའི་མཚན་ཉིད་སྨོན་པ་དང་འཇུག་པའི་ངོ་བོ་ཉིད་རྣམ་པ་གཉིས་སོ། །ཞེས་གསུངས་པས་སོ།།
དེར་མ་ཟད། དོན་དམ་སེམས་བསྐྱེད་ནི་ལུང་ལ་འཇུག་སྒོར། གཏེར་ལྟ་བུ་ནས་མཉམ་བཞག་གི་ངོ་ཏི་ལ་དོན་དམ་སེམས་བསྐྱེད། ཅེས་དང་། སྡོམ་གསུམ་སྙིང་པོ་བསྟན་པར། དོན་དམ་སེམས་བསྐྱེད་ནི་ས་དེ་པའི་མཉམ་བཞག་ཡཻས། གསུངས་པ་ལྟར་བྱང་སེམས་འཕགས་པའི་རྒྱུད་ཀྱི་མཉམ་བཞག་ཡཻས་ལ་འཇོག་དགོས་ཤིང་། །དེ་ཡང་དམིགས་མེད་ཀྱི་ཡཻས་ཤིག་དགོས་པའི་ཕྱིར་རོ། །
དེར་མ་ཟད་སློབ་དཔོན་གྱིས། རྣམ་པ་གཅིག་ཏུ་ན་སྨོན་ལམ་ནི་དོན་དུ་གཉེར་བ་སྟེ། ཡང་དག་པར་རྫོགས་པའི་བྱང་ཆུབ་འདོད་པ་ཉིད་ཡིན་ལ། དེ་དང་ལྷན་ཅིག་སྤྱོད་པའི་སེམས་བསྐྱེད་པ་དེའི་སྒྲར་བསྟན་པ་ནི་དེ་ལྟར་ན་བྱང་ཆུབ་སེམས་པ་རྣམས་ལ་སྨོན་ལམ་དང་ལྡན་པའི་སེམས་དེ་སྐྱེའོ་ཞེས་བྱ་བར་ཤེས་པར་བྱ་བའི་ཕྱིར་ཡིན་ནོ། །ཞེས་དང་། བྱམས་པའི་ཞལ་ལུང་ལས། སེམས་པ་ཞེས་པ་ནི་མཚུངས་པ། གང་དེ་དང་མཚུངས་པར་ལྡན་ན། སེམས་འབྱུང་བ་སྟེ་དོན་སེམས་པ་དང་མཚུངས་པར་ལྡན་པའི་སེམས་ཡུལ་ཁྱད་པར་ཅན་དུ་སྣང་བར་སྐྱེ་བ་ཞེས་སྟོན་པའོ། །ཞེས་པའི་གཞུང་ཚིག་དེ་དག་གིས་མཚན་ཉིད་དེ་ལྡན་གྱི་སེམས་བསྐྱེད་དེའི་མཚན་གཞི་གཙོ་སེམས་ལ་བཞེད་པ་ལས་ཀྱང་། སྐབས་དེར་བསྟན་གྱི་མཚན་ཉིད་དེ་ཀུན་རྫོབ་སེམས་བསྐྱེད་ཀྱི་མཚན་ཉིད་ཡིན་པར་གོ་ནུས་སྙམ་སྟེ། རང་གི་གོ་བ་མ་ནོར་བ་ཡིན་ན། ལུང་ལ་འཇུག་སྒོ་ལས། དེ་ཡང་དོན་གཉིས་སམ་དམིགས་པ་གཉིས་དང་ལྡན་པའི་ཡིད་ཀྱི་རྣམ་ཤེས་སུ་བཞག་པ་ནི། སེམས་བསྐྱེད་པ་དེ་ལ་ཡང་དག་པར་བླངས་པ་ལས་ཐོབ་པ་དང་། ཆོས་ཉིད་ཀྱིས་ཐོབ་པ་གཉིས་ཡོད་པ་དང་པོའི་དབང་དུ་བྱས་པའི་ཕྱིར། ཞེས་པའི་གཞུང་ཚིག་གི་དགོངས་པ་ཡིན་པར་འདྲ་བས་སོ། །
ཡང་སྤྱོད་འཇུག་དབུ་མ་ལམ་སྒྲོན་ལས། དེའི་ངོ་བོ་ནི་བྱང་ཆུབ་ཀྱི་སེམས་སྟོང་པ་དང་སྙིང་རྗེའི་སྙིང་པོ་ཅན་ལ་དམིགས་པའི་ཡིད་ཤེས་དགེ་བ་ཡོན་ཏན་ཟད་མི་ཤེས་པ་འདྲེན་ནུས་པ་ཞིག་གོ །ཞེས་པའི་མཚན་ཉིད་འཇོག་ཚུལ་ལྟར་ནའང་། དམིགས་པ་རྣམ་པ་གཉིས་དང་བཅས་ཤིང་། ཡིད་ཤེས་ཀྱི་ངོ་བོར་འགྱུར་པའི་སེམས་བསྐྱེད་དེ་ཀུན་རྫོབ་སེམས་བསྐྱེད་ལས་གཞན་ལ་འོས་མེད་པར་འདྲའོ། །
ཡང་ཁ་ཅིག སྟོང་པ་སྙིང་རྗེའི་སྙིང་པོ་ཅན་གྱི་སེམས་བསྐྱེད་པ་དེ་ཐེག་ཆེན་སེམས་བསྐྱེད་ཀྱི་ངོ་བོར་བཞག་ནས། དེའི་དོན་སྙིང་རྗེས་གཞན་དོན་དང་ཤེས་རབ་ཀྱིས་རྫོགས་བྱང་ལ་དམིགས་པ་དང་ལྡན་པའི་སེམས་བསྐྱེད་ལ་བཞེད་ཅིང་། དེའི་སྒྲུབ་བྱེད་དུ། མངོན་རྟོགས་རྒྱན་ལས། སེམས་བསྐྱེད་པ་ནི་གཞན་དོན་ཕྱིར། །ཡང་དག་རྫོགས་པའི་བྱང་ཆུབ་འདོད། །ཅེས་པའི་གཞུང་ཚིག་དྲངས་པ་ཡང་ཡོད་དོ། །དེར་ཅུང་ཟད་དཔྱད་ན། དམིགས་པ་རྣམ་པ་གཉིས་དང་བཅས་པའི་སེམས་བསྐྱེད་དེ་མངོན་རྟོགས་རྒྱན་གྱི་གཞུང་ཚིག་དེའི་དངོས་བསྟན་གྱི་བརྗོད་བྱ་ཉིད་དུ་བཞེད་མི་བཞེད་གང་། དང་པོ་ལྟར་ན་དོན་དམ་སེམས་བསྐྱེད་དང་ཀུན་རྫོབ་སེམས་བསྐྱེད་གཉིས་པོ་དེ། གཉིས་ཀ་དམིགས་པ་རྣམ་པ་གཉིས་དང་བཅས་པའི་སེམས་བསྐྱེད་ཡིན་པར་འདྲ་བས། གཞུང་ཚིག་དེས་དོན་དམ་སེམས་བསྐྱེད་སྦས་དོན་གྱིས་བསྟན་པའི་རྣམ་བཞག་ཡང་མི་འཐད་པར་ཐལ་ལོ། །འདོད་མི་ནུས་ཏེ་ཀུན་མཁྱེན་ཆེན་པོས་ལུང་ལ་འཇུག་སྒོར། འདིས་གཙོ་བོར་ཐེག་ཆེན་ཀུན་རྫོབ་སེམས་བསྐྱེད་བསྟན་ལ་སྦས་དོན་གྱིས་ཕྱི་མའང་བསྟན་ནོ།།ཞེས་གསུངས་པའི་ཕྱིར། གཉིས་པ་ལྟར་ཡང་མི་འཐད་དེ། དམིགས་པ་རྣམ་པ་གཉིས་དང་བཅས་པའི་སེམས་བསྐྱེད་དེ་གཞུང་ཚིག་དེས་ཚིག་ཟིན་ལ་བསྟན་པའི་ཕྱིར་རོ། །དེས་ན་མངོན་རྟོགས་རྒྱན་གྱི་གཞུང་ཚིག་དེས་དམིགས་པ་རྣམ་པ་གཉིས་དང་བཅས་པའི་སེམས་བསྐྱེད་དེ་དངོས་སུ་བསྟན་ཅིང་། དོན་དམ་སེམས་དེ་དམིགས་པ་གཉིས་དང་བཅས་པའི་སེམས་བསྐྱེད་ཡིན་ཡང་། གཞུང་ཚིགས་དེའི་སྦས་དོན་དུ་བཞེད་པ་ནི་མ་བརྟག་པར་རང་དགར་དུ་སྨྲ་བའི་གཏམ་སྟེ། ཀུན་མཁྱེན་དགོངས་པའི་འབེན་མུན་པར་བཞག་ནས་རློམ་ཚོད་ཀྱིས་མདའ་འཕེན་པ་ལ་དགོས་པ་མ་མཐོང་ངོ། །
ཁོ་བོ་ཁྱི་རྒན་མྱོས་པའི་ཀུ་ཅོ་ཡིས། །སེང་གེའི་ངར་སྒྲ་གཞོམ་པར་མི་ནུས་ཀྱང་། །
ཚིག་དོན་ཕུན་ཚོགས་མེད་པའི་སྒྲ་སྐད་ཀྱིས། །ཁྱི་རྒན་གཞན་ཡང་རྗེས་སུ་འབྲང་ཕྱིར་བཏོན། །
གཉིས་པ་རང་ལུགས་བཞག་པ་ནི། འོ་ན་ཀུན་མཁྱེན་ཆོས་པོས་ཐེག་ཆེན་སེམས་སྤྱིའི་མཚན་ཉིད་མི་བཞེད་པ་ཡིན་ནམ་ཞེ་ན། ཁོ་བོ་ནི་འདོད་ཅེས་པའི་ལན་འདེབས་པ་ལ་བློ་རྩེ་གཉིས་མི་མངའ་བ་ཡིན་ཏེ། སྒྲུབ་བྱེད་ནི་རྣམ་འགྲེལ་ལས། ཡུལ་རྣམ་ཅན་ནི་ཐ་དད་པས། །བློ་ཡི་རྟོག་པ་ཐ་དད་ཕྱིར། །ཞེས་པ་དེས་གྲུབ་བོ། །དེས་ན་ཀུན་མཁྱེན་ཆེན་པོའི་རྗེས་འབྲང་དུ་བཞེད་པ་དག་གིས། ཚད་མ་སྤྱི་ལ་ཁྱབ་པའི་མཚན་ཉིད་མེད་པའི་སྒྲུབ་བྱེད་ཁས་ལེན་བཞིན་དུ་ཐེག་ཆེན་སེམས་བསྐྱེད་སྤྱི་ལ་ཁྱབ་པའི་མཚན་ཉིད་ཁས་ལེན་པ་ནི་ཆོས་རྗེ་ས་པན་གྱིས། ནགས་ལ་གནས་པའི་སྤྲེའུ་དག ། ལྗོན་པའི་ཤིང་ལ་མི་གཙང་འཐོར། །ཞེས་པའི་འགྲོས་ལྟར་དུ་མི་འགྱུར་རམ། ཁོ་བོ་ནི་ཟས་ཟ་སའི་སྣོད་དུ་སྐྱག་པ་གཏང་འདོད་ཀྱི་བློ་མེད་པས། རེ་ཞིག་ཐེག་ཆེན་སེམས་བསྐྱེད་སྤྱི་ལ་ཁྱབ་པའི་མཚན་ཉིད་ཁས་མི་བླང་ངོ། །
ཐེག་ཆེན་དོན་དང་ཀུན་རྫོབ་སེམས་བསྐྱེད་གཉིས། །ཡུལ་གྱི་རྣམ་པ་ཤིན་དུ་མི་མཐུན་པས། །
སྤྱི་ལ་ཁྱབ་པའི་མཚན་ཉིད་མི་འདོད་ཅེས། །རྨོངས་བློས་ཡང་ཡང་དཔྱད་པའི་འབྲས་ལགས་སོ། །ཅེས་པས་བསྡུ་བའི་ཚིགས་བཅད་དོ། །
གསུམ་པ་རྩོད་པ་སྤོང་བ་ནི། ཁ་ཅིག སློབ་པའི་རྒྱུད་ཀྱི་དོན་དམ་སེམས་བསྐྱེད་དང་། མི་སློབ་པའི་རྒྱུད་ཀྱི་དོན་དམ་སེམས་བསྐྱེད་གཉིས་པོ་དེ་ཡུལ་གྱི་རྣམ་པ་ཤིན་ཏུ་མི་མཐུན་པས། དོན་དམ་སེམས་བསྐྱེད་སྤྱི་ལ་ཁྱབ་པའི་མཚན་ཉིད་མེད། ཅེས་ཟེར་རོ། །དེ་ལ་མཁས་པའི་བཞེད་ཚུལ་མང་ཡང་། ཁོ་བོའི་རྟོག་བློ་ལ་འཆར་ཚུལ་མདོ་ཙམ་ཞུས་ན། ཡུལ་གྱི་རྣམ་པ་མི་མཐུན་པ་ཙམ་གྱིས་སྤྱི་ལ་ཁྱབ་པའི་མཚན་ཉིད་མེད་པར་འཇོག་མི་ནུས་སྙམ་ཏེ། དེ་ལྟར་མིན་ན་ལུང་ལ་འཇུག་སྒོ་དང་བྱམས་པའི་ཞལ་ལུང་གཉིས་ཀྱི་ནང་དུ། མཐར་ཐུག་པའི་མངོན་རྟོགས་དེ་མི་སློབ་ལམ་སྤྱིའི་མཚན་ཉིད་དུ་གསུངས་པ་དང་ཧ་ཅང་འགལ་ཏེ། མི་སློབ་ལམ་སྤྱིའི་མཚན་ཉིད་དེས་མི་ཐེག་པ་གསུམ་ཆར་གྱི་མི་སློབ་ལམ་ལ་ཁྱབ་དགོས་པའི་ཕྱིར་རོ། །གལ་ཏེ་མཐར་ཐུག་པའི་མངོན་རྟོགས་དེ་ཐེག་ཆེན་མི་སློབ་ལམ་ཁོ་ནའི་མཚན་ཉིད་ཡིན་གྱི། ཐེག་པ་གསུམ་ཆར་གྱི་མི་སློབ་ལམ་གྱི་མཚན་ཉིད་མིན་ནོ་སྙམ་ན། མི་འཐད་དེ། མཚན་ཉིད་དེའི་དོན་བྱམས་པའི་ཞལ་ལུང་ལས་རང་ལུགས་ཀྱི་བསླབ་པ་ཡོངས་སུ་རྫོོགས་པ་ཞེས་གསུངས་ཤིང་། རང་ལུགས་ཞེས་པའི་ཚིག་ལ་དམིགས་བསལ་གྱི་དགོངས་པ་ཡོད་པའི་ཕྱིར་དང་། ལུང་ལ་འཇུག་སྒོར་ལམ་ལྔའི་མཚན་ཉིད་གསུངས་པའི་རྗེས། དེ་ལས་ཐར་པའི་ཆ་དང་མཐུན་པའི་ཉན་ཐོས་ཀྱི་མངོན་རྟོགས། ཉན་ཐོས་ཀྱི་ཚོགས་ལམ་དུ་བཞག་པ་བཞིན་གྱི་ལམ་ལྔ་གསུམ་བཅོ་ལྔ་ཀུན་ཤེས་པར་བྱའོ། །ཞེས་པའི་ཚིག་གི་འགྲོས་ལྟར་ན། མཐར་ཐུག་པའི་མངོན་རྟོགས་དེ་མི་སློབ་ལམ་སྤྱིའི་མཚན་ཉིད་དུ་བཞག་ནས། ཐེག་པ་སོ་སོ་ལ་སྦྱར་བའི་ཚེ། མཐར་ཐུགས་པའི་ཉན་ཐོས་ཀྱི་མངོན་རྟོགས། མཐར་ཐུག་པའི་རང་རྒྱལ་གྱི་མངོན་རྟོགས། མཐར་ཐུག་པའི་ཐེག་ཆེན་གྱི་མངོན་རྟོགས་ཞེས་སྦྱར་དགོས་པར་ཤུགས་ལ་གསལ་བས་སོ། །
འོ་ན་སྔར་ཀུན་རྫོབ་སེམས་བསྐྱེད་དང་། དོན་དམ་སེམས་བསྐྱེད་གཉིས་སྤྱི་ལ་ཁྱབ་པའི་མཚན་ཉིད་མེད་པའི་སྒྲུབ་བྱེད་ཇི་ལྟར་ཡིན་སྙམ་ན། ཀུན་རྫོབ་སེམས་བསྐྱེད་དང་དོན་དམ་སེམས་བསྐྱེད། ཐ་སྙད་ཚད་མ་དང་དོན་དམ་ཚད་མ་ལ་སོགས་པའི་ཡུལ་ཅན་རྣམས་ནི་ཡུལ་གྱི་ཆ་ནས་ཁྱད་པར་འཇོག་དགོས་པས། ཡུལ་གྱི་རྣམ་པ་ཤིན་ཏུ་མི་མཐུན་ན་སྤྱི་ལ་ཁྱབ་པའི་མཚན་ཉིད་འཇོག་མི་ནུས་ལ། སློབ་པའི་རྒྱུད་ཀྱི་དོན་དམ་སེམས་བསྐྱེད་དང་མི་སློབ་པའི་རྒྱུད་ཀྱི་དོན་དམ་སེམས་བསྐྱེད། ཐེག་དམན་གྱི་མི་སློབ་ལམ་དང་ཐེག་ཆེན་གྱི་མི་སློབ་ལམ་ལ་སོགས་པའི་ཡུལ་ཅན་རྣམས་ནི་ཡུལ་གྱི་ཆ་ནས་ཁྱད་པར་འཇོག་མི་དགོས་པས། ཡུལ་ཅན་དེ་གཉིས་ཡུལ་གྱི་རྣམ་པ་མི་མཐུན་ཀྱང་སྤྱི་ལ་ཁྱབ་པའི་མཚན་ཉིད་འཇོག་ནུས་སྙམ་ཏེ། སྒྲུབ་བྱེད་ཚད་ལྡན་གྱི་གཞུང་ལུགས་དང་མ་སྦྱར་བའི་ཅལ་སྒྲོག་འགའ་ཞིག་འདིར་ཞུས་པ་ལ་དགོངས་འགལ་མེད་པར་ཞུའོ། །
ཁ་ཅིག སངས་རྒྱས་ཀྱི་སེམས་བསྐྱེད་དང་། སློབ་པའི་རྒྱུད་ཀྱི་སེམས་བསྐྱེད་གཉིས་པོ་དེ་ཡུལ་གྱི་རྣམ་པ་ཤིན་ཏུ་ནས་མི་མཐུན་པ་མ་ཡིན་ཏེ། སློབ་པའི་རྒྱུད་ཀྱི་སེམས་བསྐྱེད་དེས་དོན་དམ་བདེན་པ་ལ་དམིགས་པའི་ཕྱིར་ཏེ་རྫོགས་པའི་བྱང་ཆུབ་ལ་དམིགས་པའི་ཕྱིེར། རྟགས་གྲུབ་སྟེ། ཀུན་རྫོབ་སེམས་བསྐྱེད་དེ་དམིགས་པ་རྣམ་པ་གཉིས་དང་བཅས་པ་ཡིན་པའི་ཕྱིར། ཞེས་ཟེར་རོ། །དེ་ལ་རྣམ་དཔྱོད་ཧ་ཅང་གིས་ཆེ་བ་རྣམས་ལ་སོམ་ཉིད་དེ་མི་འབྱུང་ལ། རྣམ་དཔྱོད་གཏན་ནས་མེད་པ་རྣམས་ལའང་དོགས་པ་དེ་མི་འབྱུང་བས། གཞུང་ལུགས་ལ་དཔྱད་པའི་རྣམ་དཔྱོད་གང་འཚམས་དང་ལྡན་པ་རྣམས་ཀྱི་ཆེད་དུ་ཁོ་བོའི་བསམ་ཚུལ་ཅུད་ཟད་སྨྲོས་ན། ཀུན་རྫོབ་སེམས་བསྐྱེད་ཀྱིས་རྫོགས་པའི་བྱང་ཆུབ་ལ་དམིགས་ཞེས་པའང་རྣམ་བཞག་འདི་ལྟར་ཕྱེ་བར་བྱ་སྟེ། སློབ་པའི་རྒྱུད་ཀྱི་རྣམ་པར་རྟོག་པས་བཟོས་པའི་དོན་དམ་བདེན་པའམ། རྫོགས་པའི་བྱང་ཆུབ་གང་ཡིན་པ་དེ་ཡང་རྣམ་གྲངས་པའི་དོན་དམ་བདེན་པ་ལས་མ་འདས་པས། རྣམ་པར་དཔྱད་ན་ཀུན་རྫོབ་སེམས་བསྐྱེད་དེས་རྫོགས་པའི་བྱང་ཆུབ་ལ་དངོས་སུ་དམིགས་མི་ནུས་སོ། །འོ་ན་རྣམ་གྲངས་མ་ཡིན་པའི་དོན་དམ་བདེན་པ་ཐོབ་མི་ནུས་ཏེ། དངོས་སུ་དམིགས་བྱར་འགྱུར་པའི་ཡུལ་དེ་རྣམ་གྲངས་པའི་དོན་དམ་ཡིན་པའི་ཕྱིར་ཞེ་ན། ཀུན་རྫོབ་སེམས་བསྐྱེད་དེས་རང་གི་དངོས་ཡུལ་དུ་འགྱུར་པའི་རྣམ་གྲངས་པའི་དོན་དམ་བདེན་པའམ། རྫོགས་པའི་བྱང་ཆུབ་རྣམ་གྲངས་པ་དེ་ལ། རྣམ་གྲངས་མ་ཡིན་པའི་དོན་དམ་བདེན་པའམ། རྣམ་གྲངས་མ་ཡིན་པའི་རྫོགས་བྱང་ཉིད་དུ་ཞེན་ནས། དེ་ཐོབ་པའི་ཕྱིར་ལམ་ལ་བརྩོན་པ་ཡིན་པས། རྣམ་གྲངས་མ་ཡིན་པའི་དོན་དམ་ཐོབ་མི་ནུས་པའི་སྐྱོན་དུའང་མི་འགྱུར་རོ། ། དེའང་ཆོས་རྗེ་ས་པན་གྱིས། །
འཆད་ཚེ་རྣམ་པར་ཕྱེ་བས་མཁས། །འཇུག་ཚེ་གཅིག་ཏུ་འཁྲུལ་པས་ཐོབ། །
ཅེས་པའི་གནད་ཤེས་ན་དོགས་པ་རང་གྲོལ་དུ་འགྱུར་རོ། །
གསུམ་པ་ས་མཚམས་ནི། ཐེག་ཆེན་སེམས་བསྐྱེད་ནི་མ་མཐའ་ཚོགས་ལམ་ཆུང་ངུ་ནས་སངས་རྒྱས་ཀྱི་སའི་བར་ཡོད། དེའང་ནང་གསེས་སུ་དབྱེ་ན། ཀུན་རྫོབ་སེམས་བསྐྱེད་ནི་མ་མཐའ་ཚོགས་ལམ་ཆུང་ངུ་ནས་རྡོ་རྗེ་ལྟ་བུའི་ཏིང་ངེ་འཛིན་གྱི་བར། དེའི་ནང་གསེས་སེམས་ཐོག་མར་བསྐྱེད་པའི་སྨོན་རྐྱང་ནི་ཚོགས་ལམ་ཆུང་ངུ་ཁོ་ནར་ཡོད་དོ། །དེ་ཡང་ལུང་ལ་འཇུག་སྒོར། དང་པོ་ནི་བདག་རྫོགས་པའི་བྱང་ཆུབ་ཐོབ་པར་བྱའོ་སྙམ་ནས་དམ་བཅས་པ་ཡིན་ལ། དེ་འགྲུབ་པར་བྱེད་པའི་ཐབས་ཀྱིས་མ་ཟིན་པ་སྨོན་རྐྱང་། དེ་ཡང་ཚོགས་ལམ་ཆུང་ངུ་ཁོ་ནར་རིགས་ཀྱི། ཞེས་དངོས་སུ་གསལ་ལོ། །དོན་དམ་སེམས་བསྐྱེད་ནི་མ་མཐའ་ས་དང་པོ་ནས་སངས་རྒྱས་ཀྱི་སའི་བར་ཡོད་དོ། །དེ་ཡང་ངོ་སྤྲོད་ཀེའུ་ཚང་མའི་འགྲེ་པར།
དང་པོ་ཐེག་ཆེན་མཐོང་ལམ་ནས། །སངས་རྒྱས་ས་ཡི་བར་ན་ཡོད། ། ཅེས་དང་། བྱམས་པའི་ཞལ་ལུང་ལས། དེ་ཡང་རབ་ཏུ་དགའ་བ་དང་པོར་སྐྱེ་བའི་ས་མཚམས་སུ་བཞག་སྟེ། ཞེས་གསུངས་པས་སོ། །དེ་ཡང་མཉམ་བཞག་ཡཻས་ལ་འཇོག་དགོས་པ་ནི་སྡོམ་གསུམ་སྙིང་པོ་བསྟན་པར། དོན་དམ་སེམས་བསྐྱེད་ནི་ས་དེ་པའི་མཉམ་བཞག་ཡཻས། ཞེས་དང་། ལུང་ལ་འཇུག་སྒོར། གཏེར་ལྟ་བུ་ནས་མཉམ་བཞག་གི་ངོ་ཏི་ལ་དོན་དམ་སེམས་བསྐྱེད། སྦྱོར་རྗེས་ཀུན་རྫོབ་ཀུན་རྫོབ་སེམས་བསྐྱེད་དུ་བཞག་གོ །ཞེས་གསུངས། འོ་ན་ངོ་སྤྲོད་ཀེའུ་ཚང་མའི་འགྲེལ་པར།
དོན་དམ་ཀུན་རྫོབ་རྣམ་པ་གཉིས། །དང་པོ་ཐེག་ཆེན་མཐོང་ལམ་ནས། །
སངས་རྒྱས་ས་ཡི་བར་ན་ཡོད། །གཉིས་པ་ཐེག་ཆེན་ཚོགས་ལམ་ནི། །ཆུང་ནས་སངས་རྒྱས་ས་ཡི་བར། །
ཞེས་པའི་གཞུང་ཚིག་དེས་སེམས་བསྐྱེད་གཉིས་ཀྱི་ཡ་མཐའི་ས་མཚམས་སངས་རྒྱས་ཀྱི་སར་གསུངས་པ་དང་འགལ་ལོ་སྙམ་ན། དོན་དམ་སེམས་བསྐྱེད་སངས་རྒྱས་ཀྱི་སར་ཡོད་པ་ལ་གནོད་བྱེད་མེད་ཅིང་། ཀུན་རྫོབ་སེམས་བསྐྱེད་ཀྱི་ཡ་མཐའི་ས་མཚམས་སངས་རྒྱས་ཀྱི་སར་གསུངས་པ་ནི། ཀུན་རྫོབ་སེམས་བསྐྱེད་མཚན་ཉིད་པ་ལ་དགོངས་པ་མ་ཡིན་པར་དེའི་གནས་འགྱུར་པ་ལ་དགོངས་པ་མིན་ནམ་སྙམ་སྟེ། དཔེར་ན་ཀུན་མཁྱེན་ཆེན་པོས་སངས་རྒྱས་ཀྱི་སར་བྱང་སྡོམ་གྱི་གནས་གྱུར་ཡོད་པར་ཁས་བླངས་པ་ལྟ་བུའོ། །འོ་ན་སངས་རྒྱས་ཀྱི་སར་བྱང་སྡོམ་དང་ཀུན་རྫོབ་སེམས་བསྐྱེད་ཡོད་པར་འགྱུར་ཏེ། དེའི་གནས་གྱུར་ཡོད་པའི་ཕྱིར་ཞེ་ན་མ་ཁྱབ་སྟེ། དེ་ལྟར་ན་སྐུ་བཞི་དང་ཡཻས་ལྔ་པོ་དེའང་འཇུག་ཤེས་དང་ཉོན་ཡིད་སོགས་ཀྱི་གནས་གྱུར་ཡིན་པར་ཚད་མའི་སྤྱི་དོན་རིགས་པའི་སྙིང་པོ་ལས་གསལ་བས། སངས་རྒྱས་ཀྱི་སར་ཉོན་ཡིད་སོགས་ཀྱང་ཡོད་པར་ཁས་བླངས་དགོས་པར་ཐལ་ལོ། །དེ་ལ་ངོ་སྤྲོད་ཀེའུ་ཚང་གི་གཞུང་ཚིག་དེའི་དགོངས་པ་དེ་ལྟར་ཡིན་པའི་སྒྲུབ་བྱེད་ཀྱི་ལུང་རིགས་རྣམ་དག་ཞུ་བར་མ་སྤོབས་ཀྱང་། རྨོངས་བློའི་རྟོག་བཟོ་འགའ་ཞིག་འདིར་ཞུས་པ་ལ་ཅི་ནས་ཀྱང་བཟོད་ཐུབ་པར་ཞུའོ། །
རྣམ་པར་དཔྱད་བྱ་སྐར་ཚོགས་བཀྲ་བ་ལ། །རྨོངས་བློས་དཔྱད་པ་གད་མོའི་གནས་ཡིན་མོད། །
ཡིན་ཡང་ཀུན་མཁྱེན་གཉིས་པའི་གཞུང་ལུགས་ལ། །སྦྱངས་པ་རྙེད་ཕྱིར་ཅུང་ཟད་འབད་པ་དགེའོ།། །།[༡༧][༡༨]
ཞེས་པའང་གསེར་ལུང་པད་དཀར་ཆོས་གླིང་དགོན་འཛིན་གྲྭ་ཚང་གི་སློབ་གཉེར་བ་རུས་པ་ཀུན་བཟང་སྟོབས་རྒྱས་མིང་པས་སྤྱི་ལོ་ ༢༠༢༣ ལོར་ཤེར་ཕྱིན་མངོན་པར་རྟོགས་པའི་རྒྱན་གྱི་གཞུང་ལ་ཐོས་བསམ་བྱེད་པའི་གཞོར་དུ་བྲིས་པ་དགེ་ལེགས་སུ་གྱུར་ཅིག།། །།སྱི་ཚེས་ ༣༠/༠༧/༢༠༢༤ ལ་ཡོངས་འབྲེལ་གྱི་སྤེལ་ཡོད།
སྒོ་གསུམ་གུས་པའི་ཀུན་མཁྱེན་གཉིས་པ་མི་ཕམ་པད་མ་དཀར་པོ་ལ་ཕྱག་འཚལ་ལོ། །ཞེས་མཆོད་པར་བརྗོད་པ་མདུན་བསུས་ནས། རང་ཅག་རྣམས་ལ་མེ་ཏོག་གང་ལ་འཕོག་པའི་ལྷ་སྐལ་དུ་གྱུར་པ་ཀུན་མཁྱེན་གཉིས་པ་པད་མ་དཀར་པོ་དེ་ཉིད་ཀྱིས་མཛད་པའི་ཤེར་ཕྱིན་བྱམས་པའི་ཞལ་ལུང་དང་། ལུང་ལ་འཇུག་པའི་སྒོ་དང་། སྤྱོད་འགྲེལ་དབུ་མ་ལམ་གྱི་སྒྲོན་སོགས་སུ་བསྟན་པའི་སངས་རྒྱས་ཀྱི་ཆོས་ཐམས་ཅད་ཀྱི་ས་བོན་དང་། འགྲོ་བ་ཐམས་ཅད་ཀྱི་ཆོས་དཀར་པོ་རྣམ་པར་འཕེལ་བར་བྱེད་པས་ཞིང་ཐེག་ཆེན་སེམས་བསྐྱེད་ཀྱི་སྐོར་བྲི་ལ་སྤྲོ། དེ་ཡང་ཤེར་ཕྱིན་མངོན་རྟོགས་རྒྱན་ལས། སེམས་བསྐྱེད་པ་ནི་གཞན་དོན་ཕྱིར། ཡང་དག་རྫོགས་པའི་བྱང་ཆུབ་འདོད། ། ཅེས་པས་རྣམ་མཁྱེན་ཐོབ་བྱེད་ཀྱི་ཐབས་སམ་རྒྱུ་ནི་དངོས་པོ་དང་པོ་ཡིན་པས། འདི་འདྲེན་བྱེད་ཀྱི་ཆོས་བཅུ་ཡོད་པ་ལས་ཐེག་ཆེན་སེམས་བསྐྱེད་བསྟན་ཏེ། ལུང་དེས་གཙོ་བོར་ཐེག་ཆེན་ཀུན་རྫོབ་སེམས་བསྐྱེད་བསྟན་ལ་སྦས་དོན་དུ་དོན་དམ་སེམས་སྐྱེད་བསྟན་པ་ཡིན། སྐབས་འདིར་བསྟན་པའི་ཐེག་ཆེན་གྱི་སེམས་སྐྱེད་ལ་ཡིན་མིན་དང་ཡོད་མེད་སོགས་ཀྱི་ཐེ་ཚོམ་གྱི་སྒྲོ་འདོགས་གསལ་བའི་དོན་དུ་དཔྱད་པའི་རྣམ་པ་ཅུང་ཟད་བཤད་པ་ལ། སྤྱིར་ཐེག་ཆེན་གྱི་སེམས་བསྐྱེད་ཀྱི་མཚན་ཉིད་ལ་དཔྱད་པ། ཐེག་ཆེན་སེམས་བསྐྱེད་གཙོ་སེམས་ཡིན་མིན་ལ་དཔྱད་པ། སྨོན་འཇུག་གི་སེམས་བསྐྱེད་ལ་དཔྱད་པ་གསསུམ་མོ། ། [༢༢]
དང་པོ་ནི། རང་རེའི་ཀུན་མཁྱེན་བླ་མའི་ལུགས་ལ་ཐེག་ཆེན་སེམས་བསྐྱེད་སྤྱི་ལ་ཁྱབ་པའི་ཐེག་ཆེན་སེམས་བསྐྱེད་ཀྱི་མཚན་ཉིད་ནི་མི་བཞེད་པར་སྙམ་སྟེ། དེ་གཉིས་པོ་ཡུལ་གྱི་རྣམ་པ་ཤིན་ཏུ་ནས་མི་མཐུན་པ་ཡིན་པའི་ཕྱིར། དེ་ལྟར་ཡང་སྤྱི་དོན་རིགས་སྙིང་པོ་ལས། དེ་ལྟར་ན་ཚད་མ་སྤྱིའི་མཚན་ཉིད་མ་བསྟན་པས་སྐྱོན་དུ་འགྱུར་རོ་སྙམ་ན། དེ་ནི་བསྟན་པར་མི་རིགས་ཏེ། བློ་དེ་གཉིས་ཡུལ་གྱི་རྣམ་པ་ཤིན་ཏུ་ནས་མི་མཐུན་པས་སོ་ཞེས་དང་། རྣམ་འགྲེལ་ལས། ཡུལ་རྣམ་ཅན་ནི་ཐ་དད་པས། །བློ་ཡི་རྟོག་པ་ཐ་དད་འགྱུར། །ཅེས་གསུངས་སོ། །ཐེག་ཆེན་སེམས་བསྐྱེད་སྤྱི་ལ་ཁྱབ་པའི་མཚན་ཉིད་མེད་ཀྱང་ སློབ་པའི་རྒྱུད་ཀྱི་དོན་དམ་སེམས་བསྐྱེད་དང་མི་སློབ་པའི་རྒྱུད་ཀྱི་དོན་དམ་སེམས་བསྐྱེད་སྤྱི་ལ་ཁྱབ་པའི་མཚན་ཡོད་དོ་སྙམ་ན། དེ་ནི་མི་རིགས་ཏེ། བློ་དེ་གཉིས་ཡུལ་གྱི་རྣམ་པ་ཤིན་ཏུ་ནས་མི་མཐུན་པ་ཡིན་ཏེ། རྣམ་གྲངས་ཀྱི་དོན་དམ་བདེན་པ་དང་རྣམ་གྲངས་མ་ཡིན་པའི་དོན་དམ་བདེན་པ་ཡུལ་དུ་བྱེད་པའི་ཡུལ་ཅན་ཡིན་པའི་ཕྱིར་རོ། །ཁ་ཅིག་གིས། ཀུན་མཁྱེན་ཆེན་པོས་བྱམས་པའི་ཞལ་ལུང་དུ། ཐེག་ཆེན་དུ་སེམས་བསྐྱེད་པ་ནི། སྟོང་པ་དང་སྙིང་རྗེའི་སྙིང་པོ་ཅན་དུ་སེམས་བསྐྱེད་པ། ཞེས་པ་གཞིར་བཟུང་ནས། དེས་ཐེག་ཆེན་སེམས་བསྐྱེད་སྤྱིའི་མཚན་ཉིད་བསྟན་ཞེས་པའང་འཐད་པར་མ་མཐོང་སྟེ། མཚན་ཉིད་དེའི་དོན། སྙིང་རྗེས་ཆེད་དུ་བྱ་བ་གཞན་དོན་ལ་དམིགས་ལ། ཤེས་རབ་ཀྱིས་ཡང་དག་པར་རྫོགས་པའི་བྱང་ཆུབ་འདོད་པ་སྟེ་དོན་གཉིས་སམ་དམིགས་པ་གཉིས་དང་ལྡན་པའི་སེམས་བསྐྱེད་ནི་ཡིད་ཀྱི་རྣམ་ཤེས་ཡིན་པས་ཀུན་རྫོབ་སེམས་བསྐྱེད་ཁོ་ན་བསྟན་པ་ཡིན་སྙམ་མོ། །ཁ་ཅིག རང་ལུགས་ཀུན་མཁྱེན་ཆོན་པོའི་ལུགས་ལ་དོན་དམ་སེམས་བསྐྱེད་སྤྱིའི་མཚན་ཉིད་མེད་པར་མི་འཐད་དེ། བྱམས་པའི་ཞལ་ལུང་ལས་། ལུང་དང་སྒྲུབ་པ་དང་རྟོགས་པའི་ཁྱད་པར་དག་གིས་སེམས་བསྐྱེད་པ་ནི་དོན་དམ་སེམས་བསྐྱེད་ཀྱི་མཚན་ཉིད་ཡིན་ཞེ་ན། རྟགས་མ་གྲུབ་སྟེ། ཚིག་དེའི་འཕྲོར། ཐེག་ཆེན་གྱི་ཆོས་ལ་མོས་པའི་ས་བོན། ཤེར་ཕྱིན་སྐྱེད་བྱེད་ཀྱི་མ། བསམ་གཏན་གྱི་བདེ་བ་མངལ། སྙིང་རྗེ་སྐྱོང་བའི་མ་མ་སྟེ། ཁྱད་ཆོས་འདིས་ཀྱང་ཡིན་ནོ། །ཞེས་སྡུད་པའི་རྒྱན་སྡུས་ཀྱི་སྒྲ་སྦྱར་བའི་སྒོ་ནས་ཐེག་ཆེན་གྱི་ཆོས་ལ་མོས་པའི་ས་བོན་ལ་སོགས་པ་རྣམས་དོན་དམ་སེམས་བསྐྱེད་ཀྱི་ཁྱད་ཆོས་སུ་བསྟན་པ་ལས། གོང་དུ་ལུང་དང་སྒྲུབ་པ་སོགས་བསྟན་པ་དེ་ཡང་ཁྱད་ཆོས་སུ་བསྟན་པ་དཔོག་ནུས་པས་སོ། དེས་ན་དེ་ནི་ཁྱད་ཆོས་སུ་བསྟན་པ་ཡིན་གྱི། མཚན་ཉིད་དུ་བསྟན་པ་མ་ཡིན་པ་ཞེས་པ་ནི་ཁོ་བོའི་རྣམ་པར་རྟོག་པའོ། །
གཉིས་པ་ནི། རང་ལུགས་ལ་ཐེག་ཆེན་ཀུན་རྫོབ་སེམས་བསྐྱེད་གཙོ་སེམས་ལ་བཞག་ན་འཐད་པར་སྣང་ཏེ། ལུང་ལ་འཇུག་པའི་སྒོ་ལས། དེ་ཡང་དོན་གཉིས་ལ་དམིགས་པ་དང་ལྡན་པའི་ཡིད་ཀྱི་རྣམ་ཤེས་སུ་བཞག་པ་ནི། སེམས་བསྐྱེད་པ་དེ་ལ་ཡང་ཡང་དག་པར་བླངས་པས་ཐོབ་པ་དང༌། ཆོས་ཉིད་ཀྱིས་ཐོབ་པ་གཉིས་ཡོད་པ་དང་པོའི་དབང་དུ་བྱས་པའི་ཕྱིར་རོ། ཞེས་དང་། སྟོང་པ་ཉིད་སྙིང་རྗེའི་སྙིང་པོ་ཅན་ལ་དམིགས་པའི་ཡིད་ཤེས་དགེ་བ་ཡོན་ཏན་ཟད་མི་ཤེས་པ་འདྲེན་ནུས་པ་ཞིག་གོ་ཞེས་དང་། ཡང་ཡིད་ཀྱི་རྣམ་ཤེས་དེ་རང་སྟོབས་ཀྱིས་ཐེག་ཆེན་ཀུན་རྫོབ་ལ་སོང་བའི་ཚེ་ དེ་དང་མཚུངས་པར་ལྡན་པའི་སེམས་བྱུང་ཐམས་ཅད་དེའི་ངོ་བོར་སོང་བའི་ཕྱིར་རོ། །དོན་དམ་སེམས་བསྐྱེད་ནི་དངོས་སུ་གཙོ་སེམས་དང་སེམས་འབྱུང་གང་ལ་ཡང་ངོས་འཛིན་མ་གནང་བས་ བློ་གྲོས་དང་ལྡན་པ་རྣམས་ཀྱིས་དཔྱད་པར་བྱའོ། །
གསུམ་པནི། སྨོན་འཇུག་གི་སེམས་བསྐྱེད་དཔྱད་པ་ལ། སྨོན་འཇུག་གི་སེམས་བསྐྱེད་གཉིས་པོ་ཀུན་རྫོབ་སེམས་བསྐྱེད་ཡིན་མིན་ལ་དཔྱད་པ། དཀའ་བའི་གནད་སྨོན་འཇུག་གཉིས་རྫས་གཅིག་དང་ཐ་དད་ལ་དཔྱད་པ། སྨོན་སེམས་དེ་བྱང་ཆུབ་སེམས་དཔའི་སྡོམ་པར་འཐད་མི་འཐད་ལ་དཔྱད་པ། སྨོན་སེམས་དང་ཐེག་ཆེན་གྱི་སྐྱབས་འགྲོའི་ཁྱད་པར་དང་ལྔ་ལས། དང་པོ་ནི། སྨོན་པ་དང་འཇུག་པའི་སེམས་བསྐྱེད་ཡིན་ན་ཀུན་རྫོབ་སེམས་བསྐྱེད་ཡིན་པས་མ་ཁྱབ་ཏེ། ཤེར་ཕྱིན་གྱི་ལུང་ལ་འཇུག་པའི་སྒོ་ལས། གཏེར་ལྟ་བུ་ནས་མཉམ་བཞག་གི་ངོ་ཏི་ལ་དོན་དམ་སེམས་བསྐྱེད་ནི་འཇུག་པ་སེམས་བསྐྱེད་ཡིན་པའི་ཕྱིར་རོ། །འོ་ན་སངས་རྒྱས་ཀྱི་རྒྱུད་ཀྱི་དོན་དམ་སེམས་བསྐྱེད་དེ་ཡང་ མཉམ་བཞག་ངོ་ཏི་ལ་དོན་དམ་སེམས་བསྐྱེད་ཡིན་པས་ འཇུག་པའི་སེམས་བསྐྱེད་ཡིན་ནམ་ཞེས་དང་། ཡང་སྤྱོད་འཇུག་གི་འབྲུ་འགྲེལ་ལས། མདོར་བསྡུ་ན། རྣམ་པ་གཉིས་སུ་ཤེས་པར་བྱ་སྟེ། བྱང་ཆུབ་ཏུ་སྨོན་པའི་སེམས་དང་ནི། །བྱང་ཆུབ་ལ་འཇུག་པ་ཉིད་ཡིན་ནོ། ། དེ་གཉིས་ཀུན་རྫོབ་ཁོ་ན་ཞེས་པ་དང་འགལ་ལོ་ཞེ་ན། དང་པོ་དེ་ནི་འཇུག་པའི་སེམས་བསྐྱེད་མ་ཡིན་ཏེ། དེ་ནི་སློབ་པའི་རྒྱུད་ཀྱི་དོན་དམ་སེམས་བསྐྱེད་ལ་དགོངས་ནས་གསུངས་པ་ཡིན་པའི་ཕྱིར་རོ། །གཉིས་པ་དེ་ཡང་འགལ་བར་མི་འགྱུར་ཏེ། དེ་ནི་སྔར་བཤད་པའི་ཆོ་ག་ལ་བརྟེན་ནས་ལེན་པའི་སྨོན་འཇུག་དེ་ཉིད་ཀུན་རྫོབ་སེམས་བསྐྱེད་ཡིན་པ་བཤད་པ་ཡིན་ནོ། །
གཉིས་པ་ནི། ཀུན་མཁྱེན་ཆེན་པོས། སྨོན་འཇུག་གཉིས་པོ་དངོས་སུ་རྫས་གཅིག་དང་ཐ་དད་ཀྱི་རྣམ་གཞག་གསུངས་པར་མ་སྣང་ཡང་། ཁོ་བོའི་བསམ་ཚུལ་ཅུང་ཟད་སྨོས་ན། སྨོན་འཇུག་ཅིག་ཅར་དུ་ལེན་པའི་སྐབས་ཀྱི་སྨོན་པ་སེམས་བསྐྱེད་ནི་འཇུག་པའི་ཆར་གཏོགས་པའམ་འཇུག་པའི་ངོ་བོར་སོང་བ་ཡིན་པས་འཇུག་པ་སེམས་བསྐྱེད་དང་རྫས་གཅིག་དང་། ཆོ་ག་ལ་མ་བརྟེན་པའི་སྨོན་སེམས་རྐྱང་པ་དེ་ནི་དེ་གཉིས་གང་ཡང་མ་ཡིན་ནོ། ། སྨོན་འཇུག་གཉིས་རྫས་ཐ་དད་དུ་བཞག་ན་ སྨོན་པའི་སེམས་བསྐྱེད་ཀྱི་ངོ་བོར་གྱུར་པའི་སེམས་བྱུང་སེམས་པ་ཅིག་དང་། འཇུག་པའི་སེམས་བསྐྱེད་ཀྱི་ངོ་བོར་གྱུར་པའི་སེམས་བྱུང་སེམས་པ་རྫས་ཐ་དད་གཉིས་ཅིག་ཅར་དུ་ཡོད་པར་ཐལ་བས། དེས་ན་གཙོ་སེམས་གཅིག་གི་འཁོར་དུ་སེམས་བྱུང་སེམས་པ་རྫས་ཐ་དད་པ་གཉིས་ཅིག་ཅར་དུ་མི་སྲིད་པས་སྨོན་འཇུག་རྫས་ཐ་དད་དུ་བཞག་ན་མི་འཐད་སྙམ་མོ། །
གསུམ་པ། ཆོ་ག་ལ་མ་བརྟེན་པར་ལེན་པའི་སྨོན་སེམས་རྐྱང་པ་དེ་ བྱང་ཆུབ་སེམས་པའི་སྡོམ་པ་མ་ཡིན་ཏེ། བསོད་ནམས་རྒྱུན་ཆགས་སུ་འབྱུང་བ་མ་ཡིན་པའི་ཕྱིར་རོ། ། དེ་ལྟར་ཡང་སྤྱོད་འཇུག་དབུ་མ་ལམ་སྒྲོན་ལས། བྱང་ཆུབ་སྨོན་པའི་སེམས་རྐྱང་པ་དེ་ལ་ནི། འཁོར་བ་ན་འཁོར་བའི་འབྲས་བུ་ཆེ་འབྱུང་ཡང་། ཇི་ལྟར་འཇུག་པའི་སེམས་བསྐྱེད་པ་ལ་བཞིན་དུ་བསོད་ནམས་རྒྱུན་ཆགས་སུ་འབྱུང་བ་མིན་ཏེ། དེ་ནི་དམ་བཅས་པ་ཙམ་ཡིན་ལ་སྒྲུབ་པ་དང་བྲལ་བས་སོ། །ཞེས་གསུངས་པའི་ཕྱི་རོ། །
གཉིས་པ་སྨོན་པའི་སེམས་བསྐྱེད་དང་ཐེག་ཆེན་སྐྱབས་འགྲོའི་ཁྱད་པར་ནི། ཞབས་དྲུང་རིན་པོ་ཆེས། དེ་དང་སྨོན་སེམས་ཁྱད་པར་འབྱེད་པའི་ལུགས། །དམ་བཅའི་ལྕགས་ཀྱུས་ཟིན་པ་སྨོན་སེམས་ཏེ། །ཞེས་དང་། སྤྱོད་འཇུག་གི་འབྲུ་འགྲེལ་དབུ་མ་ལམ་གྱི་སྒྲོན་མ་ལས། ཐེག་ཆེན་གྱི་སྐྱབས་འགྲོའང་གཞན་དོན་དུ་སངས་རྒྱས་ཐོབ་པར་འདོད་པ་ཡིན་ན། དེ་དང་སྨོན་རྐྱང་ཁྱད་མེད་པར་འགྱུར་རོ་སྙམ་ན་མ་ཡིན་ཏེ། དང་པོ་སེམས་བྱུང་འདོད་པ། གཉིས་པ་ནི་གཞན་གྱི་དོན་གྱི་ཕྱིར་དག་པར་རྫོགས་པའི་བྱང་ཆུབ་འདོད་པའི་འདུན་པ་དེ་དང་། སེམས་པ་གཉིས་མཚུངས་ལྡན་དུ་བྱེད་པའི་རྣམ་ཤེས་ཡིན་པས་ཁྱད་པར་ཆེ། དང་པོ་ཐོབ་པར་བྱ་སྙམ་པ་ཙམ་དང་། གཉིས་པ་ནི་ཐོབ་པར་གྱུར་ཅིག་སྙམ་དུ་ཡོངས་སུ་བསྔོ་བས་དེས་སེམས་འབྱུང་དུ་མི་ལས་པར་བསྒྱུར་བ་ཡིན་ནོ། ། ཞེས་གསུངས་སོ། ། སློབ་གཉེར་བ་ཀུན་དགའ་ལྷོབ་མིང་པས་བྲིས་པའོ། །
དཔལ་ལྡན་བླ་མས་སྐུ་ཚེ་རབ་བརྟན་ཅིང་། །དགེ་འདུན་སྡོ་རྣམས་བསླབ་གསུམ་གོང་དུ་འཕེལ། །
བསྟན་པའི་སྦྱིན་བདག་མངའ་ཐང་དར་བ་ཡི། །རྒྱལ་བའི་བསྟན་པ་ཡུན་དུ་གནས་པར་ཤོག །
རྩོམ་ཤོག་གི་རིགས། བྱུང་ཆུབ་སེམས་དཔའི་རྒྱུ་གསུམ་གྱི་སྐོར།
ཞུན་དག༼ བྱང་ཆུབ་སེམས་དཔའི་རྒྱུ་གསུམ་པ་དཔྱད་པ། ༽
ཞུན་དགཐུབ་པའི་དབང་པོའི་རྐ་ལས་བབས་པའི་དྲི་མེད་ཆུ་བཟང་བདུད་རྩིའི་རྒྱུན། །འཕགས་ཡུལ་མཁས་པའི་པན་གྲུབ་རྣམས་ཀྱི་རྣམ་དཔྱོད་ཡུར་བ་ནས་དྲངས་ཏེ། །[༢༣]
ཀུན་མཁྱེན་གཉིས་པའི་ཐུགས་མཚོར་འཁྱིལ་ཏེ་མཁྱེན་པའི་པདྨོ་རྒྱས་པ་ལས། །གསུང་གི་དྲི་བསུང་ཕྱོགས་བརྒྱར་ཁྱབ་མཛད་གང་ལ་གུས་པས་ཕྱག་བགྱིའོ། །
མངོན་དུ་གྱུར་པའི་དོན་ཡང་ཤེས་དཀའ་ན། །ལྐོག་ཏུ་གྱུར་པར་འཛུབ་ཚུགས་ག་ལ་ནུས། །
ཡིན་ཡང་མཁས་པའི་བྱ་བ་རྣམ་གསུམ་ལ། །ཅི་སྟེ་ཁོ་ཡང་འཇུག་པར་མི་སྤྲོ་ལགས། །
བྱང་སེམས་ཀྱི་རྒྱུ་གསུམ་པོ་ལ་མཁས་པའི་བཞེད་ཚུལ་མང་དུ་ཡོད་ཀྱང་། ཀུན་མཁྱེན་གཉིས་པ་བདུད་དང་བདུད་ཀྱི་ཕྱོགས་ཐམས་ཅད་ལས་རྣམ་པར་རྒྱལ་བ་གང་དེ་ཉིད་ཀྱི་ཐུགས་མཚོ་ལས་འཁྲུངས་པའི་དགོངས་བཞེད་པདྨ་དཀར་པོ་འདམ་གྱི་དྲི་མས་མ་གོས་པ་ལས། གཞུང་ཚིག་རོ་མངར་གྱི་སྦྲང་རྩིའི་ཕུད་ཙམ་ཞིག་བླངས་ནས་རྐང་དྲུག་གི་ཚོགས་རྣམས་ལ་སྤེལ་བར་བྱ་བ་ལ། འཕྲོས་གཞི་རྒྱུ་གསུམ་བསྟན་པའི་གཞུང་མདོར་བསྟན། །བྱང་སེམས་འཕགས་པའི་འབྲས་ཅན་གསུམ་ངོས་བཟུང་། གསུམ་པོ་དེ་ཡི་གོ་རིམ་རྣམ་པར་བཞག །ཅེས་ས་བཅད་རྣམ་པ་གསུམ་ལས།
དང་པོ་ནི། དབུ་མ་འཇུག་པ་ལས། སྙིང་རྗེའི་སེམས་དང་གཉིས་སུ་མེད་བློ་དང་། །བྱང་ཆུབ་སེམས་ནི་རྒྱལ་སྲས་རྣམས་ཀྱི་རྒྱུ། །ཞེས་དང་། རིན་ཆེན་འཕྲེང་བ་ལས། དེ་ཡི་རྩ་བ་བྱང་ཆུབ་སེམས། །རི་དབང་རྒྱལ་པོ་ལྟར་བརྟན་དང་། །ཕྱོགས་མཐའ་གཏུགས་པའི་སྙིང་རྗེ་དང་། །གཉིས་ལ་མང་བརྟེན་ཡེ་ཤེས་ལགས། །ཞེས་དང་། །ཡང་རིན་ཆེན་འཕྲེང་བ་ལས། །ཐེག་པ་ཆེན་པོ་གང་ཞིག་གིས། །སྙིང་རྗེ་སྔོན་བཏང་སྤྱོད་པ་ཀུན། །ཡེ་ཤེས་དྲི་མ་མེད་བཤད་པ། །སེམས་ཡོད་སུ་ཞིག་དེ་ལ་སྨོད། །ཅེས་པའི་གཞུང་ཚིག་རྣམས་ཀྱི་བསྟན་བྱར་འགྱུར་པ་ནི་བྱང་སེམས་འཕགས་པའི་རྒྱུར་གྱུར་པའི་རྒྱུ་གསུམ་མོ། །
གཉིས་པ་ནི། གཞུང་ཚིག་དྲི་མ་མེད་པ་དེ་རྣམས་ཀྱིས་བྱང་སེམས་འཕགས་པའི་རྒྱུ་གསུམ་བསྟན་ན། འོ་ན་རྒྱུ་གསུམ་པོ་དེ་གང་ཞེ་ན། སྙིང་རྗེ་ཆེན་པོ་དང་། མཐའ་གཉིས་དང་བྲལ་བའི་ཤེས་རབ་བམ་གཉིས་སུ་མེད་པའི་བློ་དང་། བྱང་ཆུབ་ཀྱི་སེམས་གསུམ་པོ་ནི་གོང་གི་གཞུང་ཚིག་རྣམས་ཀྱི་བསྟན་བྱའོ། །དེ་ལ་སྙིང་རྗེ་ཆེན་པོ་ནི་ཟླ་བས་འཇུག་པ་རང་འགྲེལ་དུ། དེ་ལ་སྙིང་རྗེ་ནི་བརྩེ་བ་སྟེ། འདི་ཉིད་དུ་འཆད་པར་འགྱུར་བའི་རྣམ་པ་དང་རང་གི་ངོ་བོ་ཅན་ནོ། །ཞེས་པ་ཙམ་ལས་ཚིག་གི་གསལ་ཀ་མ་བྱུང་བས། སྐབས་འདིའི་རྣམ་པ་དང་ངོ་བོ་ནི་འདིར་ཞུ་བར་བྱ་བ་ལགས་སོ། །དེ་ལ་རྣམ་པ་ནི་འཇུག་པ་ལས། སྡུག་བསྔལ་ཅན་རྣམས་ཡོངས་སྐྱོབ་པ། །ཐུགས་རྗེ་ཆེན་པོའོ། །ཞེས་པའི་གཞུང་གིས་བསྟན་ལ། དེའི་དོན་ནི་གཞུང་གསུམ་གསལ་བྱེད་ལས། དེ་ནི་སེམས་ཅན་སྡུག་བསྔལ་བར་གྱུར་པ་ཡོངས་སུ་སྐྱོབ་པའི་མཚན་ཉིད་ཅན་ནོ། །ཞེས་གསུང་ཤིང་། སོ་སར་བཤད་ན་སེམས་ཅན་ལ་དམིགས་པའི་སྙིང་རྗེ་བཤད་པའི་སྐབས། དེ་ལ་དམིགས་ནས་སྡུག་བསྔལ་དེ་ལས་སྐྱབས་པར་སྤྲོ་བ་དེའི་ཕྱིར། ཞེས་དང་། ཆོས་ལ་དམིགས་པའི་སྙིང་རྗེ་བཤད་པའི་སྐབས། སྡུག་བསྔལ་ལ་དམིགས་ནས་སྐྱོབ་པར་འདོད་པ། ཞེས་དང་། དམིགས་མེད་ཀྱི་སྙིང་རྗེ་བཤད་པའི་སྐབས། མཉམ་པ་ཉིད་ཀྱིས་ཡོངས་སུ་སྐྱོབ་པ། ཞེས་གསུངས་ཤིང་། དེའང་བསྡུ་ན་སྐྱབས་རྗེ་དགེ་རིན་པས་ལྟ་གྲུབ་གསལ་བྱེད་ལས། མདོར་ན་སྙིང་རྗེ་གསུམ་ཆར་རྣམ་པ་སྡུག་བསྔལ་དང་བྲལ་འདོད་སོགས་སུ་དམིགས་པའི་བློ་ཡིན་པར་འདྲ་ཡང་། །ཞེས་གསུངས་པ་དེའོ། །
ངོ་བོ་ནི་འཇུག་པ་ལས། དང་པོར་ང་ཞེས་བདག་ལ་ཞེན་གྱུར་ཞིང་། །བདག་གི་འདི་ཞེས་དངོས་ལ་ཆགས་བསྐྱེད་པ། །ཟོ་ཆུན་འཕྱན་ལྟར་རང་བ་མེད་པ་ཡི། །འགྲོ་ལ་སྙིང་རྗེར་གྱུར་གང་དེ་ལ་འདུད། །འགྲོ་བ་གཡོ་བའི་ཆུ་ཡི་ནང་གི་ཟླ་བ་ལྟར། །གཡོ་དང་རང་བཞིན་ཉིད་ཀྱིས་སྟོང་པར་མཐོང་བ་ཡིས། །ཞེས་པའི་གཞུང་གི་བསྟན་བྱ་དམིགས་ཡུལ་གྱིས་ཁྱད་པར་བྱས་པའི་བློ་གསུམ་མོ། །དེ་ལ་དགོངས་ནས་དགེ་རིན་པས། དམིགས་ཡུལ་གང་གིས་ཁྱད་པར་དུ་མ་བྱས་པ་དང་། མི་རྟག་པའི་ཁྱད་པར་དུ་བྱས་པ་དང་། བདེན་མེད་ཀྱི་ཁྱད་པར་དུ་བྱས་པའི་ཁྱད་པར་ཡིན་པར་ཤེས་པར་བྱའོ། །ཞེས་གསུངས། འོན་ཀྱང་གཞུང་དེས་སྙིང་རྗེའི་རྣམ་པ་མ་བསྟན་པ་ཡིན་ནམ་སྙམ་ན་མ་ཡིན་ཏེ། འཇུག་པ་རང་འགྲེལ་ལས། སྡུག་བསྔལ་གྱིས་སྡུག་བསྔལ་བ་དེ་ལ་ཤིན་ཏུ་སྙིང་རྗེས་དམིགས་ནས་བསྐྱབ་པར་སྤྲོ་བ་དེའི་ཕྱིར། ཞེས་དང་། འགྲོ་བ་ཡོངས་ཀྱི་གཉེན་ཉིད་ཀྱི་རང་བཞིན་དུ་གྱུར་པ་སངས་རྒྱས་ཉིད་ཡང་དག་པར་ཐོབ་པར་འདོད་པ་ཡིན་ནོ། །ཞེས་པའི་ཚིག་གིས་གསལ་བའི་ཕྱིར། དབྱེ་ན་སེམས་ཅན་ལ་དམིགས་པའི་སྙིང་རྗེ། ཆོས་ལ་དམིགས་པའི་སྙིང་རྗེ། དམིགས་པ་མེད་པའི་སྙིང་རྗེ་དང་གསུམ་མོ། །དང་པོ་ནི་སྡུག་བསྔལ་གྱིས་སྡུག་བསྔལ་བ་དེ་ལ་དམིགས་ནས་སྡུག་བསྔལ་དེ་ལས་བསྐྱབ་པར་འདོད་པའི་བློ་དང་། གཉིས་པ་ནི་སྐད་ཅིག་རེ་རེ་ལ་འཇིག་པའི་སྡུག་བསྔལ་ཅན་གྱི་སེམས་ཅན་ལ་དམིགས་ནས་སྡུག་བསྔལ་དེ་ལས་སྐྱོབ་པར་འདོད་པའི་བློ་དང་། གསུམ་པ་ནི་བདེན་མེད་ཀྱི་ཁྱད་པར་དུ་བྱས་པའི་སེམས་ཅན་ལ་དམིགས་ནས་རྣམ་པ་གྲོལ་བར་འདོད་པའི་བློའོ། །
གཉིས་སུ་མེད་པའི་བློ་ནི་འཇུག་པ་རང་འགྲེལ་ལས། དངོས་པོ་དང་དངོས་པོ་མེད་པ་ལ་སོགས་པའི་མཐའ་གཉིས་དང་བྲལ་བའི་ཤེས་རབ་བོ། །ཞེས་གསུངས་ཤིང་། དེངས་ས་དང་པོའི་མཉག་ཡཻས་སམ། མཐོང་ལམ་གྱི་ཡཻས་དེར་འཇོག་དགོས་ཏེ། གཉིས་མེད་ཀྱི་ཡཻས་དེ་རྒྱུད་ལ་སྐྱེས་པ་དང་བྱང་ཆུབ་སེམས་དཔར་འགྲོ་བ་དུས་མཉམ་ཡིན་པའི་ཕྱིར་དང་། དེའི་སྔ་རོལ་དུ་གཉིས་མེད་ཀྱི་ཡཻས་དེ་མེད་པའི་ཕྱིར། དང་པོ་གྲུབ་སྟེ་གཞུང་གསུམ་གསལ་བྱེད་ལས། སོ་སོར་རྟོག་པ་དེས་ཁ་ནང་དུ་ཕྱོགས་པར་དཔྱད་པས་ཡཻས་སྐྱེ་ལ། དེའི་ཚེ་བྱང་ཆུབ་སེམས་དཔར་འགྲོ་བས་སོ། ཞེས་དང་། ཡཻས་དེ་སྙིང་རྗེ་ཆེན་པོའི་ཁྱད་པར་དུ་སྐྱེས་པ་ཁོ་ན་དོན་དམ་པའི་བྱང་ཆུབ་ཀྱི་སེམས་ཡིན་ལ། དེ་རྒྱུད་ལ་སྐྱེས་པ་ལ་སྐྱེས་པ་ཞེས་བཏགས་ནས། སེམས་འདི་སྐྱེས་པས་ས་འདི་ཐོབ་བོ་ཞེས་རྟེན་འབྱུང་གི་རྒྱུ་འབྲས་སུ་འཐད་པས་རྒྱུ་འབྲས་སུ་ཁས་ལེན་ཏེ། དཔྱད་བཟོད་པར་ནི་མི་འདོད་དོ། །ཞེས་གསུངས་པའི་ཕྱིར། དེ་ཡང་ལྟ་བའི་ཆ་ནས་བཞག་པའི་བྱང་ཆུབ་སེམས་དཔའ་ཡིན་གྱི་སྤྱོད་པའི་ཆ་ནས་བཞག་པའི་བྱང་ཆུབ་སེམས་དཔའ་ནི་ཐེག་ཆེན་ཚོགས་ལས་ནས་ཡོད་པར་ཤེས་པར་བྱའོ། །གོང་གི་རྟགས་གཉིས་པ་ཡང་གྲུབ་སྟེ། གཞུང་གསུམ་གསལ་བྱེད་ལས། ལམ་མ་ཞུགས་སུ་སྙིང་རྗེ་ཆེན་པ་སྐྱེས་ནས་དེ་ལྟ་བུའི་ཁྱད་པར་བཞི་དང་ལྡན་པའི་དམ་བཅའ་བ་ཀུན་རྫོབ་བྱང་ཆུབ་ཏུ་སེམས་བསྐྱེད་པས་ཚོགས་ཀྱི་ལམ་དུ་འཇུག་ལ། དེར་དབ་བཅའ་བ་དེ་གཉིས་སུ་མེད་པའི་ཡཻས་དང་བྲལ་བས། ཞེས་དང་། དེ་རབ་ཀྱི་ཕུལ་དུ་གྱུར་ཀྱང་སྒྲའི་རྗེས་སུ་འགྲོ་བའི་བཟོད་པ་ཡིན་པས་ཡཻས་སུ་མི་འདོད་དོ། །ཞེས་དང་། ཆོས་འཁོར་དོགས་གཅོད་ལས། ས་དང་པོ་ནས་ཆེན་པོར་སོང་བས་དབུ་མ་པའི་ས་མཚམས་དེ་ནས་འཛིན་པ་ཡིན། དེ་ཡན་དུ་དབུ་མའི་ལྟ་བ་གོ་བ་ཙམ་ལས་རྙེད་པར་མི་འགྱུར་ཏེ། ཞེས་གསུངས་པའི་ཕྱིར་རོ། །
བྱང་ཆུབ་ཀྱི་སེམས་ནི། འཕགས་པ་ཆོས་ཀུན་འགྲོ་བའི་མདོ་ལས། ཆོས་ཉིད་འདི་ལྟ་བུ་འདི་སེམས་ཅན་རྣམས་ཀྱི་ཁོང་དུ་ཆུད་པར་བྱའོ་སྙམ་ནས། བྱང་ཆུབ་སེམས་དཔལ་སེམས་གང་སྐྱེས་པ་འདི་ནི་བྱང་ཆུབ་སེམས་དཔའི་བྱང་ཆུབ་ཀྱི་སེམས་ཞེས་བགྱིའོ། །ཞེས་གསུངས་ཤིང་། དེའི་དོན་ཀུན་མཁྱེན་ཆེན་པོས། ཆོས་ཉིད་ཀྱི་གནས་ལུགས་མ་མཐོང་བ་ལ་སྙིིང་རྗེ་སྐྱེས་ནས་དེ་མཐོང་བར་བྱ་བའི་ཕྱིར་དམ་བཅའ་བ། ཞེས་གསུངས། མདོར་ན་བྱང་ཆུབ་ཀྱི་སེམས་ནི་རྒྱུ་སྙིང་རྗེ་ཆེན་པོས་རྩིས་ཟིན་པའི་སྒོ་ནས་སེམས་ཅན་ཐམས་ཅད་ཆོས་ཉིད་ཀྱི་གནས་ལུགས་མཐོང་བར་བྱའོ་སྙམ་པའི་དམ་བཅའི་བློ་གང་ཡིན་པ་དེའོ། །
གསུམ་པ་རྒྱུ་གསུམ་གྱི་གོ་རིམ་རྣམ་པར་བཞག་པ་ལ་སྤྱིའི་ལུགས་དང་། བྱེ་བྲག་གི་བསམ་ཚུལ་གཉིས་ལས། དང་པོ་ནི། སྤྱིར་རྒྱུ་གསུམ་གྱི་གོ་རིམ་ལ། དབུ་མ་རྒྱན་ལས། ཡང་དག་ཤེས་ཚུལ་སྔོན་བཏང་སྟེ། །དོན་དམ་རྣམ་པར་ངེས་གྱུར་ནས། །ལྟ་ངན་ཐིབས་གནས་འཇིག་རྟེན་ལ། །སྙིང་རྗེ་ཀུན་ཏུ་འབད་ནས་སུ། །འགྲོ་དོན་བྱེད་པར་དཔའ་གྱུར་པ། །བྱང་ཆུབ་བློ་རྒྱས་མཁས་པ་ནི། །བློ་དང་སྙིང་རྗེས་བརྒྱན་པ་ཡིས། །ཐུབ་པའི་བརྟུལ་ཞུགས་ཡང་དག་སྤྱོད། །ཅེས་གསུངས་པ་ལྟར་ལྟ་བ་སྔོན་སོང་ཅན་གྱི་གོ་རིམ་དང་། རིན་ཆེན་འཕྲེང་བ་ལས། །ཐེག་པ་ཆེན་པོ་གང་ཞིག་གིས། །སྙིང་རྗེ་སྔོན་བཏང་སྤྱོད་པ་ཀུན། །ཡེ་ཤེས་དྲི་མ་མེད་བཤད་པ། །སེམས་ཡོད་སུ་ཞིག་དེ་ལ་སྨོད། །ཅེས་གསུངས་པ་ལྟར་སྤྱོད་པ་སྔོན་སོང་ཅན་གྱི་གོ་རིམ་གཉིས་པོ་ནི་མཁས་པ་སྤྱིའི་བཞེད་ལུགས་ཡིན་པ་འདྲ། འོ་ན་ཀུན་མཁྱེན་ཆེན་པོས་ལྟ་བ་སྔོན་སོང་ཅན་གྱི་གོ་རིམ་ཁས་ལེན་པའི་སྒྲུབ་བྱེད་ཅི། སྤྱོད་པ་སྔོན་སོང་ཅན་གྱི་གོ་རིམ་ཁས་ལེན་པའི་སྒྲུབ་བྱེད་ཅི་སྙམ་ན། དང་པོ་ནི་གཞུང་གསུམ་གསལ་བྱེད་ལས་པཎྜི་ཏའི་དཔྱད་སྒོམ་བཤད་པའི་སྐབས། ལུང་དང་རིགས་པས་གང་ཟག་དང་ཆོས་ལ་བརྟགས་པ་ན། དཔྱད་པའི་བློ་ངོ་དེར་ཅི་ཡང་མི་དམིགས་པ་ཙམ་ཞིག་བསྒྲུབས་ནས་དེའི་རྒྱུན་ལ་ཞི་གནས་ཀྱི་མཉམ་པར་འཇོག་པ་ཡིན་ཏེ། ཞེས་གསུངས་པའི་ཕྱིར། གཉིས་པའི་སྒྲུབ་བྱེད་ཡང་ཡོད་དེ། ཀུ་ས་ལའི་འཇོག་སྒོམ་དང་། མངོན་པར་རྟོགས་པའི་ས་རྣམ་པར་བཞག་པའི་སྐབས་སྙིང་རྗེ་སྔོན་སོང་གི་གོ་རིམ་བཞེད་པའི་ཕྱིར་རོ། །
གཉིས་པ་ནི། སྤྱོད་པ་སྔོན་འགྲོ་ཅན་གྱི་གོ་རིམ་ལའང་ཁོ་བོའི་བསམ་ཚུལ་ཅུང་ཟད་སྨྲོས་ན། སྙིང་རྗེ་ཆེན་པོ་ཉིད་ཐོག་མར་སྐྱེ་བ་ལ་ཁྱད་པར་མེད་དེ། ཀུན་མཁྱེན་ཆེན་པོས། ལམ་མ་ཞུགས་སུ་སྙིང་རྗེ་ཆེན་པོ་བསྐྱེད་ནས་དེ་ལྟ་བུའི་ཁྱད་པར་བཞི་དང་ལྡན་པའི་དམ་བཅའ་བ་ཀུན་རྫོབ་བྱང་ཆུབ་ཏུ་སེམས་བསྐྱེད་པས་ཚོགས་ཀྱི་ལམ་དུ་འཇུག་ལ། ཞེས་གསུངས་པའི་ཕྱིར། རྒྱུ་ཕྱི་མ་གཉིས་ལ་བྱང་ཆུབ་ཀྱི་སེམས་སྔར་སྐྱེས་ཤིང་གཉིས་སུ་མེད་པའི་ཡཻས་ཕྱིས་སྐྱེ་ལ། གཉིས་མེད་ཀྱི་ཡཻས་སྔར་སྐྱེས་ཤིང་བྱང་ཆུབ་ཀྱི་སེམས་ཕྱིས་སྐྱེ་བའི་ལུགས་གཉིས་ཁས་ལེན་དགོས་པར་འདྲའོ། །ལུགས་དང་པོ་ལ་སྒྲུབ་བྱེད་གསུམ་ཞུ་བར་བྱ་སྟེ། སྒྲུབ་བྱེད་དང་པོ་ནི། ཀུན་མཁྱེན་ཆེན་པོས་གཉིས་མེད་ཀྱི་ཡཻས་སྐྱེས་པ་དང་བྱང་ཆུབ་སེམས་དཔར་འགྲོ་བ་གཉིས་དུས་མཉམ་ཁས་བླངས་ནས། གཉིས་མེད་ཀྱི་ཡཻས་དེ་བྱང་ཆུབ་སེམས་དཔའི་རྟེན་འབྱུང་གི་རྒྱུ་ཙམ་ལས། རྒྱ྄་མཚན་ཉིད་པར་མི་འདོད་པའི་སྐྱོན་སྤོང་མཛད་ཅིང་། རྒྱུ་གཞན་གཉིས་ལ་དེ་ལྟར་མི་མཛད་པ་དེས་ཀྱང་སྙིང་རྗེ་ཆེན་པོ་དང་བྱང་ཆུབ་ཀྱི་སེམས་དེ་བྱང་ཆུབ་སེམས་དཔའི་རྒྱུ་མཚན་ཉིད་པར་དཔོག་ཐུབ་བོ། །དེ་ལྟར་ཡིན་ན་བྱང་ཆུབ་ཀྱི་སེམས་དེ་ཡང་གཉིས་མེད་ཀྱི་ཡཻས་དེའི་སྔར་སྐྱེ་དགོས་པར་གྲུབ་པའི་ཕྱིར་རོ། །
སྒྲུབ་བྱེད་གཉིས་པ་ནི། སྐྱབས་རྗེ་དགེ་རིན་པས་རྒྱུ་གསུམ་གྱི་ནང་གསེས་ཀྱི་བྱང་ཆུབ་ཀྱི་སེམས་དེ་ཀུན་རྫོབ་བྱང་ཆུབ་ཀྱི་སེམས་ཡིན་པར་བཞེད་ལ། རྒྱུ་གསུམ་རྒྱུད་ལ་སྐྱེ་བའི་གོ་རིམ་ཡང་ཀུན་མཁྱེན་གྱི་དགོངས་པ་ལྟར་འཆད་པར་བཞེད་ཅིང་། གཉིས་མེད་ཀྱི་ཡཻས་དེའི་ཕྱིས་སུ་ཆོས་ཉིད་དེ་ལྟ་བུ་དེ་སེམས་ཅན་ཐམས་ཅད་ཀྱི་ཁོང་དུ་ཆུད་པར་བགྱིའོ་སྙམ་པའི་བློ་དེ་དོན་དམ་བྱང་ཆུབ་ཀྱི་སེམས་སུ་བཞེད་པ་ལས་ཀྱང་། རྒྱུ་གསུམ་གྱི་ནང་གསེས་ཀྱི་བྱང་ཆུབ་ཀྱི་སེམས་དེ་གཉིས་མེད་ཀྱི་ཡཻས་དེའི་སྔར་སྐྱེ་བར་ཁས་ལེན་དགོས་པར་འདྲ་བའི་ཕྱིར་རོ། །
སྒྲུབ་བྱེད་གསུམ་པ་ནི། ཀུན་མཁྱེན་ཆེན་པོས་རྒྱུ་གསུམ་གྱི་རྣམ་བཞག་བཤད་ཟིན་པའི་རྗེས། རྒྱུ་གསུམ་གྱི་སྒྲུབ་བྱེད་དུ་འཇུག་འགྲེལ་གྱི་ཚིག འདི་ལྟར་སྙིང་རྗེ་ཅན་ནི་གཞན་གྱི་སྡུག་བསྔལ་གྱི་སྡུག་བསྔལ་བ་ཉིད་ཀྱིས་སེམས་ཅན་སྡུག་བསྔལ་བར་གྱུར་པ་མ་ལུས་པ་ཡོངས་སུ་བསྐྱབ་པར་བྱ་བའི་ཕྱིར། གདོན་མི་ཟ་བར་བདག་གིས་འཇིག་རྟེན་འདི་ཐ་དག་སྡུག་བསྔལ་ལས་བཏོན་ཏེ། སངས་རྒྱས་ཉིད་ལ་ངེས་པར་སྦྱར་བར་བྱའོ་སྙམ་དུ་ངེས་པར་སེམས་སྐྱེད་པར་བྱེད་དོ། །དམ་བཅའ་བ་དེ་ཡང་གཉིས་སུ་མེད་པའི་ཡཻས་སྤངས་པས་བསྒྲུབ་པར་མི་ནུས་པས་གཉིས་སུ་མེད་པའི་ཡཻས་ལའང་ངེས་པ་ཁོ་ནར་འཇུག་སྟེ། ཞེས་པ་དེ་དྲངས་པ་ཡིན་ལ། དེ་ལྟར་ཡིན་ན་འཇུག་འགྲེལ་གྱི་ཚིག་དེར་གཉིས་མེད་ཀྱི་ཡཻས་དེའི་ཕྱིས་སུ་སྐྱེས་པའི་བྱང་ཆུབ་ཀྱི་སེམས་ཤིག་མ་བསྟན་པ་དེས་ཀྱང་། རྒྱུ་གསུམ་གྱི་ནང་གསེས་ཀྱི་བྱང་ཆུབ་ཀྱི་སེམས་དེ་ཡཻས་དེའི་སྔར་གྱི་ཀུན་རྗེབ་སེམས་བསྐྱེད་ལ་བཞེད་པར་གསལ་བའི་ཕྱིར་རོ། །
དེས་ན་བྱང་ཆུབ་ཀྱི་སེམས་གཉིས་སུ་མེད་པའི་ཡཻས་ཀྱི་སྔར་སྐྱེ་བའི་དབང་དུ་བྱེད་ན། སྙིང་རྗེ་ཆེན་པོ་དང་བྱང་ཆུབ་ཀྱི་སེམས་དེ་བྱང་སེམས་འཕགས་པ་སྐྱེད་བྱེད་ཀྱི་རྒྱུ་དང་། གཉིས་སུ་མེད་པའི་བློ་དེ་བྱང་སེམས་འཕགས་པའི་རྟེན་འབྱུང་གི་རྒྱུ་སྟེ། དེ་རྒྱུད་ལ་སྐྱེས་པ་དང་བྱང་ཆུབ་སེམས་དཔའ་ཞེས་པའི་མཚན་ཐོབ་པ་ཡིན་པའི་ཕྱིར་རོ། །
གཉིས་པ་གཉིས་མེད་ཀྱི་ཡཻས་སྔར་སྐྱེསཤིང་། བྱང་ཆུབ་ཀྱི་སེམས་ཕྱིས་སུ་སྐྱེ་བའི་ལུགས་ལའང་སྒྲུབ་བྱེད་ཡོད་དེ། ཀུན་མཁྱེན་ཆེན་པོས། བྱང་སེམས་ནི། བྱང་འཕགས་ལ་ཆོས་ཉིད་ཀྱི་གནས་ལུགས་མ་མཐོང་བ་ལ་སྙིང་རྗེ་སྐྱེས་ནས་དེ་མཐོང་བར་བྱ་བའི་ཕྱིར་དམ་བཅའ་བས་རྗེས་ལ་ཐོབ་པའོ། །ཞེས་དང་། གཉིས་སུ་མེད་པའི་ཡཻས་དེ་ལས་ལྡང་བ་ན་ཆོས་ཐམས་ཅད་ནི་ཆོས་ཀྱི་དབྱིངས་དང་མཉམ་པའོ། །བློ་བུར་དུ་བྱུང་བ་མི་གནས་པ་ཆོས་ཐམས་ཅད་ནི་ཤེས་པར་བགྱི་བ་ཙམ་དང་། ཤེས་པ་པོས་སྟོང་པའི་ཕྱིར་ཡོངས་སུ་ཤེས་པར་བགྱི་བ་ཙམ་དུ་བས་ན་ཆོས་ཉིད་འདི་ལྟ་འདི་སེམས་ཅན་ཐམས་ཅད་ཀྱི་ཁོང་དུ་ཆུད་པར་བྱའོ་སྙམ་ནས། བྱང་ཆུབ་སེམས་དཔའ་ལ་སེམས་གང་སྐྱེ་བ་འདི་ནི་བྱང་ཆུབ་སེམས་དཔའི་བྱང་ཆུབ་ཀྱི་སེམས་ཞེས་བགྱིའོ། །ཞེས་གསུངས་པའི་ཕྱིར། དེས་ན་གོང་གི་ལུང་གཉིས་ལས་བྱང་འཕགས་ལ་ཞེས་པའི་ཚིག་གིས་བྱང་ཆུབ་ཀྱི་སེམས་དེ་གཉིས་མེད་ཀྱི་ཡཻས་དེའི་སྔར་མེད་པར་བསྟན་ལ། རྗེས་ལ་ཐོབ་པའོ། །ཞེས་པ་དང་། གཉིས་སུ་མེད་པའི་ཡཻས་དེ་ལས་ལྡང་བ་ན་ཞེས་པའི་ཚིག་གིས་བྱང་ཆུབ་ཀྱི་སེམས་དེ་གཉིས་མེད་ཀྱི་ཡཻས་དེའི་ཕྱིས་སུ་སྐྱེ་བར་གྲུབ་པའི་ཕྱིར་རོ། །
ལུགས་དེའི་དབང་དུ་གཏང་ན་སྙིང་རྗེ་ཆེན་པོ་ནི་བྱང་སེམས་འཕགས་པའི་སྔོན་སོང་གྱི་རྒྱུ་དང་། གཉིས་སུ་མེད་པའི་བློ་དང་བྱང་ཆུབ་ཀྱི་སེམས་དེ་རྟེན་འབྱུང་གི་རྒྱུ་སྟེ། དེའང་གཉིས་སུ་མེད་པའི་བློ་རྒྱུད་ལ་སྐྱེ་བ་ན་གཞན་ངོར་བྱང་སེམས་འཕགས་པ་ཞེས་པའི་མཚན་ཐོབ་པ་ཡིན་གྱི་རང་ངོར་ནི་མ་ཡིན་ཏེ། སྤྲོས་པ་དང་བྲལ་བའི་ཡཻས་ལ་མཉམ་པར་འཇོག་བཞིན་པ་ཡིན་པས་དེ་ལྟ་བུའི་སྤྲོས་པ་མི་མངའ་བའི་ཕྱིར། བྱང་ཆུབ་ཀྱི་སེམས་རྒྱུད་ལ་སྐྱེ་བ་ན། རང་ཉིད་ཀྱིས་ཀྱང་བྱང་སེམས་འཕགས་པ་ཞེས་པའི་ཐ་སྙད་བྱེད་ནུས་པ་ཡིན་ཏེ། རྗེས་ཐོབ་རྣམ་པར་རྟོག་པ་དང་བཅས་པའི་སྐབས་ཡིན་པའི་ཕྱིར་རོ། །ཡིན་ནའང་དབུ་མ་འཇུག་པའི་དངོས་བསྟན་གྱི་རྒྱུ་གསུམ་ལས། བྱང་ཆུབ་ཀྱི་སེམས་དེ་གཉིས་མེད་ཀྱི་ཡཻས་དེའི་ཕྱིས་སུ་སྐྱེས་པར་འདོད་ཀྱང་། ཚོགས་སྦྱོར་གྱི་གནས་སྐབས་ཀྱི་ཀུན་རྫོབ་སེམས་བསྐྱེད་དེ་བྱང་སེམས་འཕགས་པའི་རྒྱུར་མི་འདོད་པ་ནི་མ་ཡིན་ནོ། །[༢༣][༢༤]
མཁས་པའི་གཞུང་དང་འགལ་བ་མཆིས་འགྱུར་ན། །མཁས་པའི་སྤྱན་སྔར་གུས་པས་མཐོལ་བཤཊ་ནས། །
མཁས་པའི་བྱ་བར་འབད་པའི་དགེ་བ་ཡང། །མཁས་པའི་ས་རུ་ཕྱིན་པའི་རྒྱུ་རུ་བསྔོའོ། །
ཞེས་པའང་གསེར་ལུང་པད་དཀར་ཆོས་གླིང་དགོན་འཛིན་གྲྭ་ཚང་གི་སློབ་གཉེར་བ་ཀུན་བཟང་སྟོབས་རྒྱས་མིང་པས་བྲིས་པའོ། །སྤྱི་ཚེས་ ༣༠/༠༧/༢༠༢༤ ལ་ཡོངས་འབྲེལ་ཐོག་ཏུ་སྤེལ་ཡོད།
རྒྱལ་བའི་སྲས་ཀྱི་རྒྱུ་གསུམ་བསྟན་པ་ལས། །གཙོ་བོར་གྲགས་པ་སྙིང་རྗེ་ཆེན་པོ་ནི། །
ཕྱག་བྱར་འོས་པ་གཟིགས་པའི་བླ་མ་གང་། །དཔལ་ལྡན་ཟླ་བའི་ཞབས་ལ་མགོས་ཕྱག་འཚལ། །
ཀླུ་སྒྲུབ་ཞབས་ཀྱི་དགོངས་པ་མ་ནོར་བ། །ཁྱོད་ཀྱི་གཞུང་ལས་གསལ་བར་བསྟན་ན་ཡང་། །
ཕལ་ཆེར་ཕྱོགས་ལྷུང་ལམ་ངན་ཞུགས་པ་ལ། །ཇི་བཞིན་རྟོགས་པའི་བླ་མ་གང་ལ་འདུད། །
ཁྱེད་ཀྱི་ཐུགས་དགོངས་དཀོན་མཆོག་ཆུད་པ་དང་། །རྒྱུ་གཙོ་སྙིང་རྗེ་རྒྱུད་ལ་རྙེད་ཕྱིར་དང་། །
དོན་དམ་ཇི་བཞིན་རྟོགས་པའི་རྟེན་འབྲེལ་དུ། །གཞུང་གི་གནད་དོན་འགའ་ཞིག་བསྟན་པར་བྱ། །
ཞེས་ཀླུ་སྒྲུབ་ཞབས་ཀྱི་དགོངས་པ་མ་ནོར་བ་གསལ་བར་སྟོན་མཁན་སློབ་དཔོན་ཟླ་གྲགས་ཞབས་དང་། དེའི་དགོངས་པ་ཇི་བཞིན་གཟིགས་མཁན་ཀུན་མཁྱེན་པད་མ་དཀར་པོ་གང་ལ་མཆོད་པར་བརྗོད་ཅིང་ཕྱག་འཚལ་བ་དང་བརྩམ་པར་དམ་བཅའ་བའི་ལས་ཚིག་སྔོན་དུ་བཏང་ནས། དབུ་མ་འཇུག་པ་ལས། སྙིང་རྗེའི་སེམས་དང་གཉིས་སུ་མེད་བློ་དང་། ། བྱང་ཆུབ་སེམས་ནི་རྒྱལ་སྲས་ཀྱི་རྣམས་ཀྱི་རྒྱུ། །ཞེས་དང་། དེ་ཉིད་དུ། དེ་ནི་རིང་དུ་སོང་བར་བློ་ཡང་ལྷག་པར་འགྱུར། །ཞེས་གསུངས་པ་ལས་ཕྲོས་ཏེ་འདིར་ཅུང་བཤད་པར་བྱ་བ་ལ་དོན་གཉིས་ཏེ།
བྱང་ཆུབ་སེམས་དཔའི་རྒྱུ་གསུམ་རང་ལུགས་བཞག་པའི་སྒོ་ནས་བསྟན། བྱང་ཆུབ་སེམས་དཔས་ཉན་རང་བློའི་སྟོབས་ཀྱིས་ཟིལ་གྱིས་གནོན་ཚུལ་གཞན་ལུགས་དགག་པའི་སྒོ་ནས་བསྟན་པའོ། །དང་པོ་ལ་གསུམ། རྒྱུ་གསུམ་གྱི་ངོས་འཛིན་དང་། དེ་བསྐྱེད་ཚུལ་གྱི་གོ་རིམ་བཤད་ནས་གོ་རིམ་མི་མཐུན་པར་འཇོག་པའི་རྒྱུ་མཚན་བསྟན་པ་དང་། དེ་གསུམ་ལས་སྙིང་རྗེ་བྱེ་བྲག་ཏུ་བཤད་པའོ། །
དང་པོ་ནི། རྒྱལ་བའི་སྲས་ཀྱི་རྒྱུ་གསུམ་ནི། སྙིང་རྗེ་དང་། གཉིས་སུ་མེད་པའི་བློ་དང་། བྱང་ཆུབ་ཀྱི་སེམས་སོ། །དེ་གསུམ་ལས་སྙིང་རྗེ་ནི། བརྩེ་བ་སྟེ་སེམས་ཅན་སྡུག་བསྔལ་ལས་བསྐྱབ་པར་སྤྲོ་བའམ་དེའི་ནུས་པ་གང་རུང་ངོ། །གཉིས་སུ་མེད་པའི་བློ་ནི། དངོས་དངོས་མེད་སོགས་མཐའ་གཉིས་དང་བྲལ་བའི་ཤེས་རབ་བོ། །བྱང་ཆུབ་ཀྱི་སེམས་ནི། སྟོང་ཉིད་སྙིང་རྗེའི་སྙིང་པོ་ཅན་གྱི་སེམས་བསྐྱེད་པ་སྟེ་ཀུན་རྫོབ་བྱང་ཆུབ་ཀྱི་སེམས་དང་དོན་དམ་བྱང་ཆུབ་ཀྱི་སེམས་གང་རུང་ངོ། །
གཉིས་པ་དེ་བསྐྱེད་ཚུལ་གྱི་གོ་རིམ་བཤད་ནས་གོ་རིམ་མི་མཐུན་པར་འཇོག་པའི་རྒྱུ་མཚན་བསྟན་པ་ལ་གཉིས། གོ་རིམ་བཤད་པ་དང་། མི་མཐུན་པར་འཇོག་པའི་རྒྱུ་མཚན་བསྟན་པའོ། །
དང་པོ་ནི། ཐེག་པ་ཆེན་པོའི་རིགས་ཅན་དབང་པོ་རྣོན་པོ་ལྟ་བུ་ཞིག་གིས། ཐེག་ཆེན་གྱི་ལན་དུ་མ་ཞུགས་པའི་ཐོག་མར་སེམས་ཅན་ཐམས་ཅད་སྡུག་བསྔལ་ལས་བསྐྱབ་པར་སྤྲོ་བའི་སེམས་སྙིང་རྗེ་ཆེན་པོ་ཀུན་ནས་སློང་། དེ་ནས་བླ་ན་མེད་པའི་འབྲས་བུ་ལ་དམ་བཅའ་བ་སྟེ་ཀུན་རྫོབ་བྱང་ཆུབ་ཏུ་སེམས་བསྐྱེད་ནས་ཚོགས་ལམ་དུ་འཇུག དེ་ལྟར་དམ་བཅའ་བ་དེ་ཡང་གཉིས་སུ་མེད་པའི་ཡེ་ཤེས་མེད་ན་འགྲུབ་མི་ནུས་པར་ཤེས་ནས་ཡེ་ཤེས་དེ་བསྒྲུབ་པའི་ཕྱིར། ཐོས་བསམ་གྱི་ཤེས་རབ་བསྐྱེད་པས་མོས་པས་སྤྱོད་པའི་ས་ལ་འཇུག་ནས་ཤེས་རབ་དེ་ལ་བརྟེན་ནས་ཐོག་མར་སོ་སོར་རྟོག་པའི་ཤེས་རབ་སྐྱེད། དེ་སྒྲའི་རྗེས་སུ་འགྲོ་བའི་བཟོད་པ་ཡིན་པས་ཡེ་ཤེས་སུ་མི་འདོད་ལ་དེས་ཁ་ནང་དུ་ཕྱོགས་པར་དཔྱད་པས་གཉིས་སུ་མེད་པའི་ཡེ་ཤེས་སྐྱེ་བ་དེ་ཁར་བྱང་ཆུབ་སེམས་དཔར་འགྲོ་བ་ཡིན། གཉིས་སུ་མེད་པའི་ཡེ་ཤེས་སྐྱེ་བ་དང་མཉམ་དུ་དམིགས་མེད་ཀྱི་སྙིང་རྗེའམ་སྙིང་རྗེ་ཁྱད་པར་ཅན་དང་དོན་དམ་བྱང་ཆུབ་ཀྱི་སེམས་ཀྱང་སྐྱེ་བ་ཡིན་ནོ། །ཡང་སྔར་སོ་སྐྱེའི་གནས་སྐབས་སུ་སྙིང་རྗེ་ཆེན་པོ་མ་སྐྱེ་བའི་སྔར་དོན་སྤྱིའི་སྒོ་ནས་ཆོས་ཐམས་ཅད་སྤྲོས་བྲལ་ལམ་བདེན་མེད་དུ་གཏན་ལ་ཕབ་ནས། སྙིང་རྗེ་ཆེན་པོ་ནས་བཟུང་གོ་རིམ་སྔར་བཞིན་སྐྱེ་བ་ཡང་ཡོད་དོ། །
གཉིས་པ་མི་མཐུན་པར་འཇོག་པའི་རྒྱུ་མཚན་བསྟན་པ་ནི། འཇུག་པར། སྙིང་རྗེའི་སེམས་དང་གཉིས་སུ་མེད་བློ་དང་། །བྱང་ཆུབ་སེམས་ནི་རྒྱལ་སྲས་རྣམས་ཀྱི་རྒྱུ། །ཞེས་སྙིང་རྗེ་ཐོག་མར་དང་། གཉིས་མེད་ཀྱི་བློ་བར། བྱང་ཆུབ་ཀྱི་སེམས་མཇུག་ཏུ་བསྟན་པ་དང་། རིན་ཆེན་ཕྲེང་བ་ལས། དེ་ཡི་རྩ་བ་བྱང་ཆུབ་སེམས། །རི་དབང་རྒྱལ་པོ་ལྟར་བརྟན་དང་། །ཕྱོགས་མཐའ་གཏུགས་པའི་སྙིང་རྗེ་དང་། །གཉིས་ལ་མི་བརྟེན་ཡེ་ཤེས་ལགས། །ཞེས་བྱང་ཆུབ་ཀྱི་སེམས་ཐོག་མར་དང་། སྙིང་རྗེ་བར། གཉིས་མེད་ཡེ་ཤེས་མཇུག་ཏུ་བསྟན་པ་དང་། དབུ་མ་རྒྱན་ལས། ཡང་དག་ཤེས་ཚུལ་སྔོན་བཏང་སྟེ། །དོན་དམ་རྣམ་པར་ངེས་གྱུར་ནས། །ལྟ་ངན་ཐིབས་གནས་འཇིག་རྟེན་ལ། །སྙིང་རྗེ་ཀུན་ཏུ་འབད་ནས་སུ། །འགྲོ་དོན་བྱེད་པར་དཔའ་གྱུར་པ། །བྱང་ཆུབ་བློ་རྒྱས་མཁས་པ་ནི། །བློ་དང་སྙིང་རྗེས་བརྒྱན་པ་ཡིས། །ཐུབ་པའི་རྟུལ་ཞུགས་ཡང་དག་སྤྱོད། །ཡང་དག་དད་པས་རྗེས་འབྲང་བ། །རྫོགས་པའི་བྱང་ཆུབ་སེམས་བསྐྱེད་ནས། །ཐུབ་པའི་བརྟུལ་བཞུགས་བླངས་བྱས་ཏེ། །དེ་ནི་ཡང་དག་ཤེས་ཚུལ་བརྩོན། །ཞེས་གཉིས་མེད་ཀྱི་བློ་ཐོག་མར་དང་། སྙིང་རྗེ་བར། བྱང་ཆུབ་སེམས་མཇུག་ཏུ་སོགས་གོ་རིམ་མི་མཐུན་པར་འཇོག་པའི་རྒྱུ་མཚན་ཅི་ལགས་སྙམ་ན།
གོང་དུ་གོ་རིམ་བཤད་པ་ལྟར། སྙིང་རྗེ་ལ་སྙིང་རྗེ་ཆེན་པོ་ཙམ་དང་སྙིང་རྗེ་ཁྱད་པར་ཅན་གཉིས། དེ་བཞིན་གཉིས་མེད་ཀྱི་བློ་ལའང་སོ་སོར་རྟོག་པའི་ཤེས་རབ་དང་དོན་སྤྱིའི་ཚུལ་གྱིས་རྟོགས་པའི་རྟོག་པ་སྟེ་དེ་བཏགས་པ་བ་ཙམ་དང་གཉིས་མེད་ཀྱི་ཡེ་ཤེས་གཉིས། དེ་ལྟར་བྱང་ཆུབ་ཀྱི་སེམས་ཀྱང་ཀུན་རྫོབ་བྱང་ཆུབ་ཀྱི་སེམས་དང་དོན་དམ་བྱང་ཆུབ་ཀྱི་སེམས་གཉིས་ཡོད་པས། རྒྱུ་གསུམ་གྱི་དང་པོ་གསུམ་ནི་བྱང་ཆུབ་སེམས་དཔའི་སྔོན་སོང་གི་རྒྱུ་དང་། ཕྱི་མ་གསུམ་ནི་བྱང་ཆུབ་སེམས་དཔའ་དང་དུས་མཉམ་པ་སྟེ་བརྟེན་པའི་རྒྱུ་དེ་དག་དང་རྟེན་འབྱུང་གི་རྒྱུ་འབྲས་སུ་འཐད་པས་རྒྱུ་འབྲས་སུ་ཁས་ལེན་པ་ཡིན་ནོ། །དེས་ན་གཞུང་ཆེན་རྣམས་སུ་རྒྱུའི་གོ་རིམ་ཇི་ལྟར་འཇོག་ཀྱང་སྐྱོན་མེད་དེ་རྒྱུའི་ངོས་འཛིན་ལ་ཇི་ལྟར་འཇོག་ཀྱང་འཐད་པར་སྣང་བས་སོ། །
འདིར་སོ་སོར་རྟོག་པའི་ཤེས་རབ་ནི་གཉིས་སུ་མེད་པའི་ཡེ་ཤེས་བཏགས་པ་བ་ཙམ་ཞེས་ཁས་ལེན་པས། ཀུན་མཁྱེན་ཆེན་པོས། གཞུང་གསུམ་གསལ་བྱེད་དུ། འོ་ན་གཉིས་མེད་ཀྱི་ཤེས་པ་དེ་ས་དང་པོའི་སྔོན་རོལ་དུ་མེད་པས་ས་དང་པོ་དང་དུས་མཉམ་པས་རྒྱུ་འབྲས་མཉམ་པར་འགྱུར་རོ་སྙམ་ན་མ་ཡིན་ཏེ། ཞེས་སོགས་གསུངས་པ་དང་། སྐྱབས་རྗེ་དགེ་རིན་པས། དབུ་མའི་ལྟ་གྲུབ་གསལ་བྱེད་དུ། དེས་ན་སོ་སྐྱེའི་གནས་སྐབས་སུ་རྒྱུ་གསུམ་པོ་ཉམས་སུ་བླངས་པའི་འབྲས་བུ་ས་དང་པོའི་བྱང་ཆུབ་སེམས་དཔའ། སོགས་གསུངས་པའི་དབུ་མ་འཇུག་པའི་དགོངས་བཞིན་གསུངས་པའི་དགོངས་པ་གཉིས་འགལ་མེད་དུ་ཁོ་བོས་རྟོགས་སོ། །
གསུམ་པ་སྙིང་རྗེ་བྱེ་བྲག་ཏུ་བཤད་པ་ལ་གཉིས། ངོ་བོ་དང་དབྱེ་བ་བཤད་པ་དང་། དབྱེ་བ་གསུམ་གྱི་གནད་ཐུན་མིན་བསྟན་པའོ། ། དང་པོ་ལ་གཉིས། ངོ་བོ་དང་། དབྱེ་བ་བསྟན་པའོ། །
དང་པོ་ནི། གོང་དུ་དོན་བཤད་ཟིན་པ་དེས་ཆོག་པར་སྣང་ངོ། །
གཉིས་པ་དབྱེ་བ་ནི། སྡུག་བསྔལ་ལས་བསྐྱབ་པར་སྤྲོ་བའི་དམིགས་ཡུལ་སེམས་ཅན་རྣམས་གང་གིས་ཁྱད་པར་དུ་མ་བྱས་པ་དམིགས་པ་ལ་མངའ་བ་སེམས་ཅན་ལ་དམིགས་པའི་སྙིང་རྗེ་དང་། མི་རྟག་པ་སོགས་ཀྱི་ཁྱད་པར་དུ་བྱས་ནས་དམིགས་པ་ལ་མངའ་བ་ཆོས་ལ་དམིགས་པའི་སྙིང་རྗེ་དང་། བདན་མེད་ཀྱི་ཁྱད་པར་དུ་མཁྱེན་པ་ལ་མངའ་བ་དམིགས་པ་མེད་པའི་སྙིང་རྗེ་གསུམ་ཡིན་ནོ། །
གསུམ་པ་དབྱེ་བ་གསུམ་གྱི་གནད་ཐུན་མིན་བསྟན་པ་ནི། སངས་རྒྱས་ཀྱི་སའམ་སངས་རྒྱས་ནི་སོ་སོ་སྐྱེ་བོས་དེ་དང་དེ་ལྟ་བུ་ཡིན་ཞེས་བརྗོད་པས་གནས་ཚུལ་བརྗོད་མི་ནུས་པས། འདིར་དེ་ལ་སྙིང་རྗེ་ཡོད་མེད་ཀྱི་དཔྱད་པ་ལའང་མ་སྤྲོ་ལ། སོ་སོ་སྐྱེ་བོའི་གནས་སྐབས་ནས་སྙིང་རྗེ་ཆེན་པོ་ཞིག་སྐྱེས་ནས་བྱང་ཆུབ་ཀྱི་སེམས་བསྐྱེད་པས་ཚོགས་ལམ་དུ་འཇུག་པ་ནས། ས་བཅུ་པའི་བར་གྱི་བྱང་སེམས་ལ་དེ་ལྟ་བུའི་སྙིང་རྗེ་དགོས་པ་ནི། འཇུག་པར། གང་ཕྱིར་བརྩེ་ཉིད་རྒྱལ་བའི་ལོ་ཐོག་ཕུན་ཚོགས་འདིའི། །ཞེས་སོགས་གསུངས་པའི་རྩ་འགྲེལ་གཉིས་ལས་གསལ་བར་བསྟན་ཡོད་པས་དེ་རྣམས་སྙིང་རྗེ་དང་ལྡན་པ་ནི་ལོགས་སུ་སྒྲུབ་མི་དགོས་ལ། ཚོགས་ལམ་པ་སོགས་ལ་སྙིང་རྗེ་གསུམ་ལས་གང་ལྡན་པ་ཡིན། བྱང་སེམས་འཕགས་པ་རྣམས་ལ་གང་ལྡན་པ་ཡིན་ནམ་སྙམ་པའི་རྨོངས་པ་སོགས་སེལ་ཕྱིར་དུ། ཐོག་མར་གང་ཟག་ཞིག་ལམ་ལ་མ་ཞུགས་པའི་སྔར་སེམས་ཅན་རྣམས་སྡུག་བསྔལ་ལས་བསྐྱབ་པར་སྤྲོ་བའི་སེམས་སྐྱེ་བ་འདི་ཁར་སྙིང་རྗེ་སྐྱེ་བའོ། །སྙིང་རྗེ་འདི་ལེན་གཅིག་སྐྱེས་ནས་དུས་ཕྱིས་སེམས་ཅན་སྡུག་བསྔལ་ལས་བྲལ་འདོད་ཀྱི་བློ་ཞིག་དངོས་སུ་མ་སྐྱེ་ཡང་འདིའི་ནུས་པའམ་བྱེད་པ་མ་ཉམས་པར་ཡོད་ན་སྙིང་རྗེ་ཡོད་པར་ཆོག་སྟེ། དཔེར་ན་ཤར་ཕྱོགས་ནས་ནུབ་ཕྱོགས་ཀྱི་བར་འགྲོ་བར་འདོད་པའི་བློ་སྐྱེས་ནས་འགྲོ་བའི་ཚེ། འགྲོ་བར་འདོད་པའི་བློ་དངོས་སུ་མ་སྐྱེ་ཡང་དེའི་ནུས་པ་མ་ཉམས་པར་དགོས་སྟེ། གཞན་དུ་ན་དེས་མི་འགྲོ་བར་སྡོད་དགོས་པ་བཞིན་ནོ། །
དེས་ན་བྱང་སེམས་ཞིག་ལ་སྙིང་རྗེ་སྐྱེས་ནས་སངས་རྒྱས་མ་ཐོབ་ཀྱི་བར་དུ་སྙིང་རྗེ་མེད་པའམ་མི་ལྡན་པར་མི་རུང་ལ། སྙིང་རྗེ་དེ་ཡོད་པའི་བྱང་སེམས་དེ་ལ་སྙིང་རྗེ་གསུམ་ལས་གང་ཡོད་པ་ཡིན་སྙམ་ན། སྙིང་རྗེ་ལྡན་པའི་བྱང་སེམས་དེས་སེམས་ཅན་རྣམས་མི་རྟག་སོགས་ཀྱི་ཁྱད་པར་དུ་མ་བྱས་པར་དམིགས་པའི་གནས་སྐབས་སུ། དེའི་རྒྱུད་ཀྱི་སྙིང་རྗེ་ནི་སེམས་ཅན་ལ་དམིགས་པའི་སྙིང་རྗེ་དང་། ནམ་ཞིག་སེམས་ཅན་རྣམས་མི་རྟག་པའི་རང་བཞིན་དུ་རྟོགས་པའི་ཚེ། དེའི་རྒྱུད་ཀྱི་སྙིང་རྗེ་ནི་ཆོས་ལ་དམིགས་པའི་སྙིང་རྗེར་འགྱུར་བ་དང་། ནམ་ཞིག་སེམས་ཅན་བདེན་མེད་རྟོགས་པའམ་ས་དང་པོ་ཐོབ་པའི་ཚེ། དམིགས་པ་མེད་པའི་སྙིང་རྗེར་འགྱུར་བའོ། །
སྡུག་བསྔལ་བྲལ་འདོད་ཀྱི་བློ་དངོས་སུ་ལེན་ཞིག་སྐྱེས་ནས་དུས་ཕྱིས་གཏན་མི་སྐྱེ་བར་ཡང་མི་སྲིད་པས། སྙིང་རྗེ་གསུམ་པོ་རྒྱུད་ལྡན་གྱི་གང་ཟག་སོ་སོས་སྡུག་བསྔལ་གང་ལས་བྲལ་བར་འདོད་ན། དང་པོས་སྡུག་བསྔལ་གྱི་སྡུག་བསྔལ་སོགས་ལས་དང་། གཉིས་པས་སྐད་ཅིག་མའི་སྡུག་བསྔལ་ལས་དང་། གསུམ་པས་ལོག་པར་རྟོག་པས་དེ་ལྟར་མ་རྟོགས་པའི་སེམས་ཅན་གྱི་རྒྱུད་འཁྲུལ་པའི་རང་བཞིན་ལས་སོ། །
གཉིས་པ་བྱང་ཆུབ་སེམས་དཔས་ཉན་རང་བློའི་སྟོབས་ཀྱིས་ཟིལ་གྱིས་གནོན་ཚུལ་གཞན་ལུགས་དགག་པའི་སྒོ་ནས་བསྟན་པ་ནི། ལ་ལས་གང་ཟག་གི་བདག་མེད་རྟོགས་པ་ནི་ཉན་ཐོས་དགྲ་བཅོམ་པ། དེའི་སྟེང་གཟུང་བ་ཆོས་ཀྱི་བདག་མེད་རྟོགས་པ་ནི་རང་རྒྱལ། དེའི་སྟེང་འཛིན་པ་ཆོས་ཀྱི་བདག་མེད་ཕྱོགས་གཅིག་རྟོགས་པ་ནི་བྱང་སེམས་འཕགས་པ་སོགས་ཀྱི་རྣམ་གཞག་འཇོག་ནས་ཉན་ཐོས་ཀྱིས་ཆོས་ཀྱི་བདག་མེད་མ་རྟོགས་པར་འདོད་པ་ནི། འདིའི་དགོངས་པ་མིན་ཏེ། ས་དང་པོའི་བྱང་སེམས་ཀྱིས་ཀྱང་ཉན་རང་བློའི་སྟོབས་ཀྱི་ཟིལ་གྱིས་གནོན་ནུས་པར་ཐལ་བ་དང་། འཇུག་པའི་རང་འགྲེལ་དུ། ལུང་འདི་ལས་ནི་ཉན་ཐོས་དང་རང་སངས་རྒྱས་རྣམས་ལ་ཡང་ཆོས་ཐམས་ཅད་རང་བཞིན་མེད་པར་ཤེས་པ་ཡང་ཡོད་དོ་ཞེས་བྱ་བར་གསལ་བར་ངེས་ཏེ། ཞེས་སོགས་གསུངས་པ་དང་། རིན་ཆེན་ཕྲེང་བ་ལས། ཇི་སྲིད་ཕུང་པོར་འཛིན་ཡོད་པ། །དེ་སྲིད་དེ་ལ་ངར་འཛིན་ཡོད། །ཞེས་སོགས་གསུངས་པ་རྣམས་དང་འགལ་ལོ། །ཡང་ལ་ལས། དེ་མཚན་འཛིན་སྤངས་མ་སྤངས་ལ་འཇོག་པའང་འཐད་པར་མ་མཐོང་སྟེ། ས་བདུན་པའི་བྱང་སེམས་དེ་ཡང་དག་ས་གསུམ་ན་གནས་པའི་བྱང་སེམས་སུ་ཐལ་ཏེ། དེ་མཚན་འཛིན་དག་པའི་བྱང་སེམས་ཡིན་པས་སོ། །མཚན་འཛིན་མ་དག་ན་དེས་བློའི་སྟོབས་ཀྱི་ཟིལ་གྱིས་གནོན་མི་ནུས་པར་ཐལ་ལོ། །
སྐྱོན་དེ་མི་འབྱུང་བའི་ཆེད་དེ་ལ་མཚན་འཛིན་ཕལ་ཆེར་སྤངས་པ་ཞེས་འདོད་པ་ཡང་སྐྱོན་དང་མ་བྲལ་ཏེ། ས་དང་པོ་ནས་དྲུག་པའི་བར་གྱི་བྱང་སེམས་ཀྱི་སྤང་བྱ་ནི་མཚན་འཛིན་ཡིན་པས། ས་དྲུག་པའི་བྱང་སེམས་ཀྱིས་ཀྱང་ཉན་རང་བློའི་སྟོབས་ཀྱི་ཟིལ་གྱི་གནོན་ནུས་པར་ཐལ་ཏེ། དེས་མཚན་འཛིན་ཕལ་ཆེར་སྤངས་པའི་ཕྱིར་ཏེ་ས་དང་པོ་ནས་ལྔ་པའི་བར་གྱི་སྤང་བྱར་འགྱུར་པའི་མཚན་འཛིན་རྣམས་སྤངས་པས་སོ། །གལ་ཏེ་འདོད་ན། རང་འགྲེལ་དུ། རིང་དུ་སོང་བ་ཁོ་ན་ནས་བཟུང་ནས་ནི་བྱང་ཆུབ་སེམས་དཔས་རང་གི་བློའི་སྟོབས་བསྐྱེད་པས་ཀྱང་། ཞེས་སོགས་གསུངས་པ་འགལ་ལོ། །དེས་ན་དེ་མཚན་འཛིན་སྤངས་མ་སྤངས་ལ་འཇོག་པ་ནི། ས་བདུན་པས་ཀྱང་ཟིལ་གྱིས་གནོན་མི་ནུས་པ་དང་། ཡང་ན་ས་གཉིས་པ་ནས་དྲུག་པའི་བར་གྱིས་ཀྱང་གནོན་ནུས་པ་གང་རུང་དུ་འདོད་དགོས་པས་ལེགས་པར་མ་མཐོང་ངོ། །
ཡང་ལ་ལས། ས་དང་པོ་ནས་དྲུག་པའི་བར་གྱིས་ཉན་རང་བློའི་སྟོབས་ཀྱི་ཟིལ་གྱིས་གནོན་མི་ནུས་པ་ནི། བྱང་སེམས་དེས་ཉན་རང་གིས་གང་སྤངས་པ་དེ་དང་། གང་རྟོགས་པ་དེ་ལས་ལྷག་པ་ཞིག་མ་སྤངས་པ་དང་མ་རྟོགས་པར་འདོད་པ་ཡང་དོན་མཐུན་མིན་ཏེ། ས་དང་པོ་ནས་དྲུག་པའི་བར་རིམ་གྱི་འགྲོ་དགོས་པ་ནི་རང་རང་གི་སྤང་བྱ་སྤོང་དགོས་པས་མིན་པར་ཐལ། གཞན་དུ་ན་ས་དང་པོ་ཐོབ་པ་དེ་ཁར་དྲུག་པ་ཡང་ཐོབ་ནུས་པར་ཐལ་བ་དང་། དེ་རྣམས་ཀྱི་སྤང་བྱ་སོ་སོ་ཡོད་པ་ཡིན་ན་ས་གཉིས་པའི་བྱང་སེམས་ཀྱིས་ཀྱང་གནོན་ནུས་པར་ཐལ་བ་དང་། ཡང་ན་ཉན་རང་གྱིས་ས་དང་པོ་ནས་ལྔ་པའི་བར་གྱི་བྱང་སེམས་རྣམས་བློའི་སྟོབས་ཀྱི་ཟིལ་གྱིས་གནོན་ནུས་པ་གང་རུང་དུ་འདོད་དགོས་པའི་སྐྱོན་སྣང་ངོ། །
བླུན་པོ་དགའ་བའི་གཞི་མིན་ཡང་། །མཁས་པའི་དགོངས་ལས་མ་འདས་ན། །
ཆོས་མཐུན་འབད་པའི་དགེ་བ་ཡིས། །སྙིང་རྗེ་ཀུན་ལ་མྱུར་ལྡན་ཤོག །
གསེར་ལུང་དགོན་འཛིན་གྱི་སློབ་གཉེར་བ་ མཁོ་ཐང་བསོད་ནམས་རྒྱལ་མཚན། ༼ཤར་གྱི་གཅེས་ཕྲུག༽ མིང་པས་བྲིས་པའོ། །
ཐུགས་ཀྱི་འོད་ཆེན་ཉི་མ་ཤར་བ་ལས། །ཀླུ་སྒྲུབ་ཐུགས་དགོངས་ཟེའུ་འབྲུ་གསལ་བར་བྱེད། །
སྤྲོས་པས་ཞི་བའི་ལྟ་མཆོག་ཟེའུ་འབྲུ་ནི། །ཁྱེད་མིན་སྦུབས་སུ་བཞུགས་པས་གང་ལ་འདུད། །
འཕགས་བཞིའི་གཙོ་བོར་བྱང་ཆུབ་སེམས་དཔར་གྲགས། །དེ་ཡང་རྒྱུ་གཙོ་སྙིང་རྗེ་མེད་མིན་པས། །
གཞན་རྣམས་སྡུག་ལས་བྲལ་བར་འདོད་པའི་བློ། །གང་ལ་ལྡན་པའི་སྐྱེ་བོ་རྣམས་ལ་འདུད། །
བཤད་ཚུལ་གཅིག་ལ་གོ་ཚུལ་རྣམ་མང་བས། །སྔར་གྱི་འདོད་ལ་རྩོད་པའི་ལན་འགའ་དང་། །
འགའ་ལ་རང་ལུགས་མེད་པས་དོགས་པའི་གཞིར། །གྱུར་པའང་སེལ་ཕྱིར་འདོད་ཚུལ་བརྗོད་པར་བྱ། །
དེའང་རང་གི་བློ་ལ་བག་ཆགས་བཟང་པོ་བཞག་པ་སོགས་ཀྱི་ཕན་ཐབས་མང་པོ་ཞིག་ལ་དམིགས་ཏེ། སྔར་གཞུང་གྱི་གནད་འགའ་ཞིག་ལ་དཔྱད་པ་དམ་པའི་དགོངས་གསལ་ཞེས་བྱ་བ་ཞིག་བྲིས་པས། དེར་རྒྱུ་གསུམ་རང་ལུགས་བཞག་པའི་སྒོ་ནས་བསྟན་པ་ལ། གོ་ཚུལ་མི་མཐུན་པའི་དབང་གིས་བཀོད་པའི་རྩོད་པ་དང་། བྱང་འཕགས་ཀྱིས་ཉན་རང་བློའི་སྟོབས་ཀྱིས་ཟིལ་གྱིས་གནོན་ཚུལ་གཞན་ལུགས་དགག་པའི་སྒོ་ནས་བསྟན་པ་ལ། རང་གི་འདོད་ཚུལ་ལ་དོགས་པ་མང་བའི་གཉེན་པོར་འདིར་ཅུང་བཤད་པར་བྱ་བ་ལ།
རྒྱུ་གསུམ་རྩོད་སྤོང་གི་སྒོ་ནས་བསྟན་པ་དང་། ཉན་རང་བློའི་སྟོབས་ཀྱིས་ཟིལ་གྱིས་གནོན་ཚུལ་རང་ལུགས་བཞག་པའི་སྒོ་ནས་བསྟན་པ་གཉིས་ལས། དང་པོ་ལའང་གཉིས་ཏེ། སྙིང་རྗེའི་བཤད་པ་ཟླ་བ་རྗེས་འབྲངས་དང་བཅས་པའི་དགོངས་པ་དང་མི་འགལ་ཚུལ་དང་། རྒྱུ་གསུམ་བཤད་ཚུལ་ཀུན་མཁྱེན་ཆེན་པོ་དང་མི་མཐུན་པ་མེད་ཚུལ་བསྟན་པའོ།།
དང་པོ་ནི། གལ་ཏེ་ཁྱོད་རའི་འདོད་ཚུལ་ནི། སྙིང་རྗེ་ཡིན་ན་བློ་མངོན་འགྱུར་བ་ཞིག་ཡིན་མི་དགོས་ཤིང་། སྙིང་རྗེ་ཡོད་ན་སྙིང་རྗེའི་རྣམ་པ་དང་དམིགས་པ་དངོས་སུ་ཡོད་མི་དགོས་པ་ནི་མི་རིགས་ཏེ། འཇུག་པའི་རང་འགྲེལ་དུ། འདི་ལྟར་སྙིང་རྗེ་ཅན་ནི་གཞན་གྱི་སྡུག་བསྔལ་གྱིས་སྡུག་བསྔལ་བ་ཉིད་ཀྱིས། སེམས་ཅན་སྡུག་བསྔལ་བར་གྱུར་པ་མ་ལུས་པ་ཡོངས་སུ་བསྐྱབ་པར་བྱ་བའི་ཕྱིར། གདོན་མི་ཟ་བར་བདག་གིས་འཇིག་རྟེན་འདི་མཐའ་དག་སྡུག་བསྔལ་ནས་བཏོན་ཏེ། སངས་རྒྱས་ཉིད་ལ་ངེས་པར་སྦྱར་བས་བྱའོ་སྙམ་དུ་ངེས་པར་སེམས་སྐྱེད་པར་བྱེད་དོ། །ཞེས་དང་། ཡང་དེ་ཉིད་དུ། གང་གི་ཕྱིར་བྱང་ཆུབ་སེམས་དཔའ་དེའི་སྡུག་བསྔལ་གྱིས་སྡུག་བསྔལ་བ་དེ་ལ་ཤིན་ཏུ་སྙིང་རྗེས་དམིགས་ནས་བསྐྱབ་པར་སྤྲོ་བ་དེའི་ཕྱིར། ཞེས་དང་། ཡང་དེར། འགྲོ་བ་ཡོངས་ཀྱི་གཉེན་ཉིད་ཀྱི་རང་བཞིན་དུ་གྱུར་པ་སངས་རྒྱས་ཉིད་ཡང་དག་པར་ཐོབ་པར་འདོད་པ་ཡིན་ནོ། །ཞེས་སོགས་གསུངས་པ་དང་། མཁས་པ་གཞན་གྱིས་ཀྱང་དམིགས་རྣམ་དངོས་སུ་ཡོད་པ་ཁོ་ན་ལ་བཤད་པའི་ཕྱིར་ཞེ་ན།
དེ་དང་རང་ལུགས་ཀྱི་འདོད་པ་གཉིས་འགལ་བ་མིན་ཏེ། སྙིང་རྗེ་ཞེས་པ་ཇི་ལྟ་བུ་ཡིན། སེམས་ཅན་ལ་དམིགས་པ་དང་ཆོས་ལ་དམིགས་པ་སོགས་ཀྱི་སྙིང་རྗེའི་ཁྱད་པར་གང་ཞེས་དྲིས་ན། བདག་གིས་ཀྱང་དེ་ལྟར་བརྗོད་དགོས་པ་ཡིན་ཏེ། དཔེར་ན། སོ་སོ་སྐྱེ་བོ་ཞིག་ཉོན་སྒྲིབ་མ་སྤངས་པའི་དུས་ཇི་ཙམ་ཡིན་ན་ཡང་། དེའི་རྒྱུད་ལ་ང་རྒྱལ་ལྟ་བུའི་ཉོན་མོངས་པ་ནི་ནམ་ཡང་མེད་པ་མིན་ལ། འོན་ཀྱང་ང་རྒྱལ་དེ་མངོན་གྱུར་དུ་དུས་དང་རྣམ་པ་ཀུན་ཏུ་ཡང་ཡོད་པ་མི་སྲིད་དེ། འདོད་ཆགས་ལྟ་བུའི་ཉོན་མོངས་ཤིག་མངོན་གྱུར་དུ་སྐྱེས་ནས་དེ་དངོས་སུ་མ་སྐྱེ་བའི་དུས་དང་། དགེ་སེམས་དངོས་སུ་སྐྱེས་ནས་དེ་མ་སྐྱེ་བའི་དུས་ཤིག་སྲིད་པའི་ཕྱིར་རོ། །
དེ་ལྟར་ཡིན་ཡང་ང་རྒྱལ་ནི་འདི་ལྟ་བུ་ཞིག་ཡིན་ཞེས་བརྗོད་དགོས་ན། ངེས་པར་ང་རྒྱལ་མངོན་གྱུར་གྱི་རྣམ་པ་སོགས་བརྗོད་དགོས་པ་ལས་གཞན་དུ་ནི་མ་ཡིན་ནོ། །དེ་བཞིན་སྙིང་རྗེ་བཤད་པའི་སྐབས་འདིར་དམིགས་པ་དང་རྣམ་པ་དངོས་སུ་ཡོད་པ་ཁོ་ན་བཤད་ཅིང་། རང་གིས་སྙིང་རྗེ་ཡོད་ན་དེ་ལྟར་ཡོད་མི་དགོས་པར་བཤད་པ་ནི་མི་འགལ་བ་ཡིན་ནོ། །
གཉིས་པ་རྒྱུ་གསུམ་བཤད་ཚུལ་ཀུན་མཁྱེན་ཆེན་པོ་དང་མི་མཐུན་པ་མེད་ཚུལ་བསྟན་པ་ནི། གལ་ཏེ་ཁྱོད་རའི་ལུགས་ཀྱི་རྒྱུ་གསུམ་གྱི་གོ་རིམ་ལས། བྱང་སེམས་ལ་གཉིས་ཡོད་པའི་ཀུན་རྫོབ་བྱང་ཆུབ་ཀྱི་སེམས་ནི་ཚོགས་ལམ་དུ་བཞུགས་པ་དེ་ཁར་སྐྱེ་བ་དང་། དོན་དམ་བྱང་ཆུབ་ཀྱི་སེམས་ནི་གཉིས་སུ་མེད་པའི་ཡེ་ཤེས་དང་དང་པོར་སྐྱེ་བ་སྟེ། མཉམ་བཞག་ཡེ་ཤེས་ཐོག་མར་སྐྱེ་བ་དང་དུས་མཉམ་པས། ཀུན་མཁྱེན་ཆེན་པོས། གཞུང་གསུམ་གསལ་བྱེད་དུ། བྱང་སེམས་ནི། བྱང་འཕགས་ལ་ཆོས་ཉིད་ཀྱི་གནས་ལུགས་མ་མཐོང་བ་ལ་སྙིང་རྗེ་སྐྱེས་ནས། དེ་མཐོང་བར་བྱ་བའི་ཕྱིར་དམ་བཅའ་བས་རྗེས་ལ་ཐོབ་པའོ། །ཞེས་གསུངས་པ་དང་མི་མཐུན་པར་སྣང་ངོ་ཞེ་ན།
དེས་རང་གི་འདོད་པ་ལ་མི་གནོད་པ་ཡིན་ཏེ། ཀུན་མཁྱེན་ཆེན་པོས་ཀྱང་། དེ་ཉིད་དུ། དེ་ལྟ་བུའི་ཁྱད་པར་བཞི་དང་ལྡན་པའི་དམ་བཅའ་བ་ཀུན་རྫོབ་བྱང་ཆུབ་ཏུ་སེམས་བསྐྱེད་པས། ཚོགས་ཀྱི་ལམ་དུ་འཇུག་ལ། ཞེས་དང་། ཡང་། འོ་ན་གཉིས་སུ་མེད་པའི་ཤེས་པ་དེ་ས་དང་པོའི་སྔོན་རོལ་དུ་མེད་པས། ས་དང་པོ་དང་དུས་མཉམ་པས་རྒྱུ་འབྲས་མཉམ་པར་འགྱུར་རོ་སྙམ་ན་མ་ཡིན་ཏེ། ཡེ་ཤེས་དེ་སྙིང་རྗེ་ཆེན་པོའི་ཁྱད་པར་དུ་སྐྱེས་པ་ཁོ་ན་དོན་དམ་པའི་བྱང་ཆུབ་ཀྱི་སེམས་ཡིན་ལ། དེ་རྒྱུད་ལ་སྐྱེས་པ་ལ་སྐྱེས་པ་ཞེས་བཏགས་ནས། སེམས་འདི་བསྐྱེད་པས་ས་འདི་ཐོབ་བོ་ཞེས་རྟེན་འབྱུང་གི་རྒྱུ་འབྲས་སུ་འཐད་པས་རྒྱུ་འབྲས་སུ་ཁས་ལེན་ཏེ། ཞེས་གསུངས་པས་སོ། །དེས་ན་ལུང་དེའི་དགོངས་པ་ཅི་ཡིན་སྙམ་ན། འདིར་ཀུན་མཁྱེན་ཆེན་པོས་བྱང་ཆུབ་སེམས་དཔའི་རྒྱུར་གྱུར་པའི་བྱང་སེམས་ནི་ཀུན་རྫོབ་ཀྱི་བྱང་ཆུབ་སེམས་ལ་འདོད་པར་འདྲ་སྟེ། གཉིས་སུ་མེད་པའི་ཤེས་པ་ནི་བྱང་ཆུབ་སེམས་དཔའ་དང་དུས་མཉམ་པ་ཡིན་ཡང་རྒྱུ་འབྲས་སུ་མི་འཐད་པ་མིན་ཚུལ་བཤད་ལ། གཞན་གཉིས་ལ་མ་བཤད་པའི་ཕྱིར་རོ། །
དེས་ན་ལུང་དེའི་དོན་ནི་འདི་ལྟར་ཡིན་པར་འདྲ་སྟེ། བྱང་ཆུབ་སེམས་དཔའི་རྒྱུ་གསུམ་ལས་ཀུན་རྫོབ་བྱང་ཆུབ་ཀྱི་སེམས་ནི། བྱང་སེམས་སོ་སྐྱེ་ལ་སྔར་སྐྱེ་བ་ཡོད་ཀྱང་། བྱང་སེམས་འཕགས་པ་ལ་ཡིན་ན་རང་ཉིད་ཀྱིས་ཆོས་ཉིད་མངོན་སུམ་དུ་རྟོགས་ནས། གཞན་ཆོས་ཉིད་ཀྱི་གནས་ལུགས་མ་མཐོང་བ་ལ་སྙིང་རྗེ་སྐྱེས་ནས། དེ་མཐོང་བར་བྱ་བའི་ཕྱིར་དམ་བཅའ་བ་ལ་བརྟེན་ནས་སྐྱེས་དགོས་པས། དེ་མཉམ་བཞག་གི་གནས་སྐབས་སུ་མི་རུང་བས་རྗེས་ལ་ཐོབ་པའོ། །ཞེས་པའི་དོན་ནོ། །
གཉིས་པ་ཉན་རང་བློའི་སྟོབས་ཀྱིས་ཟིལ་གྱིས་གནོན་ཚུལ་རང་ལུགས་བཞག་པའི་སྒོ་ནས་བསྟན་པ་ལ་གཉིས་ཏེ། རང་གི་བློ་ལ་འཆར་ཚུལ་གྱི་ལུགས་ཐུན་མོང་བ་བསྟན་པ་དང་། གོང་མའི་གསུང་གི་བདུད་རྩི་ཐུན་མོང་མ་ཡིན་པ་བསྟན་པའོ།།
དང་པོ་ནི། དབུ་མ་འཇུག་པའི་རྩ་བར། དེ་ནི་རིང་དུ་སོང་བར་བློ་ཡང་ལྷག་པར་འགྱུར། །ཞེས་དང་། རང་འགྲེལ་དུ། དེའི་ཕྱིར་དེ་ལྟར་ན་རིང་དུ་སོང་བ་ཁོ་ན་ནས་ནི་བྱང་ཆུབ་སེམས་དཔས་རང་གི་བློའི་སྟོབས་བསྐྱེད་པས་ཀྱང་ཉན་ཐོས་དང་། རང་སངས་རྒྱས་དག་ཟིལ་གྱིས་གནོན་པར་འགྱུར་གྱི། ས་འོག་མ་རྣམས་སུ་ནི་མ་ཡིན་ནོ། །ཞེས་གསུངས་པས། ས་བདུན་པ་ཁོ་ན་ནས་ཉན་རང་བློའི་སྟོབས་ཀྱིས་ཟིལ་གྱིས་གནོན་པར་འཇོག་དགོས་པ་ནི་རྩོད་མེད་ཡིན་ལ།
ཟིལ་གྱིས་གནོན་པའི་རྒྱུ་མཚན་ཡང་། འཕགས་པ་ས་བཅུ་པ་ལས། ས་བདུན་པ་འདི་ལ་གནས་པའི་བྱང་ཆུབ་སེམས་དཔའ་ནི་རང་གི་ཡུལ་ཤེས་པའི་ཆེ་བ་ལ་གནས་པས་ཉན་ཐོས་དང་རང་སངས་རྒྱས་ཀྱི་བྱ་བ་ཐམས་ཅད་ལས་ཤིན་ཏུ་འདས་པ་ཡིན་ནོ། །ཞེས་གསུངས་ཤིང་། ཡུལ་ཤེས་པའི་ཆེ་བ་ལ་གནས་པ་ཡང་འདིར་དབུ་མ་འཇུག་པ་ལས་སེམས་བསྐྱེད་བདུན་པ་བཤད་པའི་སྐབས། རྩ་བར། རིང་དུ་སོང་བ་འདིར་ནི་སྐད་ཅིག་དང་། །སྐད་ཅིག་ལ་ནི་འགོག་པར་འཇུག་འགྱུར་ཞིང་། །ཞེས་དང་། རང་འགྲེལ་དུ། ས་བདུན་པ་རིང་དུ་སོང་བ་འདིར་ནི་ས་དྲུག་པ་ཐོབ་པའི་འགོག་པ་དེ་ལ། བྱང་ཆུབ་སེམས་དཔའ་སྐད་ཅིག་དང་སྐད་ཅིག་ལ་སྙོམས་པར་འཇུག་པར་འགྱུར་ཏེ། ཞེས་གསུངས་པས། ས་བདུན་པ་ནས་འགོག་པ་ལ་སྐད་ཅིག་རེ་རེར་འཇུག་ལྡོག་ནུས་པས། ཉན་རང་བློའི་སྟོབས་ཀྱིས་ཟིལ་གྱིས་གནོན་ནུས་པར་འཇོག་དགོས་སོ། །
དེ་ནི་རང་ལུགས་ཀུན་མཁྱེན་ཆེན་པོའི་བཞེད་པ་དང་ཡང་ཤིན་ཏུ་མཐུན་ཏེ། འདིས་གཞུང་གསུམ་གསལ་བྱེད་དུ། རང་གི་ཡུལ་ཤེས་པ་ཞེས་བྱ་བ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་རྟོགས་པའོ། །དེའི་ཆེ་བ་ནི་ཤེས་རབ་ལ་གནས་པས་འགོག་པ་ཐོབ་ལ། དེ་ལས་སྐད་ཅིག་རེར་ལྡང་འཇུག་ནུས་པའོ། །དེ་ས་བདུན་པ་ན་ཡོད་པའི་ཕྱིར་བློའི་སྟོབས་བསྐྱེད་པས་ཟིལ་གྱིས་གནོན་ནུས་པ་དེ་ནས་འབྱུང་ངོ་། །ཞེས་གསུངས་པས། ཡུལ་ཤེས་པ་ཙམ་ནི་ས་དྲུག་པ་ན་ཡང་ཡོད་པ་ཡིན་ལ། དེའི་ཆེ་བ་ནི་སྐད་ཅིག་རེར་ལྡང་འཇུག་ནུས་པར་འཇོག་དགོས་ཤིང་། དེ་ས་བདུན་པ་ཁོ་ན་ནས་ཡིན་པས་སོ། །
དེ་ལྟར་མིན་པ་མཚན་མ་མེད་པས་འཇོག་པ་ནི་ཀུན་མཁྱེན་ཆེན་པོའི་དགོངས་པའང་མིན་ཏེ། གཞུང་གསུམ་གསལ་བྱེད་དུ། མཚན་མེད་པ་ལ་བགྲོད་པ་གཅིག་པུའི་ལམ་དང་ཉེ་ཞིང་སོ་སྐྱེའི་ས་ལས་རིང་དུ་ཕྱིན་པས་ན། ས་འདི་ལ་རིང་དུ་སོང་བ་ཞེས་བྱའོ། །ཞེས་གསུངས་པས། ཉེ་བ་ཞེས་པས་འདིར་མིན་པ་གོ་དགོས་པས་སོ། །
གཉིས་པ་གོང་མའི་གསུང་གི་བདུད་རྩི་ཐུན་མོང་མ་ཡིན་པ་བསྟན་པ་ནི། དབུ་མ་འཇུག་པའི་བཤད་པ་ནི་གཙོ་བོ་རྩ་ཤེར་དང་ས་བཅུ་པ་ལ་བརྟེན་པ་སྟེ། ལྟ་བ་རྩ་ཤེར་གྱི་དགོངས་བཞིན་དང་སྤྱོད་པ་ས་བཅུ་པའི་དགོངས་བཞིན་བསྟན་ཏོ། །དེས་ན་འདིར། དེ་ནི་རིང་དུ་སོང་བར་བློ་ཡང་ལྷག་པར་འགྱུར། །ཞེས་པ་ནི་འཕགས་པ་ས་བཅུ་པའི་དགོངས་བཞིན་ཏེ། དེ་དང་སེམས་ཙམ་པའི་གཞུང་ཆེན་རྣམས་ཀྱི་དགོངས་པ་ལྟར་ན། ས་དང་པོ་ནས་བདུན་པའི་བར་གྱི་བྱང་སེམས་རྣམས་ཀྱིས་ཉོན་སྒྲིབ་སྤངས་པ་མ་ཡིན་ཞིང་། ཉན་རང་གིས་དེ་སྤངས་པས། ས་དང་པོ་ནས་དྲུག་པའི་བར་གྱི་བྱང་ཆུབ་སེམས་དཔས་བློའི་སྟོབས་ཀྱིས་ཟིལ་གྱིས་གནོན་མི་ནུས་པ་ཡིན་ལ། ས་བདུན་པ་ནས་མ་སྤངས་ཀྱང་དེ་འགོག་པའི་ནུས་པ་ཐོབ་པས་ཟིལ་གྱིས་གནོན་ནུས་པར་འཇོག་པ་ཡིན་ནོ། །
དེས་ན་རྩ་ཤེར་གྱི་དགོངས་བཞིན་ཡིན་ན་ས་དང་པོ་ནས་ཀྱང་གནོན་ནུས་པར་འཇོག་དགོས་སོ། །དེ་ལྟར་བཤད་པ་གོང་མའི་གསུང་ནི་དོན་ཟབ་པས་བདག་བླའི་རྨོངས་པས་ཇི་བཞིན་ཇི་ལྟར་རྟོགས་ནུས། དེས་ན་འདིར་བཤད་པས་སྐུ་ཉིད་ཀྱི་དགོངས་ལས་འདས་ན་བཟོད་པར་གསོལ་ལ། འདིར་བཤད་པའང་གལ་ཏེ་གོང་མའི་ཐུགས་དགོངས་ཚད་མ་ནི་གཞན་གྱིས་ཀྱང་དཔོག་པར་ནུས་ན་སྙམ་པའི་སེམས་པས་སོ། །
སྔར་གཞུང་མཁས་པའི་བཤད་ཚུལ་ཡིན་པས་མི་འདྲ་མང་། །འོན་ཀྱང་དོན་ལ་མི་མཐུན་པ་ནི་ག་ལ་སྲིད། །
འདིར་ཡང་བཤད་ཚུལ་རྒྱལ་བའི་གསུངས་དང་མི་མཐུན་ཡང་། །དོན་ལོག་མེད་ན་སྐལ་ལྡན་བུང་བའི་སྦྲང་ཆར་འགྱུར། །
ཞེས་པའི་སྨོན་ཚིག་དང་བཅས་སྔར་དམ་པའི་དགོངས་གསལ་དང་འདིར་ཟླ་བའི་དགོངས་མཐུན་ཞེས་བྱ་བ་གཉིས། རང་ལུགས་གནམ་ལོ་ཤིང་ཕོ་འབྲུག་ལོ་ཟླ་བཞི་པའི་ཚེས་དགུ། སྤྱི་ལོ་ ༡༧/༠༥/༢༠༢༤ ལ་དགེ་མིང་འཛིན་པ་མཁོ་ཐང་བསོད་ནམས་རྒྱལ་མཚན་(ཤར་གྱི་གཅེས་ཕྲུག)མིང་པས། གསེར་ལུང་དགོན་འཛིན་འདུས་སྡེ་ལུང་རྟོགས་ཆོས་གླིང་དུ་དབུ་མ་འཇུག་པ་ཞུ་སྐབས་བྲིས་པ་དགེ་ལེགས་སུ་གྱུར་ཅིག
རྩོམ་ཤོག་གི་རིགས། བརྡ་སྤྲོད་ཀྱི་སྐོར།
ཞུན་དག༼རྨོངས་པའི་མུན་གསལ།༽
ཞུན་དགམཆོད་བརྗོད། འཇམ་པའི་དབྱངས་དང་དབྱེར་མེད་པའི་ཐོན་མི་ཁྱེད་ལ་གུས་པས་ཕྱག་འཚལ་ལོ། ། ཅེས་མཆོད་བརྗོད་སྔོན་དུ་སོང་ནས་འདིར་བྱ་ཚིག་གི་་ངོ་བོའི་སྒོ་ནས་འཕྲོས་ཏེ་བྱེད་འབྲེལ་ལས་ཚིག་དང་བྱེད་ མེད་ལས་ཚིག་སྐོར་ལ། ༡༽འཕྲོས་གཞུང༌། ༢༽མིང་གི་རྣམ་གྲངས། ༣༽སྒྲ་བཤད། ༤༽ངོ་བོ། ༥༽དཔེར་ བརྗོད། ༦༽དབྱེ་བ། ༧༽ཁྱད་པར་བཤད་པ། ༨༽བཅུད་སྡོམས་དང་བརྒྱད་ལས།[༢༧]
དང་པོ་འཕྲོས་གཞུང་ནི། རྟགས་ཀྱི་འཇུག་པ་ལས། ཅི་ཕྱིར་འཇུག་པར་བྱེད་ཅེ་ན། །ཕོ་ནི་འདས་དང་གཞན་བསྒྲུབ་ཕྱིར། །མ་ནིང་གཉིས་ཀ་ད་ལྟར་ཆེད། །མོ་ནི་བདག་ད་མ་འོངས་ཕྱིར། །ཤིན་ཏུ་མོ་ནི་མཉམ་ཕྱིར་ རོ། །ཞེས་པས་བསྟན་པ་དང༌། སི་ཏུའི་དགོངས་རྒྱན་ལས། བྱ་བའི་ལས་དང་བྱེད་པོ་གཉིས། །དངོས་སུ་འབྲེལ་ ལ་བདག་གཞན་དབྱེ། །ཞེས་པ་དངོས་སུ་བྱེད་འབྲེལ་ལས་ཚིག་བསྟན་པ་དང་ཤུགས་ཀྱིས་བྱེད་མེད་ལས་ཚིག་ བསྟན་ནོ། །དཀའ་གནད་གསལ་བའི་མེ་ལོང་ནས། བྱེད་འབྲེལ་ལས་ཚིག་ནི། ལས་གང་ཞིག་ལ་བྱེད་པ་ པོ། །གཞན་དང་དངོས་སུ་འབྲེལ་བ་ཡི། །ཞེས་དང༌། བྱེད་མེད་ལས་ཚིག་ནི། དེ་བཞིན་བྱེད་པ་པོ་གཞན་ དང༌། །དངོས་སུ་འབྲེལ་མིན་ཇི་ལྟར་ཡང༌། །ཅེས་པས་བསྟན་ནོ། །
གཉིས་པ་མིང་གི་རྣམ་གྲངས་ནི། བྱེད་འབྲེལ་ལས་ཚིག་དང་བྱེད་འབྲེལ་བྱ་ཚིག་གཉིས་དོན་གཅིག བྱེད་མེད་ལས་ཚིག་དང་བྱེད་མེད་བྱ་ཚིག་གཉིས་དོན་གཅིག་མིང་གི་རྣམས་གྲངས་མིང་གི་རྣམས་གྲངས་ཡིན།
གསུམ་པ་སྒྲ་བཤད་ནི། བྱེད་འབྲེལ་ལས་ཚིག་ནི། བྱེད་་་་་་་། བྱེད་པ་པོའམ་བྱེད་པ་ལ་གོ འབྲེལ་་་་་་། གཅིས་གིས་གཅིས་ལུ་འབྲེལ་བ་འབད་ནི། ལས་་་་། བྱ་བ། ལཱ། ཚིག་་་་་་་་། སྒྲའམ་སྐད། རྣ་ཤེས་ཀྱིས་མཉན་བྱའོ། །བྱེད་མེད་ལས་ཚིག་ནི། བྱེད་་་་་། བྱེད་པ་པོའམ་བྱེད་པ་གང་རུང༌། མེད་་་་་་་། མ་འབྲེལ་བ། མ་བརྟེན་པ། ལས་་་་་་། བྱ་བ། ལཱ། ཚིག་་་་་༌། སྒྲ། སྐད། རྣ་ཤེས་ཀྱིས་མཉན་བྱའོ། །
བཞི་པ་ངོ་བོའམ་མཚན་ཉིད་ནི། བྱེད་འབྲེལ་ལས་ཚིག་ནི། བྱ་བ་གང་ཞིག་བྱེད་པའི་ཚེ་བྱེད་པ་པོ་གཞན་ཞིག་ལ་དངོས་སུ་འབྲེལ་བའི་ལས་ཚིག བྱེད་མེད་ལས་ཚིག་ནི། བྱ་བ་གང་ཞིག་བྱེད་པའི་ཚེ་བྱེད་པ་པོ་གཞན་ཞིག་ལ་དངོས་སུ་མ་འབྲེལ་བའི་ལས་ཚིག
ལྔ་པ་དཔེར་བརྗོད་ནི། བྱེད་འབྲེལ་ལས་ཚིག་ནི། དཔེར་ན། ཆོས་གསུངས། ཡུལ་མཐོང༌། ཆུ་བཀང་། ཤིང་གཅོད་དོ། །བྱེད་མེད་ལས་ཚིག་ནི། དཔེར་ན། ཉི་མ་ཤར། ཆར་པ་ཆད། ཆུ་འཁྱིལ། ཆུ་སོགས་གང༌། ཤིང་ཆག ཤིང་གྱལ་སོཊ་ལྟ་བུའོ།
དྲུག་པ་དབྱེ་བ་ནི། བྱེད་པ་པོ་གཙོ་བོ་དང་འབྲེལ་བའི་བྱེད་འབྲེལ་ལས་ཚིག་དང༌། བྱེད་པ་པོ་ཕལ་པ་དང་འབྲེལ་བའི་བྱེད་འབྲེལ་ལས་ཚིག་གཉིས་སོ། །དང་པོ་ལ་གཉིས། སེམས་ལྡན་སྨྲ་ཤེས་དོན་གོ་བའི་བྱེད་འབྲེལ་ལས་ཚིག་ནི། སློབ་ཕྲུག་གིས་ཡི་གེ་བྲི། བཙན་སྐྱོགས་ཀྱིས་རྐང་རྩེད་རྩེད། རྒྱལ་པོས་དངུལ་གནང༌ལྟ་བུའོ། །སེམས་ལྡན་སྨྲ་ཤེས་དོན་གོ་བ་མིན་པའི་བྱེད་འབྲེལ་ལས་ཚིག་ནི། ནོར་སེམས་ཅན་གྱིས་རྩ་ཟ། གཉིས་པ་ལ། སེམས་ལྡན་མ་ཡིན་པའི་བྱེད་འབྲེལ་ལས་ཚིག་ནི། དཀར་གསལ་ཟླ་བས་མུན་པ་སེལ། ལས་ངན་གྱིས་ངན་འགྲོ་བཏུང༌། ཆུ་ཡིས་སྐོམ་སྡུག་སེལ་ལྟ་བུའོ། །བྱེད་མེད་ལས་ཚིག་ལ་དབྱེ་བ་བཞི། ༡༽བྱེད་པ་པོ་གཏན་ནས་མི་སྣང་བའི་བྱེད་མེད་ལས་ཚིག་ནི། ཆར་བབས། ཆུ་འཁྱིལ། ཟླ་བ་ཚེས་ལྟ་བུ། ༢༽ བྱེད་པ་པོ་མི་ནས་གཞན་མི་སྣང་བའི་བྱེད་མེད་ལས་ཚིག་ནི། མི་རྣམས་ཉལ། མལ་ནས་ཡར་ལངས། སློབ་དཔོན་གདན་ཁར་བཞུགས་ལྟ་བུ། ༣༽བྱེད་པ་པོ་གཞན་དངོས་སུ་མི་སྣང་བའི་བྱེད་མེད་ལས་ཚིག་ནི། ས་ཆད། ཆུ་འཁོལ། ལྕགས་གསེར་དུ་འགྱུར་ལྟ་བུ། ༤༽ བྱེད་པ་པོའི་་རྩོལ་བ་ལས་མི་སྣང་བའི་བྱེད་མེད་ལས་ཚིག་ནི། རྡོ་ཡིས་མ་ཎི་དུང་འཁོར་བསྐོར་ནས་འཁོར། རྣ་བས་སྒྲ་ཐོས། ཁོ་བས་ཆུ་བསྐོལ་ནས་འཁོལ་ལྟ་བུའོ། །
བདུན་པ་ཁྱད་པར་ནི། བྱ་བའི་ལས་དང་བྱེད་པ་པོ་གཉིས་སོ་སོར་ཕྱེ་ཚུགས་ན་བྱེད་འབྲེལ་ལས་ཚིག་་དང༌། སོ་སོར་དབྱེ་བ་ཕྱེ་མ་ཚུགས་ན་བྱེད་མེད་ལས་ཚིག་གི་བྱ་བ་ཅིག་ལ་གཞིར་བཞག་སྟེ། བྱ་བ་ལ་དྲི་བ་གཉིས་གཏང་དགོས། འདི་ཡང་ སུས་བྱེད། གང་གིས་བྱེད་ཟེར་དྲི་བ་གཉིས་ཀྱི་ལེན་ཐོབ་ན་བྱེད་འབྲེལ་ལས་ཚིག་སྟེ་དཔེར་ན། དངུལ་སོགས་ལེན་ན་སུས་ལེན་ནམ་གང་གིས་ལེན་འདུག་ཞེས་ན་ཀུན་ལེགས་ཀྱིས་ལེན། ཅི་ལེན་ནམ་ག་ཅིག་ལེན་ཞེས་ན་དངུལ་ལེན་ཞེས་པའོ། །འདིའི་ལན་མ་ཐོབ་ན་བྱེད་མེད་ལས་ཚིག་ཅེས་བཞག་དགོས་པ་ངེས། དཔེར་ན། ཆུ་འཁྱིལ་ལྟ་བུ་ཚོན་ན་ག་གི་འཁྱིལ་ཆུ་ཡིས་འཁྱིལ། ག་ཅི་འཁྱིལ། འདི་ལེན་མེད་པས་བྱེད་མེད་ཞེས་གོ་དགོས། མདོར་ན་འབྲུག་སྐད་དུ་ ༼ག་གི་དང་ ག་ཅི་༽ ཟེར་དྲི་བ་གཉིས་ཀྱི་ལན་ཡོད་མེད་ལུ་ལྟ་དགོ། དཔེར་ན་ག་གིས་གསུངས་ནུག་ མཁན་པོ་གིས་གསུངས་ཡི། ག་ཅི་གསུངས་ཡི། བཀའ་སློབ་གསུངས་ཡི་ཟེར་ལན་ཐོབ་པ་ཅིན་བྱེད་འབྲེལ་ལས་ཚིག་དང༌། ག་གི་འཁྱིལ་ཡི་ ཆུ་གིས་འཁྱིལ་ཡི། ག་ཅི་འཁྱིལ་ཡི་ཟེར་སླབ་ད་ལན་མེད་པ་ཅིན་བྱེད་མེད་ལས་ཚིག་ལུ་ཆ་བཞག་དགོཔ་ཨིན་མས།
བརྒྱད་པ་ནི། བཅུད་སྡོམས་ནི།བྱ་བ་གང་ཞིག་བྱེད་པའི་ཚེ་བྱེད་པ་པོ་གཞན་དང་དངོས་སུ་འབྲེལ་བའི་ལས་ཚིག་འདི་བྱེད་འབྲལ་ལས་ཚིག་དང༌། དངོས་སུ་མ་འབྲེལ་བ་འདི་བྱེད་མེད་ལས་ཚིག་ལ་བཞག་དགོས་སོ། །[༢༧]
སླར་སྨྲས་པ་ནི། གང་གི་རིགས་གཞུང་ཆུ་གཏེར་རྒྱ་མཚོ་ནས། །བློ་དམན་ཁོ་བོས་ཆུ་ཐིག་ལེན་པ་ན། །བློ་ལྡན་མཁས་པས་གཟིགས་ནས་རྒོད་བྲོ་ཡང༌། །བྱིས་པ་བདག་གིས་ཤེས་རབ་འཕེལ་བ་སྨོན། །ཞེས་པའང་སློབ་གཉེར་བ་རིག་འཛིན་རྡོ་རྗེས་བྲིས་པའོ། །སྤྱི་ཚེས་ ༣༡/༠༧/༢༠༢༤ ལ་ཡོངས་འབྲེལ་ཐོག་ཏུ་སྤེལ་ཡོད།
༼ ཚོགས་གསུམ་གསལ་བྱེད། ༽
ཞུན་དགཚོགས་གསུམ་གྱི་སྐོར་ཞུ་བ་ལ། ཚོགས་གསུམ་གྱི་ངོས་འཛིན་དང་། ཚོགས་གསུམ་སོ་སོའི་ངོ་བོ་གཉིས་ལས། དང་པོ་ཚོགས་གསུམ་གྱི་ངོས་འཛིན་ནི། སྤྱིར་བཏང་རྒྱབ་ཁབ་དང་མི་རིགས་ཞེས་པ་ཞིག་ཆགས་ཚར་བ་ནས་བཟུང་མི་རིགས་དེ་དག་ཕན་ཚུན་གཏམ་གླེང་བ་དང་། ཕན་ཚུན་གོ་བརྡ་སྤྲོད་པར་བྱེད་པའི་སྐད་རིགས་ཞེས་པ་ཞིག་ཆགས་ཡོད་པ་ནི་ཐེ་ཚོམ་དང་བྲལ་བའི་གནས་ཤིག་ཡིན། སྐད་རིགས་དེ་དག་ཀྱང་ཚོགས་གསུམ་ལས་མ་གྲུབ་པ་ཞིག་མེད་པས། གལ་སྲིད་ཁྱོད་སྐད་རིགས་ལ་མཁས་པར་འདོད་མཁན་ཞིག་ཡིན་ཚེ་ཚོགས་གསུམ་གྱི་རྣམ་བཞག་ནི་མ་ཤེས་ཀ་མེད་ཅིག་ཡིན། དེ་བས་ན་འདིར་ཚོགས་གསུམ་གྱི་རྣམ་བཞག་མདོ་ཙམ་ཞིག་གླེང་བར་བྱ་བ་ཡིན། [༢༨]
དེ་ཡང་ཚོགས་གསུམ་ཞེས་པ་ངོས་འཛིན་ཚུལ་མི་འདྲ་བ་དུ་མ་ཡོད་དེ། ཡི་གེ་དང་། མིང་དང་། ཚིག་བཅས་གསུམ་པོ་དེ་རྣམས་ནི། སུམ་ཅུ་པ་ལས། ཅི་ཕྱིར་འཇུག་པར་བྱེད་ཅེ་ན། །ཡི་གེའི་ཁོངས་ནས་མིང་དབྱུང་སྟེ། །མིང་གི་ཁོངས་ནས་ཚིག་ཕྱུང་ནས། །ཚིག་གིས་དོན་རྣམས་སྟོན་པར་བྱེད། །ཅེས་པའི་སྐབས་ནས་སྟོན་པའི་ཚོགས་གསུམ་དང་། མིང་དང་། ཚིག་དང་། བརྗོད་པ་གསུམ་ནི། སུམ་ཅུ་པ་ལས། མིང་ཚིག་བརྗོད་པ་ཀུན་གྱི་གཞི། །ཞེས་པའི་སྐབས་ནས་སྟོན་པའི་ཚོགས་གསུམ་དང་། མིང་གི་ཚོགས་དང་། ཕྲད་རྣམ་དབྱེའི་ཚོགས་དང་། བྱ་བའི་ཚིག་གི་ཚོགས་བཅས་དེ་གསུམ་ནི། རྟགས་འཇུག་ཀྱི་དཀའ་འགྲེལ་གནད་ཀྱི་སྒྲོན་མེ་ལས། བོད་ཀྱི་བརྡ་སྤྲོད་ཀྱི་གཞུང་དེ་དག་ནི་སྤྱིར་བཏང་བཤད་ན་མིང་གི་ཚོགས་དང་། ཕྲད་རྣམ་དབྱེའི་ཚོགས་དང་། བྱ་བའི་ཚིག་གི་ཚོགས་བཅས་གསུམ་ལས་གྲུབ་པ་ཞིག་ཡིན་པས། དེ་གསུམ་གྱི་མ་ཁྱབ་པའི་བརྗོད་པ་ནི་བོད་ཀྱི་བརྡ་ལ་མེད་པ་ཐོག་མར་བློ་ལ་ངེས་དགོས་པ་གལ་ཆེ། ཞེས་པའི་སྐབས་ནས་སྟོན་པའི་ཚོགས་གསུམ་སྟེ། ཚོགས་གསུམ་གྱི་ངོས་འཛིན་མི་འདྲ་བ་རྣམ་པ་གསུམ་ཡོད་པ་ལས། འདིར་དང་པོ་གཉིས་རེ་ཞིག་བཏང་སྙོམས་སུ་བཞག་ནས་ལུགས་གསུམ་པའི་དབང་དུ་བཏང་ནས་ཞུ་བར་བྱ་བ་ཡིན་ནོ།།
གཉིས་པ་ཚོགས་གསུམ་སོ་སོའི་ངོ་བོ་ལ། མིང་གི་ཚོགས་དང་། ཕྲད་རྣམ་དབྱེའི་ཚོགས་དང་། བྱ་བའི་ཚིག་གི་ཚོགས་བཅས་གསུམ་ལས། དང་པོ་མིང་གི་ཚོགས་ལ། ངོ་བོ་དང་། དབྱེ་བ། ལྡང་ཚད་གསུམ་ལས། དང་པོ་ངོ་བོ་ནི། དེ་ལ་དང་པོ་ཉིད་ནས་བློ་ལ་ངེས་དགོས་པ་ནི། མིང་ཚིག་བརྗོད་པ་གསུམ་གྱིས་ཟླས་ཕྱེ་བའི་མིང་དང་། སྐབས་འདིའི་མིང་གི་ཚོགས་གཉིས་ལ་ཁྱད་པར་ཡོད་པ་འདི་ཡིན་ཏེ། དང་པོ་ནི་དོན་གྱི་ངོ་བོ་ཙམ་བྱེད་ཀྱི་སྒྲ་ཙམ་ལ་གོ་ཆོག་ལ། གཉིས་པ་ནི་དེ་ཙམ་གྱིས་མི་ཆོག་པར་ཁྱད་ཆོས་དེའི་སྟེང་བྱ་ཚིག་གཏན་ནས་མིན་པ་ཞིག་དགོས། དེ་ཡང་འགྲོ་ཞེས་པའི་བྱ་ཚིག་གི་ཐོག་ནས་ཞུས་ན། འགྲོ་ཞེས་པའི་བྱ་ཚིག་དེ་རྐང་པས་འདེགས་འཇོག་བྱེད་པའམ་གོམ་པ་སྤོ་བའི་བྱ་བ་དེའི་ངོ་ཙམ་སྟོན་བྱེད་ཡིན་པས། མིང་ཚིག་བརྗོད་པ་གསུམ་གྱིས་ཟླས་ཕྱེ་བའི་མིང་བཞག་ཆོག་ལ། བྱ་བ་སྟོན་བྱེད་ཀྱི་སྒྲ་ཡིན་པས་སྐབས་འདིའི་མིང་གི་ཚོགས་སུ་མི་རུང་བ་ཡིན་ནོ། །དེས་ན་སྐབས་འདིའི་མིང་གི་ཚོགས་ཀྱི་ངོ་བོ་ནི་འབྲོང་ངུར་ཆོས་རྗེས་བཤད་པ་ལྟར། བྱ་ཚིག་མ་ཡིན་ཞིང་དོན་གྱི་ངོ་བོ་ཙམ་སྟོན་པའི་སྒྲའོ། །
གཉིས་པ་དབྱེ་བ་ནི། མིང་ལ་དབྱེ་ན་ཆོས་བརྗོད་པའི་མིང་དང་། ཆོས་ཅན་བརྗོད་པའི་མིང་གཉིས། དང་པོ་ནི་ཁྱད་ཆོས་བརྗོད་པའི་མིང་སྟེ། དཔེར་ན། མཛེས། ཁྲོ། མཚར། ཞེས་པ་ལྟ་དང་། གཉིས་པ་ནི་ཁྱད་གཞི་བརྗོད་པའི་མིང་སྟེ། དཔེར་ན། སངས་རྒྱས། སློབ་དཔོན། དམ་ཆོས། ཞེས་པ་ལྟ་བུའོ། །ཚིག་གཞན་གྱིས་ཞུས་ན། ཆོས་བརྗོད་པའི་མིང་ནི་ཨིན་ཇིའི་བརྡ་སྤྲོད་ལས་བཤད་པའི་ Adjective ཞེས་པ་འདི་ཆགས་ཡོད་པ་དང་། ཆོས་ཅན་བརྗོད་པའི་མིང་ནི་ཨིན་ཇིའི་བརྡ་སྤྲོད་ལས་བཤད་པའི་ Noun ཞེས་པ་འདི་ཆགས་ཡོད་པ་ཡིན།
གསུམ་པ་མིང་གི་ལྡང་ཚད་ནི། དེ་ལ་ཡི་གེ་རྐྱང་པས་མིང་འགྲུབ་པ་དང་། ཡི་གེ་ཚོགས་པས་མིང་འགྲུབ་པ་གཉིས་ལས། དང་པོ་ནི། ཟས་ཟ་བ་དང་གཏམ་སྨྲ་བའི་སྒོ་ལ་ཁ་ཞེས་པ་ལྟ་བུ་དང་། །གཉིས་པ་ནི། ཡི་གེ་ བ་ དང་། ཟ་ དང་། ང་ གསུམ་ཚོགས་པ་ལས་བཟང་ཞེས་པའི་མིང་གྲུབ་པ་ལྟ་བུའོ། །འོ་ན་གསལ་བྱེད་དང་ཡི་གེ་རྐྱང་པས་གྲུབ་པའི་མིང་གཉིས་ལ་ཁྱད་པར་མེད་པར་འགྱུར་རོ་ཞེ་ན། དེ་གཉིས་བརྗོད་པའི་ཚེ་སྒྲ་གདངས་ཀྱི་སྒོ་ནས་ཁྱད་པར་མེད་ཀྱང་། བརྗོད་པ་པོའི་ཞེ་འདོད་ཀྱི་སྒོ་ནས་ཁྱད་པར་ཕྱེ་དགོས་ཏེ། དཔེར་ན་ཁ་ཞེས་པའི་ཡི་གེ་ལ་དཔེར་བཞག་ནས་ཞུས་ན། གང་ཟག་གང་ཡང་རུང་བས་ཟས་ཟ་བའི་སྒོ་དང་གཏམ་སྨྲ་བའི་སྒོ་ལ་ཞེ་འདོད་ཀྱིས་ཀུན་ནས་བླངས་ཏེ་ཁ་ཞེས་བརྗོད་པ་ཡིན་ན། དེ་ནི་ཡི་གེ་རྐྱང་པས་གྲུབ་པའི་མིང་ཡིན་གྱི་གསལ་བྱེད་མ་ཡིན་ལ། གང་ཟག་གང་ཡང་རུང་བས་སྡེ་པ་དང་པོ་ཀ་སྡེའི་གཉིས་པ་ལ་ཞེ་འདོད་ཀྱིས་ཀུན་ནས་བླངས་ཏེ་ཁ་ཞེས་བརྗོད་པ་ཡིན་ན། དེ་ནི་གསལ་བྱེད་ཡིན་པ་ལྟ་བུའོ། །ཡང་ན་དེ་གཉིས་ཀྱི་ཁྱད་པར་ནི་ཚིག་གྲོགས་ཀྱི་སྟོབས་ཀྱིས་ཤེས་ཐུབ་སྟེ། དཔར་ན། བདག་གི་དྲན་ཅན་གྱི་མ་ཡིས་བདག་ལ་ཤིན་ཏུ་གཅེས། ཞེས་པའི་སྐབས་ནས་བསྟན་པའི་མ་དེ། ཚིག་གྲོགས་ཀྱི་སྟོབས་ཀྱིས་མཐའ་གཅིག་ཏུ་བདག་རང་ཉིད་སྐྱེད་བྱེད་ཀྱི་གང་ཟག་ལ་གོ་དགོས་པ་མ་གཏོགས། གསལ་བྱེད་ནང་གསེས་ཀྱི་མ་དང་། སྐྱེད་བྱེད་ཀྱི་མ་གང་ཡིན་ལ་དོགས་སའི་གནས་མེད་པ་ལྟ་བུའོ། །
གཉིས་པ་ཕྲད་རྣམ་དབྱེའི་ཚོགས་བཤད་པ་ལ། སོ་སོའི་གོ་དོན། སོ་སོའི་དབྱེ་བ་། རྣམ་དབྱེ་དང་ཕྲད་ཀྱི་ཁྱད་པར་གསུམ་ལས། དང་པོ་ཕྲད་དང་རྣམ་དབྱེའི་གོ་དོན་ནི། ཐོན་མིའི་ཞལ་ལུང་ལས། ཆོས་གང་ཡང་རུང་བ་ཞིག་གི་མིང་ཚིག་དེ་གཞན་དང་མ་འདྲེས་པར་རྣམ་པར་ཏེ་སོ་སོར་དབྱེ་ཞིང་འབྱེད་ནུས་པའི་སྒྲའི་ཆ་ཤས་སུ་གྱུར་པའི་ཚིག་ཕྲད་ཅིག་ལ་རྣམ་དབྱེ་ཞེས་བྱ་སྟེ། ཞེས་དང་། ཡང་དེ་ཉིད་ལས། མིང་ཚིག་གཅིག་གམ་དུ་མའི་ཐོག་མཐའ་བར་གསུམ་ཅི་རིགས་ཀྱི་གནས་སུ་ཕྲད་ཀྱི་སྒྲ་དེ་སྦྱར་བ་ན་དོན་ཞིག་སྟོན་ལ། དེ་ལྟར་མ་སྦྱར་བའི་ཕྲད་ཀྱི་སྒྲ་རྐྱང་བ་དེས་སྤྱི་བམ་པ་ཞིག་ལས་དོན་གསལ་བོ་གང་ཡང་མི་སྟོན་ནོ། །དེ་འདྲ་བ་ལ་ཚིག་ཕྲད་ཅེས་ཟེར་བ་ཡིན། ཞེས་གསུངས་པ་ལྟར་རོ། །
གཉིས་པ་དབྱེ་བ་ནི། ཕྲད་དང་རྣམ་དབྱེ་གཉིས་ལས་དང་པོ་ཕྲད་ཀྱི་དབྱེ་བ་ནི། ཕྲད་གཞན་དབང་ཅན་དང་། ཕྲད་རང་བ་ཅན་གཉིས་སོ། །དང་པོ་ལ་དབྱེ་ན། སླར་བསྡུ། ལ་དོན། ཨི་ལྡན། རྒྱན་སྡུད། ལྷག་བཅས། འབྱེད་སྡུད། འབྱུང་ཁུངས། བོད་སྒྲ་བཅས་བརྒྱད་དང་། གཉིས་པ་ལ་དབྱེ་ན། ནི་སྒྲ། དང་སྒྲ། དེ་སྒྲ། གང་སྒྲ། བདག་སྒྲ། དགག་སྒྲ་བཅས་དྲུག་ཡོད་པ་ཡིན་ནོ། །དེ་ཡང་སུམ་ཅུ་པའི་དངོས་བསྟན་གྱི་ཕྲད་ཙམ་ཡིན་གྱི་ཕྲད་ཡིན་ན་དེ་ཙམ་ལ་གྲངས་ངེས་པ་ནི་མ་ཡིན་ཏེ། ལེགས་བཤད་ལྗོན་དབང་ལས་སྟོན་པའི་ཚིག་ཕྲད་ཞིང་སོགས་དེར་བསྡུ་མི་ཐུབ་པའི་ཕྱིར་རོ། །འོ་ན་ཕྲད་རང་བ་ཅན་དང་གཞན་དབང་ཅན་གཉིས་ཀྱི་ཁྱད་པར་ཅི་ཡིན་ཞེ་ན། རྗེས་འཇུག་ལ་ལྟོས་ནས་སྦྱར་མི་དགོས་པར་རང་སྟོབས་ཀྱིས་གང་བདེར་སྦྱར་རུང་བ་ནི་ཕྲད་རང་བ་ཅན་དང་། དེའི་ལྡོག་ཕྱོགས་ནི་གཞན་དབང་ཅན་ཡིན་ནོ། །གཉིས་པ་རྣམ་དབྱེ་ལ་དབྱེ་ན་བརྒྱད་དེ། དང་པོ་ངོ་བོ་མིང་ཙམ་སྟོན་པ། གཉིས་པ་ལས་སུ་བྱ་བ། གསུམ་པ་བྱེད་སྒྲ། བཞི་པ་དགོས་ཆེད། ལྔ་པ་འབྱུང་ཁུངས། དྲུག་པ་འབྲེལ་སྒྲ། བདུན་པ་རྟེན་གནས། བརྒྱད་པ་བོད་སྒྲ་བཅས་སོ། །ཕྲད་དང་རྣམ་དབྱེའི་དབྱེ་བ་རེ་རེའི་ངོ་བོ་སོགས་འདིར་ཞུ་འདོད་ཡོད་ཀྱང་དུས་ཚོད་ཀྱིས་མི་ལྡང་བས་ཞུ་ཐུབ་པ་བྲལ་ཏོ། །
གསུམ་པ་ཕྲད་དང་རྣམ་དབྱེའི་ཁྱད་པར་ནི། དེ་གཉིས་ལ་མུ་བཞིའི་སྒོ་ནས་ཁྱད་པར་བཞག་རུང་སྟེ། དང་པོ་ཕྲད་ཡིན་ལ་རྣམ་དབྱེ་མ་ཡིན་པ་ནི། ཕྲང་རང་བ་ཅན་རྣམས་དང་། སླར་བསྡུ། རྒྱན་སྡུད། ལྷག་བཅས། འབྱེད་སྡུད་རྣམས་སོ། །གཉིས་པ་རྣམ་དབྱེ་ཡིན་ལ་ཕྲད་མ་ཡིན་པ་ནི། རྣམ་དབྱེ་དང་པོ་ངོ་བོ་མིང་ཙམ་སྟོན་པ། གསུམ་པ་ཕྲད་དང་རྣམ་དབྱེ་གཉིས་ཀ་ཡིན་པ་ནི། ལ་དོན། ཨི་ལྡན། འབྱུང་ཁུངས། བཞི་པ་གཉིས་ཀ་མ་ཡིན་པ་ནི་སླའོ། །
གསུམ་པ་བྱ་བའི་ཚིག་གི་ཚོགས་ཞུ་བ་ལ། བསྟན་བྱ་བྱ་བའི་སྐོར་དང་། སྟོན་བྱེད་བྱ་ཚིག་གི་སྐོར་གཉིས་ལས། དང་པོ་ནི། བྱ་བ་དང་བྱ་ཚིག་གཉིས་ནི་བསྟན་བྱ་སྟོན་བྱེད་ཀྱི་འབྲེལ་བ་གྲུབ་པ་ཞིག་ཡིན་པས། བྱ་བའི་རྣམ་བཞག་འདི་དག་ནི་བྱ་ཚིག་གི་སྐོར་གསལ་བར་རྟོགས་པ་ལ་ཐོག་མར་ངེས་པར་དུ་བློ་ལ་ངེས་དགོས་པའི་ཆ་རྐྱེན་ཞིག་ཡིན། དེ་བས་ན་བྱ་ཚིག་གི་རྣམ་བཞག་མ་བཤད་པའི་སྔར་བྱ་བའི་སྐོར་བཤད་པ་ནི་ཤིན་ཏུ་ནས་ཀྱང་ངོས་ཞིང་འཚམས་པ་ཞིག་ཡིན་སྙམ་མོ། །
སྤྱིར་བཏང་ཤེས་བྱའི་རྣམ་བཞག་གང་ཞིག་ཡིན་ན་ཡང་འཇིག་རྟེན་པས་ཁས་ལེན་ཚུལ་དང་། བསྟན་བཅོས་ཀྱི་སྐབས་སུ་ཁས་ལེན་ཚུལ་རྣམ་པ་གཉིས་ཡོད་པ་ཡིན། བྱ་བའི་དབང་དུ་བཏང་ན་འཇིག་རྟེན་པས་ཁས་ལེན་པའི་བྱ་བ་དང་། བསྟན་བཅོས་ཀྱི་སྐབས་སུ་ཁས་ལེན་པའི་བྱ་བ་སྟེ། གཞི་གཅིག་གི་སྟེང་དུ་ཁས་ལེན་ཚུལ་མི་འདྲ་བ་རྣམ་པ་གཉིས་ཡོད་པ་ཡིན། འོ་ན་འཇིག་རྟེན་པས་ཁས་ལེན་པའི་བྱ་བ་ནི་གང་། བསྟན་བཅོས་ཀྱི་སྐབས་སུ་ཁས་ལེན་པའི་བྱ་བ་ནི་གང་ཞེ་ན། དང་པོ་ནི། བྱ་ཚིག་གི་རྣམ་བཞག་ལག་ལེན་བཅུད་བསྡུས་ཆེན་མོ་ལས། དེ་ཡང་འཇིག་རྟེན་ཡོངས་གྲགས་ཀྱི་ཐོག་ནས་བསམ་ན། ཚོང་ལས་གཉེར་བདང་། ཁང་པ་རྒྱག་པ། ཞིང་ཁ་རྨོ་བ། ལོ་རྟོག་འདེབས་པ། ཚོགས་འདུ་འཚོག་པ། གཏམ་བཤད་བྱེད་པ། ཅ་དངོས་དབོར་འདྲེན་བྱེད་པ་སོགས་ལ་བྱ་བ་ཞེས་ངོས་འཛིན་བྱེད་པ་ལས། ཉལ་བ་དང་། ལང་བ། སྡོད་པ། ཟས་ཟ་བ། སྐོམ་འཐུང་བ། མེ་འབར་བ། ཤིག་འཚིག་པ། ཉི་མ་ཤར་བ། ཉི་མ་ནུབ་པ། ཆར་འབབ་པ། རྩ་སྐྱེས་པ། ལོ་མ་རླུང་གིས་གཡོ་བ་སོགས་ལ་ནི་བྱ་བ་ཞེས་གཏན་ནས་མི་བརྗོད་པ་ཡིན། ཞེས་གསུངས་པ་ལྟར་རོ། །དཔེར་བརྗོད་དེ་རྣམས་ལས་གསལ་བར་གོ་ཐུབ་པ་ནི། འཇིག་རྟེན་ཡོངས་གྲགས་ཀྱི་བྱ་བའི་སྐབས་སུ་ངེས་པར་དུ་བྱེད་པ་པོ་གང་ཟག་ཅིག་ཚང་དགོས་པ་འདི་ཡིན། བྱེད་པ་པོ་གང་ཟག་ཅིག་ཚང་ཡང་དེའི་སྟེང་གི་ལས་ཀ་དེ་བྱེད་མེད་ཀྱི་ལས་ཀ་ཞིག་ཡིན་ཚེ། དེ་ནི་འཇིག་རྟེན་པས་ནམ་དུ་ཡིན་ན་ཡང་བྱ་བ་ཉིད་དུ་ཁས་མི་བླངས་སྙམ་སྟེ། དེ་ནི་ཁོ་བོའི་བསམ་ཚུལ་ཙམ་ཡིན་གྱི་མཁས་ལྡན་དག་གིས་དཔྱོད་རོགས་ལགས།
གཉིས་པ་བསྟན་བཅོས་ཀྱི་སྐབས་སུ་ཁས་ལེན་པའི་བྱ་བ་ནི། སྐབས་འདིར་བསྟན་བཅོས་ཞེས་པ་རྟགས་འཇུག་ལ་གོ་དགོས་པས་རྟགས་འཇུག་སྐབས་ཀྱི་བྱ་བ་ཞེས་པའང་། མཁས་པ་སོས་སོའི་བཞེད་ཚུལ་མི་འདྲ་བ་མང་ཡང་ཁོ་བོའི་བསམ་ཚུལ་ནི། དངོས་པོའི་ཆོས་རྣམས་ཀྱི་སྟེང་གི་འགྱུར་བ་ལ་བཞག་ན་མི་འཐད་པ་མེད་སྙམ་མོ། །དེའི་སྐབས་ཀྱི་འགྱུར་བ་དེ་ལ་འགྱུར་ཚུལ་མི་འདྲ་བ་དུ་མ་བཞག་ཆོག་སྟེ། སྔར་ཡོད་ཀྱི་གནས་སྐབས་ལས་གནས་སྐབས་གཞན་དུ་འགྱུར་བ། ངོ་བོ་འགྱུར་བ་དང་། རྣམ་པ་འགྱུར་བ་ལ་སོགས་པ་རྣམས་སོ། །དེ་ཡང་དངོས་པོའི་ཆོས་ལོ་མ་ལྟ་བུ་ཞིག་ལ་གཞིར་བཞག་ནས་ཞུས་ན། ལོ་མ་ཉིད་སྔར་ཡལ་གའི་སྟེང་དུ་ཡོད་པ་ལས་ཕྱིས་སུ་ས་སྟེང་དུ་ལྷུང་སོང་བ་ནི་སྔར་ཡོད་ཀྱི་གནས་སྐབས་ལས་གནས་སྐབས་གཞན་དུ་འགྱུར་བ་དང་། ལོ་མའི་སྟེང་དུ་སྐད་ཅིག་དང་པོ་ལས་སྐད་ཅིག་གཉིས་པ་དང་། སྐད་ཅིག་གཉིས་པ་ལས་གསུམ་སོགས་སྐད་ཅིག་རྒྱུན་ཆགས་སུ་འབྱུང་བ་ནི་ངོ་བོ་འགྱུར་བ་དང་། ལོ་མ་ཉིད་སྔར་ལྗང་ཁུའི་མདོག་ལྡན་ཞིག་ཡིན་པ་ལས་ཕྱིས་སུ་མདོག་གཞན་དུ་འགྱུར་སོང་བ་ནི་རྣམ་པ་འགྱུར་བ་སྟེ། དངོས་པོའི་ཆོས་རྣམས་ཀྱི་སྟེང་དུ་འགྱུར་བ་མང་ཡང་བསྡུས་ན་དེ་ཐམས་ཅད་ངོ་བོ་འགྱུར་བ་ལ་བསྡུ་ཐུབ་པར་སེམས་སོ། །དེ་བས་ན་དངོས་པོའི་ཆོས་ཤིག་ཡིན་ན་སེམས་ལྡན་གྱི་གང་ཟག་ནི་ལྟ་ཞོག སེམས་མེད་ཀྱི་བེམ་པོ་ཡིན་ན་ཡང་རྟགས་འཇུག་སྐབས་ཀྱི་བྱ་བས་མ་ཁྱབ་པ་ཞིག་མེད་པས། རྟགས་འཇུག་སྐབས་ཀྱི་བྱ་བ་ལ་ངེས་པར་དུ་བྱེད་པ་པོ་གང་ཟག་ཅིག་ཚང་དགོས་པའི་ངེས་པ་མེད་པ་ནི་གནད་ཀྱི་དོན་ནོ། །
གཉིས་པ་སྟོན་བྱེད་བྱ་ཚིག་གི་རྣམ་བཞག་བཤད་པ་ལ། བྱ་ཚིག་གི་ངོ་བོ། བྱ་ཚིག་གི་སྒྲ་བཤད། བྱ་ཚིག་གི་དབྱེ་བ་དང་གསུམ་ལས། དང་པོ་བྱ་ཚིག་གི་ངོ་བོ་ནི། དངོས་པོའི་ཆོས་རྣམས་ཀྱི་སྟེང་གི་འགྱུར་བ་དེ་ཉིད་གཞན་ལ་གོ་བརྡ་སྤྲོད་པར་བྱེད་པའི་སྒྲ་ཞིག་ལའོ། །དེ་ཡང་ལོ་མ་ཡལ་ག་ལས་ལྷུང་ཞེས་པའི་དཔེར་བརྗོད་ཀྱི་ཐོག་ནས་ཞུས་ན། ལོ་མ་དེ་ཉིད་ཡལ་གའི་གོ་ས་ལས་ཕྱིར་འཐོན་འགྲོ་བའི་རྣམ་འགྱུར་ནི་ལོ་མའི་སྟེང་གི་བྱ་བའམ་ལོ་མའི་སྟེང་གི་འགྱུར་བ་དང་། ལྷུང་ཞེས་པའི་སྒྲ་ནི་བྱ་བ་དེ་ཉིད་གཞན་ལ་གོ་བརྡ་སྤྲོད་པར་བྱེད་པའི་སྒྲའམ་བྱ་ཚིག་ཡིན་པ་ལྟ་བུའོ། །
གཉིས་པ་སྒྲ་བཤད་ནི། སྐབས་འདིར་བྱ་ཚིག་ཅེས་པ་ཚེག་ཁྱིམ་གཉིས་ལས་གྲུབ་པའི་སྒྲ་དེའི་བྱ་ཞེས་པ་གང་ལ་ངོས་བཟུང་བ་དང་། ཚིག་ཅེས་པ་གང་ལ་ངོས་བཟུང་བ་ཡིན་སྙམ་ན། སྐབས་འདིའི་བྱ་ཞེས་པ་ནི་བྱ་བའམ་ལས་ཀ་ལ་གོ་རྒྱུ་དང་། ཚིག་ཅེས་པ་ནི་དོན་གྱི་ངོ་བོ་ཁྱད་པར་དང་བཅས་པ་སྟོན་བྱེད་ཀྱི་སྒྲ་ལ་གོ་རྒྱུ་མིན་པར། བྱ་བ་དེ་ཉིད་གཞན་ལ་གོ་བརྡ་སྤྲོད་པར་བྱེད་པའི་སྒྲ་ཞིག་ལ་གོ་རྒྱུ་ཡིན། དེས་ན་བྱ་ཚིག་ཅེས་པ་ནི། བྱ་བའམ་ལས་ཀ་དེ་ཉིད་གཞན་ལ་གོ་བརྡ་སྤྲོད་པར་བྱེད་པའི་སྒྲ་ཞིག་ཡིན།
གསུམ་པ་དབྱེ་བ་ནི། སྤྱིར་བཏང་བྱ་ཚིག་ལ་དབྱེ་སྒོ་མང་ཡང་། འདིར་ངོ་བོའི་སྒོ་ནས་དབྱེ་ན་བྱེད་འབྲེལ་ལས་ཚིག་དང་བྱེད་མེད་ལས་ཚིག་གཉིས་སོ། །དེ་ལ་ཤེས་དགོས་པའི་དོན་ཚན་བཞི་སྟེ། དང་པོ་བྱ་ཚིག་ལ་བྱེད་འབྲེལ་ལས་ཚིག་དང་བྱེད་མེད་ལས་ཚིག་གཉིས་སུ་དབྱེ་བའི་རྒྱུ་མཚན། གཉིས་པ་བྱེད་འབྲེལ་ལས་ཚིག་དང་བྱེད་མེད་ལས་ཚིག་གི་ངོ་བོ། གསུམ་པ་བྱེད་འབྲེལ་ལས་ཚིག་དང་བྱེད་མེད་ལས་ཚིག་གི་དཔེར་བརྗོད། བཞི་པ་བྱེད་འབྲེལ་ལས་ཚིག་དང་བྱེད་མེད་ལས་ཚིག་གི་ཁྱད་པར། །ལྔ་པ་དངོས་པོ་བདག་གཞན་གྱི་སྐོར་བཅས་ལྔ་ལས།
དང་པོ་བྱ་ཚིག་ལ་བྱེད་འབྲེལ་ལས་ཚིག་དང་བྱེད་མེད་ལས་ཚིག་གཉིས་སུ་དབྱེ་བ་ཡིན་ཏེ། དེས་བསྟན་པར་བྱ་བའི་བྱ་བ་ལ་བྱེད་འབྲེལ་གྱི་བྱ་བ་དང་བྱེད་མེད་ཀྱི་བྱ་བ་གཉིས་སུ་ཡོད་པའི་ཕྱིར་རོ། །འོ་ན་བྱེད་འབྲེལ་གྱི་བྱ་བ་དང་བྱེད་མེད་ཀྱི་བྱ་བའི་དོན་གང་ཞེས་ན། བྱེད་པ་པོ་གཞན་དང་དངོས་སུ་འབྲེལ་བའི་བྱ་བ་ནི་བྱེད་འབྲེལ་གྱི་བྱ་བ་དང་། བྱེད་པ་པོ་གཞན་དང་དངོས་སུ་མ་འབྲེལ་བའི་བྱ་བ་ནི་བྱེད་མེད་ཀྱི་བྱ་བ་ཡིན་ནོ། །དེ་ཡང་མུ་ཏིག་འཕྲེན་མཛེས་ལས། ལས་གང་ཞིག་བྱེད་པ་པོ་གཞན་དང་དངོས་སུ་འབྲེལ་བའི་དབང་དུ་བྱས་ནས། ཞེས་དང་། དངོས་པོ་གང་ཞིག་ལ་ལས་གང་ཞིག་བྱེད་པ་པོ་གཞན་གྱིས་དངོས་སུ་སྒྲུབ་པར་བྱེད་པ་དེ་ནི་བྱེད་པ་པོ་གཞན་དང་དངོས་སུ་འབྲེལ་བའི་ལས་ཏེ། ཞེས་དང་། དངོས་པོ་གང་ཞིག་ལ་ལས་གང་ཞིག་བྱེད་པ་པོ་གཞན་དངོས་སུ་མེད་པར་རང་གི་ངང་གིས་འགྲུབ་པར་སྣང་བ་འདི་ནི་བྱེད་པ་པོ་གཞན་དང་དངོས་སུ་མ་འབྲེལ་བའི་ལས་ཏེ། ཞེས་དང་། དབྱངས་ཅན་གྲུབ་རྡོར་པས། ལས་གང་ཞིག་ལ་བྱེད་པ་པོ། །གཞན་དང་དངོས་སུ་འབྲེལ་བ་ཡི། །དབང་དུ་བྱས་ནས། །ཞེས་གསུངས་པ་དེ་དག་ལས་གསལ་ལོ། །
གཉིས་པ་བྱེད་འབྲེལ་ལས་ཚིག་དང་བྱེད་མེད་ལས་ཚིག་གཉིས་ཀྱི་ངོ་བོ་ལ། དང་པོ་བྱེད་འབྲེལ་ལས་ཚིག་གི་ངོ་བོ་ནི། བྱེད་པ་པོ་གཞན་དང་དངོས་སུ་འབྲེལ་བའི་བྱ་བ་དེ་ཉིད་གཞན་ལ་གོ་བརྡ་སྤྲོད་པར་བྱེད་པའི་སྒྲའོ། །དེ་ལྟར་ཡིན་པ་ཡང་རྨོངས་བློའི་རྟོག་བཟོ་མིན་པར་སི་ཏུ་ཆོས་ཀྱི་འབྱུང་གནས་ཀྱི་དགོངས་པ་དྲི་མ་མེད་པ་ཡིན་ཏེ། དེས་མཛད་པའི་སུམ་རྟགས་ཀྱི་འགྲེལ་པ་མུ་ཏིག་ཕྲེང་མཛེས་ལས་བདག་གཞན་གྱི་གོ་དོན་བཤད་པའི་སྐབས། ལས་གང་ཞིག་བྱེད་པ་པོ་གཞན་དང་དངོས་སུ་འབྲེལ་བའི་དབང་དུ་བྱས་ནས། ཞེས་པའི་ཚིག་དེ་ལས་བྱེད་འབྲེལ་གྱི་བྱ་བ་དང་། བྱེད་འབྲེལ་ལས་ཚིག་གཉིས་ཀྱི་དོན་གསལ་བར་གོ་ཐུབ་པའི་ཕྱིར་རོ། །དེ་གསལ་བར་གོ་ན། བྱེད་པ་པོ་གཞན་དང་དངོས་སུ་མ་འབྲེལ་བའི་བྱ་བ་དེ་ཉིད་གཞན་ལ་གོ་བརྡ་སྤྲོད་པར་བྱེད་པའི་སྒྲ། ཞེས་བྱེད་འབྲེལ་ལས་ཚིག་གི་ངོ་བོ་ལས་བཟློགས་ནས་བྱེད་མེད་ལས་ཚིག་གི་ངོ་བོར་བཞག་ན་མི་འཐད་པ་མེད་དོ། །དེས་ན་བྱེད་འབྲེལ་ལས་ཚིག་གིས་བསྟན་བྱར་འགྱུར་པའི་བྱ་བ་དེ་བྱེད་པ་པོ་དང་འབྲེལ་དགོས་ལ། བྱེད་པ་པོ་དང་འབྲེལ་བ་ཙམ་གྱིས་མི་ཆོག་པར་པྱེད་པ་པོ་གཞན་དང་འབྲེལ་དགོས་ཤིང་། དེ་ཙམ་གྱིས་ཀྱང་མི་ཆོག་པར་བྱེད་པ་པོ་གཞན་དང་དངོས་སུ་འབྲེལ་དགོས་པ་ནི་གནད་ཀྱི་དོན་ནོ། །དེ་ལྟར་མིན་ན་བསྐོར་ནས་འཁོར། བསྐྱིལ་ནས་འཁྱིལ། བསྒོམས་ནས་གོམས་ལ་སོགས་པ་རྣམས་ཀྱང་བྱེད་འབྲེལ་ལས་ཚིག་ཉིད་དུ་ཐལ་བར་འགྱུར་བའི་ཕྱིར་རོ། །
གསུམ་པ་བྱེད་འབྲེལ་ལས་ཚིག་དང་བྱེད་མེད་ལས་ཚིག་གི་དཔེར་བརྗོད། དང་པོ་བྱེད་འབྲེལ་ལས་ཚིག་ནི། བཀྲིས་ཀྱིས་ཤིང་གཅོད་ཅེས་པ་ལྟ་བུ་དང་། གཉིས་པ་བྱེད་མེད་ལས་ཚིག་ནི། བཀྲིས་ཤར་ཕྱོགས་སུ་འགྲོ་ཞེས་པ་ལྟ་བུའོ། །འོ་ན་འགྲོ་ཞེས་པའི་བྱ་ཚིག་དེ་བྱེད་པ་པོ་གཞན་དང་དངོས་སུ་མ་འབྲེལ་བའི་བྱ་བ་སྟོན་བྱེད་དང་། གཅོད་ཅེས་པའི་བྱ་ཚིག་དེ་བྱེད་པ་པོ་གཞན་དང་དངོས་སུ་འབྲེལ་བའི་བྱ་བ་སྟོན་བྱེད་ཡིན་པའི་ཚུལ་ཇི་ལྟར་སྙམ་ན། ཐོག་མར་བྱ་ཚིག་དེ་གཉིས་ཀྱི་ཐོག་ནས་བྱེད་པ་པོ་དང་བྱ་བའི་ཡུལ་ལ་བྱ་ཚིག་ལས་གྲུབ་པའི་མིང་ཞིག་བཏགས་དགོས་ཏེ། དཔེར་ན་གཅོད་བྱེད་དང་གཅད་བྱ། འགྲོ་བྱེད་དང་འགྲོ་བྱ་ཞེས་པ་ལྟ་བུའོ། །བྱེད་པ་པོ་དང་བྱ་བའི་ཡུལ་ལ་བྱ་ཚིག་དང་འབྲེལ་བའི་མིང་ཞིག་བཏགས་འོང་དུས། འགྲོ་བྱ་དང་འགྲོ་བྱེད་གཉིས་སོ་སོར་ངོས་གཟུང་རྒྱུ་མེད་པས་བྱེད་པ་པོ་གཞན་དང་དངོས་སུ་མ་འབྲེལ་བའི་བྱ་བ་སྟོན་བྱེད་དང་། གཅད་བྱ་དང་གཅོད་བྱེད་གཉིས་སོ་སོར་ངོས་གཟུང་རྒྱུ་ཡོད་པས་བྱེད་པ་པོ་གཞན་དང་དངོས་སུ་འབྲེལ་བའི་བྱ་བ་སྟོན་བྱེད་ཡིན་ནོ། །འདིར་བྱ་བའི་ཡུལ་དང་བྱེད་པ་པོ་གཉིས་སོ་སོ་ཡོད་མེད་ངོས་གཟུང་བ་ལ་ཐོག་མར་བྱ་བའི་ཡུལ་གྱི་ངོས་འཛིན་གསལ་པོར་བྱ་དགོས་ཤིང་། དེ་ཡང་སུམ་ཅུ་པ་དང་རྟགས་འཇུག་སྐབས་ཀྱི་བྱ་བའི་ཡུལ་ངོས་འཛིན་སྟངས་སོ་སོར་ཡོད་པས། ཐོག་མ་ཉིད་ནས་བྱ་བའི་ཡུལ་གྱི་ངོས་འཛིན་སོ་སོར་ཤེས་དགོས་པ་གལ་ཆེ། དེ་ཡང་སུམ་ཅུ་པའི་སྐབས་སུ་ལ་དོན་གྱི་ཕྲད་གང་དུ་འཇུག་པའི་ཡུལ་དེར་བྱ་བའི་ཡུལ་ཞེས་ངོས་གཟུང་དགོས་ཏེ། དཔེར་ན་རྟ་རུ་རྩ་བྱིན་ཞེས་པའི་སྐབས་རྟ་དེ་ཉིད་བྱ་བའི་ཡུལ་ཡིན་པ་ལྟ་བུའོ། །རྟགས་འཇུག་གི་སྐབས་འདིར་བྱེན་པ་པོས་གང་སྒྲུབ་པར་བྱ་བའི་ལས་ཀྱི་དངོས་པོ་སྟེ། བྱ་བྱེད་ལས་གསུམ་གྱི་ལས་དེར་ངོས་གཟུང་དགོས་པས་སྤྱིར་བཏང་བྱེད་ན་ལ་དོན་གྱི་ཕྲད་མི་འཇུག་གོ །དཔེར་ན་རྟ་རུ་རྩ་བྱིན་ཞེས་པའི་སྐབས་སུ་རྩ་དེ་ཉིད་བྱ་བའི་ཡུལ་ཡིན་པ་ལྟ་བུའོ། །ཡང་བྱ་བའི་ཡུལ་དེ་གཉིས་ཀྱི་ཁྱད་པར་འབྱེད་ལུགས་དེང་གི་བརྡ་སྤྲོད་མཁས་པས་ཇི་ལྟར་གསུངས་པ་བཞིན་ཞུས་ན། སུམ་ཅུ་པའི་སྐབས་ཀྱི་བྱ་བའི་ཡུལ་ནི་གང་དུ་བྱ་བའི་བྱ་བའི་ཡུལ་དང་། རྟགས་འཇུག་སྐབས་ཀྱི་བྱ་བའི་ཡུལ་ནི་གང་བྱ་བའི་བྱ་བའི་ཡུལ་ཞེས་པའང་གནད་དུ་སྣང་ངོ། །
བྱེད་མེད་ལས་ཚིག་ལའང་ནང་གསེས་ཀྱི་དབྱེ་བ་བཞི་ཏེ། དང་པོ་བྱེད་པ་པོ་གཏན་ནས་མི་སྣང་བའི་བྱེད་མེད་ལས་ཚིག དཔེར་ན་ཉི་མ་ཤར་ཞེས་པ་ལྟ་བུ། གཉིས་པ་བྱེད་པ་པོ་གཞན་མི་སྣང་བའི་བྱེད་མེད་ལས་ཚིག དཔེར་ན་བཀྲིས་སྟན་ལས་ལངས་ཞེས་པ་ལྟ་བུ། གསུམ་པ་བྱེད་པ་པོ་གཞན་དངོས་སུ་མི་སྣང་བའི་བྱེད་མེད་ལས་ཚིག དཔེར་ན་ཞིང་པས་ཆུ་བསྐྱིལ་ནས་འཁྱིལ་ཞེས་པ་ལྟ་བུ་དང་། བཞི་པ་བྱེད་པ་པོའི་རྩོལ་བ་མི་སྣང་བའི་བྱེད་མེད་ལས་ཚིག དཔེར་ན་བཀྲིས་ཀྱིས་སྦྲུལ་མཐོང་ཞེས་པ་ལྟ་བུ་ཡིན་ནོ། །
བཞི་པ་བྱེད་འབྲེལ་ལས་ཚིག་དང་བྱེད་མེད་ལས་ཚིག་གི་ཁྱད་པར་ནི། ལས་ཚིག་དེ་གཉིས་ཀྱི་ངོ་བོ་རྟོགས་ན་དེའི་ཤུགས་ལས་དེ་གཉིས་ཀྱི་ཁྱད་པར་རྟོགས་མ་ཐུབ་པའི་གནས་མེད་མོད། ཡིན་ན་ཡང་དམིགས་ཀྱིས་བཀར་ནས་ཅུང་ཙམ་ཞུས་ན། བྱེད་འབྲེལ་ལས་ཚིག་ནི་བྱེད་པ་པོ་གཞན་དང་དངོས་སུ་འབྲེལ་བ་དང་། བྱེད་པ་པོ་གཞན་དངོས་སུ་ཡོད་པ་དང་། བྱེད་པ་པོ་གཞན་ལ་དངོས་སུ་བརྟེན་པའི་བྱ་བ་གོ་བརྡ་སྤྲོད་བྱེད་དང་། དེའི་ལྡོག་ཕྱོགས་ནི་བྱེད་མེད་ལས་ཚིག་ཡིན་ནོ། །
ལྔ་པ་དངོས་པོ་བདག་གཞན་གྱི་སྐོར་ནི། ལས་ཚིག་དེ་གཉིས་ཀྱི་ཁྱད་པར་གསལ་པོར་ཆགས་ན། དངོས་པོ་བདག་གཞན་ལ་མགོ་རྨོངས་པའི་གནས་མེད་དེ། དེ་ཡང་བྱེད་འབྲེལ་ལས་ཚིག་གཞིར་བཞག་གི་སྟེང་ནས་བྱེད་པ་པོ་དང་དེའི་བྱེད་པ་གཉིས་པོ་ལ་དངོས་བདག་ཅེས་བྱ་ཞིང་། བྱ་བའི་ཡུལ་དང་དེའི་བྱ་ལས་གཉིས་པོ་ལ་དངོས་པོ་གཞན་ཞེས་བྱ་བ་ཡིན་ནོ། །དེ་ཡང་མུ་ཏིག་འཕྲེང་མཛེས་ལས། ལས་གང་ཞིག་བྱེད་པ་པོ་གཞན་དང་དངོས་སུ་འབྲེལ་བའི་དབང་དུ་བྱས་ནས། བྱེད་པ་པོའི་དངོས་པོ་དེ་ཉིད་དང་དེའི་བྱེད་པ་དང་བཅས་པ་ལ་ནི་བདག་ཅེས་བྱ་ཞིང་། དེས་བསྒྲུབ་པར་བྱ་བའི་ཡུལ་ཀྱི་དངོས་པོ་བྱ་བ་དང་བཅས་པ་ལ་ནི་གཞན་ཞེས་བྱ་བའོ། །ཞེས་དང་། དཀའ་གནད་གསལ་བའི་མེ་ལོང་ལས། ལས་གང་ཞིག་ལ་བྱེད་པ་པོ། །གཞན་དང་དངོས་སུ་འབྲེལ་བ་ཡི། །དབང་དུ་བྱས་ནས་བྱེད་པོ་དང་། །དེ་ཡི་བྱེད་པ་གཉིས་པོ་ནི། །དངོས་པོ་བདག་ཡིན་བྱ་ཡུལ་དང་། །བྱ་བ་གཉིས་པོ་གངོས་པོ་གཞན། །ཞེས་གསུངས་པས་སོ། །དེའང་དཔེར་བརྗོད་ཀྱི་ཐོག་ནས་ཞུས་ན།
| དངོས་པོ་བདག | དངོས་པོ་གཞན། | |||
| སྟོན་པ་པོ། | སྟོན་བྱེད། | སྟོན་པར་བྱེད། | བསྟན་བྱ། | བསྟན་པར་བྱ། |
| རྩོམ་པ་པོ། | རྩོམ་བྱེད། | རྩོམ་པར་བྱེད། | བརྩམ་བྱ། | བརྩམ་པར་བྱ། |
| འཛིན་པ་པོ། | འཛིན་བྱེད། | འཛིན་པར་བྱེད། | གཟུང་བྱ། | གཟུང་བར་བྱ། |
| སྒྲུབ་པ་པོ། | སྒྲུབ་བྱེད། | སྒྲུབ་བར་བྱེད། | བསྒྲུབ་བྱ། | བསྒྲུབ་པར་བྱ། |
འོ་ན་དུས་གསུམ་གྱིས་མ་བསྡུས་པའི་བྱ་ཚིག་མེད་ཀྱང་། དེ་ལས་ལོགས་སུ་བདག་གཞན་གྱི་རྣམ་བཞག་བསྟན་པའི་དངོས་པ་གང་ཞེ་ན། བྱེད་པ་པོ་དང་དེའི་བྱེད་པ་གཉིས་ལ་བྱ་ཚིག་ལས་གྲུབ་པའི་མིང་གདགས་ན་བྱ་ཚིག་ད་ལྟ་བ་ལས་གྲུབ་པའི་མིང་དང་། བྱ་བའི་ཡུལ་དང་དེའི་བྱ་ལས་གཉིས་ལ་བྱ་ཚིག་ལས་གྲུབ་པའི་མིང་གདགས་ན་བྱ་ཚིག་མ་འོངས་པ་ལས་གྲུབ་པའི་མིང་གདགས་དགོས་པར་ཤེས་པའི་ཆེད་དུ་སྟེ། མུ་ཏིག་འཕྲེང་མཛེས་ལས། གཞུང་འདིར་བྱེད་པ་པོ་དང་བྱ་བའི་ཡུལ་གྱི་སྒྲ་རྣམས་བསྡུ་བའི་ཕྱིར་བདག་གཞན་གྱི་དབྱེ་བ་ཟུར་དུ་མཛད་པ་ཡིན། ཞེས་གསུངས་སོ། །[༢༩][༢༨]
སློབ་གཉེར་བ་ཀུན་བཟང་སྟོབས་རྒྱས་ཀྱིས་བྲིས་པའོ། །སྤྱི་ཚེས་ ༣༡/༠༧/༢༠༢༤ ལ་ཡོངས་འབྲེལ་ཐོག་ཏུ་སྤེལ་ཡོད།
རྩོམ་ཤོག་གི་རིགས། ཆོས་འཁོར་གྱི་སྐོར།
ཞུན་དག༼གང་ཤར་གླེང་བའི་གཏམ།༽
ཞུན་དགམཆོད་བརྗོད་ནི། ཐུབ་བསྟན་དྲི་མ་མེད་པའི་བདུད་རྩིའི་ཆུས། ། འགྲོ་བའི་རྨོངས་པ་མཐའ་དག་བཀྲུས་བྱས་ནས། ། བློ་གྲོས་རིན་ཆེན་རྒྱན་ཚོགས་སྦྱིན་མཛད་པའི། ། མི་ཕམ་པདྨ་དཀར་པོ་དེར་ཕྱག་འཚལ། །[༣༠]
ཞེས་མཆོད་པར་བརྗོད་པ་སྔོན་དུ་བཏང་ནས་འདིར་གང་ཞིག་ཞུ་བར་བྱ་བའི་གཞི་ནི་ཆོས་འཁོར་རིམ་པ་གསུམ་གྱི་རྣམ་གཞག་དེ་ཡིན། དེ་ཞུ་བ་ལ་ཆོས་འཁོར་གྱི་དོན། ཆོས་འཁོར་གི་རིམ་པ། གསུང་བ་པོ། གདུལ་བྱ། ཡུལ་དང་དུས། དེ་ལ་དཔྱད་པ་ དང་བཅས་དྲུག་ལས། དང་པོ་ཆོས་འཁོར་གྱི་དོན་ནི། ལུང་རྟོགས་གང་རུང་གིས་བསྡུས་པའི་སྟོན་པའི་དམ་ཆོས་སོ། །
གཉིས་པ་ཆོས་འཁོར་གསུམ་གྱི་རྣམ་གཞག་ལ། དགོངས་འགྲེལ་ལས་གསུངས་ཚུལ་དང༌། དུས་འཁོར་ལས་གསུངས་ ཚུལ་གཉིས་ལས། དང་པོ་ནི། ཆོས་འཁོར་དང་པོ་བདེན་བཞིའི་ཆོས་འཁོར། གཉིས་པ་མཚན་ཉིད་མེད་པའི་ཆོས་འཁོར། གསུམ་པ་ལེགས་པར་རྣམ་པར་ཕྱེ་བའི་ཆོས་འཁོར་ཞེས་གསུངས་ཏེ། དགོངས་འགྲེལ་ལས། ཉན་ཐོས་ཀྱི་ཐེག་པ་ལ་ཡང་དག་པར་ཞུགས་པ་རྣམ་ལ་འཕགས་པའི་བདེན་པ་བཞི་རྣམ་པར་བསྟན་པས་ཆོས་ཀྱི་འཁོར་ལོ། ཞེས་དང་། ཐེག་པ་ཆེན་པོ་ལ་ཡང་དག་པ་ཞུགས་པ་རྣམས་ལ་སྟོང་པ་ཉིད་ཀྱི་རྣམ་པ་སྨོས་པས་ཆེས་ངོ་མཚར་རྨད་དུ་བྱུང་བའི་ཆོས་ཀྱི་འཁོར་ལོ་གཉིས་པ་བསྐོར་ཏེ། ཞེས་དང་། ཐེག་པ་ཐམས་ཅད་ལ་ཡང་དག་པར་ཞུགས་པ་རྣམ་ལ། ལེགས་པར་རྣམ་པར་ཕྱེ་བ་དང་ལྡན་པའི་ཆོས་ཀྱི་འཁོར་ལོ་གསུམ་པ་བསྐོར་ཏེ། ཞེས་གསུངས་སོ། །གཉིས་པ་ནི། བཀའ་དང་པོ་བདེན་པའི་དེ་ཉིད་ཀྱི་ཚུལ། བཀའ་བར་མ་ཕ་རོལ་ཏུ་ཕྱིན་པའི་ཚུལ། བཀའ་ཐ་མ་གསང་སྔགས་རྡོ་རྗེ་ཐེག་པའི་ཚུལ་ཞེས་གསུངས་ཏེ། དུས་འཁོར་རྩ་རྒྱུད་ལས། སྟོན་པས་བྱ་རྒོད་ཕུང་པོ་རུ། །ཤེས་རབ་ཕ་རོལ་ཕྱིན་ཚུལ་བཞིན། །ཆོས་བསྟན་དཔལ་ལྡན་འབྲས་སྤུངས་སུ། །དེ་བཞིན་གསང་སྔགས་ཚུལ་རབ་གསུངས། །ཞེས་གསུངས་སོ། །
གསུམ་པ་ནི། དོགས་གཅོད་ལས། ཐུབ་པ་རྣམས་ཀྱིས་ཆོས་གསུངས་པ། །ཐམས་ཅད་ཆོས་འཁོར་བསྐོར་བ་ ཡིན། །ཞེས་གསུངས་པའི་ཆོས་འཁོར་རིམ་པ་གསུམ་གསུང་བ་པོ་དེ་ཡང༌། དོགས་གཅོད་འགྲེལ་པ་ལས། ཆོས་འཁོར་ བསྐོར་བ་པོ་སྤྱིར་སངས་རྒྱས་དང། དེའི་ནང་ནས་སྤྲུལ་པའི་སྐུ་ཁོ་ན་ཞེས་བྱའོ། །ཞེས་གསུངས་སོ། །
བཞི་པ་ནི། སྟོན་པ་བཀའ་དྲིན་ཅན་གྱི་སྐུ་མདུན་ལས་ཆོས་འཁོར་དང་པོ་ཞུ་མི་གདུལ་བྱ་ནི། འཁོར་ལྔ་ལྡན་བཟང་པོ་དང་ཉན་ཐོས་དང་རང་རྒྱལ་གྱི་རིགས་ཅན་ཚུ་ཡིན་པས། ཆོས་འཁོས་གཉིས་པ་ཞུ་མི། གདུལ་བྱ་དབང་པོ་འབྲིང་ཐེག་ཆེན་སོ་སྐྱེ་རྣལ་འབྱོར་སྤྱོད་པའི་སྐལ་བ་ཅན་ཚུ་ཡིན་པས། ཆོས་འཁོར་གསུམ་པ་ཞུ་མི། གདུལ་བྱ་དབང་པོ་རྣོན་པོ་རྣམས་ཡིན་པས། དུས་འཁོར་རྩ་རྒྱུད་ཀྱི་ཆོས་འཁོར་གསུམ་པ་ཞུ་མི། ཆོས་རྒྱལ་ཟླ་བ་བཟང་པོ་དང་གདུལ་བྱ་དབང་པོ་རྣོན་པོ་ལས་ཀྱང་རྣོན་པོ་ཚུ་ཡིན་པས་སོ། །
ལྔ་པ་ཆོས་འཁོར་གསུམ་གསུངས་སའི་ཡུལ་དང་དུས་ནི། ཆོས་འཁོར་དང་པོ་ནི། ཡུལ་ཝཱ་ར་ན་སི་ལུ་གསུངས་ནུག དུས་ནི་ས་ག་ཟླ་བའི་ཉའི་ཐུན་མཐའ་མ་ལ་མངོན་པར་རྫོགས་པར་སངས་རྒྱས་ནས་ཞག་བདུན་ཕྲག་བདུན་སོང་བ་ན་གསུངས་ནུག ཆོས་འཁོར་གཉིས་པ་ནི། ཡུལ་བྱ་རྒོད་ཕུང་པོའི་རི་ལུ་གསུངས་ནུག དུས་ནི་སྟོན་པ་སངས་རྒྱས་ནས་ལོ་བཅུ་དྲུག་ཙམ་ན་གསུངས་ནུག ཆོས་འཁོར་གསུམ་པ་ནི་གཉིས་པ་དང་མཚུངས་སོ། །དུས་འཁོར་རྩ་རྒྱུད་ལས་གསུངས་པའི་ཆོས་འཁོར་གསུམ་པ་ནི། ཡུལ་རྒྱ་གར་ལྷོ་ཕྱོགས་དཔལ་ལྡན་འབྲས་སྤུངས་ཀྱི་མཆོད་རྟེན་གྱི་རྩ་བར་གསུངས་ནུག དུས་ནི་སྟོན་པ་མྱ་ངན་ལས་འདའ་བའི་སྔ་ལོར་གསུངས་སོ། །
དེ་དག་ལ་དཔྱད་པ་དང་པོ་ནི། ཆོས་འཁོར་གྱི་མཚན་ཉིད་ལ། ཁ་ཅིག་གིས་ལུང་རྟོགས་གང་རུང་གི་ཆོས་ཆོས་འཁོར་གྱི་མཚན་ཉིད་ཡིན་ཟེར་ན། འགྲེལ་པ་དོན་གསལ་དེ་ཆོས་འཁོར་ཡིན་པར་ཐལ་བའི་སྐྱོན་བའི་སྐྱོན་འདུག དེས་ན་རང་ཉིད་ ཀྱིས་ལུང་རྟོགས་གང་རུང་གིས་བསྡུས་པའི་སྟོན་པའི་དམ་ཆོས་དེ་ལ་ཆོས་འཁོར་ཞེས་བརྗོད་པའི་རྒྱུ་མཚན་ཡོད་དེ། ཁྱོད་དམ་ཆོས་ཀྱང་ཡིན། འཁོར་ལོས་སྒྱུར་བའི་འཁོར་ལོ་རིན་པོ་ཆེ་དང་ཆོས་མཚུངས་པ་ཡང་ཡིན་པའི་རྒྱུ་མཚན་གྱིས་དེ་ལྟར་བརྗོད་པའི་ཕྱིར་ཏེ། འཁོར་ལོས་སྒྱུར་བའི་རྒྱལ་པོའི་འཁོར་ལོ་རིན་པོ་ཆེ་དེ་ཡུལ་གཞན་ནས་གཞན་དུ་འཕོ་ཞིང་རང་གི་མི་མཐུན་ཕྱོགས་ལས་རྒྱལ་བ་ལྟར། ཆོས་རྣམས་ཀྱང་གདུལ་བྱའི་རྒྱུད་ལ་རིམ་གྱིས་འཕོ་ཞིང་འདོད་ཆགས་ལ་སོགས་པའི་མི་མཐུན་ཕྱོགས་ལས་རྒྱལ་བར་བྱེད་པ་མཚུངས་པའི་ཕྱིར་ཏེ། ཆོས་འཁོར་དོགས་གཅོད་ལས། འཁོར་ལོས་རྒྱུར་བའི་འཁོར་ལོ་དང་། །མྱུར་བར་འགྲོ་སོགས་མཐུན་པས་ན། །ཞེས་གསུངས་སོ། །
དཔྱད་པ་གཉིས་པ་ཆོས་འཁོར་གསུམ་གསུང་བ་པོ་འདི་བདག་རྐྱེན་རྣམ་པ་ཐམས་ཅད་མཁྱེན་པའི་ཡེས་རྒྱུད་ལ་ལྡན་པའི་སངས་རྒྱས་འཕགས་པ་ཅིག་ཡིན་དགོ་པ་དེ་ཡང་། དགོངས་འགྲེལ་ལས། སངས་མ་རྒྱས་པར་ཆོས་ཀྱི་འཁོར་ལོ་ བསྐོར་བ་ནི་མི་རུང་ཞེས་གསུངས་ནུག སངས་རྒྱས་དེ་ལ་ཆོས་སྐུ་དང་གཟུགས་སྐུ་གཉིས་ཡོད་པའི་ནང་ནས་གཟུགས་སྐུ་དེ་ལ་ཡང་། ལོངས་སྐུ་དང་སྤྲུལ་སྐུ་གཉིས་ཡོད་པའི་ནང་ནས་སྤྲུལ་སྐུ་དེ་ཡིན། སྤྲུལ་སྐུ་ལ་བཟོ་བ་སྤྲུལ་སྐུ། སྐྱེ་བ་སྤྲུལ་སྐུ། མཆོག་གི་སྤྲུལ་སྐུ་གསུམ་ཡོད་པའི་ནང་ནས་མཆོག་གི་སྤྲུལ་སྐུ་ཡིན་དགོ་པ་དེ་ཡང་། དགོངས་པ་ངེས་འགྲེལ་ལས། མཆོག་གི་སྤྲུལ་པའི་སྐུ་མིའི་རྟེན་འདི་ལ་སངས་རྒྱས། དེ་ནས་ཆོས་ཀྱི་འཁོར་ལོ་བསྐོར་བ་ཡིན་པའི་ཕྱིར། ཞེས་གསུངས་སོ། །
དཔྱད་པ་གསུམ་པ་ཆོས་འཁོར་ཞེས་པའི་ཐ་སྙད་དེ་ཁ་ཅིག་གིས། ཆོས་འཁོར་གྱི་མདོ་ལས། དེའི་ཚེ་ལྷ་རྣམས་ཀྱིས་ ཀྱང། གྲོགས་པོ་དག་བཅོམ་ལྡན་འདས་ཀྱིས་ཝཱ་ར་ན་སིར་ལན་གསུམ་དུ་བཟླས་ཏེ་ཆོས་ཀྱི་འཁོར་ལོ་རྣམ་པ་བཅུ་གཉིས་ སུ་ཆོས་དང་མཐུན་པ་འགའ་ཡང་མ་བསྐོར་བ་ཞིག་བསྐོར་བས་ལྷའི་རིགས་འཕེལ་ཞིང་ལྷ་མ་ཡིན་གྱི་རིགས་ཉམས་སོ་ཞེས་སྒྲ་བསྒྲགས་སོ། །ཞེས་གསུངས་པ་ལས་བྱུང་བ་ཡིན་ཞེས་པ་ཡང་འཐད་པས། ཡིན་ཡང་སངས་རྒྱས་ཀྱིས། ཟབ་ཞི་ སྤྲོས་བྲལ་འོད་གསལ་འདུས་མ་བྱས། །བདུད་རྩི་ལྟ་བུའི་ཆོས་ཤིག་ཁོ་བོས་རྙེད། །སུ་ལ་བསྟན་ཀྱང་གོ་བར་མི་ནུས་པས། །མི་སྨྲ་ནགས་འདབ་ཉིད་དུ་གནས་པར་བྱ། །ཞེས་གསུང་བའི་སྐབས་མི་མཇེད་ཀྱི་བདག་པོ་ཚངས་པ་གཙུག་ཕུད་ཅན་གྱིས་ཤེས་ནས་ཆོས་ཀྱི་འཁོར་ལོ་བསྐོར་བར་ལན་གསུམ་དུ་བསྐུལ་བའི་མཐར་གནང་ཞེས་གསུང་པའི་སྐབས་ལུ་ཆོས་འཁོར་གྱི་ཐ་སྙད་དེ་བྱུང་པ་མིན་ནམ་སྙོམ་མོ། །[༣༠]
སླར་སྨྲས་པ་ནི། དེ་ལས་བྱུང་བའི་དགེ་ཚོགས་འོད་སྣང་འབུམ། །
བློ་ལྡན་ཡིད་མཁར་འཆར་བའི་མཐུ་དཔལ་གྱིས། །
མི་ཤེས་བློ་ཡི་མུན་ཚོགས་མཐར་བྱེད་ནས། །
ནང་གི་ཡེ་ཤེས་སྣང་བ་རྒྱས་གྱུར་ཅིག །ཅེས་པའང་སློབ་གཉེར་བ་རིག་འཛིན་རྣམ་རྒྱལ་གྱིས་བྲིས་སོ། །སྤྱི་ཚེས་ ༣༡/༠༧/༢༠༢༤ ལ་ཡོངས་འབྲེལ་ཐོག་ཏུ་སྤེལ་ཡོད།
རྩོམ་ཤོག་གི་རིགས། ཚད་མའི་སྐོར།
ཞུན་དག༼ཚད་མའི་གྲངས་ངེས་ལ་དཔྱད་པ་བློ་གསར་མིག་འབྱེད།༽
ཞུན་དགབྱིན་རླབས་རྩ་བ་དྲིན་ཆེན་བླ་མ་དང་།། དངོས་གྲུབ་གཏེར་མཛོད་ཡི་དམ་ལྷའི་ཚོགས།། བར་ཆད་སེལ་མཛད་ཆོས་སྐྱོངས་སྲུང་མ་དང་།། འཕྲིན་ལས་སྒྲུབ་པའི་མཁའ་འགྲོའི་ཚོགས་ལ་འདུད།།[༡]
ལས་དང་སྨོན་ལམ་འབྲེལ་བ་ཡི།། མེ་ཏོག་གང་ལ་བབས་པའི་ལྷ།། ཀུན་གཟིགས་པུན་ཌ་རི་ཀ་ཡི།། ཞབས་ལ་གུས་པས་བརྩེ་བས་སྐྱོངས།།
ཞེས་མཆོད་པར་བརྗོད་པའི་ཚིག་གིས་མདུན་བསུས་ནས། གང་ཞིག་གླེང་བར་བྱ་བ་ནི། རྣམ་འགྲེལ་ལེའུ་དང་པོར།[༣༡] ཚད་མ་བསླུ་མེད་ཅན་ཤེས་ པ། །ཞེས་དང། མ་ཤེས་དོན་གྱི་གསལ་བྱེད་ཀྱང་། །ཞེས་གསུངས་པའི་གཞུང་ཚིག་དེའི་བསྟན་བྱར་གྱུར་པའི་ཚད་མའི་རྣམ་གཞག་ལ་ཅུང་ཙམ་དཔྱད་པ་ལ་རྩ་བའི་ཚན་པ་གཉིས། ཀུན་མཁྱེན་བླ་མས་ཇི་ལྟར་བཀྲལ་བའི་ཚུལ་ངོས་གཟུང་བ་དང། དེ་ལ་གཞན་གྱི་ཀླན་ཀ་བསལ་ནས་འཐད་པའི་སྒྲུབ་བྱེད་འགོད་པ་གཉིས་ཡོད། དང་པོ་ནི། དེ་ཡང་སློབ་དཔོན་ཆེན་པོ་འཕགས་པ་ལྷས། བསོད་ནམས་མིན་པ་དང་པོར་བཟློག །བར་དུ་བདག་ནི་བཟློག་པ་དང༌། །ཕྱི་ནས་ལྟ་བ་ཀུན་བཟློག་པ། །གང་གིས་ཤེས་དེ་མཁས་པ་ཡིན། །ཞེས་དབུ་མ་པས་བཞག་པའི་རྣམ་བཞག་དེ་དང་སྒོ་བསྟུན་ནས་ཞུ་ན། བསོད་ནམས་མིན་པ་སྟེ་དང་པོར་བཟློག་པའི་གནས་སྐབས་སུ་ཡུལ་བདེན་པ་གཉིས་སུ་གནས་པ་ལྟར་ཡུལ་ཅན་གྱི་ཚད་མ་ཡང་གཉིས་སུ་གནས་པ་སྟེ། སློབ་དཔོན་ཟླ་བས། དངོས་ཀུན་ཡང་དག་བརྫུན་པ་མཐོང་བ་ཡིས། །དངོས་རྙེད་ངོ་བོ་གཉིས་ནི་འཛིན་པར་འགྱུར། །ཡང་དག་མཐོང་ཡུལ་གང་དེ་དེ་ཉིད་དེ། །མཐོང་བ་བརྫུན་པ་ཀུན་རྫོབ་བདེན་པར་གསུངས། །ཞེས་ཡུལ་བདེན་པ་གཉིས་དང་ཡུལ་ཅན་ཚད་མ་གཉིས་སུ་གསུངས་པ་ལྟར། ཡུལ་ཅན་གྱི་ཚད་མ་དེ་ཡང་ཐབས་དང་ཐབས་བྱུང་གི་ཚུལ་དུ་གཉིས་སུ་གནས་པ་སྟེ། རྩ་ཤེས་ལས། ཐ་སྙད་ལ་ནི་མ་བརྟེན་པར། །དམ་པའི་དོན་ནི་བསྟན་མི་འགྱུར། །དམ་པའི་དོན་ལ་མ་བརྟེན་པར། །མྱ་ངན་འདས་པ་ཐོབ་མི་འགྱུར། ། ཞེས་དང༌། འཇུག་པ་ལས། ཐ་སྙད་བདེན་ཐབས་སུ་གྱུར་པ་དང་། །དོན་དམ་བདེན་པ་ཐབས་འབྱུང་གྱུར་པ་དེ། །དེ་གཉིས་རྣམ་དབྱེ་གང་གིས་མི་ཤེས་པ། །དེ་ནི་རྣམ་རྟོག་ལོག་པས་ལམ་ངན་ཞུགས། །ཞེས་གསུངས་པས། སློབ་དཔོན་དེ་ཉིད་ཀྱིས་ཀྱང་དེའི་རྣམ་པར་བཞག་འཇོག་སྟོན་བཞེད་ནས། གོང་གི་གཞུང་ཚིག་དེ་གཉིས་མཛད་པ་ཡིན་ལ། དེ་ཡང་དོན་དང་ཐ་སྙད་གཉིས་ཀྱི་ཚད་མ་སོ་སོར་མཚོན་པར་བྱེད་པའི་རྣམ་འཇོག་གྱི་རྒྱུ་ཉིད་བསྟན་པར་བྱེད་པ་སྟེ། སྤྱི་དོན་སྙིང་པོར།[༣༢] མདོར། ཚད་མར་གྱུར་པ་འགྲོ་ལ་ཕན་བཞེད་པ། །སྟོན་པ་བདེ་གཤེགས་སྐྱོབ་ལ་ཞེས་བསྟན་པའི་ཚིག་ཟུར་གྱི་ཚད་མ་དེ་ཡང་། ཀུན་ཏུ་ཐ་སྙད་པའི་ཚད་ལ་བརྟེན་ནས་རྟོགས་པར་བྱ་དགོས་པས། དང་པོར་དེའི་རྣམ་པར་བཞག་འཇོག་སྟོན་བཞེད་ནས། ཚད་མ་བསླུ་མེད་ཅན་ཤེས་པ། །ཞེས་དང་། ཕྱིས་དོན་དམ་པར་རང་གི་མཚན་ཉིད། མ་ཤེས་དོན་གྱི་གསལ་བྱེད་ཀྱང་། །ཞེས་པས་སྟོན་པར་མཛད་དོ། །ཅེས་དང༌། འཇམ་དབྱངས་དགོངས་རྒྱན་དུ[༣༣] བསླུ་བ་མེད་པ་ཅན་གྱི་ཤེས་པ་ཀུན་ཏུ་ཐ་སྙད་པའི་ཚད་མའི་མཚན་ཉིད་དང་། མ་ཤེས་པའི་དོན་གྱི་གསལ་བྱེད་དོན་དམ་པའི་ཚད་མའི་མཚན་ཉིད། ཅེས་པས་སོ། །དེ་ལྟར་རྣམ་འགྲེལ་ལེའུ་དང་པོར་ཚད་མ་བསླུ་མེད་ཅན་ཤེས་པ། །ཞེས་དང་། མ་ཤེས་དོན་གྱི་གསལ་བྱེད་ཀྱང་། །ཞེས་གཞུང་ཚིག་འདི་ཡིས་བསྟན་བྱར་ འགྱུར་པའི་ཚད་མ་ལ་དོན་དམ་པའི་ཚད་མ་དང་ཐ་སྙད་ཀྱི་ཚད་མའི་རབ་དབྱེ་གཉིས་སུ་གསུངས་པ་འདི་ནི། དབུ་མ་པ་རྣམས་ཀྱིས། བསོད་ནམས་མ་ཡིན་པ་བཟློག་པ་ཞེས་འཇོག་པ་དེའི་གནས་སྐབས་སུ་ཡིན་པས་སོ།། བར་དུ་དེ་བདག་བཟློག་པ་དེའི་གནས་སྐབས་སུ་ཡུལ་ཀུན་རྫོབ་ནི་བདེན་པ་མི་རུང་བ་ཉིད་ཀྱིས་ཕྱིར། དེའི་ཡུལ་ཅན་ཐ་སྙད་པའི་ཚད་མ་དེ་ཡང་ བདེན་པ་མི་རུང་བ་བསྟན་ནས། ཡུལ་བདེན་པ་ནི་གཅིག དེ་འཇལ་བྱེད་ཀྱི་ཡུལ་ཅན་ཚད་མ་ཡང་གཅིག་ཁོ་ན་ཏེ། ཀུན་མཁྱེན་བླ་མས། རྣམ་བཞག་གཉིས་པའི་དབང་དུ་མཛད་ནས། ཀུན་རྫོབ་ནི་གཏི་མུག་གམ་རང་བཞིན་སྒྲིབ་པ་དེ་ཡིན་པས་བདེན་པ་མི་རུང་ཉིད་ཀྱིས། དེའི་ཡུལ་ཅན་ ཀུན་ཏུ་ཐ་སྙད་པའི་ཚད་མ་དེ་ཡང་ཚད་མ་མི་རུང་ངོ། །དེ་བས་ན་བདེན་པ་ནི་གཅིག་སྟེ། དོན་དམ་པའི་བདེན་པའོ།། ཚད་མ་ཡང་གཅིག་སྟེ་ རྣམ་པ་ཐམས་ཅད་མཁྱེན་པའི་ཡེ་ཤེས་སོ། །དེ་ཡང་རིགས་པ་དྲུག་ཅུ་པ་ལས། མྱ་ངན་འདས་བདེན་གཅིག་པུར། །རྒྱལ་བ་རྣམས་ཀྱིས་ གང་གསུངས་པ། །དེ་ཚེ་ལྷག་མ་ལོག་པ་ཞེས། །མཁས་པ་སུ་ཞིག་རྟོགས་མི་བྱེད། །ཅེས་དང༌། འཇུག་པ་ལས། རྣམ་པ་ཐམས་ཅད་མཁྱེན་ཉིད་ནི། །མངོན་སུམ་མཚན་ཉིད་ཅན་དུ་འདོད། །གཞན་ནི་ཉི་ཚེ་བ་ཉིད་ཀྱི། །མངོན་སུམ་ཞེས་བྱར་མི་འདོད་དོ། །ཞེས་དང་། རྣམ་འགྲེལ་ལས། གཟུང་བ་འཛིན་ཕྱིར་ཀུན་རྫོབ་ནི། །མི་འདོད་ཅེས་དང་། སློབ་དཔོན་ཆོས་མཆོག་གི་འཐད་ལྡན་ལས། གལ་ཏེ་ཐམས་ཅད་མཁྱེན་པའི་མཁྱེན་པ་ལ་བལྟོས་ནས་ཤེས་པ་འདི་ཐམས་ཅད་བསླུ་བ་ཡིན་ལ། །ཞེས་འབྱུང་བས་སོ། །
གཉིས་པ་ནི། གཞན་དག་ན་རེ། ཚད་མ་དེ་གཉིས་ལ་ཁྱབ་པའི་ཚད་མ་སྤྱིའི་མཚན་ཉིད་བསྟན་པའི་གཞུང་ཚིག་སྔར་དྲངས་པ་དེ་ལས་གཞན་པ་ཡོད་དམ་མེད། ཡོད་ན་ངོས་འཛིན་དགོས་ལ། མེད་ན་ཚད་མ་དེ་གཉིས་ལ་ཁྱབ་པའི་ཚད་མ་སྤྱིའི་མཚན་ཉིད་མ་བསྟན་པས་སྐྱོན་དུ་འགྱུར་རོ་སྙམ་ན། དེ་ལྟ་བུའི་སྐྱོན་དེ་རིགས་པ་མ་ཡིན་ཏེ། ཡུལ་ཅན་ཚད་མ་དེ་གཉིས་གྱི་ཡུལ་གྱི་རྣམ་པ་མི་མཐུན་ཙམ་མ་ཡིན་པར་ཡུལ་ཤིན་ཏུ་ནས་མི་མཐུན་པས་སོ་ཞེས་དགོངས་ནས། རྣམ་འགྲེལ་དུ། ཡུལ་རྣམ་ཅན་ནི་ཐ་དད་པས། །བློ་ཡི་རྟོགས་ཐ་དད་ཕྱིར། །ཞེས་གསུངས་པས་སོ། ། ཆོས་རྗེ་ས་པཎ་གྱིས་ཚད་མ་རིགས་གཏེར་དུ། མི་བསླུ་མ་ཤེས་དོན་གསལ་གཉིས། །རྣམ་གྲངས་པའང་ཕྱེ་སྟེ་སྨྲ། །ཞེས་དང༌། མཚན་ཉིད་གཉིས་ཀྱིས་འཇོག་ན་ནི། མཚོན་བྱ་དེ་ཡང་གཉིས་སུ་འགྱུར། །ཞེས་དོན་དམ་པའི་ཚད་མ་དང་ཐ་སྙད་པའི་ཚད་མ་གཉིས་སུ་བྱེད་པའང་ཚད་མ་སྤྱིའི་མཚན་ཉིད་ཅི་ཡིན་ཞེས་དྲིས་ན་སོ་སོའི་མཚན་ཉིད་འདི་ཡིན་ཞེས་བརྗོད་པ་མ་འབྲེལ་བ་དང་། སྤྱིའི་མཚན་ཉིད་མེད་ན་ཚད་མ་ཞེས་མཚོན་བྱ་ གཅིག་མི་འཐད་པའི་ཕྱིར་རོ། །ཞེས་སྐྱོན་འཕེན་པར་བྱས་ཀྱང་། དེ་ལྟ་བུའི་སྐྱོན་དེ་རང་ལུགས་ལ་ཡོད་པ་མ་ཡིན་ཏེ། མི་བསླུ་བ་དང་མ་ཤེས་དོན་གསལ་གཉིས་དོན་ལྡོག་རྣམ་གྲངས་པ་མིན་པ་མ་ཟད་ཚད་མ་དེ་གཉིས་ལས་གཞན་པའི་ཚད་མ་ཕུང་གསུམ་ཞིག་ཤེས་བྱ་ལ་མི་སྲིད་པས་དེ་མཚན་པར་བྱེད་པའི་མཚན་ཉིད་གང་གིས་འཇོག་བསམ་པར་བྱ་དགོས་སོ། ། སློབ་དཔོན་ཉིད་ཀྱིས་ཀྱང། གཟུང་བ་འཛིན་ཕྱིར་ཀུན་རྫོབ་ནི།། མི་འདོད། ཅེས་གསུངས་པས་དེའི་དོན་ཀུན་མཁྱེན་བླ་མས།[༣༤] དེ་ལྟར་བཤད་པ་ནི་ཀུན་རྫོབ་སྟེ། དོན་དམ་པའི་ཚད་ལ་ལྟོས་ནས་ཚད་མར་མི་འདོད་དེ། གཟུང་བ་འཛིན་པའི་ཕྱིར་རོ།། ཐ་སྙད་ཚད་མ་ནི་མ་ཤེས་དོན་གསལ་མ་ཡིན་ཏེ། ཚད་མ་རྒྱན་ལས། ཀུན་རྫོབ་ཀྱི་ཤེས་པ་ནི་མ་ཤེས་པའི་དོན་གསལ་བར་བྱེད་པ་མ་ཡིན་ནོ། ། དེས་ནི་མ་ཤེས་པའི་དོན་འགར་ཡང་གསལ་བ་མ་ཡིན་ཏེ། སོ་སོར་གཟུང་བའི་གཟུགས་ལ་སོགས་པ་ཉིད་རྣམ་པར་རྟོག་པའི་ཕྱིར་རོ། །ཞེས་དང་། མ་ཤེས་དོན་གྱི་གསལ་བྱེད་ཀྱང་། །ཞེས་པའི་འགྲེལ་པར། འདིས་མ་ཤེས་པའི་དོན་གསལ་བར་བྱེད་པས་ན་གསལ་བྱེད་དེ། མ་ཤེས་པའི་དོན་གསལ་བར་བྱེད་པའི་ཤེས་པ་ཚད་མ་ཡིན་ནོ། ། ཀུན་རྫོབ་པའི་ཤེས་པ་ནི་མ་ཤེས་པའི་དོན་གསལ་བར་བྱེད་པ་མ་ཡིན་ནོ། །ཞེས་དང་། མ་ཤེས་པའི་དོན་སྨོས་པས་ནི་གཟུང་བ་འཛིན་པའི་ཤེས་པ་སྤོང་བར་ནུས་ཀྱི། མི་བསླུ་བ་སྨོས་པས་ནི་མ་ཡིན་ཏེ། མི་བསླུ་བ་ཡིན་ཡང་ཀུན་རྫོབ་ཏུ་ཡོད་པ་དོན་དུ་མ་གྲུབ་པའི་ཕྱིར་རོ། །ཞེས་པས་སོ། །ཀུན་མཁྱེན་བླ་མས་ཀྱང། རྣམ་བཤད་མཛད་པ་གཞན་ནི་དེ་གཉིས་ཀྱི་ལུགས་ཟློས་པར་འདུག་གོ །ཞེས་གསུངས། དེ་ལྟར་རྒྱ་གར་འཕགས་པའི་ཡུལ་གྱི་གཞུང་བཟང་དྲི་མས་མ་ སྦགས་པ་རྣམས་ལ་བལྟས་པ་ཡིན་ན་དོན་དམ་ཚད་མ་དང་ཐ་སྙད་ཚད་མ་དེ་གཉིས་ལས་གཞན་པའི་ཚད་མ་ཕུང་གསུམ་ཞིག་བསྟན་པའི་ལུག་ཚིག་འགའ་ཡང་མི་སྣང་པས་སོ། འོ་ན་སྔར་གྱི་གཞུང་ཚིག་དེ་གཉིས་ཀྱི་རྣམ་འཇོག་གི་རྒྱུ་ཉིད་བསྟན་པར་མཛད་ན། རྣམ་འཇོག་གི་རྒྱུའི་འབྲས་བུ་བསྟན་པའི་གཞུང་ཚིག་གང་གིས་སྟོན་སྙམ་ན། དེ་ཉིད་དུ། རང་ལས་རང་གི་ངོ་བོ་རྟོགས། །ཐ་སྙད་ལས་ནི་ཚད་མ་ཉིད། །ཞེས་བསྟན་པར་མཛད་དོ། ། དེ་ཡང་ཀུན་མཁྱེན་བླ་མས། དོན་དམ་པའི་ཚད་མ་ནི་གཞན་གྱི་རྐྱེན་གྱིས་རྟོགས་པར་བྱ་བ་མ་ཡིན་ཏེ། སོ་སོ་རང་གི་རིག་པའི་ཡེ་ཤེས་ཀྱི་སྤྱོད་ ཡུལ་ཡིན་པས་སོ། ། ཇི་སྐད་དུ། དོན་དམ་བློ་ཡི་སྤྱོད་ཡུལ་མིན། །བློ་ནི་ཀུན་རྫོབ་ཡིན་པར་འདོད། །ཅེས་པས་སོ། ། ཀུན་ཏུ་ཐ་སྙད་པའི་ཚད་མ་ ནི་ཐ་སྙད་ཀྱི་ཡུལ་དཔྱད་ནས་དོན་ཐོབ་པར་བྱེད་པས་ཐ་སྙད་དུ་ཚད་མར་བཞག་པ་ཡིན་ནོ། ། དེ་ལྟར་ཡང་ཛ་མ་རིས་རྒྱན་གྱི་འགྲེལ་བཤད་དུ། སྔར་གྱི་རང་ལས་རང་གི་ངོ་བོ་རྟོགས་ཞེས་པས་དོན་དམ་པའི་ཚད་མ་བསྟན་ནས། ཐ་སྙད་ལས་ནི་ཚད་མ་ཉིད། །ཅེས་ཐ་སྙད་པའི་ཚད་མ་ སྟོན་པས་ན། དོན་དམ་པར་ཇི་སྐད་བཤད་པ་རང་རིག་པ་གཅིག་ཉིད་ཚད་མ་ཡིན་གྱི་ཡུལ་གཞན་དང་ལྡན་པ་ནི་མ་ཡིན་ནོ། །ཞེས་གསུངས་ སོ། ། རྣམ་བཞག་དང་པོའི་སྐབས་འདིར་དོན་དང་ཐ་སྙད་གཉིས་སུ་ཕྱེ་བ་ལ་དགོས་པ་ཅི་ཡོད་སྙམ་ན། དེ་ཡང་ཀུན་ཏུ་ཐ་སྙད་པའི་ཚད་མ་ ཐབས་དང་དོན་དམ་པའི་ཚད་མ་ཐབས་བྱུང་ཡིན་པར་སྟོན་པའི་ཕྱིར་གསུངས་པ་ཡིན་ཏེ། ཀུན་མཁྱེན་བླ་མས། དང་པོ་བླང་དོར་མ་ནོར་བ་ལ་ཞུགས་པ་ཐབས་དང་། དོན་དམ་པ་ཐབས་བྱུང་དུ་སྟོན་པའི་ཚད་མ་ཡིན་པའི་ཕྱིར། ཞེས་གསུངས་པས་སོ། ། གོང་གི་རང་ལས་རང་གི་ངོ་བོ་རྟོགས། །ཐ་སྙད་ལས་ནི་ཚད་མ་ཉིད། །ཅེས་པའི་གཞུང་ཚིག་འདི་ནི་མཁས་པ་གཞན་གྱིས་རང་ངེས་དང་གཞན་ངེས་ཚད་མ་གཉིས་སྟོན་པའི་གཞུང་ཚིག་དུ་དྲངས་པ་ཡང་སྣང་ངོ༌། ། རང་ལུགས་ལ་རང་ངེས་དང་གཞན་ངེས་ཚད་མ་བཞེད་དང་བཞེད་མེད་ལ་ཅུང་ཟད་ཅིག་ཞུ་ན། དེ་ཡང་ཀུན་མཁྱེན་བླ་མས་ཐ་སྙད་ཀྱི་བདེན་པ་བསྟན་པའི་སྐབས་སུ་མདོ་སྡེ་པའི་གྲུབ་མཐའ་དང་སྒོ་བསྟུན་ནས་ཀུན་ཏུ་ཐ་སྙད་པའི་ཚད་མའི་རབ་དབྱེ་འཆད་པའི་སྐབས་སུ། མདོར། མངོན་སུམ་དང་ནི་རྗེས་སུ་དཔག །ཚད་མའོ་མཚན་ཉིད་གཉིས་གཞལ་བྱ། །ཞེས་དང་། རྣམ་འགྲེལ་ལས། གཞལ་བྱ་གཉིས་ཕྱིར་ཚད་མ་གཉིས། །ཞེས་དང་། དེ་ནི་རང་གཞན་ངོ་བོ་ཡིས། །རྟོགས་ཕྱིར་གཞལ་བྱ་ གཉིས་སུ་བཞེད། །ཅེས་གསུངས་པས་ཐ་སྙད་ཚད་མ་ལ་མངོན་སུམ་དང་རྗེས་དཔག་གཉིས་སུ་དབྱེ་བའོ། ། མདོ་སྡེ་པའི་ལུགས་འདིར་དེ་ལས་གཞན་ངེས་པ་འདྲེན་ཚུལ་གྱི་སྒོ་ནས་རང་ངེས་གཞན་ངེས་ཀྱི་ཚད་མ་དེ་གཉིས་སོ་སོའི་ནང་གསེས་དང་བཅས་པ་བཤད་པ་ནི། བོད་ཀྱི་ཕྱྭ་བསྡུས་ཞེས་པའི་རིགས་པ་སྟེ། མདོ་སྡེ་པའི་ལུགས་ལ་དེ་ལྟར་བཤད་པ་ནི་འཕགས་པའི་ཡུལ་ཀྱི་གཏན་ཚིག་རིགས་པའི་ལུང་གར་ཡང་མི་སྣང་ལ། སློབ་དཔོན་ཆོས་མཆོག་གི་འཐད་ལྡན་དུ་ཡང་། ཡུལ་ལ་བལྟོས་ནས་ཀྱང་ཚད་མའམ་ཚད་མ་མ་ཡིན་པ་ཡིན་པའི་ཕྱིར། ཡུལ་ལ་བལྟོས་པ་དེ་ཁོ་ནས་དེ་དབྱེ་བར་བྱ་བ་ཡིན་ནོ། ། དེའི་ཕྱིར་ཚད་མའི་དབྱེ་བའི་རྒྱུ་མཚན་ནི་ཡུལ་གྱི་དབྱེ་བ་ཙམ་ཡིན་པའི་ཕྱིར། ཞེས་ཁོ་ནས་བཞག་པ་དང༌། ཙམ་སྒྲས་ལྷག་མ་ཡོད་པ་འགོག་པས་སོ། །ཞེས་གསུངས་པའི་གཞུང་ཚིག་ལ་བལྟས་པ་ཡིན་ན་མདོ་སྡེ་པའི་ལུགས་འདིར་ཐ་སྙད་ཚད་མའི་རབ་དབྱེ་འཆད་པའི་སྐབས་སུ་མངོན་རྗེས་གཉིས་ལས་གཞན་པའི་རང་ངེས་དང་གཞན་ངེས་ཚད་མ་སོ་སོའི་ནང་གསེས་དང་བཅས་པ་འདོད་པའི་ལུགས་ནི་མི་འཐད་པར་འགོག་པར་སེམས་སོ། ། སྤྱིར་བཏང་རང་ངེས་གཞན་ངེས་ཚད་མ་བཞེད་དང་མི་བཞེད་སྙམ་ན། རྣལ་འབྱོར་སྤྱོད་པའི་དབུ་མ་པའི་སློབ་དཔོན་ཀ་མ་ལ་ཤིརིའི་ཚད་མའི་དེ་ཁེ་ན་ཉིད་བསྡུས་པའི་དཀའ་འགྲེལ་ལས། དཔེར་ན་རང་རིག་པས་མངོན་སུམ་དང་རྣལ་འབྱོར་པའི་ཤེས་པ་དང་དོན་བྱེད་པའི་ཤེས་པ་དང་རྗེས་སུ་དཔག་པ་དང་གོམས་པ་དང་ལྡན་པའི་མངོན་སུམ་ལྟ་བུ་སྟེ། དེས་ན་འཁྲུལ་པའི་རྒྱུ་སྤངས་པའི་ཕྱིར་གོམས་པའི་སྟོབས་ཀྱིས་རང་ཉིད་ལས་ངེས་པ་ཡིན་ནོ། །ཅུང་ཟད་ཅིག་ནི་གཞན་ལ་སྟེ་དཔེར་ན་རྩོད་པའི་ གཞིར་གྱུར་པའི་སྐུལ་བར་བྱེད་པ་ལས་བྱུང་བའི་ཤེས་པ་དང་འཁྲུལ་པའི་རྒྱུ་མཚན་མ་སྤངས་པའི་མངོན་སུམ་ལྟ་བུ་སྟེ། གོམས་པ་དང་དོན་བྱེད་པའི་ཤེས་པ་དག་མཐོང་བའི་ཕྱིར་རོ། །གལ་ཏེ་དེ་ལྟ་ན་རྗེས་སུ་དཔག་པ་ལ་སོགས་པ་ལ་ཁྱེད་ཀྱི་ལུགས་ཀྱིས་རྣམ་པར་གཅོད་པར་མི་འགྱུར་ཏེ། དེ་ནི་རང་ཁོ་ན་ལས་ཚད་མ་ཉིད་ཡིན་པའི་ཕྱིར་རོ།། གཞན་ཡང་སློབ་དཔོན་ཤཱཀྱ་བློས་མཛད་པའི་ཚད་མ་རྣམ་འགྲེལ་གྱི་འགྲེལ་བཤད་ལས། ཁྱད་པར་ཡང་གོམས་པ་ལས་ངེས་པ་ཡིན་ཏེ་ཇི་སྐད་དུ། ནོར་བུ་གཟུགས་བྱས་ལ་སོགས་ལ། །དེ་རིག་ཤེས་པ་རྗེས་དཔག་ལས། །བྱུང་མིན་གཞན་རྣམས་ལ་བརྗོད་མེད། །གོམས་པ་ཉིད་ལས་སྐྱེ་བར་འགྱུར། །ཞེས་བཤད་པས་སོ། །
སླར་སྨྲས་པ།
འགྲོ་ལ་ཕན་བདེ་འབྱུང་བའི་གཞི་གཅིག་པུ།།
དཔལ་ལྡན་འབྲུག་པའི་བསྟན་པ་རིན་པོ་ཆེ།།
ཕྱོགས་དུས་ཀུན་ཏུ་དར་ཞིང་རྒྱས་པ་དང༌།།
འགྲོ་ཀུན་ཐབས་མཁས་དེ་ཡིས་གྲོལ་གྱུར་ཅིག།
ཅེས་པའང་གསེར་ལུང་པད་དཀར་ཆོས་གླིང་དགོན་འཛིན་གྲ་ཚང་གི་སློབ་སྟོན་པ་སངས་རྒྱས་བསྟན་འཛིན་གྱིས་བྲིས་པ་དག་ལེགས་སུ་གྱུར་ཅིག ། སྤྱི་ཚེས ༠༡/༠༨/༢༠༢༤ ལ་ཡོངས་འབྲེལ་ཐོག་སྤེལ་ཡོད།
༼ཚད་མའི་མཚན་ཉིད་ལ་དཔྱད་པ་སྤྲོ་བའི་ཐིག་པ།༽
ཞུན་དགམཆོད་བརྗོད་ནི། ཕྱོགས་བཅུའི་དགེ་བ་མ་ལུས་ཐམས་ཅད་དང༌། །ཤེས་རབ་ལྷ་མཆོག་རྗེས་བཙུན་འཇམ་དཔལ་དབྱངས། ། དབྱེར་མེད་བླ་མ་པད་མ་དཀར་པོ་ལ། །སྒོ་གསུམ་གུས་པ་ཆེན་པོས་ཕྱག་འཚལ་ནས། །[༣༥]
དམ་བཅའ་བ་ནི། ཀུན་མཁྱེན་བླ་མའི་གཞུང་ལུགས་རྒྱ་མཚོ་ལྟར། །ཇི་བཞིན་སྤོགས་པའི་ནུས་པ་མེད་ཀྱང་རུང་། ། སྤྲོ་བའི་ཁབ་ཀྱི་རྩེ་མོས་ཐིག་པ་ཙམ། །ལེན་པར་འདོད་པས་ཅུང་ཙམ་བཤད་པར་བྱ། །ཞེས་མཆོད་པར་བརྗོད་པ་དང་དམ་བཅའ་བའི་ཚིག་གི་མེ་ཏོག་སྔོན་དུ་འཐོར་ནས། སྐབས་འདི་ཉིད་བཤད་པར་བྱེད་པ་ལ་ས་བཅད་རྣམ་པ་གསུམ་ཡོད་དེ། གཞན་ལུགས་བརྗོད་པ་དང་དེ་དགག་པ་དང་། དེ་ལ་རང་ལུགས་སམ་བསམ་ཚུལ་བཞག་པ་དང། དེ་ལ་རྩོད་པ་སྤོང་བ་སྟེ་གསུམ་མོ།།
དང་པོ་གཞན་ལུགས་བརྗོད་པ་དང་དེ་དགག་པ་ནི། ཁ་ཅིག་གིས། ཚད་མ་སྤྱི་ལ་ཁྱབ་པའི་མཚན་ཉིད་མེད་དེ། ཚད་མ་གཉིས་ཀ་དང་མཚོན་མཚན་གྱི་འབྲེལ་བ་གྲུབ་པའི་མཚན་ཉིད་ཅིག་མེད་པའི་ཕྱིར། ཞེས་པ་དེ་མི་འཐད་དེ། ཀུན་མཁྱེན་བླ་མས། གཞན་དག་གིས་ཚད་མ་སྤྱིའི་མཚན་ཉིད་ཡོད་འདོད་པ་དེ་རང་ལུགས་ཀྱིས་དགག་པའི་ཚེ་གཞན་དག་གིས་དེ་ལྟར་འདོད་པ་ཡང་མ་ཡིན་ལ་བླ་མས་དེ་འགག་པ་ཡང་མ་ཡིན་པས་སོ། །ཡང་ཁ་ཅིག་གིས། ཚད་མ་སྤྱི་ལ་ཁྱབ་པའི་མཚན་ཉིད་མེད་དེ། ཚད་མ་དེ་གཉིས་ཀ་ཡིན་པ་མེད་པའི་ཕྱིར་ཏེ། ཁྱོད་གཉིས་ཀྱི་ཡིན་པ་མེད་པའི་ཕྱིར་རོ། །ཞེས་པ་ཡང་འཐད་མིན་ཏེ། དེ་ལ་སྐྱོན་དང་པོ་ནི་གོང་དུ་བརྗོད་པ་བཞིན་དང་། སྐྱོན་གཉིས་པ་ནི། ཀུན་ཏུ་ཐ་སྙད་པའི་ཚད་མ་དང་མངོན་སུམ་ཚད་མ་སྤྱི་ལ་ཁྱབ་པའི་མཚན་ཉིད་ཡོད་པ་ཐལ། ཁྱོད་གཉིས་ཀྱི་ཡིན་པ་ཡོད་པའི་ཕྱིར་ཏེ། དབང་མངོན་དེ་ དེ་ཡིན་པའི་ཕྱིར། ཡོད་ན་གང་ཡིན་དང་པོའི་མཚན་ཉིད་བཞག་ན་རྗེས་དཔག་ཚད་མ་ཡང་ཁྱོད་གཉིས་ཀྱི་ཡིན་པར་འགྱུར་ལ། གཉིས་པའི་མཚན་ཉིད་བཞག་ན་མཚོན་བྱ་ཁྱབ་ཆེ་བ་འགྱུར་ལ། གཉིས་ཀའི་མཚན་ཉིད་བསྡོམ་སྟེ་བཞག་ན་དོན་དམ་དང་ཐ་སྙད་ཚད་མ་སྤྱིར་ལ་ཁྱབ་པའི་མཚན་ཉིད་ཀྱང་ཡོད་པ་འགྱུར་རོ། །ཡང་ཁ་ཅིག་གིས། ཚད་མ་སྤྱི་ལ་ཁྱབ་པའི་མཚན་མེད་དེ། དེ་གཉིས་མ་ཡིན་པའི་ཚད་མ་ཕུང་གསུམ་པ་མེད་པའི་ཕྱིར། ཞེས་པའང་ཡང་དག་མིན་ཏེ། དེ་གཉིས་མ་ཡིན་པའི་ཚད་མ་ཕུང་གསུམ་པ་མེད་པ་ཙམ་གྱིས་ཚད་མ་སྤྱིའི་མཚན་ཉིད་ཡོད་པ་མི་འདོད་པ་ནི་མཁས་པའི་བཞེད་པ་ཡིན་པར་མ་ཚོར་ཏེ། མངོན་སུམ་དང་རྗེས་ཚད་མ་མ་ཡིན་པའི་ཀུན་ཏུ་ཐ་སྙད་པའི་ཚད་མ་ཕུང་གསུམ་པ་མེད་ཀྱང་། དེ་གཉིས་སྤྱི་ལ་ཁྱབ་པའི་མཚན་ཉིད་ཡོད་པའི་ཕྱིར་ཏེ། རྣམ་འགྲེལ་ལས། ཚད་མ་བསླུ་མེད་ཅན་ཤེས་པ། །ཞེས་ཀུན་ཏུ་ཐ་སྙད་པའི་ཚད་མ་སྤྱིའི་མཚན་ཉིད་བསྟན་ལ། མངོན་སུམ་དང་རྗེས་དཔག་རེ་རེ་ནས་གང་གི་མཚན་ཉིད་ཀྱང་མ་བསྟན་པའི་ཕྱིར་རོ། །
གཉིས་རང་ལུགས་སམ་བསམ་ཚུལ་བཞག་པ་ནི། དང་པོ་ཚད་མ་སྤྱིའི་མཚན་ཉིད་ཡོད་མེད་ལ་གཞན་དག་གི་འདོད་པ་ཤེས་དགོས་པ་འདུག དེ་ཡང་གཞན་དག་གིས། ཚད་མ་རྣམ་འགྲེལ་ནས་གསུངས་པའི། ཚད་མ་བསླུ་མེད་ཅན་ཤེས་པ། །ཞེས་དང་། མ་ཤེས་དོན་གྱི་གསལ་བྱེད་ཀྱང་། །ཞེས་པའི་ཚིག་བཅད་གཉིས་ཀྱིས་ཚད་མ་སྤྱིའི་མཚན་ཉིད་སྟོན་པ་བཞེད་ལ། རང་ལུགས་ཀྱི་འདོད་པ་ནི་འདི་མིན་ཏེ། ཚད་མ་བསླུ་མེད་ཅན་ཤེས་པ། །ཞེས་པས་ཀུན་ཏུ་ཐ་སྙད་པའི་ཚད་མའི་མཚན་ཉིད་སྟོན་པ་དང༌། མ་ཤེས་དོན་གྱི་གསལ་བྱེད་ཀྱང་། །ཞེས་པས་དོན་དམ་ཚད་མའི་མཚན་ཉིད་སྟོན་པ་འདོད་པ་ཡིན་ཏེ། སྤྱི་དོན་རིགས་པའི་སྙོང་པོ་ལས། དང་པོ་འདིའི་རྣམ་པ་བཞག་འཇོག་སྟོན་བཞེད་ནས། ཚད་མ་བསླུ་མེད་ཅན་ཤེས་པ། །ཞེས་དང་། ཕྱིས་དོན་དམ་པ་རང་གི་མཚན་ཉིད་མ་ཤེས་དོན་གྱི་གསལ་བྱེད་ཀྱང་། །ཞེས་པས་སྟོན་པ་མཛད་དོ། །ཞེས་གསུངས་སོ། །དེ་ལ་གཞན་དག་གིས། རྣམ་འགྲེལ་ནས་ཚད་མ་སྤྱིའི་མཚན་ཉིད་སྟོན་པའི་གཞུང་ཚིག་འདི་ནི་དེ་གཉིས་མ་གཏོགས་གཞན་མེད་ལ། དེ་གཉིས་ཀྱིས་ཚད་མ་སྤྱིའི་མཚན་ཉིད་སྟོན་པ་འདི་ནི་ཁྱོད་ཀྱི་མི་འདོད་པས། དེ་ལྟར་ན་རྣམ་འགྲེལ་ནས་ཚད་མ་སྤྱིའི་མཚན་ཉིད་མ་སྟོན་པའི་སྐྱོན་དུ་འགྱུར་རོ་སྙམ་ན། འདིའི་ལན་དུ། ཚིགས་བཅད་འདི་གཉིས་ཀྱིས་ཚད་མ་སྤྱིའི་མཚན་ཉིད་དེ་ནི་སྟོན་པ་མི་རིགས་ཏེ། ཚིགས་བཅད་འདི་གཉིས་ཀྱི་མཚོན་པའི་བློ་དེ་གཉིས་ཡུལ་གྱི་རྣམ་པ་ཤིན་ཏུ་མི་མཐུན་པས་སོ་ཞེས་དགོངས་ཏེ། རྣམ་འགྲེལ་ལས། ཡུལ་རྣམ་ཅན་ནི་ཐ་དད་པ། །བློས་རྟོགས་པ་ཐ་དད་ཕྱིར། །ཞེས་གསུངས་སོ། །ཞེས་རང་གི་འདོད་པ་གྲུབ་པའི་ཕྱིར་ལན་དེ་ལྟར་བརྗོད་པ་བསམ་མོ། །ཀུན་མཁྱེན་གྱིས་སྤྱི་དོན་རིགས་པའི་སྙོང་པོ་ལས། དེ་ལྟར་ན་ཚད་མ་ལ་དོན་དང་ཐ་སྙད་ཀྱི་རབ་དབྱེ་གཉིས་གསུངས་པ་འདི་ནི། ཞེས་ དང་། ཚད་མ་ལ་ཐ་སྙད་པ་དང་། དོན་དམ་པའི་ཚད་མ་གཉིས་སུ་ཕྱེ་བའི་དགོས་པ་ཡོད་དེ། ཞེས་གསུངས་པའི་ ཚིག་དག་ལ་བསམ་ན། ཚད་མ་སྤྱི་ཡོད་པ་དང་དེ་ལ་དོན་དང་ཐ་སྙད་ཀྱི་རབ་དབྱེ་གཉིས་ཡོད་པ་བཞེད་དོ་སྙམ་མོ། །ཚད་མ་སྤྱི་ཡོད་པས་འདིའི་མཚན་ཉིད་ཀྱང་དགོས་པ་འདུག་པས། འདིའི་མཚན་ཉིད་ནི། རང་ཡུལ་གཙོ་བོ་ལ་མ་འཁྲུལ་བའི་བློ་དེ་བཞག་པའོ། །མཚན་ཉིད་དེ་རྣམ་འགྲེལ་གྱི་གཞུང་དག་ནང་མ་མཇལ་ཡང་དེ་བཞག་པ་ལ་མ་འཐད་པ་མ་ཚོར་བས་བཞག་པ་ཡིན་གྱི་གཞན་གྱིས་ནི་མ་ཡིན་ནོ། །ཚད་མ་གཉིས་ཀ་མཚན་ཉིད་འདི་དང་ལྡན་ཏེ། རང་ཡུལ་གཙོ་བོ་ལ་མ་འཁྲུལ་བ་ནི། དེ་གཉིས་ཀ་ཚད་མ་ཡིན་པས་ན་རང་ཡུལ་རྟོགས་པའི་ཁྱབ་པས་གྲུབ་ནུས་ལ། བློ་ཡིན་པ་ཡང་གྲུབ་སྟེ། རྣམ་འགྲེལ་ལས། ཡུལ་རྣམ་ཅན་ནི་ཐ་དད་པ། །བློས་རྟོགས་པ་ཐ་དད་ཕྱིར། །ཞེས་དང་། སྤྱི་དོན་རིགས་པའི་སྙོང་པོ་ལས། བློ་དེ་གཉིས་ཡུལ་གྱི་རྣམ་པ་ཤིན་ཏུ་མི་མཐུན་པས་སོ། །ཞེས་ཚད་མ་དེ་གཉིས་ཀ་བློ་ཡིན་པ་སྟོན་ནོ། །ཡང་ན། མི་བསླུ་བའི་བློ་དེ། ཚད་མ་སྤྱིའི་མཚན་ཉིད་བཞག་པ་ཡང་མ་འཐད་པ་མ་ཚོར་ཏེ། འདི་ནི་ཀུན་མཁྱེན་གྱིས་ཀྱང་བཞེད་པ་སྣང་སྟེ། སྤྱི་དོན་དུ། དེ་ལ་བཅོམ་ལྡན་འདས་ནི་ཀུན་ཏུ་ཐ་སྙད་པའི་ཚད་མའི་མཚན་ཉིད་དང་འདྲ་ཞིང་དོན་དམ་པའི་ཚད་མ་ངོ་མ་ཡིན་པས་ན། ཞེས་དང་། འཇམ་དབྱངས་དགོངས་རྒྱན་དུ། ཀུན་རྫོབ་དང་དོན་དམ་པའི་ཚད་མའི་མཚན་ཉིད་རྣམ་པར་གཞག་པའི་མཚན་ཉིད་ཕྱི་མ་དང་ལྡན་པས་སམ། སྔ་མ་དང་འདྲ་བས་ཀྱང་བཅོམ་ལྡན་འདས་ཚད་མར་བཞག་གོ། །ཞེས་གསུངས་པའི། ཀུན་ཏུ་ཐ་སྙད་པའི་ཚད་མའི་མཚན་ཉིད་དང་འདྲ་ཞིང་། ཞེས་པ་དང་། སྔ་མ་དང་འདྲ་བ་ཞེས་པ་ནི། མི་བསླུ་བ་ཡིན་པ་འདྲ་བ་སྣང་ངོ་། །བློ་ཡིན་པ་ནི་གོང་དུ་བཤད་པ་བཞིན་ནོ། །
གསུམ་པ་དེ་ལ་རྩོད་པ་སྤོང་བ་ནི། ཁ་ཅིག་གིས། ཚད་མ་དེ་གཉིས་ཀ་ཡིན་པ་ཡོད་པ་ཐལ། ཚད་མ་སྤྱི་ཡོད་པ་དང་དེ་གཉིས་སྤྱིར་ལ་ཁྱབ་པའི་མཚན་ཉིད་ཡོད་པའི་ཕྱིར། ཞེ་ན་མ་ཁྱབ་སྟེ། ཁྱོད་གཉིས་ཀྱི་སྤྱིར་ཡོད་པ་དང་དེ་གཉིས་སྤྱིར་ལ་ཁྱབ་པའི་མཚན་ཉིད་ཡོད་པ་ཙམ་གྱིས་ཁྱོད་གཉིས་ཀ་ཡིན་པ་མིན་དགོས་ཏེ། མངོན་སུམ་དང་རྗེས་དཔག་ཚད་མ་གཉིས་ཀ་ཡིན་པ་མེད་ཀྱང་ཁྱོད་གཉིས་ཀྱི་སྤྱི་ཡོད་ལ། ཁྱོད་གཉིས་སྤྱི་ལ་ཁྱབ་པའི་མཚན་ཉིད་ཀྱང་ཡོད་པའི་ཕྱིར་ཏེ། ཀུན་ཏུ་ཐ་སྙད་པའི་ཚད་མ་དང་འདིའི་མཚན་ཉིད་དེ་ཡིན་པའི་ཕྱིར་རོ། །ཡང་ཁ་ཅིག་གིས། དོན་དམ་དང་ཐ་སྙད་ཚད་མ་མ་ཡིན་པའི་ཚད་མ་ཕུང་གསུམ་པ་ཡོད་ཐལ། དེ་གཉིས་ཀ་མ་ཡིན་པའི་ཚད་མ་ཞིག་ཁས་ལེན་པའི་ཕྱིར། ཞེས་ན་མ་གྲུབ་སྟེ། དོན་དམ་དང་ཐ་སྙད་ཚད་མ་མ་ཡིན་པའི་ཚད་མ་ཕུང་གསུམ་པ་ཞིག་ཁས་ལེན་པ་མིན་ལ་དེ་གཉིས་ཀྱི་དབྱེ་གཞིར་འགྱུར་པའི་ཚད་མ་ཁས་ལེན་པ་ཙམ་ཡིན། དབྱེ་གཞི་དེ་ཡིན་ན་ཁྱོད་གཉིས་གང་རུང་ཡིན་པས་ཁྱབ་པས་སོ། །ཡང་ལ་ལས། ཁྱོད་ཀྱི་འདོད་པ་དེ་ཀུན་མཁྱེན་བླ་མའི་དགོངས་པ་དང་འགལ་ཏེ། ཀུན་མཁྱེན་གྱིས་གང་མེད་ཅེས་གསུངས་པ་དེ་ཁྱོད་ཀྱིས་ཡོད་པ་འདོད་དེ། སྤྱི་དོན་རིག་པའི་སྙིང་པོ་ལས། དེ་ནི་བསྟན་པ་མི་རིགས་ཏེ། ཞེས་ཚད་མ་སྤྱིའི་མཚན་ཉིད་ཡོད་པ་མི་འདོད་པ་གསུངས་པ་དེ། ཁྱོད་ཀྱིས་ཡོད་པ་འདོད་པས་སོ། །ཞེས་པའི་ལན་ནི་གོང་དུ་རང་ལུགས་བཞག་པ་ནང་གསལ་བར་ཡོད་དོ། །ཞེས་པས་ཚད་མའི་མཚན་ཉིད་ལ་དཔྱད་པ་སྤྲོ་བའི་ཐིག་པ་འདི་ནི་རྫོགས་སོ།། །།
སླར་སྨྲས་པ་ནི། དེ་ལྟར་བྲིས་བའི་དགེ་བའི་བསོད་ནམས་དག །བསྟན་དང་འགྲོ་བའི་དོན་དུ་འགྱུར་བ་ཤོག །
དེ་ལས་འབྱུང་བའི་སྐྱོན་གྱི་ཆ་དག་ནི། །གཟིགས་པ་རྣམས་ཀྱི་ཐུགས་ལ་བཟོད་གསོལ་རིག།
ཞེས་དབྱིན་ལོ་ ༢༠༢༤ དབྱིན་ཟླ་ ༥ དབྱིན་ཚེས་ ༡༧ ལ་སློབ་གཉེར་བ་རྭ་བྲག་དབང་ཕྱུག་གིས་གསེར་ལུང་དགོན་འཛིན་འདུས་སྡེ་ལུང་རྟོགས་ཆོས་གླིང་གི་ཤེས་བྱ་རིག་པའི་དཔེ་མཛོད་ཁང་དུ་བྲིས་པ་དགེའོ། །སྤྱི་ཚེས་ ༠༡/༠༨/༢༠༢༤ ལ་ཡོངས་འབྲེལ་ཐོག་ཏུ་སྤེལ་ཡོད།[༣༥][༣༦]
༼ ཁྲོན་གནས་སྦལ་པའི་བསམ་ཚུལ། ༽
ཞུན་དགམུན་པའི་གླིང་ལ་འཁྱམ་པའི་ཀུ་མུད་ལ། །བསིལ་ཉམས་ལྡན་པའི་འོད་ཟེར་དང་བཅས་པ། །རྨོངས་པ་ཀུན་གྱི་མུན་སེལ་ཀུ་མུད་གཉེན། །གང་ཁྱོད་ཁོ་ན་ཡིན་པས་གུས་ཕྱག་འཚལ། །[༣༧]
ཞེས་ཀུན་མཁྱེན་ཆེན་པོ་མི་ཕམ་པདྨ་དཀར་པོ་གང་ལ་མཆོད་པར་བརྗོད་པ་སྔོན་དུ་བཏང་ནས། གང་ཞིག་ཞུ་བར་བྱ་བའི་ཆོས་ནི། མངོན་སུམ་བར་པ་གཉིས་ལ་ཁྲོན་པར་གནས་པའི་སྦལ་པའི་བསམ་ཚུལ་ཞུ་བ་ལ། ཡིད་ཀྱི་མངོན་སུམ་དང་། རང་རིག་མངོན་སུམ་གཉིས། དང་པོ་ལ། ཡིད་ཀྱི་མངོན་སུམ་གྱི་རྣམ་གཞག དེ་ལ་ཁ་ཅིག་གི་འདོད་པ། དེ་ལ་རང་ཉིད་ཀྱི་བསམ་ཚུལ་གསུམ་གྱིས་སྒོ་ནས་ཞུ་བའོ། །
དང་པོ་ནི། མདོར། ཡིད་ཀྱང་དོན་དང་ཆགས་ལ་སོགས། །ཞེས་པས་ཡིད་ཀྱི་མངོན་སུམ་བསྟན། རྟོག་བྲལ་མ་འཁྲུལ་ བའི་ཡིད་ཤེས་ཡིད་ཀྱི་མངོན་སུམ་གྱི་མཚན་ཉིད། དེ་ལ་དབྱེ་ན། གཟུགས་འཛིན་ཡིད་མངོན་དང༌། སྒྲ་འཛིན་ཡིད་མངོན་དང་། དྲི་འཛིན་ཡིད་མངོན་དང་། རོ་འཛིད་ཡིད་མངོན་དང་། རེག་འཛིན་ཡིད་མངོན་ཏེ་ལྔའོ། །
གཉིས་པ་ནི། གཞུང་ལས། དབང་ཤེས་ཐམས་ཅད་དེ་རང་གི་དམིགས་ཡུལ་དང་དུས་མཉམ་པ་ཁོ་ན་ཡུལ་དེའི་སྐད་ཅིག་གཉིས་པ་ཡིད་མངོན་དང་དུས་མཉམ་མོ། །ཞེས་པའི་གཞུང་ཚིག་ལ་དཔྱད་པའི་ཚེ། ཁ་ཅིག་གིས། དེའི་སྐབས་ཀྱི་དམིགས་ཡུལ་དང་དམིགས་རྐྱེན་ལ་ཁྱད་པར་མེད་པ་བཞག་ན་རྒྱུ་འབྲས་དུས་མཉམ་དུ་ཐལ་བས། དེ་བས་ན་དམིགས་ཡུལ་དང་དམིགས་རྐྱེན་སོ་སོར་བཞག་ན་སྐྱོན་མེད་དོ། །ཞེས་དང་། ཡང་ཁ་ཅིག་གིས། རང་ལུགས་ཀུན་མཁྱེན་ཆེན་པོས་རྒྱུ་དང་འབྲས་བུ་དུས་མཉམ་དུ་བཞེད་པའོ་སྙམ་སྟེ། ཚད་མའི་སྤྱི་དོན་རིགས་པའི་སྙིང་པོ་ལས། དབང་ཤེས་ཐམས་ཅད་དེ་རང་གི་དམིགས་ཡུལ་དང་དུས་མཉམ་པ་ཁོ་ན། ཞེས་གསུངས་སོ་ཟེར་རོ། །
གསུམ་པ་ནི། དེ་དགག་པ་ལ་རྨོངས་པའི་བློས་མི་ནུས་པས། ཡིན་ཡང་ཁྲོན་པར་གནས་པའི་སྦལ་པ་རང་ཉིད་ཀྱི་བསམ་ ཚུལ་ཞིག་ཞུ་ན། གཞུང་ཚིག་དེའི་དོན་ནི། དབང་ཤེས་ཐམས་ཅད་དེ་ཡིད་ཀྱི་མངོན་སུམ་གྱི་དམིགས་ཡུལ་དང་དུས་མཉམ་པ་ཁོ་ན། དམིགས་ཡུལ་དེའི་སྐད་ཅིག་གཉིས་པ་ཡིད་ཀྱི་མངོན་སུམ་རང་དང་དུས་མཉམ་ཡིན་ཞེས་བཞག་ན་སྐྱོན་མེད་དོ་སྙམ་སྟེ། ཅི་ཕྱིར་ཞེ་ན། དང་པོས་བཞག་པའི་དམིགས་ཡུལ་དང་དམིགས་རྐྱེན་གཉིས་སོ་སོར་འབྱེད་པའི་དགོས་པ་ཡང་མ་མཐོང་ལ། གཉིས་པས་བཞག་པའི་རང་ལུགས་ལ་རྒྱུ་འབྲས་དུས་མཉམ་བཞག་པ་ཡང་མི་སྲིད་པས་སོ། །
གཉིས་པ་ལ། རང་རིག་མངོན་སུམ་གྱི་རྣམ་གཞག དེ་ལ་ཁ་ཅིག་གིས་འདོད་པ། དེ་ལ་རང་ཉིད་ཀྱི་བསམ་ཚུལ་གསུམ་གྱི་སྒོ་ནས་ཞུ་བའོ། དང་པོ་ནི། མདོར། རང་རིག་རྟོག་པ་མེད་པ་ཡིན། །ཞེས་པས་རང་རིག་མངོན་སུམ་བསྟན། རྟོག་བྲལ་མ་འཁྲུལ་བའི་ཉམས་མྱོང་རང་རིག་མངོན་སུམ་གྱི་མཚན་ཉིད། གང་ཤེས་པ་གྲུབ་ཕན་ཆད་དེ་ཉམས་སུ་མྱོང་བ་ཡོད་པར་གྲུབ་ལ། ཉམས་མྱོང་བྱས་པ་དང༌། རང་རིག་བྱས་པ། རང་མྱོང་བྱས་པ་དོན་གཅིག་གོ །
གཉིས་པ་ནི། ཁ་ཅིག་གིས། དཔེར་ན་བུམ་འཛིན་མིག་ཤེས་ལྟ་བུ་ལ་བཞག་ན། བུམ་འཛིན་མིག་ཤེས་ལས་ལོགས་སུ་གྱུར་པའི་རང་རིག་མངོན་སུམ་ཞིག་ཡོད་དེ། རྟོག་བྲལ་མ་འཁྲུལ་བའི་དབང་ཤེས་དང་། རྟོག་བྲལ་མ་འཁྲུལ་བའི་ཉམས་མྱོང་གཉིས་ཐ་དད་ཡིན་པའི་ཕྱིར་ཞེས་ཟེར་རོ། །ཡང་ཁ་ཅིག་གིས། རང་རིག་མངོན་སུམ་དང་རང་རིག་གཉིས་ལ་ཁྱད་པར་བཞག་དགོས་ཏེ། ཤེས་པ་ཡིན་ན་རང་རིག་པས་ཁྱབ་སྟེ། སྤྱི་དོན་རིགས་པའི་སྙིང་པོ་ལས། ཤེས་པ་ཡིན་ན་རང་རིག་པ་དང་ལྡན་པས་ཁྱབ། ཞེས་གསུངས་སོ། །ཟེར་རོ། །
གསུམ་པ་ནི། བུམ་འཛིན་མིག་ཤེས་ལྟ་བུ་ལ་བཞག་ན། བུམ་འཛིན་མིག་ཤེས་དེ་ལས་ལོགས་སུ་འགྱུར་པའི་རང་རིག་ མངོན་སུམ་ཞིག་མེད་དེ། སྤྱི་དོན་རིགས་པའི་སྙིང་པོ་ལས། ཉམས་མྱོང་བྱས་པ་དང་། རང་རིག་བྱས་པ། རང་མྱོང་བྱས་པ་དོན་གཅིག དེ་ཡང་ཤེས་པ་དེ་ལས་གཞན་མ་ཡིན་པས། ཞེས་དང༌། རྗེ་བཙུན་འཇམ་པའི་དབྱངས་ཀྱི་དགོངས་རྒྱན་ལས། སེམས་དང་སེམས་ལས་བྱུང་བ་ཐམས་ཅད་ནི་འོད་གསལ་བའི་རང་བཞིན་ཅན་ཡིན་པས་རང་གི་ངོ་བོར་རྟོགས་པར་བྱེད་པ་ཤེས་པ་གཞན་ལ་མི་བལྟོས་ཏེ། དཔེར་ན་མར་མེ་ནི་རབ་ཏུ་གསལ་བའི་རང་བཞིན་ཅན་ཡིན་པས་རང་གི་ངོ་བོ་རབ་ཏུ་གསལ་བར་བྱེད་པ་ལ་མར་མེ་གཞན་མི་དགོས་པ་བཞིན་ནོ། །ཞེས་གསུངས་སོ། །དེ་བས་ན་ཁ་ཅིག་དང་པོས་བཞག་པ་ལ་མི་འཐད་པར་སེམས་སོ། །རང་རིག་མངོན་སུམ་དང་རང་རིག་གཉིས་ལ་ཁྱད་པར་བཞག་དགོས་ཞེས་པའི་སྐབས་ཀྱི་རང་རིག་དེ་ཉམས་མྱོང་བྱས་པ་དང་། རང་རིག་བྱས་པ། རང་མྱོང་བྱས་པ་མ་ཡིན་པའི་ཕྱིར་ཏེ། རང་རིག་མངོན་སུམ་མ་ཡིན་པའི་ཕྱིར། དེ་འདོད་ན་རང་རིག་ནི་རྟོག་མེད་མ་ཡིན། རྟོག་པ་ཡང་མིན་ཏེ། རང་རིག་རྟོག་པ་མེད་པ་ཡིན། །ཞེས་གསུངས་པ་དང་འགལ་ལོ། ཞེས་ཁ་ཅིག་གཉིས་པས་བཞག་པ་ལ་མི་འཐད་པར་བསམ་ནས་སོམ་ཉིད་དང་བཅས་བྲིས་བའོ། །[༣༧][༣༨]
སླར་སྨྲས་པ་ནི། སྨྲ་བདེ་སྤོབས་པ་ཐོབ་ཕྱིར་དང༌། །རང་འདྲའི་བློ་གྲོས་རྒྱས་པའི་ཕྱིར། །ཕན་པའི་སེམས་ཀྱིས་བྲིས་པ་ལས། །དགེ་བ་གང་ཐོབ་འགྲོ་ཀུན་ཁྱབ། །ཅེས་པའང་གསེར་ལུང་པད་ཀར་ཆོས་གླིང་གི་སློབ་གཉེར་བ་ཉི་མ་བསྟན་འཛིན་གྱིས་བྲིས་པའོ། །སྤྱི་ཚེས་ ༠༡/༠༨/༢༠༢༤ ལ་ཡོངས་འབྲེལ་ཐོག་ཏུ་སྤེལ་ཡོད།
༼ཚད་མ་གཉིས་ཀྱི་མཚན་ཉིད་ཀྱི་སྐོར།༽
ཞུན་དགབླ་མ་དང་མགོན་པོ་འཇམ་དཔལ་དབྱངས་ལ་ཕྱག་འཚལ་ལོ། ཞེས་པའི་མཆོད་པར་བརྫོད་པས་མདུན་བསུ་ནས། དེར་གང་ཞིག་ཞུ་བར་བྱའི་ཆོས་ནི་ཚད་མ་གཉིས་ཀྱི་མཚན་ཉིད་ལ་ཅུང་ཟད་དཔྱད་པ་དེ་ཉིད་ཞུ་བར་བྱ་ན། མདོར། ཚད་མར་གྱུར་པ་འགྲོ་ལ་ཕན་བཞེད་པ། །སྟོན་པ་བདེ་གཤེགས་སྐྱོབས་ལ། །ཞེས་པས་བསྟན་པའི་ཚིག་ཟུར་གྱིས་ཚད་མ་དེ་དང་། དེ་རྟོགས་པར་བྱ་བ་ལ་ཐབས་སུ་འགྱུར་པའི་ཚད་མ་གཉིས་ཀྱི་མཚན་ཉིད་དང་ཚད་མ་སྤྱི་ཡོད་དང་མེད་ཀྱི་སྐོར་ལ་མདོ་ཙམ་ཞིག་གླེང་བར་བྱ་བ་ལ། གཞན་གྱི་འདོད་པ་བརྫོད་པ། དེ་མི་འཐད་པའི་ཕྱོགས་བཟུང་ནས་འགག་པ། རང་གི་རྟོག་པའི་སྣང་ཚུལ་བརྫོད་པ་དང་གསུམ་ལས།[༣༩]
དང་པོ་མི་འཐད་པའི་ཕྱོགས་ངོས་བཟུང་བ་ནི། སྤྱི་དོན་རིག་པའི་སྙིང་པར། ཚད་མ་སྤྱིའི་མཚན་ཉིད་མ་བསྟན་པས་སྐྱོན་དུ་འགྱུར་རོ་སྙམ་ན། དེ་ནི་སྟོན་པ་མི་རིགས་ཏེ། བློ་དེ་གཉིས་ཡུལ་གྱི་རྣམ་པ་ཤིན་ཏུ་མི་མཐུན་པས་སོ། །ཞེས་གསུངས་པ་ལ། དེང་སང་ཀུན་མཁྱེན་གྱི་དགོངས་པ་བཀྲལ་བའི་མཁས་པ་འགའ་ཞིག་གིས། གཞུང་ཚིག་དེས་ཚད་མ་སྤྱི་ལ་ཁྱབ་པའི་ཚད་མའི་མཚན་ཉིད་མེད་ཟེར་བ་དང་། ལ་ལས། ཚད་མའི་སྤྱི་ཞེས་པ་ཞིག་མེད་དོ་ཟེར་བ་ལ་སོགས་པའི་རང་གི་འདོད་པ་སྣ་ཚོགས་བཀོད་པ་འདོད་དོ། །ཡང་ལ་ལས། ཚད་མ་བསླུ་མེད་ཅན་ཤེས་པ། །ཞེས་དང་། མ་ཤེས་དོན་གྱི་གསལ་བྱེད་ཀྱང་། །ཞེས་པའི་གཞུང་ཚིག་གཉིས་ཀྱིས་ཚད་མ་སྤྱི་ལ་ཁྱབ་པའི་མཚན་ཉིད་སྟོན་ཟེར་བ་ཡང་ཡོད་དོ། །
གཉིས་པ་མི་འཐད་པའི་ཕྱོགས་བཟུང་ནས་དེ་འགག་པ་ནི། སྤྱི་དོན་རིགས་པའི་སྙིང་པོ་ལས་ཚད་མ་སྤྱི་ལ་ཁྱབ་པའི་མཚན་ཉིད་མེད་པ་དང་ཚད་སྤྱི་མེད་པ་སྟོན་པ་མ་ཡིན་ཏེ། གཞུང་ཚིག་ཏུ་དངོས་སུ་ཚད་མ་སྤྱིའི་མཚན་ཉིད། ཞེས་གསུངས་ཡོད་པ་དང། ཚད་མ་བསླུ་མེད་ཅན་ཤེས་པ། །ཞེས་དང་། མ་ཤེས་དོན་གྱི་གསལ་བྱེད་ཀྱང་། །ཞེས་པ་མཚན་ཉིད་གཉིས་ཀྱིས་ཀྱང་ཚད་མ་སྤྱིའི་མཚན་ཉིད་སྟོན་པ་མི་རིགས་ཞེས་གསུངས་པ་ཡིན། མཚན་ཉིད་དེ་གཉིས་ཀྱིས་ཚད་མ་སྤྱི་ལ་ཁྱབ་པ་ཞིག་སྟོན་པ་ནི་དངོས་སུ་མི་རིགས་ཏེ། བློ་དེ་གཉིས་ཀྱི་ངོ་བོ་ཐ་དད་པ་ཡིན་པའི་ཕྱིར་རོ། །འོ་ན་ཀ་བ་དང་བུམ་པ་གཉིས་སྤྱི་ལ་ཁྱབ་པའི་མཚན་ཉིད་ཡང་མེད་དམ་ཞེས་ན། དེ་ནི་སྟོན་པ་རིགས་པའམ་མེད་དོ། །ཀ་བ་དང་བུམ་པ་གཉིས་ལ་ཁྱབ་པའི་མཚན་ཉིད་དེ་ནི་ཡོད་དེ། དོན་བྱེད་ནུས་པ་བཞག་ནའང་ཆོག མཁན་པོ་བསྟན་པ་བཀྲིས་བསྟན་པ་རབ་རྒྱས་ཀྱིས། བསྡུས་ཚད་དབུ་གསུམ་གྱི་བཀའ་འགྲེལ་ལས། ཐ་སྙད་པའི་ཚད་མ་དང་དོན་དམ་པའི་ཚད་མ་གཉིས་ཀ་ཡིན་པ་ནི་རི་ བོང་རྭ་དང་མཚུངས་སོ། །ཞེས་གསུངས་པ་ལ་ཡང་དོན་ཆེན་པོ་མཐོང་བར་འགྱུར་རོ།།
གསུམ་པ་རང་གི་རྟོག་པའི་སྣང་ཚུལ་བརྗད་པ་ནི། རང་ལུགས་ལ་ཀུན་མཁྱེན་ཆེན་པོས་ཚད་མ་སྤྱི་སྟོན་པར་སྣང་སྟེ། སྤྱི་དོན་རིག་པའི་སྙིང་པོར། དེ་ནི་སྟོན་པ་མི་རིག་ཏེ། ཞེས་པས་ཚད་མ་སྤྱི་སྟོན་པ་དང་། ཡང་ན། རྣམ་བཞག་དང་པོའི་སྐབས་འདིར་ཆོས་ཅན། ཚད་མ་ལ་ཐ་སྙད་དང་དོན་དམ་པའི་ཚད་མ། ཞེས་པ་དང་། དེ་ལྟར་ཚད་མ་ལ་དོན་དང་ཐ་སྙད་རབ་དབྱེ་གཉིས་སུ། ཞེས་པ་སོགས་ཀྱིས་དངོས་སུ་ཚད་སྤྱི་སྟོན་ནོ། །ཡང་རང་དོན་རྗེས་དཔག་གི་སྐབས་སུ་ཚད་མིན་གྱི་བློ་བསྟན་པས། ཕ་རོལ་མེད་ན་ཚུར་རོལ་མི་འབྱུང་བ་བཞིན། ཚད་མ་མེད་ན་ཚད་མིན་ཡང་མི་འབྱུང་བའི་ཕྱིར་ན་། ཚད་མིན་ཡོད་པས་ཚད་མ་ཡང་ཡོད་པ་མངོན་ནོ། །དེར་མ་ཟད། བྱེ་བྲག་ཡོད་ན་སྤྱི་ཡོད་པ་དང་སྤྱི་ཁེགས་ན་བྱེ་བྲག་ཁེགས་པའི་རིག་པས་ཀྱང་ཚད་མ་སྤྱི་ཞིག་ཡོད་པར་གྲུབ་སྟེ། ཚད་མ་བྱེ་བྲག་ཡོད་པའི་ཕྱིར་རོ། །ཚད་མ་དེ་ལྟར་སྟོན་ཡང་། འདིར་ཚད་མ་སྤྱིའི་མཚན་ཉིད་ནི་མ་སྟོན་པ་ཙམ་ལས་མེད་པར་སྟོན་པ་མ་ཡིན། ཚད་མ་སྤྱིའི་མཚན་ཉིད་དེ་ཡང་ཡོད་དེ། མཚན་བྱ་ཡོད་པའི་ཕྱིར། མདོར་ན། གང་དུ་ཚད་མ་གཉིས་ཡོད་པ་དེ་ན་ཚད་མ་སྤྱི་ཡོད་པར་ནི་དམ་བཅའ་ཡིན།[༣༩]
སླར་སྨོས་པ་ནི།
དགེ་བའི་གསུང་ནི་གཏིང་ཟབ་མཐའ་ཡས་པས། །ད་ནི་རང་གིས་དཔྱད་པ་ག་ལ་ནུས། །འོན་ཀྱང་ནམ་ཞིག་དོན་ནི་རྟོགས་པའི་ཕྱིར། །འདིར་ན་རྨོངས་པའི་རྟོག་པ་གང་ཤར་བརྗོད། །ཅེས་པའང་གསེར་ལུང་པད་དཀར་ཆོས་གླིང་དགོན་འཛིན་གྲྭ་ཚང་གི་སློབ་གཉེར་བ་ལྷག་པ་ཚེ་རིང་གིས་བྲིས་པའོ། །སྤྱི་ཚེས་ ༠༢/༠༨/༢༠༢༤ ལ་ཡོངས་འབྲེལ་ཐོག་ཏུ་སྤེལ་ཡོད།
༼ གཞན་སེལ་གྱི་སྐོར། ༽
ཞུན་དགའཆད་ན་ལེགས་བཤད་བྱེ་བའི་སྒོ་འབྱེད་ཅིང༌། །རྩོད་ན་ཕས་ཀྱི་རྒོལ་བ་མ་ལུས་འཇོམ། །[༣༩]
རྩོམ་ན་ཐུབ་པའི་དགོངས་པ་ཐོགས་མེད་འགོད། །ཕྱོགས་ལས་རྣམ་པར་རྒྱལ་བ་དེར་ཕྱག་འཚལ།།
ཞེས་མཆོད་པར་བརྗོད་པ་སྔོན་དུ་བཏང་ནས་གཞན་སེལ་གྱི་རྣམ་བཞག་ལ་དཔྱད་པ་མདོ་ཙམ་ཞིག་ཞུ་བ་ལ། དང་པོ། གཞན་སེལ་གྱི་རྣམ་བཞག་བསྟན་པ། གཉིས་པ། དེ་ལ་རང་ལུགས་བཞག་པ་སྟེ་ས་བཅད་རྣམ་པ་གཉིས་ཀྱི་སྒོ་ནས་བཤད་པ་ཡིན།
དང་པོ་གཞན་སེལ་གྱི་རྣམ་བཞག་བསྟན་པ་ནི། རང་མ་ཡིན་པའི་ཆོས་གཞན་བཅད་པའམ་སེལ་བ། གཞན་སེལ་གྱི་མཚན་ཉིད། དེ་ལ་དབྱེ་ན། དངོས་པོར་སྨྲ་བ་དག་འདོད་པའི་གཞན་སེལ་དང་། དབུ་མ་པ་དག་འདོད་པའི་གཞན་སེལ་གཉིས། དང་པོ་ལ། རིགས་ཀྱི་སེལ་བ་དང་། དུས་ཀྱི་སེལ་བ་གཉིས། དང་པོ་དེ་ལ་ཡང་རིགས་མི་མཐུན་པ་སེལ་བ། རིགས་མཐུན་པ་སེལ་བ་གཉིས། དང་པོ་ནི། བུམ་པ་ཞེས་པས་ཁྱོད་ཀྱི་བྱེ་བྲག་གསེར་བུམ་ལ་སོགས་པ་མི་སེལ་ལ་རིགས་མི་མཐུན་པ་ཀ་བ་ལ་སོགས་པ་སེལ་བ་ལྟ་བུ། གཉིས་པ་རིགས་མཐུན་པ་སེལ་བ་ནི། གསེར་བུམ་ཞེས་པས་རང་དང་རིགས་མཐུན་པ་དངུལ་བུམ་ལ་སོགས་པ་སེལ་ཞིང་རིགས་མི་མཐུན་པ་ཀ་བ་ལ་སོགས་པ་ཡང་སེལ་བ་ལྟ་བའོ། །གཉིས་པ་དུས་ཀྱི་སེལ་བ་ལ། བསྡུས་པའི་དུས་དང་། འབྱེད་ཚིག་དང་ལྡན་པའི་དུས་གཉིས། དང་པོ་ནི། བུམ་པ་མི་རྟག ཞེས་པ་ལྟ་བུ། གཉིས་པ་ནི། བུམ་པའི་མི་རྟག་པ། ཞེས་པ་ལྟ་བུའོ། །གཉིས་པ་དབུ་མ་པ་དག་འདོད་པའི་གཞན་སེལ་ནི། ཆོས་ཐམས་ཅད་ཀྱི་རང་བཞིན་ནི་སྟོང་པ་ཉིད་དམ་ཆོས་ཀྱི་དབྱིངས་ཡིན་པས་གཞན་སེལ་དེ་ཡང་སྟོང་ཉིད་ལ་བཞག་གོ །
གཉིས་པ་དེ་ལ་རང་ལུགས་བཞག་པ་ནི། ས་བཅད་དང་པོ་ལ་རང་ལུགས་བཞག་ན། རིགས་མི་མཐུན་པའི་གཞན་སེལ་ཡིན་ན་རིགས་མཐུན་པ་མི་སེལ་བས་ཁྱབ་པ་དང་། རིགས་མཐུན་པའི་གཞན་སེལ་ཡིན་ན་རང་དང་རིགས་མཐུན་པ་དང་རིགས་མི་མཐུན་པ་གཉིས་ཀ་སེལ་བས་ཁྱབ་པ་ཡིན། རིགས་མཐུན་པ་སེལ་བ་དང་རིགས་མི་མཐུན་པ་སེལ་བ་གཉིས་གཞི་མཐུན་མེད་དེ། རིགས་མི་མཐུན་པ་སེལ་བ་ཡིན་ན་རང་གི་རིགས་མི་མཐུན་པ་ཁོ་ན་སེལ་དགོས་པ་ཡིན། དེ་ཡང་དེ་ཉིད་དུ། སྐྱེས་པ་ཞེས་པས་ལྷ་སྦྱིན་ལ་སོགས་པ་མི་སེལ་ལ་བུད་མེད་སེལ་བ་ལྟ་བུ། ཞེས་གསུངས་པ་ལྟར། སྐབས་དེའི་ལྷ་སྦྱིན་ལ་སོགས་པ་མི་སེལ་ཞེས་པས་ཁྱོད་ཀྱི་རིགས་མཐུན་པ་མི་སེལ་བ་བསྟན་པ་ཡིན་ནོ། །ས་བཅས་གཉིས་པ་དུས་ཀྱི་སེལ་བ་ལ་རང་ལུགས་བཞག་ན། བསྡུས་པའི་དུས་ཞེས་པ་ཆོས་དེའི་ཁྱད་ཆོས་མི་བརྗོད་པ་ཁྱད་གཞི་ཙམ་བརྗོད་པ་ཡིན། དེ་ཡང་སྤྱི་དོན་རིགས་པའི་སྙིང་པོ་ལས། དང་པོ་མདོ་ཙམ་གྱི་ཚིག་དང་། ཞེས་པས་བསྟན་པའོ། །འབྱེད་ཚིག་དང་ལྡན་པའི་དུས་ཞེས་པ་ཁྱད་ཆོས་བརྗོད་པ་ལ་ཡིན་ནོ། །དབུ་མ་པ་དག་འདོད་པའི་གཞན་སེལ་དེ་ལ་རང་སྟོང་དང་གཞན་སྟོང་ཞེས་རྣམ་པ་གཉིས་སུ་འདོད་པ་ཡིན། རང་སྟོང་ཞེས་པ་ཆོས་ཐམས་ཅད་ཀྱི་རང་བཞིན་སྟོང་ཉིད་ཡིན་པ་དེ་ལ་བཞག་པ་དང་། གཞན་སྟོང་ཞེས་པ་ཆོས་རྣམ་ཀྱི་ངོ་བོ་གཟུང་བ་དང་འཛིན་པ་གཉིས་ཀྱི་སྟོང་བ་དེ་ལ་བཞག་གོ །དེ་ལྟ་བུའི་གཞན་སེལ་དེའི་རང་མ་ཡིན་པ་སེལ་བ་ཡིན་ཏེ། སྟོང་ཉིད་རང་མ་ཡིན་པ་ཆོས་ཅན་རྣམས་སེལ་བ་ཡིན་ནོ།[༤༠]
ཞེས་པའང་གསེར་ལུང་པད་དཀར་ཆོས་གླིང་དགོན་འཛིན་གྲྭ་ཚང་གི་སློབ་གཉེར་བ་ཟླ་བ་རྒྱལ་མཚན་གྱིས་བྲིས་པའོ། །སྤྱི་ཚེས་ ༠༢/༠༨/༢༠༢༤ ལ་ཡོངས་འབྲེལ་ཐོག་ཏུ་སྤེལ་ཡོད།
༼ ཚད་མ་སྤྱིའི་མཚན་ཉིད་ལ་དཔྱད་པའི་རི་མོ། ༽
ཞུན་དགམཆོད་བརྗོད་ནི། ཐུབ་བསྟན་དྲི་མ་མེད་པའི་བདུད་རྩིའི་ཆུས། །འགྲོ་བའི་རྨོངས་པ་མཐའ་དག་བཀྲུས་བྱས་ནས།། བློ་གྲོས་རིན་ཆེན་རྒྱན་ཚོགས་སྦྱིན་མཛད་པའི། །མི་ཕམ་པདྨ་དཀར་པོ་དེར་ཕྱག་འཚལ། །ཞེས་མཆོད་པར་བརྗོད་པ་དང་དམ་བཅའ་བ་སྔོན་དུ་བཏང་ནས། འདིར་ཚད་མ་སྤྱི་ལ་ཁྱབ་པའི་མཚན་ཉིད་ཡོད་པ་རང་ལུགས་ཀུན་མཁྱེན་ཆེན་པོའི་ཡིག་ཆ་དང་སྦྱར་ནས་མདོ་ཙམ་ཞུ་བ་ལ་དོན་རྣམ་པ་གསུམ་སྟེ། གཞན་ལུགས་འགག་པ། རང་ལུགས་བཞག་པ། རྩོད་པ་སྤོང་བ་གསུམ་ལས།[༤༡]
དང་པོ་ནི། ཚད་མ་སྤྱི་ཆོས་ཅན། ཁྱོད་ལ་མཚན་ཉིད་མེད་པ་ཐལ། བློ་གཉིས་ཡུལ་གྱི་རྣམ་པ་ཤིན་ཏུ་ནས་མི་མཐུན་པའི་ཕྱིར་ཏེ། སྤྱི་དོན་ རིགས་པའི་སྙིང་པོར། ཡུལ་རྣམ་ཅན་ནི་ཐ་དད་པས། །བློ་ཡི་རྟོགས་པ་ཐ་དད་ཕྱིར། །ཞེས་གསུངས་པ་རྒྱུ་མཚན་དུ་བྱས་ནས་ཚད་མ་སྤྱི་ལ་ ཁྱབ་པའི་མཚན་ཉིད་མེད་པ་འདོད་ན། དེ་ལྟར་ན་ཚད་མ་སྤྱིའི་མཚན་ཉིད་མ་བསྟན་པས་སྐྱོན་དུ་འགྱུར་རོ། །ཞེས་པའི་སྐབས་ནས་བསྟན་པའི་ཚད་མ་སྤྱི་དེ་ངེས་མི་ནུས་པ་ཐལ། མཚོན་བྱ་ངེས་པ་ལ་མཚན་ཉིད་སྔོན་དུ་འགྲོ་དགོས་པ་གང་ཞིག་མཚན་ཉིད་མེད་པར་འདོད་པའི་ ཕྱིར། འདོད་ན་དེའི་སྐབས་ནས་བཤད་པའི་ཚད་མ་སྤྱི་ཆོས་ཅན། དེ་ལ་མཚན་ཉིད་བསྟན་པ་རིགས་མི་རིགས་ཀྱི་རྣམ་བཞག་ཀྱང་བརྗོད་མི་ནུས་པར་ཐལ། ཚད་མ་སྤྱི་རང་མ་ངེས་པའི་ཕྱིར། ཁྱབ་སྟེ་དཔེར་ན། མཚོན་བྱ་ཀ་བ་མ་ངེས་པར་དེ་ལ་མཚན་ཉིད་བཞག་རིགས་མི་རིགས་ཀྱི་རྣམ་བཞག་བརྗོད་མི་ནུས་པའི་ཕྱིར་རོ། །
ཡང་ན་ཀུན་མཁྱེན་ཆེན་པོའི་ལུགས་ལ་ཚད་མ་སྤྱི་མེད་པར་ཐལ། དེ་ངེས་བྱེད་ཀྱི་ཐབས་སམ་མཚན་ཉིད་མེད་པའི་ཕྱིར། ཁྱབ་སྟེ། ནང་ ཕན་ཚུན་མཚན་མཚོན་ཡིན་ན་ཁྱབ་པ་སྒོ་བརྒྱད་ངེས་དགོས་པའི་ཕྱིར། འདོད་ན། ཚད་མ་སྤྱི་དོན་རིགས་པའི་སྙིང་པོར། ངག་དོན་གྱི་སྦྱོར་ བས་དོན་བསྡུ་བའི་སྐབས། རྣམ་བཞག་དང་པའི་སྐབས་འདིར་ཆོས་ཅན། ཚད་མ་ལ་ཐ་སྙད་དང་དོན་དམ་ཚད་མ་གཉིས་སུ་ཕྱེ་བའི་དགོས་པ་ཡོད་དེ། ཞེས་པའི་སྐབས་ཀྱི་ཚད་མ་ལ་ཞེས་པའི་དབྱེ་གཞི་དེ་ངོས་འཛིན་བྱེད་མི་ནུས་པར་ཐལ། བྱེད་བྲག་པའི་ཚད་མ་གཉིས་པོ་མ་ཡིན་པ་གང་ཞིག ཚད་མ་སྤྱི་ཡང་མ་ཡིན་པའི་ཕྱིར་ཏེ། རང་ལུགས་ཀུན་མཁྱེན་གྱི་གཞུང་གང་དུའང་ཚད་མ་སྤྱི་ཁས་མི་ལེན་པར་འདོད་པའི་ཕྱིར། འདོད་ན། འཇམ་དབྱངས་དགོངས་རྒྱན་དུ་དོན་དམ་ཚད་མའི་མཚན་ཉིད་བཤད་པའི་སྐབས། མ་ཤེས་པའི་དོན་སྨོས་པ་ སྨོས་པ་ནི་གཟུང་བ་དང་འཛིན་པ་སྤོང་བར་ནུས་ཀྱི་མི་བསླུ་བ་སྨོས་པས་ནི་མིན་ཏེ། མི་བསླུ་བ་ཡིན་ཡང་ཀུན་རྫོབ་ཏུ་ཡོད་པ་དོན་དུ་མ་གྲུབ་པའི་ཕྱིར། ཞེས་པ་སྟེ་མི་བསླུ་བ་དེ་ཀུན་རྫོབ་དང་དོན་དམ་ཚད་མ་གཉིས་ཀར་ཁྱབ་པ་གསུངས་པའང་མི་འཐད་པ་ཐལ། བློ་དེ་གཉིས་ལ་ཁྱབ་པའི་ཆོས་ཤིག་རྩ་བ་ནས་མེད་པ་ཁས་ལེན་པའི་ཕྱིར་ཏེ། བྱེད་བྲག་པའི་བློ་དེ་གཉིས་ལ་ཁྱབ་པའི་སྤྱི་རྩ་བ་ནས་མེད་པར་འདོད་པའི་ཕྱིར། འདོད་ན། གཞུང་དེས་མི་བསླུ་བ་དེ་བློ་དེ་གཉིས་ཀ་ལ་ཁྱབ་པར་གསུངས་པའི་བསྟན་དོན་ཇི་ལྟར་བྱ་དགོས་པ་ཡིན། དེར་མ་ཟད་ཡང་འཇམ་དབྱངས་དགོངས་རྒྱན་དུ། དེ་ལྡན་བཅོམ་ལྡན་ཚད་མ་ཉིད། །ཞེས་གསུངས་པའི་སྐབས་སུ། ཀུན་རྫོབ་དང་དོན་དམ་ཚད་མའི་མཚན་ཉིད་རྣམ་པ་བཞག་པའི་མཚན་ཉིད་ཕྱི་མ་དང་ལྡན་པས་སམ་སྔ་མ་དང་འདྲ་བས་ཀྱང་བཅོམ་ལྡན་འདས་ཚད་མ་བཞག་གོ །ཞེས་པའི་སྔ་མ་དང་འདྲ་ཚུལ་ཡང་བཞག་མི་ནུས་པར་ཐལ་བའི་སྐྱོན་སོགས་དུ་མ་འོང་བས་ཚད་མ་སྤྱིའི་མཚན་ཉིད་མེད་པར་འདོད་པ་ནི་མི་འཐད་པར་སྣང་ངོ། །
གཉིས་པ་རང་ལུགས་བཞག་པ་ནི། རང་ལུགས་ཀུན་མཁྱེན་ཆེན་པོའི་ལུགས་ལ་ཚད་མ་སྤྱིའི་མཚན་ཉིད་ཡོད་དེ། མི་བསླུ་བ་ཅན་དེ་ཡིན་པའི་ཕྱིར་ཏེ། དོན་དམ་ཚད་མ་ཆོས་ཅན། ཁྱོད་ཀྱི་མཚན་ཉིད་མ་ཤེས་དོན་གྱི་གསལ་བྱེད་མ་གཏོགས་མི་བསླུ་བ་དེ་མི་རིགས་པའི་རྒྱུ་ མཚན་ཡོད་དེ། མི་བསླུ་བ་ཡིན་ན་ཡང་ཀུན་རྫོབ་ཏུ་ཡོད་པ་དོན་ལ་མ་གྲུབ་པའི་ཕྱིར། ཞེས་པས་མ་ངེས་པའི་གཏན་ཚིགས་བསྟན་པ་ཡིན་པའི་ཕྱིར་ཏེ་མི་བསླུ་བ་ཡིན་ན་ཡང་ཞེས་པས་མི་བསླུ་བ་དེ་དོན་དམ་ཚད་མའི་མཚན་ཉིད་དུ་ཁྱབ་ཆེ་བ་བསྟན་པ་ཡིན་པའི་ཕྱིར་ཏེ། དེ་ཀུན་རྫོབ་ཚད་མ་ལའང་ཡོད་པ་གསུངས་པའི་ཕྱིར་ཏེ། གོང་དུ་ཞུས་པ་ལྟར་འཇམ་དབྱངས་དགོངས་རྒྱན་དུ། མ་ཤེས་པའི་དོན་སྨོས་པ་ནི་གཟུང་བ་དང་འཛིན་པ་སྤོང་བ་ནུས་ཀྱི་མི་བསླུ་བ་སྨོས་པས་ནི་མ་ཡིན་སྟེ་མི་བསླུ་བ་ཡིན་ན་ཀུན་རྫོབ་ཏུ་ཡོད་པ་དོན་དུ་མ་གྲུབ་པའི་ཕྱིར་རོ། །ཡང་དེ་ཉིད་དུ། སྔ་མ་དང་འདྲ་བས་བཅོམ་ལྡན་འདས་ཚད་མ་བཞག་གོ །ཞེས་པས་ཀྱང་ཚད་མ་སྤྱི་ལ་མཚན་ཉིད་ཡོད་པར་འདོད་དོ། །
གསུམ་པ་རྩོད་སྤོང་ནི། རང་ལུགས་ལ་ཚད་མ་སྤྱིའི་མཚན་ཉིད་ཡོད་པར་འདོད་པ་ནི་མི་འཐད་པ་ཐལ། སྤྱི་དོན་རིགས་པའི་སྙིང་པོར། དེ་ལྟར་ན་ཚད་མ་སྤྱིའི་མཚན་ཉིད་མ་བསྟན་པས་སྐྱོན་དུ་འགྱུར་སྙམ་ན། དེ་ནི་བསྟན་པ་མི་རིགས་ཏེ། བློ་དེ་གཉིས་ཡུལ་གྱི་རྣམ་པ་ཤིན་ཏུ་མི་མཐུན་པའི་ཕྱིར། ཡུལ་རྣམ་ཅན་ནི་ཐ་དད་པས། །བློ་ཡི་རྟོགས་པ་ཐ་དད་ཕྱིར། །ཞེས་ཚིག་ཟིན་ལ་གསུངས་པའི་ཕྱིར་སྙམ་ན། ཚད་མ་མདོར། ཚད་མ་འགྱུར་པ་འགྲོ་ལ་ཕན་བཞེད་པ། །སྟོན་པ་བདེ་གཤེགས་སྐྱོབ་ལ། ཞེས་པའི་གཞུང་དོན་དཔལ་ཆོས་ཀྱི་གྲགས་པས་འགྲེལ་བའི་སྐབས། ཚད་མ་བསླུ་མེད་ཅན་ཤེས་པ། །ཞེས་དང་། མ་ཤེས་དོན་གྱི་གསལ་བྱེད་ཀྱང་། །ཞེས་པའི་མཚན་ཉིད་བསྟན་པའི་གཞུང་དེ་གཉིས་ཀྱིས་ཚད་མ་སྤྱིའི་མཚན་ཉིད་བསྟན་པ་མི་འཐད་པར་ཙམ་གསུངས་པ་མ་གཏོགས། ཚད་མ་སྤྱིའི་མཚན་ཉིད་གཏན་ནས་མི་བཞེད་པར་བསྟན་པ་མ་ཡིན་པའི་ཕྱིར་རོ། །ཚད་མའི་བསྟན་བཅོས་དབྱངས་ཅན་མགྲིན་གླུ་ནང་དུ། རྣམ་འགྲེལ་ལས། ཚད་མ་བསླུ་མེད་ཅན་ཤེས་པ། །ཞེས་དང་། མ་ཤེས་དོན་གྱི་གསལ་བྱེད་ཀྱང་། །ཞེས་པའི་ལུང་དོན་ནི། གོ་རིམ་བཞིན་དུ་ཐ་སྙད་ཚད་མ་དང་། དོན་དམ་པའི་ཚད་མ་ཉིད་དུ་རྒྱ་གར་གྱི་སློབ་དཔོན་ཆེན་པོས་རང་རྒྱུད་པའི་ལུགས་སུ་བཞག་པ་ལ། དོན་དམ་ཚད་མ་ཆོས་ཅན། ཁྱོད་ཐ་སྙད་པའི་ཚད་མ་ཡིན་པ་ཐལ། རང་གི་ཤེས་བྱ་ལ་མི་བསླུ་བའི་ཚད་མ་ཡིན་པའི་ཕྱིར། ཁྱབ་པ་མ་ངེས་པས་ཀྱང་གསལ་བ་དང་། ཡང་ཁ་ཅིག་ན་རེ། ཀུན་མཁྱེན་པད་དཀར་གྱི་ལུགས་ལ་རྣམ་འགྲེལ་ འདིར་ཚད་མ་སྤྱིའི་མཚན་ཉིད་ཆད་པའི་སྐྱོན་དུ་གནས་ཏེ། ཚད་མ་བསླུ་མེད་སོགས་ཀྱིས་ཐ་སྙད་ཚད་མའི་མཚན་ཉིད་དང་། མ་ཤེས་སོགས་ཀྱིས་དོན་དམ་ཚད་མའི་མཚན་ཉིད་བསྟན་པ་ཙམ་ལས་ཚད་མ་སྤྱིའི་མཚན་ཉིད་མ་བསྟན་པའི་ཕྱིར། ཞེས་གསུངས་སོ། །[༤༡][༤༢]
སླར་སྨས་པ་ནི། འདི་བྲིས་པ་ལས་བྱུང་བ་ཡི། །ཕན་ཡོན་ཇི་སྙེད་ཐོབ་པ་འདིས། །སེམས་ཅན་བསོད་ནམས་འཕེལ་བ་དང། །བསྟན་པ་ཡུན་རིང་གནས་པར་ཤོག །ཅེས་པའང་གསེར་ལུང་པད་དཀར་ཆོས་གླིང་དགོན་འཛིན་གྲྭ་ཚང་གི་སློབ་གཉེར་བ་དབང་ཕྱུག་གིས་བྲིས་པ་དགེའོ། །སྤྱི་ཚེས་ ༠༤/༠༨/༢༠༢༤ ལ་ཡོངས་འབྲེལ་ཐོག་ཏུ་སྤེལ་ཡོད།
༼ ཚད་མ་སྤྱིའི་མཚན་ཉིད་ལ་གང་ཤར་བློའི་རི་མོ ༽
ཞུན་དགམཆོད་བརྗོད་ནི། འཆད་ན་ལེགས་བཤད་བྱེ་བའི་སྒོ་འབྱེད་ཅིང༌། །རྩོད་ན་ཕས་ཀྱི་རྒོལ་བ་མ་ལུས་འཇོམས།། རྩོམ་ན་ཐུབ་པའི་དགོངས་པ་ཐོགས་མེད་འགོད། །ཕྱོགས་ལས་རྣམ་པར་རྒྱལ་བ་དེར་ཕྱག་འཚལ། །[༤༣]
ཞེས་བླང་དོར་གྱི་ཐབས་མ་ནོར་བར་སྟོན་པའི་བཀའ་དྲིན་བླ་ན་མ་མཆིས་པའི་དྲིན་ཅན་གྱི་བླ་མ་རྣམས་ལ་སྒོ་གསུམ་གུས་པའི་སྒོ་ནས་ཕྱག་འཚལ་བ་དང་མཆོད་པར་བརྗོད་པ་སྔོན་དུ་བཏང་ནས། འདིར་ཚད་མ་མདོ་ལས། ཚད་མ་གྱུར་པ་འགྲོ་ལ་ཕན་བཞེད་་པ། ། བསྟན་པ་བདེ་གཤིགས་སྐྱོབ་ལ་ཕྱག་འཚལ་ནས། །ཞེས་པའི་མཆོད་བརྗོད་དེ་ལས་འཕྲོས་ནས། ཡུལ་བདེན་པ་གཉིས་ཀྱི་རྣམ་གཞག་དང༌། ཡུལ་ཅན་ཚད་མ་གཉིས་ཀྱི་རྣམ་གཞག་གཉིས་ལས། དང་པོ་རེ་ཞིག་གཏང་སྙོམས་སུ་བཞག་ནས། གཉིས་པ་དེ་ལ་གཞི་བཟུང་ནས་རང་ཉིད་རྒྱུད་ལ་བག་ཆགས་བརྟན་པའི་ཕྱིར་གཞུང་དེ་ལ་མདོར་ཙམ་ཞིག་གླེང་བར་ཡིན་ཏེ། ཇི་སྐེད་དུ། ཆུ་ཡི་ཐིགས་པ་བསགས་པ་ཡིས། །སྣོད་ཆེན་རིམ་གྱི་གང་བར་འགྱུར། །ཞེས་གསུངས་པ་ལྟར། ཀུན་མཁྱེན་ཆེན་པོའི་གཞུང་གི་དགོངས་པ་རྒྱ་མཚོ་ལས་ཚད་མ་སྤྱི་ལ་ཁྱབ་པའི་ མཚན་ཉིད་མེད་པའི་སྐོར་མདོར་ཙམ་གླེང་བར་བྱ་བ་དེ་ལ་ཡང་།
རང་ལུགས་ཀུན་མཁྱེན་གྱི་ཐུན་མོང་མ་ཡིན་པའི་བཞེད་ཚུལ་དང་། རང་ལུགས་ཀུན་མཁྱེན་གྱི་བཞེད་ཚུལ་དེ་རང་ཉིད་ཀྱི་བློ་རྟོག་པ་ལ་འཆར་ཚུལ་གཉིས་ལས། དང་པོ་ནི། དབུ་མ་རྩ་བ་ཤེས་རབ་ལས། ཐ་སྙད་ལ་ནི་མ་བརྟེན་པར། །དམ་པའི་དོན་ནི་རྟོགས་མི་འགྱུར། །ཞེས་པས་དེར་ཡུལ་བདེན་པ་གཉིས་སུ་ཕྱེ་ནས། ཡུལ་ཅན་ཚད་མ་ཡང་གཉིས་སུ་གྲུབ་པ་སྟེ། རྣམ་འགྲེལ་ལས། རང་ལས་རང་གི་ངོ་བོ་རྟོགས། །ཐ་སྙད་ལས་ནི་ཚད་མ་ཉིད། །ཅེས་པས། སྐབས་འདིར་ཚད་མ་གཉིས་ལ་ཐབས་དང་ཐབས་བྱུང་དུ་བྱེད་པ་གཉིས་ལས། དང་པོ་བླང་དང་དོར་བྱའི་དངོས་པོ་ལ་མ་ནོར་བར་ཞུགས་པ་ཐབས་ནི། རྣམ་འགྲེལ་ལས། ཚད་མ་བསླུ་མེད་ཅན་ཤེས་པ། །ཞེས་པས་བསླུ་བ་མེད་པ་ཅན་གྱི་ཤེས་པ་ནི་ཀུན་ཏུ་ཐ་སྙད་པའི་ཚད་མའི་ཚན་ཉིད་སྟོན། དེའི་སྐབས་ཀྱི་བསླུ་བ་མེད་པ་ཡང་། ཚད་མ་རྣམ་ངེས་ལས། དེ་དག་གི་དོན་ཡོངས་སུ་དཔྱད་ནས་འཇུག་པ་ན་དོན་ཐོབ་པར་ངེས་པ་ལ་བྱེད་དེ། དོན་བྱེད་ནུས་པར་གནས་པ་ནི། །མི་བསླུ་ཞེས་པས་སོ། །གཉིས་པ་ནི། རྣམ་འགྲེལ་ལས། མ་ཤེས་དོན་གྱི་གསལ་བྱེད་ཀྱང་། །ཞེས་པས་དེའི་ཐབས་བྱུང་དུ་གྱུར་པ་དོན་དམ་བདེན་པའི་ཚད་མའི་མཚན་ཉིད་སྟོན་པར་མཛད་དོ། །ཚད་མ་དེའི་སྒྲ་བཤད་ནི། རྒྱན་མཁན་པོས། འདིར་དོན་གྱི་སྒྲས་ནི་དོན་དམ་པ་བརྗོད་པ་ཡིན་ཏེ་མ་ཤེས་པའི་དོན་གྱི་གསལ་བྱེད་ཅེས་བྱ་བ་དོན་དམ་པར་གསལ་བྱེད་ཅེས་བྱ་བའི་དོན་ནོ། །དེས་ན་དེ་གཉིས་ལ་ཁྱབ་པའི་མཚན་ཉིད་མ་བཞེད་པས་སྐྱོན་དུ་འགྱུར་རོ་སྙམ་ན། དེ་ནི་སྟོན་པར་མི་རིགས་ཏེ། རྣམ་ངེས་ལས། བློ་དེ་གཉིས་ཡུལ་གྱི་རྣམ་པ་ཤིན་ཏུ་མི་མཐུན་པས་སོ་ཞེས་དགོངས་ཏེ། རྣམ་འགྲེལ་ལས། ཡུལ་རྣམ་ཅན་ནི་ཐ་དད་པས། །བློ་ཡི་རྟོག་པ་ཐ་དད་ཕྱིར། །ཞེས་གསུངས་སོ།
གཉིས་པ་དེ་ལ་རང་ཉིད་ཀྱི་བློ་རྟོག་པ་ལ་ཤར་ཚུལ་ལ། མཁས་པ་འགའ་ཞིག་གིས་རང་ལུགས་ལ་ཚད་མ་སྤྱི་ལ་ཁྱབ་པའི་ཚད་མའི་མཚན་ཉིད་ཡོད་པ་ཐལ། རྣམ་འགྲེལ་ལས། ཚད་མ་བསླུ་མེ་ཅན་ཤེས་པ། །ཞེས་པས། ཚད་མ་དེ་གཉིས་ལ་ཁྱབ་པའི་མཚན་ཉིད་དུ་བཤད་པ་ནི་མི་འཐད་དེ། གཞི་གཅིག་ལ་བསླུ་བ་དང་མི་བསླུ་བ་ཁྱོད་གཉིས་ལ་ཁྱབ་པའི་མཚན་ཉིད་ཡིན་པ་ཞིག་མི་སྲིད་པའི་ཕྱིར་ཏེ། དེ་ཡང་། བསྡུས་ཚད་དབུ་གསུམ་གྱི་བཀའ་འགྲེལ་ལས། ཐ་སྙད་པའི་ཚད་མ་དང་དོན་དམ་པའི་ཚད་མ་ཚད་མ་གཉིས་ཀ་ཡིན་པ་ནི་རི་བོང་གི་རྭ་དང་མཚུངས་པས། དོན་དང་ཐ་སྙད་པའི་ཚད་མ་གཉིས་ཀྱི་མཚན་ཉིད་ཞིག་ཨུ་ཚུགས་ཀྱིས་འཇོག་པ་ནི་ཀ་བུམ་གཉིས་ཅིག་ཟུང་དུ་འཇོག་པ་དང་འདྲའོ། །ཞེས་གསུངས་སོ། ཡང་ཐ་སྙད་ཚད་མའི་མཚན་ཉིད་ཀྱི་ཟུར་དུ་མི་བསླུ་བ་སྦྱར་བའི་དགོས་པ་ཡོད་དེ། ཛ་ཏཱ་རྀས། བསླུ་བ་མེད་པ་ཅན་སྨོས་པ་ནི། བསླུ་བར་བྱེད་པའི་སྨིག་རྒྱུ་ལ་ཆུར་འཛིན་པ་ལ་སོགས་པ་བསལ་བའི་ཕྱིར་སྦྱར་རོ། འོ་ན། དོན་དམ་ཚད་མ་ཡང་ཐ་སྙད་ཚད་མ་ཡིན་པར་ཐལ། དོན་བྱེད་ནུས་པ་གནས་པ་ལ་མི་བསླུ་བ་ཡིན་པའི་ཕྱིར། ཞེས་ན་འདོད་མི་ནུས་ཏེ། དོན་དམ་ཚད་མ་ཡོད་པ་མ་ཡིན་པའི་ཕྱིར་རོ། །འོ་ན། ཚད་མ་སྤྱི་དོན་རིགས་པའི་སྙིང་པོ་ལས། བཅོམ་ལྡན་འདས་ནི་ཀུན་ཏུ་ཐ་སྙད་པའི་ཚད་མའི་མཚན་ཉིད་དང་འདྲ་ཞིང་། ཞེས་པ་དང་འགལ་ལོ་ཞེ་ན། མི་འགལ་ཏེ། དེ་ཡང་གདུལ་བྱའི་བློས་ཕར་གཞལ་ནས་ཐམས་ཅད་མཁྱེན་པ་ཞེས་བཟོ་བའི་དབང་དུ་མཛད་པ་ཡིན་ལ། སངས་རྒྱས་དེ་ཉིད་ཡི་ཤེས་སུ་བཞག་པ་ནི་ཤིན་ཏུ་འཐད་པ་འདོད་དེ། ཀུན་མཁྱེན་བླ་མས། བདག་བློས་ཕར་གཞལ་རྫོགས་པའི་སངས་རྒྱས་ཀྱིས། །ཀུན་རྫོབ་མཁྱེན་བཟོ་སངས་རྒྱས་རང་ངོས་ནས། །ཀུན་རྫོབ་ཅི་ཡང་མི་གཟིགས་བདག་འདོད་ལ། །ཁས་བླངས་འགལ་བའི་སྐྱོན་དེ་ག་ལ་ཡོད། །ཅེས་གསུངས་སོ། །
སླར་སྨས་པ་ནི། དེ་ལས་བྱུང་བའི་དགེ་བས་འགྲོ་བ་ཀུན། །དོན་དམ་ཀུན་རྫོབ་བྱང་ཆུབ་སེམས་མཆོག་གིས། །སྲིད་དང་ཞི་བའི་མཐའ་ལ་མི་གནས་པའི། །སྤྱན་རས་གཟིགས་མགོན་དེ་དང་མཚུངས་པར་ཤོག །ཅེས་པའང་སློབ་གཉེར་བ་ཀརྨ་རྡོ་རྗེས་བྲིས་པའོ། །སྤྱི་ཚེས་ ༠༤/༠༨/༢༠༢༤ ལ་ཡོངས་འབྲེལ་ཐོག་ཏུ་སྤེལ་ཡོད། བཀྲིས་བདེ་ལེགས།[༤༣]
༼ ཚད་མའི་རབ་གསལ་རྨོངས་པ་སེལ་བའི་ཟླ་ཟེར། ༽
ཞུན་དགམཆོད་བརྗོད་ནི། ཚུལ་ཁྲིམས་གཙང་མའི་འོད་དང་འབར་བའི་སྐུ། ། སྙིང་སྟོབས་ཚངས་སྲས་སྙན་པའི་དགེ་བའི་གསུངས། [༤༤]
བྱམས་བརྩེ་རས་བཟང་སྣ་ལྔ་བཀླུབས་པའི་ཐུགས། །ཀུན་མཁྱེན་བླ་མའི་ཞབས་ལ་གུས་ཕྱག་མཚལ། །
དེ་རིང་དུས་ཀྱི་འགྱུར་བ་དང་བསྟུན་པའི་ཤེས་པ་དེ་ལ་ ཤེས་བྱའི་ཆོས་ལ་དཔྱད་པའི་རྣམ་དཔྱོད་ཀྱི་རིགས་པ་ཡང་རྒྱས་སུ་འགྲོ་བའི་དུས་ཡིན། མིའི་བསམ་སྤྱོད་ལས་གྲུབ་པའི་ལྟ་གྲུབ་མི་འདྲ་བ་དུ་མ་ཞིག་ནམ་མཁའི་སྐར་མ་ལྟར་ཤར་འདི་ཡོད། དེ་དག་གི་ཚད་མ་ངོ་སྤྲོད་པའི་གཞུང་ལུགས་ཡང་དུ་མ་ཡོད་པའི་ནང་ནས། ལྟ་གྲུབ་ཕུན་སུམ་ཚོགས་པའི་ནང་པའི་ཆོས་ལུགས་ ཀྱི་ཚད་མ་ངོ་སྤྲོད་ཚུལ་ལུ་ཡང་ བཀའ་དང་བསྟན་བཅོས་གཉིས་ཡོད། དེ་གཉིས་ལས་བསྟན་བཅོས་ལ་ཡང་རྒྱ་འགྲེལ་དང་བོད་ འགྲེལ་གཉིས་ཡོད། བོད་འགྲེལ་རང་ལུགས་ཀུན་མཁྱེན་པད་དཀར་གྱིས་མཛད་པའི་ཚད་མའི་བསྟན་བཅོས་སྤྱི་དོན་རིགས་པའི་སྙིང་པོ་གཞིར་བཞག་ནས།
འདིར་དང་པོ་ཚད་མའི་བརྡ་ཆད་ལ་དཔྱད་པ། གཉིས་པ་ཚད་མ་གཉིས་ཀྱི་ངོ་སྤྲོད། གསུམ་པ་སྤྱིར་ཚད་མའི་མཚན་ཉིད་བསྟན་ཡོད་མེད་ཀྱི་སྐོར་གསུམ་གྱི་སྒོ་ནས་ཅུང་དཔྱད་པར་བྱ་བ་ལ།
དང་པོ་ཚད་མའི་བརྡ་ཆད་ལ་དཔྱད་པ་ནི། སྤྱིར་བཏང་ཚད་ཅེས་པ་ནི་ ལས་ད་ལྟ་བའི་མཐར་སྦྱར་ན་ཚད་གྲངས་ཉིད་ཅན་གྱི་མིང་ འཇུག་པ་ཡིན། དཔེར་ན་ ཐུང་ཚད་དང་རིང་ཚད་ལྟ་བུའོ། །ལས་ཚིག་འདས་པའི་མཐར་སྦྱར་ན་ མ་ལུས་པའི་དོན་དང་ལས་ཚིག སོགས་ལ་འཇུག་པ་ཡིན། དཔེར་ན་ རིང་ཚད་ཁྲུ་གསུམ་དང༌། གོང་ཚད་ཧ་ཅང་གི་མཐོ་ལྟ་བུའོ།། མ་ཞེས་པ་ནི་ དོན་སོགས་ལ་ འཇུག་པ་ཡིན། དཔེར་ན་ ཕ་མ་དང་། ཆང་མ། འོ་མ་ལྟ་བུའོ། །དེ་གཉིས་ཀྱི་སྦྱར་བའི་མིང་ཚིག་ཚད་མ་ནི་ ངག་ཚད་མ་དང༌། སྐྱེས་བུ་ཚན་མ། ཤེས་པ་ཚད་མ་གསུམ་ཡིན། དེ་ཡང་བདེན་པའམ་མི་བསླུ་བའི་དོན་ལ་གོ་དགོས། སྤྱིར་བཏང་ཚད་མ་ཡིན་མ་ ཤེས་པ་ཡིན་མི་དགོས་ཏེ། སྐྱེས་བུ་ཚད་མ་དང་ངག་ཚད་མ་ནི་ཤེས་པ་མ་ཡིན་པའི་ཕྱིར་རོ།།
གཉིས་པ་ཚད་མ་གཉིས་ཀྱི་ངོ་སྤྲོད་ནི། དང་པོ་ཐ་སྙད་པའི་ཚད་མ་ནི་ གཞུང་ལས་ ཚད་མ་སླུ་མེད་ཅན་ཤེས་པ། །ཞེས་གསུངས་ སོ། །དེ་སྐབས་ཀྱི་བསླུ་བ་མ་ཡིན་པའི་དོན་ཡང་ རང་རང་སོ་སོའི་བློས་རྣམ་པ་མི་འདྲ་བ་དུ་མ་ཞིག་བཞག་པར་སྲིད་པ་ཡིན་ཏེ། འོན་ཀྱང་ རང་གི་ལུགས་ལ་དོན་ཀ་བ་འདྲ་བ་ཞིག་ལ་ ཡོངས་སུ་དཔྱད་ནས་འཇུག་པའི་ཚེ་ཇི་ལྟར་འདོད་པའི་དོན་དེ་ དེ་དག་ ཡུལ་གང་ཡིན་པར་རྟོགས་པ་ནི་ ཡུལ་ཅན་ཀུན་ཏུ་ཐ་སྙད་པའི་ཚད་མའོ།། ཚད་མ་དེ་གང་ལ་ཡོད་ན་ཡང་བསླུ་བ་མ་ཡིན་པ་ཅན་ གྱི་ཤེས་པ་ཡིན། དེ་ཡང་རང་གི་བློའི་རྟོག་བཟོ་མ་ཡིན་པར་ ཚད་མ་རྣམ་ངེས་ལས་ དེ་དག་དོན་ཡོངས་སུ་དཔྱད་ནས་འཇུག་པ་ ན་དོན་ཐོབ་པ་དང་ངེས་པ་ལ་བསླུ་བ་མེད། ཅེས་གསུངས་པས་སོ།།
གཉིས་པ་དོན་དམ་ཚད་མ་ནི་ གཞུང་ལས་ མ་ཤེས་དོན་གྱི་གསལ་བྱེད་ཀྱང༌། །ཞེས་གསུངས་སོ། །རྣམ་པ་ཐམས་ཅད་མཁྱེན་ པའི་ཡེ་ཤེས་དེས་མ་ཤེས་པའི་དོན་ཞིག དང་པོ་གསལ་བར་བྱེད་པ་ཡིན་པས་ན་དོན་དམ་ཚད་མའོ།། དེ་ཡང་ཚད་མ་རྒྱན་ལས་ འདིར་དོན་གྱི་སྒྲས་ནི་དོན་དམ་པ་བརྗོད་པ་ཡིན་ཏེ་ མ་ཤེས་པའི་དོན་གྱི་གསལ་བྱེད་ཅེས་བྱ་བ་དོན་དམ་པ་གསལ་བྱེད་ཅེས་བྱ་ བའི་དོན་ནོ། །ཞེས་གསུངས་སོ།།
གསུམ་པ་སྤྱིར་ཚད་མའི་མཚན་ཉིད་བསྟན་ཡོད་མེད་ཀྱི་སྐོར་ལ། དང་པོ་མཁས་པ་གཞན་གྱིས་བཞེད་ཚུལ། གཉིས་པ་ཀུན་ མཁྱེན་བླ་མས་བཞེད་ཚུལ། གསུམ་པ་རང་གི་རྣམ་རྟོག་ངན་པས་བཞག་པའི་དོགས་སློང་གསུམ་ལས། དང་པོ་ནི་ ཚད་མ་ རིགས་པའི་གཞུང་ལ་མཁས་པའི་ རྒྱ་གར་གྱི་མཁས་པ་ལྷ་དབང་བློས་ ཚད་མ་སླུ་མེད་ཅན་ཤེས་པ། །ཞེས་དང་། མ་ཤེས་དོན་ གྱི་གསལ་བྱེད་ཀྱང༌། །ཞེས་པ་ཚད་མའི་མཚན་ཉིད་བསྟན་པའི་གཞུང་དུ་འདོད་པ་ཡིན་ཏེ། དེ་ཡང་ རྣམ་འགྲེལ་དགོངས་པ་རབ་ གསལ་ལས་ ལྷ་དབང་བློས་ཚད་མ་གྱུར་པ་ཞེས་བྱ་བ་ནི་ཚད་མར་འཁྲུངས་པའོ།།
བོད་གངས་ཅན་གྱི་མཁས་པ་པན་ཆེཎ་བསོད་ནམས་གྲགས་པས་ གཞུང་ཚིག་དེ་གཉིས་ཀྱིས་ཚད་མའི་མཚན་ཉིད་བསྟན་པར་ བཞེད་པ་ཡིན། དེ་ཡང་དེ་ཉིད་ཀྱིས་མཛད་པའི་ རྣམ་འགྲེལ་དགོངས་པ་རབ་གསལ་ལས་ སྔ་མ་མི་བསླུ་བའི་རིག་པ་དང་ ཕྱི་མ་ རང་གི་ཡུལ་སྔར་མ་ཤེས་པ་གསར་དུ་ཤེས་པའི་རིག་པ་ཡིན་པའི་ཕྱིར། ཞེས་གསུངས་སོ།། རི་བོ་དགའ་ལྡན་པའི་ལུགས་ལ་ ཡང་ དེས་བཞེད་པ་ལྟར་ གཞུང་ཚིག་དང་པོས་མི་སླུ་བ་བསྟན་ཞིང་ ཕྱི་མས་གསར་དུ་བསྟན་ནས་ ཚད་མ་སྤྱི་ལ་ཁྱབ་པའི་ མཚན་ཉིད་གསར་དུ་མི་སླུ་བའི་རིག་པ་རུ་བཞེད་པ་ཡིན་ནོ།།
གསེར་ལུང་གི་གྲོགས་པོ་ཁ་ཅིག་གིས་ཀྱང་ དཔལ་ལྡན་ས་སྐྱ་པའི་ལུགས་དང་མཐུན་པར་ ཚིག་རྐང་རེ་རེས་ཚད་མ་སྤྱི་ལ་ཁྱབ་ པའི་མཚན་ཉིད་ཡོངས་སུ་རྫོགས་པ་རེ་བསྟན་པར་བཞེད་པ་འདུག
གཉིས་པ་ཀུན་མཁྱེན་བླ་མས་བཞེད་ཚུལ་ནི། གཞུང་ཚིག་དེ་གཉིས་ཀྱིས་ཚད་མ་སྤྱི་ལ་ཁྱབ་པའི་མཚན་ཉིད་བསྟན་པར་མི་ བཞེད་དེ། དེ་ཉིད་ཀྱིས་མཛད་པའི་ཚད་མ་སྤྱི་དོན་རིགས་པའི་སྙིང་པོ་ལས་ དེ་ལྟ་ན་ཚད་མ་སྤྱིའི་མཚན་ཉིད་མ་བསྟན་པས་སྐྱོན་དུ་ གྱུར་རོ་སྙམ་ན། དེ་ནི་སྟོན་པར་མི་རིགས་ཏེ། ཡུལ་རྣམ་ཅན་ནི་ཐ་དད་པས། །བློ་ཡི་རྟོག་པ་ཐ་དད་ཕྱིར། །ཞེས་གསུངས་པའི་ཕྱིར་ རོ།།
གསུམ་པ་རང་གི་རྣམ་རྟོག་ངན་པས་བཞག་པའི་དོགས་སློང་ནི། ཀུན་མཁྱེན་རང་ཉིད་ཀྱི་ལུགས་ལ་ ཚད་མ་སྤྱི་ལ་ཁྱབ་པའི་ ཚད་མའི་མཚན་ཉིད་མེད་ན་ གཞན་གྱི་སྐྱོན་འདི་ལྟར་འོང་སྲིད་དེ་ སྤྱི་ཁེགས་ན་བྱེ་བྲག་ཁེགས་པ་དང་། བྱེ་བྲག་གྲུབ་ན་སྤྱི་གྲུབ་ པས་ཁྱབ་པ་དེ་ཀུན་མཁྱེན་བླ་མའི་ལུགས་ལ་བཞེད་མི་བཞེད་གང་། གལ་སྲིད་མི་བཞེད་ཟེར་ན་ ཁྱོད་རང་ལ་བྱེ་བྲག་རྟགས་སུ་ བཀོད་ནས་སྤྱི་ཡོད་པར་སྒྲུབ་པའི་རྟགས་ཡང་དག་མེད་པར་ཐལ་ལོ།། དེ་བཞེད་ན་ནི་ དོ་དམ་ཚད་མ་དང་ཐ་སྙད་པའི་ཚད་མ་ གཉིས་རྟགས་སུ་བཀོད་ནས་ ཚད་མ་སྤྱི་ཡོད་པར་སྒྲུབ་ནུས་ཏེ། བྱེ་བྲག་གྲུབ་ན་སྤྱི་གྲུབ་པས་ཁྱབ་པ་དང་། སྤྱི་ཁེགས་ན་བྱེ་བྲག ཁེགས་པས་ཁྱབ་པ་ནི་ རིགས་པ་སྨྲ་བ་རྣམས་ཀྱི་ཐུན་མོང་གི་ལུགས་ཡིན་པས་སོ།།[༤༥]
སླར་སྨྲས་པ་ནི།
འཇམ་དཔལ་དཔའ་བོས་ཇི་ལྟར་མཁྱེན་པ་དང་། །ཀུན་ཏུ་བཟང་པོས་དེ་ཡང་དེ་བཞིན་ཏེ། །
དེ་དག་ཀུན་གྱི་རྗེས་སུ་བདག་སློབ་ཅིང་། །དགེ་བ་འདི་དག་ཐམས་ཅད་རབ་ཏུ་བསྔོ།
རྩོམ་ཤོག་གི་རིགས། མཆོད་ཡུམ་གྱི་སྐོར།
ཞུན་དགམཆོད་བརྗོད་ནི།
ཐོགས་མེད་སྟོན་པའི་རྒྱལ་ཚབ་རྗེ་བཙུན་གྱིས། །ལེགས་པར་སྦྱང་བའི་དོན་རྟོགས་པད་མས་བཀོད། །
དམན་བློའི་ཆུ་ཐིག་ཙམ་ཞིག་དཔོག་པ་དེ། །དེ་ལ་དཔྱད་པ་སྟག་གི་རིས་མོ་སྦྱར། །
ཞེས་མཆོད་པར་བརྗོད་པ་སྔོན་དུ་བཏང་ནས་འདིར་གང་ཞིག་ཞུ་བར་བྱ་བའི་གཞི་ནི་མཁྱེན་པ་གསུམ་དང་མངོན་རྟོགས་དང་པོ་གསུམ་ལ་དཔྱད་པ་སྟག་གི་རིས་མོ་རྣམ་གཞག་དེ་ཡིན། དེ་ཞུ་བ་ལ་མཁྱེན་པ་གསུམ་གྱི་མཚན་ཉིད། མཚན་ཉིད་དེའི་གཅད་བྱ་དང་ཡོངས་བྱ། དེ་རྒྱུད་ལྡན་གྱི་གང་ཟག མངོན་རྟོགས་དང་པོ་གསུམ་གྱི་མཚན་ཉིད། དེ་སྐྱེ་བའི་རྟེན་བཤད་པ། མཁྱེན་པ་གསུམ་རྒྱུད་ལྡན་གྱི་གང་ཟག་དང་མངོན་རྟོགས་དང་པོ་གསུམ་རྒྱུད་ལྡན་གྱི་གང་ཟག་གཉིས་ལ་དཔྱད་པ་དང་བཅས་དྲུག་གོ །
དང་པོ་མཁྱེན་པ་གསུམ་གྱི་མཚན་ཉིད་ནི། གཞི་ཙམ་ཀུན་མངོན་སུམ་དུ་སྤྱིའི་མཚན་ཉིད་ཀྱི་ཤེས་པའི་ཕར་ཕྱིན་གཞི་ཤེས་ཀྱི་ངོ་བོ་དང་། ལམ་ཙམ་མངོན་སུམ་དུ་རང་བཞིན་མེད་པར་རྟོགས་པའི་ཕར་ཕྱིན་ལམ་ཤེས་ཀྱི་ངོ་བོ། ཁྱད་པར་གསུམ་ལྡན་གྱི་ཕར་ཕྱིན་ནམ་སྲིད་ཞི་ལ་མི་གནས་པ་ཐར་ཐུག་པའི་མཁྱེན་པ་རྣམ་མཁྱེན་གྱི་ངོ་བོ།
གཉིས་པ་མཚན་ཉིད་དེའི་གཅད་བྱ་དང་ཡོངས་བྱ་ནི། དང་པོ་གཞི་ཤེས་ཀྱི་གཅད་བྱ་དང་ཡོངས་བྱ་ནི། གཞི་ཙམ་ཞེས་པ་དེའི་ལམ་ཤེས་དང་རྣམ་མཁྱེན་གཉིས་གཞི་ཤེས་མ་ཡིན་པར་རྣམ་པར་གཅད་པ་དང་། ཡོངས་བྱ་ལ་གཞི་ཤེས་ནི་དེ་གཉིས་མ་ཡིན་པར་ཡོངས་བྱ་ལ་སྒྲུབ། གཉིས་པ་ལམ་ཤེས་ཀྱི་གཅད་བྱ་དང་ཡོངས་བྱ་ནི། ལམ་ཙམ་ཞེས་པ་དེའི་གཞི་ཤེས་དང་རྣམ་མཁྱེན་གཉིས་ལམ་ཤེས་མ་ཡིན་པར་རྣམ་པར་གཅད་པ་དང་། ཡོངས་བྱ་ལ་ལམ་ཤེས་དེ་གཉིས་མ་ཡིན་ པར་ཡོངས་བྱ་ལ་སྒྲུབ། གསུམ་པ་རྣམ་མཁྱེན་གྱི་གཅད་བྱ་དང་ཡོངས་བྱ་ནི། སྲིད་ཞི་ལ་མི་གནས་པ་ཞེས་པ་དེའི་གཞི་ཤེས་མ་ཡིན་པར་རྣམ་པར་གཅད་པ་དང་། ཐར་ཐུག་པའི་མཁྱེན་པ་ཞེས་པ་དེའི་ལམ་ཤེས་རྒྱུད་ལྡན་གྱི་མཁྱེན་པ་དེ་མ་ཡིན་པར་རྣམ་པར་གཅད། ཡོངས་བྱ་ལ་རྣམ་མཁྱེན་དེ་གཉིས་ཀ་མ་ཡིན་པར་སྒྲུབ་བོ། །
གསུམ་པ་དེ་རྒྱུད་ལྡན་གྱི་གང་ཟག་བཤད་པ། གཞི་ཤེས་རྒྱུད་ལྡན་གྱི་གང་ཟག་ནི་ཉན་རང་གཉིས། དེ་ཡང་ལུང་ལ་འཇུག་པའི་སྒོ་ལས། ལམ་ཤེས་ཀྱི་དངོས་པོར་བསྟན་པའི་ཉན་རང་རང་རྒྱུད་པའི་ལམ་དེ། འདིར་ཁྱད་པར་ཅན་མ་ཡིན་པའི་གཞི་ཤེས་བཤད་པ་དེ་ཐམས་ཅད་གཞི་ཤེས་རང་ཡིན། ཞེས་གསུངས་སོ།། ལམ་ཤེས་རྒྱུད་ལྡན་གྱི་གང་ཟག་ནི་བྱང་སེམས་འཕགས་པ། དེ་ཡང་ལུང་ལ་འཇུག་པའི་སྒོ་ལས། འདི་རྒྱུད་ལྡན་བྱང་སེམས་འཕགས་པ་ཁོ་ནའོ། །ཞེས་གསུངས་སོ། །རྣམ་མཁྱེན་རྒྱུད་ལྡན་གྱི་གང་ཟག་ནི་སངས་རྒྱས་ཡིན་དགོས་ཏེ། དེ་ཡང་ལུང་ལ་འཇུག་པའི་སྒོ་ལས། འདིས་བླ་ན་མེད་པར་བྱང་ཆུབ་བསྟན་ལ། ཞེས༌གསུངས་སོ། །
བཞི་པ་མངོན་རྟོགས་དང་པོ་གསུམ་གྱི་མཚན་ཉིད། རྣམ་མཁྱེན་གྱི་དངོས་པོའི་མཚན་ཉིད་ནི། རྣམ་མཁྱེན་ཐོབ་བྱེད་ཀྱི་རྒྱུ་ངོ་མའོ། །ལམ་ཤེས་དངོས་པོའི་མཚན་ཉིད་ནི། ལམ་ཤེས་པའི་ཡེ་ཤེས་མི་རྟོག་པ་ཡན་ལག་དང་བཅས་པའོ། །གཞི་ཤེས་དངོས་པོའི་མཚན་ཉིད་ནི། གཞི་ཤེས་པའི་ཡེ་ཤེས་མི་རྟོག་པ་ཡན་ལག་དང་བཅས་པའོ། །
ལྔ་པ་དེ་སྐྱེ་བའི་རྟེན་བཤད་པ། དང་པོ་རྣམ་མཁྱེན་གྱི་དངོས་པོ་སྐྱེ་བའི་རྟེན་ནི། གཙོ་བོ་སེམས་བསྐྱེད་སྐྱེ་བའི་རྟེན་ཞིག་ཡིན་དགོས། ཡིན་ན་ཡང་ང་རྒྱལ་གྱི་གེགས་དང་བྲལ་བའང་ཞིག་དགོས་སོ། །གཉིས་པ་ལམ་ཤེས་ཀྱི་དངོས་པོ་སྐྱེ་བའི་རྟེན་ནི། རྟེན་གྱི་ངོ་བོ་ཉིད་གེགས་དང་བྲལ་བ། བདག་པོའི་རྐྱེན་སེམས་བསྐྱེད་པ། རྒྱུའི་རྐྱེན་རིགས་དང་ལྡན་པ། འཁོར་བ་མི་འདོར་བའི་རང་བཞིན་ཅན་རྣམས་དང་ལྡན་དགོས། གསུམ་པ་གཞི་ཤེས་ཀྱི་དངོས་པོ་སྐྱེ་བའི་རྟེན། ལམ་ཤེས་ཀྱི་དངོས་པོ་སྐྱེ་བའི་རྟེན་དང་མཚུངས། ཡིན་ན་ཡང་འཁོར་བ་མི་འདོར་བའི་རང་བཞིན་ཅན་དང་ལྡན་ན་ཡང་རུང་། མ་ལྡན་ན་ཡང་སྐྱོན་མེད་དོ། །
དྲུག་པ་མཁྱེན་པ་གསུམ་རྒྱུད་ལྡན་གྱི་གང་ཟག་དང་མངོན་རྟོགས་དང་པོ་གསུམ་རྒྱུད་ལྡན་གྱི་གང་ཟག་གཉིས་ལ་དཔྱད་པ། དེ་ལའང་དངོས་པོ་བརྒྱད་ཀྱི་གསུམ་པ་གཞི་ཤེས་རྒྱུད་ལྡན་གྱི་གང་ཟག་དང་སྤྱིར་གཞི་ཤེས་རྒྱུད་ལྡན་གྱི་གང་ཟག་ལ་དཔྱད་པ། དངོས་པོ་བརྒྱད་ཀྱི་གཉིས་པ་ལམ་ཤེས་རྒྱུད་ལྡན་གྱི་གང་ཟག་དང་སྤྱིར་ལམ་ཤེས་རྒྱུད་ལྡན་གྱི་གང་ཟག་ལ་དཔྱད་པ། དངོས་པོ་བརྒྱད་ཀྱི་དང་་པོ་རྣམ་མཁྱེན་དང་སྤྱིར་རྣམ་མཁྱེན་གཉིས་ལ་དཔྱད་པ་དང་བཅས་གསུམ་མོ། །དང་པོ་དངོས་པོ་བརྒྱད་ཀྱི་གསུམ་པ་གཞི་ཤེས་རྒྱུད་ལྡན་གྱི་གང་ཟག་དང་སྤྱིར་གཞི་ཤེས་རྒྱུད་ལྡན་གྱི་གང་ཟག་ལ་དཔྱད་པ་ནི། གཞི་ཤེས་རྒྱུད་ལྡན་གྱི་གང་ཟག་ཡིན་ན་སྤྱིར་གཞི་ཤེས་རྒྱུད་ལྡན་གྱི་གང་ཟག་ཡིན་པས་མ་ཁྱབ་སྟེ། རྒྱལ་བའི་ཡུམ་ལ་ཉེ་བའི་བྱང་ཆུབ་སེམས་དཔའ་དེའི་རྒྱུད་ལ་ཡོད་པའི་གཞི་ཤེས་དེ་གཞི་ཤེས་མཚན་ཉིད་པ་མ་ཡིན་པའི་ཕྱིར་རོ། །གཉིས་པ་དངོས་པོ་བརྒྱད་ཀྱི་གཉིས་པ་ལམ་ཤེས་རྒྱུད་ལྡན་གྱི་གང་ཟག་དང་སྤྱིར་ལམ་ཤེས་རྒྱུད་ལྡན་གྱི་གང་ཟག་ལ་དཔྱད་པ་ནི། ལམ་ཤེས་རྒྱུད་ལྡན་གྱི་གང་ཟག་ཡིན་ན་སྤྱིར་ལམ་ཤེས་རྒྱུད་ལྡན་གྱི་གང་ཟག་ཡིན་པས་མ་ཁྱབ་སྟེ། རྣམ་པ་ཐམས་ཅད་མཁྱེན་པ་འདི་དངོས་པོ་གསུམ་གྱི་ནང་གསེས་ཀྱི་ལམ་ཤེས་ཡིན་པ་གང་ཞིག །ཁྱོད་ལམ་ཤེས་མཚན་ཉིད་པ་མ་ཡིན་པའི་ཕྱིར་རོ། །གསུམ་པ་དངོས་པོ་བརྒྱད་ཀྱི་དང་པོ་རྣམ་མཁྱེན་དང་སྤྱིར་རྣམ་མཁྱེན་གཉིས་ལ་དཔྱད་པ་ནི། རང་ལུགས་ཀུན་མཁྱེན་ཆེན་པོའི་ལུགས་ལྟར་དུ་རང་ཉིད་ཀྱིས་ཀྱང་། དངོས་པོ་བརྒྱད་ཀྱི་དང་པོ་རྣམ་མཁྱེན་དང་སྤྱིར་རྣམ་མཁྱེན་གཉིས་ལ་རྒྱུ་དང་འབྲས་བུའི་སྒོ་ནས་བཞག་པ་ཡིན་ཏེ། དངོས་པོ་བརྒྱད་ཀྱི་དང་པོ་རྣམ་མཁྱེན་ནི་རྒྱུ་དང་། སྤྱིར་གྱི་རྣམ་མཁྱེན་ནི་འབྲས་བུ་ཉིད་དུ་བཞག་པ་ཡིན་ནོ།།[༡༡]
སླར་སྨྲས་པ་ནི།
བདག་གིས་ཅུང་ཟད་ཚོགས་དམངས་བཀྲལ་བའི་དགེ །དེར་བསྡུས་སྡུས་པ་ཐེག་ཆེན་དོན་མཁས་ནས། །
མ་རུང་དགྲ་རྣམས་ཚར་གཅད་ལུང་རྟོགས་ཆོས། །ཐུགས་སུ་ཆོད་ནས་ཀུན་མཁྱེན་གྲགས་པར་ཤོག །
ཅེས་པའང་གསེར་ལུང་པད་དཀར་ཆོས་གླིང་དགོན་འཛིན་གྲྭ་ཚང་གི་སློབ་གཉེར་བ་བསྟན་པ་དབང་ཕྱུག་གིས་བྲིས་པ་དག་ལེགས་སུ་གྱུར་ཅིག། །།སྤྱི་ཚེས་ ༣༡/༠༧/༢༠༢༤ ལ་ཡོངས་འབྲེལ་ཐོག་ཏུ་སྤེལ་ཡོད།
ཕར་ཕྱིན་གྱི་བསྡུས་དོན།
ཞུན་དགཕར་ཕྱིན་དྲུག་གི་སྤྱི་དོན་བཞུགས་སོ། །
ཞུན་དགཕར་ཕྱིན་བཤད་ས་ལ་སྤྱི་དོན་དང་གཞུང་དོན་གཉིས་ལས། དང་པོ་ལ། མཚན་ཉིད། དབྱེ་བ། སོ་སོའི་རང་བཞིན། གོ་རིམ། གརངས་ངེས། ས་མཚམས། ཚོགས་གཉིས་སུ་བསྡུ་ཚུལ། ཕར་ཕྱིན་བཅུར་དབྱེ་བ་དང་བརྒྱད་ལས། དང་པོ། ཕར་ཕྱིན་གྱི་མཚན་ཉིད་ནི། ཡོངས་སུ་བསྔོ་བས་ཕ་རོལ་ཏུ་བཞག་པའོ། །གཉིས་པ་དབྱེ་བ་ནི། སྦྱིན་པ། ཚུལ་ཁྲིམས། བཟོད་པ། བརྩོན་འགྲུས། བསམ་གཏན། ཤེས་རབ་དང་དྲུག་གོ །[༤༦]
གསུམ་པ་སོ་སོའི་རང་བཞིན་ལ་དྲུག་ལས། དང་པོ། སྦྱིན་པའི་ཕར་ཕྱིན་གྱི་མཚན་ཉིད། གཏོང་བ་ཡོངས་སུ་བསྔོ་བས་ཕ་རོལ་ཏུ་བཞག་པ། མི་མཐུན་ཕྱོགས་ནི། སེར་སྣ། དབྱེ་ན་གཉིས་ལས། དང་པོ། འཇིག་རྟེན་ལས་འདས་པའི་སྦྱིན་པའི་ཕར་ཕྱིན་གྱི་མཚན་ཉིད། ཆགས་པ་མེད་པས་ཟིན་པའི་གཏོང་བ་ཡོངས་སུ་བསྔོ་བས་ཕ་རོལ་ཏུ་བཞག་པའོ། ། གཉིས་པ།འཇིག་རྟེན་པའི་སྦྱིན་པའི་ཕར་ཕྱིན་གྱི་མཚན་ཉིད། ཆགས་པ་དང་མ་བྲལ་བའི་གཏོང་བ་ཡོངས་སུ་བསྔོ་བས་ཕ་རོལ་ཏུ་བཞག་པའོ། །སྦྱིན་པའི་ཕར་ཕྱིན་ལ་དབྱེ་ན། ཟང་ཟིང་ནོར་གྱི་སྦྱིན་པ། མི་འཇིགས་སྐྱབས་ཀྱི་སྦྱིན་པ། དམ་པའི་ཆོས་ཀྱི་སྦྱིན་པ་དང་གསུམ་མོ། །
གཉིས་པ། ཚུལ་ཁྲིམས་ཀྱི་བར་ཕྱིན་ནི། འཆལ་ཚུལ་གྱི་གདུང་བ་མེད་པ་ཡོངས་སུ་བསྔོ་བས་ཕ་རོལ་ཏུ་བཞག་པའོ། མི་མཐུན་ཕྱོགས། ཁྲིམས་འཆལ། དབྱེ་ན་གཉིས་ལས། དང་པོ། འཇིག་རྟེན་ལས་འདས་པའི་ཚུལ་ཁྲིམས་ཀྱི་ཕར་ཕྱིན་ནི། ཆགས་པ་མེད་པས་ཟིན་པའི་འཆལ་ཚུལ་གྱི་གདུང་བ་མེད་པ་ཡོངས་སུ་བསྔོ་བས་ཕ་རོལ་ཏུ་བཞག་པའོ། གཉིས་པ། འཇིག་རྟེན་པའི་ཚུལ་ཁྲིམས་ཀྱི་ཕར་ཕྱིན་ནི། ཆགས་པ་དང་མ་བྲལ་བའི་འཆལ་ཚུལ་གྱི་གདུང་བ་མེད་པ་ཡོངས་སུ་བསྔོ་བས་ཕ་རོལ་ཏུ་བཞག་པའོ། ཚུལ་ཁྲིམས་ཀྱི་ཕར་ཕྱིན་ལ་དབྱེ་ན། ཉེས་སྤྱོད་སྡོམ་པའི་ཚུལ་ཁྲིམས། དགེ་བ་ཆོས་སྡུད་ཀྱི་ཚུལ་ཁྲིམས། སེམས་ཅན་དོན་བྱེད་ཀྱི་ཚུལ་ཁྲིམས་དང་གསུམ་མོ། །
གསུམ་པ། བཟོད་པའི་ཕར་ཕྱིན་ནི། ཁྲོ་བ་མེད་པ་ཡོངས་སུ་བསྔོ་བས་ཕ་རོལ་ཏུ་བཞག་པའོ། མི་མཐུན་ཕྱོགས། ཁོང་ཁྲོ། དབྱེ་ན་གཉིས་ལས། དང་པོ། འཇིག་རྟེན་ལས་འདས་པའི་བཟོད་པའི་ཕར་ཕྱིན་ནི། ཆགས་པ་མེད་པས་ཟིན་པའི་ཁྲོ་བ་མེད་པ་ཡོངས་སུ་བསྔོ་བས་ཕ་རོལ་ཏུ་བཞག་པའོ། གཉིས་པ། འཇིག་རྟེན་པའི་བཟོད་པའི་ཕར་ཕྱིན་ནི། ཆགས་པ་དང་མ་བྲལ་བའི་ཁྲོ་བ་མེད་པ་ཡོངས་སུ་བསྔོ་བས་ཕ་རོལ་ཏུ་བཞག་པའོ། དབྱེ་ན། གནོད་བྱེད་ལ་ཇི་མི་སྙམ་པའི་བཟོད་པ། ཆོས་ཕྱིར་དཀའ་སྤྱད་ཀྱི་ བཟོད་པ། ཟབ་མོའི་དོན་ལ་མི་སྐྲག་པའི་བཟོད་པ་དང་གསུམ་མོ། །
བཞི་པ། བརྩོན་འགྲུས་ཀྱི་ཕར་ཕྱིན་ནི། དགེ་བ་ཡོངས་སུ་འཛིན་པ་ཡོངས་སུ་བསྔོ་བས་ཕ་རོལ་ཏུ་བཞག་པའོ། མི་མཐུན་ཕྱོགས། ལེ་ལོ། དབྱེ་ན་གཉིས་ལས། དང་པོ། འཇིག་རྟེན་ལས་འདས་པའི་བརྩོན་འགྲུས་ཀྱི་ཕར་ཕྱིན་ནི། ཆགས་པ་མེད་པས་ཟིན་པའི་དགེ་བ་ཡོངས་སུ་འཛིན་པ་ཡོངས་སུ་བསྔོ་བས་ཕ་རོལ་ཏུ་བཞག་པའོ། གཉིས་པ། འཇིག་རྟེན་པའི་བརྩོན་འགྲུས་ཀྱི་ཕར་ཕྱིན་ནི། ཆགས་པ་དང་མ་བྲལ་བའི་དགེ་བ་ཡོངས་སུ་འཛིན་པ་ཡོངས་སུ་བསྔོ་བས་ཕ་རོལ་ཏུ་བཞག་པའོ། དབྱེ་ན། གོ་ཆའི་ བརྩོན་འགྲུས། སྦྱོར་བའི་བརྩོན་འགྲུས། ཆོག་པར་མི་འཛིན་པའི་བརྩོན་འགྲུས་དང་གསུམ་མོ། །
ལྔ་པ། བསམ་གཏན་གྱི་ཕར་ཕྱིན་ནི། དགེ་བའི་ཆོས་ཐམས་ཅད་སྡུད་པར་བྱེད་པ་ཡོངས་སུ་བསྔོ་བས་ཕ་རོལ་ཏུ་བཞག་པའོ། མི་མཐུན་ཕྱོགས་ནི། རྣམ་གཡེང་། དབྱེ་ན་གཉིས་ལས། དང་པོ། འཇིག་རྟེན་ལས་འདས་པའི་བསམ་གཏན་གྱི་ཕར་ཕྱིན་ནི། ཆགས་པ་མེད་པས་ཟིན་པའི་དགེ་བའི་ཆོས་ཐམས་ཅད་སྡུད་པར་བྱེད་པ་ཡོངས་སུ་བསྔོ་བས་ཕ་རོལ་ཏུ་བཞག་པའོ། ། གཉིས་པ། འཇིག་རྟེན་པའི་བསམ་གཏན་གྱི་པར་ཕྱིན་ནི། ཆགས་པ་དང་མ་བྲལ་བའི་དགེ་བའི་ཆོས་ཐམས་ཅད་སྡུད་པར་བྱེད་པ་ཡོངས་སུ་བསྔོ་བས་ཕ་རོལ་ཏུ་བཞག་པའོ། ། དབྱེ་ན། བྱིས་པ་ཉེར་སྤྱོད་ཀྱི་བསམ་གཏན། དོན་རབ་འབྱེད་ཀྱི་བསམ་གཏན། དེ་བཞིན་གཤེགས་པའི་བསམ་གཏན་དང་གསུམ་མོ། །
དྲུག་པ། ཤེས་རབ་ཀྱི་པར་ཕྱིན་ནི། མྱ་ངན་ལས་འདས་པར་བགྲོད་པའི་ཕྱིར་འགའ་ལ་ཡང་ཆགས་པ་མེད་པའི་བློ་ཡོངས་སུ་བསྔོ་བས་ཕ་རོལ་ཏུ་བཞག་པའོ། མི་མཐུན་ཕྱོགས་ནི། ཤེས་འཆལ། དབྱེ་ན་གཉིས་ལས། དང་པོ། འཇིག་རྟེན་ལས་འདས་པའི་ཤེས་རབ་ཀྱི་ཕར་ཕྱིན་ནི། ཆགས་པ་མེད་པས་ཟིན་པའི་མྱ་ངན་ལས་འདས་པར་གྲོད་པའི་ཕྱིར་འགའ་ལ་ཡང་ཆགས་པ་མེད་པའི་བློ་ཡོངས་སུ་བསྔོ་བས་ཕ་རོལ་ཏུ་བཞག་པའོ། གཉིས་པ། འཇིག་རྟེན་པའི་ཤེས་རབ་ཀྱི་ཕར་ཕྱིན་ནི། ཆགས་པ་དང་མ་བྲལ་བའི་མྱ་ངན་ལས་འདས་པར་བགྲོད་པའི་ཕྱིར་འགའ་ལ་ཡང་ཆགས་པ་མེད་པའི་བློ་ཡོངས་སུ་བསྔོ་བས་ཕ་རོལ་ཏུ་བཞག་པའོ། དབྱེ་ན། ཟོས་པའི་ཤེས་རབ། བསམ་པའི་ཤེས་རབ། སྒོས་པའི་ཤེས་རབ་དང་གསུམ་མོ། །
བཞི་པ་གོ་རིམ་ནི། མཆོག་དམན་གྱི་གོ་རིམ་སྟེ། སྦྱིན་པ་སོགས་འོག་མ་འོག་མ་ལ་ལྟོས་པའི་ཚེ་གོང་མ་གོང་མ་རྣམས་མཆོག་ཡིན་པའི་ཕྱིར་རོ། ། ལྔ་བ་གྲངས་ངེས་ནི། མངོན་མཐོ་དང་ངེས་ལེགས་ཀྱི་རྒྱུའི་དབང་དུ་བཏང་ནས་རྣམ་པ་དྲུག་ཏུ་ངེས་ཏེ། དང་པོ་བཞི་གཙོ་བོ་མངོན་མཐོ་ཐོབ་པའི་རྒྱུ་དང༌། ཕྱི་མ་གཉིས་གཙོ་བོ་ངེས་ལེགས་ཐོབ་པའི་རྒྱུ་ཡིན་པའི་ཕྱིར་རོ། །
དྲུག་པ་ས་མཚམས་ནི། མཁས་པ་འགས། འཇིག་རྟེན་དང་འཇིག་རྟེན་ལས་འདས་པ་གཉིས་ཀའང་ས་དང་པོ་ཡན་ཆད་ལ་གསུངས་ཀྱང་། ཀུན་མཁྱེན་ཆེན་པོ་མི་ཕམ་པད་མ་དཀར་པོས། ཚོགས་སྦྱོར་གྱི་ངོ་བོར་གྱུར་པའི་ཕར་ཕྱིན་ལ་འཇིག་རྟེན་པའི་ཕར་ཕྱིན་དང་། ས་དང་པོ་ཡན་གྱི་ཕར་ཕྱིན་ལ་འཇིག་རྟེན་ལས་འདས་པའི་ཕར་ ཕྱིན་ཉིད་དུ་བཞེད་དེ། མཚན་ཉིད་ཀྱི་ཟུར་དུ་ཆགས་པ་མེད་པས་ཟིན་པའི་ཞེས་དང༌། ཆགས་པ་དང་མ་བྲལ་བའི། ཞེས་གསུངས་པའི་ཕྱིར་རོ། །
བདུན་བ་ཚོགས་གཉིས་སུ་བསྡུ་ཚུལ་ནི། འདི་ལ་ཕར་ཕྱིན་དང་པོ་ལྔ་བསོད་ནམས་དང་། ཤེས་རབ་ནི་ལུགས་མི་འདྲ་བ་ཁ་ཤས་མཆིས་ཀྱང༌། དཔལ་ལྡན་ཟླ་བས་འཇུག་པ་ལས། སྦྱིན་སོགས་ཆོས་གསུམ་དེ་དག་ཕལ་མོ་ཆེ། །བདེ་བར་གཤེགས་པས་ཁྱིམ་པ་རྣམས་ལ་བསྔགས། །བསོད་ནམས་ཞེས་བྱའི་ཚོགས་ཀྱང་དེ་དག་ ཉིད། །སངས་རྒྱས་གཟུགས་སྐུའི་བདག་ཉིད་སྐུའི་རྒྱུ། །ཞེས་པ་ལྟར། སྦྱིན་པ། ཚུལ་ཁྲིམས། བཟོད་པ་གསུམ་ནི་བསོད་ནམས་ཀྱི་ཚོགས། བསམ་གཏན་དང་ཤེས་རབ་ གཉིས་ཡེ་ཤེས་ཀྱི་ཚོགས། བརྩོན་འགྲུས་ནི་གཉིས་ཀའི་གྲོགས་ཡིན་ཏེ། འཇུག་པ་ལས། ཡོན་ཏན་མ་ལུས་བརྩོན་འགྲུས་རྗེས་འགྲོ་ཅན། །བསོད་ནམས་བློ་གྲོས་ཚོགས་ནི་གཉིས་ཀའི་རྒྱུ། །ཞེས་གསུངས་པའི་ཕྱིར་རོ། །
བརྒྱད་པ་ཕར་ཕྱིན་བཅུར་དབྱེ་བ་ནི། གོང་གི་ཕར་ཕྱིན་དྲུག་གི་སྟེང་དུ། ཐབས་ཀྱི་ཕར་ཕྱིན། སྨོན་ལམ་གྱི་ཕར་ཕྱིན། སྟོབས་ཀྱི་ཕར་ཕྱིན། ཡེ་ཤེས་ཀྱི་ཕར་ཕྱིན་དང་བཅུའོ། །
ཞར་བྱུང་དུ་ལྷག་མཐོང་ཞེས་པའི་དོན་ནི། སྔར་སོ་སྐྱེས་ཀྱི་གནས་སྐབས་སུ་མ་མཐོང་བའི་དོན་ལྷག་པར་མཐོང་བ་ལ་འཇོག སྤྱིར་ལྷག་མཐོང་དབྱེ་ན། མཐོང་ལམ་གྱིས་ བསྡུས་པ་དང་། སྒོམ་ལམ་གྱིས་བསྡུས་པ་གཉིས་ཡོད། མཐོང་ལམ་གྱིས་བསྡུས་པའི་ལྷག་མཐོང་ལ་ལུས་རྟེན་དང་སེམས་རྟེན་གཉིས་ལས། དང་པོ་ནི། འདོད་པའི་སས་ བསྡུས་པའི་མི་དང་ལྷ་གཉིས་ཡིན། གཉིས་པ་སེམས་རྟེན་ནི། བསམ་གཏན་དང་པོའི་ཉེར་བསྡོགས་མི་ལྕོགས་པ་མེད་པ། བསམ་གཏན་དང་པོའི་དངོས་གཞི་ཙམ་པོ་བ། བསམ་གཏན་དང་པོའི་དངོས་གཞི་ཁྱད་པར་ཅན། བསམ་གཏན་གཉིས་པའི་དངོས་གཞི། བསམ་གཏན་གསུམ་པའི་དངོས་གཞི། བསམ་གཏན་བཞི་པའི་དངོས་གཞི་དང་ བཅས་བསམ་གཏན་ས་དྲུག་གོ། ། གཉིས་པ་སྒོམ་ལམ་གྱིས་བསྡུས་པའི་ལྷག་མཐོང་ལ་ལུས་རྟེན་ནི། ཁམས་གསུམ་གྱིས་བསྡུས་པའི་ལུས་རྟེན་དང༌། གཉིས་པ་སེམས་རྟེན་ནི། བསམ་གཏན་ས་དྲུག་གི་སྟེང་དུ། གཟུགས་མེད་ནམ་མཁའ་མཐའ་ཡས། རྣམ་ཤེས་མཐའ་ཡས། ཅི་ཡང་མེད་པའི་སེམས་དང་དགུ་སྟེ་ཟག་མེད་ས་དགུའོ། །[༤༤]
རྒྱབ་རྟེན་ཡིག་ཆ།
ཞུན་དག- ↑ ༡.༠ ༡.༡ Serlung Monastery - Wikipedia
- ↑ https://www.bbs.bt/news/?p=51878
- ↑ https://kuenselonline.com/picture-story-1430/
- ↑ https://www.bbs.bt/news/?p=51878
- ↑ https://en.wikipedia.org/wiki/Serlung_Monastery
- ↑ [༡]
- ↑ [༢]
- ↑ ༨.༠ ༨.༡ https://web.archive.org/web/20230924055557/http://media.dalailama.com/Tibetan/texts/madhyamakavatara-autocommentary-TIB.pdf
- ↑ https://dharmacloud.tsadra.org/wp-content/uploads/PDFs_2021/KS-PK-07.pdf
- ↑ https://www.serajeyrigzodchenmo.org/images/book/pdf_folder/zhungchen_khag/u_ma/%E0%BD%91%E0%BD%96%E0%BD%B4%E0%BC%8B%E0%BD%98%E0%BC%8B%E0%BD%A0%E0%BD%87%E0%BD%B4%E0%BD%82%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A2%E0%BD%84%E0%BC%8B%E0%BD%A0%E0%BD%82%E0%BE%B2%E0%BD%BA%E0%BD%A3%E0%BC%8D.pdf
- ↑ ༡༡.༠ ༡༡.༡ ༡༡.༢ ༡༡.༣ https://www.google.com/search?q=%E0%BD%95%E0%BE%B1%E0%BD%82%E0%BC%8B%E0%BD%86%E0%BD%BA%E0%BD%93%E0%BC%8B%E0%BD%82%E0%BD%93%E0%BC%8B%E0%BD%98%E0%BD%9B%E0%BD%BC%E0%BD%91%E0%BC%8D&oq=%E0%BD%95%E0%BE%B1%E0%BD%82%E0%BC%8B%E0%BD%86%E0%BD%BA%E0%BD%93%E0%BC%8B%E0%BD%82%E0%BD%93%E0%BC%8B%E0%BD%98%E0%BD%9B%E0%BD%BC%E0%BD%91%E0%BC%8D&gs_lcrp=EgZjaHJvbWUyBggAEEUYOTIKCAEQABiABBiiBDIKCAIQABiABBiiBDIKCAMQABiABBiiBDIKCAQQABiABBiiBNIBCTI0MzUxajBqOagCALACAQ&sourceid=chrome&ie=UTF-8
- ↑ ༡༢.༠ ༡༢.༡ ༡༢.༢ https://web.archive.org/web/20230924055557/http://media.dalailama.com/Tibetan/texts/madhyamakavatara-autocommentary-TIB.pdf
- ↑ ༡༣.༠ ༡༣.༡ ༡༣.༢ ༡༣.༣ https://dharmacloud.tsadra.org/wp-content/uploads/PDFs_2021/KS-PK-07.pdf
- ↑ https://www.serajeyrigzodchenmo.org/images/book/pdf_folder/zhungchen_khag/phar_chin/kab_gyad/%E0%BD%86%E0%BD%BC%E0%BD%A6%E0%BC%8B%E0%BD%A0%E0%BD%81%E0%BD%BC%E0%BD%A2%E0%BC%8B%E0%BD%A2%E0%BD%B2%E0%BD%98%E0%BC%8B%E0%BD%94%E0%BC%8B%E0%BD%82%E0%BD%A6%E0%BD%B4%E0%BD%98%E0%BC%8B%E0%BD%82%E0%BE%B1%E0%BD%B2%E0%BC%8B%E0%BD%91%E0%BD%BC%E0%BD%82%E0%BD%A6%E0%BC%8B%E0%BD%82%E0%BD%85%E0%BD%BC%E0%BD%91%E0%BC%8D.pdf
- ↑ དབུ་མའི་གཞུང་ལུགས་གསུམ་གསལ་བར་བྱེད་པ་ངེས་དོན ...
- ↑ added name
- ↑ ༡༧.༠ ༡༧.༡ https://dharmacloud.tsadra.org/book/%E0%BD%98%E0%BD%84%E0%BD%BC%E0%BD%93%E0%BC%8B%E0%BD%94%E0%BD%A2%E0%BC%8B%E0%BD%A2%E0%BE%9F%E0%BD%BC%E0%BD%82%E0%BD%A6%E0%BC%8B%E0%BD%94%E0%BC%8B%E0%BD%A2%E0%BE%92%E0%BE%B1%E0%BD%93%E0%BC%8B%E0%BD%82/
- ↑ https://dharmacloud.tsadra.org/book/%E0%BD%A4%E0%BD%BA%E0%BD%A2%E0%BC%8B%E0%BD%95%E0%BE%B1%E0%BD%B2%E0%BD%93%E0%BC%8B%E0%BD%82%E0%BE%B1%E0%BD%B2%E0%BC%8B%E0%BD%A3%E0%BD%B4%E0%BD%84%E0%BC%8B%E0%BD%A3%E0%BC%8B%E0%BD%A0%E0%BD%87%E0%BD%B4/
- ↑ https://dharmacloud.tsadra.org/book/%E0%BD%A4%E0%BD%BA%E0%BD%A2%E0%BC%8B%E0%BD%95%E0%BE%B1%E0%BD%B2%E0%BD%93%E0%BC%8B%E0%BD%82%E0%BE%B1%E0%BD%B2%E0%BC%8B%E0%BD%A3%E0%BD%B4%E0%BD%84%E0%BC%8B%E0%BD%A3%E0%BC%8B%E0%BD%A0%E0%BD%87%E0%BD%B4/
- ↑ https://dharmacloud.tsadra.org/book/%E0%BD%98%E0%BD%84%E0%BD%BC%E0%BD%93%E0%BC%8B%E0%BD%94%E0%BD%A2%E0%BC%8B%E0%BD%A2%E0%BE%9F%E0%BD%BC%E0%BD%82%E0%BD%A6%E0%BC%8B%E0%BD%94%E0%BC%8B%E0%BD%A2%E0%BE%92%E0%BE%B1%E0%BD%93%E0%BC%8B%E0%BD%82/
- ↑ https://bo.wikipedia.org/wiki/%E0%BD%A6%E0%BE%A4%E0%BE%B1%E0%BD%BC%E0%BD%91%E0%BC%8B%E0%BD%A0%E0%BD%87%E0%BD%B4%E0%BD%82%E0%BC%8B%E0%BD%82%E0%BD%B2%E0%BC%8B%E0%BD%A0%E0%BD%96%E0%BE%B2%E0%BD%B4%E0%BC%8B%E0%BD%A0%E0%BD%82%E0%BE%B2%E0%BD%BA%E0%BD%A3%E0%BC%8B%E0%BD%91%E0%BD%96%E0%BD%B4%E0%BC%8B%E0%BD%98%E0%BD%A0%E0%BD%B2%E0%BC%8B%E0%BD%A3%E0%BD%98%E0%BC%8B%E0%BD%82%E0%BE%B1%E0%BD%B2%E0%BC%8B%E0%BD%A6%E0%BE%92%E0%BE%B2%E0%BD%BC%E0%BD%93%E0%BC%8B%E0%BD%98%E0%BC%8B
- ↑ མངོན་པར་རྟོགས་པ་རྒྱན་གྱི་འགྲེལ་པ་རྗེ་བཙུན་བྱམས་པའི་ཞལ་ལུང་ཞེས་བྱ་བ་བཞུགས་སོ།།
- ↑ ༢༣.༠ ༢༣.༡ https://web.archive.org/web/20230924055557/http://media.dalailama.com/Tibetan/texts/madhyamakavatara-autocommentary-TIB.pdf
- ↑ https://web.archive.org/web/20230924055557/http://media.dalailama.com/Tibetan/texts/madhyamakavatara-autocommentary-TIB.pdf
- ↑ https://www.serajeyrigzodchenmo.org/images/book/pdf_folder/zhungchen_khag/u_ma/zkhu333318.pdf
- ↑ https://www.serajeyrigzodchenmo.org/images/book/pdf_folder/zhungchen_khag/u_ma/%E0%BD%91%E0%BD%96%E0%BD%B4%E0%BC%8B%E0%BD%98%E0%BC%8B%E0%BD%A2%E0%BE%92%E0%BE%B1%E0%BD%93%E0%BC%8B%E0%BD%82%E0%BE%B1%E0%BD%B2%E0%BC%8B%E0%BD%A2%E0%BE%A9%E0%BC%8B%E0%BD%A0%E0%BD%82%E0%BE%B2%E0%BD%BA%E0%BD%A3%E0%BC%8D.pdf
- ↑ ༢༧.༠ ༢༧.༡ https://drongngurchoje.net/2018/12/02/%E0%BD%96%E0%BE%B1%E0%BC%8B%E0%BD%9A%E0%BD%B2%E0%BD%82%E0%BC%8B%E0%BD%82%E0%BD%B2%E0%BC%8B%E0%BD%A2%E0%BE%A3%E0%BD%98%E0%BC%8B%E0%BD%82%E0%BD%9E%E0%BD%82%E0%BC%8B%E0%BD%A3%E0%BD%82%E0%BC%8B%E0%BD%A3-2/
- ↑ ༢༨.༠ ༢༨.༡ https://bo.wikipedia.org/wiki/%E0%BD%A6%E0%BD%B2%E0%BC%8B%E0%BD%8F%E0%BD%B4%E0%BD%A0%E0%BD%B2%E0%BC%8B%E0%BD%A0%E0%BD%82%E0%BE%B2%E0%BD%BA%E0%BD%A3%E0%BC%8B%E0%BD%86%E0%BD%BA%E0%BD%93%E0%BC%8B
- ↑ https://drongngurchoje.net/2018/12/02/%E0%BD%96%E0%BE%B1%E0%BC%8B%E0%BD%9A%E0%BD%B2%E0%BD%82%E0%BC%8B%E0%BD%82%E0%BD%B2%E0%BC%8B%E0%BD%A2%E0%BE%A3%E0%BD%98%E0%BC%8B%E0%BD%82%E0%BD%9E%E0%BD%82%E0%BC%8B%E0%BD%A3%E0%BD%82%E0%BC%8B%E0%BD%A3-2/
- ↑ ༣༠.༠ ༣༠.༡ https://rywikitexts.tsadra.org/index.php/%E0%BD%86%E0%BD%BC%E0%BD%A6%E0%BC%8B%E0%BD%A0%E0%BD%81%E0%BD%BC%E0%BD%A2%E0%BC%8B%E0%BD%A2%E0%BD%B2%E0%BD%98%E0%BC%8B%E0%BD%94%E0%BC%8B%E0%BD%82%E0%BD%A6%E0%BD%B4%E0%BD%98%E0%BC%8B%E0%BD%82%E0%BE%B1%E0%BD%B2%E0%BC%8B%E0%BD%91%E0%BD%BC%E0%BD%82%E0%BD%A6%E0%BC%8B%E0%BD%82%E0%BD%85%E0%BD%BC%E0%BD%91%E0%BC%8B%E0%BD%A0%E0%BD%82%E0%BE%B2%E0%BD%BA%E0%BD%A3%E0%BC%8B%E0%BD%94%E0%BC%8B%E0%BD%96%E0%BD%9E%E0%BD%B4%E0%BD%82%E0%BD%A6%E0%BC%8D
- ↑ https://www.gyalyongsachen.com/?p=4706
- ↑ https://rywikitexts.tsadra.org/index.php/%E0%BD%9A%E0%BD%91%E0%BC%8B%E0%BD%98%E0%BD%A0%E0%BD%B2%E0%BC%8B%E0%BD%98%E0%BD%91%E0%BD%BC%E0%BC%8B%E0%BD%A6%E0%BE%A1%E0%BD%BA%E0%BC%8B%E0%BD%96%E0%BD%91%E0%BD%B4%E0%BD%93%E0%BC%8B%E0%BD%91%E0%BD%84%E0%BC%8B%E0%BD%96%E0%BD%85%E0%BD%A6%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A6%E0%BE%A4%E0%BE%B1%E0%BD%B2%E0%BC%8B%E0%BD%91%E0%BD%BC%E0%BD%93%E0%BC%8B%E0%BD%A2%E0%BD%B2%E0%BD%82%E0%BD%A6%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A6%E0%BE%99%E0%BD%B2%E0%BD%84%E0%BC%8B%E0%BD%94%E0%BD%BC%E0%BC%8B%E0%BD%9E%E0%BD%BA%E0%BD%A6%E0%BC%8B%E0%BD%96%E0%BE%B1%E0%BC%8B%E0%BD%96%E0%BC%8B%E0%BD%96%E0%BD%9E%E0%BD%B4%E0%BD%82%E0%BD%A6%E0%BC%8B%E0%BD%A6%E0%BD%BC%E0%BC%8D
- ↑ https://www.gyalyongsachen.com/?page_id=4441
- ↑ https://www.gyalyongsachen.com/?page_id=4441
- ↑ ༣༥.༠ ༣༥.༡ https://rywikitexts.tsadra.org/index.php/%E0%BD%9A%E0%BD%91%E0%BC%8B%E0%BD%98%E0%BD%A0%E0%BD%B2%E0%BC%8B%E0%BD%98%E0%BD%91%E0%BD%BC%E0%BC%8B%E0%BD%A6%E0%BE%A1%E0%BD%BA%E0%BC%8B%E0%BD%96%E0%BD%91%E0%BD%B4%E0%BD%93%E0%BC%8B%E0%BD%91%E0%BD%84%E0%BC%8B%E0%BD%96%E0%BD%85%E0%BD%A6%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A6%E0%BE%A4%E0%BE%B1%E0%BD%B2%E0%BC%8B%E0%BD%91%E0%BD%BC%E0%BD%93%E0%BC%8B%E0%BD%A2%E0%BD%B2%E0%BD%82%E0%BD%A6%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A6%E0%BE%99%E0%BD%B2%E0%BD%84%E0%BC%8B%E0%BD%94%E0%BD%BC%E0%BC%8B%E0%BD%9E%E0%BD%BA%E0%BD%A6%E0%BC%8B%E0%BD%96%E0%BE%B1%E0%BC%8B%E0%BD%96%E0%BC%8B%E0%BD%96%E0%BD%9E%E0%BD%B4%E0%BD%82%E0%BD%A6%E0%BC%8B%E0%BD%A6%E0%BD%BC%E0%BC%8D
- ↑ https://www.scribd.com/document/535850173/%E0%BD%9A%E0%BD%91-%E0%BD%98-%E0%BD%A2%E0%BE%A3%E0%BD%98-%E0%BD%A0%E0%BD%82%E0%BE%B2%E0%BD%BA%E0%BD%A3
- ↑ ༣༧.༠ ༣༧.༡ https://dharmacloud.tsadra.org/book/%E0%BD%80%E0%BD%B4%E0%BD%93%E0%BC%8B%E0%BD%98%E0%BD%81%E0%BE%B1%E0%BD%BA%E0%BD%93%E0%BC%8B%E0%BD%82%E0%BD%9E%E0%BD%B4%E0%BD%84%E0%BC%8B%E0%BD%A0%E0%BD%82%E0%BE%B2%E0%BD%BA%E0%BD%A3%E0%BC%8B%E0%BD%95-3/
- ↑ https://rywikitexts.tsadra.org/index.php/%E0%BD%9A%E0%BD%91%E0%BC%8B%E0%BD%98%E0%BD%A0%E0%BD%B2%E0%BC%8B%E0%BD%98%E0%BD%91%E0%BD%BC%E0%BC%8B%E0%BD%A6%E0%BE%A1%E0%BD%BA%E0%BC%8B%E0%BD%96%E0%BD%91%E0%BD%B4%E0%BD%93%E0%BC%8B%E0%BD%91%E0%BD%84%E0%BC%8B%E0%BD%96%E0%BD%85%E0%BD%A6%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A6%E0%BE%A4%E0%BE%B1%E0%BD%B2%E0%BC%8B%E0%BD%91%E0%BD%BC%E0%BD%93%E0%BC%8B%E0%BD%A2%E0%BD%B2%E0%BD%82%E0%BD%A6%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A6%E0%BE%99%E0%BD%B2%E0%BD%84%E0%BC%8B%E0%BD%94%E0%BD%BC%E0%BC%8B%E0%BD%9E%E0%BD%BA%E0%BD%A6%E0%BC%8B%E0%BD%96%E0%BE%B1%E0%BC%8B%E0%BD%96%E0%BC%8B%E0%BD%96%E0%BD%9E%E0%BD%B4%E0%BD%82%E0%BD%A6%E0%BC%8B%E0%BD%A6%E0%BD%BC%E0%BC%8D
- ↑ ༣༩.༠ ༣༩.༡ ༣༩.༢ https://rywikitexts.tsadra.org/index.php/%E0%BD%9A%E0%BD%91%E0%BC%8B%E0%BD%98%E0%BD%A0%E0%BD%B2%E0%BC%8B%E0%BD%98%E0%BD%91%E0%BD%BC%E0%BC%8B%E0%BD%A6%E0%BE%A1%E0%BD%BA%E0%BC%8B%E0%BD%96%E0%BD%91%E0%BD%B4%E0%BD%93%E0%BC%8B%E0%BD%91%E0%BD%84%E0%BC%8B%E0%BD%96%E0%BD%85%E0%BD%A6%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A6%E0%BE%A4%E0%BE%B1%E0%BD%B2%E0%BC%8B%E0%BD%91%E0%BD%BC%E0%BD%93%E0%BC%8B%E0%BD%A2%E0%BD%B2%E0%BD%82%E0%BD%A6%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A6%E0%BE%99%E0%BD%B2%E0%BD%84%E0%BC%8B%E0%BD%94%E0%BD%BC%E0%BC%8B%E0%BD%9E%E0%BD%BA%E0%BD%A6%E0%BC%8B%E0%BD%96%E0%BE%B1%E0%BC%8B%E0%BD%96%E0%BC%8B%E0%BD%96%E0%BD%9E%E0%BD%B4%E0%BD%82%E0%BD%A6%E0%BC%8B%E0%BD%A6%E0%BD%BC%E0%BC%8D
- ↑ https://rywikitexts.tsadra.org/index.php/%E0%BD%9A%E0%BD%91%E0%BC%8B%E0%BD%98%E0%BD%A0%E0%BD%B2%E0%BC%8B%E0%BD%98%E0%BD%91%E0%BD%BC%E0%BC%8B%E0%BD%A6%E0%BE%A1%E0%BD%BA%E0%BC%8B%E0%BD%96%E0%BD%91%E0%BD%B4%E0%BD%93%E0%BC%8B%E0%BD%91%E0%BD%84%E0%BC%8B%E0%BD%96%E0%BD%85%E0%BD%A6%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A6%E0%BE%A4%E0%BE%B1%E0%BD%B2%E0%BC%8B%E0%BD%91%E0%BD%BC%E0%BD%93%E0%BC%8B%E0%BD%A2%E0%BD%B2%E0%BD%82%E0%BD%A6%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A6%E0%BE%99%E0%BD%B2%E0%BD%84%E0%BC%8B%E0%BD%94%E0%BD%BC%E0%BC%8B%E0%BD%9E%E0%BD%BA%E0%BD%A6%E0%BC%8B%E0%BD%96%E0%BE%B1%E0%BC%8B%E0%BD%96%E0%BC%8B%E0%BD%96%E0%BD%9E%E0%BD%B4%E0%BD%82%E0%BD%A6%E0%BC%8B%E0%BD%A6%E0%BD%BC%E0%BC%8D
- ↑ ༤༡.༠ ༤༡.༡ https://rywikitexts.tsadra.org/index.php/%E0%BD%9A%E0%BD%91%E0%BC%8B%E0%BD%98%E0%BC%8B%E0%BD%98%E0%BD%91%E0%BD%BC%E0%BC%8B%E0%BD%91%E0%BD%84%E0%BC%8B%E0%BD%A6%E0%BE%A1%E0%BD%BA%E0%BC%8B%E0%BD%96%E0%BD%91%E0%BD%B4%E0%BD%93%E0%BC%8B%E0%BD%82%E0%BE%B1%E0%BD%B2%E0%BC%8B%E0%BD%91%E0%BD%BC%E0%BD%93%E0%BC%8B%E0%BD%82%E0%BD%8F%E0%BD%93%E0%BC%8B%E0%BD%A3%E0%BC%8B%E0%BD%95%E0%BD%96%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%96%E0%BD%A6%E0%BE%9F%E0%BD%93%E0%BC%8B%E0%BD%96%E0%BD%85%E0%BD%BC%E0%BD%A6%E0%BC%8B%E0%BC%8B%E0%BC%8B%E0%BC%8D
- ↑ https://rywikitexts.tsadra.org/index.php/%E0%BD%9A%E0%BD%91%E0%BC%8B%E0%BD%98%E0%BD%A0%E0%BD%B2%E0%BC%8B%E0%BD%98%E0%BD%91%E0%BD%BC%E0%BC%8B%E0%BD%A6%E0%BE%A1%E0%BD%BA%E0%BC%8B%E0%BD%96%E0%BD%91%E0%BD%B4%E0%BD%93%E0%BC%8B%E0%BD%91%E0%BD%84%E0%BC%8B%E0%BD%96%E0%BD%85%E0%BD%A6%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A6%E0%BE%A4%E0%BE%B1%E0%BD%B2%E0%BC%8B%E0%BD%91%E0%BD%BC%E0%BD%93%E0%BC%8B%E0%BD%A2%E0%BD%B2%E0%BD%82%E0%BD%A6%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A6%E0%BE%99%E0%BD%B2%E0%BD%84%E0%BC%8B%E0%BD%94%E0%BD%BC%E0%BC%8B%E0%BD%9E%E0%BD%BA%E0%BD%A6%E0%BC%8B%E0%BD%96%E0%BE%B1%E0%BC%8B%E0%BD%96%E0%BC%8B%E0%BD%96%E0%BD%9E%E0%BD%B4%E0%BD%82%E0%BD%A6%E0%BC%8B%E0%BD%A6%E0%BD%BC%E0%BC%8D
- ↑ ༤༣.༠ ༤༣.༡ https://rywikitexts.tsadra.org/index.php/%E0%BD%9A%E0%BD%91%E0%BC%8B%E0%BD%98%E0%BD%A0%E0%BD%B2%E0%BC%8B%E0%BD%98%E0%BD%91%E0%BD%BC%E0%BC%8B%E0%BD%A6%E0%BE%A1%E0%BD%BA%E0%BC%8B%E0%BD%96%E0%BD%91%E0%BD%B4%E0%BD%93%E0%BC%8B%E0%BD%91%E0%BD%84%E0%BC%8B%E0%BD%96%E0%BD%85%E0%BD%A6%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A6%E0%BE%A4%E0%BE%B1%E0%BD%B2%E0%BC%8B%E0%BD%91%E0%BD%BC%E0%BD%93%E0%BC%8B%E0%BD%A2%E0%BD%B2%E0%BD%82%E0%BD%A6%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A6%E0%BE%99%E0%BD%B2%E0%BD%84%E0%BC%8B%E0%BD%94%E0%BD%BC%E0%BC%8B%E0%BD%9E%E0%BD%BA%E0%BD%A6%E0%BC%8B%E0%BD%96%E0%BE%B1%E0%BC%8B%E0%BD%96%E0%BC%8B%E0%BD%96%E0%BD%9E%E0%BD%B4%E0%BD%82%E0%BD%A6%E0%BC%8B%E0%BD%A6%E0%BD%BC%E0%BC%8D
- ↑ ༤༤.༠ ༤༤.༡ https://dharmacloud.tsadra.org/book/%E0%BD%98%E0%BD%84%E0%BD%BC%E0%BD%93%E0%BC%8B%E0%BD%94%E0%BD%A2%E0%BC%8B%E0%BD%A2%E0%BE%9F%E0%BD%BC%E0%BD%82%E0%BD%A6%E0%BC%8B%E0%BD%94%E0%BC%8B%E0%BD%A2%E0%BE%92%E0%BE%B1%E0%BD%93%E0%BC%8B%E0%BD%82/
- ↑ https://rywikitexts.tsadra.org/index.php/%E0%BD%9A%E0%BD%91%E0%BC%8B%E0%BD%98%E0%BD%A0%E0%BD%B2%E0%BC%8B%E0%BD%98%E0%BD%91%E0%BD%BC%E0%BC%8B%E0%BD%A6%E0%BE%A1%E0%BD%BA%E0%BC%8B%E0%BD%96%E0%BD%91%E0%BD%B4%E0%BD%93%E0%BC%8B%E0%BD%91%E0%BD%84%E0%BC%8B%E0%BD%96%E0%BD%85%E0%BD%A6%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A6%E0%BE%A4%E0%BE%B1%E0%BD%B2%E0%BC%8B%E0%BD%91%E0%BD%BC%E0%BD%93%E0%BC%8B%E0%BD%A2%E0%BD%B2%E0%BD%82%E0%BD%A6%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A6%E0%BE%99%E0%BD%B2%E0%BD%84%E0%BC%8B%E0%BD%94%E0%BD%BC%E0%BC%8B%E0%BD%9E%E0%BD%BA%E0%BD%A6%E0%BC%8B%E0%BD%96%E0%BE%B1%E0%BC%8B%E0%BD%96%E0%BC%8B%E0%BD%96%E0%BD%9E%E0%BD%B4%E0%BD%82%E0%BD%A6%E0%BC%8B%E0%BD%A6%E0%BD%BC%E0%BC%8D
- ↑ https://dharmacloud.tsadra.org/book/%E0%BD%98%E0%BD%84%E0%BD%BC%E0%BD%93%E0%BC%8B%E0%BD%94%E0%BD%A2%E0%BC%8B%E0%BD%A2%E0%BE%9F%E0%BD%BC%E0%BD%82%E0%BD%A6%E0%BC%8B%E0%BD%94%E0%BC%8B%E0%BD%A2%E0%BE%92%E0%BE%B1%E0%BD%93%E0%BC%8B%E0%BD%82/